୨ ପିତର 3:14 - New Testament in Pengo Parja Language

¹⁴ ଲାଗିଙ୍ଗ୍ ଏ ନା ଲାଡ୍‌ନି ସାଙ୍ଗ କାଦେର୍, ଏପେଙ୍ଗ୍ ଇ ୱିଜୁ ବିଷୟତିଙ୍ଗ୍ କାସିମାନି କାଜିଙ୍ଗ୍, ଏପେଙ୍ଗ୍ ପବିତ୍ର ଆନି କାଜିଙ୍ଗ୍, ଦସ୍ ହିଲ୍‌ୱି ଲେକେ ଜିବୁନ୍ କାଟିକିନି କାଜିଙ୍ଗ୍ ଆରେ ଜାର୍-ଜାର୍ ଶାନ୍ତିରେ ମାନି କାଜିଙ୍ଗ୍ ଉପାୟ୍ କିୟାଟ୍।

ସତ୍‌ ବଚନ୍‌ ପୁନି ନିୟମ୍‌

¹⁴ ଲାଗିଂ, ଏ ୱାରିନିକାଦେର୍, ଏପେଙ୍ଗ୍‌ ଇ ୱିଜ଼ୁ ବିସ୍ରେ କାସି ମାଚିଲେ ଇସ୍ୱର୍‌ତି ଲାଗେ ଇନେସ୍‌ ପ୍ରାଲ୍‍ୱାଦାଂ ଆରି ନିନ୍ଦାୱାଦାଂ ସୁସ୍ତାତ ମାନାକା ହୁଡ଼୍‌ୟାନାତ୍, ଇଦାଂ କାଜିଂ ଜାତୁନ୍‌ କିୟାଟ୍‌;

୨ ପିତର 3:14 Iomraidhean Croise

ମାତିଉ 24:26

ହୁଡ଼ାଟ୍ ହେୱାନ୍ ଟାଙ୍ଗ୍ରାବାହାତାକେ ମାନାନ୍ ଇଞ୍ଜି ଯଦି ମାନାୟାର୍ ଇଞ୍ଜ୍‌ନାର୍ ହେବେ ହାଲ୍‌ମାଟ୍। କି ହେୱାର୍ ଇଞ୍ଜ୍‌ନାର୍ ହୁଡ଼ାଟ୍ ଇବେ ହେୱାନ୍ ଡ଼ୁକ୍ତାନ୍‌ନା ହେୱାରିଙ୍ଗ୍ ପାର୍ତି କିମାଟ୍।

ମାତିଉ 25:7

ଇବେଣ୍ ୱେନ୍‌ଞ୍ଜି ୱିଜୁ ଗାଡ଼୍‌ଚେକ୍ ନିଙ୍ଗ୍‌ଞ୍ଜି ଜାର୍-ଜାର୍ ବଇଟାତିଙ୍ଗ୍ ସଜାଇ କିଦେଙ୍ଗ୍ ଲାଗିତିକ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:43

ଏଚେପାଦ୍ନା ମାଲିକ୍ ୱାଜି ହୁଡ଼୍‌ତାନ୍ ଯେ, ହେ ହଲିଆ‌ତିଙ୍ଗ୍ ଇମ୍‌ଣି କାମାୟ୍ ହିଜିମାଚାନ୍, ହେ ହଲିଆ ହେ କାମାୟ୍ ହାର୍‌ଦାଙ୍ଗ୍ କିତାନ୍‌ନା। ହେପାଦ୍ନା ମାପୃ ହେ ହଲିଆ‌ତିଙ୍ଗ୍ ବେସି ୱାରିୟା ଆନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:29

“ମାପୃ! ଏନେଙ୍ଗ୍ ଇମ୍‌ଣି ଆଦେସ୍ ନାଙ୍ଗେଙ୍ଗ୍ ହିଜି ମାଞ୍ଚାଇ ହେଦାଙ୍ଗ୍ ପୁରା କିତାଇ। ନଙ୍ଗୟ୍ ଆନେଙ୍ଗ୍ ଶାନ୍ତିରେ ହାଃଦେଙ୍ଗ୍ ଆଡ୍‌ନାଙ୍ଗ୍।

