୨ କରନ୍ତିୟ 5:16 - New Testament in Pengo Parja Language

¹⁶ ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ଇ ପୁର୍ତିନି ମାନାୟାର୍ ବୁଦି ଅନୁସାରେ ଜେକନିକାରିଙ୍ଗ୍ ବିଚାର୍ କିନାକା ବନ୍ଦ୍ କିତାପ୍। ରଗ ଆନେଙ୍ଗ୍ ଖ୍ରୀଷ୍ଟ ବିଷୟରେ ବୁଲ୍ ବାବିକିଜି ମାଚାଙ୍ଗ୍, ହେୱାନ୍ ରକାନ୍ ନାର୍‌ ମାନାୟ୍, ମାତର୍ ଆନେଙ୍ଗ୍ ନଙ୍ଗୟ୍ ତା ବିଷୟରେ ଅଲ୍‌ଗା ବାବିକିନାଙ୍ଗା।

ସତ୍‌ ବଚନ୍‌ ପୁନି ନିୟମ୍‌

¹⁶ ଲାଗିଂ ନେଜେଙ୍ଗ୍‌ତାଂ ଆପ୍‌ ଗାଗାଡ଼୍‌ ଇସାବେ ଇନେରିଂ ବିଚାର୍‌ କିଉପା, ଆତିସ୍‌ପା କ୍ରିସ୍ଟତିଂ ଗାଗାଡ଼୍‌ ଇସାବେ ଆପ୍‌ ବିଚାର୍‌ କିନାପା, ଆତିସ୍‌ପା ନଙ୍ଗ୍‌ ଆରେ ତାଙ୍ଗେଙ୍ଗ୍‌ ହେ ଲାକେ ବିଚାର୍‌ କିଉପା ।

୨ କରନ୍ତିୟ 5:16 Iomraidhean Croise

ମାତିଉ 10:37

ଇନେର୍ ପା ଆବା କି ଆୟା ନା ତାକେତାଙ୍ଗ୍ ଆଦିକ୍ ଲାଡ୍ କିନାନ୍, ହେୱାନ୍ ନା ଚେଲା ଆଦେଙ୍ଗ୍ ଆଡୁନ୍। ମାତର୍ ଇନେର୍ ମେହିଙ୍ଗ୍ କି କଇଙ୍ଗ୍ ନା ତାକେତାଙ୍ଗ୍ ଆଦିକ୍ ଲାଡ୍ କିନାନ୍, ହେୱାନ୍ ନା ଚେଲା ଆଦେଙ୍ଗ୍ ଆଡୁନ୍।

ଜହନ୍‌ 15:14

ଏପେଙ୍ଗ୍ ଆନେଙ୍ଗ୍ ୱେଚ୍‌ଚିତି ଲେକେ କାମାୟ୍ କିୟାଟ୍, ଲାଗିଙ୍ଗ୍ ଏପେଙ୍ଗ୍ ନା ସାଙ୍ଗ ଆନାଦେର୍।

ଜହନ୍‌ 2:4

ଯୀଶୁ ୱେଚ୍‌ଚାନ୍, “ଏ ଆୟା, ଏନେଙ୍ଗ୍ ଇନା କିଦେଙ୍ଗ୍ ଇ ବିଷୟରେ ନାଙ୍ଗେଙ୍ଗ୍ ଇଞ୍ଜ୍‌ନାୟା? ନା ସମୟ୍ ନଙ୍ଗୟ୍ ପାତେକ୍ ୱାଉତେ।”

ଜହନ୍‌ 6:63

ଗାଗାଡ଼୍ ମାନାୟ୍‌ତିଙ୍ଗ୍ ଜିବୁନ୍ କିଦୁତ୍। ମାତର୍ ଈଶ୍ୱରଆତ୍ମା ଜିବୁନ୍ ହିଦ୍‌ନାତ୍। ଆନେଙ୍ଗ୍ ମିଙ୍ଗେଙ୍ଗ୍ ଇନାକା ୱେଚ୍‌ଚାତାଙ୍ଗ୍ ହେଦାଙ୍ଗ୍ ଆତ୍ମା, ଲାଗିଙ୍ଗ୍ ଇୱିଜୁ ବିଷୟ ଜିବୁନ୍ ହିଦ୍‌ନାତ୍।

ଜହନ୍‌ 8:15

ପୁର୍ତିନି ମାନାୟାରିଙ୍ଗ୍ ବିଚାର୍ କିତିଲେକେ ଏପେଙ୍ଗ୍ ନାଙ୍ଗେଙ୍ଗ୍ ବିଚାର୍ କିଦ୍‍ନାଦେରା। ମାତର୍ ଆନେଙ୍ଗ୍ ଇନେରିଙ୍ଗ୍ ପା ବିଚାର୍ କିଦୁଙ୍ଗା।

