୨ ପିତର 2:21 - New Testament in Pengo Parja Language

²¹ ଯଦି ହେୱାର୍ ଦରମ୍ ମାନାୟ୍ ଲେକେ ଜିବୁନ୍‌ନି ବିଷୟ କାଟି କିନାକା ପୁନ୍‌ୱାଦାଙ୍ଗ୍ ମାଚିସ୍, ଇଦାଙ୍ଗ୍ ହେୱାର୍ କାଜିଙ୍ଗ୍ ହାର୍ ଆତାତ୍‌ମା। ଇନେସ୍‌କି ଇନାକା ଟିକ୍ ହେଦାଙ୍ଗ୍ ହେୱାର୍ ନଙ୍ଗୟ୍ ପୁଚାର୍‌ନା, ମାତର୍ ଆସେଙ୍ଗ୍ ବାଚିକିତି ଚେଲାକାସ୍‌ ହିକ୍ଷା ହିତି ଈଶ୍ୱର ଆଦେସ୍‌ତିଙ୍ଗ୍ ହେୱାର୍ ଆହୁରା।

ସତ୍‌ ବଚନ୍‌ ପୁନି ନିୟମ୍‌

²¹ ଇନେକିଦେଂକି ଦାର୍ମି ହାଜ଼ି ପୁଞ୍ଜି ଜାର୍‌ ଲକୁ ଲାଗାଂ ହେଲାୟ୍‌ ଆତି ପୁଇପୁୟା ବଲ୍‌ତାଂ ବିନ୍‍ମୁମ୍‍ ଆନି ବାଟା ନଲେ ହେ ହାଜ଼ି ପୁନ୍‍ୱାକା ହେୱାର୍‌ତି ପାକ୍ୟାତ ହାରା ଆତାତ୍ମା ।

୨ ପିତର 2:21 Iomraidhean Croise

ମାତିଉ 21:32

ଡୁବନ୍‌ହିନି ଯୋହନ ମି ଲାଗେ ୱାଜି ଦରମ୍ ହାଜ୍‌ଦିଙ୍ଗ୍ ହାଲ୍‌ଜି ହାର୍‌ଦାଙ୍ଗ୍ ଜିନାକା ଚଚ୍‌ଚି ମାନ୍‌ଞ୍ଚାନ୍। ମାତର୍ ଏପେଙ୍ଗ୍ ତାଙ୍ଗେଙ୍ଗ୍ ପାର୍ତି କିୱାତାଦେର୍। ମାତର୍ ସିସ୍ତୁଏନ୍‌ନାକାର୍ ଆରେ ଦାରି କାମାୟ୍ କିନାକାର୍ ତା କାତାତିଙ୍ଗ୍ ପାର୍ତି କିତାର୍। ଇଦାଙ୍ଗ୍ ହୁଡ଼୍‌ଜି ପା ଏପେଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଜି ତାଙ୍ଗେଙ୍ଗ୍ ପାର୍ତି କିୱାତାଦେର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:47

ଇମ୍‌ଣି ହଲିଆ ଜାର୍ ମାଲିକ୍ ଇଚାତାଙ୍ଗ୍ ଜାଗ୍ରତ୍ ଆଜି କାସି ମାନ୍‌ଗୁନ୍। ଆରେ ତା ଇଚାକିଜି କାମାୟ୍ କିଉନ୍, ଲାଗିଙ୍ଗ୍ ହେ ହଲିଆ ବେସି ମାଡ୍ ତିନାନ୍।

