୨ ପିତର 1:17 - New Testament in Pengo Parja Language

^17-18 ଆବା ଈଶ୍ୱର ଏଚେପାଦ୍ନା ଖ୍ରୀଷ୍ଟଙ୍ଗ୍ ସନ୍‌ମାନ୍ ଆରେ ଗୌରବ ହିତାନ୍, ହେପାଦ୍ନା ଆସେଙ୍ଗ୍ ହେୱାନ୍ ହୁଦାଙ୍ଗ୍ ପବିତ୍ର ମାଡ଼ିଜପି ମାଚାସ୍। ହେପାଦ୍ନା ବେସି ଗୌରବ ମାନି ଈଶ୍ୱର ହେୱାନିଙ୍ଗ୍ ଇ ବେଣ୍ ୱେଚ୍‌ଚାନ୍, “ଇୱାନ୍‌ନେ ନା ଲାଡ୍‌ନି ମାଜି, ଇୱାନ୍‌ତାକେ ଆନେଙ୍ଗ୍ ବେସି ୱାରି।” ସରଗ୍‌ତାଙ୍ଗ୍ ଇ ବେଣ୍ ୱେଚ୍‌ନାକା ଆସେଙ୍ଗ୍ ନିଜେ ୱେଚାସ୍‌।

ସତ୍‌ ବଚନ୍‌ ପୁନି ନିୟମ୍‌

¹⁷ ଲାଗିଂ ଏଚେକାଡ଼୍‌ଦ ବେସି ଜାଜ୍‌ମାଲ୍‌ ବିତ୍ରେତାଂ ହେୱାନ୍ତି କାଜିଂ ଇ କାତା ଆତାତ୍‌, “ଏ ମା ୱାରିନି ମାଜ଼ି, ଇୱାନ୍ତି ତାକେ ମା ରଞ୍ଜାଙ୍ଗ୍‌ ମତର୍‌ ସତକ୍, ହେ ଏଚେୱେଡ଼ାଲିଂ ହେୱାନ୍ ଆବା ଇସ୍ୱର୍‌ତାଂ ୱାରି ଆରି ଜାଜ୍‌ମାଲ୍‌ ପାୟା ଆତାନ୍‌ ।”

୨ ପିତର 1:17 Iomraidhean Croise

ମାତିଉ 12:18

“ହୁଡ଼ାଟ୍, ଆନେଙ୍ଗ୍ ବାଚିକିତି ହଲିଆ। ଆନେଙ୍ଗ୍ ହେୱାନିଙ୍ଗ୍ ବେସି ଲାଡ୍ କିନାଙ୍ଗ୍ ଆରେ ହେୱାନିଙ୍ଗ୍ ବେସି ୱାରି କିନାଙ୍ଗ୍। ଆନେଙ୍ଗ୍ ହେୱାନିଙ୍ଗ୍ ନା ପବିତ୍ର ଆତ୍ମା ହିନାଙ୍ଗ୍, ଆରେ ହେୱାନ୍ ବିନ୍‌ଜାତିର୍‌ତାକେ ନ୍ୟାୟ୍‌ବିଚାର୍‌ନି କାତା ଶୁଣାୟ୍ କିନାନ୍।

ମାତିଉ 17:3

ହେପାଦ୍ନା ତିନ୍‌ଜାଣ୍ ଚେଲାହିର୍ ହୁଡ଼୍‌ତାର୍ ଭବିଷ୍ଯତବକ୍ତାର୍ ଏଲିୟ ଆରେ ମୋଶା ଇ ରିୟାର୍ ଯୀଶୁ ହୁଦାଙ୍ଗ୍ ବେଣ୍‌କିବାଆଜି ମାଚାକା ହୁଡ଼୍‌ତାର୍।

ମାତିଉ 17:5

ଯୀଶୁ ଇବେଣ୍ ୱେଚୁ-ୱେଚୁ, ଅଲପ୍ ବାଦାଡ଼୍ ୱାଜି ହେୱାରିଙ୍ଗ୍ ଡାବାଇ କିତାତ୍, ଆରେ ହେ ବାଦାଡ଼୍‌ତାଙ୍ଗ୍ ଈଶ୍ୱର ବେଣ୍‌କିତାନ୍, “ଏ ନା ଲାଡ୍ ମାଜି। ଇୱାନ୍‌ତାକେ ଆନେଙ୍ଗ୍ ବେସି ୱାରି, ଇୱାନ୍ ବେଣ୍‌ତିଙ୍ଗ୍ ମାନ୍‌ଦିୟାନ୍ କିଜି ୱେନାଟ୍!”

