୨ କରନ୍ତିୟ 3:12 - New Testament in Pengo Parja Language

¹² ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ଇ ପୁନି ପାର୍ମାଣ୍‌ତାଙ୍ଗ୍ ଆହା ପାୟାଆଜି ସାସ୍ ଆତାପ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹² ଆତିସ୍‌ପା, ଏଲେଙ୍ଗ୍‌ବାର୍ତି ବାର୍ସି ପାୟା ଆଜ଼ି ଆପେଂ ବେସି ସାସ୍‌କାପ୍‌ ଆନାପ୍‌,

୨ କରନ୍ତିୟ 3:12 Iomraidhean Croise

ଜହନ୍‌ 10:24

ଯିହୁଦି ନେତାର୍ ତା ଚାରିବେଣ୍‌ତାଙ୍ଗ୍ ରୁଣ୍ଡାଆତାର୍। ହେୱାର୍ ୱେନ୍‌ବାତାର୍, “ଏନେଙ୍ଗ୍ ଇନେର୍ ମାଙ୍ଗେଙ୍ଗ୍ ସତ୍ ୱେଚ୍‌ଚା, ଏନେଙ୍ଗ୍ ଯଦି ଖ୍ରୀଷ୍ଟ ଲାଗିଙ୍ଗ୍ ମାଙ୍ଗେଙ୍ଗ୍ ସତ୍ କିଜି ୱେଚ୍‌ଚା।”

ଜହନ୍‌ 16:25

ଆରେରଗ ଯୀଶୁ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ କାତା ଲେକେକିଜି ଇୱିଜୁ ବିଷୟ ୱେଚ୍‌ଚାନାଙ୍ଗା। ମାତର୍ ସମୟ୍ ୱାନାତା, ହେପାଦ୍ନା ଆନେଙ୍ଗ୍ ମିଙ୍ଗେଙ୍ଗ୍ ଇୱିଜୁ କାତା ୱେଚ୍‌ନିଲେକେ କିଜି ୱେଚ୍‍ଚୁଙ୍ଗ୍। ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ଆବା ଈଶ୍ୱର ବିଷୟରେ ପୁରା ୱେଚ୍‌ଚାନାଙ୍ଗ୍।

ଜହନ୍‌ 16:29

ଯୀଶୁ ଚେଲାହିର୍ ୱେଚ୍‌ଚାର୍, “ଏନେଙ୍ଗ୍ ୱିଜାକାରିଙ୍ଗ୍ ହାର୍‌ଦାଙ୍ଗ୍ ୱେଚ୍‌ନାୟା। ବୁଜା ଆୱିତିଲେକେ କଷ୍ଟ ବେଣ୍ ଏନେଙ୍ଗ୍ ୱେଚ୍‌ଚୁୟା।

ପକ୍ୟାତାକା 14:3

ମାତର୍ ପାଉଲ ଆରେ ବର୍ଣ୍ଣବା ହେ ସହର୍‌ତାକେ କେତେକ୍ ଦିନ୍ ପାତେକ୍ ମାଚାର୍। ମାପୃତିଙ୍ଗ୍ ଆହାକିଜି ସାହାସ୍‌ତାଙ୍ଗ୍ ଶୁଣାୟ୍ କିତାର୍। ମାପୃ ହେୱାରିଙ୍ଗ୍ ବେସି ଚିନା ଆରେ ଚାନିଆଆନି କାମାୟ୍ କିଦେଙ୍ଗ୍ ସାଇଜ କିତାନ୍। ଆରେ ହେୱାନ୍ ହେୱାର୍ ଶୁଣାଇକିତି କାତା ସତ୍ ଇଞ୍ଜି ମାନାୟାରିଙ୍ଗ୍ ଚଚ୍‌ଚାନ୍।

