୨ ପିତର 1:12 - New Testament in Pengo Parja Language

¹² ଏପେଙ୍ଗ୍ ଇ ୱିଜୁ ବିଷୟ ସତ୍ ଇଞ୍ଜି ପୁଚାଦେର୍‌ନା ଆରେ ପୁରାପୁରି ପାର୍ତି କିନାଦେରା, ଆତିସ୍‌ପା ଇ ୱିଜୁ ବିଷୟରେ ମିଙ୍ଗେଙ୍ଗ୍ ୱିଜୁଦିନ୍ ମାନ୍ତ ଏତୁ କିୟିକିଦ୍‌ଦେଙ୍ଗ୍ ଆନେଙ୍ଗ୍ ଇଚା କିନାଙ୍ଗା।

ସତ୍‌ ବଚନ୍‌ ପୁନି ନିୟମ୍‌

¹² ଲାଗିଂ, ଏପେଙ୍ଗ୍‌ ଜଦିପା ଇ ସବୁ ୱେଡ଼ାଙ୍ଗ୍‌ ପୁନାଟ୍ ଆରି ଗାଟାତି ହାତ୍‌ପାତ ତିର୍‍କିୟା ଆତାଦେର୍ଣ୍ଣା, ଆତିସ୍‌ପା ଆନ୍‌ ଇ ସବୁ ବିସ୍ରେ ମିଂ ଏତୁ କିୟ୍‌କିଦେଂ ନିତ୍ରେ ଜାଲ୍‌ଦି ଆଜ଼ି ମାନାଙ୍ଗ୍ ।

୨ ପିତର 1:12 Iomraidhean Croise

ପକ୍ୟାତାକା 16:5

ଲାଗିଙ୍ଗ୍ ମଣ୍ଡ୍‌ଲିନି ମାନାୟାର୍ ପାର୍ତିତାଙ୍ଗ୍ ଗାଜା ଆତାର୍। ଆରେ ୱିଜୁଦିନ୍ ମଣ୍ଡ୍‌ଲିତାକେ ଜେକନି ମାନାୟାର୍ ମେହାଆଦେଙ୍ଗ୍ ଲାଗାତାର୍।

ପିଲିପିୟ 3:1

ଏ ନା ପାର୍ତିକିନି ଟଣ୍ଡାର୍‌କାଦେର୍ ଏପେଙ୍ଗ୍ ମାପୃତାକେ ୱାରି ଆଡ। ଇ କାତାତିଙ୍ଗ୍ ବାରମ୍-ବାରମ୍ ଲେକିକିଦେଙ୍ଗ୍ ନାଙ୍ଗେଙ୍ଗ୍ ବିଜାର୍ ହତୁତା। ଇନେସ୍‌କି ଏପେଙ୍ଗ୍ ମିଚ୍ ହିକ୍ଷାତାଙ୍ଗ୍ ରକ୍ଷା ପାୟାଆନାଦେର୍।

କଲସିୟ 1:5

ମି କାଜିଙ୍ଗ୍ ଈଶ୍ୱର ସରଗ୍‌ତାକେ ଇଡ଼୍‌ଜି ମାଚି ପୁରଷ୍କାର୍‌ତାକେ ଆହା ଇଡ଼୍‌ଜି ମାଚି କାଜିଙ୍ଗ୍ ଏପେଙ୍ଗ୍ ଇ ଲେକେ ପାର୍ତି ଆରେ ଲାଡ୍ କିନାଦେରା। ଏଚେପାଦ୍ନା ମାନାୟାର୍ ମିଙ୍ଗେଙ୍ଗ୍ ପାର୍ତୁମ୍ ଈଶ୍ୱରତି ସତ୍ କାତା ଯୀଶୁ ଖ୍ରୀଷ୍ଟ ବିଷୟନି ହାର୍ଦିକାବୁର୍ ୱେଚ୍‌ଚି ମାଚାର୍, ହେପାଦ୍ନା ଏପେଙ୍ଗ୍ ଇ ବିଷୟରେ ୱେଚାଦେର୍‌ନା।

