୨ କରନ୍ତିୟ 8:9 - New Testament in Pengo Parja Language

⁹ ଏପେଙ୍ଗ୍ ପୁଚାଦେର୍‌ନା ଯେ, ମା ମାପୃ ଯୀଶୁ ଖ୍ରୀଷ୍ଟ ନିଜେ ଇଚା କିଜି ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା। ହେୱାନ୍ ଗରିବ୍ ଆତି କାଜିଙ୍ଗ୍ ଆସେଙ୍ଗ୍ ହାଉକାର୍ ଆୟା ଆନାତ୍, ଲାଗିଙ୍ଗ୍ ହେୱାର୍ ହାଉକାର୍ ମାଚିସ୍ ପା ହେୱାନ୍ ମା କାଜିଙ୍ଗ୍ ଗରିବ୍ ଆଜି ମାଚାନ୍।

ସତ୍‌ ବଚନ୍‌ ପୁନି ନିୟମ୍‌

⁹ ଇନାକିଦେଂକି ମା ମାପ୍ରୁ ଜିସୁ କ୍ରିସ୍ଟତି ଉପ୍‌କାର୍‌ ଏପେଙ୍ଗ୍‌ ପୁନାଟ୍‌, ଏପେଙ୍ଗ୍‌ ଇନେସ୍‌ ତା ଅର୍କିତ୍‌ ହୁକେ ମାଜାନ୍‌ ଆଡ, ଇଦାଂ କାଜିଂ ହେୱାନ୍‌ ମାଜାନ୍‌ ଆତିସ୍‌ପା ଇନେସ୍‌ ମି କାଜିଂ ଅର୍କିତ୍‌ ଆତାନ୍‌ ।

୨ କରନ୍ତିୟ 8:9 Iomraidhean Croise

ମାତିଉ 17:27

ମାତର୍ ଆସେଙ୍ଗ୍ ସିସ୍ତୁଏନ୍‌ନାକାରିଙ୍ଗ୍ ବାଦା ହିଉସ୍, ଇଦାଙ୍ଗ୍ କାଜିଙ୍ଗ୍ ହାମ୍‌ଦୁର୍‌ତାକେ ହାଲ୍‌ଜି ବାଣ୍‌ହି ଇଜାଟ୍। ଆରେ ଆଗେ ଇମ୍‌ଣି ମିନ୍ କାପ୍‌ନାତ୍, ହେ ମିନ୍‌ତିଙ୍ଗ୍‌ ଆସ୍ତି ତା ୱେଇ ପାଡ଼ାକିତିସ୍ ର ରୁପାଡାବୁ ଗାଟା ଆନାଦେର୍, ହେଦାଙ୍ଗ୍ ଅଜି ନା କାଜିଙ୍ଗ୍ ଆରେ ମି କାଜିଙ୍ଗ୍ ହେୱାରିଙ୍ଗ୍ ହିୟାଟ୍।

ମାତିଉ 20:28

ହେଲେକେ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ପା ହେବା ପାୟା ଆଦେଙ୍ଗ୍ ୱାୱାତାନ୍‌ନା। ମାତର୍ ୱିଜାକାର୍ କାଜିଙ୍ଗ୍ ହାଃଜି ମୁକ୍ତି ହିଦେଙ୍ଗ୍ ୱାତାନ୍‌ନା।”

ମାତିଉ 8:20

ହେବେତାଙ୍ଗ୍ ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “କଲିଆ ମାଞ୍ଜେଙ୍ଗ୍ ପାରା ମାନାତ୍। ବାଦାଡ଼୍‌ତ ବୁଲା ଆନି ପଟିକାଙ୍ଗ୍ ଗୁଡା ମାନାତ୍। ମାତର୍ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତଙ୍ଗ୍‌ ଆନେଙ୍ଗ୍ (ଯୀଶୁ) ମାଞ୍ଜେଙ୍ଗ୍ ବାହା ହିଲେତ୍।”