ପକ୍ୟାତାକା 4:13

ହେୱାର୍ ପିତର ଆରେ ଯୋହନ ସାହାସ୍ ହୁଡ଼୍‌ଜି, ଆରେ ହେୱାର୍ ପାଟ୍ ପଡ଼ିକିୱାତାର୍ ଆରେ ବୁଦି ହିଲାକାର୍ ଇଞ୍ଜି ପୁନ୍‌ଞ୍ଜି, ଇଦାଙ୍ଗ୍ ବୁଜାଆଜି ଚାନିଆଆତାର୍। ଆରେ ହେୱାର୍ ଯୀଶୁ ହୁଦାଙ୍ଗ୍ ମାଚାର୍ ଇଞ୍ଜି ହେୱାରିଙ୍ଗ୍ ଚିନ୍ କିତାର୍।

ପକ୍ୟାତାକା 9:27

ମାତର୍ ବାଚିକିତି ଚେଲାହିର୍ ଲାଗାୟ୍ ବର୍ଣ୍ଣବା ତର୍‍ଦାକାନ୍ ରକାନ୍ ମାନାୟ୍ ଶାଉଲତିଙ୍ଗ୍ ତାସିୱାତାନ୍। ଦମେସକ ସହର୍‌ତାକେ ହାନି ହାଜ୍‌ଦ ଶାଉଲ ଯୀଶୁ ମାପୃଙ୍ଗ୍ ହୁଡ଼୍‌ତି ବିଷୟ ହେୱାରିଙ୍ଗ୍ ୱେଚ୍‌ଚାନ୍। ଆରେ ଶାଉଲ ଦମେସକ ସହର୍‌ତାକେ ଯୀଶୁ ବିଷୟରେ ଶାସ୍ ହୁଦାଙ୍ଗ୍ ଶୁଣାୟ୍ କିତି ବିଷୟ ପା ହେୱାନ୍ ହେୱାରିଙ୍ଗ୍ ୱେଚ୍‌ଚାନ୍।

ପକ୍ୟାତାକା 9:29

ହେୱାନ୍ ଗ୍ରୀକ୍ ବାଷା କିନି ଯିହୁଦି ଜାତିନି ମାନାୟାରିଙ୍ଗ୍ ପା ଯୀଶୁ ବିଷୟରେ ୱେଚ୍‌ଚାନ୍, ଆରେ ହେୱାନ୍ ହେୱାର୍ ହୁଦାଙ୍ଗ୍ ଜୁକ୍ତି କିଜି ମାଚାନ୍। ମାତର୍ ହେୱାର୍ ହେୱାନିଙ୍ଗ୍ ମାର୍ନେ ଅସ୍ତେଙ୍ଗ୍ ଉପାୟ୍ କିଦେଙ୍ଗ୍ ଲାଗାତାର୍।

୧ କରନ୍ତିୟ 14:19

ମାତର୍ ଯଦି ଆନେଙ୍ଗ୍ ମଣ୍ଡ୍‌ଲିତାକେ ପାର୍ତି କିନାକାରିଙ୍ଗ୍ ହିକାୟ୍ କିନି କାଜିଙ୍ଗ୍ ଦସ୍ ହାଜାର୍ ବୁଜାଆୱି ବାଷାତାଙ୍ଗ୍ ବୁଜାଆନି ପାଞ୍ଚ୍‌ଗଟା କାତା ୱେଚ୍‌ନାକା ହାର୍, ଇମ୍‌ଣାକା ହେୱାରିଙ୍ଗ୍ ୱିଜୁ ପର୍‌କାର୍ ସାଇଜ କିନାତ୍।

୨ କରନ୍ତିୟ 10:1

ଆନେଙ୍ଗ୍ ପାଉଲ, ଖ୍ରୀଷ୍ଟ ଲେକେ ଆନେଙ୍ଗ୍ ଦୟା ଆରେ ଦରମ୍‌ଆଜି ୱେଚ୍‌ଚାନାଙ୍ଗା। କେତ୍‌ଜାଣ୍ ନାଙ୍ଗେଙ୍ଗ୍ ଇଞ୍ଜ୍‌ନାରା ଯେ, ଆନେଙ୍ଗ୍ ମିହୁଦାଙ୍ଗ୍ ମାନିହିଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚେଦେଙ୍ଗ୍ ଆନେଙ୍ଗ୍ ଲାଜା ଆନାଙ୍ଗା, ମାତର୍ ମିବେତାଙ୍ଗ୍ ଦେହା ମାନିହିଙ୍ଗ୍ ସାସ୍ ଆଜି ଚିଟିତାକେ ଲେକି କିନାନା।

