୨ ପିତର 3:17 - New Testament in Pengo Parja Language

¹⁷ ଲାଗିଙ୍ଗ୍ ଏ ନା ଲାଡ୍‌ନି ସାଙ୍ଗ କାଦେର୍, ଇୱିଜୁ ଗଟାଆନାତ୍ ଇଞ୍ଜି ଏପେଙ୍ଗ୍ ଆଗେତାଙ୍ଗ୍ ପୁଚାଦେର୍‌ନା। ଲାଗିଙ୍ଗ୍ ଇ କରାପ୍ ମାନାୟାର୍ ଇନେସ୍ ମିଙ୍ଗେଙ୍ଗ୍ ମିଚ୍ କାତା ୱେଚ୍‌ଚି ମିଙ୍ଗେଙ୍ଗ୍ ଟକାୟ୍ କିଦୁର୍, ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜାଗ୍ରତ୍ ଆଜି ମାନାଟ୍। ଯଦି ଏପେଙ୍ଗ୍ ହେୱାର୍ କାତା ୱେନାଦେର୍, ଲାଗିଙ୍ଗ୍ ଏପେଙ୍ଗ୍ ଇମ୍‌ଣି ବିଷୟରେ ପାର୍ତି କିନାକା ଷ୍ଟ୍ରଙ୍ଗ୍‌କିଜି ଇଡ଼୍‌ତାଦେର୍‌ନା ହେ ବିଷୟରେ ଡାଉଟ୍ କିଦେଙ୍ଗ୍ ଆରମ୍ କିନାଦେର୍।

ସତ୍‌ ବଚନ୍‌ ପୁନି ନିୟମ୍‌

¹⁷ ଲାଗିଂ, ଏ ୱାରିନିକାଦେର୍, ଏପେଙ୍ଗ୍‌ ପୁର୍ବେତାଂ ଇସବୁ ପୁନ୍‌ଞ୍ଜି ଜାଗ୍ରତ୍ ଆଜ଼ି ମାନାଟ୍, ଏଚେକାଡ଼୍‌ଦ ବିଦିହିଲ୍‌ୱାକାର୍‌ତାଂ ବାମ୍‌ଣ୍ଡାୟ୍‌ ଆର୍ଜି ଏପେଙ୍ଗ୍‌ ପା ଜାର୍ତି ଆଟ୍‍ୱାତାଂ ଲେମ୍‌ନାଦେର୍‌,

୨ ପିତର 3:17 Iomraidhean Croise

ମାତିଉ 16:11

ଆନେଙ୍ଗ୍ ମିଙ୍ଗେଙ୍ଗ୍ ରୁଟି ବିଷୟରେ ୱେଚ୍‌ୱାତାଙ୍ଗ୍‌ନା, ଇଦାଙ୍ଗ୍ ଇନେସ୍ ଏପେଙ୍ଗ୍ ନାଙ୍ଗେଙ୍ଗ୍ ପୁଞ୍ଜୁଦେରା? ମାତର୍ ପାରୁସିଦଳ୍‍ ଆରେ ଯିହୁଦି ଦର୍‍ମନି ସାଦୁକିଦଳ୍‌ନି ସଡ଼ାକାର୍ ବିଷୟତାଙ୍ଗ୍ ସାବ୍‌ଦାନ୍ ଆଜି ମାନାଟ୍।”

ମାତିଉ 16:6

ପାଚେ ଯୀଶୁ ଚେଲାହିରିଙ୍ଗ୍ ୱେଚ୍‌ଚାନ୍, “ଜାଗ୍ରତ୍ ଆଜି ମାନାଟ୍ ପାରୁସିଦଳ୍‍ ଆରେ ଯିହୁଦି ଦର୍‍ମନି ସାଦୁକିଦଳ୍‌ନି ସଡ଼ାକାର୍ ତାକେଡାଙ୍ଗ୍ ସାବ୍‌ଦାନ୍ ଆଜି ମାନାଟ୍।”

