୨ ପିତର 2:19 - New Testament in Pengo Parja Language

¹⁹ ଇ ମାଷ୍ଟେରାର୍ ମାନାୟାରିଙ୍ଗ୍ ୱେଚ୍‌ନାର୍ ଯେ ହେୱାର୍ ଇନାକା ଇଚା ହେଦାଙ୍ଗ୍ କିଦେଙ୍ଗ୍ ହେୱାର୍ ସ୍ୱାଦିନ୍ ଆତାର୍‌ନା, ମାତର୍ ହେୱାର୍ ପାପ୍ କାମାୟ୍ କାଜିଙ୍ଗ୍ ହେୱାର୍ ନିଜେ ଦାସ୍ ଆତାର୍‌ନା। ଇନେସ୍‌କି ଇନାକା ମିଙ୍ଗେଙ୍ଗ୍ କଣ୍ଟ୍ରୁଲ୍ କିଦ୍‌ନାତ୍, ଏପେଙ୍ଗ୍ ହେବେନି ଦାସ୍ କାଦେର୍।

ସତ୍‌ ବଚନ୍‌ ପୁନି ନିୟମ୍‌

¹⁹ ହେୱାର୍‌ ହେୱାରିଂ ଜାର୍‌ତାରେନି ପାର୍ମାଣ୍‌ ହିନାନ୍‌, ମାତର୍‌ ନିଜେ ବୁଡାନି ଆଡ଼୍‌ୟା ଆତାନ୍ନା; ଇନେକିଦେଂକି ଇନେର୍‌ ଇନାକା ହୁଦାଂ ଆରାନାର୍, ହେୱାନ୍ ହେବେନି ଆଡ଼ିଏନ୍‌ ।

୨ ପିତର 2:19 Iomraidhean Croise

ଜହନ୍‌ 8:34

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ୱିଜୁ ପାପ୍ କାମାୟ୍ କିନାକାର୍, ହେୱାର୍ ୱିଜାକାର୍ ପାପ୍‌ନି ହଲିଆ।

ପକ୍ୟାତାକା 19:16

ତାପାଚେ ହେ ବୁତ୍ଆତ୍ମା ଡୁୟାଆତି ମାନାୟ୍ ହେୱାର୍ ଜପି ଗୁମ୍‌ତାନ୍, ଆରେ ହେୱାରିଙ୍ଗ୍ ହେନ୍ଦ୍ରା କେଚ୍‌ପି ଚିତ୍ରା କାବ୍ରା କିଜି ଟ୍ରାକ୍‌ତାତ୍‌। ଲାଗିଙ୍ଗ୍ ହେୱାର୍ ଇଞ୍ଜାଙ୍ଗ୍ ହସି ବାର୍ତ ହନ୍‍ଚିହାଚାର୍।

ଗାଲାତିୟ 5:1

ଖ୍ରୀଷ୍ଟ ମାଙ୍ଗେଙ୍ଗ୍ ମୋଶା ନିୟମ୍ ସାସ୍ତର୍‌ତାଙ୍ଗ୍ ସ୍ୱାଦିନ୍ କିତ୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ଆରେ ନିୟମ୍ ସାସ୍ତର୍‌ନି ଦାସ୍ ଆଜି ମାଞ୍ଜେଙ୍ଗ୍ ଉପାୟ୍ କିୱାଦାଙ୍ଗ୍, ସ୍ୱାଦିନ୍ ଆଜି ମାନାଟ୍।

ଗାଲାତିୟ 5:13

ଇନେସ୍‌କି ଏ ଟଣ୍ଡାର୍‌କାଦେର୍, ଈଶ୍ୱର ମିଙ୍ଗେଙ୍ଗ୍ ସ୍ୱାଦିନ୍ ଆଜି ମାନି କାଜିଙ୍ଗ୍ କୁକ୍ତାତାନ୍‌ନା। ଲାଗିଙ୍ଗ୍ ମି ଗାଗାଡ଼୍‌ନି ଇଚାତାଙ୍ଗ୍ ପୁରା କିଦେଙ୍ଗ୍ ମି ସ୍ୱାଦିନ୍‌ତିଙ୍ଗ୍ ବ୍ୟବହାର୍ କିମାଟ୍, ମାତର୍ ଲାଡ୍‌ତାଙ୍ଗ୍ ଜାର୍-ଜାର୍‌ତିଙ୍ଗ୍ ହେବା କିନି କାଜିଙ୍ଗ୍ ବ୍ଯବହାର୍ କିୟାଟ୍।

