୨ ଥେସଲନୀକିୟ 2:12 - New Testament in Pengo Parja Language

¹² ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍, ଇମ୍‌ଣି ମାନାୟ୍ ସତ୍‌ତିଙ୍ଗ୍ ପାର୍ତି କିଉନ୍ ଆରେ ପାପ୍ କିଦେଙ୍ଗ୍ ୱାରିୟା ଆନାର୍।

ସତ୍‌ ବଚନ୍‌ ପୁନି ନିୟମ୍‌

¹² ଇନେସ୍‌କି ଇମ୍‌ଣାକାର୍‌ ହାତ୍‌ପାତିଙ୍ଗ୍‌ ପାର୍ତି କିୱାଦାଂ ଅଦାର୍ମିତ କାମାୟ୍‌ତ ସାରି ଆତାର୍ଣ୍ଣା, ହେୱାର୍‌ ୱିଜ଼ାର୍‌ ଡାଣ୍ଡ୍‌ନି ଲକୁ ଆନାର୍‌ ।

୨ ଥେସଲନୀକିୟ 2:12 Iomraidhean Croise

ମାର୍କ 14:11

ହେୱାର୍ ଇଷ୍କାରିତିୟ ଯିହୁଦା ବେଣ୍ ୱେନ୍‌ଞ୍ଜି ୱାରିୟା ଆତାର୍, ଆରେ ଇଷ୍କାରିତିୟ ଯିହୁଦାଙ୍ଗ୍ ଡାବୁଙ୍ଗ୍ ହିଦ୍‌ନାପ୍ ଇଞ୍ଜି ଶପତ୍ କିତାର୍। ତାପାଚେ ହେୱାନ୍ ସୁବିଦା ହୁଡ଼୍‌ଜି ଯୀଶୁଙ୍ଗ୍ ହେୱାନ୍ ଶାତ୍ରୁ କେଇଦ ଆହିକିଦେଙ୍ଗ୍ ହେୱାନ୍ ଉପାୟ୍ ଦାସ୍ତେଙ୍ଗ୍ ଲାଗାତାନ୍।

ମାର୍କ 16:16

ଇନେର୍ ନା ହାର୍ଦିକାବୁର୍‌ତିଙ୍ଗ୍ ପାର୍ତିକିନାର୍ ଆରେ ଡୁବନ୍ ଆନାର୍। ହେୱାନ୍ ରକ୍ଷା ପାୟା ଆନାନ୍, ମାତର୍ ଇନେର୍ ପାର୍ତି କିଉନ୍, ହେୱାନିଙ୍ଗ୍ ଈଶ୍ୱର ଦଣ୍ଡ୍ ହିନାନ୍।

ଜହନ୍‌ 3:36

ଇନେର୍ ମେହିଙ୍ଗ୍ ପାର୍ତିକିନି ମାନାୟ୍ ୱିଜ୍‌ୱି ଜିବୁନ୍ ପାୟା ଆନାନ୍। ମାତର୍ ମେହିଙ୍ଗ୍ ପାର୍ତି କିୱିତି ମାନାୟ୍ ଇନାୱେଡ଼ାଙ୍ଗ୍ ପା ୱିଜ୍‌ୱି ଜିବୁନ୍ ପାୟା ଆଦେଙ୍ଗ୍ ଆଡୁନ୍। ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।”

ରୋମିୟ 1:32

ଇମ୍‌ଣି ମାନାୟ୍ ହେଲେକେ ଯିବୁନ୍ କାଟିକିନାରା। ହେୱାର୍ ପୁଚାର୍‌ନା ଯେ, ଇଲେକେ କାମାୟ୍ କିତିସ୍ ଈଶ୍ୱର ମାଙ୍ଗେଙ୍ଗ୍ ହାଃନି ଦଣ୍ଡ୍ ହିଦ୍‌ନାନ୍, ଆରେ ହେୱାର୍ ପୁଚିସ୍ ପା ହେଲେକେ କାମାୟ୍ କିନାକାରିଙ୍ଗ୍ ଆଦିକ୍ କିଦେଙ୍ଗ୍ ୱାରିୟା ଆନାର୍ ଆରେ ଜେକନିକାରିଙ୍ଗ୍ କିନି କାଜିଙ୍ଗ୍ ଟିଉଲାୟ୍ କିନାର୍‌।

ରୋମିୟ 12:9

ଏପେଙ୍ଗ୍ ଜେକନିକାରିଙ୍ଗ୍ ଲାଡ୍ କିନାଙ୍ଗା ଇଞ୍ଜି ମିଚ୍ ୱେଚ୍‌ମାଟ୍, ମାତର୍ ସତ୍ ଲାଡ୍ କିୟାଟ୍। କରାପ୍ କାମାୟ୍ କାଜିଙ୍ଗ୍ ଗିଣ୍ କିୟାଟ୍ ଆରେ ୱିଜୁଦିନ୍ ହାର୍ କାମାୟ୍ କିନି ମାନାୟାର୍ ହୁଦାଙ୍ଗ୍ ରବେ ମାହାଆଜି ହାର୍ କାମାୟ୍ କିୟାଟ୍।

