୨ ଥେସଲନୀକିୟ 1:8 - New Testament in Pengo Parja Language

⁸ ଇମ୍‌ଣି ମାନାୟାର୍ ଈଶ୍ୱରତିଙ୍ଗ୍ ପୁନ୍‌ୱାତାର୍‌ନା, ଆରେ ମା ମାପୃ ଯୀଶୁତି ହାର୍ଦିକାବୁର୍ ମାନି କିୱାତାର୍‌ନା, ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।

ସତ୍‌ ବଚନ୍‌ ପୁନି ନିୟମ୍‌

⁸ ଇମ୍‌ଣାକାର୍‌ ଇସ୍ୱର୍‌ତିଂ ପୁନୁର୍‌ ଆରି ମା ମାପ୍ରୁ ଜିସୁତି ନେକ୍ରିକାବୁର୍‌ ମାନିକିଉର୍‌, ହେୱାରିଂ ହେୱାନ୍‌ ମାପ୍ରୁ ଜିସୁ ଜାର୍‌ ସାକ୍ତିକାଟାକାନ୍‌ ଦୁତର୍‌ ହୁଦାଂ ନାଣି ଲାହାଂ ସାର୍ଗେତାଂ ଚଞ୍ଜ୍ୟା ଆଦ୍‌ନାନ୍‌; ହେ ଏଚେକାଡ଼୍‌ଦ ଡାଣ୍ଡ୍‌ ହିନାନ୍‌,

୨ ଥେସଲନୀକିୟ 1:8 Iomraidhean Croise

ମାତିଉ 25:41

ତାପାଚେ ରାଜା ତା ଡେବା ବାଗାୟ୍ ମାନି ମାନାୟାରିଙ୍ଗ୍ ୱେଚ୍‌ନାନ୍, ‘ନାବେତାଙ୍ଗ୍ ହାଲାଟ୍। ଈଶ୍ୱର ମି କାଜିଙ୍ଗ୍ ଦଣ୍ଡ୍ ବାଚି କିତାନ୍‌ନା। ଏପେଙ୍ଗ୍ ୱିଜୁଦିନ୍ କାଚାଆନି ନାଣିତାକେ ହାନାଦେର୍। ଇନେସ୍‌କି ଶୟତାନ ଆରେ ତା ଦୁତ୍‌କୁକାଜିଙ୍ଗ୍ ରହିଆତାତ୍‌ନା।’

ମାତିଉ 25:46

ତାପାଚେ ଇ ମାନାୟାର୍ ହସି ହାନାର୍। ଅଦରମ୍‌ ମାନାୟାରିଙ୍ଗ୍ ୱିଜ୍‌ୱି ଦଣ୍ଡ୍ ପାୟା ଆଦେଙ୍ଗ୍ ଆନାତ୍। ମାତର୍ ହାର୍ଦି ମାନାୟାର୍ ୱିଜ୍‌ୱି ଜିବୁନ୍ ପାୟାଆନାର୍‌।”

ଜହନ୍‌ 3:19

ମାନାୟାର୍ ଈଶ୍ୱର ମେହିଙ୍ଗ୍ ପାର୍ତିକିୱି କାଜିଙ୍ଗ୍ ବିଚାର୍ ଆନାତ୍। ହେ ଅଜଡ଼୍ ଜଗତ୍‌ତାକେ ୱାତାତ୍‌ନା, ମାତର୍ ମାନାୟାର୍ ହେ ଅଜଡ଼୍‌ତିଙ୍ଗ୍ ହୁଡ଼୍‌ୱାତାର୍, ହେୱାର୍ ମାଜ୍‌ଗାତିଙ୍ଗ୍ ଡେକ୍‌ତାର୍, ଇନେସ୍‌କି ହେୱାର୍ କରାପ୍ କାମାୟ୍‌ତାକେ ମାଚାର୍।

