୨ କରନ୍ତିୟ 8:12 - New Testament in Pengo Parja Language

¹² ଏପେଙ୍ଗ୍ ଆଡ୍‌ୱି ଏଚେକ୍ ଦାନ୍ ହିୱାଦାଙ୍ଗ୍, ଜାର୍ ଇଚାତାଙ୍ଗ୍ ଏଚେକ୍ ହିଦେଙ୍ଗ୍ ଆଡ୍‌ନାଦେର୍ ହେ ଏଚେକ୍ ଦାନ୍ ହିୟାଟ୍, ହେଦାଙ୍ଗ୍ ଈଶ୍ୱର ଆହ୍‌ନାନ୍।

ସତ୍‌ ବଚନ୍‌ ପୁନି ନିୟମ୍‌

¹² ଇନାକିଦେଂକି ଜଦି ଦୁକ୍‌କିନାକା ମାଚିସ୍‌, ଲାଗିଂ ହେଦାଂ ରୱାନ୍‌ତି ଅବାବ୍‌ ଲାକେ ହାର୍‌ ଇଟ୍‌ନାକା ଆକାୟ୍‌, ନଲେ ହେୱାନ୍ତି ଇନାକା ମାନାତ୍‌, ହେ ହିସାବେ ହାର୍‌ ଇଟ୍ୟାନାତ୍‌ ।

୨ କରନ୍ତିୟ 8:12 Iomraidhean Croise

ମାତିଉ 25:17

ହେଲେକେ ଇମ୍‌ଣି ହଲିଆହି ଦୁଇହାଜାର୍ ରୁପାଡାବୁ ଅଜି ମାଚାନ୍, ହେୱାନ୍ ପା ଡାବୁଙ୍ଗ୍ ବେପାର୍‌ବାଟ୍‌ କିନି କାମାୟ୍‌ତାକେ ଲାଗାୟ୍ କିତାନ୍ ଆରେ ଦୁଇହାଜାର୍ ରୁପାଡାବୁ ଆର୍ଜା ଆତାନ୍।

ମାତିଉ 25:22

ତାପାଚେ ଦୁଇହାଜାର୍ ରୁପା ଡାବୁଙ୍ଗ୍ ଅଜି ମାଚାନ୍ ହେ ହଲିଆହି ମାଲିକ୍ ଲାଗାୟ୍ ୱାଜି ୱେଚ୍‌ଚାନ୍, ‘ଏନେଙ୍ଗ୍ ନାଙ୍ଗେଙ୍ଗ୍ ଦୁଇହାଜାର୍ ରୁପାଡାବୁଙ୍ଗ୍‌ନି ଦାୟିତ୍‌ପ ହିଜି ମାଞ୍ଚାଇ। ଆନେଙ୍ଗ୍ ଆରେ ଦୁଇହାଜାର୍ ରୁପା ଡାବୁଙ୍ଗ୍ ଆର୍ଜା ଆଦେଙ୍ଗ୍ ନି ଦୁଇହାଜାର୍‌ତିଙ୍ଗ୍ କାମାୟ୍‌ତାକେ ଲାଗାୟ୍ କିତାଙ୍ଗ୍‌ନା।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:10

ହିରୁ କାମାୟ୍‌ତିଙ୍ଗ୍ ଯଦି ହାର୍‌ଦାଙ୍ଗ୍ କିନାନ୍, ଲାଗିଙ୍ଗ୍ ହେୱାନ୍ ଗାଜା କାମାୟ୍‌ତିଙ୍ଗ୍ ପା ହାର୍‌ଦାଙ୍ଗ୍ କିଦେଙ୍ଗ୍ ଆଡ୍‌ନାନ୍‌। ଇନେର୍ ଅଲପ୍ ଜିନିଷ୍‌ତିଙ୍ଗ୍ ପାର୍ତି କିୟିଆତାତ୍, ଲାଗିଙ୍ଗ୍ ହେୱାନିଙ୍ଗ୍ ଗାଜା ଜିନିଷତିଙ୍ଗ୍ ପା ପାର୍ତି କିୟାଆନାତ୍।

