୨ ପିତର 2:3 - New Testament in Pengo Parja Language3 ଇ ମାଷ୍ଟେରାର୍ ବେସି ଲବ୍ରାର୍। ହେୱାର୍ ମିବେତାଙ୍ଗ୍ ଡାବୁଙ୍ଗ୍ ଲାବ୍ ପାୟାଆନି କାଜିଙ୍ଗ୍, ହେୱାର୍ ମାନ୍ତାଙ୍ଗ୍ ରସ୍ତି କାତା ୱେଚ୍ଚି ମିଙ୍ଗେଙ୍ଗ୍ ଟକାୟ୍ କିଦ୍ନାର୍। ଲାଗିଙ୍ଗ୍ ଈଶ୍ୱର ବେସି ବାହ୍ରୁ ଆଗେ ହେୱାରିଙ୍ଗ୍ ଦଣ୍ଡ୍ ହିନାନ୍ ଇଞ୍ଜି ଇଚା କିତାନ୍ନା, ଆରେ ହେୱାନ୍ ଇଦାଙ୍ଗ୍ କିନି କାଜିଙ୍ଗ୍ ରେଡି ଆତାନ୍ନା। ହେୱାନ୍ ହେୱାରିଙ୍ଗ୍ ହାତ୍ପା ନଷ୍ଟ କିନାନ୍। Faic an caibideilସତ୍ ବଚନ୍ ପୁନି ନିୟମ୍3 ହେୱାର୍ ଦନ୍ଲବ୍ତ ଚାକ୍ରାୟ୍କାତା ହୁଦାଂ ମିତାଂ ଟାକାଂଲବ୍ କିଦେଙ୍ଗ୍ ସେସ୍ଟା କିନାର୍; ହେୱାର୍ତି ଡାଣ୍ଡ୍ ବେସି କାଡ଼୍ଦାଂ ଗିଟାଜ଼ି ୱାନାତା ଆରି ବେସିଦିନ୍ତାଂ ଇସ୍ୱର୍ ହେୱାର୍ତି ବିଚାର୍ କିତାନ୍ନ୍ନା ଆରେ ହେୱାର୍ତି ହାକିନି ଦିନ୍ ୱାତାତେ । Faic an caibideil |
୨ ପିତର 2:3
43 Iomraidhean Croise
ତାପାଚେ ହେୱାର୍ ଯୀଶୁଙ୍ଗ୍ ବୁଲ୍ ଆସ୍ତି ଦସି କିଦେଙ୍ଗ୍ ଉପାୟ୍ ଡେକ୍ଚି ମାଚାର୍। ହେଦାଙ୍ଗ୍ କାଜିଙ୍ଗ୍ ହେୱାର୍ କେତ୍ଜାଣ୍ ବାଟ୍ପାଣିଆର୍ ଲେଗ୍ଦି ମାନାୟାରିଙ୍ଗ୍ ଯୀଶୁ ଲାଗାୟ ପକ୍ତାର୍। ହେୱାର୍ ବାବିକିଜି ମାଚାର୍ ଯେ, ଯୀଶୁ ୱେଚ୍ଚି କାତାତିଙ୍ଗ୍ ବୁଲ୍ ଆସ୍ତେଙ୍ଗ୍ ଆଡ୍ନାର୍। ଆରେ ହେ ବୁଲ୍ ଆସ୍ତି ରମିୟ ସରକାର୍ ଗବର୍ନର୍ କେଇଦ ଯୀଶୁଙ୍ଗ୍ ଆହିକିଦେଙ୍ଗ୍ ଆଡ୍ନାର୍।
ଇନେସ୍କି ବିଶପ୍, ଈଶ୍ୱର କାମାୟ୍ ଦେକାଶୁଣା କିନି ମାନାୟ୍ ଆତି କାଜିଙ୍ଗ୍ ହେୱାନ୍ ଲାଗାୟ୍ ଇନା ଦସ୍ ପା ହିଲ୍ୱି ଦର୍କାର୍। ହେୱାନ୍ ଜାର୍ ଇଚା ଅନୁସାରେ କାମାୟ୍ କିୱାକାନ୍ ଆଜି ମାନି ଦରକାର୍, କି ଗାଡ଼ିତିଙ୍ଗ୍ ଗାଡ଼ି ରିସା