୨ କରନ୍ତିୟ 6:10 - New Testament in Pengo Parja Language

¹⁰ ଆପେଙ୍ଗ୍ ବେସି ଦୁଃକ୍‌ତ ମାନାପ୍, ମାତର୍ ଆପେଙ୍ଗ୍ ୱିଜୁଦିନ୍ ୱାରି କିନାପା। ଆପେଙ୍ଗ୍ ଗରିବ୍, ମାତର୍ ଆପେଙ୍ଗ୍ ପବିତ୍ର ଆତ୍ମାନି ଦନ୍ ଜେକନିକାରିଙ୍ଗ୍ ହିନାପା। ଆପେଙ୍ଗ୍ ଆର୍ଜା ଆୱାତାପ୍‌ନା ମାତର୍ ମା ତାକେ ୱିଜୁ ଜିନିଷ୍ ମାନାତ୍।

ସତ୍‌ ବଚନ୍‌ ପୁନି ନିୟମ୍‌

¹⁰ ଆୱିତିସ୍‌ ହାତି ଲାକେ, ଅର୍କିତ୍‌ ଲାକେ, ମତର୍‌ ନିତ୍ରେ ଦୁକ୍‌କିନାକା, ଇନାକା ହିଲ୍‌ୱାକାର୍‌ ଲାକେ, ମତର୍‌ ହେନି କାଜିଂ ଦାନ୍‌ ହିନି ଲକୁ ଲାକେ, ମୁଡ଼୍‌କେ ପୁନ୍‌ୱାତାକା ଲାକେ, ଆୱିତିସ୍‌ ୱିଜ଼ୁତିଂ ଆଦିକାରି; ଇ ୱିଜ଼ାର୍‌ତ ଆପ୍‌ ଇସ୍ୱର୍ତି ହେବାକାରିୟାର୍‌ ଲାକେ ଜାର୍‌ ଜାର୍‌ତି ଜଗ୍‌ ଇଞ୍ଜି ହପ୍‌ନାପା ।

୨ କରନ୍ତିୟ 6:10 Iomraidhean Croise

ମାତିଉ 5:12

ଲାଗିଙ୍ଗ୍ ୱାରି କିୟାଟ୍ ଆରେ ସାର୍‌ଦା ଆଡୁ, ଇନେସ୍‌କି ମି କାଜିଙ୍ଗ୍ ସରଗ୍‌ତାକେ ଗାଜା ପୁରଷ୍କାର୍ ମାନାତ୍। ହେଲେକେନେ ହେୱାର୍ ଆଗେନି ଭବିଷ୍ଯତବକ୍ତାରିଙ୍ଗ୍ ପା ଇନସ୍ତାକିଜି ମାଚାର୍।

ମାତିଉ 5:4

ଇମ୍‌ଣାକାର୍ ନଙ୍ଗୟ୍ ଦୁକ୍ ପାୟାଆନାର୍‌ ହେୱାର୍ ପାଚେ ୱାରିୟା ଆନାର୍, ଇନେସ୍‌କି ଈଶ୍ୱର ହେୱାରିଙ୍ଗ୍ ଶାନ୍ତି ହିନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:21

ନଙ୍ଗୟ୍ ନାସ୍‌କି ନିକାର୍ ହେୱାର୍ ଆଶ୍ରିବାଦ୍ ପାୟାଆନାର୍‌। ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ହାର୍ଦି କାଦିହିଜି ପଟ ପାଞ୍ଜିକିଦ୍‌ନାନ୍‌। ଆରେ ନଙ୍ଗୟ୍ ଆଡ଼୍‌ବାନାର୍ ହେୱାର୍ ଆଶ୍ରିବାଦ୍ ପାୟାଆନାର୍‌। ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ୱାରି ହିଦ୍‌ନାନ୍।

ଜହନ୍‌ 16:22

ହେଲେକେ ଏପେଙ୍ଗ୍ ନଙ୍ଗୟ୍ ଦୁକ୍ ପାୟା ଆତାଦେର୍‌ନା। ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ଆରେ ଗିଟା ଆଦ୍‌ନାଙ୍ଗ୍‌, ଆରେ ଏପେଙ୍ଗ୍ ୱାରିଆ ଆନାଦେର୍। ଆରେ ମି ୱାରି ଆନାକାଦିଙ୍ଗ୍ ଇନେର୍ କିସ୍ତି ଅଦେଙ୍ଗ୍ ଆଡୁର୍।

