୨ ଥେସଲନୀକିୟ 1:4 - New Testament in Pengo Parja Language

⁴ ଏପେଙ୍ଗ୍ ଦୁଃକ୍ କଷ୍ଟ ପାୟାଆଜି ମାଚିସ୍ ପା, ସାସ୍ ଆଜି ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିନାଦେରା। ହେଦାଙ୍ଗ୍ କାଜିଙ୍ଗ୍ ଈଶ୍ୱରତିଙ୍ଗ୍ ପାର୍ତିକିନି ମଣ୍ଡ୍‌ଲିନି ମାନାୟାର୍ ଆଗେ ମି ବିଷୟରେ ଆପେଙ୍ଗ୍ ସାର୍‌ଦା ଆଜି ୱେଚ୍‌ନାପା।

ସତ୍‌ ବଚନ୍‌ ପୁନି ନିୟମ୍‌

⁴ ଏଲେଙ୍ଗ୍‌କି ଏପେଙ୍ଗ୍‌ ଇମ୍‌ଣି ୱିଜ଼ୁ ଇଣ୍‌ ଆରି ଦୁକ୍‍ବଗ୍‍ କିନାଦେରା, ହେବେ ପା ମିଂ ହୁଦାର୍‌ ଆରି ପାର୍ତି କାଜିଂ ଆସେଙ୍ଗ୍‌ ନିଜେ ଇସ୍ୱର୍‌ତି ମଣ୍ଡ୍‌ଲି ତାକେ ମି ବିସ୍ରେ ଗରବ୍ କିଜ଼ି ମାନାପ୍‍ ।

୨ ଥେସଲନୀକିୟ 1:4 Iomraidhean Croise

ରୋମିୟ 12:12

ଯଦି ଏପେଙ୍ଗ୍ ଈଶ୍ୱରତିଙ୍ଗ୍ ଆହା କିନାଦେରା ଲାଗିଙ୍ଗ୍ ୱାରିୟା ଆଡ, ଇନେସ୍‌କି ଈଶ୍ୱର ମି କାଜିଙ୍ଗ୍ ହାର୍ ଉପାୟ୍ କିନାନା। ଏପେଙ୍ଗ୍ ଦୁଃକ୍ କଷ୍ଟ କାଜିଙ୍ଗ୍ ସାସ୍ ଆଜି ମାନାଟ୍, ଆରେ ଏପେଙ୍ଗ୍ ୱିଜୁଦିନ୍ ଈଶ୍ୱରତାକେ ପାର୍ତାନା କିଜି ମାନାଟ୍।

ରୋମିୟ 2:7

ମାତର୍ ଇମ୍‌ଣାକାର୍ ସାସ୍ ଆଜି ହାର୍ କାମାୟ୍ କିନାର୍, ଗୌରବ, ସନ୍‌ମାନ୍ ଆରେ ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ ୱିଜୁଦିନ୍ ଦାହ୍‌ନାର୍, ଈଶ୍ୱର ହେୱାରିଙ୍ଗ୍ ୱିଜ୍‌ୱି ଜିବୁନ୍ ହିନାତ୍।

୧ କରନ୍ତିୟ 7:17

ମାପୃ ମିଙ୍ଗେଙ୍ଗ୍ ଇମ୍‌ଣି ଅବସ୍ତାତାକେ ଇଡ଼୍‌ଜି ମାନ୍‌ଞ୍ଚିସ୍ ପା ଏପେଙ୍ଗ୍ ହେ ଅବସ୍ତାତାକେ ମାନାଟ୍। ଈଶ୍ୱର ମିଙ୍ଗେଙ୍ଗ୍ ଆଗେ ଇମ୍‌ଣି ଅବସ୍ତାତାକେ ହିର୍‌ବି ମାନ୍‌ଞ୍ଚାନ୍ ହେ ଅବସ୍ତାତାଙ୍ଗ୍ ଜିବୁନ୍ କାଟିକିଜି ମାନାଟ୍। ଆନେଙ୍ଗ୍ ଇ ନିୟମ୍‌ୱିଜୁ ମଣ୍ଡ୍‌ଲିକାଙ୍ଗ୍ ଆୟେତ୍ ଇଞ୍ଜି ଇଚା କିନାଙ୍ଗା।

