୨ କରନ୍ତିୟ 8:4 - New Testament in Pengo Parja Language

⁴ ଯିରୁଶାଲାମ୍ ସହର୍‌ନି ପାର୍ତିକିନି ମାନାୟାରିଙ୍ଗ୍ ଡାବୁଙ୍ଗ୍ ହିଜି ସାଇଜ କିନି ମାନାୟାର୍ ହୁଦାଙ୍ଗ୍ ମାହାଆଜି ଡାବୁଙ୍ଗ୍ ହିଜି ସାଇଜ କିନି କାଜିଙ୍ଗ୍ ହେୱାର୍ ମାଙ୍ଗେଙ୍ଗ୍ ବାରମ୍-ବାରମ୍ ଗୁୱାରି କିଜି ମାନ୍‌ଞ୍ଚାର୍।

ସତ୍‌ ବଚନ୍‌ ପୁନି ନିୟମ୍‌

⁴ ସାଦୁର୍‌ ହେବାତ ମେହାଣ୍‌ତାଂ ଉପ୍‌କାର୍‌ ପାୟାନି କାଜିଂ ହେୱାର୍‌ ମାନ୍ତ ବେସି ଗୱାରି ଲାହାଂ ମାଙ୍ଗ୍‌ ଗୱାରି କିତାର୍‌ ।

୨ କରନ୍ତିୟ 8:4 Iomraidhean Croise

ମାତିଉ 10:42

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ନାଙ୍ଗେଙ୍ଗ୍ ପାର୍ତିକିନି ହିରୁ ଲଗାଙ୍ଗ୍ ପା ନା ଚେଲାଇଞ୍ଜି ଯଦି ର ଗିଲାସ୍ ଏଜୁଙ୍ଗ୍ ଉଣ୍ଡେଙ୍ଗ୍ ହିନାର୍ ହେୱାନିଙ୍ଗ୍ ଈଶ୍ୱର ହାତ୍‌ପା ପୁରଷ୍କାର୍ ହିନାନ୍।”

ମାତିଉ 12:50

ମାତର୍ ଇନେର୍ ପା ନା ସରଗ୍‌ନି ଆବା ଇଚା ମାନିକିନାର୍, ହେୱାନ୍ ନା ଟଣ୍ଡେନ୍, ତଣ୍‌ଦେଲ୍ ଆରେ ମାଞ୍ଜିୟା।”

ମାତିଉ 25:40

ଏଚେପାଦ୍ନା ଆନେଙ୍ଗ୍ ରାଜା ୱେଚ୍‌ଚାନାଙ୍ଗ୍, ‘ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ଏପେଙ୍ଗ୍ ନାବେ ପାର୍ତିକିନି ଟଣ୍ଡାର୍ ବିତ୍ରେତାଙ୍ଗ୍ ରକାନିଙ୍ଗ୍ ଇନାକା କିତାଦେର୍‌ନା। ହେଦାଙ୍ଗ୍ ଏପେଙ୍ଗ୍ ନା କାଜିଙ୍ଗ୍ କିତାଦେର୍‌ନା।’

ମାର୍କ 14:7

ଇନେସ୍‌କି ଗରିବ୍ ନିକାର୍ ମିହୁଦାଙ୍ଗ୍ ୱିଜୁଦିନ୍ ମାନ୍‍ଙ୍ଗାନାର୍। ଏପେଙ୍ଗ୍ ହେୱାରିଙ୍ଗ୍ ଏଚେପାଦ୍ନା ଆଡ଼୍‌ତିସ୍, ହେପାଦ୍ନା ସାଇଜ କିଦେଙ୍ଗ୍ ଆଡ୍‌ନାଦେର୍, ମାତର୍ ଆନେଙ୍ଗ୍ ମିହୁଦାଙ୍ଗ୍ ୱିଜୁଦିନ୍ ମାନ୍‌ଗୁଙ୍ଗ୍।

ପକ୍ୟାତାକା 11:29

ଲାଗିଙ୍ଗ୍ ଚେଲାର୍ ଆନ୍ତିୟକିଆ ସହର୍‌ନି ମଣ୍ଡ୍‌ଲିନି ପାର୍ତି କିନାକାର୍ ଜାର୍ ଶାକ୍ତି ହୁଡ଼୍‌ଜି, ଯିହୁଦା ଜିଲ୍ଲାତାକେ ମାନି ପାର୍ତିକିନି ଟଣ୍ଡାରିଙ୍ଗ୍ ସାଇଜ ପକ୍ତେଙ୍ଗ୍ ଇଚାକିତାର୍।

