୨ କରନ୍ତିୟ 7:11 - New Testament in Pengo Parja Language

¹¹ ଈଶ୍ୱର ଇଚା ଅନୁସାରେ ଏପେଙ୍ଗ୍ ଦୁଃକ୍ କଷ୍ଟ ପାୟାଆତି କାଜିଙ୍ଗ୍ ମି ବିତ୍ରେ ଇନାକା ବାଦ୍‌ଲା ଆତାତ୍‌ନା ହେଦାଙ୍ଗ୍ ଏପେଙ୍ଗ୍ ପୁନାଟ୍। ହାର୍ କାମାୟ୍ କିଦେଙ୍ଗ୍ ବେସି ସାସ୍ ପାୟା ଆତାଦେର୍‌ନା, ମି ବିରଦ୍‌ତାକେ ୱାତି କାତାତିଙ୍ଗ୍ ମିଚ୍ ଇଞ୍ଜି ଚଚ୍‌ଚେଙ୍ଗ୍ ଆଡ୍‌ନାଦେରା ଆରେ ଅନ୍ୟାୟ୍ ବିଷୟରେ ରିସା ଆଦେଙ୍ଗ୍, ଜାର୍‌ତିଙ୍ଗ୍ ବେସି ଜାଗ୍ରତ୍ କିଦେଙ୍ଗ୍ ହିକା ଆତାଦେର୍‌ନା। ଏପେଙ୍ଗ୍ ନାଙ୍ଗେଙ୍ଗ୍ ମାହା ଆଦ୍‌ଦେଙ୍ଗ୍ ବେସି ଇଚା କିନାଦେରା, ଆରେ ଏପେଙ୍ଗ୍ ନା ଆଦେସ୍‌ତିଙ୍ଗ୍ ମାନି କିଦେଙ୍ଗ୍ ବେସି ଇଚା କିତାଦେର୍ ଆରେ ବୁଲ୍ କାମାୟ୍ କିନାକାରିଙ୍ଗ୍ ଦଣ୍ଡ୍ ହିଦେଙ୍ଗ୍ ରେଡି ଆତାଦେର୍‌ନା। ଏପେଙ୍ଗ୍ ପାର୍ମାଣ୍ କିତାଦେର୍‌ନା ଯେ ୱିଜୁ ଟିକ୍‌ଟାକ୍ ବିଷୟରେ ଅଲପ୍‌ପା ପିହ୍‌ୱାତାଦେର୍‌ନା।

ସତ୍‌ ବଚନ୍‌ ପୁନି ନିୟମ୍‌

¹¹ ଲାଗିଂ ହୁଡ଼ାଟ୍‌, ଇସ୍ୱର୍ତି ଇଚା ଲାକେ ଏପେଙ୍ଗ୍‌ ଇ ଇମ୍‌ଣି ଦୁକ୍‌ ପାୟାତାଦେର୍‌, ହେଦାଂ ମି ତାକେ କେତେକ୍‌ ୱାରି, ଆଁ, କେତେକ୍‌ ଦାବା ୱିସ୍ତାଦେର୍‌, ଆଁ କେତେକ୍‌ ରିସା, ଆଁ କେତେକ୍‌ ପାଣ୍ଡ୍ରୁ, ଆଁ କେତେକ୍‌ ମାନ୍‌, ଆଁ କେତେକ୍‌ ୱାରି, ଆଁ କେତେକ୍‌ ଉପାୟ୍‌ ହପ୍‌ତାତ୍‌ନା । ଇ ବିସ୍ରେ ଏପେଙ୍ଗ୍‌ ପୁରା ଅନ୍ୟାୟ୍‌ ଇଞ୍ଜି ସାକି ହିନାୟା ।