୨ କରନ୍ତିୟ 3:11

ମୋଶା ଲେକିକିତି ଦରମ୍ ସାସ୍ତର୍‌ତିଙ୍ଗ୍ ଗୌରବତାଙ୍ଗ୍ ହିଜି ମାନ୍‌ଞ୍ଚାତ୍‌ ଆରେ ହେଦାଙ୍ଗ୍ ବେସିଦିନ୍ ପାତେକ୍ କାମାୟ୍ ହିୱାତାତ୍, ମାତର୍ ଇ ପୁନି ପାର୍ମାଣ୍‌ନି ହେୱାନ୍‌ତାଙ୍ଗ୍ ଆଦିକ୍ ଗୌରବ ଆରେ ୱିଜୁଦିନ୍ କାଜିଙ୍ଗ୍ ମାନ୍‌ଗାନାତ୍।

୨ କରନ୍ତିୟ 4:13

ମାତର୍ ଆପେଙ୍ଗ୍ ୱିଜୁଦିନ୍ ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିନାପା ଇନେସ୍‌କି କେର୍‌କଣ୍ ଲେକିକିତି ମାନାୟ୍ ପାର୍ତିଲେକେ ମା ପାର୍ତି ମାନାତ୍, ହେୱାନ୍ ଇଲେକେ ଇନାନା, ଆନେଙ୍ଗ୍ ଈଶ୍ୱରତିଙ୍ଗ୍ ପାର୍ତି କିତାଙ୍ଗ୍, ଲାଗିଙ୍ଗ୍ ଆନେଙ୍ଗ୍ ଇଚାଙ୍ଗ୍।

୨ କରନ୍ତିୟ 7:4

ଆନେଙ୍ଗ୍ ମି କାଜିଙ୍ଗ୍ ବେସି ପାର୍ତି କିନାଙ୍ଗା, ଆରେ ମି କାଜିଙ୍ଗ୍ ଆନେଙ୍ଗ୍ ବେସି ବାଟ୍‌ପାଣ୍ ଆନାଙ୍ଗା। ଏପେଙ୍ଗ୍ ନାଙ୍ଗେଙ୍ଗ୍ ବେସି ସାସ୍ ହିତ୍‌ତାଦେର୍, ଆରେ ଆସେଙ୍ଗ୍ ବେସି ଦୁଃକ୍ କଷ୍ଟ ପାୟାଆତି ବାଦୁଲ୍‌ରେ ନାଙ୍ଗେଙ୍ଗ୍ ବେସି ୱାରି କିତ୍‌ତାଦେର୍।

ପିଲିପିୟ 1:14

ଆରେ ଆନେଙ୍ଗ୍ ବନ୍ଦି ଆଜିମାଚି କାଜିଙ୍ଗ୍ ପାର୍ତିକିନି ଟଣ୍ଡାର୍ ଈଶ୍ୱରତାକେ ବେସି ପାର୍ତି କିତାର୍। ଆରେ ଈଶ୍ୱର କାତା ସାହାସ୍ ହୁଦାଙ୍ଗ୍ ଶୁଣାୟ୍ କିତାର୍।

ପିଲିପିୟ 1:20

ଆନେଙ୍ଗ୍ ଇମ୍‌ଣି ବିଷୟରେ ପା ଲାଜା ଆଉଙ୍ଗ୍ ଇଞ୍ଜି ଆନେଙ୍ଗ୍ ବେସି ଇଚା ଆରେ ଆହା କିନାଙ୍ଗା। ମାତର୍ ଆନେଙ୍ଗ୍ ନଙ୍ଗୟ୍ ପାତେକ୍ ଇନେସ୍ ଶୁଣାୟ୍ କିନାଙ୍ଗା, ହେଲେକେ ନେ ସାହାସ୍ ହୁଦାଙ୍ଗ୍ ଖ୍ରୀଷ୍ଟ ବିଷୟରେ ୱେଚ୍‌ନାଙ୍ଗ୍। ଆନେଙ୍ଗ୍ ଜିତିସ୍ କି ହାଃତିସ୍ ପା ନା ଗାଗାଡ଼୍‌ତାଙ୍ଗ୍ ଖ୍ରୀଷ୍ଟଙ୍ଗ୍ ସନ୍‌ମାନ୍ କିୟିକିନାଙ୍ଗ୍।