ମାତିଉ 7:15

ମିଚ୍‌ୱା ଭବିଷ୍ଯତବକ୍ତାତାଙ୍ଗ୍ ସାବ୍‌ଦାନ୍ ଆଜି ମାନାଟ୍, ଇନେର୍‌କି ଦରମ୍ ମେଣ୍ଢାଲେକେ ଦରମ୍‌ଆଜି ୱାନାର୍। ମାତର୍ ହେୱାର୍ ହାତ୍‌ପା ହୁଣ୍ଡେର୍ ଲେକେ ନଷ୍ଟ କିଦ୍‌ନାର୍।

ଜହନ୍‌ 16:4

ଆନେଙ୍ଗ୍ ମିଙ୍ଗେଙ୍ଗ୍ ଇୱିଜୁ କାତା ନଙ୍ଗୟ୍ ୱେଚ୍‌ଚାତାଙ୍ଗ୍‌ନା, ଲାଗିଙ୍ଗ୍ ଏଚେପାଦ୍ନା ଇୱିଜୁ ଗଟାଆନିଦିନ୍ ୱାନାତ୍, ହେପାଦ୍ନା ଏପେଙ୍ଗ୍ ମାନ୍ତ ଏତୁ କିନାଦେର୍, ଆନେଙ୍ଗ୍ ଆଗେତାଙ୍ଗ୍ ଇୱିଜୁ କାତା ମିଙ୍ଗେଙ୍ଗ୍ ୱେଚ୍‌ୱାଦାଙ୍ଗ୍ ମାନ୍‌ଞ୍ଚାଙ୍ଗ୍। ଇନେସ୍‌କି ଆନେଙ୍ଗ୍ ମିହୁଦାଙ୍ଗ୍ ମାଚାଙ୍ଗ୍।”

ପକ୍ୟାତାକା 2:42

ହେଦିନ୍‌ତାଙ୍ଗ୍ ବାଚିକିତି ଚେଲାହିର୍ ହିକ୍ଷାତିଙ୍ଗ୍ ୱେଞ୍ଜେଙ୍ଗ୍ ମେହାଆତାର୍। ଆରେ ରୁଟି ଡିକ୍‍ତେଙ୍ଗ୍ ଆରେ ପାର୍ତାନା କିଦେଙ୍ଗ୍ ରୁଣ୍ଡାଆଜି ମାଚାର୍।

ରୋମିୟ 16:18

ହେ ଲେଗ୍‌ଦି ମାନାୟାର୍ ମା ମାପୃ ଯୀଶୁ ଖ୍ରୀଷ୍ଟଙ୍ଗ୍‌ ହେବା କିଉରା, ହେୱାର୍ ଜାର୍‌ତିଙ୍ଗ୍‌ ହେବାକିନାରା। ହେୱାର୍ ଦରମ୍ ମାନାୟାରିଙ୍ଗ୍ ଟକାୟ୍ କିଦେଙ୍ଗ୍ ଚିକ୍‌ଣାୟ୍ କିଜି କାତା ଇନାର୍।

୧ କରନ୍ତିୟ 10:12

ଲାଗିଙ୍ଗ୍ ଇମ୍‌ଣି ପାର୍ତିକିନି ଟଣ୍ଡେନ୍ ଈଶ୍ୱରତିଙ୍ଗ୍ ବେସି ପାର୍ତି ଆରେ ଇଲେକେ ପାପ୍ କାମାୟ୍ କିଉଙ୍ଗା ଇଞ୍ଜି ବାବିକିନାନା, ଲାଗିଙ୍ଗ୍ ହେୱାନ୍ ଜାଗ୍ରତ୍ ଆଜି ମାନି ଦର୍‌କାର୍।