୨ କରନ୍ତିୟ 7:11 Iomraidhean Croise

ମାର୍କ 3:5

ହେବେତାଙ୍ଗ୍ ଯୀଶୁ ହେୱାର୍ ଗରବ୍‌ନି ଆଟ୍‌ୱା ବୁଦି ହୁଡ଼୍‌ଜି ଯୀଶୁ ବେସି ଦୁଃକ୍ ଆତାନ୍, ଆରେ ହେୱାନ୍ ଚାରିବେଣ୍‌ତାଙ୍ଗ୍ ହୁଡ଼୍‌ତାନ୍ ଆରେ ହେ କେଇଦ ହିର୍କଲ୍ ଆହିଆତି ମାନାୟ୍‌ତିଙ୍ଗ୍ ୱେଚ୍‌ଚାନ୍, “ହେ ହିର୍କଲ୍ ଆସ୍ତିକେଇ ଲାମାୟ୍ କିଦା।” ହେୱାନ୍ ତା ହିର୍କଲ୍ ଆସ୍ତିକେଇ ଲାମାୟ୍ କିତାନ୍, ଆରେ ହେ ହିର୍କଲ୍ ଆସ୍ତିକେଇ ହାର୍ ଆତାତ୍।

ଜହନ୍‌ 2:17

ହେପାଦ୍ନା ଯୀଶୁ ଚେଲାହିର୍ ସାସ୍ତର୍‌ତାକେ ଲେକାଆତି ଇବେଣ୍ ମାନ୍ତ ଏତୁକିତାର୍, “ଇନେସ୍ ନାଣି କାଚାଆଜି ମାନାତ୍ ହେଲେକେ ଈଶ୍ୱର ମାନି ମନ୍ଦିର୍‌ତିଙ୍ଗ୍ ହେବା କିଦେଙ୍ଗ୍ ନାମାନ୍ ବିତ୍ରେ ନାଣି ଲେକେ କାଚାଆନାତା।”

ପକ୍ୟାତାକା 17:16

ଏଥେନ୍‌ସ୍ ସହର୍‌ତାକେ ଶିଲା ଆରେ ତିମତି ୱାନାକା ପାଉଲ କାସି ମାଚାନ୍, ହେପାଦ୍ନା ପାଉଲ ହେ ସହର୍‌ତାକେ ମୁର୍ତିକାଙ୍ଗ୍ ବାର୍ତି ହୁଡ଼୍‌ଜି ତା ମାନ୍ ବିତ୍ରେ ବେସିଦୁକ୍ ଆତାତ୍‌।

ରୋମିୟ 11:20

ହେୱାର୍ ଈଶ୍ୱରତିଙ୍ଗ୍ ପାର୍ତି କିୱିତି କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ତାବେତାଙ୍ଗ୍ କାଦ୍‌ଦି ତୁହିହିତାନ୍। ଆରେ ଏପେଙ୍ଗ୍ ତାଙ୍ଗେଙ୍ଗ୍ ପାର୍ତିକିତି କାଜିଙ୍ଗ୍ ଏପେଙ୍ଗ୍ ହେୱାର୍ ବାହା ପାୟାଆତାଦେର୍, ଲାଗିଙ୍ଗ୍ ଏପେଙ୍ଗ୍ ଜାର୍‌ତିଙ୍ଗ୍ ଗାଜାକାଙ୍ଗ୍ ଇଞ୍ଜି ବାବିକିମାଟ୍, ମାତର୍ ଈଶ୍ୱରତିଙ୍ଗ୍ ପାଣ୍ଡ୍ରାଆଡ।

ରୋମିୟ 14:18

ଯଦି ଏପେଙ୍ଗ୍ ଇଲେକେ ବ୍ୟବହାର୍ କିଜି ଖ୍ରୀଷ୍ଟଙ୍ଗ୍ ହେବା କିନାଦେର୍, ଏପେଙ୍ଗ୍ ଈଶ୍ୱରତିଙ୍ଗ୍ ୱାରି କିନାଦେର୍। ଆରେ ଜେକନିକାର୍ ପା ମିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାର୍।