୧ କରନ୍ତିୟ 1:8

ଈଶ୍ୱର ମିଙ୍ଗେଙ୍ଗ୍ ମା ମାପୃ ଯୀଶୁ ଖ୍ରୀଷ୍ଟ ପୁର୍ତିତାକେ ଆରେରଗ ୱାନିଦିନ୍ ପାତେକ୍ ପାର୍ତି କିଜି ମାନି କାଜିଙ୍ଗ୍ ସାଇଜ କିଦ୍‌ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ଦସି ଆଦେଙ୍ଗ୍ ହିଦୁନ୍।

୧ କରନ୍ତିୟ 15:58

ଲାଗିଙ୍ଗ୍, ଏ ଟଣ୍ଡାର୍‌କାଦେର୍, ଏପେଙ୍ଗ୍ ଖ୍ରୀଷ୍ଟଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ପାର୍ତି କିଜି ମାନାଟ୍, ଆରେ ମିଚ୍ ହିକ୍ଷା ଶୁଣାୟ୍ କିନି ମାନାୟାର୍‌ତାଙ୍ଗ୍ ଦେହା ହାଲ୍‌ମାଟ୍। ଇନେସ୍‌କି ତା କାମାୟ୍ କିଦେଙ୍ଗ୍ କଷ୍ଟ କିନାକା ବେକାର୍ ଆଉତ୍, ଇନେସ୍‌କି ଏପେଙ୍ଗ୍ ହାର୍ କିଜି ପୁଚାଦେର୍‌ନା ଯେ, ତା କାଜିଙ୍ଗ୍ କିନି କାମାୟ୍ ମି କାଜିଙ୍ଗ୍ ଲାବ୍ ଆଦ୍‌ନାତ୍।

ପିଲିପିୟ 1:10

ଲାଗିଙ୍ଗ୍ ଏପେଙ୍ଗ୍ ୱିଜୁତାଙ୍ଗ୍ ହାର୍ଦି ବିଷୟତିଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍, ଆରେ ଖ୍ରୀଷ୍ଟ ଦିନ୍‌ତ ଏପେଙ୍ଗ୍ ଟିକ୍ ଆରେ ଇନା ଦସ୍ ପା ମିଙ୍ଗେଙ୍ଗ୍ ହିଲ୍‌ଗୁତ୍।

ପିଲିପିୟ 2:15

ଲାଗିଙ୍ଗ୍ ଇନେର୍ ପା ମିଙ୍ଗେଙ୍ଗ୍ ଦସି ଇଞ୍ଜି ୱେଚ୍‌ଚେଙ୍ଗ୍ ଆଡ଼୍‌ଦୁର୍, ଆରେ ଏପେଙ୍ଗ୍ ଦରମ୍ ମାନାୟ୍ ଆନାଦେର୍। କରାପ୍ ମାନାୟାର୍ ବିତ୍ରେ ମାନ୍‌ଞ୍ଜି ପା ଏପେଙ୍ଗ୍ ଇନାକା କରାପ୍ କାମାୟ୍ କିୱାଦାଙ୍ଗ୍ ଏପେଙ୍ଗ୍ ଈଶ୍ୱର ହିମ୍‌ଣାଙ୍ଗ୍ ଲେକେ ଆଜି ମାନାଟ୍। ଏପେଙ୍ଗ୍ ଜିବୁନ୍ ହିଦ୍‌ନି କାତାତିଙ୍ଗ୍ ଆସ୍ତି ବାଦାଡ଼୍‌ନି ହୁକା ଲେକେ ଆଜି ହେୱାର୍ ବିତ୍ରେ ଅଜଡ଼୍ ଆଡ।

ପିଲିପିୟ 3:20

ମାତର୍ ଆପେଙ୍ଗ୍ ସରଗ୍ ଦେସ୍‌ତ ବାହାକିନି ମାନାୟ୍। ଆରେ ଆପେଙ୍ଗ୍ ସରଗ୍‌ତାଙ୍ଗ୍ ପୁର୍ତିତାକେ ୱାନି ମା ମାପୃ ଯୀଶୁ ଖ୍ରୀଷ୍ଟ ଉଦାର୍ କିଦ୍‌ନାକାନିଙ୍ଗ୍ ଆପେଙ୍ଗ୍ କାକୁଲ୍‌ତି ଆଜି କାତାପ୍‌ନା।