ମାତିଉ 28:19

ଲାଗିଙ୍ଗ୍ ଏପେଙ୍ଗ୍ ହାଲାଟ୍ ଆରେ ୱିଜୁଜାତି ମାନାୟାରିଙ୍ଗ୍ ନା ଚେଲା ରହାଟ୍। ଆବା ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟ ଆରେ ପବିତ୍ର ଆତ୍ମା ତର୍‍ଦାଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ଡୁବନ୍ ହିୟାଟ୍।

ମାତିଉ 3:17

ହେପାଦ୍ନା ଈଶ୍ୱର ବାଦାଡ଼୍‌ତାଙ୍ଗ୍ ଯୀଶୁଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ନା ଲାଡ୍ ମାଜି, ଆନେଙ୍ଗ୍ ନିତାକେ ବେସି ୱାରି।”

ମାର୍କ 1:11

ଆରେ, ଈଶ୍ୱର ସରଗ୍‌ତାଙ୍ଗ୍ ଯୀଶୁଙ୍ଗ୍ ୱେଚ୍‌ଚାନ୍, ଏନେଙ୍ଗ୍ ନା ଲାଡ୍ ମାଜି, “ଆନେଙ୍ଗ୍ ନିତାକେ ବେସି ୱାରି।”

ମାର୍କ 9:7

ହେଦାପ୍ରେ ଅଲପ୍ ବାଦାଡ଼୍ ୱାଜି ହେୱାରିଙ୍ଗ୍ ଡାବାଇ କିତାତ୍, ଆରେ ହେ ବାଦାଡ଼୍‌ତାଙ୍ଗ୍ ଈଶ୍ୱର ବେଣ୍‌କିତାନ୍, “ଏ ନା ଲାଡ୍ ମାଜି। ଇୱାନ୍ ବେଣ୍‌ତିଙ୍ଗ୍ ମାନ୍‌ଦିୟାନ୍ କିଜି ୱେନା!”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:22

ନା ଆବାନି ଆଦିକାର୍ ୱିଜୁ ବିଷୟ ନାଙ୍ଗେଙ୍ଗ୍ ହିତ୍‌ତାନ୍‌ନା। ହିମ୍‌ଣା ବିଷୟରେ ଆବାଙ୍ଗ୍ ପିସ୍ତି ଇଦାଙ୍ଗ୍ ଇନେର୍ ପା ପୁନୁର୍, ଆରେ ଆବା ବିଷୟରେ ଇନେର୍, ହିମ୍‌ଣାଙ୍ଗ୍ ପିସ୍ତି ଇନେର୍ ପୁଞ୍ଜେଙ୍ଗ୍ ଆଡୁର୍, ଆରେ ହିମ୍‌ଣା ଇନେରିଙ୍ଗ୍ ହେଦାଙ୍ଗ୍ ପୁନିକିଦେଙ୍ଗ୍ ଇଚାକିନାନ୍ ହେୱାନିଙ୍ଗ୍‌ନେ ଆବା ବିଷୟରେ ପୁନିକିନାଙ୍ଗ୍‌।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:22

ପବିତ୍ର ଆତ୍ମା ସରଗ୍‌ତାଙ୍ଗ୍ ପାର୍‌ୱା ଲେକେ ତା ଜପି ୱାତାତ୍। ଆରେ ଈଶ୍ୱର ସରଗ୍‌ତାଙ୍ଗ୍ ଯୀଶୁଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ନା ଲାଡ୍ ମାଜି, ଆନେଙ୍ଗ୍ ନିତାକେ ବେସି ୱାରି।”

ଜହନ୍‌ 10:15

ଆନେଙ୍ଗ୍ ହେଲେକେ ନା ମେଣ୍ଢାକାଙ୍ଗ୍ ପା ପୁନାଙ୍ଗ୍, ଆରେ ହେୱେକ୍ ପା ନାଙ୍ଗେଙ୍ଗ୍ ପୁଞ୍ଜ୍‌ନିକ୍। ଆନେଙ୍ଗ୍ ମେଣ୍ଢାକାଙ୍ଗ୍ ନା ଜିବୁନ୍ ହିଦେଙ୍ଗ୍ ପା ରାଜି ମାନାଙ୍ଗ୍।