ରୋମିୟ 3:5

ମାତର୍ କେତ୍‌ଜାଣ୍ ଇନାର୍ ମା ପାପ୍ କାମାୟ୍ କାଜିଙ୍ଗ୍ ହାର୍ ବିଷୟ ଗଟାଆନାତା, ଇନେସ୍‌କି ମାନାୟାର୍ ଈଶ୍ୱରତି ହାର୍ ବିଷୟତିଙ୍ଗ୍ ହୁଡ଼୍‌ନାର୍, ଏଚେପାଦ୍ନା ହେ ପାପିରିଙ୍ଗ୍ ଦରମ୍ ମାନାୟ୍ କିନାନ୍। ଲାଗିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ରିସାଆଜି ଦଣ୍ଡ୍ ହିଦ୍‌ନାକା ଟିକ୍ ଆକାୟ୍। ଇଲେକେ କେତେକ୍ ମାନାୟାର୍ ଇନାରା।

୧ କରନ୍ତିୟ 12:25

ଈଶ୍ୱର ଇଲେକେ କିତାନ୍, ଇନେସ୍‌କି ଗାଗାଡ଼୍‌ନି ଜିନିଷ୍ ହେୱାର୍ ବିତ୍ରେ ଜିକାଟାଣା ଆମେର୍, ଲାଗିଙ୍ଗ୍ ହେୱାର୍ ଜାର୍-ଜାର୍‌ବିତ୍ରେ ଜାତୁନ୍ ଆନାର୍।

୧ କରନ୍ତିୟ 5:13

ମାତର୍ ଈଶ୍ୱର ଖ୍ରୀଷ୍ଟଙ୍ଗ୍ ପାର୍ତିକିୱି ମାନାୟାରିଙ୍ଗ୍ ବିଚାର୍ କିନାନ୍, ଇନେସ୍‌ଲେକେ ଦରମ୍ ସାସ୍ତର୍ ୱେଚ୍‌ଚାତାନ୍‌ନା ଯେ, ହେଲେକେ କରାପ୍ କାମାୟ୍ କିନି ମାନାୟ୍‌ତିଙ୍ଗ୍ ମି ମଣ୍ଡ୍‌ଲିତାଙ୍ଗ୍ ହପାଟ୍‌।

୧ କରନ୍ତିୟ 5:2

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ହେ ବିଷୟରେ ଦୁଃକ୍ ଆଜି ଆଡ଼୍‌ବିନି ଦର୍‌କାର୍ ମାଚାତ୍, ଆରେ ଇମ୍‌ଣି ମାନାୟ୍ ହେଲେକେ କାମାୟ୍ କିଜି ମାଚାନ୍ ହେୱାନିଙ୍ଗ୍ ମଣ୍ଡ୍‌ଲିତାଙ୍ଗ୍ ହପ୍‌ନି ଦର୍‌କାର୍ ମାଚାତ୍। ମାତର୍ ଏପେଙ୍ଗ୍ ହେଲେକେ କିୱାଦାଙ୍ଗ୍ ବାଟ୍‌ପାଣ୍ ଆନାଦେରା।

୨ କରନ୍ତିୟ 13:7

ଆପେଙ୍ଗ୍ ଈଶ୍ୱରତିଙ୍ଗ୍ ପାର୍ତାନା କିନାପା ଯେ, ଆପେଙ୍ଗ୍ ମିଙ୍ଗେଙ୍ଗ୍ ଟିକ୍ ମାନାୟ୍ ଆଡ ଇଞ୍ଜି ହିତ୍‌ତି ହିକ୍ଷାତିଙ୍ଗ୍ ଆହ୍‌ନାଦେର୍, ଇମ୍‌ଣାକା କି ହାର୍ ବିଷୟ। ଆନେଙ୍ଗ୍ ଆହା କିନାଙ୍ଗା ଯେ ଆପେଙ୍ଗ୍ ଏଚେପାଦ୍ନା ମିତାକେ ୱାନାପ୍ ଈଶ୍ୱର ମାଙ୍ଗେଙ୍ଗ୍ ହିତ୍‌ତି ଅଦିକାର୍ ବିଷୟରେ ମିଙ୍ଗେଙ୍ଗ୍ ବୁଜାୟ୍ କିଦ୍‌ନି ଦର୍‌କାର୍ ଆକାୟ୍। ମି ବିତ୍ରେତାଙ୍ଗ୍ କେତ୍‌ଜାଣ୍ ଈଶ୍ୱର ମାଙ୍ଗେଙ୍ଗ୍ ତା ଚେଲାର୍ କିଦ୍‌ୱାତାନ୍‌ନା ଇଞ୍ଜି ବାବିକିଜି ମାଚିସ୍ ପା, ଆପେଙ୍ଗ୍ ୱାୱି ଆଗେ ଏପେଙ୍ଗ୍ ହାର୍ କାମାୟ୍ କିଜି ମାନାଟ୍।

