୨ କରନ୍ତିୟ 13:7 - New Testament in Pengo Parja Language

⁷ ଆପେଙ୍ଗ୍ ଈଶ୍ୱରତିଙ୍ଗ୍ ପାର୍ତାନା କିନାପା ଯେ, ଆପେଙ୍ଗ୍ ମିଙ୍ଗେଙ୍ଗ୍ ଟିକ୍ ମାନାୟ୍ ଆଡ ଇଞ୍ଜି ହିତ୍‌ତି ହିକ୍ଷାତିଙ୍ଗ୍ ଆହ୍‌ନାଦେର୍, ଇମ୍‌ଣାକା କି ହାର୍ ବିଷୟ। ଆନେଙ୍ଗ୍ ଆହା କିନାଙ୍ଗା ଯେ ଆପେଙ୍ଗ୍ ଏଚେପାଦ୍ନା ମିତାକେ ୱାନାପ୍ ଈଶ୍ୱର ମାଙ୍ଗେଙ୍ଗ୍ ହିତ୍‌ତି ଅଦିକାର୍ ବିଷୟରେ ମିଙ୍ଗେଙ୍ଗ୍ ବୁଜାୟ୍ କିଦ୍‌ନି ଦର୍‌କାର୍ ଆକାୟ୍। ମି ବିତ୍ରେତାଙ୍ଗ୍ କେତ୍‌ଜାଣ୍ ଈଶ୍ୱର ମାଙ୍ଗେଙ୍ଗ୍ ତା ଚେଲାର୍ କିଦ୍‌ୱାତାନ୍‌ନା ଇଞ୍ଜି ବାବିକିଜି ମାଚିସ୍ ପା, ଆପେଙ୍ଗ୍ ୱାୱି ଆଗେ ଏପେଙ୍ଗ୍ ହାର୍ କାମାୟ୍ କିଜି ମାନାଟ୍।

ସତ୍‌ ବଚନ୍‌ ପୁନି ନିୟମ୍‌

⁷ ମତର୍‌ ଏପେଙ୍ଗ୍‌ ଇନେସ୍‌ ଇମ୍‌ଣାକାପା ବାନ୍ୟା କାମାୟ୍‌ କିମାଟ୍‌, ଇଦାଂ କାଜିଂ ଆପେଂ ଇସ୍ୱର୍ତି ଲାଗାଂ ପାର୍ତାନା କିନାପା; ଆସେଙ୍ଗ୍‌ ଇନେସ୍‌ ପରିକ୍ୟାସିଦ୍‌ ଇଞ୍ଜି ଚଞ୍ଜ୍‌ୟା ଆନାସ୍‌, ଇଦାଂ କାଜିଂ ପାର୍ତାନା କିଉସା, ମତର୍‌ ପରିକ୍ୟାସିଦ୍‌ ଆୱି ଲାକେ ଚଞ୍ଜ୍‌ୟା ଆତିସ୍‌ ପା ଇନେସ୍‌ ଏପେଙ୍ଗ୍‌ ହାର୍‌ଦି କାମାୟ୍‌ କିୟାଟ୍‌, ଇଦାଂ କାଜିଂ ପାର୍ତାନା କିନାପା ।

୨ କରନ୍ତିୟ 13:7 Iomraidhean Croise

ମାତିଉ 6:13

ଆରେ ମାଙ୍ଗେଙ୍ଗ୍ ଶୟତାନ ପରିକ୍ଷାତାକେ ତାତ୍‌ମା, ମାତର୍ ଶୟତାନନି ପାପ୍ କାମାୟ୍‌ତାଙ୍ଗ୍ ରକ୍ଷା କିଦା। (ହେଲେକେ ନି ରାଜି, ସାକ୍ତି ଆରେ ନି ଜୟ୍-ଜୟ୍ ଯୁଗ୍ ଯୁଗ୍‌ତ ଆୟେତ୍। ଆମେନ୍।)’

ଜହନ୍‌ 17:15

ଏନେଙ୍ଗ୍ ହେୱାରିଙ୍ଗ୍ ପୁର୍ତିତାଙ୍ଗ୍ ଅଦେଙ୍ଗ୍ ୱେଚ୍‌ଚୁଙ୍ଗା। ମାତର୍ ଆନେଙ୍ଗ୍ ହେୱାରିଙ୍ଗ୍ ଶୟତାନ୍‌ତାଙ୍ଗ୍ ରକ୍ଷା କିଜି ଇଡ଼୍‌ଦେଙ୍ଗ୍ ପାର୍ତାନା କିନାଙ୍ଗା।