ଜହନ୍‌ 15:22

ଆନେଙ୍ଗ୍ ଯଦି ୱାୱାତାଙ୍ଗ୍‌ମା, ଆରେ ଇ ପୁର୍ତିନି ମାନାୟାରିଙ୍ଗ୍ ୱେଚ୍‌ୱାତାଙ୍ଗ୍‌ମା, ଲାଗିଙ୍ଗ୍ ହେୱାର୍ ପାପ୍‌ତାକେ ଦସି ଆୱାତାର୍‌ମା। ମାତର୍ ଆନେଙ୍ଗ୍ ନଙ୍ଗୟ୍ ହେୱାରିଙ୍ଗ୍ ୱେଚ୍‌ଚାଙ୍ଗ୍‌ନା। ମାତର୍ ନଙ୍ଗୟ୍ ନା କିତି କାମାୟ୍ ୱିଜୁ ହୁଡ଼୍‌ତାର୍‌ନା, ଆରେ ନାଙ୍ଗେଙ୍ଗ୍ ଆରେ ନା ଆବା ଈଶ୍ୱରତିଙ୍ଗ୍ ଗିଣ୍ କିତାର୍‌ନା।

ଜହନ୍‌ 9:41

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଯଦି କାଣା ଆଜି ମାଚିସ୍, ଏପେଙ୍ଗ୍ ପାପ୍ କାମାୟ୍ କିୱାତାଦେର୍‌ମା। ମାତର୍ ଏପେଙ୍ଗ୍ ହୁଡ଼୍‌ନାପା ଇଞ୍ଜି ୱେଚ୍‌ଚି ମାଚିଲେ ଈଶ୍ୱର ମିଙ୍ଗେଙ୍ଗ୍ କେମା କିଦୁନ୍।”

ରୋମିୟ 7:12

ଲାଗିଙ୍ଗ୍ ହେଦାଙ୍ଗ୍ କାଜିଙ୍ଗ୍, ଦରମ୍ ସାସ୍ତର୍ ଆରେ ହେବେ ଲେକାଆଜି ମାନାକା ୱିଜୁ ନିୟମ୍ ଟିକ୍ ଆରେ ପବିତ୍ର।

ଗାଲାତିୟ 6:2

ଏଚେପାଦ୍ନା ଦୁକ୍‌କଷ୍ଟ ୱାନାତ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ସାଇଜ କିବା ଆଡ। ଇଲେକେ ଏପେଙ୍ଗ୍ ଖ୍ରୀଷ୍ଟ ନିୟମ୍‌ତିଙ୍ଗ୍ ମାନି କିୟାଟ୍।

୧ ଥେସଲନୀକିୟ 4:2

ଆପେଙ୍ଗ୍ ମିଙ୍ଗେଙ୍ଗ୍ ଆଦେସ୍ ହିତ୍‌ତାକା ପୁଚାଦେର୍‌ନା, ମିଙ୍ଗେଙ୍ଗ୍ ଇ ଆଦେସ୍ ୱେଚ୍‌ଚେଦେଙ୍ଗ୍ ମାଙ୍ଗେଙ୍ଗ୍ ମାପୃ ଯୀଶୁ ୱେଚ୍‌ଚି ମାନ୍‌ଞ୍ଚାନ୍।

୧ ତିମତି 6:14

ଈଶ୍ୱର ଇମ୍‌ଣି ଆଦେସ୍ କିଦେଙ୍ଗ୍ ନିଙ୍ଗେଙ୍ଗ୍ ୱେଚ୍‌ଚାତାନ୍‌ନା। ହେ ଆଦେସ୍‌ତିଙ୍ଗ୍ ମାନିକିଜି କିୟା, ଲାଗିଙ୍ଗ୍ ଇନେର୍ ପା ନିଙ୍ଗେଙ୍ଗ୍ ଦସ୍ କିତାନ୍‌ନା ଇଞ୍ଜି ୱେଚ୍‌ଚୁର୍ ଏଚେପାଦ୍ନା ମାପୃ ଯୀଶୁ ଖ୍ରୀଷ୍ଟ ପୁର୍ତିତାକେ ୱାନାନ୍।