୨ କରନ୍ତିୟ 2:6

ନଙ୍ଗୟ୍ ମି ବିତ୍ରେତାଙ୍ଗ୍ ବେସିହେନି ମାନାୟାର୍ ତାଙ୍ଗେଙ୍ଗ୍ ଦଣ୍ଡ୍ ହିତାର୍‌ନା। ଆରେ ହେୱାର୍ ତାଙ୍ଗେଙ୍ଗ୍ ହିତି ଦଣ୍ଡ୍ ତା କାଜିଙ୍ଗ୍ ହାମାନ୍ ଆନାତ୍‌।

୨ କରନ୍ତିୟ 6:4

ମାତର୍ ୱିଜୁ ପର୍‌କାର୍ ଦୁଃକ୍ କଷ୍ଟ ୱାତିସ୍ ପା ଆପେଙ୍ଗ୍ ସାସ୍ ଆଜି ସମ୍ବାଲି କିନାପା, ଲାଗିଙ୍ଗ୍ ଆସେଙ୍ଗ୍ ଇନାକା କିତିସ୍ ପା ଆସେଙ୍ଗ୍ ହାତ୍‌ପା ଈଶ୍ୱରତିଙ୍ଗ୍ ହେବା କିନାପା ଇଞ୍ଜି ଚଚ୍‌ଚେଙ୍ଗ୍ ଉପାୟ୍ କିନାପା।

୨ କରନ୍ତିୟ 7:1

ଏ ନା ଲାଡ୍‌ନି ପାର୍ତିକିନି ଟଣ୍ଡାର୍‌କାଦେର୍, ଈଶ୍ୱର ମାଙ୍ଗେଙ୍ଗ୍ ତା ହିମ୍‌ଣାୱାକ୍‌ଡ଼ା ଆଦେଙ୍ଗ୍ ପାର୍ମାଣ୍ କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ କରାପ୍ କାମାୟ୍ ୱିଜୁ କିନାକା ବନ୍ଦ୍ କିନି ଦର୍‌କାର୍ ଇମ୍‌ଣାକା ମା ଗାଗାଡ଼୍‌ତିଙ୍ଗ୍ ଆରେ ଆତ୍ମାତିଙ୍ଗ୍ କରାପ୍ କିନାତା। ଆରେ ଆସେଙ୍ଗ୍ ଈଶ୍ୱରତିଙ୍ଗ୍ ସନ୍‌ମାନ୍ କିଜି ମାନି କାଜିଙ୍ଗ୍ ଆସେଙ୍ଗ୍ ଈଶ୍ୱର ଇଚା କିନିଲେକେ କାମାୟ୍ କିନି ଦର୍‌କାର୍।