ଜହନ୍‌ 8:19

ହେୱାର୍ ୱେନ୍‌ବାତାର୍, “ମିଞ୍ଜ୍‌ବା ଇମେନ୍?” ଯୀଶୁ ୱେଚ୍‌ଚାନ୍, “ଏପେଙ୍ଗ୍ ନାଙ୍ଗେଙ୍ଗ୍ ପୁଞ୍ଜ୍‌ୱାତାଦେର୍‌ନା ଆରେ ନା ଆବା ଈଶ୍ୱରତିଙ୍ଗ୍ ପା ପୁନ୍‌ୱାତାଦେର୍‌ନା। ଯଦି ଏପେଙ୍ଗ୍ ନାଙ୍ଗେଙ୍ଗ୍ ପୁନ୍‌ଞ୍ଚାଦେର୍‌ମା ଲାଗିଙ୍ଗ୍ ନା ଆବା ଈଶ୍ୱରତିଙ୍ଗ୍ ପା ପୁଚାଦେର୍‌ମା।”

ପକ୍ୟାତାକା 6:7

ଲାଗିଙ୍ଗ୍ ବାଚିକିତି ଚେଲାର୍ ଈଶ୍ୱର କାତା ଶୁଣାୟ୍ କିଦେଙ୍ଗ୍‌ ବୁଲାଆଦେଙ୍ଗ୍ ଲାଗାତାର୍, ଆରେ ଯିରୁଶାଲାମ ସହର୍‌ତାକେ ଯୀଶୁତାକେ ପାର୍ତିକିନି ଚେଲାହିର୍ ଆଦିକ୍ ବାଡା ଆଦେଙ୍ଗ୍ ଲାଗାତାର୍। ହେୱାର୍ ବିତ୍ରେତାଙ୍ଗ୍ ଯିହୁଦି ପୁଜାରିର୍ ପା ବେସିହେନି ଯୀଶୁ ହାର୍ଦିକାବୁର୍‌ତିଙ୍ଗ୍ ପାର୍ତି କିତାର୍।

ରୋମିୟ 1:28

ଈଶ୍ୱରତି ସତ୍ ଜ୍ଞାନ୍‌ତିଙ୍ଗ୍ ମାନାୟାର୍ ମୁକ୍ଯ ଇଞ୍ଜି ବାବିକିୱାତାର୍, ଲାଗିଙ୍ଗ୍ ଈଶ୍ୱର ହେୱାରିଙ୍ଗ୍ ହେଲେକେ ବେସି ପାପ୍ କାମାୟ୍ କିନି କାଜିଙ୍ଗ୍ ହେୱାର୍ କରାପ୍ ଇଚା ଅନୁସାରେ ମାନ୍ ହିତାନ୍। ଆରେ ହେୱାର୍ ୱିଜୁ କିୱି କାମାୟ୍ କିତାର୍।

ରୋମିୟ 1:5

ଆନେଙ୍ଗ୍ ଖ୍ରୀଷ୍ଟ ଯୀଶୁଙ୍ଗ୍ ପାୟାଆତିଲେ ଈଶ୍ୱର ନାଙ୍ଗେଙ୍ଗ୍ ଦୟାକିତ୍‌ତାନ୍, ଆରେ ଈଶ୍ୱର ଇମ୍‌ଣାକା ୱିଜୁ ବିନ୍‌ଜାତିନି ମାନାୟାର୍ କାଜିଙ୍ଗ୍ କିତାନ୍‌ନା। ହେଦାଙ୍ଗ୍ ୱେଚ୍‌ନି କାଜିଙ୍ଗ୍ ଈଶ୍ୱର ନାଙ୍ଗେଙ୍ଗ୍ ଦୟାକିଜି ବାଚିକିତି ଚେଲାନି ଅଦିକାର୍ ହିତ୍‌ତାନ୍, ଲାଗିଙ୍ଗ୍ ହେୱାର୍ ପାର୍ତିକିନାର୍ ଆରେ ତା କାତା ୱିଜୁ ମାନିକିନାର୍, ଆରେ ପା ହେୱାନିଙ୍ଗ୍ ଗୌରବ କିନାର୍।

ରୋମିୟ 10:16

ମାତର୍ ୱିଜାର୍ ମାନାୟ୍ ଈଶ୍ୱରତି ହାର୍ଦିକାବୁର୍‌ତିଙ୍ଗ୍ ଆହୁର୍, ଇନେସ୍‌କି ଯିଶାୟ ଭବିଷ୍ଯତବକ୍ତା ତା ଦରମ୍ ସାସ୍ତର୍‌ତାକେ ଲେକିକିତାନ୍‌ନା, “ଏ ମାପୃ ଇନେର୍ ପା ଆପେଙ୍ଗ୍ ଶୁଣାଇକିତି ହାର୍ଦିକାବୁର୍‌ତିଙ୍ଗ୍ ପାର୍ତି କିୱାତାର୍।