୨ କରନ୍ତିୟ 12:10

ଆନେଙ୍ଗ୍ ପୁଚାଙ୍ଗ୍‌ନା ଯେ, ଇ ୱିଜୁ ଖ୍ରୀଷ୍ଟ କାଜିଙ୍ଗ୍ ଆନାତା, ଆନେଙ୍ଗ୍ ଦୁର୍‌ବଲ୍ ମାଚିସ୍ କି, ମାନାୟାର୍ ଇନସ୍ତା କିତ୍‌ତିସ୍ କି, ନାଙ୍ଗେଙ୍ଗ୍ କଷ୍ଟଆଜି ମାଚିସ୍ କି, ମାନାୟାର୍ ଦୁଃକ୍ କଷ୍ଟ ହିଜି ମାନ୍‌ଞ୍ଚିସ୍ କି ଆରେ ନାଙ୍ଗେଙ୍ଗ୍ ବିପତ୍ ୱାତିସ୍ ପା ଆନେଙ୍ଗ୍ ୱାରିତାଙ୍ଗ୍ ମାନାଙ୍ଗ୍। ଇନେସ୍‌କି ଏଚେପାଦ୍ନା ଆନେଙ୍ଗ୍ ଦୁର୍‌ବଲ୍ ମାନାଙ୍ଗା ହେପାଦ୍ନା ଆନେଙ୍ଗ୍ ଶାକ୍ତି ଆନାଙ୍ଗା।

୨ କରନ୍ତିୟ 7:14

ଆନେଙ୍ଗ୍ ତାଙ୍ଗେଙ୍ଗ୍ ୱେଚ୍‌ଚି ମାଚାଙ୍ଗ୍ ଯେ, ମି କାଜିଙ୍ଗ୍ ଆନେଙ୍ଗ୍ କେତେକ୍ ବାଟ୍‌ପାଣ୍ ଆନାଙ୍ଗା, ଆରେ ନାଙ୍ଗେଙ୍ଗ୍ ଏପେଙ୍ଗ୍ ଲାଜ୍ କିଦ୍‌ୱାତାଦେର୍‌ନା। ଆନେଙ୍ଗ୍ ମିଙ୍ଗେଙ୍ଗ୍ ୱିଜୁଦିନ୍ ସତ୍ ୱେଚ୍‌ଚାତାଙ୍ଗ୍‌ନା, ଆରେ ମି କାଜିଙ୍ଗ୍ ତିତସ ଆଗେ ଆନେଙ୍ଗ୍ ବାଟ୍‌ପାଣ୍ ଆଜି ୱେଚ୍‌ଚି କାତା ସତ୍ ଇଞ୍ଜି ପୁନ୍ୟା ଆତାତ୍।

୨ କରନ୍ତିୟ 7:4

ଆନେଙ୍ଗ୍ ମି କାଜିଙ୍ଗ୍ ବେସି ପାର୍ତି କିନାଙ୍ଗା, ଆରେ ମି କାଜିଙ୍ଗ୍ ଆନେଙ୍ଗ୍ ବେସି ବାଟ୍‌ପାଣ୍ ଆନାଙ୍ଗା। ଏପେଙ୍ଗ୍ ନାଙ୍ଗେଙ୍ଗ୍ ବେସି ସାସ୍ ହିତ୍‌ତାଦେର୍, ଆରେ ଆସେଙ୍ଗ୍ ବେସି ଦୁଃକ୍ କଷ୍ଟ ପାୟାଆତି ବାଦୁଲ୍‌ରେ ନାଙ୍ଗେଙ୍ଗ୍ ବେସି ୱାରି କିତ୍‌ତାଦେର୍।

