୨ ପିତର 3:9 - New Testament in Pengo Parja Language

⁹ ମାପୃ ତା ଆରେରଗ ୱାନି ବିଷୟରେ ପାର୍ମାଣ୍ ପୁରା କିଦେଙ୍ଗ୍ ବିଲମ୍ କିନାନା ଇଞ୍ଜି କେତ୍‌ଜାଣ୍ ବାବିକିନାରା। ମାତର୍ ମାପୃ ଜାର୍ ପାର୍ମାଣ୍ ବିଷୟରେ ହେଲେକେ ବିଲମ୍ କିଉନା, ମାତର୍ ହେୱାନ୍ ମି କାଜିଙ୍ଗ୍ ସାସ୍ ଆସ୍ତାନ୍‌ନା। ଇନେସ୍‌କି ରକାନ୍ ପା ନଷ୍ଟ ଆମେର୍ ଇଞ୍ଜି ହେୱାନ୍ ଇଚା କିନାନା। ଆରେ ୱିଜାକାର୍ ମାନାୟ୍ ଇନେସ୍ ପାପ୍ କାମାୟ୍ ପିସ୍ତି ତା ଲାଗାୟ୍ ୱାନାର୍, ଇଦାଙ୍ଗ୍ ହେୱାନ୍ ଇଚା କିନାନା।

ସତ୍‌ ବଚନ୍‌ ପୁନି ନିୟମ୍‌

⁹ ମାଲାନାତା ଇଞ୍ଜି ଇନେସ୍‌ ଏଚେକ୍‌ ବାବିକିନାର୍, ମାପ୍ରୁ ଜାର୍ ପାର୍ମାଣ୍‌ ବିସ୍ରେ ହେ ଲାକେ ମାଲାୟ୍ କିଉନ୍‌; ମାତର୍‌ ଇନେସ୍‌ ଇନେର୍‌ ବୁଡାମେର୍, ନଲେ ୱିଜ଼ାର୍‍ ମାନ୍‌ବାଦ୍‌ଲାୟ୍‌ କିନାର୍‌, ଇଦାଂ ମାନି କିଜ଼ି ହେୱାନ୍ ନିତ୍ରେ ମି କାଜିଂ ଲାମାହୁଦାର୍‍ ଆନାନ୍‌ ।

୨ ପିତର 3:9 Iomraidhean Croise

ରୋମିୟ 13:11

ଲାଗିଙ୍ଗ୍ ଏପେଙ୍ଗ୍ ୱିଜାଦେର୍ ଜାର୍-ଜାର୍‌ବିତ୍ରେ ଲାଡ୍‌କିଜି ମାନାଟ୍, ଇନେସ୍‌କି ଏଚେକାଡ଼୍‌ଦ ଈଶ୍ୱର ମାଙ୍ଗେଙ୍ଗ୍ ଇ କରାପ୍ ପୁର୍ତିତାଙ୍ଗ୍ ଉଦାର୍ କିଦ୍‌ନାନ୍, ହେ ଦିନ୍ ୱାତାତେ। ଏଚେପାଦ୍ନା ଆପେଙ୍ଗ୍ ପାର୍ତୁମ୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିଜି ମାଚାପ୍, ହେଦାଙ୍ଗ୍ ନଙ୍ଗୟ୍ ଲାଗେ ୱାତାତେ। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇ ବିଷୟତିଙ୍ଗ୍ ବୁଜାଆଡ, ଆରେ ଏପେଙ୍ଗ୍ ହୁନ୍‌ଞ୍ଚିତାଙ୍ଗ୍ ନିଙ୍ଗାଟ୍ ଆରେ ଜାଗ୍ରତ୍ ଆଜି କାସିମାନାଟ୍।