୨ କରନ୍ତିୟ 7:7

ହେୱାନ୍ ୱାତି କାଜିଙ୍ଗ୍ ଆନେଙ୍ଗ୍ ବେସି ୱାରିୟା ଆତାଙ୍ଗ୍, ମାତର୍ ଏଚେପାଦ୍ନା ଆନେଙ୍ଗ୍ ୱେଚାଙ୍ଗ୍ ଏପେଙ୍ଗ୍ ତିତସତିଙ୍ଗ୍‌ ସାସ୍ ହିତାଦେର୍ ଆନେଙ୍ଗ୍ ଆରେ ଆଦିକ୍ ସାସ୍ ଆତାଙ୍ଗ୍। ଏଚେପାଦ୍ନା ହେୱାନ୍ ନାଙ୍ଗେଙ୍ଗ୍ ୱେଚ୍‌ଚାତାନ୍, ଏପେଙ୍ଗ୍ ଆନେଙ୍ଗ୍ ୱାନି ହାଜିତିଙ୍ଗ୍ କାନାଦେରା, ଆରେ ଇନାକା ୱିଜୁ ଗଟାଆତାତ୍‌ନା ହେଦାଙ୍ଗ୍ କାଜିଙ୍ଗ୍ ଦୁଃକ୍ ଆନାଦେରା ଆରେ ଏପେଙ୍ଗ୍ ନାଙ୍ଗେଙ୍ଗ୍ ହାତ୍‌ପା ଲାଡ୍‌କିନି ବିଷୟରେ ୱେନ୍‌ଞ୍ଜି ବେସି ୱାରିୟା ଆତାଙ୍ଗ୍।

୨ କରନ୍ତିୟ 7:9

ମାତର୍ ନଙ୍ଗୟ୍ ଆନେଙ୍ଗ୍ ହେ ଚିଟି ମିଙ୍ଗେଙ୍ଗ୍ ଲେକିକିଜି ମାଚି କାଜିଙ୍ଗ୍ ୱାରିୟା ଆନାଙ୍ଗା, ଏପେଙ୍ଗ୍ ଦୁଃକ୍ କିତି କାଜିଙ୍ଗ୍ ଆକାୟ୍, ମାତର୍ ହେ ଦୁଃକ୍ ମି ମାନ୍‌ତିଙ୍ଗ୍ ବାଦ୍‌ଲାୟ୍ କିତ୍‌ତାତ୍। ଆରେ ଏପେଙ୍ଗ୍ ବୁଲ୍ କିତାପ୍‌ନା ଇଞ୍ଜି ଈଶ୍ୱରତିଙ୍ଗ୍ କେମା ଏନ୍ତାଦେର୍। ଇଦାଙ୍ଗ୍ ହେ ଦୁଃକ୍ ଈଶ୍ୱର ଲକ୍ ପାୟା ଆଏର୍ ଇଞ୍ଜି ଈଶ୍ୱର ଇଚାକିନାନ୍, ଲାଗିଙ୍ଗ୍ ମା କାଜିଙ୍ଗ୍ ମିଦାଙ୍ଗ୍ ଇନାକା ଲସ୍ ଆୱାତାତ୍‌ନା।

୨ କରନ୍ତିୟ 9:2

ଇନେସ୍‌କି ଆନେଙ୍ଗ୍ ପୁଚାଙ୍ଗ୍‌ନା ଏପେଙ୍ଗ୍ ହେୱାରିଙ୍ଗ୍ ସାଇଜ କିଦେଙ୍ଗ୍ କେତେକ୍ ତେର୍-ତେର୍ ଆନାଦେରା। ଆରେ ଏପେଙ୍ଗ୍ ଆକାୟା ସହର୍‌ନି ପାର୍ତିକିନି ମାନାୟାର୍ ର ବାର୍ହୁ ଆଗେ ଦାନ୍ ହିଜି ସାଇଜ କିନି ବିଷୟରେ ଆନେଙ୍ଗ୍ ନା ମାକଦନିଆ ସହର୍‌ନି ସାଙ୍ଗର୍ ଆଗେ ବାଟ୍‌ପାଣ୍ ଆଜି ୱେଚ୍‌ନାଙ୍ଗା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ତେର୍-ତେର୍ ଆଜି ସାଇଜ କିନାକା ହୁଡ଼୍‌ଜି, ବେସିହେନି ମାନାୟାର୍ ସାଇଜ କିତାର୍।