୧ କରନ୍ତିୟ 15:58

ଲାଗିଙ୍ଗ୍, ଏ ଟଣ୍ଡାର୍‌କାଦେର୍, ଏପେଙ୍ଗ୍ ଖ୍ରୀଷ୍ଟଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ପାର୍ତି କିଜି ମାନାଟ୍, ଆରେ ମିଚ୍ ହିକ୍ଷା ଶୁଣାୟ୍ କିନି ମାନାୟାର୍‌ତାଙ୍ଗ୍ ଦେହା ହାଲ୍‌ମାଟ୍। ଇନେସ୍‌କି ତା କାମାୟ୍ କିଦେଙ୍ଗ୍ କଷ୍ଟ କିନାକା ବେକାର୍ ଆଉତ୍, ଇନେସ୍‌କି ଏପେଙ୍ଗ୍ ହାର୍ କିଜି ପୁଚାଦେର୍‌ନା ଯେ, ତା କାଜିଙ୍ଗ୍ କିନି କାମାୟ୍ ମି କାଜିଙ୍ଗ୍ ଲାବ୍ ଆଦ୍‌ନାତ୍।

୨ କରନ୍ତିୟ 11:3

ମାତର୍ ପାର୍ତୁମ୍ କଗ୍‌ଲେଙ୍ଗ୍ ହବାଙ୍ଗ୍ ଶୟ୍‌ତାନ୍ ରାଚ୍ ହେଲେକେ ଆଜି ଟକାୟ୍ କିତାତ୍। ହେଲେକେ ଶୟ୍‌ତାନ୍ ମିଚ୍ ହିକ୍ଷାହିନି ମାନାୟାର୍‌ଲେକେ ଆଜି ମିଙ୍ଗେଙ୍ଗ୍ ପା ଚାଲାକି କିଜି ଟକାୟ୍ କିଦ୍‌ନାତ୍ ଆରେ ଏପେଙ୍ଗ୍ ଖ୍ରୀଷ୍ଟଙ୍ଗ୍ ହେବା କିନାକା ବନ୍ଦ୍ କିନାଦେର୍ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପାଣ୍ଡ୍ରାଆନାଙ୍ଗା।

ଗାଲାତିୟ 5:4

ଇନେସ୍‌କି ଏପେଙ୍ଗ୍ ଯଦି ମୋଶା ଲେକିକିତି ନିୟମ୍‌ତିଙ୍ଗ୍ ମାନିକିତି କାଜିଙ୍ଗ୍ ଈଶ୍ୱର ଲାଗାୟ୍ ଦରମ୍ ମାନାୟ୍ ଇଞ୍ଜି ଗାଣାକିୟା ଆଦେଙ୍ଗ୍ ଇଚା କିନାଦେରା, ଲାଗିଙ୍ଗ୍ ଏପେଙ୍ଗ୍ ଖ୍ରୀଷ୍ଟତାଙ୍ଗ୍ ଜେକ ଆତାଦେର୍‌ନା ଆରେ ଏପେଙ୍ଗ୍ ଈଶ୍ୱର ଦୟାତିଙ୍ଗ୍ ଆହୁଦେରା।

ଏପିସିୟ 4:14

ଲାଗିଙ୍ଗ୍ ଆସେଙ୍ଗ୍ ହିରୁ ହିମ୍‌ଣା ଲେକେ ଆଜି ମାନୁସ୍, ଆରେ ହିରୁ ଡଙ୍ଗା ଲଉଡ଼ି ଆରେ ଡ଼ୁଇତାକେ ଇନି ଆନି ଆତି ଲେକେ ଆସେଙ୍ଗ୍ ଆଉସ୍। ଇନେସ୍‌କି ଟକୁୱା ମାନାୟାର୍ ମାଙ୍ଗେଙ୍ଗ୍ ଆରେ ଟକାଇ କିଦ୍‌ଦେଙ୍ଗ୍ ଆଡ଼୍‌ଦୁର୍, କି ଚାତୁର୍ ମାନାୟାର୍ ବୁଲ୍ ହିକ୍ଷାତାଙ୍ଗ୍ ମାଙ୍ଗେଙ୍ଗ୍ ବୁଲ୍‌କାଇ କିଦ୍‌ଦେଙ୍ଗ୍ ଆଡ଼୍‌ଦୁର୍।