ପକ୍ୟାତାକା 16:15

ତାପାଚେ ହେଦେଲ୍ ଆରେ ତା ପରିବାର୍ ଡୁବନ୍ ଅତାର୍। ପାଚେ ହେଦେଲ୍ ମାଙ୍ଗେଙ୍ଗ୍ ଗୁୱାରି କିଜି ୱେଚ୍‌ଚାତ୍, “ଏପେଙ୍ଗ୍ ଯଦି ନାଙ୍ଗେଙ୍ଗ୍ ମାପୃ ଲାଗାୟ୍ ପାର୍ତିକିନାପ୍ ଇଞ୍ଜି ବାବିକିନାଦେରା, ଲାଗିଙ୍ଗ୍ ମାଞ୍ଜ ୱାଜି ବାହା କିୟାଟ୍।” ଆରେ ହେଦେଲ୍ ମାଙ୍ଗେଙ୍ଗ୍ ତାଞ୍ଜାଙ୍ଗ୍ ହାଞ୍ଜେଙ୍ଗ୍ ହିଦ୍‌ୱାତାତ୍।

ପକ୍ୟାତାକା 24:17

ଆନେଙ୍ଗ୍ କେତେକ୍ ବାର୍ହୁ ପାଚେ ନା ଜାତିନି ଗରିବ୍ ଲକାଙ୍ଗ୍ ଦାନ୍ ହିଦେଙ୍ଗ୍, ଆରେ ଈଶ୍ୱରତାକେ ପୁଜା କିଦେଙ୍ଗ୍ ଯିରୁଶାଲାମ ସହର୍‌ତାକେ ୱାଜି ମାଚାଙ୍ଗ୍।

ରୋମିୟ 15:31

ଏପେଙ୍ଗ୍ ନା କାଜିଙ୍ଗ୍ ପାର୍ତାନା କିୟାଟ୍ ଯେ, ଈଶ୍ୱର କାତାତିଙ୍ଗ୍ ମାନିକିୱି ଯିହୁଦା ଦେସ୍‌ନି ମାନାୟାର୍‌ତାଙ୍ଗ୍ ନାଙ୍ଗେଙ୍ଗ୍ ରକ୍ଷା କିଦେନ୍। ଆରେ ପା ପାର୍ତାନା କିୟାଟ୍ ଯେ, ଯିରୁଶାଲାମ ସହର୍‌ତାକେ ମାନି ଖ୍ରୀଷ୍ଟାନ୍ ଟଣ୍ଡାର୍ ଆନେଙ୍ଗ୍ ଅନି ଚାନ୍ଦା ଡାବୁକାଙ୍ଗ୍ ଆସ୍ତେଙ୍ଗ୍ ଇଚା କିନାର୍।

୧ କରନ୍ତିୟ 16:1

ଯିରୁଶାଲୋମନି ଈଶ୍ୱର ମାନାୟାର୍ କାଜିଙ୍ଗ୍ ଏପେଙ୍ଗ୍ ରୁଣ୍ଡାୟ୍ କିତି ବିଷୟରେ ଇମ୍‌ଣି ପ୍ରଶ୍ନ କିଜି ମାଚାଦେର୍, ହେ ବିଷୟରେ ଆନେଙ୍ଗ୍ ନଙ୍ଗୟ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗ୍। ଏପେଙ୍ଗ୍ ଗାଲାତିୟ ମଣ୍ଡ୍‌ଲିନି ମାନାୟାର୍ କିତିଲେକେ କିୟାଟ୍, ଇନେସ୍ ଆନେଙ୍ଗ୍ ହେୱାରିଙ୍ଗ୍ କିଦେଙ୍ଗ୍ ୱେଚ୍‌ଚି ମାଚାଙ୍ଗ୍।

୧ କରନ୍ତିୟ 16:15

ଏ ଟଣ୍ଡାର୍‌କାଦେର୍, ଏପେଙ୍ଗ୍ ପୁଚାଦେର୍‌ନା ଯେ, ଆକାୟା ସହର୍‌ନି ସ୍ତିପାନ ଆରେ ତା କୁଟୁମ୍‌ନି ପାର୍ତୁମ୍ ପାର୍ତି କିତାର୍ ଆରେ ହେୱାର୍ ଈଶ୍ୱର ମାନାୟାରିଙ୍ଗ୍ ହେବା କିଦେଙ୍ଗ୍ ଜିବୁନ୍ କାଟିକିନାରା।