ମାର୍କ 6:3

ହେୱାନିଙ୍ଗ୍ ଅପ୍‌ମାନ୍ ହିଜି ୱେଚ୍‌ଚାର୍, “ଇୱାନ୍‌ତ ର ବାଡାଇ, ମରିୟମ ମେହି, ଆରେ ଯାକୁବ, ଯୋଷେପ୍‌, ଯିହୁଦା ଆରେ ଶିମୋନ ଟଣ୍ତାହି, ଆରେ ତା ତଣ୍‍ଦେହିକ୍ ପା ମା ଲାହାଙ୍ଗ୍ ଇବେ ମାନିକା।” ଏନେଙ୍ଗ୍ ୱେଚ୍‌ଚି ଯୀଶୁଙ୍ଗ୍ ପାର୍ତି କିୱାତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:11

ଏପେଙ୍ଗ୍ ଯଦି ଇ ଯୁଗ୍‌ନି ଦନ୍ ସମ୍ପତି ହାର୍ଦି କାମାୟ୍ କାଜିଙ୍ଗ୍ ବାଉରା ଆୱିତିସ୍, ଈଶ୍ୱର ପା ସରଗ୍‌ନି ଦନ୍ ସମ୍ପତି ହିଦୁନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:3

କୁଜା ତର୍‍ଦାକାନ୍ ରକାନ୍ ମାଚାନ୍। ହେୱାନ୍ ହେରୋଦ ରାଜା ହଲିଆହି ମାଚାନ୍। ତା ଡକ୍ରୁହି ଯୋହନ, ଆରେ ଶୁସନ୍ନା ଆରେ ଜେକନି କଗ୍‍ଲେକ୍ ପା ଯୀଶୁ ଆରେ ତା ଚେଲାହିରିଙ୍ଗ୍ ହେୱେକ୍ ଡାବୁଙ୍ଗ୍ ହିଜି ସାଇଜ କିଜି ମାଚିକ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:58

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “କଲିଆ ମାଞ୍ଜେଙ୍ଗ୍ କଡ଼ି ମାନାତ୍। ବାଦାଡ଼୍‌ନି ପଟିକାଙ୍ଗ୍ ମାଞ୍ଜେଙ୍ଗ୍ ଗୁଡା ମାନାତ୍, ମାତର୍ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତଙ୍ଗ୍‌ ଆନେଙ୍ଗ୍ (ଯୀଶୁ) ମାଞ୍ଜେଙ୍ଗ୍ ବାହା ହିଲେତ୍।”

ଜହନ୍‌ 1:10

ହେୱାନ୍ ପୁର୍ତିତାକେ ମାଚାନ୍। ଆରେ ପୁର୍ତିତିଙ୍ଗ୍ ହେୱାନ୍ ଉବ୍‌ଜାଇ କିତାନ୍, ମାତର୍ ପୁର୍ତିନି ମାନାୟାର୍ ହେୱାନିଙ୍ଗ୍ ଚିନ୍ କିଦେଙ୍ଗ୍ ଆଡ୍‌ୱାତାର୍।

ଜହନ୍‌ 1:14

ହେ ବେଣ୍ ମାନାୟ୍ ରୁପ୍ ଆତାତ୍, ଆରେ ମା ହୁଦାଙ୍ଗ୍ ବାହାକିତାତ୍‌। ହେୱାନ୍ ଦୟା ଆରେ ସତ୍ ବିଷୟ ବାର୍ତି ମାଚାତ୍। ଆବା ଈଶ୍ୱର ର ମେହିତାକେ ଇନେସ୍ ଲେକେ ଗୌରବ ମାନାତ୍, ହେଲେକେ ଗୌରବ ଆପେଙ୍ଗ୍ ହୁଡ଼୍‌ତାପ୍।