କଲସିୟ 4:4

ଲାଗିଙ୍ଗ୍ ନା କାଜିଙ୍ଗ୍ ପାର୍ତାନା କିୟାଟ୍, ଆନେଙ୍ଗ୍ ଇନେସ୍ ଖ୍ରୀଷ୍ଟନି ଡ଼ୁକ୍‌ତି ବିଷୟତିଙ୍ଗ୍ ହାର୍‌ଦାଙ୍ଗ୍ ୱିଜାକାରିଙ୍ଗ୍ ଶୁଣାୟ୍ କିଦେଙ୍ଗ୍ ଆଡ୍‌ନାଙ୍ଗ୍।

୧ ଥେସଲନୀକିୟ 2:2

ମାତର୍ ଆପେଙ୍ଗ୍ ମିତାକେ ୱାନି ଆଗେ ଫିଲିପ ସହର୍‌ତାକେ ଦୁଃକ୍ ଆରେ କଷ୍ଟ ପାୟାଆଜି ମାଚିସ୍ ପା, ଈଶ୍ୱର ମାଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ସାସ୍ ହିତ୍‌ତାନ୍। ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ମିଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ସାସ୍ କିତାପ୍।

୧ ତିମତି 3:13

ଇନେସ୍‌କି ଇମ୍‌ଣାକାର୍ ମଣ୍ଡ୍‌ଲିତିଙ୍ଗ୍ ହାର୍‌ଦାଙ୍ଗ୍ ହେବା କିନାର୍ ହେୱାରିଙ୍ଗ୍ ମାନାୟାର୍ ସନ୍‌ମାନ୍ କିନାର୍। ହେୱାର୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତିକିନି ବିଷୟ ମାନାୟାରିଙ୍ଗ୍ ସାସ୍ ହୁଦାଙ୍ଗ୍ ୱେଚ୍‌ଚେଙ୍ଗ୍ ଆଡ୍‌ନାର୍।

ଫିଲୀମୋନ 1:8

ଏନେଙ୍ଗ୍ ଇମ୍‌ଣି ହାର୍ଦି ବିଷୟ କିଦେଙ୍ଗ୍ ଦର୍‌କାର୍ ମାନାତ୍ ହେ କାମାୟ୍ କିଦେଙ୍ଗ୍ ଆନେଙ୍ଗ୍ ୱେଚ୍‌ଚାତାଙ୍ଗ୍‌ନା। ଖ୍ରୀଷ୍ଟ ନାଙ୍ଗେଙ୍ଗ୍ ହିତ୍‌ତି ଅଦିକାର୍‌ତାଙ୍ଗ୍ ଆନେଙ୍ଗ୍ ନିଙ୍ଗେଙ୍ଗ୍ ଚଚ୍‌ଚି ଇ କାମାୟ୍ କିୟିକିତ୍‌ତାଙ୍ଗ୍‌ମା, ମାତର୍ ଆନେଙ୍ଗ୍ ହେଲେକେ କିଉଙ୍ଗା। ଇନେସ୍‌କି ଆସେଙ୍ଗ୍ ଈଶ୍ୱର ମାନାୟ୍ ଆରେ ଜାର୍-ଜାର୍‌ବିତ୍ରେ ଲାଡ୍‌କିନି କାଜିଙ୍ଗ୍, ଆନେଙ୍ଗ୍ ପାଉଲ ବୁଡ଼ା ଆତିଲେ ଆରେ ଯୀଶୁ ଖ୍ରୀଷ୍ଟଙ୍ଗ୍ ହେବାକିଜି ଜଇଲ୍ ଇଞ୍ଜ ମାନି କାଜିଙ୍ଗ୍ ଆନେଙ୍ଗ୍ ନିଙ୍ଗେଙ୍ଗ୍ ଇଦାଙ୍ଗ୍ କିୟା ଇଞ୍ଜି ୱେଚ୍‌ଚାନାଙ୍ଗା।