୨ କରନ୍ତିୟ 9:2

ଇନେସ୍‌କି ଆନେଙ୍ଗ୍ ପୁଚାଙ୍ଗ୍‌ନା ଏପେଙ୍ଗ୍ ହେୱାରିଙ୍ଗ୍ ସାଇଜ କିଦେଙ୍ଗ୍ କେତେକ୍ ତେର୍-ତେର୍ ଆନାଦେରା। ଆରେ ଏପେଙ୍ଗ୍ ଆକାୟା ସହର୍‌ନି ପାର୍ତିକିନି ମାନାୟାର୍ ର ବାର୍ହୁ ଆଗେ ଦାନ୍ ହିଜି ସାଇଜ କିନି ବିଷୟରେ ଆନେଙ୍ଗ୍ ନା ମାକଦନିଆ ସହର୍‌ନି ସାଙ୍ଗର୍ ଆଗେ ବାଟ୍‌ପାଣ୍ ଆଜି ୱେଚ୍‌ନାଙ୍ଗା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ତେର୍-ତେର୍ ଆଜି ସାଇଜ କିନାକା ହୁଡ଼୍‌ଜି, ବେସିହେନି ମାନାୟାର୍ ସାଇଜ କିତାର୍।

୨ କରନ୍ତିୟ 9:4

ଇନେସ୍‌କି ଯଦି ଇନେର୍ ମାକଦନିଆ ସହର୍‌ତାଙ୍ଗ୍ ନା ହୁଦାଙ୍ଗ୍ ୱାଜି ଏପେଙ୍ଗ୍ ସାଇଜ କିନି କାଜିଙ୍ଗ୍ ରେଡି ଆୱାତାକା ହୁଡ଼୍‌ନାନ୍‌, ଲାଗିଙ୍ଗ୍ ଆପେଙ୍ଗ୍ ମି ଜପି ପାର୍ତିକିତି କାଜିଙ୍ଗ୍ ଲାଜ୍ ପାୟାଆନାତ୍। ମାତର୍ ଏପେଙ୍ଗ୍ ନାବେତାଙ୍ଗ୍ ଆଦିକ୍ ଲାଜ୍ ପାୟାଆନାଦେର୍।

୧ ଥେସଲନୀକିୟ 1:3

ଆରେ ଆପେଙ୍ଗ୍ ଏଚେପାଦ୍ନା ମା ଆବା ଈଶ୍ୱରତିଙ୍ଗ୍ ପାର୍ତାନା କିନାପା। ଏପେଙ୍ଗ୍ ପାର୍ତିତାଙ୍ଗ୍ କିନି କାମାୟ୍‌ତିଙ୍ଗ୍ ଏତ୍ କିନାପା, ଆରେ ଏପେଙ୍ଗ୍ ପାର୍ତିକିନି ମାନାୟାରିଙ୍ଗ୍ ଲାଡ୍‌କିନି କାଜିଙ୍ଗ୍ ହେୱାରିଙ୍ଗ୍ ସାଇଜ କିଦେଙ୍ଗ୍ କଷ୍ଟ କିନାଦେରା। ଆରେ ମାପୃ ଯୀଶୁ ଖ୍ରୀଷ୍ଟ ଆରେରଗ ୱାନାନ୍ ଇଞ୍ଜି ଆହା କିନାଦେରା, ହେଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ମାନାୟାର୍ ଦୁଃକ୍ କଷ୍ଟ ହିତ୍‌ତିସ୍‌ ପା ସମ୍ବାଲି କିନାଦେରା।