ଆୱି ମାନାୟ୍ ଆନି ଦର୍କାର୍। ମଦୁୱା ଆୱାଦାଙ୍ଗ୍ ମାନ୍ଗାନାନ୍, କି ଗଣ୍ଡ୍ଗଲ୍ କିୱାକାନ୍ ଆୱାଦାଙ୍ଗ୍ ମାନ୍ଗାନାନ୍, କି ଦନ୍ ଆହାତାଙ୍ଗ୍ ଜେକନିକାନିଙ୍ଗ୍ ଟକାଇ କିୱାକାନ୍ ଆୱାଦାଙ୍ଗ୍ ମାନ୍ଗାନାନ୍, ମାତର୍ ହେୱାନ୍ ଗତାକାଙ୍ଗ୍ ହାର୍ଦାଙ୍ଗ୍ ମାନିକିନି ଦର୍କାର୍।
ଆରେ ପା ଦରମ୍ ସାସ୍ତର୍ତାକେ ଇଲେକେ ଲେକାଆତାତ୍ନା, “ଇ କାଲ୍ କାଜିଙ୍ଗ୍ ମାନାୟାର୍ ଉଜ୍ଦି ମେଦ୍ନିତ ଗୁର୍ନାର୍। ଇଦାଙ୍ଗ୍ ନେ ହେ କାଲ୍ ଇମ୍ଣାକା ମାନାୟାରିଙ୍ଗ୍ ତାରେନ୍ ଗୁତ୍ନାତା।” ଇନେସ୍କି ହେୱାର୍ ଈଶ୍ୱର କାତାତିଙ୍ଗ୍ ପାର୍ତି କିୱାତାର୍ ହେଦାଙ୍ଗ୍ କାଜିଙ୍ଗ୍ ହେୱାର୍ ହେ କାଲ୍ଦ ଉଜ୍ଦି ଗୁର୍ତାର୍, ଆରେ ଇଲେକେ ଆଦେଙ୍ଗ୍ ଈଶ୍ୱର ନେ ଉପାୟ୍ କିଜି ମାଚାନ୍।
ଇସ୍ରାଏଲ ଦେସ୍ତାକେ ଇନେସ୍ ଆଗେ ବୁଲ୍ ଭବିଷ୍ଯତବକ୍ତାର୍ ଚଞ୍ଜିଆଆଜି ମାଚାର୍, ହେଲେକେ ବୁଲ୍ ହିକ୍ଷାହିନି ମାଷ୍ଟେରାର୍ ମି ବିତ୍ରେ ଚଞ୍ଜିୟା ଆନାର୍। ହେୱାର୍ ମିଚ୍ ହିକ୍ଷା ହିନାର୍, ଲାଗିଙ୍ଗ୍ ମାନାୟାର୍ ଖ୍ରୀଷ୍ଟତାକେ ପାର୍ତି କିନାକା ବନ୍ଦ୍ କିନାର୍। ଇ ବୁଲ୍ ହିକ୍ଷାହିନି ମାଷ୍ଟେରାର୍ ଖ୍ରୀଷ୍ଟଙ୍ଗ୍ ହେୱାର୍ ମାଷ୍ଟେର୍ ଇଞ୍ଜି ମାନିକିଉର୍, ଆରେ ଖ୍ରୀଷ୍ଟ ହେୱାରିଙ୍ଗ୍ ପାପ୍ନି ଶାକ୍ତିତାଙ୍ଗ୍ ମୁକ୍ତି କିତ୍ତାନ୍ନା ଇଞ୍ଜି ପା ଆହୁର୍। ହେୱାର୍ ଇଲେକେ ନିଜେତିଙ୍ଗ୍ ନିଜେ ହେଦାପ୍ରେ ନଷ୍ଟ ଗଟାଇକିୟା ଆନାର୍।
ସତ୍ରେ ହେୱାର୍ ଆଦମ ହିମ୍ଣା କୟିନ ଲେକେ କରାପ୍ ବ୍ୟବହାର୍ କିନାର୍। ଡାବୁଙ୍ଗ୍ କମାୟ୍ କିଦେଙ୍ଗ୍ ଭବିଷ୍ୟତବକ୍ତା ବିଲିୟମ ଇନେସ୍ ମାନାୟାରିଙ୍ଗ୍ ପାପ୍ କାମାୟ୍ କିନି ହାଜ୍ଦିଙ୍ଗ୍ ଅସାହାଲ୍ଜି ମାଚାନ୍, ହେୱାର୍ ପା ହେଲେକେ ବୁଲ୍ ବେଗି କିନାର୍। ମୋଶାଙ୍ଗ୍ ବିରଦ୍ କିଜି ଇନେସ୍ କୋରହ ନଷ୍ଟ ଆଜି ମାଚାନ୍, ହେଲେକେ ଇ ମାନାୟାର୍ ପା ନଷ୍ଟ ଆନାର୍, ଇନେସ୍କି ହେୱାର୍ ମାପୃଙ୍ଗ୍ ବିରଦ୍ କିନାରା।