ଜହନ୍‌ 10:36

ଲାଗିଙ୍ଗ୍ ଏପେଙ୍ଗ୍ ଇନା କିଦେଙ୍ଗ୍ ଇନାଦେରା, ଆନେଙ୍ଗ୍ ଇନାକା ଈଶ୍ୱର ନିନ୍ଦା ବିରୁଦ୍‌ତାକେ ୱେଚ୍‌ଚାନାଙ୍ଗା ଇଞ୍ଜି। ଇନେସ୍‌କି ଆନେଙ୍ଗ୍ ୱେଚ୍‌ଚାନାଙ୍ଗା, ‘ଆନେଙ୍ଗ୍ ଈଶ୍ୱର ମେହି।’ ନାଙ୍ଗେଙ୍ଗ୍ ଈଶ୍ୱର ବାଚି କିତ୍‌ତାନ୍‌ନା ଆରେ ପୁର୍ତିତାକେ ପକ୍ତାତାନ୍‌ନା।

ଜହନ୍‌ 14:11

ଆନେଙ୍ଗ୍ ଆବା ଈଶ୍ୱରତାକେ ଆରେ ଆବା ଈଶ୍ୱର ନାବେ ମାନାନ୍। ଏପେଙ୍ଗ୍ ନା ଇ କାତା ପାର୍ତିକିୟାଟ୍। ନଇଲେ ଆନେଙ୍ଗ୍ ଇମ୍‌ଣିୱିଜୁ ଚାନିଆଆନି କାମାୟ୍ କିତାଙ୍ଗ୍‌ନା ହେଦାଙ୍ଗ୍ ହୁଡ଼୍‌ଜି ପାର୍ତିକିୟାଟ୍।

ଜହନ୍‌ 14:6

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ହାଜି। ଆନେଙ୍ଗ୍ ସତ୍। ଆରେ ଆନେଙ୍ଗ୍ ଜିବୁନ୍। ଆବା ଈଶ୍ୱରତାକେ ହାଞ୍ଜେଙ୍ଗ୍ ଆନେଙ୍ଗ୍ ନେ ରୱାଙ୍ଗ୍ ହାଜି।

ଜହନ୍‌ 17:21

ଏ ଆବା ଈଶ୍ୱର, ଆନେଙ୍ଗ୍ ନିବେ ପାର୍ତାନା କିଦ୍‌ନାଙ୍ଗା, ଇନେସ୍ ପାର୍ତି କିନାକାର୍ ରବେ ଆଦେଙ୍ଗ୍ ଆଡ୍‌ନାର୍। ଇନେସ୍‌କି ଏନେଙ୍ଗ୍ ନାବେ ମାନାଇ ଆରେ ଆନେଙ୍ଗ୍ ନିବେ ମାନାଙ୍ଗ୍। ହେଲେକେ ଇୱାର୍ ପା ମାବେ ମାନ୍‌ଗାନାର୍। ଲାଗିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ପକ୍ତାତାଇନା ଇଞ୍ଜି ପୁର୍ତିନି ୱିଜୁ ମାନାୟାର୍ ପାର୍ତିକିନାର୍।

ଜହନ୍‌ 20:17

ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ନାଙ୍ଗେଙ୍ଗ୍ ଆସ୍ତେଦେଙ୍ଗ୍ ଉପାୟ୍ କିଦ୍‌ମା। ଆନେଙ୍ଗ୍ ନଙ୍ଗୟ୍ ପାତେକ୍ ଆବା ଈଶ୍ୱରତାକେ ହାଲ୍‌ୱାତାଙ୍ଗ୍‌ନା। ମାତର୍ ଏନେଙ୍ଗ୍ ହାଲ୍‌ଜି ନା ଟଣ୍ଡାରିଙ୍ଗ୍ ୱେଚା, ଆନେଙ୍ଗ୍ ମି ଆରେ ନା ଆବାତାକେ ହାନାଙ୍ଗା। ଆରେ ମି ଆରେ ନା ଈଶ୍ୱରତାକେ ହାନାଙ୍ଗା।”