ଏପିସିୟ 4:26

ଏପେଙ୍ଗ୍ ରିସାଆଜି ଇନା ପାପ୍ କାମାୟ୍ କିମାଟ୍, ୱେଡ଼ା ହାଲ୍‌ୱାଦାଙ୍ଗ୍ ନେ ରିସାତିଙ୍ଗ୍ ପିହାଟ୍।

ଏପିସିୟ 5:11

ଏପେଙ୍ଗ୍ ହେୱାର୍ ହୁଦାଙ୍ଗ୍ ମାହା ଆମାଟ୍ ଇମ୍‌ଣାକାର୍ ମାଜ୍‌ଗାତାକେ ମାନି ମାନାୟାର୍‌ଲେକେ ପାପ୍ କାମାୟ୍ କିନାର୍। ମାତର୍ ହେୱାର୍ କିତି ପାପ୍‌ତିଙ୍ଗ୍ ୱିଜାକାର୍ ଆଗେ ଚଚାଟ୍।

ପିଲିପିୟ 2:12

ହେଦାଙ୍ଗ୍ କାଜିଙ୍ଗ୍ ଏ ପାର୍ତିକିନି ଟଣ୍ଡାର୍‌କାଦେର୍, ଆନେଙ୍ଗ୍ ମାନିହିଙ୍ଗ୍ ଇନେସ୍ ୱିଜୁଦିନ୍ ଈଶ୍ୱର କାତାତିଙ୍ଗ୍ ମାନିକିଜି ମାଚାଦେର୍, ଲାଗିଙ୍ଗ୍ ଆନେଙ୍ଗ୍ ହିଲ୍‌ୱିହିଙ୍ଗ୍ ପା ଏପେଙ୍ଗ୍ ହେବେତାଙ୍ଗ୍ ଆଦିକ୍ ମାନି କିୟାଟ୍। ଈଶ୍ୱର ଇମ୍‌ଣାକାରିଙ୍ଗ୍ ଉଦାର୍ କିତାନ୍‌ନା ହେୱାର୍ କାଜିଙ୍ଗ୍ ଟିକ୍ ମାଚିଲେକେ କାମାୟ୍ ଏପେଙ୍ଗ୍ ପାଣ୍ଡ୍ରାଆଜି ତ୍ରିଗ୍‍ଜି କିନି ଦର୍‌କାର୍।

୧ ଥେସଲନୀକିୟ 4:6

ଆରେ ଏପେଙ୍ଗ୍ ଜାର୍ ଟଣ୍ଡେନ୍ ଡକୃହିଙ୍ଗ୍ ଦାରି କାମାୟ୍ କିମାଟ୍, ଯଦି ଏଲେଙ୍ଗ୍ କିନାଦେର୍ ମାପୃ ମିଙ୍ଗେଙ୍ଗ୍ ଦଣ୍ଡ୍ ହିଦ୍‌ନାତ୍। ହେଦାଙ୍ଗ୍ ଆପେଙ୍ଗ୍ ଆଗେନେ ସାବ୍‌ଦାନ୍ ଆଜି ମାଞ୍ଜେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାପ୍।

୧ ତିମତି 5:20

ଇମ୍‌ଣାକାନ୍ ପାପ୍ କାମାୟ୍ କିଜି ଲାଗାନାନ୍‌, ହେୱାନିଙ୍ଗ୍ ୱିଜୁ ପାର୍ତି କିନାକାର୍ ମୁମ୍‌ଦ କେତା। ଇନେସ୍‌କି ଜେକନି ପାର୍ତି କିନାକାର୍ ପାଣ୍ଡ୍ରାଆଜି ମାନ୍‌ଗାନାର୍।

