୨ କରନ୍ତିୟ 5:4 - New Testament in Pengo Parja Language

⁴ ମା ହାଃନି ଗାଗାଡ଼୍ ମାଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାତା। ମାତର୍ ଆସେଙ୍ଗ୍ ପୁର୍ତିତାକେ ମାନି ଗାଗାଡ଼୍‌ତିଙ୍ଗ୍ ପିସ୍ତେଙ୍ଗ୍ ଇଚା କିଉସା, ଆସେଙ୍ଗ୍ ଇଚା କିନାସା ଯେ, ଈଶ୍ୱର ମାଙ୍ଗେଙ୍ଗ୍ ସରଗ୍‌ନି ଗାଗାଡ଼୍ ହିଦେନ୍। ଲାଗିଙ୍ଗ୍ ମା ପୁନି ଗାଗାଡ଼୍, ମା ହାଃନି ଗାଗାଡ଼୍‌ତିଙ୍ଗ୍ ୱିଜୁଦିନ୍ କାଜିଙ୍ଗ୍ ବାଦ୍‌ଲାୟ୍ କିନାତ୍।

ସତ୍‌ ବଚନ୍‌ ପୁନି ନିୟମ୍‌

⁴ ଇନାକିଦେଂକି ଆସେଙ୍ଗ୍‌ ଇ ତୁମ୍‌ତ ବାହା କିଜ଼ି ୱାସ୍ତି ଆଡ଼୍‌ବାନାସା । ଲାଗିଂ ଆପ୍‌ ଜେ ଉସ୍‌ପେଦେଂ ପିସ୍ତେଙ୍ଗ୍‌ ମାନ୍‌ କିନାସ୍‌, ହେଦାଂ ଆକାୟ୍‌, ମତର୍‌ ଜିବୁନ୍‌ ଇନେସ୍‌ ପୁର୍ତିତିଂ ଗୁହ୍‌ନାତ୍‌, ଇଦାଂ କାଜିଂ ଇ ହେନ୍ଦ୍ରା ଜପି ବିନ୍‌ ହେନ୍ଦ୍ରା ଉସ୍‌ପେଦେଂ ଆସେଙ୍ଗ୍‌ ଇଚା କିନାସା ।

୨ କରନ୍ତିୟ 5:4 Iomraidhean Croise

ରୋମିୟ 8:23

ଆରେ ଇ ପୁର୍ତି ୱାରା ହେଲେକେ କଷ୍ଟ ପାୟା ଆଉତା, ମାତର୍ ମାଙ୍ଗେଙ୍ଗ୍ ଈଶ୍ୱର ତା ପବିତ୍ର ଆତ୍ମା ପାର୍ମାଣ୍‌କିତି ଚିନ୍‌ଲେକେ ହିତ୍‌ତାନ୍‌ନା। ଆରେ ମା ଗାଗାଡ଼୍ ବିତ୍ରେ ଦୁଃକ୍ କଷ୍ଟ ପାୟାଆନାସା, ଆରେ ଆସେଙ୍ଗ୍ ପା ହେ ଦିନ୍‌ତିଙ୍ଗ୍ ମୁକ୍ତି ପାୟା ଆଦେଙ୍ଗ୍ ବେସି ଆହା କିଜି କାତାସ୍‌ନା। ଈଶ୍ୱର ଏଚେପାଦ୍ନା ମାଙ୍ଗେଙ୍ଗ୍ ତା ହିମ୍‌ଣା ଆଦେଙ୍ଗ୍ ପୁରା ଅଦିକାର୍ ହିଦ୍‌ନାନ୍। ଆରେ ଇମ୍‌ଣି ପୁନି ଗାଗାଡ଼୍ ହିଦ୍‌ନାଙ୍ଗ୍ ଇଞ୍ଜି ପାର୍ମାଣ୍ କିଜି ମାଚାନ୍ ହେଦାଙ୍ଗ୍ ପୁରା କିନାନ୍।

୧ କରନ୍ତିୟ 15:51

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ର ଚାନିଆଆନି ଡ଼ୁକ୍‌ତି ବିଷୟ ୱେଚ୍‌ଚେଦେଙ୍ଗ୍ ଇଚା କିନାଙ୍ଗା। ଆସେଙ୍ଗ୍ ୱିଜାକାସ୍ ହାଃଉସ୍, ମାତର୍ ଈଶ୍ୱର ମା ଗାଗାଡ଼୍‌ନି ରୁପ୍‌ତିଙ୍ଗ୍ ବାଦ୍‌ଲାୟ୍ କିନାନ୍‌।

୨ କରନ୍ତିୟ 5:2

ଆସେଙ୍ଗ୍ ନଙ୍ଗୟ୍ ଇ ଗାଗାଡ଼୍ କାଜିଙ୍ଗ୍ ବେସି ଦୁଃକ୍ କଷ୍ଟ ପାୟାଆନାସା, ଆରେ ଆସେଙ୍ଗ୍ ର ପୁନି ହେନ୍ଦ୍ରା ଉସ୍‌ପିତିଲେକେ ସରଗ୍‌ନି ପୁନି ଗାଗାଡ଼୍‌ତିଙ୍ଗ୍ ଉସ୍‌ପେଦେଙ୍ଗ୍ ହେ ଦିନ୍‌ତିଙ୍ଗ୍ କାନାସା।

୨ କରନ୍ତିୟ 5:3

ଏଚେପାଦ୍ନା ଆସେଙ୍ଗ୍ ସରଗ୍‌ନି ଗାଗାଡ଼୍‌ତିଙ୍ଗ୍ ପାୟାଆନାସ୍, ହେପାଦ୍ନା ଆସେଙ୍ଗ୍ ହେନ୍ଦ୍ରା ଉସ୍‌ପିତିଲେକେ ମା ଗାଗାଡ଼୍ ଚଞ୍ଜ୍‌ନାତ୍‌।

୨ ପିତର 1:13

ମା ମାପୃ ଯୀଶୁ ଖ୍ରୀଷ୍ଟ ନାଙ୍ଗେଙ୍ଗ୍ ପୁରା କିଲେର୍ ବାବ୍‌ରେ ୱେଚ୍‌ଚାତାନ୍‌ନା ଯେ, ଆନେଙ୍ଗ୍ ହାଃନାକା ଏକିୱାନାତା। ଲାଗିଙ୍ଗ୍ ଆନେଙ୍ଗ୍ ଜିବୁନ୍ ମାନିହିଙ୍ଗ୍, ମିଙ୍ଗେଙ୍ଗ୍ ଇ ୱିଜୁ ବିଷୟରେ ଏତୁ କିୟିକିଦ୍‌ନାକା, ଆନେଙ୍ଗ୍ ଟିକ୍ ଇଞ୍ଜି ବାବିକିନାଙ୍ଗା।