୨ କରନ୍ତିୟ 9:8 - New Testament in Pengo Parja Language

⁸ ଆରେ ଈଶ୍ୱର ମିଙ୍ଗେଙ୍ଗ୍ ଦର୍‌କାର୍ ଆଦ୍‌ନି ଜିନିଷ୍‌ତାଙ୍ଗ୍ ଆଦିକ୍ ଆଶ୍ରିବାଦ୍ କିଦେଙ୍ଗ୍ ଆଡ଼୍‌ଦାନାତ୍‌, ଆରେ ଜେକନିକାର୍ କାଜିଙ୍ଗ୍ ହାର୍ କାମାୟ୍ କିଦେଙ୍ଗ୍ ମିତାକେ ୱିଜୁଦିନ୍ ୱିଜୁ ଜିନିଷ୍ ଆଦିକ୍ ମାନ୍‌ଗାନାତ୍।

ସତ୍‌ ବଚନ୍‌ ପୁନି ନିୟମ୍‌

⁸ ଆରେ, ୱିଜ଼ୁ ବିସ୍ରେ ନିତ୍ରେ ସାରି ଲାକେ ପାୟାଜ଼ି ଏପେଙ୍ଗ୍‌ ଇନେସ୍‌ ୱିଜ଼ୁ ହାର୍‌ଦି କାମାୟ୍‌ କାଜିଂ ଆଦିକ୍‌ତାଂ ଆଦିକ୍‌ ତର୍‌ ଦାନ୍‌ କିଦେଙ୍ଗ୍‌ ଆଡ୍‌ନାଦେର୍‌, ଇଦାଂ କାଜିଂ ଇସ୍ୱର୍‌ ମିଙ୍ଗେଙ୍ଗ୍‌ ସବୁବାନି ଉପ୍‌କାର୍‌ ବେସି ବାବ୍ରେ ହିଦେଂ ରାଜି ଆତାନ୍ନା,

୨ କରନ୍ତିୟ 9:8 Iomraidhean Croise

ପକ୍ୟାତାକା 9:36

ଯାପା ସହର୍‌ତାକେ ଟାବିଥା ତର୍‍ଦାକାନ୍ ରକାନ୍ ଚେଲାହି ମାଚାନ୍। ତା ତର୍‌ ଗ୍ରୀକ୍ ବାଷାତାଙ୍ଗ୍ ଦର୍କା ଇଞ୍ଜି ୱେଚ୍‌ଚି ମାଚାର୍, ଇଦାଙ୍ଗ୍‌ନି ଅର୍ତ ଚିତ୍ରାକଟ୍ରା। ହେୱାନ୍ ରକାନ୍ ହାର୍ଦି କାମାୟ୍ କିନାକାନ୍ ମାଚାନ୍, ଆରେ ମାନାୟାରିଙ୍ଗ୍ ଦାନ୍ ହିଜିମାଚାନ୍।

୧ କରନ୍ତିୟ 15:58

ଲାଗିଙ୍ଗ୍, ଏ ଟଣ୍ଡାର୍‌କାଦେର୍, ଏପେଙ୍ଗ୍ ଖ୍ରୀଷ୍ଟଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ପାର୍ତି କିଜି ମାନାଟ୍, ଆରେ ମିଚ୍ ହିକ୍ଷା ଶୁଣାୟ୍ କିନି ମାନାୟାର୍‌ତାଙ୍ଗ୍ ଦେହା ହାଲ୍‌ମାଟ୍। ଇନେସ୍‌କି ତା କାମାୟ୍ କିଦେଙ୍ଗ୍ କଷ୍ଟ କିନାକା ବେକାର୍ ଆଉତ୍, ଇନେସ୍‌କି ଏପେଙ୍ଗ୍ ହାର୍ କିଜି ପୁଚାଦେର୍‌ନା ଯେ, ତା କାଜିଙ୍ଗ୍ କିନି କାମାୟ୍ ମି କାଜିଙ୍ଗ୍ ଲାବ୍ ଆଦ୍‌ନାତ୍।

୨ କରନ୍ତିୟ 13:3

ଆନେଙ୍ଗ୍ ମିଙ୍ଗେଙ୍ଗ୍ ପୁନି କିଦ୍‌ନାଙ୍ଗା ଯେ ଖ୍ରୀଷ୍ଟ ନା କାଜିଙ୍ଗ୍ ୱେଚ୍‌ଚାତାନ୍‌ନା। ଏଚେପାଦ୍ନା ଖ୍ରୀଷ୍ଟ ମିଙ୍ଗେଙ୍ଗ୍ ଟିକ୍ ମାନାୟ୍ ଆନି କାଜିଙ୍ଗ୍ ହିକ୍ଷା ହିଦ୍‌ନାନ୍, ହେୱାନ୍ ଦୁର୍‌ବଲ୍ ମାନାୟ୍ ଲେକେ ଆଉନ୍, ମାତର୍ ହେୱାନ୍ ତା ଶାକ୍ତି ହୁଦାଙ୍ଗ୍ ମିଙ୍ଗେଙ୍ଗ୍ ଟିକ୍ ମାନାୟ୍ ଆନି କାଜିଙ୍ଗ୍ ହିକ୍ଷା ହିଦ୍‌ନାନ୍।