ପକ୍ୟାତାକା 16:25

ପାକାପାକି ମାଦିମାଦାନାଣା, ପାଉଲ ଆରେ ଶିଲା ଈଶ୍ୱର ଲାଗାୟ୍ ପାର୍ତାନା କିଜି କେର୍‌କଣ୍ କେର୍‌ଜି ମାଚାର୍। ଆରେ ହେବେ ବନ୍ଦି ଆତାକାର୍ ୱେନ୍‌ଞ୍ଜି ମାଚାର୍।

ପକ୍ୟାତାକା 3:6

ମାତର୍ ପିତର ୱେଚ୍‌ଚାନ୍, “ରୁପା କି ହନା ନାଙ୍ଗେଙ୍ଗ୍ ହିଲୁତ୍, ମାତର୍ ନାଙ୍ଗେଙ୍ଗ୍ ଇନାକା ମାନାତ୍, ହେଦାଙ୍ଗ୍ ଆନେଙ୍ଗ୍ ନିଙ୍ଗେଙ୍ଗ୍ ହିଦ୍‌ନାଙ୍ଗ୍। ନାଜରିତିୟ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ନିଙ୍ଗ୍‌ଞ୍ଜି ତାଙ୍ଗା।”

ପକ୍ୟାତାକା 5:41

ବାଚିକିତି ଚେଲାହିର୍ ହେ ବିଚାର୍‌କିନି ମିଟିଙ୍ଗ୍ ଇଞ୍ଜାଙ୍ଗ୍ ୱାରିଆଜି ହାଚାର୍। ଇନେସ୍‌କି ଯୀଶୁ ତର୍‌ କାଜିଙ୍ଗ୍ ଦୁକ୍‌କଷ୍ଟ ପାୟାଆନି ଜଗ୍ଯ ଇଞ୍ଜି ହେୱାର୍ ପୁନ୍‌ଞ୍ଜି ମାଚାର୍।

ରୋମିୟ 11:12

ଯଦି ଯିହୁଦି ଜାତିନି ମାନାୟାର୍ ଈଶ୍ୱର କାତାତିଙ୍ଗ୍ ମାନିକିୱିତି କାଜିଙ୍ଗ୍, ବିନ୍‌ଜାତିନି ମାନାୟାର୍ କାଜିଙ୍ଗ୍ ବେସି ହାର୍ ଆତାତ୍। ଲାଗିଙ୍ଗ୍ ଯିହୁଦି ଜାତିନି ମାନାୟାର୍ ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିଜି ଈଶ୍ୱର କାତାତିଙ୍ଗ୍ ମାନିକିନାର୍, ବିନ୍‌ଜାତିନି ମାନାୟାର୍ ଆରେ ବେସି ଆଶ୍ରିବାଦ୍ ପାୟାଆନାର୍‌।

ରୋମିୟ 12:15

ଏଚେପାଦ୍ନା ମାନାୟାର୍ ୱାରି କିନାର୍, ଲାଗିଙ୍ଗ୍ ଏପେଙ୍ଗ୍ ପା ହେୱାର୍ ହୁଦାଙ୍ଗ୍ ମାହାଆଜି ୱାରି କିୟାଟ୍। ଆରେ ଯଦି ହେୱାର୍ ଦୁଃକ୍ ଆନାରା, ଲାଗିଙ୍ଗ୍ ଏପେଙ୍ଗ୍ ପା ହେୱାର୍ ହୁଦାଙ୍ଗ୍ ଦୁଃକ୍ ଆଡ।

ରୋମିୟ 15:13

ଲାଗିଙ୍ଗ୍ ଆହା ହିଦ୍‌ନି ଈଶ୍ୱରତିଙ୍ଗ୍ ପାର୍ତାନା କିନାଙ୍ଗା ଯେ, ଏପେଙ୍ଗ୍ ତାଙ୍ଗେଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ହେୱାନ୍ ମିଙ୍ଗେଙ୍ଗ୍ ୱାରି କିଦେନ୍, ଆରେ ମିଙ୍ଗେଙ୍ଗ୍ ଶାନ୍ତି ହିଦେନ୍। ଏପେଙ୍ଗ୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆଦିକ୍ ତାଙ୍ଗେଙ୍ଗ୍ ଆହାକିନି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ସାଇଜ କିଦେନ୍।