୨ ତିମଥି 2:15

ବେସି କଷ୍ଟ କାମାୟ୍ କିନି ମାନାୟ୍ ଇନେସ୍ ତା ଜାର୍ କାମାୟ୍ ବିଷୟରେ ଲାଜ୍‌ ପାୟା ଆତିଲେକେ କାମାୟ୍ କିଉନ୍, ଆରେ ଈଶ୍ୱର ସତ୍ କାତା ଇନେସ୍ ରକାନ୍ ମାନାୟ୍ ଟିକ୍ ବାବ୍‌ରେ ହିକ୍ଷା ହିନାନ୍। ହେଲେକେ ଏପେଙ୍ଗ୍ ପା ଈଶ୍ୱର ଆସ୍ତିତି ଲେକେ କାମାୟ୍ କିୟାଟ୍।

ତୀତସ 3:8

ଆନେଙ୍ଗ୍ ୱେଚ୍‌ଚି ମାନ୍‌ଞ୍ଚି ଇ ବେଣ୍‌ତିଙ୍ଗ୍ ପାର୍ତିକିନି ଦର୍‌କାର୍। ଲାଗିଙ୍ଗ୍ ଆନେଙ୍ଗ୍ ଇଚା କିନାଙ୍ଗା ଯେ ଈଶ୍ୱରତାକେ ପାର୍ତିକିନି ମାନାୟାର୍ ଇନେସ୍ ହାର୍ଦି କାମାୟ୍ କିନି କାଜିଙ୍ଗ୍ ମାନ୍‌ଦିୟାନ୍ ହିଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ହେୱାରିଙ୍ଗ୍ ଇ ୱିଜୁ ବିଷୟ ବେସି ବାଡ଼୍‌କାସ୍ କିଜି ହିକ୍ଷା ହିୟାଟ୍। ଇ ୱିଜୁ ବିଷୟ ହାର୍ ଆରେ ୱିଜୁ ମାନାୟ୍ କାଜିଙ୍ଗ୍ ସାଇଜ କିନାନ୍।

ଏବ୍ରି 4:1

ଈଶ୍ୱର ନଙ୍ଗୟ୍ ପା ତା ଜମ୍‌ନି ବାହାତାକେ ହାଞ୍ଜେଙ୍ଗ୍ ପାର୍ମାଣ୍ କିତାନ୍‌ନା, ଆରେ ହେ ପାର୍ମାଣ୍‌କିତି ବାହାତାକେ ହାଞ୍ଜେଙ୍ଗ୍ ଇନେସ୍ ମି ବିତ୍ରେତାଙ୍ଗ୍ ଇନେର୍ ବାକିଆଜି ମାନୁଦେର୍, ଇଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ପାଣ୍ଡ୍ରାଆଜି ଜାଗ୍ରତ୍ ଆଜି ମାନାସ୍।

ଜାକ୍‌ବ 3:17

ମାତର୍ ଈଶ୍ୱରତାଙ୍ଗ୍ ପାୟାଆତି ଜ୍ଞାନ୍ ପାର୍ତୁମ୍‌ ହେୱାନ୍ ପବିତ୍ର ଆଜି ମାନାନ୍। ରି ନମ୍ବର୍ ତାକେ ହେୱାନ୍ ଶାନ୍ତିଆଜି ମାଞ୍ଜେଙ୍ଗ୍ ଇଚାକିନାନ୍, ସାଦୁ ଆଜି ମାନାନ୍, କାତା ମାନିକିଜି ମାନାନ୍, ୱିଜୁଦିନ୍ ହାର୍ଦି କାମାୟ୍ କିଜି ଦୟା କିନାନ୍, ବାଟ୍‌ପାଣିଆ ଆୱାଦାଙ୍ଗ୍ ଆରେ ମାନାୟ୍ ହୁଡ଼୍‌ଜି ପା ବ୍ଯବହାର୍ କିଉନ୍।