୨ କରନ୍ତିୟ 8:19

ଯିରୁଶାଲାମ ସହର୍‌ନି ପାର୍ତିକିନି ମାନାୟାରିଙ୍ଗ୍ ସାଇଜ କିଦେଙ୍ଗ୍ ଅରାୟ୍ କିତି ଡାବୁଙ୍ଗ୍ ମା ହୁଦାଙ୍ଗ୍ ମାହାଆଜି ଅସିହିନି କାଜିଙ୍ଗ୍ ମଣ୍ଡ୍‌ଲିନି ମାନାୟାର୍ ତାଙ୍ଗେଙ୍ଗ୍ ବାଚିକିତାର୍‌ନା। ହେଦାଙ୍ଗ୍ ଇଲେକେ ହେବା ଯେ, ମାପୃ ଗୌରବ ପାୟାଆନାତ୍ ଆରେ ଆସେଙ୍ଗ୍ ହେୱାରିଙ୍ଗ୍ ବେସି ସାଇଜ କିନି ଇଚା ଚଚ୍‌ଚାନାତା।

୨ କରନ୍ତିୟ 8:2

ମାନାୟାର୍ ହେୱାରିଙ୍ଗ୍ ବେସି ଦୁଃକ୍ କଷ୍ଟ ହିଜି ପରିକ୍ଷା କିତିସ୍ ପା ହେୱାର୍ ବେସି ୱାରି କିନାରା ଆରେ ହେୱାର୍ ବେସି ଗରିବ୍ ମାଚିସ୍ ପା, ହେୱାର୍ ଜେକନିକାରିଙ୍ଗ୍ ପାର୍ତିକିନି ଟଣ୍ଡାରିଙ୍ଗ୍ ୱାରିୟା ଆଜି ବେସି ସାଇଜ କିନାରା।

୨ କରନ୍ତିୟ 8:7

ଲାଗିଙ୍ଗ୍ ଆନେଙ୍ଗ୍ ପୁଚାଙ୍ଗ୍‌ନା ଏପେଙ୍ଗ୍ ପାର୍ତି କିଜି ମାନି କାଜିଙ୍ଗ୍ ଏପେଙ୍ଗ୍ ୱିଜୁ ନିପଣ୍ ହାର୍ କାମାୟ୍ କିନାଦେରା। ଈଶ୍ୱର ଆତ୍ମା ମିଙ୍ଗେଙ୍ଗ୍ ତା କାତା ୱେଚ୍‌ଚେଙ୍ଗ୍ ଶାକ୍ତି ହିତ୍‌ତାନ୍‌ନା ହେୱାନ୍ ମିଙ୍ଗେଙ୍ଗ୍ ବୁଦି ହିତ୍‌ତାନ୍‌ନା। ଏପେଙ୍ଗ୍ ମାନାୟାରିଙ୍ଗ୍ ସାଇଜ କିଦେଙ୍ଗ୍ ବେସି ଇଚା କିନାଦେରା ଆରେ ମାଙ୍ଗେଙ୍ଗ୍ ପା ଏପେଙ୍ଗ୍ ଲାଡ୍ କିଦ୍‍ନାଦେରା, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଇଚା କିନାଙ୍ଗା ଯେ, ଏପେଙ୍ଗ୍ ଜାର୍ ଇଚାତାଙ୍ଗ୍ ବେସି ଦାନ୍ ହିଦେଙ୍ଗ୍ ଉପାୟ୍ କିୟାଟ୍।

୨ କରନ୍ତିୟ 9:11

ଆଁ ହେୱାନ୍ ମିଙ୍ଗେଙ୍ଗ୍ ୱିଜୁ ନିପଣ୍ ଆଶ୍ରିବାଦ୍ କିଦ୍‌ନାନ୍, ଲାଗିଙ୍ଗ୍ ୱାରିୟା ଆଜି ୱିଜୁଦିନ୍ ହିଦେଙ୍ଗ୍ ଆଡ୍‌ନାଦେର୍। ଆରେ ଏପେଙ୍ଗ୍ ଏଚେକାଡ଼୍‌ଦ ଗରିବ୍ ଲାଗିଙ୍ଗ୍ ଦାନ୍ କିନାଦେର୍, ହେ ମାନାୟାର୍ ଈଶ୍ୱରତିଙ୍ଗ୍ ଦନ୍ଯବାଦ୍ କିନାର୍।

