୨ ପିତର 3:16 - New Testament in Pengo Parja Language

¹⁶ ହେୱାନ୍ ତା ଚିଟିତାକେ ଇୱିଜୁ ବିଷୟ ଲେକିକିତାନ୍‌ନା। ମାତର୍ ହେୱାନ୍ ଲେକିକିତି ବିଷୟତାଙ୍ଗ୍ କେତେକ୍ ବିଷୟ ମାନାତ୍, ହେଦାଙ୍ଗ୍ ବୁଜା ଆଦେଙ୍ଗ୍ ବେସି କଷ୍ଟ। ଆରେ ଅଶିକିତ୍ ମାନାୟ୍ ଆରେ ପାର୍ତିତାକେ ତିର୍ ହିଲ୍‌ୱି ମାନାୟ୍, ସାସ୍ତର୍ ଜେକନି କାତାଲେକେ ଇ ବୁଜାଆୱି ବିଷୟତିଙ୍ଗ୍ ଇ ମାନାୟାର୍ ବୁଲ୍ ବାବ୍‌ରେ ବୁଜାୟ୍ କିନାର୍। ଇଦାଙ୍ଗ୍ କାଜିଙ୍ଗ୍ ହେୱାର୍ ନିଜେତିଙ୍ଗ୍ ନିଜେ ନଷ୍ଟ ଗଟାୟ୍ କିନାରା।

ସତ୍‌ ବଚନ୍‌ ପୁନି ନିୟମ୍‌

¹⁶ ହେୱାନ୍ ଜାର୍ତି ୱିଜ଼ୁ ଆକିତ ପା ଇସବୁ ବିସ୍ରେ ଲେକି କିଜ଼ି ହେବାନି ଇନାନ୍‌; ହେ ସବୁନି ଏଲେଂ ଏଚେକ୍‌ ବିସ୍ରେ ମାନିକ୍, ଇନାକାକି ବୁଜାଦେଂ କସ୍ଟ, ଆରେ ହିକାୱିତି ତିର୍କାଡ଼୍‍ବୁଦି ଲଗୁ ଜାର୍ ଜାର୍ ବୁଡାନି କାଜିଂ ଆଦେକ୍‌ ୱିଜ଼ୁ ସାସ୍ତର୍‌ ଇନେସ୍‌, ହେ ୱିଜ଼ୁନି ପା ହେ ଲାକେ ଅରାହିଲ୍‍ୱି ଅରତ୍‌ କିନାର୍‌ ।

୨ ପିତର 3:16 Iomraidhean Croise

ମାତିଉ 15:3

ଯୀଶୁ ଆରେରଗ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଈଶ୍ୱର ବିଦିପିସ୍ତି ଜାର୍-ଜାର୍ ବିଦିତିଙ୍ଗ୍ ମାନି କିନାଦେରା।

ମାତିଉ 15:6

ଏପେଙ୍ଗ୍ ଏଲେଙ୍ଗ୍ ଇଞ୍ଜି ଜାର୍ ଆୟାଆବାରିଙ୍ଗ୍ ମାନି କିଦେଙ୍ଗ୍ ହିଉଦେରା। ହେଲେକେ ଏପେଙ୍ଗ୍ ମାନାୟାରିଙ୍ଗ୍ ହିକ୍ଷା ହିନିହିଙ୍ଗ୍ ଈଶ୍ୱର ସାସ୍ତର୍ ବିଦିତିଙ୍ଗ୍ ପିହ୍‌ନାଦେରା। ଆରେ ଆଗେନିକାର୍ ହିକାଇ କିତି ବିଦିତିଙ୍ଗ୍ ଏପେଙ୍ଗ୍ ମାନି କିନାଦେରା, ଏପେଙ୍ଗ୍ ଇ ବିଦିତିଙ୍ଗ୍ ମାନିକିଜି ବେସିବୁଲ୍ କିନାଦେରା।”

ମାତିଉ 22:29

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଦରମ୍ ସାସ୍ତର୍‌ତିଙ୍ଗ୍ ଆରେ ଈଶ୍ୱର ଶାକ୍ତି ବିଷୟରେ ପୁନ୍‌ୱାତାଦେର୍‌ନା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ବୁଲ୍ ବୁଜାଆନାଦେରା।

ପିଲିପିୟ 3:19

ଈଶ୍ୱର ହେୱାରିଙ୍ଗ୍ ନଷ୍ଟ କିନାନ୍। ଇନେସ୍‌କି ହେୱାର୍ ତା ଗାଗାଡ଼୍‌ନି ଇଚାତାଙ୍ଗ୍ ଈଶ୍ୱର ଇଞ୍ଜି ମାନିକିନାର୍। ଆରେ ହେୱାର୍ ଅପ୍‌ମାନ୍ ବିଷୟତିଙ୍ଗ୍ ହାର୍ଦି ବିଷୟ ଇଞ୍ଜି ବାବିକିନାର୍। ଆରେ ହେୱାର୍ ପୁର୍ତିନି ବିଷୟ ନେ ବାବିକିନାର୍।