ରୋମିୟ 15:18

ନା କାଜିଙ୍ଗ୍ ଯୀଶୁ ଖ୍ରୀଷ୍ଟ ଇମ୍‌ଣି ୱିଜୁ କାମାୟ୍ କିତାନ୍‌ନା, ହେଦାଙ୍ଗ୍ ଆନେଙ୍ଗ୍ ସାସ୍ ଆଜି ଇଞ୍ଜେଙ୍ଗ୍ ଆଡ୍‌ନାଙ୍ଗା। ଆନେଙ୍ଗ୍ ବିନ୍‌ଜାତିନି ମାନାୟାରିଙ୍ଗ୍ ଈଶ୍ୱର କାତା ମାନି କିଦେଙ୍ଗ୍ ସାଇଜ କିଦେଙ୍ଗ୍ ଆଡ୍‌ନାଙ୍ଗା। ହେୱାର୍ ନା କାତା ୱେଚାର୍ ଆରେ ନା କାମାୟ୍ ହୁଡ଼୍‌ଜି ଖ୍ରୀଷ୍ଟଙ୍ଗ୍ ପାର୍ତି କିତାର୍।

ରୋମିୟ 16:26

ମାତର୍ ନଙ୍ଗୟ୍ ୱିଜୁ ବିନ୍‌ଜାତିନି ମାନାୟାର୍ ପୁନାର୍, ଆରେ ଈଶ୍ୱରତିଙ୍ଗ୍ ପାର୍ତି କିଜି ମାନିକିନାର୍। ହେଦାଙ୍ଗ୍ କାଜିଙ୍ଗ୍ ଭବିଷ୍ଯତବକ୍ତାର୍, ୱିଜୁଦିନ୍ ଜିବୁନ୍ ମାନି ଈଶ୍ୱର ସାସ୍ତର୍‌ତାକେ ଲେକାଆଜି ମାଚି ୱିଜୁ ବିଷୟ ପୁନି କିତାତ୍।

ରୋମିୟ 6:16

ଆସେଙ୍ଗ୍ ପୁଚାସ୍‌ନା ଯେ, ଏଚେପାଦ୍ନା ଆସେଙ୍ଗ୍ ଇନେର୍ ତାରେନ୍ ଯଦି କାମାୟ୍ କିନାସ୍ ଲାଗିଙ୍ଗ୍ ହେୱାନ୍ ମା ମାଲିକ୍ ଆନାନ୍, ଆରେ ହେୱାନ୍ ଇମ୍‌ଣାକା କିୟାଟ୍ ଇଞ୍ଜ୍‌ନାନ୍ ହେଦାଙ୍ଗ୍ କିନାସ୍। ଏପେଙ୍ଗ୍ ପାପ୍‌ନି ତାରେନ୍ ମାଚିସ୍ ଇମ୍‌ଣାକା କି ମିଙ୍ଗେଙ୍ଗ୍ ମାରାଣ୍ ତାହି ହିଦ୍‌ନାତ୍, ଆୱିତିସ୍ ଏପେଙ୍ଗ୍ ଈଶ୍ୱର ଆଦେସ୍‌ତିଙ୍ଗ୍ ମାନି କିଦେଙ୍ଗ୍ ଇଚା କିନାଦେର୍, ଇମ୍‌ଣାକା ମିଙ୍ଗେଙ୍ଗ୍ ଦରମ୍ ଜିବୁନ୍ କାଟି କିଦେଙ୍ଗ୍ ସାଇଜ କିଦ୍‌ନାତ୍।

୧ କରନ୍ତିୟ 15:34

ଏପେଙ୍ଗ୍ ଟିକ୍ ବିଷୟତିଙ୍ଗ୍ ହାର୍‌ଦାଙ୍ଗ୍ ଚିନ୍ତା କିୟାଟ୍, ଆରେ ପାପ୍ କାମାୟ୍ କିନାକା ବନ୍ଦ୍ କିୟାଟ୍। ଇନେସ୍‌କି ମି ବିତ୍ରେତାଙ୍ଗ୍ କେତ୍‌ଜାଣ୍ ମାନାର୍ ହେୱାର୍ ଈଶ୍ୱରତିଙ୍ଗ୍ ମୁଡ଼୍‌କେ ପୁନ୍‌ୱାତାର୍‌ନା ଆରେ ହେୱାରିଙ୍ଗ୍ ଲାଜୁ କିଦେଙ୍ଗ୍ ଇ ୱିଜୁ ବିଷୟରେ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା।