୨ କରନ୍ତିୟ 9:1

ଯିରୁଶାଲାମନି ଖ୍ରୀଷ୍ଟାନ୍ ଟଣ୍ଡାରିଙ୍ଗ୍ ଡାବୁଙ୍ଗ୍ ହିନି ବିଷୟରେ, ଆନେଙ୍ଗ୍ ମିଙ୍ଗେଙ୍ଗ୍ ଲେକିକିନି ଦର୍‌କାର୍ ଆକାୟ୍।

ଗାଲାତିୟ 2:10

ଯିରୁଶାଲାମ ସହର୍‌ତାକେ ମାନି ଗରିବ୍ ପାର୍ତିକିନି ଟଣ୍ଡାରିଙ୍ଗ୍ ସାଇଜ କିନି ବିଷୟରେ ନେ ହେୱାର୍ ମାଙ୍ଗେଙ୍ଗ୍ ଗୁୱାରି କିଜି ୱେଚ୍‌ଚାତାର୍, ହେଦାଙ୍ଗ୍ କିନି କାଜିଙ୍ଗ୍ ଆନେଙ୍ଗ୍ ପା ବେସି ଇଚା କିଜି ମାଚାଙ୍ଗ୍।

ଗାଲାତିୟ 6:10

ଲାଗିଙ୍ଗ୍ ଏଚେପାଦ୍ନା ମାଙ୍ଗେଙ୍ଗ୍ ସୁଯଗ୍ ଗାଟାଆଦ୍‍ନାତ୍, ୱିଜୁ ମାନାୟାର୍ କାଜିଙ୍ଗ୍ ବିଶେସ୍ କିଜି ପାର୍ତିକିନି ମାନାୟାରିଙ୍ଗ୍ ହାର୍ଦି କାମାୟ୍‌ତାକେ ସାଇଜ କିୟାଟ୍।

୧ ତିମତି 5:10

ଆରେ ର ଆଣ୍ଡ୍ରା ନେ ଇଡ଼୍‌ଜି ମାନ୍‌ଗାନାତ୍, ଆରେ ହେଦେଲ୍ ହାର୍ଦି କାମାୟ୍ କାଜିଙ୍ଗ୍ ଜଣାସୁଣା କଗ୍‌ଲେ ଆନାତ୍‌। ଇନେସ୍‌କି ହେଦେଲ୍ ତା ହିମ୍‌ଣା ୱାକ୍‌ଡ଼ାକାଙ୍ଗ୍ ହାର୍ କିଜି ପହା କିନାତ୍, ଗତାକାଙ୍ଗ୍ ହାର୍ କିଜି ମାନିକିନାତ୍। ସାଦୁ ମାନାୟାରିଙ୍ଗ୍ କାଲ୍‌ପାନା ନୁଜ୍‌ଦି ହିନାତ୍, ଆରେ ଦୁକ୍‌ତାକେ ମାନାକାରିଙ୍ଗ୍ ସାଇଜ କିନାତ୍, ଆରେ ୱିଜୁ ହାର୍ଦି କାମାୟ୍ କିଦେଙ୍ଗ୍ ତିର୍‌କାଡ଼୍ ଆନାତ୍, ଇଲେକେ ରାଣ୍ଡି କଗ୍‌ଲେଙ୍ଗ୍ ରାଣ୍ଡିକ୍ ଲିଷ୍ଟ୍‌ତାକେ ଲେକା ଆୟେତ୍।

ଏବ୍ରି 6:10

ଈଶ୍ୱର ନ୍ୟାୟ୍ ବିଚାର୍ କିନାକାନ୍। ଏପେଙ୍ଗ୍ କିଜିମାଚି କାମାୟ୍ ଆରେ ହେୱାନିଙ୍ଗ୍ ଲାଡ୍‌କିଜି ଜେକନିକାନିଙ୍ଗ୍ ସାଇଜ କିଜିମାଚି କାମାୟ୍‌ତିଙ୍ଗ୍, ହେୱାନ୍ ବାଣାଆଉନ୍। ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ପାତେକ୍ ହେୱାରିଙ୍ଗ୍ ସାଇଜ କିନାଦେରା ଇଞ୍ଜି ହେୱାନ୍ ମାନ୍ତ ଏତୁ କିଦ୍‌ନାନ୍।