ରୋମିୟ 13:12

ଆସେଙ୍ଗ୍ କରାପ୍ ପୁର୍ତିତାକେ ଜିନି ଦିନ୍ ର ରାତି ସେସ୍ ଆନିଲେକେ ସେସ୍ ଆନାତ୍‌ଦେ, ଆରେ ଖ୍ରୀଷ୍ଟ ଆରେରଗ ପୁର୍ତିତାକେ ୱାନିଦିନ୍ ଇକାୱାତାତେ। ଲାଗିଙ୍ଗ୍ ଆସେଙ୍ଗ୍ ମାଜାଗାତାକେ କିନି ୱିଜୁ କରାପ୍ କାମାୟ୍ ବନ୍ଦ୍ କିନି ଦର୍‌କାର୍, ଆରେ ର ସେନା ୱେଡ଼ାଲିଙ୍ଗ୍ ତା ଯୁଜ୍ କିନିହିଙ୍ଗ୍ ତା ଗାଗାଡ଼୍‌ତାକେ ଉସ୍‌ପାନାନ୍ ହେଲେକେ ଆସେଙ୍ଗ୍ କରାପ୍ କାମାୟ୍‌ତିଙ୍ଗ୍ ବନ୍ଦ୍ କିନି କାଜିଙ୍ଗ୍ ହାର୍ କାମାୟ୍ କିନି ଦର୍‌କାର୍।

ରୋମିୟ 2:4

ଈଶ୍ୱର ମିଙ୍ଗେଙ୍ଗ୍ ଦୟା କିଦ୍‌ନି କାଜିଙ୍ଗ୍, ମିଙ୍ଗେଙ୍ଗ୍ ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିଦେଙ୍ଗ୍ ସୁଯଗ୍ ହିଦ୍‌ନାନା। ଏପେଙ୍ଗ୍ ତା ଦୟା, ସାସ୍ ଆରେ ୱିଜୁଦିନ୍ ଲାଡ୍‌କିନି ବିଷୟତିଙ୍ଗ୍ ପୁଞ୍ଜେଙ୍ଗ୍ ଆଡୁଦେରା।

ରୋମିୟ 9:22

ଈଶ୍ୱର ବିନାସ୍ କିଦେଙ୍ଗ୍ ବାଚିକିତି ମାନାୟାରିଙ୍ଗ୍, ହେୱାନ୍ ଇଚା କିଜି ବିଚାର୍ କିନାନ୍, ଆରେ ହେୱାନ୍ ହେୱାର୍ ବିରଦ୍‌ତାକେ ତା ସାକ୍ତି ଚଚ୍‌ନି ଅଦିକାର୍ ମାନାତ୍, ମାତର୍ ହେୱାନ୍ ହେୱାର୍ କାଜିଙ୍ଗ୍ ସାସ୍ ଆଜି କାତାନ୍‌ନା।

୧ ତିମତି 1:16

ଜେକନିକାର୍ ଇନେସ୍ ଯୀଶୁ ଖ୍ରୀଷ୍ଟତାକେ ପାର୍ତି କିଜି ୱିଜ୍‌ୱି ଜିବୁନ୍ ପାୟାଆନାର୍‌, ହେଦାଙ୍ଗ୍ ହେୱାର୍ ଲାଗାୟ୍ ଚଚ୍‌ନି କାଜିଙ୍ଗ୍ ଈଶ୍ୱର କାସି ମାନ୍‌ଞ୍ଜି ସାସ୍ ଆସ୍ତି ଦୟା କିତ୍‌ତାନ୍‌ନା।

୧ ତିମତି 2:4

ଇନେସ୍‌କି ହେୱାନ୍ ୱିଜାକାରିଙ୍ଗ୍ ସତ୍ ବିଷୟ ପୁନେର୍ ଇଞ୍ଜି ଆରେ ରକ୍ଷା ପାୟାଆୟେର୍‌ ଇଞ୍ଜି ଇଚାକିନାନ୍।

ଏବ୍ରି 10:37

ଇନେସ୍‌କି ସାସ୍ତର୍‌ତାକେ ଲେକା ମାନାତ୍, “ଆରେ ଅଲପ୍ ସମୟ୍ ପାଚେ, ଇନେର୍ ୱାନାକା ମାନାତ୍, ହେୱାନ୍ ୱାନାନ୍ ଆରେ ଲେଟ୍ କିଉନ୍।