ଜହନ୍‌ 3:35

ଆବା ଈଶ୍ୱର ତା ମେହିଙ୍ଗ୍ ଲାଡ୍ କିନାନ୍। ହେୱାନିଙ୍ଗ୍ ୱିଜୁ ବିଷୟତିଙ୍ଗ୍ ଆଦିକାର୍ ହିତାନ୍‌ନା।

ଜହନ୍‌ 5:20

ଲାଗିଙ୍ଗ୍ ଆବା ମେହିଙ୍ଗ୍ ଲାଡ୍ କିନାନ୍। ଆବା କିନି ୱିଜୁ କାମାୟ୍ ମେହିଙ୍ଗ୍ ଚଚ୍‍ନାନ୍। ଆରେ ଏପେଙ୍ଗ୍ ହୁଡ଼୍‌ଜି ଚାନିଆ ଆନାଦେର୍। ଇଦାଙ୍ଗ୍ କାଜିଙ୍ଗ୍ ଆବା ମେହିଙ୍ଗ୍ ଇଦାଙ୍ଗ୍‌ତାଙ୍ଗ୍ ଆରେ ଗାଜା-ଗାଜା କାମାୟ୍ କିଦେଙ୍ଗ୍ ଚଚ୍‌ଚାନାନ୍।

ଜହନ୍‌ 5:26

ମାତର୍ ସରଗ୍‌ନି ଆବା ଆନାନା ଜିବୁନ୍‌ନି ଆଦିକାର୍ ମାନାତ୍। ହେୱାନ୍ ତା ମେହିଙ୍ଗ୍ ପା ଜିବୁନ୍‌ନି ଆଦିକାର୍ ହିତାନ୍‌ନା।

ଜହନ୍‌ 6:27

ନଷ୍ଟ ଆନି କାଦିତିଙ୍ଗ୍ ଏପେଙ୍ଗ୍ କଷ୍ଟ କିମାଟ୍। ମାତର୍ ଇମ୍‌ଣି କାଦି ନଷ୍ଟ ଆୱାଦାଙ୍ଗ୍ ୱିଜ୍‌ୱି ଜିବୁନ୍ କାଜିଙ୍ଗ୍ ମାନ୍‌ଗାନାତ୍, ହେ କାଦି କାଜିଙ୍ଗ୍ କଷ୍ଟ କିୟାଟ୍। ହେ କାଦି ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ହିଦ୍‌ନାନ୍। ଇନେସ୍‌କି ଆବା ଈଶ୍ୱର ନାଙ୍ଗେଙ୍ଗ୍ ହେ ଆଦିକାର୍ ହିତ୍‌ତାନ୍‌ନା।”

ଜହନ୍‌ 6:37

ନା ଆବା ଈଶ୍ୱର ନାଙ୍ଗେଙ୍ଗ୍ ଇମ୍‌ଣାକା ହିତ୍‌ତାନ୍‌ନା, ହେୱାର୍ ନା ଲାଗାୟ୍ ୱାନାର୍। ଆରେ ଆନେଙ୍ଗ୍ ହେୱାରିଙ୍ଗ୍ ଇନାୱେଡ଼ାଙ୍ଗ୍ ପା ହପୁଙ୍ଗ୍‌।

ଜହନ୍‌ 6:39

ଈଶ୍ୱର ଇମ୍‌ଣାକାରିଙ୍ଗ୍ ନାଙ୍ଗେଙ୍ଗ୍ ହିତ୍‌ତାନ୍‌ନା, ଆନେଙ୍ଗ୍ ହେୱାର୍ ବିତ୍ରେତାଙ୍ଗ୍ ରକାନିଙ୍ଗ୍ ପା ଆରାଇ କିଉଙ୍ଗ୍। ଆନେଙ୍ଗ୍ ହେୱାରିଙ୍ଗ୍ ସେସ୍‌ଦିନ୍‌ତ ଆରେରଗ ଜିବୁନ୍ କିନାଙ୍ଗ୍। ଇଦାଙ୍ଗ୍ ନେ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରତି ଇଚା।

ରୋମିୟ 15:6

ଲାଗିଙ୍ଗ୍ ଏପେଙ୍ଗ୍ ୱିଜାଦେର୍ ର ମାନ୍‌ଆଜି ଈଶ୍ୱର ମା ମାପୃ ଯୀଶୁ ଖ୍ରୀଷ୍ଟ ଲାତ୍ରାହିଙ୍ଗ୍ ଦନ୍ଯବାଦ୍ ଆରେ ଗୌରବ ହିଦେଙ୍ଗ୍ ଆଡ୍‌ନାଦେର୍।