୧ ପିତର 1:17

ଈଶ୍ୱର ୱିଜାକାର୍ କିତି କାମାୟ୍‌ତିଙ୍ଗ୍ ପୁନାନା, ଆରେ ହେୱାନ୍ ୱିଜାରିଙ୍ଗ୍ ହାମାନ୍ ବିଚାର୍ କିନାନ୍। ଏପେଙ୍ଗ୍ ଏଚେପାଦ୍ନା ଈଶ୍ୱରତିଙ୍ଗ୍ ଆବା ଇଞ୍ଜି ପାର୍ତାନା କିନାଦେରା, ହେପାଦ୍ନା ଏପେଙ୍ଗ୍ ଇ ପୁର୍ତିତାକେ ବିନ୍ ଦେସ୍‌ତାକେ ମାନିଲେକେ ଈଶ୍ୱରତିଙ୍ଗ୍ ପାଣ୍ଡ୍ରାଆଜି ଜିବୁନ୍ କାଟିକିନି ଦର୍‌କାର୍।

୧ ପିତର 2:2

ଏପେଙ୍ଗ୍ ପୁନ୍-ପୁନ୍ ଜନମ୍ ଆତି କଗେହିମ୍‌ଣା ଲେକେ ଆଡ, ହେୱାନ୍ ଆପ୍‌କା ତେହି ମାଁୟ୍ ନେ ଉଣ୍ଡେଙ୍ଗ୍ ଇଚାକିନାନ୍। ହେଲେକେ ଏପେଙ୍ଗ୍ ପା ଈଶ୍ୱର କାତାତିଙ୍ଗ୍ ହିକାଆଦେଙ୍ଗ୍ ଇଚାକିନି ଦର୍‌କାର୍, ଆରେ ଏପେଙ୍ଗ୍ ଗାଜା କାଦେର୍ ଆନାଦେର୍। ଲାଗିଙ୍ଗ୍ ସେସ୍ ୱେଡ଼ାଙ୍ଗ୍ ଈଶ୍ୱର ମିଙ୍ଗେଙ୍ଗ୍ ପୁରାପୁରି ବାବ୍‌ରେ ଇ ପୁର୍ତିନି କରାପ୍ ଜିନିଷ୍‌ତାଙ୍ଗ୍ ଉଦାର୍ କିଦ୍‌ନାନ୍।

ଜିହୁଦା 1:23

ଜେକନିକାରିଙ୍ଗ୍ ନାଣିନି ଦଣ୍ଡ୍‌ତାଙ୍ଗ୍ ହେଦାପ୍ରେ ଉନ୍‌ନ୍ଦି ଅତିଲେକେ ଉଦାର୍ କିୟାଟ୍। ଇଲେକେ କେତେକ୍ ମାନାୟ୍ ମାନାର୍, ହେୱାରିଙ୍ଗ୍ ଏପେଙ୍ଗ୍ ଦୟାକିନି ଦର୍‌କାର୍, ମାତର୍ ହେୱାର୍‌ତାଙ୍ଗ୍ ଏପେଙ୍ଗ୍ ଜାଗ୍ରତ୍ ଆଜି ମାନାଟ୍। ହେୱାର୍ ପାପ୍‌ନି କାମାୟ୍ ତା ହେନ୍ଦ୍ରାତିଙ୍ଗ୍ ତୁକେର୍ କିତାତ୍‌ନା, ଏପେଙ୍ଗ୍ ହେ ପାପ୍‌ନି ହେନ୍ଦ୍ରାତିଙ୍ଗ୍ ଗିଣ୍ କିୟାଟ୍।

ହତ୍‌ତି 3:19

ଆନେଙ୍ଗ୍ ଇନେରିଙ୍ଗ୍ ଲାଡ୍ କିନାଙ୍ଗା ତାଙ୍ଗେଙ୍ଗ୍ ହିକାୟ୍ କିନାଙ୍ଗ୍ ଆରେ ଦନ୍ ହିନାଙ୍ଗ୍, ଲାଗିଙ୍ଗ୍ ହେୱାର୍ ହାର୍ଦି ମାନାୟାର୍ ଆନାର୍। ଲାଗିଙ୍ଗ୍ ଏପେଙ୍ଗ୍ ହାର୍ କାମାୟ୍ କିୟାଟ୍ ଆରେ ପାପ୍ କାମାୟ୍ କିନାକା ବନ୍ଦ୍ କିୟାଟ୍।”