ଏବ୍ରି 5:11

ଆପେଙ୍ଗ୍ ଯୀଶୁ ଖ୍ରୀଷ୍ଟ ବିଷୟରେ ବେସି ୱେଚ୍‌ଚେଙ୍ଗ୍ ଇଚା କିନାପା, ମାତର୍ ଏପେଙ୍ଗ୍ ଈଶ୍ୱର କାତା ୱେନି କାଜିଙ୍ଗ୍ ବେସି ଆଡ଼୍‌ସିଆ ଆତିଲେ, ହେଦାଙ୍ଗ୍ ପୁରାପୁରି ବୁଜାୟ୍ କିନି କାଜିଙ୍ଗ୍ କଷ୍ଟ ଆଦ୍‌ନାତା।

ଜାକ୍‌ବ 1:8

ହେଲେକେ ମାନାୟ୍ ଇଶ୍ୱରତାଙ୍ଗ୍ ଇନାକା ପାୟାଆନାଙ୍ଗ୍ ଇଞ୍ଜି ଆହା କିମେନ୍।

୧ ପିତର 1:1

ଇ ଚିଟି ଆନେଙ୍ଗ୍ ଯୀଶୁ ଖ୍ରୀଷ୍ଟ ଚେଲାହି ପିତର ଲେକିକିତାଙ୍ଗ୍‌ନା। ଆନେଙ୍ଗ୍ ଇ ଚିଟି ଈଶ୍ୱର ବାଚିକିତି ଚେଲାହିର୍ କାଜିଙ୍ଗ୍ ଲେକିକିତାଙ୍ଗ୍‌ନା, ଇମ୍‌ଣି ମାନାୟାର୍ ଜେକନି ଦେସ୍‌ତାକେ ମାନିଲେକେ ପନ୍ତ, ଗାଲାତିୟ, କାପାଦକିଆ, ଏସିଆ ଆରେ ବେଥୁନିଆ ଇ ୱିଜୁ ଦେସ୍‌ତାକେ ମାନାରା।

୧ ପିତର 2:8

ଆରେ ପା ଦରମ୍ ସାସ୍ତର୍‌ତାକେ ଇଲେକେ ଲେକାଆତାତ୍‌ନା, “ଇ କାଲ୍ କାଜିଙ୍ଗ୍ ମାନାୟାର୍ ଉଜ୍‌ଦି ମେଦ୍‌ନିତ ଗୁର୍‌ନାର୍‌। ଇଦାଙ୍ଗ୍ ନେ ହେ କାଲ୍ ଇମ୍‌ଣାକା ମାନାୟାରିଙ୍ଗ୍ ତାରେନ୍ ଗୁତ୍‌ନାତା।” ଇନେସ୍‌କି ହେୱାର୍ ଈଶ୍ୱର କାତାତିଙ୍ଗ୍ ପାର୍ତି କିୱାତାର୍ ହେଦାଙ୍ଗ୍ କାଜିଙ୍ଗ୍ ହେୱାର୍ ହେ କାଲ୍‌ଦ ଉଜ୍‌ଦି ଗୁର୍‌ତାର୍, ଆରେ ଇଲେକେ ଆଦେଙ୍ଗ୍ ଈଶ୍ୱର ନେ ଉପାୟ୍ କିଜି ମାଚାନ୍।

୨ ପିତର 2:1

ଇସ୍ରାଏଲ ଦେସ୍‌ତାକେ ଇନେସ୍ ଆଗେ ବୁଲ୍ ଭବିଷ୍ଯତବକ୍ତାର୍ ଚଞ୍ଜିଆଆଜି ମାଚାର୍, ହେଲେକେ ବୁଲ୍ ହିକ୍ଷାହିନି ମାଷ୍ଟେରାର୍ ମି ବିତ୍ରେ ଚଞ୍ଜିୟା ଆନାର୍। ହେୱାର୍ ମିଚ୍ ହିକ୍ଷା ହିନାର୍, ଲାଗିଙ୍ଗ୍ ମାନାୟାର୍ ଖ୍ରୀଷ୍ଟତାକେ ପାର୍ତି କିନାକା ବନ୍ଦ୍ କିନାର୍। ଇ ବୁଲ୍ ହିକ୍ଷାହିନି ମାଷ୍ଟେରାର୍ ଖ୍ରୀଷ୍ଟଙ୍ଗ୍ ହେୱାର୍ ମାଷ୍ଟେର୍ ଇଞ୍ଜି ମାନିକିଉର୍, ଆରେ ଖ୍ରୀଷ୍ଟ ହେୱାରିଙ୍ଗ୍ ପାପ୍‌ନି ଶାକ୍ତିତାଙ୍ଗ୍ ମୁକ୍ତି କିତ୍‌ତାନ୍‌ନା ଇଞ୍ଜି ପା ଆହୁର୍। ହେୱାର୍ ଇଲେକେ ନିଜେତିଙ୍ଗ୍ ନିଜେ ହେଦାପ୍ରେ ନଷ୍ଟ ଗଟାଇକିୟା ଆନାର୍।

