୨ ପିତର 1:6 - New Testament in Pengo Parja Language6 ଏପେଙ୍ଗ୍ ବୁଦି ହୁଦାଙ୍ଗ୍ ନେ ବ୍ଯବହାର୍ କିମାଟ୍, ମାତର୍ ଜାର୍ତିଙ୍ଗ୍ କଣ୍ଟ୍ରୁଲ୍ କିନି ଦର୍କାର୍। ଏପେଙ୍ଗ୍ ଆପ୍କା କଣ୍ଟ୍ରୁଲ୍ ନେ କିମାଟ୍, ମାତର୍ ଦୁକ୍କଷ୍ଟ ୱାତିସ୍ ପା ଏପେଙ୍ଗ୍ ସାହାସ୍ ଆସ୍ତି ମାନାଟ୍। ଆପ୍କା ସାହାସ୍ ଆସ୍ତି ନେ ମାନ୍ମାଟ୍, ମାତର୍ ଏପେଙ୍ଗ୍ ଈଶ୍ୱରତିଙ୍ଗ୍ ସନ୍ମାନ୍ କିତିଲେକେ ଜିବୁନ୍ କାଟିକିୟାଟ୍। Faic an caibideilସତ୍ ବଚନ୍ ପୁନି ନିୟମ୍6 ଗିଆନ୍ ଲାହାଙ୍ଗ୍ ମଦାନାକା, ମଦାନାକା ଲାହାଙ୍ଗ୍ ସାସ୍, ସାସ୍ ଲାହାଙ୍ଗ୍ ଦାରୁମ୍ଜିଉ, Faic an caibideil |
୨ ପିତର 1:6
40 Iomraidhean Croise
ଆରେ ଆପେଙ୍ଗ୍ ଏଚେପାଦ୍ନା ମା ଆବା ଈଶ୍ୱରତିଙ୍ଗ୍ ପାର୍ତାନା କିନାପା। ଏପେଙ୍ଗ୍ ପାର୍ତିତାଙ୍ଗ୍ କିନି କାମାୟ୍ତିଙ୍ଗ୍ ଏତ୍ କିନାପା, ଆରେ ଏପେଙ୍ଗ୍ ପାର୍ତିକିନି ମାନାୟାରିଙ୍ଗ୍ ଲାଡ୍କିନି କାଜିଙ୍ଗ୍ ହେୱାରିଙ୍ଗ୍ ସାଇଜ କିଦେଙ୍ଗ୍ କଷ୍ଟ କିନାଦେରା। ଆରେ ମାପୃ ଯୀଶୁ ଖ୍ରୀଷ୍ଟ ଆରେରଗ ୱାନାନ୍ ଇଞ୍ଜି ଆହା କିନାଦେରା, ହେଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ମାନାୟାର୍ ଦୁଃକ୍ କଷ୍ଟ ହିତ୍ତିସ୍ ପା ସମ୍ବାଲି କିନାଦେରା।
ଈଶ୍ୱର ମାଙ୍ଗେଙ୍ଗ୍ ଇନାକା ୱେଚ୍ଚାତାନ୍ନା ହେଦାଙ୍ଗ୍ ପୁରାପୁରି ସତ୍, ଇଦାଙ୍ଗ୍ ଇନେର୍ ପା ବୁଲ୍ ଇଞ୍ଜି ୱେଚ୍ଚେଙ୍ଗ୍ ଆଡୁର୍। ଖ୍ରୀଷ୍ଟ ମାନାୟ୍ ରୁପ୍ ଆଜି ୱାତାନ୍, ହେୱାନ୍ ଈଶ୍ୱର ମେହି ଇଞ୍ଜି ଈଶ୍ୱର ଆତ୍ମା ପୁନି କିତାତ୍। ଦୁତ୍କୁ ହେୱାନିଙ୍ଗ୍ ହୁଡ଼୍ତିକ୍, ଈଶ୍ୱର ହେୱାନିଙ୍ଗ୍ ସରଗ୍ଜପି ଅତାନ୍, ଚେଲାହିର୍ ତା ବିଷୟରେ ୱିଜୁଜାତି ନିପଣ୍ ଶୁଣାୟ୍ କିତାର୍। ଆରେ ପୁର୍ତିନି ମାନାୟାର୍ ପାର୍ତି କିତାର୍।