ଏପିସିୟ 2:10

ଇନେସ୍‌କି ଆସେଙ୍ଗ୍ ନଙ୍ଗୟ୍ ଇନେସାତାସ୍‌ନା ଇଦାଙ୍ଗ୍ ଈଶ୍ୱର ରସ୍ତାତାନ୍‌ନା। ହାର୍ଦି କାମାୟ୍ କିନି କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଯୀଶୁ ଖ୍ରୀଷ୍ଟତାକେ ପୁନି ମାନାୟ୍ ଲେକେ ରସ୍ତାତାନ୍‌ନା। ଆରେ ଇ ଲେକେ ଜିବୁନ୍ କାଟିକିନି କାଜିଙ୍ଗ୍ ଈଶ୍ୱର ଆଗେତାଙ୍ଗ୍ ନେ ମା କାଜିଙ୍ଗ୍ ଜଜ୍‌ନା କିଜି ମାଚାନ୍।

ଏପିସିୟ 3:20

ଇମ୍‌ଣି ଈଶ୍ୱର ମା ଗରବ୍ ବିତ୍ରେ କାମାୟ୍ କିନି ଶାକ୍ତିତାଙ୍ଗ୍ ମା ଏନ୍‌ନାକା କି ବାବି କିନାକା ଆଦିକ୍‌ତାଙ୍ଗ୍ ଆଦିକ୍ ହିଦ୍‌ନାନ୍।

ପିଲିପିୟ 4:11

ନାଙ୍ଗେଙ୍ଗ୍ ଇନାକା ଦର୍‌କାର୍‌ଆନି ଜିନିଷ୍ ଅବାବ୍ ମାନାତ୍ ଇଞ୍ଜି ଆନେଙ୍ଗ୍ ଏଲେଙ୍ଗ୍ ଇଞ୍ଜୁଙ୍ଗା। ଇନେସ୍‌କି ଆନେଙ୍ଗ୍ ଇନେସ୍ ପରିସ୍ତିତିତାକେ ମାଚିସ୍ ପା ୱାରିଆଜି ମାଞ୍ଜେଙ୍ଗ୍ ପୁଚାଙ୍ଗ୍‌ନା।

କଲସିୟ 1:10

ଆରେ ଏପେଙ୍ଗ୍ ଇନେସ୍‌କି ମାପୃଙ୍ଗ୍ ୱିଜୁଦିନ୍ ସନ୍‌ମାନ୍ ଆରେ ୱାରି କିତିଲେକେ ଜିବୁନ୍ କାଟିକିନାଦେର୍। ଏପେଙ୍ଗ୍ ୱିଜୁଦିନ୍ ହାର୍ଦି କାମାୟ୍ କିନାଦେର୍, ଆରେ ଈଶ୍ୱରତିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ହାର୍‌ଦାଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍।

୨ ଥେସଲନୀକିୟ 2:17

ଆନେଙ୍ଗ୍ ମି କାଜିଙ୍ଗ୍ ପାର୍ତାନା କିନାଙ୍ଗା ଈଶ୍ୱର ନିଜେ ମିଙ୍ଗେଙ୍ଗ୍ ସାସ୍ ହିଦେନ୍, ଆରେ ମିଙ୍ଗେଙ୍ଗ୍ ହାର୍ କାମାୟ୍ କିଦେଙ୍ଗ୍ ଆରେ ୱେଚ୍‌ଚେଙ୍ଗ୍ ଶାକ୍ତି ହିଦେନ୍।

୨ ତିମଥି 2:21

ଲାଗିଙ୍ଗ୍ ଇମ୍‌ଣି ପାର୍ତିକିନି ମାନାୟାର୍ ଜାର୍‌ତିଙ୍ଗ୍ ୱିଜୁ କରାପ୍ ବିଷୟତାଙ୍ଗ୍ ଦେହା ମାନ୍‌ଗାନାନ୍, ହେୱାନ୍ ରକାନ୍ ହାର୍ଦି ସମୟ୍‌ତ ବ୍ଯବହାର୍ କିତିଲେକେ ସନ୍‌ମାନ୍ ପାୟା ଆନାନ୍। ହେୱାନ୍ ଦରମ୍ ମାନାୟ୍ ଆନାନ୍ ଆରେ ମାଲିକ୍‌ନି ବ୍ଯବହାର୍ କାଜିଙ୍ଗ୍ ହେୱାନ୍ ଟିକ୍ ଆନାନ୍।

