୨ କରନ୍ତିୟ 4:11 - New Testament in Pengo Parja Language

¹¹ ଆପେଙ୍ଗ୍ ଯୀଶୁଙ୍ଗ୍ ହେବା କିନାପା, ଆରେ ତା ଜିବୁନ୍ ମା ହାଃନି ଗାଗାଡ଼୍‌ତାକେ ଚଚ୍‌ନି କାଜିଙ୍ଗ୍ ଆପେଙ୍ଗ୍ ୱିଜୁଦିନ୍ ହାଃନି ବିପତ୍‌ତାକେ ହାନାପା।

ସତ୍‌ ବଚନ୍‌ ପୁନି ନିୟମ୍‌

¹¹ ଇନାକିଦେଂକି ଜିସୁତି ଜିବୁନ୍‌ ଇନେସ୍‌ ମା ହାତି ଗାଗାଡ଼୍‌ତ ହନାତ୍‌, ଇଦାଂ କାଜିଂ ଆପ୍‌ ଜିବୁନ୍‌ ଆତିସ୍‌ପା ନିତ୍ରେ ଜିସୁତି କାଜିଂ ହାକି ମୁମ୍‌ଦ ହେଲାୟ୍‌ କିୱାତାପ୍‌ନା ।

୨ କରନ୍ତିୟ 4:11 Iomraidhean Croise

ରୋମିୟ 8:11

ଯୀଶୁଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ ହିତାନ୍, ହେ ପବିତ୍ର ଆତ୍ମା ମି ବିତ୍ରେ ମାନାତା। ହେୱାନ୍ ଇନେସ୍ କିଜି ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ ହିତାନ୍, ହେଲେକେ ମି ବିତ୍ରେ ମାନି ଆତ୍ମା, ମି ହାଃନି ଗାଗାଡ଼୍‌ତିଙ୍ଗ୍ ଆରେରଗ ଜିବୁନ୍ କିଦ୍‌ନାତ୍।

ରୋମିୟ 8:36

ଦାଉଦ ତା ସାସ୍ତର୍‌ତାକେ ଈଶ୍ୱରତିଙ୍ଗ୍ ଇଲେକେ ଇଚାନ୍‌ନା। “ୱିଜୁଦିନ୍ ମାନାୟାର୍ ମାଙ୍ଗେଙ୍ଗ୍ ମାର୍ନେ ଅସ୍ତେଦେଙ୍ଗ୍ ଉପାୟ୍ କିନାରା, ଆରେ ଆସେଙ୍ଗ୍ ମାର୍ନେ ଅହ୍‌ନି ମେଣ୍ଢାଲେକେ ଆତାସ୍‌ନା।”

୧ କରନ୍ତିୟ 15:31

ଏ ଟଣ୍ଡାର୍‌କାଦେର୍, ଆନେଙ୍ଗ୍ ପାର୍ମାଣ୍ କିଜି ୱେଚ୍‌ଚାନାଙ୍ଗା ଯେ, ଆନେଙ୍ଗ୍ ୱିଜୁଦିନ୍ ମାରାଣ୍ ମୁମ୍‌ଦ ହାନାଙ୍ଗା। ଆରେ ଆନେଙ୍ଗ୍ ଇଦାଙ୍ଗ୍ ହାର୍‌ଦାଙ୍ଗ୍ ପୁଚାଙ୍ଗ୍‌ନା ଯେ, ମା ମାପୃ ଯୀଶୁ ଖ୍ରୀଷ୍ଟ ନା କାଜିଙ୍ଗ୍ ଇଲେକେ କିନାନା, ଆରେ ଆନେଙ୍ଗ୍ ହେଦାଙ୍ଗ୍ କାଜିଙ୍ଗ୍ ବାଟ୍‌ପାଣ୍ ଆନାଙ୍ଗା।

୧ କରନ୍ତିୟ 15:49

ନଙ୍ଗୟ୍ ଆସେଙ୍ଗ୍ ଇ ପୁର୍ତିନି ମାନାୟାର୍ ଆଦମଲେକେ ଚଞ୍ଜ୍‌ନାସା ଇନେରିଙ୍ଗ୍ ଈଶ୍ୱର ଚିକ୍‌ଲାତାଙ୍ଗ୍ ରସ୍ତାନ୍‌ନା। ହେଲେକେ ରଦିନ୍ ୱାନାତ୍ ଆସେଙ୍ଗ୍ ଖ୍ରୀଷ୍ଟ ଲେକେ ଚଞ୍ଜ୍‌ନାସ୍, ଇନେର୍ ସରଗ୍‌ତାଙ୍ଗ୍ ୱାଜିମାଚାନ୍।