୧ ଥେସଲନୀକିୟ 2:14

ହେ ଟଣ୍ଡାର୍‌କାଦେର୍, ଯିହୁଦା ଜିଲ୍ଲାତାକେ ମାନି ଈଶ୍ୱର ମଣ୍ଡ୍‌ଲିନି ପାର୍ତିକିନି ମାନୟାର୍ ଯୀଶୁ ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍। ଇନେସ୍ ହେୱାର୍ ତା ଜାର୍ ଯିହୁଦି ଜାତିନି ମାନାୟାର୍‌ତାଙ୍ଗ୍ ଦୁଃକ୍ କଷ୍ଟ ପାୟାଆଜି ମାଚାର୍, ହେଲେକେ ଏପେଙ୍ଗ୍ ପା ଜାର୍ ଜାତିନି ମାନାୟାର୍‌ତାଙ୍ଗ୍ ଦୁଃକ୍ କଷ୍ଟ ପାୟା ଆତାଦେର୍‌ନା।

୧ ଥେସଲନୀକିୟ 2:19

ଇନେସ୍‌କି ମା ଯୀଶୁ ଖ୍ରୀଷ୍ଟ ଏଚେକାଡ଼୍‌ଦ ପୁର୍ତିତାକେ ୱାନାନ୍ ତା ଆଗେ ଏପେଙ୍ଗ୍ ମା ଆହା, ସାର୍‌ଦା ଆରେ ମା ସନ୍‌ମାନ୍‌ନି ମୁକୁଟ୍‌ଲେକେ।

୨ ଥେସଲନୀକିୟ 3:5

ଆପେଙ୍ଗ୍ ମି କାଜିଙ୍ଗ୍ ମାପୃ ଯୀଶୁତାକେ ପାର୍ତାନା କିନାପା। ଈଶ୍ୱର ମାଙ୍ଗେଙ୍ଗ୍ ବେସି ଲାଡ୍ କିନାନା ଇଞ୍ଜି ପୁଞ୍ଜେଙ୍ଗ୍ ସାଇଜ କିଦେନ୍, ଆରେ ମାପୃ ଯୀଶୁ ଖ୍ରୀଷ୍ଟ ଇନେସ୍ ଦୁଃକ୍ କଷ୍ଟତିଙ୍ଗ୍ ସମ୍ବାଲି କିଜି ମାଚାନ୍। ତା ଲେକେ ଆସେଙ୍ଗ୍ ଦୁଃକ୍ କଷ୍ଟତିଙ୍ଗ୍ ସମ୍ବାଲି କିଦେଙ୍ଗ୍ ଈଶ୍ୱର ମାଙ୍ଗେଙ୍ଗ୍ ସାଇଜ କିଦ୍‌ନାନ୍।

ଏବ୍ରି 10:36

ଲାଗିଙ୍ଗ୍ ଏପେଙ୍ଗ୍ ଈଶ୍ୱର ଇଚା ଅନ୍‌ସାରେ କାମାୟ୍ କିଜି, ହେୱାନ୍ ଇନାକା ପାର୍ମାଣ୍ କିତାନ୍‌ନା ହେଦାଙ୍ଗ୍ ୱିଜୁ ଏପେଙ୍ଗ୍ ପାୟାଆନି କାଜିଙ୍ଗ୍, ମିଙ୍ଗେଙ୍ଗ୍ ନଙ୍ଗୟ୍ ସାହାସ୍ ଦର୍‌କାର୍ ମାନାତ୍।

ଏବ୍ରି 6:12

ଲାଗିଙ୍ଗ୍ ଏପେଙ୍ଗ୍ ଆଡ଼୍‌ସିଆ ଆଉଦେର୍। ଆରେ ଇମ୍‌ଣାକାର୍ ପାର୍ତି ଆରେ ସାହାସ୍ ହୁଦାଙ୍ଗ୍ ଈଶ୍ୱରତି ପାର୍ମାଣ୍‌ନି ଆଦିକାରି ଆଦେଙ୍ଗ୍ ହାନାରା, ହେୱାର୍ ଲେକେ ଏପେଙ୍ଗ୍ ଆନାଦେର୍।

