୨ ପିତର 2:12 - New Testament in Pengo Parja Language

¹² ମାତର୍ ଇ ବୁଲ୍ ହିକ୍ଷାହିନି ମାଷ୍ଟେରାର୍ ରାନ୍‍ତି ପଶୁ ଲେକେ। ଇ ପଶୁ ଚିନ୍ତା କିଦେଙ୍ଗ୍ ଆଡୁକ୍, ଶିକାର୍ କିନାକା ନେ ହେୱେକ୍ ଚିନ୍ତା କିଜି ମାନିକ୍। ଇ ମାନାୟାର୍ ମାନ୍ ବିତ୍ରେ ଇମ୍‌ଣି ଚିନ୍ତା ୱାନାତ୍, ହେୱାଙ୍ଗ୍ ହେୱାର୍ କିନାର୍, ଆରେ ହେୱାର୍ ଇନାକା ବୁଜା ଆଉର୍, ହେ ବିଷୟତିଙ୍ଗ୍ ହେୱାର୍ ବିରଦ୍ କିଜି ନିନ୍ଦା କାତା ୱେଚ୍‌ନାର୍। ହେୱାର୍ ହାତ୍‌ପା ନଷ୍ଟ ଆନାର୍।

ସତ୍‌ ବଚନ୍‌ ପୁନି ନିୟମ୍‌

¹² ଆହ୍ୟାଜ଼ି ରାସ୍ୟାଦେଂ ଇମ୍‌ଣି ପସୁଂତି ଜଲମ୍‌, ହେୱାଙ୍ଗ୍‌ ଲାକେ ଇ ଚାକ୍ରାୟ୍‌ଗୁରୁର୍‌ କେବଲ୍‌ ବାନ୍ୟା ହୁଦାଂ ଚାଲାନାର୍‌ । ଇମ୍‌ଣି ବିସ୍ରେ ବୁଜାଉର୍‌, ହେଦେଲିଂ ହେୱାର୍‌ ନିନ୍ଦା କିତାର୍‌ । ମାତର୍‌ ହେୱାର୍‌ ରାନ୍‌ତି ପସୁର୍‌ ଲାକେ ନାସ୍‌ ଆନାର୍‌ ।

୨ ପିତର 2:12 Iomraidhean Croise

ମାର୍କ 7:22

ଦାରି, ଚର୍, ମାନାୟ୍ ଅହ୍ନାକା, ଦାରି, ଲବ୍ରା, ଚାପ୍‌କାର୍, ମିଚ୍‌ୱା, ଦାରି ଚିନ୍ତା, କାଣ୍‌କୁ ପକାୟ୍ କିନାକା, ନିନ୍ଦା, ଆକାର୍, ମୁର୍କ।

ଜହନ୍‌ 8:21

ଯୀଶୁ ଆରେରଗ ମାନାୟାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ପିସ୍ତି ହାଞ୍ଜ୍‌ନାଙ୍ଗ୍। ଏପେଙ୍ଗ୍ ନାଙ୍ଗେଙ୍ଗ୍ ଦାସ୍ତାନାଦେର୍ ମାତର୍ ଏପେଙ୍ଗ୍ ମି ପାପ୍ କାମାୟ୍‌ତାଙ୍ଗ୍ ହାଃନାଦେର୍। ଆନେଙ୍ଗ୍ ଇମ୍‌ଣି ବାହାତାକେ ହାନାଙ୍ଗା ଏପେଙ୍ଗ୍ ହେ ବାହାତାକେ ହାଞ୍ଜେଙ୍ଗ୍ ଆଡୁଦେର୍।”