କଲସିୟ 2:7

ଆରେ ମାର୍‌ତି ଚିରା ଇନେସ୍ ମେଦ୍‌ନିତାକେ ହାଲ୍‌ଜି ଆଟ୍‌ୱା ଆଜି ମାନାତ୍, ହେଲେକେ ଏପେଙ୍ଗ୍ ହେୱାନ୍‌ତାକେ ବେସି ଆଟ୍‌ୱା ଆଜି ମାନାଟ୍। ମି ଜିବୁନ୍ ହେୱାନ୍‌ତାକେ ବାଡା ଆୟେତ୍, ଲାଗିଙ୍ଗ୍ ଏପେଙ୍ଗ୍ ଇମ୍‌ଣି ହିକ୍ଷା ପାୟା ଆତାଦେର୍‌ନା ହେ ଅନୁସାରେ ମି ପାର୍ତି ସତ୍‌ତାକେ ଆଦିକ୍‌ତାଙ୍ଗ୍ ଆଦିକ୍ ଆଟ୍‌ୱା ଆନାତ୍‌। ଆରେ ଆଦିକ୍‌ତାଙ୍ଗ୍ ଆଦିକ୍ ଏପେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଦେର୍।

୧ ତିମତି 4:6

ଏନେଙ୍ଗ୍ ଯଦି ପାର୍ତିକିନି ଟଣ୍ଡାର୍‌ରିଙ୍ଗ୍ ୱିଜୁ ବିଷୟରେ ହିକ୍ଷା ହିନାୟ୍‌, ଲାଗିଙ୍ଗ୍ ଏନେଙ୍ଗ୍ ଯୀଶୁ ଖ୍ରୀଷ୍ଟନି ର ହାର୍‌ଦାଙ୍ଗ୍ ହେବାକିନାକାୟ୍ ଆନାୟ୍। ଆରେ ଏନେଙ୍ଗ୍ ଇମ୍‌ଣି ପାର୍ତି ଆରେ ହାର୍ଦି ହିକ୍ଷାତିଙ୍ଗ୍ ମାନିକିୟା, ହେ କାତାକାଜିଙ୍ଗ୍ ଏନେଙ୍ଗ୍ ବେସି ଦରମ୍ ଜିବୁନ୍ କାଟି କିଦେଙ୍ଗ୍ ଆଡ୍‌ନାୟ୍।

୨ ତିମଥି 1:6

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ମାନ୍ତ ଏତୁକିୟି କିଦେଙ୍ଗ୍ ଇଚା କିନାଙ୍ଗା ଯେ ଆନେଙ୍ଗ୍ ମି କାପ୍‌ଡ଼ା ଜପି କେଇ ଡ଼ାପ୍‌ତିହିଙ୍ଗ୍ ଇମ୍‌ଣି ଈଶ୍ୱର ଦାନ୍ ପାୟା ଆତାଦେର୍‌ନା, ହେଦାଙ୍ଗ୍‌ତିଙ୍ଗ୍ ଆରେରଗ ଦିରେ-ଦିରେ କିଜି କାଚାୟ୍ କିୟାଟ୍।

ଏବ୍ରି 10:32

ଏପେଙ୍ଗ୍ ଇମ୍‌ଣିଦିନ୍ ଖ୍ରୀଷ୍ଟ ବିଷୟରେ ହିକା ଆତାଦେର୍ ହେ ସମୟ୍‌ତିଙ୍ଗ୍ ଇନାୱେଡ଼ାଙ୍ଗ୍ ବାଣା ଆମାଟ୍। ଦୁକ୍‌କଷ୍ଟ ଆତିସ୍‌ପା ଏପେଙ୍ଗ୍ ପାର୍ତିତାଙ୍ଗ୍ ତିର୍‌ଆଜି ମାନି ବିଷୟତିଙ୍ଗ୍ ମାନ୍ତ ଏତୁକିୟାଟ୍।