ତୀତସ 3:3

ଇନେସ୍‌କି ଯୀଶୁଙ୍ଗ୍ ପାର୍ତିକିୱି ଆଗେ ଆପେଙ୍ଗ୍ ପା ମୁର୍କ ଆଜି ଈଶ୍ୱରତିଙ୍ଗ୍ ମାନିକିୱାଦାଙ୍ଗ୍ ମାଚାପ୍, ମାନାୟାର୍ ମାଙ୍ଗେଙ୍ଗ୍ ଟକାଇ କିଜି ମାନ୍‌ଞ୍ଚାର୍। ଆରେ ଆପେଙ୍ଗ୍ ବାରବିନି କରାପ୍ ଇଚା ଆରେ ୱାରିନି ଜିବୁନ୍ କାଟିକିନି ଦାସ୍ ଆଜି ମାଚାପ୍। ଆପେଙ୍ଗ୍ ପୁରା କରାପ୍ ଆରେ ଜେକନିକାରିଙ୍ଗ୍ ଆକାର୍ ଆଜି ଜିବୁନ୍ କାଟିକିଜି ମାଚାପ୍। ମାନାୟାର୍ ମାଙ୍ଗେଙ୍ଗ୍ ଗିଣ୍‌କିଜି ମାନ୍‌ଞ୍ଚାର୍ ଆରେ ଆପେଙ୍ଗ୍ ପା ଜେକନିକାରିଙ୍ଗ୍ ଗିଣ୍‌କିଜି ମାଚାପ୍।

୧ ପିତର 2:16

ଏପେଙ୍ଗ୍ ନଙ୍ଗୟ୍ ଜାର୍ ଇଚାତାଙ୍ଗ୍ ୱିଜୁ ଜିନିଷ୍ କିଦେଙ୍ଗ୍ ଆଡ୍‌ନାଦେର୍, ଆରେ ଇନେର୍ ମିଙ୍ଗେଙ୍ଗ୍ ବନ୍ଦ୍ କିଦ୍‌ଦେଙ୍ଗ୍ ଆଡ଼୍‌ଦୁର୍, ଇନେସ୍‌କି ମା ମାପୃ ଯୀଶୁ ଖ୍ରୀଷ୍ଟ ୱିଜୁ ପର୍‌କାର୍ କିଦେଙ୍ଗ୍ ହିତ୍‌ତାନ୍‌ନା। ମାତର୍ ଟିକ୍ କାମାୟ୍ କିଜି ଈଶ୍ୱର ସତ୍ ଦାସ୍ ଇଞ୍ଜି ପୁନିକିନି ଦର୍‌କାର୍। ହେଦାଙ୍ଗ୍ କାଜିଙ୍ଗ୍ ମାପୃ ହିତ୍‌ତି ସ୍ୱାଦିନତିଙ୍ଗ୍ କରାପ୍ କାମାୟ୍ କିଦେଙ୍ଗ୍ ବ୍ୟବହାର୍ କିନାକା ହାର୍ ଆକାୟ୍।

୨ ପିତର 1:4

ଆରେ ତା ଗୌରବ ଆରେ ହାର୍ଦି ଗୁଣ୍ କାଜିଙ୍ଗ୍, ହେୱାନ୍ ମାଙ୍ଗେଙ୍ଗ୍ ବେସି ଗାଜା ଆରେ ବେସି ମୁଲ୍ୟନି ପାର୍ମାଣ୍ ୱିଜୁ ଦାନ୍ କିତ୍‌ତାନ୍‌ନା। ଇ ଜଗତ୍‌ନି କରାପ୍ ଇଚାତାଙ୍ଗ୍ ହସି ହାଞ୍ଜେଙ୍ଗ୍ ଆରେ ଈଶ୍ୱର ଗୁଣ୍ ହୁଦାଙ୍ଗ୍ ମାହାଆଜି ମାନି କାଜିଙ୍ଗ୍, ଇ ପାର୍ମାଣ୍ ୱିଜୁ ମାଙ୍ଗେଙ୍ଗ୍ ସାଇଜ କିଦ୍‌ନାତ୍‌।

୨ ପିତର 2:20

ମାନାୟାର୍ ଯୀଶୁ ଖ୍ରୀଷ୍ଟଙ୍ଗ୍ ହେୱାର୍ ମାପୃ ଆରେ ଉଦାର୍ କିଦ୍‌ନାକାନ୍ ଇଞ୍ଜି ଆସ୍ତି ପାଚେ, ହେୱାର୍ ଇ ଜଗତ୍‌ନି କରାପ୍ ବିଷୟତାଙ୍ଗ୍ ହନ୍‌ଞ୍ଚି ହାଚାର୍‌ନା। ମାତର୍ ହେୱାର୍ ଆରେରଗ ନଙ୍ଗୟ୍ କରାପ୍ କାମାୟ୍ କିନାରା ଆରେ କରାପ୍ କାମାୟ୍ ହେୱାରିଙ୍ଗ୍ କଣ୍ଟ୍ରୁଲ୍ କିନାତା। ଲାଗିଙ୍ଗ୍ ହେୱାର୍ ଖ୍ରୀଷ୍ଟାନ୍ ଆୱି ପରିସ୍ତିତିତାଙ୍ଗ୍ ଖ୍ରୀଷ୍ଟଙ୍ଗ୍ ମାନିକିୱି ପରିସ୍ତିତି ଆଦିକ୍ କରାପ୍ ଆନାତ୍।