୨ କରନ୍ତିୟ 4:10

ଯୀଶୁ ଖ୍ରୀଷ୍ଟ ହାଃତିହିଙ୍ଗ୍ ଇମ୍‌ଣି ଦୁଃକ୍ କଷ୍ଟ ପାୟାଆଜି ମାଚାନ୍, ଆସେଙ୍ଗ୍ ପା ତା ଲେକେ ମା ଗାଗାଡ଼୍‌ତାକେ ୱିଜୁଦିନ୍ ଦୁଃକ୍ କଷ୍ଟ ପାୟାଆନାସା, ଲାଗିଙ୍ଗ୍ ମାନାୟାର୍ ମା କାମାୟ୍‌ତିଙ୍ଗ୍ ହୁଡ଼୍‌ଜି ଯୀଶୁ ଖ୍ରୀଷ୍ଟ କିଜି ମାଚାକା ପୁନାର୍।

୨ କରନ୍ତିୟ 4:12

ଆପେଙ୍ଗ୍ ୱିଜୁଦିନ୍ ମାରାଣ୍ ମୁମ୍‌ଦ ମାନାପା ଇନେସ୍‌କି ଆପେଙ୍ଗ୍ ପୁଚାପ୍‌ନା ଯେ, ମା ଇ କାମାୟ୍ କାଜିଙ୍ଗ୍ ମାଙ୍ଗେଙ୍ଗ୍ ୱିଜ୍‌ୱି ଜିବୁନ୍ ଗାଟାଆଦ୍‍ନାତ୍।

୨ କରନ୍ତିୟ 5:4

ମା ହାଃନି ଗାଗାଡ଼୍ ମାଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାତା। ମାତର୍ ଆସେଙ୍ଗ୍ ପୁର୍ତିତାକେ ମାନି ଗାଗାଡ଼୍‌ତିଙ୍ଗ୍ ପିସ୍ତେଙ୍ଗ୍ ଇଚା କିଉସା, ଆସେଙ୍ଗ୍ ଇଚା କିନାସା ଯେ, ଈଶ୍ୱର ମାଙ୍ଗେଙ୍ଗ୍ ସରଗ୍‌ନି ଗାଗାଡ଼୍ ହିଦେନ୍। ଲାଗିଙ୍ଗ୍ ମା ପୁନି ଗାଗାଡ଼୍, ମା ହାଃନି ଗାଗାଡ଼୍‌ତିଙ୍ଗ୍ ୱିଜୁଦିନ୍ କାଜିଙ୍ଗ୍ ବାଦ୍‌ଲାୟ୍ କିନାତ୍।

୨ କରନ୍ତିୟ 6:9

କେତ୍‌ଜାଣ୍ ମାଙ୍ଗେଙ୍ଗ୍ ହାର୍ କିଜି ପୁନ୍‌ଞ୍ଚାର୍‌ନା, ମାତର୍ କେତ୍‌ଜାଣ୍ ମାଙ୍ଗେଙ୍ଗ୍ ପୁଞ୍ଜ୍‌ୱିତିଲେକେ ବ୍ୟବହାର୍ କିଦ୍‌ନାରା। ମାନାୟାର୍ ମାଙ୍ଗେଙ୍ଗ୍ ୱିଜୁଦିନ୍ ମାର୍ନେ ଅସ୍ତେଦେଙ୍ଗ୍ ଉପାୟ୍ କିନାରା, ମାତର୍ ଆପେଙ୍ଗ୍ ନଙ୍ଗୟ୍ ପାତେକ୍ ଜିବୁନ୍ ମାନାପ୍। ମାଙ୍ଗେଙ୍ଗ୍ କେତ୍‌ହଟ୍ ମାନାୟାର୍ ଟ୍ରାକ୍ତାତାର୍‌ନା, ମାତର୍ ମାର୍ନେ ଅସ୍ତାୱାତାର୍‌ନା।