ରୋମିୟ 8:32

ଈଶ୍ୱର ତା ମେହିଙ୍ଗ୍ ନେ ତାବେ ଇଟ୍‌ୱାତାନ୍‌, ମାତର୍ ମା କାଜିଙ୍ଗ୍ ତାଙ୍ଗେଙ୍ଗ୍ ଶତ୍ରୁ କେଇଦ ହିତାନ୍, ଲାଗିଙ୍ଗ୍ ହେୱାନ୍ ପାର୍ମାଣ୍‌କିତି ୱିଜୁ ଜିନିଷ୍ ପା ମାଙ୍ଗେଙ୍ଗ୍ ଆଶ୍ରିବାଦ୍ କିତାନ୍।

୧ କରନ୍ତିୟ 1:5

ଏପେଙ୍ଗ୍ ଯୀଶୁ ଖ୍ରୀଷ୍ଟ ହୁଦାଙ୍ଗ୍ ଏକ୍ ଆଜିମାଚି କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ବେସି ଆଶ୍ରିବାଦ୍ କିତ୍‌ତାନ୍‌ନା। ହେଦାଙ୍ଗ୍ ଇଲେକେ ଆଶ୍ରିବାଦ୍ ଯେ, ଏପେଙ୍ଗ୍ ଈଶ୍ୱରତି ହାର୍ଦିକାବୁର୍‌ତିଙ୍ଗ୍ ଜେକନିକାରିଙ୍ଗ୍ ୱେଚ୍‌ନି ଶାକ୍ତିତିଙ୍ଗ୍ ପାୟା ଆତାଦେର୍‌ନା, ଆରେ ତା କାତାତିଙ୍ଗ୍ ବୁଜା ଆଦେଙ୍ଗ୍ ଆଡ୍‌ନାଦେରା।

୨ କରନ୍ତିୟ 2:4

ଆନେଙ୍ଗ୍ ମିଙ୍ଗେଙ୍ଗ୍ ଇ ଚିଟି ଲେକିକିନିହିଙ୍ଗ୍ ବେସି ଦୁଃକ୍ ଆରେ କଷ୍ଟ ପାୟାଆଜି ଆଡ଼୍‌ବି ମାଚାଙ୍ଗ୍। ହେଦାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଦୁଃକ୍ ହିଦ୍‌ଦେଙ୍ଗ୍ ଇଚା କିୱାଦାଙ୍ଗ୍ ମାଚାଙ୍ଗ୍, ମାତର୍ ଆନେଙ୍ଗ୍ ମିଙ୍ଗେଙ୍ଗ୍ କେତେକ୍ ଲାଡ୍ କିଦ୍‌ନାଙ୍ଗା ହେଦାଙ୍ଗ୍ ୱେଚ୍‌ଚିନି କାଜିଙ୍ଗ୍ ଇଚା କିଜି ମାଚାଙ୍ଗ୍।

୨ କରନ୍ତିୟ 4:15

ଆପେଙ୍ଗ୍ ଇ ୱିଜୁ ଦୁଃକ୍ କଷ୍ଟ ମି ଲାବ୍ କାଜିଙ୍ଗ୍ ପାୟାଆନାପା। ଲାଗିଙ୍ଗ୍ ଈଶ୍ୱର ବେସି ଦୟା କିଦ୍‌ନାନ୍ ଇଞ୍ଜି ଆଦିକ୍‌ତାଙ୍ଗ୍ ଆଦିକ୍ ମାନାୟାର୍ ପୁନାର୍ ଆରେ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାର୍, ଆରେ ପା ହେୱାର୍ ଈଶ୍ୱରତିଙ୍ଗ୍ ଆଦିକ୍ ଜୟ୍-ଜୟ୍ କିନାର୍ ଆରେ ହେୱାନ୍ ହେୱାର୍‌ତାଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ଗୌରବ ପାୟା ଆନାନ୍।

୨ କରନ୍ତିୟ 4:7

ଆସେଙ୍ଗ୍ ବେଗି ନଷ୍ଟ ଆନି ର ଚିକ୍‍ଲା ଟାଣ୍ଡିଲେକେ ମାନାସ୍। ଆରେ ମା ବିତ୍ରେ ଦାମ୍‌ଦି ଦନ୍ ଅଜଡ଼୍‌ଲେକେ ଖ୍ରୀଷ୍ଟତି ହାର୍ଦିକାବୁର୍ ମାନାତା, ଲାଗିଙ୍ଗ୍ ହେଦାଙ୍ଗ୍ ମାଙ୍ଗେଙ୍ଗ୍ ପୁନି କିଦ୍‌ନାତା ଯେ, ମା ବିତ୍ରେ ମାନି ଶାକ୍ତି ମାଦାଙ୍ଗ୍ ଆକାୟ୍ ମାତର୍ ହେଦାଙ୍ଗ୍ ଈଶ୍ୱରତି ଗାଜା ଶାକ୍ତି।