୧ ଥେସଲନୀକିୟ 3:13

ଆପେଙ୍ଗ୍ ପାର୍ତାନା କିନାପା ଯେ, ମା ମାପୃ ଯୀଶୁ ଖ୍ରୀଷ୍ଟ ଆରେରଗ ତା ସାଦୁ ମାନାୟାର୍ ହୁଦାଙ୍ଗ୍ ୱାନାନ୍, ଆରେ ଆସେଙ୍ଗ୍ ଈଶ୍ୱର ମୁମ୍‌ଦ ନିଲ୍‌ତିହିଙ୍ଗ୍‌, ଖ୍ରୀଷ୍ଟ ମାଙ୍ଗେଙ୍ଗ୍ ସାସ୍, ପବିତ୍ର ଆରେ ଦସ୍ ହିଲି ମାନାୟ୍ କିଦ୍‌ନାନ୍।

୧ ଥେସଲନୀକିୟ 5:23

ଶାନ୍ତି ହିଦ୍‌ନି ଈଶ୍ୱର ହେୱାନ୍ ନିଜେ ମିଙ୍ଗେଙ୍ଗ୍ ପୁରାପୁରି ବାବେ ପବିତ୍ର କିଦ୍‌ନାନ୍। ମି ଆତ୍ମା, ଜିବୁନ୍ ଆରେ ଗାଗାଡ଼୍ ଦସ୍ କିତାନ୍‌ନା ଇଞ୍ଜି ଇଞ୍ଜ୍‌ମେର୍, ମା ମାପୃ ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ଆରେରଗ ପୁର୍ତିତାକେ ୱାନି ପାତେକ୍।

୧ ତିମତି 6:14

ଈଶ୍ୱର ଇମ୍‌ଣି ଆଦେସ୍ କିଦେଙ୍ଗ୍ ନିଙ୍ଗେଙ୍ଗ୍ ୱେଚ୍‌ଚାତାନ୍‌ନା। ହେ ଆଦେସ୍‌ତିଙ୍ଗ୍ ମାନିକିଜି କିୟା, ଲାଗିଙ୍ଗ୍ ଇନେର୍ ପା ନିଙ୍ଗେଙ୍ଗ୍ ଦସ୍ କିତାନ୍‌ନା ଇଞ୍ଜି ୱେଚ୍‌ଚୁର୍ ଏଚେପାଦ୍ନା ମାପୃ ଯୀଶୁ ଖ୍ରୀଷ୍ଟ ପୁର୍ତିତାକେ ୱାନାନ୍।

ଏବ୍ରି 9:28

ହେଲେକେ ଖ୍ରୀଷ୍ଟ ପା ମାନାୟାର୍ ପାପ୍‌ତିଙ୍ଗ୍ ଦେହାକିନି କାଜିଙ୍ଗ୍ ରଗ ଜାର୍‌ତିଙ୍ଗ୍ ବଲିପୁଜା କିତାନ୍‌ନା। ଲାଗିଙ୍ଗ୍ ଏଚେପାଦ୍ନା ହେୱାନ୍ ଆରେରଗ ୱାନାନ୍, ମାନାୟାର୍ ପାପ୍ କାଜିଙ୍ଗ୍ ଜାର୍‌ତିଙ୍ଗ୍ ବଲିପୁଜା କିନି କାଜିଙ୍ଗ୍ ୱାଉନ୍, ମାତର୍ ଇମ୍‌ଣି ମାନାୟାର୍ ହେୱାନିଙ୍ଗ୍ କାତାର୍‌ନା, ହେୱାରିଙ୍ଗ୍ ଉଦାର୍ କିନି କାଜିଙ୍ଗ୍ ୱାନାନ୍।

ଜାକ୍‌ବ 1:27

ଟୁରା ହିମ୍‌ଣା ଆରେ ରାଣ୍ଡି କଗ୍‍ଲେକାଙ୍ଗ୍ ଜାତୁନ୍ କିଦେଙ୍ଗ୍ ଆରେ ପୁର୍ତିନି କରାପ୍ କାମାୟ୍‌ତାଙ୍ଗ୍ ମାନ୍‌ୱାଦାଙ୍ଗ୍ ଜାର୍‌ତିଙ୍ଗ୍ କରାପ୍ ଆଜି ମାନ୍‌ଗୁନ୍, ହେଦାଙ୍ଗ୍ ନେ ମା ଆବା ଈଶ୍ୱର ମୁମ୍‌ଦ ନିର୍ମଲ୍ ଆରେ ଟିକ୍‌ଟାକ୍ ଦରମ୍ ଜିବୁନ୍।