୨ କରନ୍ତିୟ 10:5

ଆସେଙ୍ଗ୍ ହେ ଅସ୍ତର୍ ଶସ୍ତର୍‌ତିଙ୍ଗ୍ ବ୍ୟବହାର୍ କିଜି ଈଶ୍ୱରତିଙ୍ଗ୍ ପୁନ୍‌ୱି ବାଟ୍‌ପାଣିୟାର୍‌ ଜିକାଟାଣା ଆନି ବିଷୟତିଙ୍ଗ୍ ଆପେଙ୍ଗ୍ ନଷ୍ଟ କିନାପା। ଆପେଙ୍ଗ୍ ହେ ଅସ୍ତର୍ ଶସ୍ତର୍‌ତିଙ୍ଗ୍ ବ୍ୟବହାର୍ କିଜି ହେୱାର୍ ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାପା, ଆରେ ଆପେଙ୍ଗ୍ ଖ୍ରୀଷ୍ଟଙ୍ଗ୍ ମାନି କିଦେଙ୍ଗ୍ ହିକ୍ଷା ହିନାପା।

ଗାଲାତିୟ 3:1

ଗାଲାତିୟ ସହର୍‌ତାକେ ମାନି ପାର୍ତିକିନି ମାନାୟ୍ କାଦେର୍ ଏପେଙ୍ଗ୍ ବକୁୱା କାଦେର୍ କି? ଯୀଶୁ ଖ୍ରୀଷ୍ଟ ଇନାକିଦେଙ୍ଗ୍ କୃଶକାଟ୍‌ତାକେ ହାଃଜି ମାଚାନ୍ ହେଦାଙ୍ଗ୍ ମିଙ୍ଗେଙ୍ଗ୍ କିଲେର୍ କିଜି ବୁଜାଇକିଜି ମାନ୍‌ଞ୍ଚାଙ୍ଗ୍। ଲାଗିଙ୍ଗ୍ ଇନେର୍ କାତା ଆସ୍ତି ଏପେଙ୍ଗ୍ ବୁଲ୍‌କା ଆତାଦେର୍‌ନା?

ଗାଲାତିୟ 4:8

ଏପେଙ୍ଗ୍ ଈଶ୍ୱରତିଙ୍ଗ୍ ପୁନ୍‌ୱାଦାଙ୍ଗ୍, ଇମ୍‌ଣାକାର୍ ସତ୍‌ରେ ଈଶ୍ୱର ହିଲାତାର୍‌, ହେୱାର୍ ଦାସ୍ ଏପେଙ୍ଗ୍ ଆଜି ମାଚାଦେର୍।

୧ ଥେସଲନୀକିୟ 4:5

ୱିଜାକାଦେର୍ ନିଜେ-ନିଜେତିଙ୍ଗ୍ ପବିତ୍ର କିୟାଟ୍। ଲାଗିଙ୍ଗ୍ ମାନାୟାର୍ ମିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାର୍, ଇଲେକେ ହାର୍ କାମାୟ୍ କିଜି ମାନାଟ୍।

ଏବ୍ରି 10:27

ମାତର୍ ଈଶ୍ୱର ବିଚାର୍‌କିନି ପାଣ୍ଡ୍ରୁତିଙ୍ଗ୍ କାନାକା ଆରେ ତା ଶତ୍ରୁରିଙ୍ଗ୍ ନଷ୍ଟ କିନି ନାଣିତାକେ ଦଣ୍ଡ୍ ପାୟାଆନାକା ନେ ମା କାଜିଙ୍ଗ୍ ବାକି ମାନାତ୍।