୨ କରନ୍ତିୟ 8:9

ଏପେଙ୍ଗ୍ ପୁଚାଦେର୍‌ନା ଯେ, ମା ମାପୃ ଯୀଶୁ ଖ୍ରୀଷ୍ଟ ନିଜେ ଇଚା କିଜି ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା। ହେୱାନ୍ ଗରିବ୍ ଆତି କାଜିଙ୍ଗ୍ ଆସେଙ୍ଗ୍ ହାଉକାର୍ ଆୟା ଆନାତ୍, ଲାଗିଙ୍ଗ୍ ହେୱାର୍ ହାଉକାର୍ ମାଚିସ୍ ପା ହେୱାନ୍ ମା କାଜିଙ୍ଗ୍ ଗରିବ୍ ଆଜି ମାଚାନ୍।

ଏପିସିୟ 3:16

ଆନେଙ୍ଗ୍ ଇଦାଙ୍ଗ୍ ପାର୍ତାନା କିନାଙ୍ଗା ଯେ ତା ଗୌରବନି ଦନ୍ ତା ଆତ୍ମାତାଙ୍ଗ୍ ମି ଆତ୍ମା ଶାକ୍ତି ଆୟେତ୍।

ଏପିସିୟ 3:8

ଈଶ୍ୱର ୱିଜୁ ମାନାୟାର୍ ବିତ୍ରେ ଆନେଙ୍ଗ୍ ରକାଙ୍ଗ୍ ହିରୁକାଙ୍ଗ୍। ମାତର୍ ବିନ୍‌ଜାତିନି ମାନାୟାରିଙ୍ଗ୍ ଖ୍ରୀଷ୍ଟତାକେ ମାନି ୱିଜ୍‌ୱି ହେବାକିନି ବାବ୍‌ନାତାଙ୍ଗ୍ ଆଦିକ୍ ଆଶ୍ରିବାଦ୍‌ନି ହାର୍ଦିକାବୁର୍ ଆନେଙ୍ଗ୍ ୱେଚ୍‌ଚେଙ୍ଗ୍ ଆଡ୍‌ନାଙ୍ଗ୍।

ପିଲିପିୟ 2:17

ଆନେଙ୍ଗ୍ ଏଚେପାଦ୍ନା ମିଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦ୍‌ନାଙ୍ଗ୍ ହେପାଦ୍ନା ଏପେଙ୍ଗ୍ ମାପୃ ଯୀଶୁଙ୍ଗ୍ ପାର୍ତି କିତାଦେର୍, ଆରେ ତା ପୁଜା କିଦେଙ୍ଗ୍ ଏପେଙ୍ଗ୍ ଜାର୍‌ତିଙ୍ଗ୍ ହିୟାଆତାଦେର୍। ଲାଗିଙ୍ଗ୍ ନାଙ୍ଗେଙ୍ଗ୍ ଯଦି ହାର୍ଦିକାବୁର୍ ଶୁଣାୟ୍ କିଦ୍‌ନାନା ଇଞ୍ଜି ମାର୍ନେ ଅସ୍ତାନାର୍, ଆନେଙ୍ଗ୍ ୱାରି ଆନାଙ୍ଗ୍ ଆରେ ମିହୁଦାଙ୍ଗ୍ ୱାରି କିନାଙ୍ଗ୍।

ପିଲିପିୟ 4:4

ଏପେଙ୍ଗ୍ ୱିଜୁଦିନ୍ ମାପୃତାକେ ୱାରିଆଜି ମାନାଟ୍। ଆନେଙ୍ଗ୍ ଆରେରଗ ୱେଚ୍‌ଚାନାଙ୍ଗା ୱାରିଆଜି ମାନାଟ୍।