“ହୁଡ଼ାଟ୍, ମାପୃ ୱିଜାକାରିଙ୍ଗ୍ ବିଚାର୍କିନି କାଜିଙ୍ଗ୍, ଆରେ ଅଦରମ୍ ୱିଜାକାର୍ ମାନାୟ୍ ଜାର୍-ଜାର୍ ଅଦରମ୍ତାଙ୍ଗ୍ ଇମ୍ଣି ୱିଜୁ ଅଦରମ୍ କାମାୟ୍ କିତାଦେର୍ନା ଆରେ ଅଦରମ୍ ପାପି ମାନାୟାର୍ ତା ବିରଦ୍ତାକେ ଇମ୍ଣି ୱିଜୁ କୁଟ୍ କାତା ୱେଚ୍ଚାର୍ନା। ହେ ୱିଜୁ ବିଷୟରେ ହେୱାରିଙ୍ଗ୍ ଦସି କିଜି ଦଣ୍ଡ୍ ହିନି କାଜିଙ୍ଗ୍ ହାଜାର୍-ହାଜାର୍ ସାଦୁ ମାନାୟାର୍ ହୁଦାଙ୍ଗ୍ ୱାନାନା।”
ଈଶ୍ୱରତିଙ୍ଗ୍ ମାନିକିୱି ବୁଲ୍ ହିକ୍ଷାହିନି ମାଷ୍ଟେରାର୍ ଆସେଙ୍ଗ୍ ପୁନ୍ୱାଦାଙ୍ଗ୍ କେତେକ୍ ମା ବିତ୍ରେ ହଟାର୍ନା। ଇ ମାନାୟାର୍ ବିଷୟରେ ଈଶ୍ୱର ବେସି ବାହ୍ରୁ ଆଗେ ସାସ୍ତର୍ତାକେ ୱେଚ୍ଚାନ୍ନା ଯେ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍। ହେୱାର୍ କରାପ୍ କାମାୟ୍ କିଜି ଜାର୍ତିଙ୍ଗ୍ ରକ୍ଷା କିନି କାଜିଙ୍ଗ୍, ହେୱାର୍ ମା ଈଶ୍ୱର ଦୟାନି କାତାତିଙ୍ଗ୍ ବିଗ୍ଡ଼ାୟ୍ କିତାର୍ନା। ମା ରକାନ୍ ଇଞ୍ଜି ମାଷ୍ଟେର୍ ଆରେ ମାପୃ ଯୀଶୁ ଖ୍ରୀଷ୍ଟଙ୍ଗ୍ ଆହୁର୍।
ହେଲେକେ ସଦୋମ ଆରେ ଗମୋରା ସହର୍ ଆରେ ହେ ଲାଗାୟ୍ନି ସହର୍କୁ ବିଷୟରେ ବାବିକିଜି ହୁଡ଼ାଟ୍, ହେ ସହର୍ନି ମାନାୟାର୍ ଦାରି ଆରେ ଅପ୍ମାନ୍ ଲେକେ ବେସି କରାପ୍ କାମାୟ୍ କିଜି ମାଚାର୍। ଲାଗିଙ୍ଗ୍ ଈଶ୍ୱର ହେ ମାନାୟାରିଙ୍ଗ୍ ନାଣି ହୁଦାଙ୍ଗ୍ ନଷ୍ଟ କିତାନ୍। କରାପ୍ ମାନାୟାର୍ କାଜିଙ୍ଗ୍ ଇଦାଙ୍ଗ୍ ରଞ୍ଜାଙ୍ଗ୍ ଜାଗ୍ରତ୍ନି ବେଣ୍ ଯେ ହେୱାର୍ ପା ୱିଜୁଦିନ୍ କାଚାଆନି ନାଣିତାକେ ଦଣ୍ଡ୍ ପାୟାଆନାର୍।
Sanasan