୨ କରନ୍ତିୟ 1:3

ଆପେଙ୍ଗ୍ ୱିଜାକାପ୍ ମା ମାପୃ ଯୀଶୁ ଖ୍ରୀଷ୍ଟନି ଆବା ଆରେ ଈଶ୍ୱରତିଙ୍ଗ୍ ଦନ୍ଯବାଦ୍ ହିନି ଦର୍‌କାର୍। ହେୱାନ୍ ୱିଜୁଦିନ୍ ମାଙ୍ଗେଙ୍ଗ୍ ଦୟା ଆରେ ସାଇଜ କିଦ୍‌ନାନା। ଆରେ ଈଶ୍ୱର ନେ ମାଙ୍ଗେଙ୍ଗ୍ ସାହାସ୍ ହିଦ୍‌ନାନା।

୨ କରନ୍ତିୟ 11:31

ମା ମାପୃ ଯୀଶୁ ଖ୍ରୀଷ୍ଟ ଲାତ୍ରାହି, ଈଶ୍ୱର ୱିଜୁଦିନ୍ ଜୟ୍-ଜୟ୍ ପାୟା ଆନାନ୍ ହେୱାନ୍ ପୁଚାନ୍‌ନା ଯେ ଆନେଙ୍ଗ୍ ମିଚ୍ ୱେଚୁଙ୍ଗା।

ଏବ୍ରି 1:3

ହେ ହିମ୍‌ଣା ଈଶ୍ୱର ଗୌରବତାଙ୍ଗ୍ ଚଚ୍‌ଚାନାନ୍ ଆରେ ହେୱାନ୍ ୱିଜୁ ବିଷୟରେ ଈଶ୍ୱରଲେକେ ଚଞ୍ଜ୍‌ନାନ୍‌। ହେୱାନ୍ ଜାର୍ ଶାକ୍ତିମାନି କାତାତାଙ୍ଗ୍ ପୁର୍ତିନି ୱିଜୁ ବିଷୟ ଆସ୍ତାନ୍‌ନା। ଆରେ ହେୱାନ୍ ମାନାୟାର୍ ପାପ୍‌ତିଙ୍ଗ୍ ନୁସ୍‌ତି ପାଚେ ସରଗ୍‌ତାକେ ଈଶ୍ୱରତି ଗୌରବ ପାୟାଆନି ତିନାବାଗାୟ୍‌ନି ବାହାତାକେ କୁଚ୍‌ଚାନ୍‌ନା।

୨ ଯୋହନ 1:3

ଆବା ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟତାଙ୍ଗ୍ ଆଶ୍ରିବାଦ୍, ଦୟା ଆରେ ଶାନ୍ତି ମା କାଜିଙ୍ଗ୍ ଆୟେତ୍। ଇନେସ୍‌କି ଆପେଙ୍ଗ୍ ସତ୍ ଅନୁସାରେ ମାନାପା, ଆରେ ଜାର୍-ଜାର୍‌ବିତ୍ରେ ଲାଡ୍ କିନାପା।

ଜିହୁଦା 1:1

ଆନେଙ୍ଗ୍ ଯିହୁଦା ଯୀଶୁ ଖ୍ରୀଷ୍ଟତି ରକାନ୍ ଚେଲାହିତଙ୍ଗ୍‌ ଆରେ ଯାକୁବନି ହିରୁ ଟଣ୍ଡାହିତଙ୍ଗ୍‌। ଈଶ୍ୱରତାକେ ପାର୍ତିକିନି କାଜିଙ୍ଗ୍ ଇମ୍‌ଣାକାରିଙ୍ଗ୍ ହେୱାନ୍ କୁକ୍ତାନ୍‌ନା, ହେୱାର୍ ଲାଗାୟ୍ ଇ ଚିଟି ଲେକିକିନାଙ୍ଗା। ଆବା ଈଶ୍ୱର ମିଙ୍ଗେଙ୍ଗ୍ ଲାଡ୍ କିଦ୍‌ନାନ୍ ଆରେ ଯୀଶୁ ଖ୍ରୀଷ୍ଟତାକେ ମିଙ୍ଗେଙ୍ଗ୍ ହାର୍‌ଦାଙ୍ଗ୍ ଇଡ଼୍‌ଜି ମାଞ୍ଜ୍‌ନାନ୍।