ଏବ୍ରି 10:26

ଇ ୱିଜୁ ବିଷୟ ଆସେଙ୍ଗ୍ କିନି ଦର୍‌କାର୍, ଇନେସ୍‌କି ଆସେଙ୍ଗ୍ ସତ୍ ବିଷୟରେ ପୁରା ଜ୍ଞାନ୍ ପାୟାଆତାସ୍‌ନା। ତାପାଚେ ଯଦି ଆସେଙ୍ଗ୍ ପୁନ୍‌ଞ୍ଜି-ପୁନ୍‌ଞ୍ଜି ପାପ୍ କିଜି ମାନାସ୍, ଲାଗିଙ୍ଗ୍ ଈଶ୍ୱର ଆସ୍ତି ଲେକେ ଆରେ ମା ଇ ପାପ୍‌ତିଙ୍ଗ୍ ଦେହା କିଦେଙ୍ଗ୍ ଆଡ଼୍‌ତି ଲେକେ ବଲିପୁଜା ଆରେ ଆକାୟ୍।

ଜାକ୍‌ବ 4:17

ଲାଗିଙ୍ଗ୍ ଇମ୍‌ଣାକାନ୍ ଟିକ୍ କାମାୟ୍ ପୁନ୍‌ଞ୍ଜି ହେଦାଙ୍ଗ୍ କିଉନ୍, ଲାଗିଙ୍ଗ୍ ହେୱାନ୍ ପାପ୍ କିନାନ୍।

୨ ପିତର 3:2

ପବିତ୍ର ଭବିଷ୍ଯତବକ୍ତା ୱେଚ୍‌ଚି କାତା, ଆରେ ମା ମାପୃ ଯୀଶୁ ଖ୍ରୀଷ୍ଟତି ହିକ୍ଷା ଇନାକା ବାଚିକିତି ଚେଲାର୍ ମି ଲାଗାୟ୍ ୱାଜି ୱେଚ୍‌ଚାତାର୍‌ନା। ହେଦାଙ୍ଗ୍ ମିଙ୍ଗେଙ୍ଗ୍ ଏତୁକିୟି କିଦ୍‌ନି କାଜିଙ୍ଗ୍, ଇଦାଙ୍ଗ୍ ଆନେଙ୍ଗ୍ ଲେକିକିନାଙ୍ଗା।

ଜିହୁଦା 1:3

ନା ଲାଡ୍‌ନି ସାଙ୍ଗ କାଦେର୍, ଈଶ୍ୱର କିତ୍‌ତି ଉଦାର୍ ଆସେଙ୍ଗ୍ ଇମ୍‌ଣାକା ପାୟାଆତାସ୍‌ନା, ହେ ବିଷୟରେ ଆନେଙ୍ଗ୍ ମି ଲାଗାୟ୍ ଲେକିକିଦେଙ୍ଗ୍ ବେସି ଇଚା କିତାଙ୍ଗ୍। ଆରେ ଆସେଙ୍ଗ୍ ପାର୍ତିକିନି ସତ୍ ହିକ୍ଷା ନିପଣ୍, ଇନେସ୍ ଏପେଙ୍ଗ୍ ଜୁଜ୍ କିଦେଙ୍ଗ୍ ଆଡ୍‌ନାଦେର୍, ଇଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ସାସ୍ କିଦ୍‌ନି କାଜିଙ୍ଗ୍ ଇଦାଙ୍ଗ୍ ଆନେଙ୍ଗ୍ ଲେକିକିଦେଙ୍ଗ୍ ବାଦ୍ୟ ଆତାଙ୍ଗ୍। ଈଶ୍ୱର ତା ପବିତ୍ର ମାନାୟାରିଙ୍ଗ୍ ଇ ସତ୍ ୱିଜୁଦିନ୍ କାଜିଙ୍ଗ୍ ରଗ ହିତାନ୍‌ନା ଆରେ ଇଦାଙ୍ଗ୍ ବାଦ୍‌ଲା ଆଉତ୍।