ଜହନ୍‌ 1:17

ଈଶ୍ୱର ମାଙ୍ଗେଙ୍ଗ୍ ମୋଶା ଲେକିକିତି ନିୟମ୍‌ନି ସାସ୍ତର୍‌ତାଙ୍ଗ୍ ହିତ୍‌ତାନ୍‌ନା। ମାତର୍ ଯୀଶୁ ଖ୍ରୀଷ୍ଟତାଙ୍ଗ୍ ଦୟା ଆରେ ସତ୍ ବିଷୟ ହିତ୍‌ତାନ୍‌ନା।

ଜହନ୍‌ 12:30

ଯୀଶୁ ମାନାୟାରିଙ୍ଗ୍ ୱେଚ୍‌ଚାନ୍, “ହେ ବେଣ୍ ମି କାଜିଙ୍ଗ୍ ମାଚାତ୍, ନା କାଜିଙ୍ଗ୍ ଆକାୟ୍।

ଜହନ୍‌ 16:15

ଇନାକା ଆବା ଈଶ୍ୱରତି ହେଦାଙ୍ଗ୍ ନାଦି। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ୱେଚ୍‌ଚାନାଙ୍ଗା, ଈଶ୍ୱରଆତ୍ମା ନାବେତାଙ୍ଗ୍ ୱିଜୁ କାତା ୱେନ୍‌ଞ୍ଜି ମିଙ୍ଗେଙ୍ଗ୍ ୱେଚ୍‌ଚାନାନ୍।”

ଜହନ୍‌ 17:19

ଆରେ ହେୱାର୍ ପା ସତ୍‌ତାଙ୍ଗ୍ ପବିତ୍ର ଆନି ଦର୍‌କାର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ନିଜେ ପବିତ୍ର ମାନାଙ୍ଗ୍।”

ରୋମିୟ 11:12

ଯଦି ଯିହୁଦି ଜାତିନି ମାନାୟାର୍ ଈଶ୍ୱର କାତାତିଙ୍ଗ୍ ମାନିକିୱିତି କାଜିଙ୍ଗ୍, ବିନ୍‌ଜାତିନି ମାନାୟାର୍ କାଜିଙ୍ଗ୍ ବେସି ହାର୍ ଆତାତ୍। ଲାଗିଙ୍ଗ୍ ଯିହୁଦି ଜାତିନି ମାନାୟାର୍ ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିଜି ଈଶ୍ୱର କାତାତିଙ୍ଗ୍ ମାନିକିନାର୍, ବିନ୍‌ଜାତିନି ମାନାୟାର୍ ଆରେ ବେସି ଆଶ୍ରିବାଦ୍ ପାୟାଆନାର୍‌।

ରୋମିୟ 15:3

ଇନେସ୍‌କି ଖ୍ରୀଷ୍ଟ ପା ଜାର୍‌ତିଙ୍ଗ୍ ୱାରି କିନିଲେକେ କାମାୟ୍ କିୱାଦାଙ୍ଗ୍ ମାଚାନ୍। ଇନେସ୍‌ଲେକେ ଦରମ୍ ସାସ୍ତର୍‌ତାକେ ଲେକାଆତାତ୍‌ନା, “ଇମ୍‌ଣି ମାନାୟାର୍ ମିଙ୍ଗେଙ୍ଗ୍ ଇନସ୍ତା କିଦ୍‌ନାର୍ ହେୱାର୍ ନାଙ୍ଗେଙ୍ଗ୍ ପା ଇନସ୍ତା କିଦ୍‌ନାରା।”

ରୋମିୟ 5:8

ମାତର୍ ଈଶ୍ୱର ମାଙ୍ଗେଙ୍ଗ୍ ଇଲେକେ ଲାଡ୍ କିତ୍‌ତାନ୍ ଯେ, ଆସେଙ୍ଗ୍ ପାପିଆଜି ମାନିହିଙ୍ଗ୍ ତା ମେହି ଯୀଶୁ ଖ୍ରୀଷ୍ଟଙ୍ଗ୍ ମା କାଜିଙ୍ଗ୍ ହାଃଦେଙ୍ଗ୍ ପକ୍ତାତାନ୍।