୨ କରନ୍ତିୟ 11:18

ଲାଗିଙ୍ଗ୍ ଜେକନିକାର୍ ଜାର୍ କାମାୟ୍ କିଜି ପାୟାଆତି କାଜିଙ୍ଗ୍ ବାଟ୍‌ପାଣ୍ ଆନାରା, ଯଦି ହେଦାଙ୍ଗ୍ ଟିକ୍ ଲାଗିଙ୍ଗ୍ ଆନେଙ୍ଗ୍ ପା ହେୱାର୍ ଲେକେ ବାଟ୍‌ପାଣ୍ ଆଦେଙ୍ଗ୍ ଆଡ୍‌ନାଙ୍ଗ୍।

ଗାଲାତିୟ 5:6

ସୁନତ ବିଦି ମାନିକିତିସ୍ କି କିୱିତିସ୍ ଇନା ମୁଲ୍ୟ ଆକାୟ୍, ଏଚେପାଦ୍ନା ଆପେଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତି କିନାପା। ଲାଗିଙ୍ଗ୍ ମୁଡ଼୍ ବିଷୟ ଆନାତା ଖ୍ରୀଷ୍ଟଙ୍ଗ୍ ପାର୍ତି କିନାସ୍, ହେଦାଙ୍ଗ୍ ଜେକନିକାରିଙ୍ଗ୍ ଲାଡ୍‌କିନି କାଜିଙ୍ଗ୍ ମାଙ୍ଗେଙ୍ଗ୍ ସାଇଜ କିଦ୍‌ନାତା।

ପିଲିପିୟ 3:4

ଏଲେଙ୍ଗ୍ ଆତିସ୍ ଆନେଙ୍ଗ୍ କିତି ଉପାଇତାଙ୍ଗ୍ ଆହା କିଦେଙ୍ଗ୍ ଆଡ଼୍‌ତାଙ୍ଗ୍‌ମା, ଯଦି ଇନେର୍ ମାନାୟ୍ କିତି ଉପାଇତାକେ ଆହା କିତିସ୍ ଆନେଙ୍ଗ୍ ହେଦାଙ୍ଗ୍‌ତାଙ୍ଗ୍ ଆଦିକ୍ ଆହା କିତାଙ୍ଗ୍‌ମା।

କଲସିୟ 3:11

ଇଦାଙ୍ଗ୍ କାଜିଙ୍ଗ୍ ବିନ୍‌ଜାତି କି ଯିହୁଦି ଜାତିର୍ ବିତ୍ରେ, ସୁନତ ବିଦି ମାନିକିନାକାର୍ କି ମାନିକିୱାକାର୍, ବାର୍ ଦେସ୍‌ତାକାର୍‌ କି ଆଦିବାସିନି ମାନାୟାର୍, ଦାସ୍ କି ଦାସ୍ ଆୱି ମାନାୟାର୍ ବିତ୍ରେ ଇନା ବେଦ୍‌ବାବ୍ ଆକାୟ୍। ମାତର୍ ଖ୍ରୀଷ୍ଟ ନେ ୱିଜୁତାଙ୍ଗ୍ ମୁକ୍ଯା ଆରେ ହେୱାନ୍ ତାଙ୍ଗେଙ୍ଗ୍ ପାର୍ତିକିନି ମାନାୟାର୍‌ତାକେ ବାହା କିନାନ୍।

ଜାକ୍‌ବ 3:17

ମାତର୍ ଈଶ୍ୱରତାଙ୍ଗ୍ ପାୟାଆତି ଜ୍ଞାନ୍ ପାର୍ତୁମ୍‌ ହେୱାନ୍ ପବିତ୍ର ଆଜି ମାନାନ୍। ରି ନମ୍ବର୍ ତାକେ ହେୱାନ୍ ଶାନ୍ତିଆଜି ମାଞ୍ଜେଙ୍ଗ୍ ଇଚାକିନାନ୍, ସାଦୁ ଆଜି ମାନାନ୍, କାତା ମାନିକିଜି ମାନାନ୍, ୱିଜୁଦିନ୍ ହାର୍ଦି କାମାୟ୍ କିଜି ଦୟା କିନାନ୍, ବାଟ୍‌ପାଣିଆ ଆୱାଦାଙ୍ଗ୍ ଆରେ ମାନାୟ୍ ହୁଡ଼୍‌ଜି ପା ବ୍ଯବହାର୍ କିଉନ୍।