୨ କରନ୍ତିୟ 9:5 - New Testament in Pengo Parja Language

⁵ ଲାଗିଙ୍ଗ୍ ଆନେଙ୍ଗ୍ ୱାନି ଆଗେ ତିତସତିଙ୍ଗ୍ ମି ଲାଗେ ପକ୍ତାତାନାଙ୍ଗା, ଇଦାଙ୍ଗ୍ ପୁନି କାଜିଙ୍ଗ୍ ଯେ, ଏପେଙ୍ଗ୍ ପାର୍ମାଣ୍‌କିତି ଚାନ୍ଦା ଡାବୁଙ୍ଗ୍ ହିଦେଙ୍ଗ୍ ରେଡି କିତାଦେର୍‌ନା କି ଆକାୟ୍। ମାତର୍ ଆନେଙ୍ଗ୍ ଇଚା କିନାଙ୍ଗା ଯେ, ମିଙ୍ଗେଙ୍ଗ୍ ଇନେର୍ ଜବର୍ ଦସ୍ତ୍ କିତିସ୍ ହିମାଟ୍, ମାତର୍ ଜାର୍ ଇଚାତାଙ୍ଗ୍ ଦାନ୍ ହିୟାଟ୍।

ସତ୍‌ ବଚନ୍‌ ପୁନି ନିୟମ୍‌

⁵ ଲାଗିଂ ମିଦାଙ୍ଗ୍‌ ଆଗେ ପାର୍ମାଣ୍‌ ଦାନ୍‌ ଇନେସ୍‌ ସାରି ବିସ୍ରେ ଆୱାଦାଂ ସତ୍‌ ବିସ୍ରେ ଆନାତ୍‌, ଇଦାଂ କାଜିଂ ଆଗେତାଂ ହେ ଦାନ୍‌ ରୁଣ୍ଡାୟ୍‌ କିଜ଼ି ଜାଲ୍‌ଦି କିଦେଙ୍ଗ୍‌ ଆଗେ ମି ଲାଗାଂ ହାନି କାଜିଂ ଆନ୍‌ ଟଣ୍ଡାରିଂ ଗୱାରି କିଦେଙ୍ଗ୍‌ ମାନ୍‌ କିତାଂ ।

୨ କରନ୍ତିୟ 9:5 Iomraidhean Croise

୧ କରନ୍ତିୟ 16:2

ଏପେଙ୍ଗ୍ ଆନେଙ୍ଗ୍ ୱାତିସ୍‌ନେ ରମାଟ୍ ଡାବୁଙ୍ଗ୍ ରୁଣ୍ଡାୟ୍ କିଦେଙ୍ଗ୍ କାସି ମାନ୍‌ମାଟ୍, ମାତର୍ ଏପେଙ୍ଗ୍ ଇଲେକେ କିୟାଟ୍ ଯେ ୱିଜୁ ରଇବାର୍ ଚଅଦିନ୍ ଆର୍ଜା ଆତି ୱିଜୁଡାବୁଙ୍ଗ୍ କର୍ଚ କିୱାଦାଙ୍ଗ୍ କେତେକ୍ ଡାବୁଙ୍ଗ୍ ଇଟାଟ୍।

୨ କରନ୍ତିୟ 8:6

ଲାଗିଙ୍ଗ୍ ଆପେଙ୍ଗ୍ ମା ହୁଦାଙ୍ଗ୍ ମାନି ପାର୍ତିକିନି ଟଣ୍ଡେନ୍ ତିତସତିଙ୍ଗ୍ ଗୁୱାରି କିଜି ୱେଚ୍‌ଚାପ୍ ଯେ, ମିଙ୍ଗେଙ୍ଗ୍ ପାର୍ତୁମ୍ ଡାବୁଙ୍ଗ୍ ଅରାୟ୍ କିଦେଙ୍ଗ୍ ସାଇଜ କିଜି ମାନ୍‌ଞ୍ଚାନ୍। ହେୱାନ୍ ମିତାକେ ଆରେରଗ ଲେଉଟା ଆଜି ୱାଜି, ଏପେଙ୍ଗ୍ ଡାବୁଙ୍ଗ୍ ଅରାୟ୍ କିଦେଙ୍ଗ୍ ହେବା ପୁରାୟ୍ କିନି କାଜିଙ୍ଗ୍ ସାଇଜ କିଦେନ୍।

୨ କରନ୍ତିୟ 9:3

ମାତର୍ ଆନେଙ୍ଗ୍ ଇ ଟଣ୍ଡେନିଙ୍ଗ୍ ପୁନି କାଜିଙ୍ଗ୍ ପକ୍ତାନାଙ୍ଗା ଯେ, ଏପେଙ୍ଗ୍ ରେଡି ମାନାଦେର୍, ଇନେସ୍ ଆନେଙ୍ଗ୍ ହେୱାରିଙ୍ଗ୍ ୱେଚ୍‌ଚି ମାଚାଙ୍ଗ୍ ଏପେଙ୍ଗ୍ ଡାବୁଙ୍ଗ୍ ରୁଣ୍ଡାୟ୍ କିତାଦେର୍‌ନା। ଇନେସ୍‌କି ଆନେଙ୍ଗ୍ ଇଚା କିଉଙ୍ଗା ଯେ, ମି ବିଷୟରେ ବାଟ୍‌ପାଣ୍ ଆଜିମାଚି କାତା ମିଚ୍ ଆମେତ୍।

୨ କରନ୍ତିୟ 9:6

ଏପେଙ୍ଗ୍ ମାନ୍ତ ଇଟାଟ୍ ଯେ, ଇମ୍‌ଣି ଚାଷି ଅଲପ୍ ବିୟାନ୍ ୱିତ୍‌ନାନ୍ ହେୱାନ୍ ଅଲପ୍ ତାସ୍ ପାୟା ଆନାନ୍, ମାତର୍ ଇନେର୍ ଜବର୍ ବିୟାନ୍ ୱିତ୍‌ନାନ୍ ହେୱାନ୍ ବେସି ଜବର୍ ତାସ୍ ପାୟା ଆନାନ୍।

ପିଲିପିୟ 4:17

ଆନେଙ୍ଗ୍ ମିବେତାଙ୍ଗ୍ ୱିଜୁଦିନ୍ ଡାବୁଙ୍ଗ୍ ପାୟା ଆଦେଙ୍ଗ୍ ଇଚା କିଉଙ୍ଗା। ମାତର୍ ଏପେଙ୍ଗ୍ ଏଚେକ୍ ହାର୍ଦି କାମାୟ୍ କିତାଦେର୍‌ନା ଇଦାଙ୍ଗ୍ ପା ରଞ୍ଜାଙ୍ଗ୍ ହାର୍ଦି କାମାୟ୍ ଇଞ୍ଜି ପୁନିକିଦେଙ୍ଗ୍ ଇଚା କିତାଙ୍ଗ୍। ଇଦାଙ୍ଗ୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ପୁରଷ୍କାର୍ ହିଦ୍‌ନାନ୍।