ଏବ୍ରି 13:9

ଲାଗିଙ୍ଗ୍ ଏପେଙ୍ଗ୍ ପୁନ୍‌ୱିତି ପୁନି ହିକ୍ଷାତିଙ୍ଗ୍ ୱେଞ୍ଜେଙ୍ଗ୍ ଇଚା କିମାଟ୍। ଇନେସ୍‌କି ମି ଆତ୍ମିକ୍ ଜିବୁନ୍ ଈଶ୍ୱର ଦୟାତାଙ୍ଗ୍ ଶାକ୍ତି ଆନାତା, ତିନାକା ଉଣାକା ନିତି ନିୟମ୍ ମାନିକିତି କାଜିଙ୍ଗ୍ ଆକାୟ୍। ଇମ୍‌ଣାକାର୍ ହେ ନିୟମ୍ ମାନି କିନାରା, ହେଦାଙ୍ଗ୍ ଇନା ଲାବ୍ ଆଉତ୍।

୧ ପିତର 5:10

ଈଶ୍ୱର ମାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ହେୱାନ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ତା ୱିଜୁଦିନ୍ ମାନି ଗୌରବ ମାଙ୍ଗେଙ୍ଗ୍ ହିଦ୍‌ନି କାଜିଙ୍ଗ୍ ବାଚି କିତ୍‌ତାନ୍‌ନା। ଏପେଙ୍ଗ୍ ଅଲପ୍‌ଦିନ୍ ଦୁଃକ୍ କଷ୍ଟ ପାୟାଆତି ପାଚେ ହେୱାନ୍ ମିଙ୍ଗେଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ଶାକ୍ତି ହିଦ୍‌ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ପୁନି ମାନାୟ୍ କିଦ୍‌ନାନ୍। ଆରେ ହେୱାନ୍ ମି ପାର୍ତିତିଙ୍ଗ୍ ର ଷ୍ଟ୍ରଙ୍ଗ୍ ପାଉଣ୍ଡେସେନ୍‌ଲେକେ କିଦ୍‌ନାନ୍।

୧ ପିତର 5:12

ନା ହୁଦାଙ୍ଗ୍ ମାନି ପାର୍ତିକିନି ଟଣ୍ଡେନ୍ ଶିଲା ସାଇଜତାଙ୍ଗ୍ ଇ ହିରୁ ଚିଟି ମି କାଜିଙ୍ଗ୍ ଲେକିକିନାଙ୍ଗା, ଆନେଙ୍ଗ୍ ତା ବିଷୟରେ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାଙ୍ଗ୍ ଯେ, ହେୱାନ୍ ରକାନ୍ ହାର୍‌ଦାଙ୍ଗ୍ ପାର୍ତିକିନାକାନ୍। ଆନେଙ୍ଗ୍ ମିଙ୍ଗେଙ୍ଗ୍ ସାସ୍ କିଦ୍‌ନି କାଜିଙ୍ଗ୍ ଆରେ ଈଶ୍ୱର ମିଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ଇ ୱିଜୁ ଗଟାଆନାତା, ହେଦାଙ୍ଗ୍ ପୁନି କିଦ୍‌ନି କାଜିଙ୍ଗ୍ ଇ ଚିଟି ଲେକିକିନାଙ୍ଗା।

୨ ପିତର 1:13

ମା ମାପୃ ଯୀଶୁ ଖ୍ରୀଷ୍ଟ ନାଙ୍ଗେଙ୍ଗ୍ ପୁରା କିଲେର୍ ବାବ୍‌ରେ ୱେଚ୍‌ଚାତାନ୍‌ନା ଯେ, ଆନେଙ୍ଗ୍ ହାଃନାକା ଏକିୱାନାତା। ଲାଗିଙ୍ଗ୍ ଆନେଙ୍ଗ୍ ଜିବୁନ୍ ମାନିହିଙ୍ଗ୍, ମିଙ୍ଗେଙ୍ଗ୍ ଇ ୱିଜୁ ବିଷୟରେ ଏତୁ କିୟିକିଦ୍‌ନାକା, ଆନେଙ୍ଗ୍ ଟିକ୍ ଇଞ୍ଜି ବାବିକିନାଙ୍ଗା।