କଲସିୟ 1:24

ଆନେଙ୍ଗ୍ ମି କାଜିଙ୍ଗ୍ କଷ୍ଟ ପାୟାଆତିଲେ ୱାରି ଆନାଙ୍ଗା। ଇନେସ୍‌କି ଖ୍ରୀଷ୍ଟ ଗାଗାଡ଼୍ ଲେକେ ମଣ୍ଡ୍‌ଲିତାକେ ଇନାକା ବାକି ମାଚାତ୍, ହେଦାଙ୍ଗ୍ ପୁରା କିଦେଙ୍ଗ୍ ଖ୍ରୀଷ୍ଟ ଇନେସ୍ କଷ୍ଟ ପାୟାଆଜି ମାଚାନ୍, ହେଲେକେ ଆନେଙ୍ଗ୍ ପା ନା ଗାଗାଡ଼୍‌ତ କଷ୍ଟ ପାୟାଆନାଙ୍ଗା।

କଲସିୟ 3:16

ଖ୍ରୀଷ୍ଟ ବିଷୟନି ହିକ୍ଷାତିଙ୍ଗ୍ ୱିଜୁଦିନ୍ ଚିନ୍ତା କିୟାଟ୍, ତା ପୁରା ଜ୍ଞାନ୍‌ତାଙ୍ଗ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ହିକାଇ କିବା ଆଡ ଆରେ ଜାଗ୍ରତ୍ କିବା ଆଡ। ଗିତସଙ୍ଗିତାନି କେର୍‌କଣ୍, ଈଶ୍ୱର ଭଜନ୍ କେର୍‌କଣ୍ କେର୍‌ଜି, ଖ୍ରୀଷ୍ଟାନ୍ କେର୍‌କଣ୍ କେର୍‌ଜି ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍।

୧ ଥେସଲନୀକିୟ 1:6

ଆରେ ବେସି ଦୁଃକ୍ କଷ୍ଟ ପାୟାଆଜି ମାଚିସ୍ ପା, ଏପେଙ୍ଗ୍ ପବିତ୍ର ଆତ୍ମା ହିତ୍‌ତି ହାର୍ଦିକାବୁର୍ ୱାରିୟା ଆଜି ଆସ୍ତାଦେର୍। ଆପେଙ୍ଗ୍ ଆରେ ମାପୃ କିତିଲେକେ ଏପେଙ୍ଗ୍ କିତାଦେର୍।

୧ ଥେସଲନୀକିୟ 5:16

ଏପେଙ୍ଗ୍ ୱିଜୁଦିନ୍ ୱାରି କିୟାଟ୍,

୧ ତିମତି 4:8

ଇନେସ୍‌କି ଏକ୍ସେସାଇଜ୍ କିତିସ୍ ଆପ୍‌କା ନି ଗାଗାଡ଼୍‌ତିଙ୍ଗ୍ ନେ ଲାବ୍ ଆନାତ୍। ମାତର୍ ଈଶ୍ୱର ଇଚାତାଙ୍ଗ୍ ଜିବୁନ୍ କାଟିକିତିସ୍‌ ଈଶ୍ୱର ଇମ୍‌ଣି ଜିବୁନ୍ ହିଦ୍‌ଦେଙ୍ଗ୍ ପାର୍ମାଣ୍ କିତ୍‌ତାନ୍‌ନା, ହେଦାଙ୍ଗ୍ ନଙ୍ଗୟ୍‌ନି ଯୁଗ୍‌ଦ ଆରେ ୱାନି ଯୁଗ୍‌ଦ ଏନେଙ୍ଗ୍ ହେ ଜିବୁନ୍ ପାୟାଆନାୟ୍।

୧ ତିମତି 6:18

ଆରେ ଜେକନିକାରିଙ୍ଗ୍ ଉପ୍‌କାର୍ କିଜି ୱିଜୁ ସତ୍ କାମାୟ୍‌ତାଙ୍ଗ୍ ହାଉକାର୍ ଆନାର୍ ଆରେ ମେଲାଆତିୟା ଆଜି ଆରେ ଦୟାନି ମାନ୍‌ତାଙ୍ଗ୍ ଦାନ୍ ହିଦେଙ୍ଗ୍ ହେୱାରିଙ୍ଗ୍ ଆଦେସ୍ ହିୟାଟ୍।