ଗାଲାତିୟ 6:8

ଇନେସ୍‌କି ଇମ୍‌ଣାକାନ୍ ଜାର୍ ଗାଗାଡ଼୍ ଇଚାତାଙ୍ଗ୍ ୱାରି କିଦେଙ୍ଗ୍ ନେ ଇଚାକିନାନ୍, ହେୱାନ୍ ଗାଗାଡ଼୍‌ତାଙ୍ଗ୍ ନଷ୍ଟ ବିଷୟ ଆରେ ହାଃନାନ୍। ମାତର୍ ଇମ୍‌ଣାକାନ୍ ପବିତ୍ର ଆତ୍ମାତିଙ୍ଗ୍ ନେ ୱାରି କିୟିକିଦେଙ୍ଗ୍ ଇଚାକିନାନ୍, ହେୱାନ୍ ଆତ୍ମାତାଙ୍ଗ୍ ୱିଜ୍‌ୱି ଜିବୁନ୍ ପାୟା ଆନାନ୍।

କଲସିୟ 2:22

ଇ ୱିଜୁ ନିତି ନିୟମ୍ ମାନାୟ୍ ରସ୍ତି ହିକ୍ଷା, ଆରେ ହେ ୱିଜୁତିଙ୍ଗ୍ ଆସେଙ୍ଗ୍ ବାଉରା ଆତିସ୍ ନଷ୍ଟ ଆନାତ୍।

୨ ପିତର 1:4

ଆରେ ତା ଗୌରବ ଆରେ ହାର୍ଦି ଗୁଣ୍ କାଜିଙ୍ଗ୍, ହେୱାନ୍ ମାଙ୍ଗେଙ୍ଗ୍ ବେସି ଗାଜା ଆରେ ବେସି ମୁଲ୍ୟନି ପାର୍ମାଣ୍ ୱିଜୁ ଦାନ୍ କିତ୍‌ତାନ୍‌ନା। ଇ ଜଗତ୍‌ନି କରାପ୍ ଇଚାତାଙ୍ଗ୍ ହସି ହାଞ୍ଜେଙ୍ଗ୍ ଆରେ ଈଶ୍ୱର ଗୁଣ୍ ହୁଦାଙ୍ଗ୍ ମାହାଆଜି ମାନି କାଜିଙ୍ଗ୍, ଇ ପାର୍ମାଣ୍ ୱିଜୁ ମାଙ୍ଗେଙ୍ଗ୍ ସାଇଜ କିଦ୍‌ନାତ୍‌।

୨ ପିତର 2:19

ଇ ମାଷ୍ଟେରାର୍ ମାନାୟାରିଙ୍ଗ୍ ୱେଚ୍‌ନାର୍ ଯେ ହେୱାର୍ ଇନାକା ଇଚା ହେଦାଙ୍ଗ୍ କିଦେଙ୍ଗ୍ ହେୱାର୍ ସ୍ୱାଦିନ୍ ଆତାର୍‌ନା, ମାତର୍ ହେୱାର୍ ପାପ୍ କାମାୟ୍ କାଜିଙ୍ଗ୍ ହେୱାର୍ ନିଜେ ଦାସ୍ ଆତାର୍‌ନା। ଇନେସ୍‌କି ଇନାକା ମିଙ୍ଗେଙ୍ଗ୍ କଣ୍ଟ୍ରୁଲ୍ କିଦ୍‌ନାତ୍, ଏପେଙ୍ଗ୍ ହେବେନି ଦାସ୍ କାଦେର୍।

ଜିହୁଦା 1:10

ଇ ମାନାୟାର୍ ଇନାକା ବୁଜା ଆଦେଙ୍ଗ୍ ଆଡୁର୍, ହେ ବିଷୟତିଙ୍ଗ୍ ହେୱାର୍ ବିରଦ୍ କିଜି ନିନ୍ଦା କିନାର୍। ଆରେ ମୁର୍କ ପଶୁର୍ ଲେକେ, ହେୱାର୍ ଇନାକା ବୁଜା ଆନାର୍ ହେଦାଙ୍ଗ୍ ହେୱାର୍ କିନାର୍। ଇଲେକେ ପାପ୍ କାମାୟ୍ କିଜି ନିଜେ ନିଜେତିଙ୍ଗ୍ ନଷ୍ଟ କିନାରା।