୨ ପିତର 1:15

ଆରେ ଆନେଙ୍ଗ୍ ହାଃତି ପାଚେ ପା, ଇନେସ୍ ଏପେଙ୍ଗ୍ ୱିଜୁଦିନ୍ ୱିଜୁ ବିଷୟତିଙ୍ଗ୍ ମାନ୍ତ ଇଡ଼୍‌ଦେଙ୍ଗ୍ ଆଡ୍‌ନାଦେର୍, ଇଦାଙ୍ଗ୍ କାଜିଙ୍ଗ୍ ନଙ୍ଗୟ୍ ଆନେଙ୍ଗ୍ ବେସି କଷ୍ଟକିଜି ମି ଲାଗାୟ୍ ଇ ୱିଜୁ ବିଷୟ ଲେକିକିନାଙ୍ଗା।

୨ ପିତର 3:1

ନା ଲାଡ୍‌ନି ସାଙ୍ଗ କାଦେର୍, ଏପେଙ୍ଗ୍ ପୁଚି ବିଷୟତିଙ୍ଗ୍ ମାନ୍ତ ଏତୁକିନି କାଜିଙ୍ଗ୍ ଆରେ ମି ମାନ୍ତ ହାର୍ଦି ବାବ୍‌ନାତିଙ୍ଗ୍ ଜାଗାୟ୍ କିନି କାଜିଙ୍ଗ୍, ନଙ୍ଗୟ୍ ଆନେଙ୍ଗ୍ ମି ଲାଗାୟ୍ ଇ ରି ନମ୍ବର୍ ଚିଟି ଲେକିକିନାଙ୍ଗା।

୨ ପିତର 3:17

ଲାଗିଙ୍ଗ୍ ଏ ନା ଲାଡ୍‌ନି ସାଙ୍ଗ କାଦେର୍, ଇୱିଜୁ ଗଟାଆନାତ୍ ଇଞ୍ଜି ଏପେଙ୍ଗ୍ ଆଗେତାଙ୍ଗ୍ ପୁଚାଦେର୍‌ନା। ଲାଗିଙ୍ଗ୍ ଇ କରାପ୍ ମାନାୟାର୍ ଇନେସ୍ ମିଙ୍ଗେଙ୍ଗ୍ ମିଚ୍ କାତା ୱେଚ୍‌ଚି ମିଙ୍ଗେଙ୍ଗ୍ ଟକାୟ୍ କିଦୁର୍, ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜାଗ୍ରତ୍ ଆଜି ମାନାଟ୍। ଯଦି ଏପେଙ୍ଗ୍ ହେୱାର୍ କାତା ୱେନାଦେର୍, ଲାଗିଙ୍ଗ୍ ଏପେଙ୍ଗ୍ ଇମ୍‌ଣି ବିଷୟରେ ପାର୍ତି କିନାକା ଷ୍ଟ୍ରଙ୍ଗ୍‌କିଜି ଇଡ଼୍‌ତାଦେର୍‌ନା ହେ ବିଷୟରେ ଡାଉଟ୍ କିଦେଙ୍ଗ୍ ଆରମ୍ କିନାଦେର୍।

୧ ଯୋହନ 2:21

ଲାଗିଙ୍ଗ୍ ଏପେଙ୍ଗ୍ ସତ୍ ପୁନୁରେ ଇଞ୍ଜି ଆନେଙ୍ଗ୍ ଲେକିକିଉଙ୍ଗା। ମାତର୍ ସତ୍ ଆରେ ମିଚ୍ ପୁନାଟ୍ ଇଞ୍ଜି ଲେକିକିନାଙ୍ଗା।