ଏବ୍ରି 10:34

ଜଇଲ୍ ଇଞ୍ଜ ମାନି ମାନାୟାର୍ କଷ୍ଟ ହୁଦାଙ୍ଗ୍ ଏପେଙ୍ଗ୍ ମାହାଆଜି କଷ୍ଟ ପାୟାଆତାଦେର୍। ମି ଦନ୍‌ସମ୍ଫତି ମାନାୟାର୍ ଚର୍‌କିଜି ଅନିହିଙ୍ଗ୍, ଏପେଙ୍ଗ୍ ଇଦାଙ୍ଗ୍‌ତିଙ୍ଗ୍ ୱାରିତାଙ୍ଗ୍ ଆସ୍ତାଦେର୍। ଇନେସ୍‌କି ଈଶ୍ୱର ପାର୍ମାଣ୍‌କିତି ସମ୍ଫତି ବେସି ହାର୍ ଆରେ ୱିଜୁଦିନ୍ ମାନ୍‌ଗାନାତ୍ ଇଞ୍ଜି ଏପେଙ୍ଗ୍ ପୁଚାଦେର୍‌ନା।

ଜାକ୍‌ବ 2:5

ଏ ନା ପାର୍ତିକିନି ଟଣ୍ଡାର୍‌କାଦେର୍ ୱେନାଟ୍, ଈଶ୍ୱର ଗରିବ୍ ମାନାୟାରିଙ୍ଗ୍ ପାର୍ତିତାଙ୍ଗ୍ ହାଉକାର୍ ଆଦେଙ୍ଗ୍ ଇ ପୁର୍ତିତାଙ୍ଗ୍ ବାଚି କିତାନ୍‌ନା। ଆରେ ଈଶ୍ୱରତିଙ୍ଗ୍ ଲାଡ୍‌କିନି ମାନାୟାରିଙ୍ଗ୍ ଇମ୍‌ଣି ରାଜି ବିଷୟରେ ପାର୍ମାଣ୍ କିତାନ୍‌ନା, ଇ ମାନାୟାର୍ ହେ ରାଜିନି ଆଦିକାର୍ ଆନାର୍।

୧ ପିତର 4:13

ଏପେଙ୍ଗ୍ ୱାରି କିୟାଟ୍ ଯେ, ଖ୍ରୀଷ୍ଟ ଦୁଃକ୍ କଷ୍ଟ ପାୟା ଆତିଲେକେ ଏପେଙ୍ଗ୍ ପା ପାୟାଆନାଦେରା। ଇନେସ୍‌କି ଖ୍ରୀଷ୍ଟ ତା ଗୌରବ ୱିଜାକାରିଙ୍ଗ୍ ପୁନିକିଦେଙ୍ଗ୍ ଏଚେପାଦ୍ନା ଆରେରଗ ୱାନାନ୍, ଏପେଙ୍ଗ୍ ଆଦିକ୍ ୱାରିୟା ଆନାଦେର୍।

ହତ୍‌ତି 2:9

“ଆନେଙ୍ଗ୍ ପୁଚାଙ୍ଗ୍‌ନା ଯେ, ମାନାୟାର୍ ମିଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାରା ଆରେ ଏପେଙ୍ଗ୍ ଗରିବ୍। ମାତର୍ ଏପେଙ୍ଗ୍ ଗରବ୍‌ତାକେ ହାଉକାର୍। ଆନେଙ୍ଗ୍ ପୁଚାଙ୍ଗ୍‌ନା ଯେ, ଇମ୍‌ଣି ଯିହୁଦି ଜାତିନି ମାନାୟାର୍ ଜାର୍‌ତିଙ୍ଗ୍ ଈଶ୍ୱର ବାଚି କିତ୍‌ତି ମାନାୟ୍ ଇଞ୍ଜି ଚଞ୍ଜିଆ ଆନାରା, ମାତର୍ ହେୱାର୍ ଆକାୟ୍। ହେୱାର୍ ମି ବିରଦ୍‌ତାକେ କରାପ୍ କାତା ଇନାରା, ଇନେସ୍‌କି ହେୱାର୍ ଶୟତାନ ଦଳ୍‌ନି ମାନାୟାର୍।

ହତ୍‌ତି 21:7

ଇମ୍‌ଣି ମାନାୟାର୍ ଶୟତାନତିଙ୍ଗ୍ ଆରାୟ୍ କିଜି ଜିତାଆଜି ମାନାର୍, ହେୱାର୍ ଇ ୱିଜୁ ଆଶ୍ରିବାଦ୍‌ତିଙ୍ଗ୍ ପାୟାଆନାର୍‌, ଆନେଙ୍ଗ୍ ହେୱାର୍ ଈଶ୍ୱର ଆନାଙ୍ଗ୍ ଆରେ ହେୱାର୍ ନା ହିମ୍‌ଣାୱାକ୍‌ଡ଼ା ଆନାର୍।