ଏବ୍ରି 10:30

ଲାଗିଙ୍ଗ୍ ହେୱାର୍ ବେସି ଦଣ୍ଡ୍ ପାୟାଆନାର୍‌, ଇନେସ୍‌କି ଈଶ୍ୱର ଇ ଇମ୍‌ଣି କାତା ୱେଚ୍‌ଚାତାନ୍‌ନା, ହେୱାନିଙ୍ଗ୍ ଆସେଙ୍ଗ୍ ପୁନାସ୍‌ନା, “ଆନେଙ୍ଗ୍ ହେୱାରିଙ୍ଗ୍ ବଦ୍‌ଲା ଅନାଙ୍ଗ୍। ଆନେଙ୍ଗ୍ ହେୱାରିଙ୍ଗ୍ ଦଣ୍ଡ୍ ହିନାଙ୍ଗ୍।” ହେୱାନ୍ ଆରେ ୱେଚ୍‌ନାନ୍, “ମାପୃ ଜାର୍ ମାନାୟାରିଙ୍ଗ୍ ବିଚାର୍ କିନାନ୍।”

ଏବ୍ରି 11:8

ପାର୍ତି କାଜିଙ୍ଗ୍ ଅବ୍ରାହାମ ଈଶ୍ୱର କାତାତିଙ୍ଗ୍ ମାନି କିତାନ୍, ଏଚେପାଦ୍ନା ଈଶ୍ୱର ହେୱାନିଙ୍ଗ୍ ତା ଇଲ୍ ପିସ୍ତି ଜେକନି ଦେସ୍‌ତାକେ ହାଞ୍ଜେଙ୍ଗ୍ କୁକ୍‌ତାନ୍। ଅବ୍ରାହାମତିଙ୍ଗ୍ ଈଶ୍ୱର ହେ ଦେସ୍ ଆଦିକାରି କିନି କାଜିଙ୍ଗ୍ ହିଦେଙ୍ଗ୍ ହାଲ୍‌ଜି ମାଚାନ୍। ମାତର୍ ହେୱାନ୍ ଇଦାଙ୍ଗ୍ ପୁନ୍‌ୱାଦାଙ୍ଗ୍ ମାଚାନ୍, ଆତିସ୍‌ପା ହେୱାନ୍ ହସିହାଚାନ୍।

ଏବ୍ରି 12:29

ଇନେସ୍‌କି ମା ଈଶ୍ୱର ନଷ୍ଟ କିଦ୍‌ନି ନାଣି ଲେକେ।

ଏବ୍ରି 2:3

ଲାଗିଙ୍ଗ୍ ମାପୃ ଯୀଶୁ ନିଜେ ଶୁଣାୟ୍ କିଜି ୱେଚ୍‌ଚାନ୍, ହାର୍ ଉଦାର୍ କିନି କାତାତିଙ୍ଗ୍ ମାନିକିୱିତିସ୍, ଆସେଙ୍ଗ୍ ଇନେସ୍ ରକ୍ଷା ପାୟାଆନାସ୍ ଇଞ୍ଜି ବାବିକିନାସା? ମାପୃ ଯୀଶୁ ୱେଚ୍‌ନିହିଙ୍ଗ୍ ପାର୍ତୁମ୍ ୱେଚି ଚେଲାହିର୍, ଇଦାଙ୍ଗ୍ ସତ୍ ଇଞ୍ଜି ମାବେ ଚଚ୍‌ଚାନ୍‌ନା।

ଏବ୍ରି 5:9

ଇଦାଙ୍ଗ୍ କାଜିଙ୍ଗ୍ ଈଶ୍ୱର ହେୱାନିଙ୍ଗ୍ ପୁରାପୁରି ଟିକ୍ ପ୍ରଦାନ୍ ମୁଡ଼୍‌ଦି ପୁଜାରି ଇଞ୍ଜି ଯଗ୍ୟ କିତାନ୍, ଆରେ ହେୱାନ୍‌ତାକେ ପାର୍ତିକିନି ମାନାୟାରିଙ୍ଗ୍ ହେୱାନ୍ ଯୁଗ୍-ଯୁଗ୍ କାଜିଙ୍ଗ୍ ଉଦାର୍ କିନାନ୍।

