୨ ପିତର 1:4 - New Testament in Pengo Parja Language

⁴ ଆରେ ତା ଗୌରବ ଆରେ ହାର୍ଦି ଗୁଣ୍ କାଜିଙ୍ଗ୍, ହେୱାନ୍ ମାଙ୍ଗେଙ୍ଗ୍ ବେସି ଗାଜା ଆରେ ବେସି ମୁଲ୍ୟନି ପାର୍ମାଣ୍ ୱିଜୁ ଦାନ୍ କିତ୍‌ତାନ୍‌ନା। ଇ ଜଗତ୍‌ନି କରାପ୍ ଇଚାତାଙ୍ଗ୍ ହସି ହାଞ୍ଜେଙ୍ଗ୍ ଆରେ ଈଶ୍ୱର ଗୁଣ୍ ହୁଦାଙ୍ଗ୍ ମାହାଆଜି ମାନି କାଜିଙ୍ଗ୍, ଇ ପାର୍ମାଣ୍ ୱିଜୁ ମାଙ୍ଗେଙ୍ଗ୍ ସାଇଜ କିଦ୍‌ନାତ୍‌।

ସତ୍‌ ବଚନ୍‌ ପୁନି ନିୟମ୍‌

⁴ ତା ହୁଦାଂ ହେୱାନ୍ ମାଙ୍ଗେଙ୍ଗ୍ ଜବର୍‍ମଲ୍ ଆରି ବେସିମାନ୍‌ତି ପାର୍ମାଣ୍‌ ଦାନ୍‌ କିତ୍‌ତାନ୍‌ନା, ଇନେସ୍‌ ହେ ସବୁ ହୁଦାଂ ଏପେଙ୍ଗ୍‌ ବାନ୍ୟାଲାଲ୍‍ସା ଉପ୍‍ଜାଣ୍ ଇମ୍‌ଣି ବୁଡାନି ଜଗତ୍‌ତ ମାନାତ୍‌, ହେବେଣ୍ଡାଂ ରାକ୍ୟା ପାୟାଜ଼ି ଇସ୍ୱର୍‌‍ତି ମାନ୍‍ ବାବ୍‌ନାତ ମେହାଣ୍‌ ଆଡୁ ।

୨ ପିତର 1:4 Iomraidhean Croise

ରୋମିୟ 9:4

ହେୱାର୍ ଇସ୍ରାଏଲନି ମାନାୟାର୍, ଈଶ୍ୱର ହେୱାରିଙ୍ଗ୍ ନେ ତା ମେହିର୍ ଆନି କାଜିଙ୍ଗ୍ ବାଚିକିଜି ମାଚାନ୍। ଈଶ୍ୱର ତା ଗୌରବ ହେୱାରିଙ୍ଗ୍ ହିଜିମାଚାନ୍। ହେୱାନ୍ ହେୱାର୍ ହୁଦାଙ୍ଗ୍ ପାର୍ମାଣ୍ କିଜି ମାଚାନ୍, ଆରେ ହେୱାନ୍ ତା ଦରମ୍ ସାସ୍ତର୍‌ତିଙ୍ଗ୍ ହିତାନ୍। ହେୱାର୍ ତାଙ୍ଗେଙ୍ଗ୍ ପୁଜାକିନି ସୁଯଗ୍ ପାୟାଆତାର୍ ଆରେ ହେୱାରିଙ୍ଗ୍ କାବା ଆନି ପାର୍ମାଣ୍ ୱିଜୁ ଈଶ୍ୱର କିତାନ୍।

୨ କରନ୍ତିୟ 1:20

ଇନେସ୍‌କି ଈଶ୍ୱରତି ୱିଜୁ ପାର୍ମାଣ୍ ଖ୍ରୀଷ୍ଟତାକେ ପୁରା ଆତାତ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ଖ୍ରୀଷ୍ଟ କାଜିଙ୍ଗ୍ ଈଶ୍ୱରତିଙ୍ଗ୍ ଗୌରବ ହିତିହିଙ୍ଗ୍ “ଆମେନ୍” ଇଞ୍ଜି ଇନାପା।