୨ ପିତର 2:14

ହେୱାର୍ ହୁଡ଼୍‌ତି କଗ୍‌ଲେକ୍‌ତାଙ୍ଗ୍ ଦାରି କାମାୟ୍ କିଦେଙ୍ଗ୍ ଇଚା କିନାର୍। ହେୱାର୍ ପାପ୍ କାମାୟ୍ କିନି ସୁଯଗ୍‌ତିଙ୍ଗ୍ ପିହୁର୍। ଖ୍ରୀଷ୍ଟତାକେ ଇମ୍‌ଣାକାର୍ ଷ୍ଟ୍ରଙ୍ଗ୍‌କିଜି ପାର୍ତି କିଉର୍, ହେୱାରିଙ୍ଗ୍ ଇ ବୁଲ୍ ହିକ୍ଷାହିନି ମାଷ୍ଟେରାର୍ ଟକାୟ୍ କିନାର୍, ଆରେ ହେୱାରିଙ୍ଗ୍ ଇ ମାଷ୍ଟେରାର୍ ପାପ୍ କାମାୟ୍ କିୟିକିନାର୍। ଆରେ ହେୱାର୍ ବେସି ଲବ୍ରା ଆତି କାଜିଙ୍ଗ୍, ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।

୨ ପିତର 3:14

ଲାଗିଙ୍ଗ୍ ଏ ନା ଲାଡ୍‌ନି ସାଙ୍ଗ କାଦେର୍, ଏପେଙ୍ଗ୍ ଇ ୱିଜୁ ବିଷୟତିଙ୍ଗ୍ କାସିମାନି କାଜିଙ୍ଗ୍, ଏପେଙ୍ଗ୍ ପବିତ୍ର ଆନି କାଜିଙ୍ଗ୍, ଦସ୍ ହିଲ୍‌ୱି ଲେକେ ଜିବୁନ୍ କାଟିକିନି କାଜିଙ୍ଗ୍ ଆରେ ଜାର୍-ଜାର୍ ଶାନ୍ତିରେ ମାନି କାଜିଙ୍ଗ୍ ଉପାୟ୍ କିୟାଟ୍।

୨ ପିତର 3:2

ପବିତ୍ର ଭବିଷ୍ଯତବକ୍ତା ୱେଚ୍‌ଚି କାତା, ଆରେ ମା ମାପୃ ଯୀଶୁ ଖ୍ରୀଷ୍ଟତି ହିକ୍ଷା ଇନାକା ବାଚିକିତି ଚେଲାର୍ ମି ଲାଗାୟ୍ ୱାଜି ୱେଚ୍‌ଚାତାର୍‌ନା। ହେଦାଙ୍ଗ୍ ମିଙ୍ଗେଙ୍ଗ୍ ଏତୁକିୟି କିଦ୍‌ନି କାଜିଙ୍ଗ୍, ଇଦାଙ୍ଗ୍ ଆନେଙ୍ଗ୍ ଲେକିକିନାଙ୍ଗା।

ଜିହୁଦା 1:4

ଈଶ୍ୱରତିଙ୍ଗ୍ ମାନିକିୱି ବୁଲ୍ ହିକ୍ଷାହିନି ମାଷ୍ଟେରାର୍ ଆସେଙ୍ଗ୍ ପୁନ୍‌ୱାଦାଙ୍ଗ୍ କେତେକ୍ ମା ବିତ୍ରେ ହଟାର୍‌ନା। ଇ ମାନାୟାର୍ ବିଷୟରେ ଈଶ୍ୱର ବେସି ବାହ୍‌ରୁ ଆଗେ ସାସ୍ତର୍‌ତାକେ ୱେଚ୍‌ଚାନ୍‌ନା ଯେ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍। ହେୱାର୍ କରାପ୍ କାମାୟ୍ କିଜି ଜାର୍‌ତିଙ୍ଗ୍ ରକ୍ଷା କିନି କାଜିଙ୍ଗ୍, ହେୱାର୍ ମା ଈଶ୍ୱର ଦୟାନି କାତାତିଙ୍ଗ୍ ବିଗ୍‌ଡ଼ାୟ୍ କିତାର୍‌ନା। ମା ରକାନ୍ ଇଞ୍ଜି ମାଷ୍ଟେର୍ ଆରେ ମାପୃ ଯୀଶୁ ଖ୍ରୀଷ୍ଟଙ୍ଗ୍ ଆହୁର୍।