୧ ପିତର 1:2

ଆବା ଈଶ୍ୱର ମିଙ୍ଗେଙ୍ଗ୍ ପୁନ୍‌ଞ୍ଜି ମାନ୍‌ଞ୍ଚାନ୍ ଆରେ ବେସି ଆଗେତାଙ୍ଗ୍ ବାଚି କିତ୍‌ତାନ୍‌ନା, ଆରେ ତା ପବିତ୍ର ଆତ୍ମା ମିଙ୍ଗେଙ୍ଗ୍ ପବିତ୍ର କିତ୍‌ତାତ୍‌ନା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ତା ଆଦେସ୍‌ତିଙ୍ଗ୍ ମାନି କିତାଦେର୍, ଆରେ ହେୱାନ୍ ମିଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ ନେତେର୍‌ତାଙ୍ଗ୍ ନୁଜ୍‌ଦାନ୍‌ନା। ଈଶ୍ୱର ମିଙ୍ଗେଙ୍ଗ୍ ବେସି ଆରେ ବେସି ଦୟା ଆରେ ଶାନ୍ତି ହିଦେନ୍।

୧ ପିତର 3:6

ଇନେସ୍‌ଲେକେ ସାରା ତା ଡକ୍ରାହି ଅବ୍ରାହାମ କାତାତିଙ୍ଗ୍ ମାନିକିଜି ମାଚାତ୍, ଆରେ ତାଙ୍ଗେଙ୍ଗ୍ ମାଲିକ୍ ଇଞ୍ଜି ୱେଚ୍‌ଚି ମାଚାତ୍। ଆରେ ଏପେଙ୍ଗ୍ ଯଦି ଜେକନିକାର୍ କାଜିଙ୍ଗ୍ ସାଇଜ କିନାଦେର୍ ଆରେ ଇନେର୍ ପାଣ୍ଡ୍ରୁ କିଦ୍‌ଦେଙ୍ଗ୍ ଆଡ଼୍‌ଦୁର୍, ଲାଗିଙ୍ଗ୍ ଏପେଙ୍ଗ୍ ସାରା ଗାଡ଼୍‌ହିକ୍‌ଲେକେ ଆନାଦେର୍।

୧ ପିତର 4:17

ଇନେସ୍‌କି ଖ୍ରୀଷ୍ଟ ବିଚାର୍‌କିନି ଦିନ୍ ଲାଗେ ୱାତାତେ, ଆରେ ହେୱାନ୍ ଖ୍ରୀଷ୍ଟାନାରିଙ୍ଗ୍ ଆଗେ ବିଚାର୍ କିନାନ୍। ଲାଗିଙ୍ଗ୍ ଏପେଙ୍ଗ୍ ବାବି କିୟାଟ୍ ଈଶ୍ୱର ହାର୍ଦିକାବୁର୍‌ତିଙ୍ଗ୍ ପାର୍ତି କିୱାତାକାରିଙ୍ଗ୍ କେତେକ୍ ଦଣ୍ଡ୍ ହିଉନ୍।

୨ ପିତର 3:7

ମାତର୍ ଇ ସରଗ୍ ଆରେ ପୁର୍ତିତିଙ୍ଗ୍ ନାଣିତାଙ୍ଗ୍ ନଷ୍ଟ କିଦେଙ୍ଗ୍, ହେ କାତା ଈଶ୍ୱର ଇଡ଼୍‌ତାନ୍‌ନା। ହେୱାନ୍ ବିଚାର୍‌କିନି ଦିନ୍ କାଜିଙ୍ଗ୍ ଆରେ ଇମ୍‌ଣାକାର୍ ହେୱାନିଙ୍ଗ୍ ମାନିକିଉର୍ ହେ ମାନାୟାରିଙ୍ଗ୍ ନଷ୍ଟ କିଦେଙ୍ଗ୍, ହେୱାନ୍ ହେୱାରିଙ୍ଗ୍ ଇଡ଼୍‌ତାନ୍‌ନା।

