୨ କରନ୍ତିୟ 9:2 - New Testament in Pengo Parja Language

² ଇନେସ୍‌କି ଆନେଙ୍ଗ୍ ପୁଚାଙ୍ଗ୍‌ନା ଏପେଙ୍ଗ୍ ହେୱାରିଙ୍ଗ୍ ସାଇଜ କିଦେଙ୍ଗ୍ କେତେକ୍ ତେର୍-ତେର୍ ଆନାଦେରା। ଆରେ ଏପେଙ୍ଗ୍ ଆକାୟା ସହର୍‌ନି ପାର୍ତିକିନି ମାନାୟାର୍ ର ବାର୍ହୁ ଆଗେ ଦାନ୍ ହିଜି ସାଇଜ କିନି ବିଷୟରେ ଆନେଙ୍ଗ୍ ନା ମାକଦନିଆ ସହର୍‌ନି ସାଙ୍ଗର୍ ଆଗେ ବାଟ୍‌ପାଣ୍ ଆଜି ୱେଚ୍‌ନାଙ୍ଗା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ତେର୍-ତେର୍ ଆଜି ସାଇଜ କିନାକା ହୁଡ଼୍‌ଜି, ବେସିହେନି ମାନାୟାର୍ ସାଇଜ କିତାର୍।

ସତ୍‌ ବଚନ୍‌ ପୁନି ନିୟମ୍‌

² ଇନାକିଦେଂକି ଆନ୍‌ ମି ଇଚା ପୁନାଙ୍ଗ୍‌, ଆରେ ହେ ବିସ୍ରେ ମାକିଦନିଆ ଲକୁ ଲାଗାଂ ମି ବିସ୍ରେ ଆନ୍‌ ଗରବ୍‌ କିନାଂ ଜେ, ଆକାୟା ହାଚି ବାର୍ହୁତାଂ ଜାଲ୍‌ଦି ଆତାତେ, ଆରେ ମି ଇଚା ହେୱାର୍‌ ବିତ୍ରେତାଂ ଆଦେକ୍‌ ଲକୁତାଂ ୱାରିକିକିତାଂ ।

୨ କରନ୍ତିୟ 9:2 Iomraidhean Croise

ପକ୍ୟାତାକା 18:12

ମାତର୍ ଗାଲ୍ଲିୟନ୍ ଆକାୟା ଜିଲ୍ଲାନି ରାଜା ମାନିହିଙ୍ଗ୍ ଯିହୁଦିର୍ ଏକ୍ ଆଜି ପାଉଲତିଙ୍ଗ୍ ଆସ୍ତାର୍। ଆରେ ହେୱାନିଙ୍ଗ୍ ବିଚାର୍‌କିନି ବାହାତାକେ ଅସାହାଚାର୍।

ପକ୍ୟାତାକା 24:17

ଆନେଙ୍ଗ୍ କେତେକ୍ ବାର୍ହୁ ପାଚେ ନା ଜାତିନି ଗରିବ୍ ଲକାଙ୍ଗ୍ ଦାନ୍ ହିଦେଙ୍ଗ୍, ଆରେ ଈଶ୍ୱରତାକେ ପୁଜା କିଦେଙ୍ଗ୍ ଯିରୁଶାଲାମ ସହର୍‌ତାକେ ୱାଜି ମାଚାଙ୍ଗ୍।

ରୋମିୟ 15:26

ଇନେସ୍‌କି ମାକଦନିଆ ଆରେ ଆକାୟା ସହର୍‌ନି ମାନାୟାର୍ ଯିରୁଶାଲାମନି କେତେକ୍ ଗରିବ୍‌ନି ଖ୍ରୀଷ୍ଟାନ୍ ଟଣ୍ଡାରିଙ୍ଗ୍ ସାଇଜ କିନି କାଜିଙ୍ଗ୍ କେତେକ୍ ଚାନ୍ଦା ଆଦାୟ୍ କିତାର୍‌ନା।

୧ କରନ୍ତିୟ 16:15

ଏ ଟଣ୍ଡାର୍‌କାଦେର୍, ଏପେଙ୍ଗ୍ ପୁଚାଦେର୍‌ନା ଯେ, ଆକାୟା ସହର୍‌ନି ସ୍ତିପାନ ଆରେ ତା କୁଟୁମ୍‌ନି ପାର୍ତୁମ୍ ପାର୍ତି କିତାର୍ ଆରେ ହେୱାର୍ ଈଶ୍ୱର ମାନାୟାରିଙ୍ଗ୍ ହେବା କିଦେଙ୍ଗ୍ ଜିବୁନ୍ କାଟିକିନାରା।