୨ କରନ୍ତିୟ 3:18

ଆପେଙ୍ଗ୍ ୱିଜାକାପ୍ ଦାର୍‌ପାଣ୍ ଲେକେ ମାପୃ ମୁମ୍‌ଦ ପାର୍‌ଦା ହିଲ୍‌ୱି ଗୌରବ ଲେକେ ଚଞ୍ଜ୍‌ନାଦେର୍। ଈଶ୍ୱର ମାଙ୍ଗେଙ୍ଗ୍ ତା ଲେକେ ଆନି କାଜିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ଗୌରବ ବାଡାୟ୍‌ କିନାନା, ହେଦାଙ୍ଗ୍ ମାପୃ ପବିତ୍ର ଆତ୍ମା କିନାନା।

୨ କରନ୍ତିୟ 6:17

ହେଦାଙ୍ଗ୍ କାଜିଙ୍ଗ୍ ମାପୃ ୱେଚ୍‌ଚାତ୍, ଏପେଙ୍ଗ୍ ହେୱାର୍‌ତାଙ୍ଗ୍ ହସି ୱାଡ, ଇମ୍‌ଣି ମାନାୟାର୍ ଈଶ୍ୱରତିଙ୍ଗ୍ ମାନି କିଉରା। ଏପେଙ୍ଗ୍ ହେୱାର୍ କିନି ମୁର୍ତି ପୁଜାତାଙ୍ଗ୍‌ କରାପ୍ କାମାୟ୍‌ତାଙ୍ଗ୍ ଦେହା ମାନାଟ୍, ଆରେ ଆନେଙ୍ଗ୍ ମିଙ୍ଗେଙ୍ଗ୍ ଆସ୍ତାନାଙ୍ଗ୍‌।

ଗାଲାତିୟ 3:16

ଈଶ୍ୱର ଅବ୍ରାହାମ ଆରେ ତା ହିମ୍‌ଣାତିଙ୍ଗ୍ ପାର୍ମାଣ୍ କିଜି ମାଚାନ୍। ଆରେ “ତା ହିମ୍‌ଣା” ଇଦାଙ୍ଗ୍‌ନି ଅର୍ତ ବେସି ହିମ୍‌ଣାକାଙ୍ଗ୍ ଚଚ୍‌ଚି ସାସ୍ତର୍‌ତାକେ ଲେକାଆୱାତାତ୍‌ନା, ମାତର୍ ରକାନ୍ ହିମ୍‌ଣାତିଙ୍ଗ୍ ଚଚ୍‌ଚି ୱେଚ୍‌ଚାନ୍‌ନା ହେୱାନ୍ ଆନାନା ଯୀଶୁ ଖ୍ରୀଷ୍ଟ।

ଗାଲାତିୟ 6:8

ଇନେସ୍‌କି ଇମ୍‌ଣାକାନ୍ ଜାର୍ ଗାଗାଡ଼୍ ଇଚାତାଙ୍ଗ୍ ୱାରି କିଦେଙ୍ଗ୍ ନେ ଇଚାକିନାନ୍, ହେୱାନ୍ ଗାଗାଡ଼୍‌ତାଙ୍ଗ୍ ନଷ୍ଟ ବିଷୟ ଆରେ ହାଃନାନ୍। ମାତର୍ ଇମ୍‌ଣାକାନ୍ ପବିତ୍ର ଆତ୍ମାତିଙ୍ଗ୍ ନେ ୱାରି କିୟିକିଦେଙ୍ଗ୍ ଇଚାକିନାନ୍, ହେୱାନ୍ ଆତ୍ମାତାଙ୍ଗ୍ ୱିଜ୍‌ୱି ଜିବୁନ୍ ପାୟା ଆନାନ୍।

ଏପିସିୟ 4:13

ଆସେଙ୍ଗ୍ ଈଶ୍ୱର ମେହି ବିଷୟରେ ପୁନ୍‌ଞ୍ଜି ପାର୍ତିତାକେ ରବେ ଆନି ପାତେକ୍, ଆରେ ଆସେଙ୍ଗ୍ ପୁରାପୁରି ଖ୍ରୀଷ୍ଟ ଲେକେ ଆଜି ପାର୍ତିତାକେ ଗାଜା ମାନାୟ୍ ଲେକେ ଟିକ୍‌ଆଜି ମାନି ପାତେକ୍।