ପିଲିପିୟ 3:2

କରାପ୍ ନିକୁଡ଼୍‌ଲେକେ ବୁଲ୍ ହିକ୍ଷା ହିଦ୍‌ନି ମାଷ୍ଟେରାର୍‌ତାଙ୍ଗ୍ ସାବ୍‌ଦାନ୍ ଆଜି ମାନାଟ୍, ଇନେସ୍‌କି ହେୱାର୍ କରାପ୍ କାମାୟ୍ କିନାର୍। ହେୱାର୍ ସୁନତ ବିଦି ମାନି କିୟାଟ୍ ଇଞ୍ଜି ୱେଚ୍‌ଚାନାର୍।

କଲସିୟ 2:5

ଆନେଙ୍ଗ୍ ଦେହା ମାଚିସ୍ ପା ଆନେଙ୍ଗ୍ ମି କାଜିଙ୍ଗ୍ ଚିନ୍ତା କିନାଙ୍ଗା। ଏପେଙ୍ଗ୍ ଇନେସ୍ ମାନି ଦର୍‌କାର୍ ହେଲେକେ ଏପେଙ୍ଗ୍ ଜାର୍-ଜାର୍‌ବିତ୍ରେ ମାହାଆଜି ମାନାଦେରା ଆରେ ଏପେଙ୍ଗ୍ ଖ୍ରୀଷ୍ଟଙ୍ଗ୍ ବେସି ପାର୍ତି କିନାଦେରା, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମି କାଜିଙ୍ଗ୍ ୱାରି ଆନାଙ୍ଗା।

କଲସିୟ 2:8

ଏପେଙ୍ଗ୍ ଜାଗ୍ରତ୍ ଆଜି ମାନାଟ୍, ଇନେର୍ ପା ମିଙ୍ଗେଙ୍ଗ୍ ମୁଲ୍ୟ ହିଲ୍‌ୱି ଦର୍‍ମନି ହିକ୍ଷା ଆରେ ବେକାର୍ ଉପାୟ୍‌ନି ହିକ୍ଷାହିଜି ମିଙ୍ଗେଙ୍ଗ୍ ଜାଲ୍‌ଦ ରାତ୍‌ତେମେର୍। ଇନେସ୍‌କି ଇ ଲେକେ ହିକ୍ଷା ଖ୍ରୀଷ୍ଟତି ହିକ୍ଷା ଆକାୟ୍, ମାତର୍ ମାନାୟ୍‌ନି ଜ୍ଞାନ୍‌ନି ହିକ୍ଷା ଆରେ ପୁର୍ତିନି ମାନାୟାର୍ ହିକ୍ଷା।

୨ ତିମଥି 4:15

ଏପେଙ୍ଗ୍ ପା ହେୱାନ୍‌ତାଙ୍ଗ୍ ଜାଗ୍ରତ୍ ଆଜି ମାନାଟ୍। ଇନେସ୍‌କି ହେୱାନ୍ ଖ୍ରୀଷ୍ଟ ବିଷୟନି ହିକ୍ଷାତିଙ୍ଗ୍ ବେସି ବିରଦ୍ କିଜି ମାନ୍‌ଞ୍ଚାନ୍।

ଏବ୍ରି 3:14

ଇନେସ୍‌କି ଆଗେତାଙ୍ଗ୍ ମା ପାର୍ତି ଇନେସ୍ ଈଶ୍ୱର ଜପି ମାଚାତ୍, ହେଲେକେ ପାର୍ତି ଯଦି ଆସେଙ୍ଗ୍ ଜିଜି ମାନି ପାତେକ୍ ଷ୍ଟ୍ରଙ୍ଗ୍‌କିଜି ଆସ୍ତି ମାନାସ୍, ଲାଗିଙ୍ଗ୍ ଖ୍ରୀଷ୍ଟନି ୱିଜୁ ବିଷୟନି ବାଗ୍ ପାୟାଆନାସ୍।

୧ ପିତର 5:9

ଏପେଙ୍ଗ୍ ଖ୍ରୀଷ୍ଟଙ୍ଗ୍ ଆଦିକ୍ ପାର୍ତି କିଜି ହେ ଶୟତାନତିଙ୍ଗ୍ ବିରଦ୍ କିୟାଟ୍। ଏପେଙ୍ଗ୍ ମାନ୍ତ ଇଟାଟ୍ ଯେ, ଏପେଙ୍ଗ୍ ଦୁଃକ୍ କଷ୍ଟ ପାୟା ଆତିଲେକେ ଇ ପୁର୍ତିନି ଖ୍ରୀଷ୍ଟଙ୍ଗ୍ ୱିଜାର୍ ମାନାୟାର୍ ହେଲେକେ ଦୁଃକ୍ କଷ୍ଟ ପାୟାଆନାରା।