୨ କରନ୍ତିୟ 1:1

ପାଉଲ ଆରେ ମା ପାର୍ତିକିନି ଟଣ୍ଡେନ୍ ତିମତି କରନ୍ତିୟ ସହର୍ ଈଶ୍ୱର ମଣ୍ଡ୍‌ଲିନି ପାର୍ତିକିନି ଟଣ୍ଡାର୍ କାଜିଙ୍ଗ୍, ଆରେ ଆକାୟା ସହର୍‌ନି ୱିଜୁ ପାର୍ତିକିନି ଟଣ୍ଡାର୍ କାଜିଙ୍ଗ୍ ଇ ଚିଟି ଲେକିକିନାପା। ଯୀଶୁ ଖ୍ରୀଷ୍ଟନି ବାଚିକିତି ଚେଲା ଆନି କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ବାଚି କିତ୍‌ତାନ୍‌ନା।

୨ କରନ୍ତିୟ 7:14

ଆନେଙ୍ଗ୍ ତାଙ୍ଗେଙ୍ଗ୍ ୱେଚ୍‌ଚି ମାଚାଙ୍ଗ୍ ଯେ, ମି କାଜିଙ୍ଗ୍ ଆନେଙ୍ଗ୍ କେତେକ୍ ବାଟ୍‌ପାଣ୍ ଆନାଙ୍ଗା, ଆରେ ନାଙ୍ଗେଙ୍ଗ୍ ଏପେଙ୍ଗ୍ ଲାଜ୍ କିଦ୍‌ୱାତାଦେର୍‌ନା। ଆନେଙ୍ଗ୍ ମିଙ୍ଗେଙ୍ଗ୍ ୱିଜୁଦିନ୍ ସତ୍ ୱେଚ୍‌ଚାତାଙ୍ଗ୍‌ନା, ଆରେ ମି କାଜିଙ୍ଗ୍ ତିତସ ଆଗେ ଆନେଙ୍ଗ୍ ବାଟ୍‌ପାଣ୍ ଆଜି ୱେଚ୍‌ଚି କାତା ସତ୍ ଇଞ୍ଜି ପୁନ୍ୟା ଆତାତ୍।

୨ କରନ୍ତିୟ 7:4

ଆନେଙ୍ଗ୍ ମି କାଜିଙ୍ଗ୍ ବେସି ପାର୍ତି କିନାଙ୍ଗା, ଆରେ ମି କାଜିଙ୍ଗ୍ ଆନେଙ୍ଗ୍ ବେସି ବାଟ୍‌ପାଣ୍ ଆନାଙ୍ଗା। ଏପେଙ୍ଗ୍ ନାଙ୍ଗେଙ୍ଗ୍ ବେସି ସାସ୍ ହିତ୍‌ତାଦେର୍, ଆରେ ଆସେଙ୍ଗ୍ ବେସି ଦୁଃକ୍ କଷ୍ଟ ପାୟାଆତି ବାଦୁଲ୍‌ରେ ନାଙ୍ଗେଙ୍ଗ୍ ବେସି ୱାରି କିତ୍‌ତାଦେର୍।

୨ କରନ୍ତିୟ 8:10

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ର ହିକ୍ଷା ହିଦ୍‌ନାଙ୍ଗା ଯେ, ଏପେଙ୍ଗ୍ ଇମ୍‌ଣି ହାର୍ କାମାୟ୍ ର ବରଷ୍ ଆଗେ ଆରମ୍ କିଜି ମାଚାଦେର୍ ହେଦାଙ୍ଗ୍ ପୁରାୟ୍ କିୟାଟ୍। ହାଚି ବରଷ୍ ଏପେଙ୍ଗ୍ ପାର୍ତୁମ୍ ସାଇଜ କିଜି ମାଚାଦେର୍, ଆରେ ପା ଏପେଙ୍ଗ୍ ନେ ପାର୍ତୁମ୍ ଇ କାମାୟ୍‌ତିଙ୍ଗ୍ ଆରମ୍ କିଜି ମାଚାଦେର୍।