ରୋମିୟ 1:28

ଈଶ୍ୱରତି ସତ୍ ଜ୍ଞାନ୍‌ତିଙ୍ଗ୍ ମାନାୟାର୍ ମୁକ୍ଯ ଇଞ୍ଜି ବାବିକିୱାତାର୍, ଲାଗିଙ୍ଗ୍ ଈଶ୍ୱର ହେୱାରିଙ୍ଗ୍ ହେଲେକେ ବେସି ପାପ୍ କାମାୟ୍ କିନି କାଜିଙ୍ଗ୍ ହେୱାର୍ କରାପ୍ ଇଚା ଅନୁସାରେ ମାନ୍ ହିତାନ୍। ଆରେ ହେୱାର୍ ୱିଜୁ କିୱି କାମାୟ୍ କିତାର୍।

ରୋମିୟ 12:17

ମି ବିରଦ୍‌ତାଙ୍ଗ୍ ଇମ୍‌ଣି ମାନାୟ୍ ପା କରାପ୍ କାମାୟ୍ କିନାନ୍, ଲାଗିଙ୍ଗ୍ ଏପେଙ୍ଗ୍ ଲେଉଟା ଆଜି ତା ବିରଦ୍‌ତାକେ କରାପ୍ କାମାୟ୍ କିମାଟ୍। ମାତର୍ ଇଲେକେ ହାର୍ କାମାୟ୍ କିୟାଟ୍ ଯେ, ୱିଜାକାର୍ ମି କାମାୟ୍‌ତିଙ୍ଗ୍ ହୁଡ଼୍‌ଜି ମିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାର୍।

ରୋମିୟ 13:13

ଆସେଙ୍ଗ୍ ଦରମ୍ ଆରେ ସତ୍ ଆଜି ୱିଜୁ କାମାୟ୍ କିନି ଦର୍‌କାର୍, ଲାଗିଙ୍ଗ୍ ୱିଜାର୍ ମାନାୟ୍ ମା ବ୍ୟବହାର୍‌ତିଙ୍ଗ୍ ହାର୍ ଇଞ୍ଜି ଇଞ୍ଜ୍‌ନାର୍। ଆସେଙ୍ଗ୍ କାଲିଙ୍ଗ୍ ଉଣି ଦଳ୍‌ତାଙ୍ଗ୍ କି ଦାରି କାମାୟ୍ କିନାକାର୍‌ତାଙ୍ଗ୍, କି ଜେକନି କଗ୍‍ଲେକ୍ ହୁଦାଙ୍ଗ୍ ମାନାକା କି ଗଣ୍ଡ୍‍ଗଲ୍ କିନି ଦଳ୍‌ତାକେ ମାନାକା ଆରେ ଆକାର୍ ଆନି ମାନାୟାର୍ ହୁଦାଙ୍ଗ୍ ମାହା ଆମାଟ୍।

ରୋମିୟ 16:10

ଆପେଲା ଇନେର୍‌କି ଦୁଃକ୍ କଷ୍ଟ ପାୟାଆତି ପାଚେ ଖ୍ରୀଷ୍ଟ ତାଙ୍ଗେଙ୍ଗ୍ ଆସ୍ତି ମାଚାନ୍ ତାଙ୍ଗେଙ୍ଗ୍ ନା ଜୁୱାର୍ ଜଣାୟ୍ କିୟାଟ୍। ଆରେ ଆରସ୍ତବୁଲଙ୍ଗ୍ କୁଟୁମ୍‌ନି ୱିଜାରିଙ୍ଗ୍ ନା ଜୁୱାର୍ ଜାଣାୟ୍ କିୟାଟ୍।

୧ କରନ୍ତିୟ 11:19

ଏଲେଙ୍ଗ୍ ଆନାକା ହାର୍, ଯଦି ଏପେଙ୍ଗ୍ ହେଲେକେ ବାଗ୍-ବାଗ୍ ଆନାଦେର୍, ଲାଗିଙ୍ଗ୍ ଈଶ୍ୱର ଇନେରିଙ୍ଗ୍ ଆସ୍ତାନ୍‌ନା ଇଞ୍ଜି ପୁନ୍ୟା ଆନାତ୍‌।

୨ କରନ୍ତିୟ 10:10

ଇନେସ୍‌କି କେତ୍‌ଜାଣ୍ ଇନାରା, ତା ଚିଟି ୱିଜୁ ତା ଆଦେସ୍ ଆରେ ନନାକା ଲେକେ, ମାତର୍ ହେୱାନ୍ ବେସି ଦୁର୍‌ବଲ୍ ଆରେ କାତା ୱିଜୁ ବେକାର୍।