ରୋମିୟ 8:32

ଈଶ୍ୱର ତା ମେହିଙ୍ଗ୍ ନେ ତାବେ ଇଟ୍‌ୱାତାନ୍‌, ମାତର୍ ମା କାଜିଙ୍ଗ୍ ତାଙ୍ଗେଙ୍ଗ୍ ଶତ୍ରୁ କେଇଦ ହିତାନ୍, ଲାଗିଙ୍ଗ୍ ହେୱାନ୍ ପାର୍ମାଣ୍‌କିତି ୱିଜୁ ଜିନିଷ୍ ପା ମାଙ୍ଗେଙ୍ଗ୍ ଆଶ୍ରିବାଦ୍ କିତାନ୍।

୧ କରନ୍ତିୟ 1:4

ଆନେଙ୍ଗ୍ ୱିଜୁଦିନ୍ ଈଶ୍ୱରତିଙ୍ଗ୍ ମି କାଜିଙ୍ଗ୍ ଦନ୍ଯବାଦ୍ ହିନାଙ୍ଗା, ଇନେସ୍‌କି ଯୀଶୁ ଖ୍ରୀଷ୍ଟ ହୁଦାଙ୍ଗ୍ ଏକ୍ ଆନି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ଦୟା କିତ୍‌ତାନ୍‌ନା।

୧ କରନ୍ତିୟ 15:47

ଈଶ୍ୱର ପାର୍ତୁମ୍ ମାନାୟ୍ ଆଦମତିଙ୍ଗ୍ ଇ ପୁର୍ତିନି ଚିକ୍‌ଲାତାଙ୍ଗ୍ ରସ୍ତାନ୍, ମାତର୍ ଦୁଇ ନମ୍ବର୍ ଆଦମ ଯୀଶୁ ଖ୍ରୀଷ୍ଟ ସରଗ୍‌ତାଙ୍ଗ୍ ୱାଜିମାଚାନ୍।

୨ କରନ୍ତିୟ 13:14

ମା ମାପୃ ଯୀଶୁ ଖ୍ରୀଷ୍ଟ ଦୟା, ଈଶ୍ୱର ଲାଡ୍, ଆରେ ପବିତ୍ର ଆତ୍ମା ମି ୱିଜାଦେର୍ ହୁଦାଙ୍ଗ୍ ମାହାଆଜି ମାନେତ୍।

୨ କରନ୍ତିୟ 6:10

ଆପେଙ୍ଗ୍ ବେସି ଦୁଃକ୍‌ତ ମାନାପ୍, ମାତର୍ ଆପେଙ୍ଗ୍ ୱିଜୁଦିନ୍ ୱାରି କିନାପା। ଆପେଙ୍ଗ୍ ଗରିବ୍, ମାତର୍ ଆପେଙ୍ଗ୍ ପବିତ୍ର ଆତ୍ମାନି ଦନ୍ ଜେକନିକାରିଙ୍ଗ୍ ହିନାପା। ଆପେଙ୍ଗ୍ ଆର୍ଜା ଆୱାତାପ୍‌ନା ମାତର୍ ମା ତାକେ ୱିଜୁ ଜିନିଷ୍ ମାନାତ୍।

ଏପିସିୟ 2:7

ତା ଦୟା ଯେ କେତେକ୍‌ ଗାଜା, ହେଦାଙ୍ଗ୍ ଜେକନିକାର୍‌ତାକେ ଆଗେ ୱାନି ଦିନ୍‌ତ ପୁନିକିଦେଙ୍ଗ୍ ଈଶ୍ୱର ଇଦାଙ୍ଗ୍ କିତାନ୍‌ନା। ଆରେ ଯୀଶୁ ଖ୍ରୀଷ୍ଟ ଇନାକା ମା କାଜିଙ୍ଗ୍ କିତାନ୍‌ନା, ହେଦାଙ୍ଗ୍ କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା।