୨ କରନ୍ତିୟ 8:11

ଲାଗିଙ୍ଗ୍ ଏପେଙ୍ଗ୍ ଇମ୍‌ଣି ଦାନ୍‌ହିନି କାମାୟ୍ ଆରମ୍ କିତାଦେର୍‌ନା ନଙ୍ଗୟ୍ ହେଦାଙ୍ଗ୍ ପୁରାୟ୍ କିନି ଦର୍‌କାର୍। ଏପେଙ୍ଗ୍ ଇନେସ୍ ପାର୍ତୁମ୍ ଦାନ୍ ହିଦେଙ୍ଗ୍ ଇଚା କିଜି ମାଚାଦେର୍ ହେଲେକେ ଏପେଙ୍ଗ୍ ନଙ୍ଗୟ୍ ଏଚେକ୍ ଦାନ୍ ହିଦେଙ୍ଗ୍ ଆଡ୍‌ନାଦେର୍ ହେ ଏଚେକ୍ ହିୟାଟ୍।

୨ କରନ୍ତିୟ 8:19

ଯିରୁଶାଲାମ ସହର୍‌ନି ପାର୍ତିକିନି ମାନାୟାରିଙ୍ଗ୍ ସାଇଜ କିଦେଙ୍ଗ୍ ଅରାୟ୍ କିତି ଡାବୁଙ୍ଗ୍ ମା ହୁଦାଙ୍ଗ୍ ମାହାଆଜି ଅସିହିନି କାଜିଙ୍ଗ୍ ମଣ୍ଡ୍‌ଲିନି ମାନାୟାର୍ ତାଙ୍ଗେଙ୍ଗ୍ ବାଚିକିତାର୍‌ନା। ହେଦାଙ୍ଗ୍ ଇଲେକେ ହେବା ଯେ, ମାପୃ ଗୌରବ ପାୟାଆନାତ୍ ଆରେ ଆସେଙ୍ଗ୍ ହେୱାରିଙ୍ଗ୍ ବେସି ସାଇଜ କିନି ଇଚା ଚଚ୍‌ଚାନାତା।

୨ କରନ୍ତିୟ 8:24

ଲାଗିଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ଲାଡ୍ କିୟାଟ୍, ଆରେ ୱିଜୁ ମଣ୍ଡ୍‌ଲିନି ପାର୍ତିକିନି ମାନାୟାରିଙ୍ଗ୍ ପୁନି କିୟାଟ୍ ଯେ, ଆପେଙ୍ଗ୍ ମି ବିଷୟରେ ହେୱାର୍ ମୁମ୍‌ଦ ବାଟ୍‌ପାଣ୍ ଆଜି ୱେଚ୍‌ନାକା ମିଚ୍ ଆକାୟ୍।

୨ କରନ୍ତିୟ 8:8

ଆନେଙ୍ଗ୍ ମିଙ୍ଗେଙ୍ଗ୍ ଇଲେକେ ନେ କିୟାଟ୍ ଇଞ୍ଜି ଆଦେସ୍ ହିଦୁଙ୍ଗା। ମାତର୍ ଜେକନି ମଣ୍ଡ୍‌ଲିନି ପାର୍ତି କିନାକାର୍ ସାଇଜ କିଦେଙ୍ଗ୍ ବେସି ଇଚା କିଜି ଲାଡ୍ କିନିଲେକେ, ଏପେଙ୍ଗ୍ ଜେକନି ପାର୍ତିକିନି ଗରିବ୍ ମାନାୟାରିଙ୍ଗ୍ ଲାଡ୍ କିନାଦେରା କି ଆକାୟ୍ ପୁଞ୍ଜେଙ୍ଗ୍ ଇଲେକେ ଇଞ୍ଜ୍‌ନାଙ୍ଗା।

୧ ଥେସଲନୀକିୟ 1:7

ଏପେଙ୍ଗ୍ ମାକଦନିଆ ଆରେ ଆକାୟା ସହର୍‌ତାକେ ମାନି ପାର୍ତିକିନି ମାନାୟାର୍ ହିକ୍ଷାହିନି କାଜିଙ୍ଗ୍ ହାର୍ କାମାୟ୍ ୱିଜୁକିଜି ମାଚାଦେର୍।

ଏବ୍ରି 10:24

ଆରେ ଜାର୍-ଜାର୍‌ତିଙ୍ଗ୍ ଲାଡ୍ ଆରେ ହାର୍ଦି କାମାୟ୍ କିନି କାଜିଙ୍ଗ୍ ଜାର୍-ଜାର୍‌ତିଙ୍ଗ୍ ସାହାସ୍ କିଦେଙ୍ଗ୍ ଦିୟାନ୍ ହିନାସ୍।