୨ ତିମଥି 3:17

ଇନେସ୍ ଈଶ୍ୱରନି ମାନାୟ୍ ପୁରାପୁରି ଟିକ୍ ଆନାର୍ ଆରେ ୱିଜୁ ହାର୍ଦି କାମାୟ୍ କିଦେଙ୍ଗ୍ ରେଡି ଆଜି ମାନ୍‌ଗାନାର୍।

ତୀତସ 2:14

ଆସେଙ୍ଗ୍ ଇନେସ୍ ତା ମାନାୟ୍ ଆଜି ୱିଜୁ ହାର୍ଦି କାମାୟ୍ କିନି କାଜିଙ୍ଗ୍ ଆରେ ଅଦରମ୍‌ ଜିବୁନ୍‌ତାଙ୍ଗ୍ ମୁକ୍ତି କିଦ୍‌ଦେଙ୍ଗ୍ ଆରେ ୱିଜୁ କରାପ୍ ବ୍ୟବହାର୍‌ତାଙ୍ଗ୍ ହପ୍ତେଦେଙ୍ଗ୍ ଯୀଶୁ ଖ୍ରୀଷ୍ଟ ଜାର୍ ଜିବୁନ୍‌ତିଙ୍ଗ୍ ହିତାନ୍‌ନା।

ତୀତସ 3:14

ହେଲେକେ ଏପେଙ୍ଗ୍ ପାର୍ତି କିନାକାରିଙ୍ଗ୍ ହିକ୍ଷା ହିୟାଟ୍ ଯେ ମାନାୟାର୍ ଇନେସ୍ ହେୱାରିଙ୍ଗ୍ ଦର୍‌କାର୍‌ଆନି ଜିନିଷ୍ ପାୟାଆନାର୍‌, ଇଦାଙ୍ଗ୍ କାଜିଙ୍ଗ୍ ପାର୍ତି କିନାକାର୍ ହାର୍ଦି କାମାୟ୍ କିନି କାଜିଙ୍ଗ୍ ନେ ମାନ୍ କିଜି ମାନେର୍। ଲାଗିଙ୍ଗ୍ ହେୱାର୍ ତା ଜିବୁନ୍‌ତ ଇନାୱେଡ଼ାଙ୍ଗ୍ ପା ପାଡ଼୍‌ ହିଲ୍‌ୱି ଲେକେ ଆଉର୍।

ତୀତସ 3:8

ଆନେଙ୍ଗ୍ ୱେଚ୍‌ଚି ମାନ୍‌ଞ୍ଚି ଇ ବେଣ୍‌ତିଙ୍ଗ୍ ପାର୍ତିକିନି ଦର୍‌କାର୍। ଲାଗିଙ୍ଗ୍ ଆନେଙ୍ଗ୍ ଇଚା କିନାଙ୍ଗା ଯେ ଈଶ୍ୱରତାକେ ପାର୍ତିକିନି ମାନାୟାର୍ ଇନେସ୍ ହାର୍ଦି କାମାୟ୍ କିନି କାଜିଙ୍ଗ୍ ମାନ୍‌ଦିୟାନ୍ ହିଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ହେୱାରିଙ୍ଗ୍ ଇ ୱିଜୁ ବିଷୟ ବେସି ବାଡ଼୍‌କାସ୍ କିଜି ହିକ୍ଷା ହିୟାଟ୍। ଇ ୱିଜୁ ବିଷୟ ହାର୍ ଆରେ ୱିଜୁ ମାନାୟ୍ କାଜିଙ୍ଗ୍ ସାଇଜ କିନାନ୍।

୧ ପିତର 4:10

ୱିଜାର୍ ମାନାୟାରିଙ୍ଗ୍ ଈଶ୍ୱର ଦୟାକିଜି ରଞ୍ଜି-ରଞ୍ଜି ଦାନ୍ ହିତ୍‌ତାନ୍‌ନା, ଆରେ ଜେକନିକାରିଙ୍ଗ୍ ସାଇଜ କିଦେଙ୍ଗ୍ ହେ ଦାନ୍‌ତିଙ୍ଗ୍ ବ୍ୟବହାର୍ କିୟାଟ୍। ହେୱାର୍ ଈଶ୍ୱର ହାର୍ ଦାସ୍ ଆଜିମାଚି କାଜିଙ୍ଗ୍ ଈଶ୍ୱର ହିତ୍‌ତି ୱିଜୁ ଦାନ୍‌ତିଙ୍ଗ୍ ହାର୍ କିଜି ବ୍ୟବହାର୍ କିନି ଦର୍‌କାର୍।