ଏପିସିୟ 3:19

ଆରେ ଈଶ୍ୱର ତା ୱିଜୁ ଗୁଣ୍‌ତାକେ ମିଙ୍ଗେଙ୍ଗ୍ ପୁରା କିଦ୍‌ନାନ୍।

ଏପିସିୟ 3:8

ଈଶ୍ୱର ୱିଜୁ ମାନାୟାର୍ ବିତ୍ରେ ଆନେଙ୍ଗ୍ ରକାଙ୍ଗ୍ ହିରୁକାଙ୍ଗ୍। ମାତର୍ ବିନ୍‌ଜାତିନି ମାନାୟାରିଙ୍ଗ୍ ଖ୍ରୀଷ୍ଟତାକେ ମାନି ୱିଜ୍‌ୱି ହେବାକିନି ବାବ୍‌ନାତାଙ୍ଗ୍ ଆଦିକ୍ ଆଶ୍ରିବାଦ୍‌ନି ହାର୍ଦିକାବୁର୍ ଆନେଙ୍ଗ୍ ୱେଚ୍‌ଚେଙ୍ଗ୍ ଆଡ୍‌ନାଙ୍ଗ୍।

କଲସିୟ 1:24

ଆନେଙ୍ଗ୍ ମି କାଜିଙ୍ଗ୍ କଷ୍ଟ ପାୟାଆତିଲେ ୱାରି ଆନାଙ୍ଗା। ଇନେସ୍‌କି ଖ୍ରୀଷ୍ଟ ଗାଗାଡ଼୍ ଲେକେ ମଣ୍ଡ୍‌ଲିତାକେ ଇନାକା ବାକି ମାଚାତ୍, ହେଦାଙ୍ଗ୍ ପୁରା କିଦେଙ୍ଗ୍ ଖ୍ରୀଷ୍ଟ ଇନେସ୍ କଷ୍ଟ ପାୟାଆଜି ମାଚାନ୍, ହେଲେକେ ଆନେଙ୍ଗ୍ ପା ନା ଗାଗାଡ଼୍‌ତ କଷ୍ଟ ପାୟାଆନାଙ୍ଗା।

୧ ତିମତି 6:18

ଆରେ ଜେକନିକାରିଙ୍ଗ୍ ଉପ୍‌କାର୍ କିଜି ୱିଜୁ ସତ୍ କାମାୟ୍‌ତାଙ୍ଗ୍ ହାଉକାର୍ ଆନାର୍ ଆରେ ମେଲାଆତିୟା ଆଜି ଆରେ ଦୟାନି ମାନ୍‌ତାଙ୍ଗ୍ ଦାନ୍ ହିଦେଙ୍ଗ୍ ହେୱାରିଙ୍ଗ୍ ଆଦେସ୍ ହିୟାଟ୍।

ଏବ୍ରି 1:2

ମାତର୍ ଇ ସେସ୍ କାଡ଼୍‌ଦ, ତା ମେହିତାଙ୍ଗ୍ ମାଙ୍ଗେଙ୍ଗ୍ ବେଣ୍ କିତ୍‌ତାନ୍‌ନା। ଈଶ୍ୱର ହେୱାନ୍‌ତାଙ୍ଗ୍ ପୁର୍ତିନି ୱିଜୁ ବିଷୟ ରସ୍ତାନ୍, ଆରେ ହେୱାନିଙ୍ଗ୍ ୱିଜୁ ବିଷୟନି ଅଦିକାର୍ କିଜି ବାଚିକିତାନ୍

ଜାକ୍‌ବ 2:5

ଏ ନା ପାର୍ତିକିନି ଟଣ୍ଡାର୍‌କାଦେର୍ ୱେନାଟ୍, ଈଶ୍ୱର ଗରିବ୍ ମାନାୟାରିଙ୍ଗ୍ ପାର୍ତିତାଙ୍ଗ୍ ହାଉକାର୍ ଆଦେଙ୍ଗ୍ ଇ ପୁର୍ତିତାଙ୍ଗ୍ ବାଚି କିତାନ୍‌ନା। ଆରେ ଈଶ୍ୱରତିଙ୍ଗ୍ ଲାଡ୍‌କିନି ମାନାୟାରିଙ୍ଗ୍ ଇମ୍‌ଣି ରାଜି ବିଷୟରେ ପାର୍ମାଣ୍ କିତାନ୍‌ନା, ଇ ମାନାୟାର୍ ହେ ରାଜିନି ଆଦିକାର୍ ଆନାର୍।