୨ ଯୋହନ 1:2

ଆନେଙ୍ଗ୍ ମିଙ୍ଗେଙ୍ଗ୍ ଲାଡ୍ କିଦ୍‌ନାଙ୍ଗା, ଆରେ ହେ ସତ୍ ମା ଗରବ୍‌ତାକେ ମାଞ୍ଜେଙ୍ଗ୍ ହିତ୍‌ତାନ୍‌ନା, ଲାଗିଙ୍ଗ୍ ଆପେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍ କିନାପା। ଆରେ ହେ ସତ୍ ମା ଗରବ୍‌ତାକେ ୱିଜୁଦିନ୍ କାଜିଙ୍ଗ୍ ମାନ୍‌ଙ୍ଗାନାତ୍।

ଜିହୁଦା 1:17

ମାତର୍ ଏ ନା ଲାଡ୍‌ନି ସାଙ୍ଗ କାଦେର୍, ମା ମାପୃ ଯୀଶୁ ଖ୍ରୀଷ୍ଟତି ବାଚିକିତି ଚେଲା କାଦେର୍ ଆଗେ ଇମ୍‌ଣି ୱିଜୁବେଣ୍ ୱେଚ୍‌ଚି ମାଚାର୍, ହେ ୱିଜୁବେଣ୍ ମାନ୍ତ ଏତୁକିୟାଟ୍।

ଜିହୁଦା 1:3

ନା ଲାଡ୍‌ନି ସାଙ୍ଗ କାଦେର୍, ଈଶ୍ୱର କିତ୍‌ତି ଉଦାର୍ ଆସେଙ୍ଗ୍ ଇମ୍‌ଣାକା ପାୟାଆତାସ୍‌ନା, ହେ ବିଷୟରେ ଆନେଙ୍ଗ୍ ମି ଲାଗାୟ୍ ଲେକିକିଦେଙ୍ଗ୍ ବେସି ଇଚା କିତାଙ୍ଗ୍। ଆରେ ଆସେଙ୍ଗ୍ ପାର୍ତିକିନି ସତ୍ ହିକ୍ଷା ନିପଣ୍, ଇନେସ୍ ଏପେଙ୍ଗ୍ ଜୁଜ୍ କିଦେଙ୍ଗ୍ ଆଡ୍‌ନାଦେର୍, ଇଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ସାସ୍ କିଦ୍‌ନି କାଜିଙ୍ଗ୍ ଇଦାଙ୍ଗ୍ ଆନେଙ୍ଗ୍ ଲେକିକିଦେଙ୍ଗ୍ ବାଦ୍ୟ ଆତାଙ୍ଗ୍। ଈଶ୍ୱର ତା ପବିତ୍ର ମାନାୟାରିଙ୍ଗ୍ ଇ ସତ୍ ୱିଜୁଦିନ୍ କାଜିଙ୍ଗ୍ ରଗ ହିତାନ୍‌ନା ଆରେ ଇଦାଙ୍ଗ୍ ବାଦ୍‌ଲା ଆଉତ୍।

ଜିହୁଦା 1:5

ଏପେଙ୍ଗ୍ ୱିଜୁ ବିଷୟ ପୁରାପୁରି ପୁନ୍‌ଞ୍ଜି ମାଚିସ୍ ପା, ଆନେଙ୍ଗ୍ ମିଙ୍ଗେଙ୍ଗ୍ ଏତୁକିୟି କିଦେଙ୍ଗ୍ ଇଚା କିନାଙ୍ଗା ଯେ, ମାପୃ ଇସ୍ରାଏଲନି ମାନାୟାରିଙ୍ଗ୍ ମିସର୍ ଦେସ୍‌ନି ଦାସ୍ କାମାୟ୍‌ତାଙ୍ଗ୍ ଉଦାର୍ କିତାନ୍। ମାତର୍ ଇମ୍‌ଣାକାର୍ ଟାଙ୍ଗ୍ରାବାହାତାକେ ହେୱାନିଙ୍ଗ୍ ପାର୍ତି କିୱାତାର୍, ପାଚେ ହେୱାରିଙ୍ଗ୍ ହେୱାନ୍ ନଷ୍ଟ କିତାନ୍।