ରୋମିୟ 2:8

ମାତର୍ ଇମ୍‌ଣାକାର୍ ଜାର୍ ପାଇଦା କାଜିଙ୍ଗ୍ ନେ କାମାୟ୍ କିନାର୍, ଆରେ ସତ୍ କାମାୟ୍ କିଉର୍, ମାତର୍ ଅଦରମ୍‌ କାମାୟ୍ କିଦେଙ୍ଗ୍ ଇଚା କିନାର୍। ଈଶ୍ୱର ହେୱାରିଙ୍ଗ୍ ରିସା ଆନାନ୍ ଆରେ ଦଣ୍ଡ୍ ହିନାନ୍।

୧ କରନ୍ତିୟ 13:6

ମାନାୟାର୍ ଅଦରମ୍‌ କାମାୟ୍ କିତିସ୍ ହେୱାର୍ ୱାରି ଆଉର୍, ମାତର୍ ମାନାୟାର୍ ସତ୍ କାମାୟ୍ କିତିସ୍ ୱାରି ଆନାର୍।

୧ ଥେସଲନୀକିୟ 5:9

ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ଦଣ୍ଡ୍ ହିଦ୍‌ଦେଙ୍ଗ୍ ବାଚି କିଦ୍‌ୱାତାନ୍‌ନା, ମାତର୍ ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ଉଦାର୍ ପାୟା ଆଦେଙ୍ଗ୍ ବାଚି କିତ୍‌ତାନ୍‌ନା

୨ ଥେସଲନୀକିୟ 2:10

ହେୱାନ୍ ୱିଜୁ ପର୍‌କାର୍ କରାପ୍ କାମାୟ୍ କିନାନ୍, ଆରେ ଈଶ୍ୱର ଇନେରିଙ୍ଗ୍ ବିନାସ୍ କିଦେଙ୍ଗ୍ ବାଚି କିତାନ୍‌ନା ହେୱାରିଙ୍ଗ୍ ଟକାୟ୍ କିନାନ୍। ଇନେସ୍‌କି ହେୱାର୍ ଯୀଶୁ ମାପୃ ସତ୍ ବିଷୟତିଙ୍ଗ୍ ମାନି କିୱାତାର୍, ହେଦାଙ୍ଗ୍ କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ରକ୍ଷା କିଉନ୍‌।

୨ ପିତର 2:3

ଇ ମାଷ୍ଟେରାର୍ ବେସି ଲବ୍ରାର୍। ହେୱାର୍ ମିବେତାଙ୍ଗ୍ ଡାବୁଙ୍ଗ୍ ଲାବ୍ ପାୟାଆନି କାଜିଙ୍ଗ୍, ହେୱାର୍ ମାନ୍‌ତାଙ୍ଗ୍ ରସ୍ତି କାତା ୱେଚ୍‌ଚି ମିଙ୍ଗେଙ୍ଗ୍ ଟକାୟ୍ କିଦ୍‌ନାର୍। ଲାଗିଙ୍ଗ୍ ଈଶ୍ୱର ବେସି ବାହ୍‌ରୁ ଆଗେ ହେୱାରିଙ୍ଗ୍ ଦଣ୍ଡ୍ ହିନାନ୍ ଇଞ୍ଜି ଇଚା କିତାନ୍‌ନା, ଆରେ ହେୱାନ୍ ଇଦାଙ୍ଗ୍ କିନି କାଜିଙ୍ଗ୍ ରେଡି ଆତାନ୍‌ନା। ହେୱାନ୍ ହେୱାରିଙ୍ଗ୍ ହାତ୍‌ପା ନଷ୍ଟ କିନାନ୍।

୩ ଯୋହନ 1:11

ଏ ନା ଲାଡ୍‌ନି ସାଙ୍ଗ କାଦେର୍, କରାପ୍ ମାନାୟାର୍ କାମାୟ୍‌ତିଙ୍ଗ୍ ଏପେଙ୍ଗ୍ ହିକାଆମାଟ୍, ମାତର୍ ହାର୍ଦି କାମାୟ୍ କିନାକାର୍ କାମାୟ୍ ହିକାଆଡ। ଇମ୍‌ଣି ମାନାୟ୍ ହାର୍ କାମାୟ୍ କିନାନ୍ ହେୱାନ୍ ଈଶ୍ୱର ମେହି ଇଞ୍ଜି ପୁନ୍ୟା ଆନାତ୍, ଆରେ ଇମ୍‌ଣି ମାନାୟ୍ କରାପ୍ କାମାୟ୍ କିନାନ୍ ତା କରାପ୍ କାମାୟ୍‌ତିଙ୍ଗ୍ ହୁଡ଼୍‌ଜି ପୁନିୟା ଆନାତ୍‌ ଯେ, ହେୱାନ୍ ଈଶ୍ୱରତିଙ୍ଗ୍ ପୁନ୍‌ୱାତାନ୍‌ନା।