ଏ ଈଶ୍ୱରତିଙ୍ଗ୍ ହେବାକିନି ତିମତି, ଏନେଙ୍ଗ୍ ଇ ୱିଜୁ ବିଷୟତାଙ୍ଗ୍ ଜେକ ଆନି ଦର୍କାର୍। ଆରେ ଏନେଙ୍ଗ୍ ଇନାକା ଟିକ୍ ହେଦାଙ୍ଗ୍ କିଦେଙ୍ଗ୍ ଉପାୟ୍ କିୟା, ଈଶ୍ୱରତିଙ୍ଗ୍ ସନ୍ମାନ୍ ଆତିଲେକେ ଜିବୁନ୍ କାଟି କିୟା, ଖ୍ରୀଷ୍ଟଙ୍ଗ୍ ପାର୍ତି କିୟା, ଜେକନିକାରିଙ୍ଗ୍ ଲାଡ୍ କିୟା। ବିପତ୍ ୱେଡ଼ାଙ୍ଗ୍ ସାହାସ୍ ଆସ୍ତି ମାନା, ରିସା ଆୱାଦାଙ୍ଗ୍ ଜେକନିକାର୍ତାକେ ହାର୍ ଆଜି ମାନା।
ଆନେଙ୍ଗ୍ ପାଉଲ ଇ ଚିଟି ଲେକିକିନାଙ୍ଗା, ତିତସ ଏନେଙ୍ଗ୍ ନା କାଜିଙ୍ଗ୍ ରକାଇ ସତ୍ ହିମ୍ଣା ଲେକେ। ଇନେସ୍କି ମା ରିକାସ୍ ପାର୍ତି କିନାକା ରଞ୍ଜାଙ୍ଗ୍। ଆନେଙ୍ଗ୍ ରକାଙ୍ଗ୍ ଈଶ୍ୱର ଦାସ୍ ଆରେ ଯୀଶୁ ଖ୍ରୀଷ୍ଟନି ବାଚିକିତି ଚେଲା। ଈଶ୍ୱର ବାଚିକିଜି ମାଚି ମାନାୟାରିଙ୍ଗ୍ ପାର୍ତିତିଙ୍ଗ୍ ବାଡ଼୍କାସ୍ କିନି କାଜିଙ୍ଗ୍ ଆରେ ସତ୍ ହିକ୍ଷା ବିଷୟରେ ପୁଞ୍ଜେଙ୍ଗ୍ ସାଇଜ କିନି କାଜିଙ୍ଗ୍ ଆନେଙ୍ଗ୍ ଦାଇତ୍ପ ପାୟାଆତାଙ୍ଗ୍ନା। ଇନେସ୍ ହେୱାର୍ ଈଶ୍ୱରତିଙ୍ଗ୍ ସନ୍ମାନ୍ କିତିଲେକେ ଜିବୁନ୍ କାଟିକିନାର୍।
ଏପେଙ୍ଗ୍ ଆଗେ ବୁଡ଼ା ମାନାୟାରିଙ୍ଗ୍ ହିକ୍ଷା ହିୟାଟ୍ ଯେ, ହେୱାର୍ ଜାର୍ ଜିବୁନ୍ତିଙ୍ଗ୍ କଣ୍ଟ୍ରୁଲ୍ କିନାର୍, ଜେକନିକାର୍ ସନ୍ମାନ୍ କିତିଲେକେ ବ୍ଯବହାର୍ କିନାର୍, ଆରେ ବୁଦି ହୁଦାଙ୍ଗ୍ ବ୍ଯବହାର୍ କିନାର୍। ହେୱାର୍ ଈଶ୍ୱରତିଙ୍ଗ୍ ବେସି ପାର୍ତିକିନାର୍, ଜେକନିକାରିଙ୍ଗ୍ ହାର୍ଦି ମାନ୍ତାଙ୍ଗ୍ ଲାଡ୍ କିନାର୍, ଆରେ ୱିଜୁ ଦୁକ୍କଷ୍ଟତିଙ୍ଗ୍ ପା ସମ୍ୱାଲି କିନାର୍।
ଏ ପାର୍ତିକିନି ମାନାୟ୍ କାଦେର୍, ହେୱାର୍ ଜିବୁନ୍ କାତାତାଙ୍ଗ୍ ପାର୍ତିନି ଅର୍ତ ଇନାକା ୱେଚ୍ନାର୍। ଇ ମାନାୟାର୍ ମା ଚାରିବେଣ୍ତାଙ୍ଗ୍ ସାକି ଲେକେ ଆଜି ମାନାରା। ଲାଗିଙ୍ଗ୍ ମାଙ୍ଗେଙ୍ଗ୍ ବେସି ସହଜ୍ରେ ବାଦାକିନି ପାପ୍ତିଙ୍ଗ୍ ନଙ୍ଗୟ୍ ୱିଜୁ ବିଷୟତିଙ୍ଗ୍ ଦେହାକିନି ଦର୍କାର୍। ଆରେ ଈଶ୍ୱର ମା କାଜିଙ୍ଗ୍ ଇମ୍ଣି ହାଜି ଇଡ଼୍ତାନ୍ନା, ହେବେ ସାହାସ୍ ହୁଦାଙ୍ଗ୍ ହନ୍ନି ଦର୍କାର୍।