୨ ପିତର 2:7

ମାତର୍ ସଦୋମ ସହର୍‌ତିଙ୍ଗ୍ ନଷ୍ଟ କିନି ଆଗେ, ହେୱାନ୍ ଲୋଟଙ୍ଗ୍ ହେ ସହର୍‌ତାଙ୍ଗ୍ ହପ୍‌ଚି, ହେୱାନିଙ୍ଗ୍ ଉଦାର୍ କିତାନ୍। ଲୋଟ ରକାନ୍ ଦରମ୍ ମାନାୟ୍ ମାଚାନ୍। ସଦୋମ ସହର୍‌ନି ମାନାୟାର୍ ରଞ୍ଜାଙ୍ଗ୍ ପା ନିୟମ୍‌ତିଙ୍ଗ୍ ମାନିକିୱି କାଜିଙ୍ଗ୍ ଆରେ ହେୱାର୍ ଦାରି କାମାୟ୍ ଲେକେ ବେସି କରାପ୍ କାମାୟ୍ କିତି କାଜିଙ୍ଗ୍, ହେୱାନ୍ ବେସି କଷ୍ଟତାଙ୍ଗ୍ ମାଚାନ୍।

୨ ପିତର 3:1

ନା ଲାଡ୍‌ନି ସାଙ୍ଗ କାଦେର୍, ଏପେଙ୍ଗ୍ ପୁଚି ବିଷୟତିଙ୍ଗ୍ ମାନ୍ତ ଏତୁକିନି କାଜିଙ୍ଗ୍ ଆରେ ମି ମାନ୍ତ ହାର୍ଦି ବାବ୍‌ନାତିଙ୍ଗ୍ ଜାଗାୟ୍ କିନି କାଜିଙ୍ଗ୍, ନଙ୍ଗୟ୍ ଆନେଙ୍ଗ୍ ମି ଲାଗାୟ୍ ଇ ରି ନମ୍ବର୍ ଚିଟି ଲେକିକିନାଙ୍ଗା।

ହତ୍‌ତି 2:5

ଏପେଙ୍ଗ୍ ଏତୁକିୟାଟ୍ ଆଗେ ନାଙ୍ଗେଙ୍ଗ୍ ଇନେସ୍ ଲାଡ୍‌କିଜି ମାନ୍‌ଞ୍ଚାଦେର୍, ମାତର୍ ନଙ୍ଗୟ୍ ଏପେଙ୍ଗ୍ ହେଲେକେ ଲାଡ୍ ନାଙ୍ଗେଙ୍ଗ୍ କିଦୁଦେରା। ଲାଗିଙ୍ଗ୍ ଏପେଙ୍ଗ୍ ମି ମାନ୍‌ତିଙ୍ଗ୍ ବାଦ୍‌ଲାୟ୍ କିୟାଟ୍ ଆରେ ଆଗେ ଇନେସ୍ ନାଙ୍ଗେଙ୍ଗ୍ ଲାଡ୍‌କିଜି ମାନ୍‌ଞ୍ଚାଦେର୍ ହେଲେକେ ନାଙ୍ଗେଙ୍ଗ୍ ଲାଡ୍ କିଦ୍‌ନାକା ଆରମ୍ କିୟାଟ୍। ଯଦି ଏପେଙ୍ଗ୍ ପାପ୍ କାମାୟ୍ କିନାକା ବନ୍ଦ୍ କିଉଦେର୍ ଲାଗିଙ୍ଗ୍ ଆନେଙ୍ଗ୍ ୱାତିସ୍ ମି ମଣ୍ଡ୍‌ଲିତାଙ୍ଗ୍ ବଇଟା ଇଟ୍‌ନାକା ଗୁଚାୟ୍ କିନାଙ୍ଗ୍।