କଲସିୟ 3:10

ଆରେ ଏପେଙ୍ଗ୍ ପୁନି ଗୁଣ୍‌ତିଙ୍ଗ୍ ଆସ୍ତାଦେର୍‌ନା। ଉବ୍‌ଜାଣ୍ କିତି ଈଶ୍ୱର ବିଷୟରେ ଏପେଙ୍ଗ୍ ଇନେସ୍ ପୁରା ଜ୍ଞାନ୍ ପାୟାଆନାଦେର୍, ହେଦାଙ୍ଗ୍ କାଜିଙ୍ଗ୍ ହେୱାନ୍ ପୁନି ଗୁଣ୍‌ତିଙ୍ଗ୍ ତା ଲେକେନେ ଚଞ୍ଜ୍‌ଞ୍ଜେଙ୍ଗ୍‌ ରହ୍‌ନାନା।

ଏବ୍ରି 12:10

ମା ଇ ପୁର୍ତିନି ଆବାର୍‌ ଇନାକା ହାର୍ ଇଞ୍ଜି ପୁଚାର୍‌ନା, ହେ ହିସାବ୍‌ରେ ହେୱାର୍ ଅଲପ୍ ସମୟ୍ କାଜିଙ୍ଗ୍ ମାଙ୍ଗେଙ୍ଗ୍ ସାସନ୍ କିଦ୍‌ନାର୍। ମାତର୍ ଈଶ୍ୱର ଇନେସ୍ ପବିତ୍ର, ହେଲେକେ ଆସେଙ୍ଗ୍ ପବିତ୍ର ଆନି କାଜିଙ୍ଗ୍, ଈଶ୍ୱର ସାସନ୍ ୱିଜୁଦିନ୍ ଟିକ୍ ଆରେ ମା କାଜିଙ୍ଗ୍ ହେଦାଙ୍ଗ୍ ହାର୍।

ଏବ୍ରି 9:15

ଈଶ୍ୱର ଇମ୍‌ଣାକାରିଙ୍ଗ୍ କୁକ୍‌ଚି ୱିଜ୍‌ୱି ଆଶ୍ରିବାଦ୍ ହିନି କାଜିଙ୍ଗ୍ ପାର୍ମାଣ୍ କିତାନ୍‌ନା, ହେୱାର୍ ଇନେସ୍ ହେଦାଙ୍ଗ୍ ଆହ୍‌ନାର୍, ଇଦାଙ୍ଗ୍ କାଜିଙ୍ଗ୍ ଈଶ୍ୱର ଆରେ ମାନାୟାର୍ ହୁଦାଙ୍ଗ୍ ଖ୍ରୀଷ୍ଟ ମାଦିଆଜି ର ପୁନି ନିୟମ୍ କିତାନ୍‌ନା। ଇଦାଙ୍ଗ୍ ପୁରା ଆଦେଙ୍ଗ୍ ଆଡ୍‌ନାତ୍, ଇନେସ୍‌କି ହେୱାର୍ ପାର୍ତୁମ୍ ନିୟମ୍‌ନି ତାରେନ୍ ମାନ୍‌ଞ୍ଜି କିଜିମାଚି ପାପ୍‌ନି ଦଣ୍ଡ୍‌ତାଙ୍ଗ୍, ଖ୍ରୀଷ୍ଟ ହେୱାରିଙ୍ଗ୍ ମୁକ୍ତିକିନି କାଜିଙ୍ଗ୍ ହାଃତାନ୍‌ନା।

ଜାକ୍‌ବ 1:27

ଟୁରା ହିମ୍‌ଣା ଆରେ ରାଣ୍ଡି କଗ୍‍ଲେକାଙ୍ଗ୍ ଜାତୁନ୍ କିଦେଙ୍ଗ୍ ଆରେ ପୁର୍ତିନି କରାପ୍ କାମାୟ୍‌ତାଙ୍ଗ୍ ମାନ୍‌ୱାଦାଙ୍ଗ୍ ଜାର୍‌ତିଙ୍ଗ୍ କରାପ୍ ଆଜି ମାନ୍‌ଗୁନ୍, ହେଦାଙ୍ଗ୍ ନେ ମା ଆବା ଈଶ୍ୱର ମୁମ୍‌ଦ ନିର୍ମଲ୍ ଆରେ ଟିକ୍‌ଟାକ୍ ଦରମ୍ ଜିବୁନ୍।