୧ ପିତର 1:7

ଇ ୱିଜୁ ଦୁକ୍‌କଷ୍ଟ ପୁନି କିଦ୍‌ନାତ୍ ଯେ, ଏପେଙ୍ଗ୍ ଈଶ୍ୱରତିଙ୍ଗ୍ ହାତ୍‌ପା ପାର୍ତି କିନାଦେରା। ଏପେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିନାକା ହନାତାଙ୍ଗ୍ ପା ବେସି ଦାମ୍। ଇନେସ୍‌କି ହନାତିଙ୍ଗ୍ ନାଣିତାକେ କାଡିକିଜି ପରିକ୍ଷା କିନାର୍ ଆରେ ନୁଜ୍‌ନାର୍, ହେଲେକେ ଦୁକ୍‌କଷ୍ଟ ୱାତିସ୍ ପା ଏପେଙ୍ଗ୍ ଯଦି ଯୀଶୁଙ୍ଗ୍ ପାର୍ତି କିଜି ମାନ୍‌ଗାନାଦେର୍। ଲାଗିଙ୍ଗ୍ ଯୀଶୁ ଖ୍ରୀଷ୍ଟ ଆରେରଗ ୱାନି ଦିନ୍‌ତ ଏପେଙ୍ଗ୍ ଗୌରବ, ସନ୍‌ମାନ୍ ଆରେ ଜୟ୍-ଜୟ୍ ପାୟାଆନାଦେର୍।

୨ ପିତର 3:1

ନା ଲାଡ୍‌ନି ସାଙ୍ଗ କାଦେର୍, ଏପେଙ୍ଗ୍ ପୁଚି ବିଷୟତିଙ୍ଗ୍ ମାନ୍ତ ଏତୁକିନି କାଜିଙ୍ଗ୍ ଆରେ ମି ମାନ୍ତ ହାର୍ଦି ବାବ୍‌ନାତିଙ୍ଗ୍ ଜାଗାୟ୍ କିନି କାଜିଙ୍ଗ୍, ନଙ୍ଗୟ୍ ଆନେଙ୍ଗ୍ ମି ଲାଗାୟ୍ ଇ ରି ନମ୍ବର୍ ଚିଟି ଲେକିକିନାଙ୍ଗା।

୨ ପିତର 3:16

ହେୱାନ୍ ତା ଚିଟିତାକେ ଇୱିଜୁ ବିଷୟ ଲେକିକିତାନ୍‌ନା। ମାତର୍ ହେୱାନ୍ ଲେକିକିତି ବିଷୟତାଙ୍ଗ୍ କେତେକ୍ ବିଷୟ ମାନାତ୍, ହେଦାଙ୍ଗ୍ ବୁଜା ଆଦେଙ୍ଗ୍ ବେସି କଷ୍ଟ। ଆରେ ଅଶିକିତ୍ ମାନାୟ୍ ଆରେ ପାର୍ତିତାକେ ତିର୍ ହିଲ୍‌ୱି ମାନାୟ୍, ସାସ୍ତର୍ ଜେକନି କାତାଲେକେ ଇ ବୁଜାଆୱି ବିଷୟତିଙ୍ଗ୍ ଇ ମାନାୟାର୍ ବୁଲ୍ ବାବ୍‌ରେ ବୁଜାୟ୍ କିନାର୍। ଇଦାଙ୍ଗ୍ କାଜିଙ୍ଗ୍ ହେୱାର୍ ନିଜେତିଙ୍ଗ୍ ନିଜେ ନଷ୍ଟ ଗଟାୟ୍ କିନାରା।

୧ ଯୋହନ 3:3

ଆରେ ଇମ୍‌ଣି ମାନାୟ୍ ଖ୍ରୀଷ୍ଟଙ୍ଗ୍ ପାର୍ତି କିଜି ଆହା କିନାନା। ଲାଗିଙ୍ଗ୍ ଈଶ୍ୱର ଇନେସ୍‌କି ପବିତ୍ର ମାନାନ୍, ହେଲେକେ ହେୱାନ୍ ପା ଜାର୍‌ତିଙ୍ଗ୍ ପବିତ୍ର କିୟେନ୍।