୨ କରନ୍ତିୟ 8:11

ଲାଗିଙ୍ଗ୍ ଏପେଙ୍ଗ୍ ଇମ୍‌ଣି ଦାନ୍‌ହିନି କାମାୟ୍ ଆରମ୍ କିତାଦେର୍‌ନା ନଙ୍ଗୟ୍ ହେଦାଙ୍ଗ୍ ପୁରାୟ୍ କିନି ଦର୍‌କାର୍। ଏପେଙ୍ଗ୍ ଇନେସ୍ ପାର୍ତୁମ୍ ଦାନ୍ ହିଦେଙ୍ଗ୍ ଇଚା କିଜି ମାଚାଦେର୍ ହେଲେକେ ଏପେଙ୍ଗ୍ ନଙ୍ଗୟ୍ ଏଚେକ୍ ଦାନ୍ ହିଦେଙ୍ଗ୍ ଆଡ୍‌ନାଦେର୍ ହେ ଏଚେକ୍ ହିୟାଟ୍।

୨ କରନ୍ତିୟ 8:13

ଆନେଙ୍ଗ୍ ଇଲେକେ ୱେଚ୍‌ଚୁଙ୍ଗା ଯେ, ଏପେଙ୍ଗ୍ ଜେକନିକାରିଙ୍ଗ୍ ସାଇଜ କିଦେଙ୍ଗ୍ ମିଦି ୱିଜୁ ହିୟାଟ୍ ଆରେ ନିଜେ ଗରିବ୍ ଆଡ, ମାତର୍ ଆନେଙ୍ଗ୍ ଇଲେକେ ଇଚା କିନାଙ୍ଗା ଯେ, ଜେକନି ପାର୍ତିକିନି ଗରିବ୍ ମାନାୟାର୍ ପା ମିହୁଦାଙ୍ଗ୍ ହାମାନ୍ ଆଏର୍।

୨ କରନ୍ତିୟ 8:19

ଯିରୁଶାଲାମ ସହର୍‌ନି ପାର୍ତିକିନି ମାନାୟାରିଙ୍ଗ୍ ସାଇଜ କିଦେଙ୍ଗ୍ ଅରାୟ୍ କିତି ଡାବୁଙ୍ଗ୍ ମା ହୁଦାଙ୍ଗ୍ ମାହାଆଜି ଅସିହିନି କାଜିଙ୍ଗ୍ ମଣ୍ଡ୍‌ଲିନି ମାନାୟାର୍ ତାଙ୍ଗେଙ୍ଗ୍ ବାଚିକିତାର୍‌ନା। ହେଦାଙ୍ଗ୍ ଇଲେକେ ହେବା ଯେ, ମାପୃ ଗୌରବ ପାୟାଆନାତ୍ ଆରେ ଆସେଙ୍ଗ୍ ହେୱାରିଙ୍ଗ୍ ବେସି ସାଇଜ କିନି ଇଚା ଚଚ୍‌ଚାନାତା।

୨ କରନ୍ତିୟ 9:7

ଲାଗିଙ୍ଗ୍ ଇନେର୍ ଯଦି ମିଙ୍ଗେଙ୍ଗ୍ ଦାନ୍ ହିଦେଙ୍ଗ୍ ଜବର୍ ଦସ୍ତ୍ କିଦ୍‌ନାର୍ ଏପେଙ୍ଗ୍ ହିମାଟ୍, ମାତର୍ ଏପେଙ୍ଗ୍ ନିଜେ ଇଚା କିଜି ଏଚେକ୍ ଦାନ୍ ହିନାଦେର୍ ଚିନ୍ତା କିୟାଟ୍, ଇନେସ୍‌କି ଇମ୍‌ଣି ମାନାୟାର୍ ୱାରିୟା ଆଜି ହିନାର୍ ଈଶ୍ୱର ହେୱାରିଙ୍ଗ୍ ଲାଡ୍ କିନାନ୍।

୧ ପିତର 4:10

ୱିଜାର୍ ମାନାୟାରିଙ୍ଗ୍ ଈଶ୍ୱର ଦୟାକିଜି ରଞ୍ଜି-ରଞ୍ଜି ଦାନ୍ ହିତ୍‌ତାନ୍‌ନା, ଆରେ ଜେକନିକାରିଙ୍ଗ୍ ସାଇଜ କିଦେଙ୍ଗ୍ ହେ ଦାନ୍‌ତିଙ୍ଗ୍ ବ୍ୟବହାର୍ କିୟାଟ୍। ହେୱାର୍ ଈଶ୍ୱର ହାର୍ ଦାସ୍ ଆଜିମାଚି କାଜିଙ୍ଗ୍ ଈଶ୍ୱର ହିତ୍‌ତି ୱିଜୁ ଦାନ୍‌ତିଙ୍ଗ୍ ହାର୍ କିଜି ବ୍ୟବହାର୍ କିନି ଦର୍‌କାର୍।