୨ ପିତର 1:1

ଆନେଙ୍ଗ୍ ଶିମନ ପିତର ଯୀଶୁ ଖ୍ରୀଷ୍ଟନି ରକାଙ୍ଗ୍‌ ଦାସ୍ ଆରେ ବାଚିକିତି ଚେଲା ଇ ଚିଟି ଲେକିକିନାଙ୍ଗା। ଯୀଶୁ ଖ୍ରୀଷ୍ଟତି ମା ଈଶ୍ୱର ଆରେ ଉଦାର୍ କିଦ୍‌ନାକାନ୍, ହେୱାନ୍ ଈଶ୍ୱର ଲାଗାୟ୍ ମାଙ୍ଗେଙ୍ଗ୍ ଦରମ୍ ମାନାୟ୍ କିତ୍‌ତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ବେସି ମୁଲ୍ୟକାଟି ପାର୍ତି ହିତ୍‌ତାନ୍‌ନା, ଆରେ ଇମ୍‌ଣାକାର୍ ମା ଲେକେ ହାମାନ୍ ପାର୍ତି ପାୟାଆତାର୍‌ନା, ହେୱାର୍ ଲାଗାୟ୍ ଆନେଙ୍ଗ୍ ଇ ଚିଟି ଲେକିକିନାଙ୍ଗା।

୨ ପିତର 3:13

ମାତର୍ ଆସେଙ୍ଗ୍ ଈଶ୍ୱରକିତି ପାର୍ମାଣ୍ ଅନ୍‌ସାରେ ରଞ୍ଜାଙ୍ଗ୍ ପୁନି ସରଗ୍ ଆରେ ପୁନି ପୁର୍ତିତିଙ୍ଗ୍ କାତାସ୍‌ନା। ଆପ୍‌କା ଦରମ୍ ମାନାୟ୍ ହେବେ ମାନ୍‌ଗାନାର୍।

୨ ପିତର 3:9

ମାପୃ ତା ଆରେରଗ ୱାନି ବିଷୟରେ ପାର୍ମାଣ୍ ପୁରା କିଦେଙ୍ଗ୍ ବିଲମ୍ କିନାନା ଇଞ୍ଜି କେତ୍‌ଜାଣ୍ ବାବିକିନାରା। ମାତର୍ ମାପୃ ଜାର୍ ପାର୍ମାଣ୍ ବିଷୟରେ ହେଲେକେ ବିଲମ୍ କିଉନା, ମାତର୍ ହେୱାନ୍ ମି କାଜିଙ୍ଗ୍ ସାସ୍ ଆସ୍ତାନ୍‌ନା। ଇନେସ୍‌କି ରକାନ୍ ପା ନଷ୍ଟ ଆମେର୍ ଇଞ୍ଜି ହେୱାନ୍ ଇଚା କିନାନା। ଆରେ ୱିଜାକାର୍ ମାନାୟ୍ ଇନେସ୍ ପାପ୍ କାମାୟ୍ ପିସ୍ତି ତା ଲାଗାୟ୍ ୱାନାର୍, ଇଦାଙ୍ଗ୍ ହେୱାନ୍ ଇଚା କିନାନା।

୧ ଯୋହନ 2:25

ଆରେ ଈଶ୍ୱର ମାଙ୍ଗେଙ୍ଗ୍ ହିତ୍‌ତି ପାର୍ମାଣ୍ ନେ ୱିଜ୍‌ୱି ଜିବୁନ୍।

୧ ଯୋହନ 3:2

ଏ ନା ଲାଡ୍‌ନି ସାଙ୍ଗ କାଦେର୍, ନଙ୍ଗୟ୍ ଆସେଙ୍ଗ୍ ଈଶ୍ୱର ମେହିକାସ୍ ଆତାସ୍‌ନା। ଏଚେପାଦ୍ନା ଯୀଶୁ ଖ୍ରୀଷ୍ଟ ଆରେରଗ ପୁର୍ତିତାକେ ୱାନାନ୍, ହେପାଦ୍ନା ଆସେଙ୍ଗ୍ ଇନେସ୍ ଚଞ୍ଜିଆ ଆନାତ୍ ହେଦାଙ୍ଗ୍ ପୁନ୍‌ୱାତାସ୍‌ନା। ମାତର୍ ଇଦାଙ୍ଗ୍ ଆସେଙ୍ଗ୍ ପୁଚାସ୍‌ନା, ହେୱାନ୍ ଏଚେପାଦ୍ନା ଆରେରଗ ୱାନାନ୍ ଆସେଙ୍ଗ୍ ତା ଲେକେ ଆନାସ୍, ଇନେସ୍‌କି ହେୱାନ୍ ଇନେସ୍‌ଲେକେ ସତ୍ ହେଲେକେ ତାଙ୍ଗେଙ୍ଗ୍ ହୁଡ଼୍‌ୟା ଆନାତ୍‌।