ଏବ୍ରି 6:15

ଅବ୍ରାହାମ ବେସି ବାହ୍‌ରୁ ସାହାସ୍ ଆସ୍ତିମାଚି ପାଚେ, ଈଶ୍ୱର ଇନାକା ପାର୍ମାଣ୍ କିଜି ମାଚାନ୍ ହେୱାନ୍ ହେଦାଙ୍ଗ୍ ପାୟାଆଜି ମାଚାନ୍।

ଜାକ୍‌ବ 5:11

ଏପେଙ୍ଗ୍ ପୁଚାଦେର୍‌ନା ଯେ, ଇମ୍‌ଣାକାନ୍ ଦୁକ୍‌କଷ୍ଟ ଆତିହିଙ୍ଗ୍ ପା ଦରମ୍‌ଆଜି ମାନାନ୍, ହେୱାନିଙ୍ଗ୍ ଆପେଙ୍ଗ୍ ଆଶ୍ରିବାଦ୍‌ନି ମାନାୟ୍ ଇଞ୍ଜି ୱେଚ୍‌ଚି ମାନାସ୍। ଏପେଙ୍ଗ୍ ଆୟୁବନି ଦରମ୍ ବିଷୟରେ ୱେଚାଦେର୍‌ନା, ଆରେ ମାପୃ ହେୱାନିଙ୍ଗ୍ ଆଶ୍ରିବାଦ୍ କିତାକା ପା ହୁଡ଼୍‌ତାଦେର୍‌ନା। ଲାଗିଙ୍ଗ୍ ମାପୃ ବେସି ଲାଡ୍ ଆରେ ଦୟା କିଦ୍‌ନାନ୍।

୨ ପିତର 1:6

ଏପେଙ୍ଗ୍ ବୁଦି ହୁଦାଙ୍ଗ୍ ନେ ବ୍ଯବହାର୍ କିମାଟ୍, ମାତର୍ ଜାର୍‌ତିଙ୍ଗ୍ କଣ୍ଟ୍ରୁଲ୍ କିନି ଦର୍‌କାର୍। ଏପେଙ୍ଗ୍ ଆପ୍‌କା କଣ୍ଟ୍ରୁଲ୍ ନେ କିମାଟ୍, ମାତର୍ ଦୁକ୍‌କଷ୍ଟ ୱାତିସ୍ ପା ଏପେଙ୍ଗ୍ ସାହାସ୍ ଆସ୍ତି ମାନାଟ୍। ଆପ୍‌କା ସାହାସ୍ ଆସ୍ତି ନେ ମାନ୍‌ମାଟ୍, ମାତର୍ ଏପେଙ୍ଗ୍ ଈଶ୍ୱରତିଙ୍ଗ୍ ସନ୍‌ମାନ୍ କିତିଲେକେ ଜିବୁନ୍ କାଟିକିୟାଟ୍।

ହତ୍‌ତି 14:12

ହେଦାଙ୍ଗ୍ କାଜିଙ୍ଗ୍ ଈଶ୍ୱର ୱିଜୁ ମାନାୟାରିଙ୍ଗ୍ ଇଲେକେ ଦୁଃକ୍ କଷ୍ଟ ୱାତିସ୍ ପା ସାସ୍ ଆଜି ମାନି ଦର୍‌କାର୍। ଈଶ୍ୱର ହେୱାରିଙ୍ଗ୍ ଇମ୍‌ଣି ଆଦେସ୍ ହିତିସ୍ ପା ହେ ଆଦେସ୍‌ତିଙ୍ଗ୍ ମାନିକିନି ଦର୍‌କାର୍ ଆରେ ଯୀଶୁଙ୍ଗ୍ ପାର୍ତି କିନାକା ବନ୍ଦ୍ କିୱି ଦର୍‌କାର୍।”