ହତ୍‌ତି 2:9

“ଆନେଙ୍ଗ୍ ପୁଚାଙ୍ଗ୍‌ନା ଯେ, ମାନାୟାର୍ ମିଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାରା ଆରେ ଏପେଙ୍ଗ୍ ଗରିବ୍। ମାତର୍ ଏପେଙ୍ଗ୍ ଗରବ୍‌ତାକେ ହାଉକାର୍। ଆନେଙ୍ଗ୍ ପୁଚାଙ୍ଗ୍‌ନା ଯେ, ଇମ୍‌ଣି ଯିହୁଦି ଜାତିନି ମାନାୟାର୍ ଜାର୍‌ତିଙ୍ଗ୍ ଈଶ୍ୱର ବାଚି କିତ୍‌ତି ମାନାୟ୍ ଇଞ୍ଜି ଚଞ୍ଜିଆ ଆନାରା, ମାତର୍ ହେୱାର୍ ଆକାୟ୍। ହେୱାର୍ ମି ବିରଦ୍‌ତାକେ କରାପ୍ କାତା ଇନାରା, ଇନେସ୍‌କି ହେୱାର୍ ଶୟତାନ ଦଳ୍‌ନି ମାନାୟାର୍।

ହତ୍‌ତି 21:7

ଇମ୍‌ଣି ମାନାୟାର୍ ଶୟତାନତିଙ୍ଗ୍ ଆରାୟ୍ କିଜି ଜିତାଆଜି ମାନାର୍, ହେୱାର୍ ଇ ୱିଜୁ ଆଶ୍ରିବାଦ୍‌ତିଙ୍ଗ୍ ପାୟାଆନାର୍‌, ଆନେଙ୍ଗ୍ ହେୱାର୍ ଈଶ୍ୱର ଆନାଙ୍ଗ୍ ଆରେ ହେୱାର୍ ନା ହିମ୍‌ଣାୱାକ୍‌ଡ଼ା ଆନାର୍।

ହତ୍‌ତି 3:18

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଉପାୟ୍ ହିଦ୍‌ନାଙ୍ଗା ଯେ, ଏପେଙ୍ଗ୍ ହାଉକାର୍ ଆନି କାଜିଙ୍ଗ୍ ନାବେତାଙ୍ଗ୍ ନାଣିତାକେ ପରିକ୍ଷା କିତି ହାର୍ଦି ହନା କଡ଼ାଟ୍। ଆରେ ନାବେତାଙ୍ଗ୍ ଡ଼ିଞ୍ଜ୍‌ନି ହେନ୍ଦ୍ରା କଡ଼୍‌ନି ଦର୍‌କାର୍, ଲାଗିଙ୍ଗ୍ ମାନାୟାର୍ ମିଙ୍ଗେଙ୍ଗ୍ ହେନ୍ଦ୍ରା ଉସ୍‌ପାୱାତାନ୍‌ନା ଇଞ୍ଜି ଲାଜ୍ କିଦ୍‌ଦେଙ୍ଗ୍ ଆଡ଼୍‌ଦୁର୍। ଆରେ ମି କାଣ୍‍କୁକାଙ୍ଗ୍ ହାର୍‌କିଦେଙ୍ଗ୍ ନାବେତାଙ୍ଗ୍ ଅହ କଡ଼ାଟ୍, ଲାଗିଙ୍ଗ୍ ଏପେଙ୍ଗ୍ ହାର୍ କିଜି ହୁଡ଼୍‌ଦେଙ୍ଗ୍ ଆଡ୍‌ନାଦେର୍।