୧ ପିତର 3:20

ହେ ଆତ୍ମାକାଙ୍ଗ୍ ବେସି ଆଗେ ଈଶ୍ୱର କାତାତିଙ୍ଗ୍ ମାନିକିୱାଦାଙ୍ଗ୍ ମାଚିକ୍, ଏଚେପାଦ୍ନା ନୋହ ଡଙ୍ଗା ରସ୍ତି ମାଚାନ୍। ମାନାୟାର୍ ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିନାର୍ କି ଆକାୟ୍ ଇଞ୍ଜି ପୁଞ୍ଜେଙ୍ଗ୍ ଈଶ୍ୱର ସାସ୍ ଆଜି କାସି ମାଚାନ୍, ଏଚେପାଦ୍ନା ଈଶ୍ୱର ଇ ପୁର୍ତିତିଙ୍ଗ୍ ବନ୍ୟା କିଜି ବିନାସ୍ କିତାନ୍ ହେପାଦ୍ନା ଆପ୍‌କା ଆଟ୍ ଜାଣ୍ ନେ ରକ୍ଷା ପାୟାଆତାର୍।

୨ ପିତର 1:4

ଆରେ ତା ଗୌରବ ଆରେ ହାର୍ଦି ଗୁଣ୍ କାଜିଙ୍ଗ୍, ହେୱାନ୍ ମାଙ୍ଗେଙ୍ଗ୍ ବେସି ଗାଜା ଆରେ ବେସି ମୁଲ୍ୟନି ପାର୍ମାଣ୍ ୱିଜୁ ଦାନ୍ କିତ୍‌ତାନ୍‌ନା। ଇ ଜଗତ୍‌ନି କରାପ୍ ଇଚାତାଙ୍ଗ୍ ହସି ହାଞ୍ଜେଙ୍ଗ୍ ଆରେ ଈଶ୍ୱର ଗୁଣ୍ ହୁଦାଙ୍ଗ୍ ମାହାଆଜି ମାନି କାଜିଙ୍ଗ୍, ଇ ପାର୍ମାଣ୍ ୱିଜୁ ମାଙ୍ଗେଙ୍ଗ୍ ସାଇଜ କିଦ୍‌ନାତ୍‌।

୨ ପିତର 3:15

ମା ମାପୃ ସାସ୍ ଆସ୍ତି ମାନାକା ଏପେଙ୍ଗ୍ ପୁଚାଦେର୍‌ନା, ଇନେସ୍‌କି ହେୱାନ୍ ଇନେସ୍ ମାନାୟାରିଙ୍ଗ୍ ରକ୍ଷା କିନାନ୍ ଇଦାଙ୍ଗ୍ କାଜିଙ୍ଗ୍ ହେୱାନ୍ ହେୱାରିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାନି କାଜିଙ୍ଗ୍ ସମୟ୍ ହିନାରା। ଈଶ୍ୱରତାଙ୍ଗ୍ ପାୟାଆତି ଜ୍ଞାନ୍ ଅନୁସାରେ, ମା ଲାଡ୍‌ନି ପାର୍ତିକିନି ଟଣ୍ଡେନ୍ ପାଉଲ ପା ମି ଲାଗାୟ୍ ଇଲେକେ ଚିଟି ଲେକିକିତାନ୍‌ନା।

ହତ୍‌ତି 2:21

ଆନେଙ୍ଗ୍ ହେ କଗ୍‌ଲେଙ୍ଗ୍ ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିଜି ଈଶ୍ୱରତାକେ ୱାଦେଙ୍ଗ୍ ସୁଯଗ୍ ହିତାଙ୍ଗ୍‌ନା, ମାତର୍ ହେଦେଲ୍ ହେଲେଗ୍‌ଦି କରାପ୍ କାମାୟ୍ କିନାକା ବନ୍ଦ୍ କିନି କାଜିଙ୍ଗ୍ ମୁନା କିନାତା।