ଜିହୁଦା 1:7

ହେଲେକେ ସଦୋମ ଆରେ ଗମୋରା ସହର୍ ଆରେ ହେ ଲାଗାୟ୍‌ନି ସହର୍‌କୁ ବିଷୟରେ ବାବିକିଜି ହୁଡ଼ାଟ୍, ହେ ସହର୍‌ନି ମାନାୟାର୍ ଦାରି ଆରେ ଅପ୍‌ମାନ୍ ଲେକେ ବେସି କରାପ୍ କାମାୟ୍ କିଜି ମାଚାର୍। ଲାଗିଙ୍ଗ୍ ଈଶ୍ୱର ହେ ମାନାୟାରିଙ୍ଗ୍ ନାଣି ହୁଦାଙ୍ଗ୍ ନଷ୍ଟ କିତାନ୍। କରାପ୍ ମାନାୟାର୍ କାଜିଙ୍ଗ୍ ଇଦାଙ୍ଗ୍ ରଞ୍ଜାଙ୍ଗ୍ ଜାଗ୍ରତ୍‌ନି ବେଣ୍ ଯେ ହେୱାର୍ ପା ୱିଜୁଦିନ୍ କାଚାଆନି ନାଣିତାକେ ଦଣ୍ଡ୍ ପାୟାଆନାର୍‌।

ହତ୍‌ତି 20:10

ଲାଗିଙ୍ଗ୍ ଶୟତାନ ଇନେର୍‌କି ମାନାୟାରିଙ୍ଗ୍ ଟକାୟ୍ କିଜି ମାଚାତ୍, ତାଙ୍ଗେଙ୍ଗ୍ ଗନ୍ଦକ ନାଣି ଆହ୍‌ନି କୁଣ୍ଡ୍‌ତାକେ ତୁସିହିନାର୍। ଇମେତାକେ ପାର୍ତୁମ୍ ପଶୁତିଙ୍ଗ୍, ଆରେ ଦୁଇ ନମ୍ବର୍ ପଶୁତିଙ୍ଗ୍ ଇନେର୍‌କି ମିଚ୍ ୱେଚ୍‌ନି ଭବିଷ୍ଯତବକ୍ତାଙ୍ଗ୍ ତୁସିହିନାର୍। ହେବେ ହେୱାର୍ ୱେଡ଼ା ନାଣା ୱିଜୁଦିନ୍ ଦୁଃକ୍ କଷ୍ଟ ପାୟା ଆନିକ୍।

ହତ୍‌ତି 21:8

ମାତର୍ ଇମ୍‌ଣାକାର୍ ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିତାର୍‌ନା, ମାନାୟାରିଙ୍ଗ୍ ଟକାୟ୍ କିନାରା। ଈଶ୍ୱରତିଙ୍ଗ୍ ପୁନ୍‌ୱିତି ମାନାୟାର୍, କରାପ୍ କାମାୟ୍ କିନାର୍, ମାନାୟାରିଙ୍ଗ୍ ମାର୍ନେ ଅହ୍‌ନାର୍। ଦାରି କାମାୟ୍ କିନାର୍, ଯାଦୁ ମନ୍ତର୍ କିନାରା, ମୁର୍ତି ପୁଜା କିନାରା ଆରେ ମିଚ୍ ୱେଚ୍‌ନାରା। ହେୱାରିଙ୍ଗ୍ ଆନେଙ୍ଗ୍ ଗନ୍ଦକ ନାଣି ଆହ୍‌ନି କୁଣ୍ଡ୍‌ତାକେ ତୁସି ହିନାଙ୍ଗ୍ ଇଦାଙ୍ଗ୍ ନେ ଦୁଇ ନମ୍ବର୍ ମାରାଣ୍।”

ହତ୍‌ତି 6:10

ହେୱାର୍ ଗାଜାକାଟ୍ କିଜି ଈଶ୍ୱରତିଙ୍ଗ୍ ୱେଚ୍‌ଚାର୍, “ହେ ପବିତ୍ର ଆରେ ସତ୍ ମାପୃ ଆରେ ୱିଜୁ ଶାକ୍ତିମାନି ଈଶ୍ୱର, ଏନେଙ୍ଗ୍ ଇନାକିଦେଙ୍ଗ୍ ପୁର୍ତିତାକେ ମାନି କରାପ୍ ମାନାୟାରିଙ୍ଗ୍ ଦଣ୍ଡ୍ ହିଦେଙ୍ଗ୍ ବେସି ଲେଟ୍ କିନାୟା? ଆପେଙ୍ଗ୍ ନିଙ୍ଗେଙ୍ଗ୍ ଗୁୱାରି କିଦ୍‌ନାପା ମାଙ୍ଗେଙ୍ଗ୍ ମାର୍ନେ ଅସ୍ତାତାକାରିଙ୍ଗ୍ ଏନେଙ୍ଗ୍ ମାର୍ନେ ଅହା।”