ଆନେଙ୍ଗ୍ ଯୋହନ ମି ଟଣ୍ଡେନ୍ତଙ୍ଗ୍, ଆନେଙ୍ଗ୍ ଯୀଶୁ ହୁଦାଙ୍ଗ୍ ମାହାଆଜି ମାଚି କାଜିଙ୍ଗ୍ ଆନେଙ୍ଗ୍ ପା ମି ଲେକେ ତା ଦୁଃକ୍ କଷ୍ଟତାକେ, ଈଶ୍ୱର ସାସନ୍ କିନି ରାଜିତାକେ, ଆରେ ୱିଜୁ ସମ୍ବାଲି କିନି ଶାକ୍ତିତାକେ ମାହା ଆତାଙ୍ଗ୍ନା। ଆନେଙ୍ଗ୍ ଈଶ୍ୱର ହାର୍ଦିକାବୁର୍ ଆରେ ଖ୍ରୀଷ୍ଟ ୱେଚ୍ଚି ସତ୍ କାତାତିଙ୍ଗ୍ ଶୁଣାୟ୍ କିତିଲେ, ଖ୍ରୀଷ୍ଟଙ୍ଗ୍ ବିରଦ୍ କିନି ମାନାୟାର୍ ନାଙ୍ଗେଙ୍ଗ୍ ପାତ୍ମ ତର୍ଦି ଦ୍ୱିପ୍ତାକେ ବନ୍ଦିକିଜି ମାନ୍ଞ୍ଚାର୍।
ଇମ୍ଣି ମାନାୟାରିଙ୍ଗ୍ ଆଗେତାଙ୍ଗ୍ ଜଇଲ୍ ଇଞ୍ଜ ଇଡ଼୍ଦେଙ୍ଗ୍ ବାଚିକିତାର୍ନା। ହେୱାରିଙ୍ଗ୍ ବନ୍ଦିକିଜି ଜଇଲ୍ ଇଞ୍ଜ ଇଟ୍ନାର୍, ଆରେ ଇମ୍ଣି ମାନାୟାରିଙ୍ଗ୍ କାଣ୍ଡା ହୁଦାଙ୍ଗ୍ ମାର୍ନେ ଅସ୍ତେଙ୍ଗ୍ ବାଚି କିତାନ୍ନା ହେୱାରିଙ୍ଗ୍ କାଣ୍ଡା ହୁଦାଙ୍ଗ୍ ମାର୍ନେ ଅହ୍ନାର୍। ଲାଗିଙ୍ଗ୍ ଇମ୍ଣି ମାନାୟାର୍ ଈଶ୍ୱର ଲକ୍ ଆତାର୍ନା ହେୱାର୍ ଦୁଃକ୍ କଷ୍ଟ ସମ୍ବାଲି କିଜି ତାଙ୍ଗେଙ୍ଗ୍ ପାର୍ତି କିଜି ମାନି ଦର୍କାର୍।
ଆନେଙ୍ଗ୍ ମି ୱିଜୁ କାମାୟ୍ତିଙ୍ଗ୍ ପୁଚାଙ୍ଗ୍ନା। ଏପେଙ୍ଗ୍ ଜାଗ୍ରତ୍ ଆଜି ଦୁଃକ୍ କଷ୍ଟ ସମ୍ବାଲି କିଜି ନା କାମାୟ୍ କିନାଦେରା, ଇନେସ୍କି ଏପେଙ୍ଗ୍ ନାଙ୍ଗେଙ୍ଗ୍ ପାର୍ତି କିଦ୍ନାଦେରା। ଆନେଙ୍ଗ୍ ଇଦାଙ୍ଗ୍ ପା ପୁଚାଙ୍ଗ୍ନା ଯେ, ଏପେଙ୍ଗ୍ କରାପ୍ ମାନାୟାର୍ କାମାୟ୍ତିଙ୍ଗ୍ ସମ୍ବାଲି କିଦେଙ୍ଗ୍ ଆଡୁଦେରା। ଇମ୍ଣି ମାନାୟାର୍ ଜାର୍ତିଙ୍ଗ୍ ବାଚିକିତି ଚେଲାଇଞ୍ଜି ୱେଚ୍ନାରା ମାତର୍ ସତ୍ ବାଚିକିତି ଚେଲା ଆକାୟ୍, ହେୱାର୍ ମିଚ୍ ୱେଚ୍ନାରା ଇଞ୍ଜି ଏପେଙ୍ଗ୍ ପୁନି କିନାଦେରା।
Sanasan