୨ କରନ୍ତିୟ 10:18

ଇନେସ୍‌କି ଇମ୍‌ଣାକାର୍ ଜାର୍‌ତିଙ୍ଗ୍ ଜୟ୍-ଜୟ୍ କିନାନ୍, ଈଶ୍ୱର ହେୱାନିଙ୍ଗ୍ ଆହୁନ୍, ମାତର୍ ଇମ୍‌ଣାକାରିଙ୍ଗ୍ ଈଶ୍ୱର ଜୟ୍-ଜୟ୍ କିନାନ୍, ହେଦାଙ୍ଗ୍ ତାବେତାଙ୍ଗ୍ ଅଲ୍‌ଗା।

୨ କରନ୍ତିୟ 13:6

ମାତର୍ ଆନେଙ୍ଗ୍ ଆହା କିନାଙ୍ଗା ଯେ ଏପେଙ୍ଗ୍ ଜାର୍‌ତିଙ୍ଗ୍ ପରିକ୍ଷା କିଜି ପୁନାଦେର୍, ହାତ୍‌ପା ଈଶ୍ୱର ମାଙ୍ଗେଙ୍ଗ୍ ବାଚି କିତ୍‌ତାନ୍‌ନା।

୨ କରନ୍ତିୟ 13:8

ଇନେସ୍ ଆପେଙ୍ଗ୍ ସତ୍‌ତିଙ୍ଗ୍ ବିରଦ୍ କିଦେଙ୍ଗ୍ ଆଡୁପ୍‌, ମାତର୍ ଆପେଙ୍ଗ୍ ୱିଜୁଦିନ୍ ସତ୍ କାମାୟ୍ ନେ କିନାପା।

୨ କରନ୍ତିୟ 13:9

ଆପେଙ୍ଗ୍ ଦୁର୍‌ବଲ୍ ମାନିହିଙ୍ଗ୍ ଏପେଙ୍ଗ୍ ଯଦି ଶାକ୍ତି କାଟାକାଦେର୍ ଆତାଦେର୍‌ନା ଆପେଙ୍ଗ୍ ୱାରିୟା ଆନାପା, ଆରେ ଏପେଙ୍ଗ୍ ଗାଜାକାର୍ ଆନି କାଜିଙ୍ଗ୍ ଈଶ୍ୱରତାକେ ପାର୍ତାନା କିନାପା।

୨ କରନ୍ତିୟ 6:4

ମାତର୍ ୱିଜୁ ପର୍‌କାର୍ ଦୁଃକ୍ କଷ୍ଟ ୱାତିସ୍ ପା ଆପେଙ୍ଗ୍ ସାସ୍ ଆଜି ସମ୍ବାଲି କିନାପା, ଲାଗିଙ୍ଗ୍ ଆସେଙ୍ଗ୍ ଇନାକା କିତିସ୍ ପା ଆସେଙ୍ଗ୍ ହାତ୍‌ପା ଈଶ୍ୱରତିଙ୍ଗ୍ ହେବା କିନାପା ଇଞ୍ଜି ଚଚ୍‌ଚେଙ୍ଗ୍ ଉପାୟ୍ କିନାପା।

୨ କରନ୍ତିୟ 8:21

ଆପେଙ୍ଗ୍ ମାପୃତାଙ୍ଗ୍ ସନ୍‌ମାନ୍ ପାୟାଆନି କାଜିଙ୍ଗ୍ ବେସି ଜାଗ୍ରତ୍ ଆନାପା, ମାତର୍ ଜେକନିକାର୍ ପା ପୁନାର୍ ଆସେଙ୍ଗ୍ ଟିକ୍ କିନାସା ଆରେ ସନ୍‌ମାନ୍ ହିଦ୍‌ନାର୍।

ପିଲିପିୟ 4:8

ହାରିହାରା, ଏ ପାର୍ତିକିନି ଟଣ୍ଡାର୍‌କାଦେର୍, ସତ୍ ବିଷୟରେ, ସନ୍‌ମାନ୍ ପାୟାଆନି ବିଷୟରେ, ଟିକ୍ ବିଷୟରେ, ଇମ୍‌ଣି ୱିଜୁ ବିଷୟରେ ପାପ୍ ହିଲ୍‌ଗୁତ୍, ହଲ୍‌ନି ବିଷୟରେ, ଇମ୍‌ଣି ବିଷୟରେ ହାର୍ଦି ତର୍‌ ମାନାତ୍। ହାର୍ଦି ବିଷୟରେ ଆରେ ଇମ୍‌ଣି ବିଷୟରେ ମାନାୟାର୍ ଜୟ୍-ଜୟ୍ କିନାର୍ ଇ ୱିଜୁ ବିଷୟରେ ଏପେଙ୍ଗ୍ ଚିନ୍ତା କିୟାଟ୍।

୧ ଥେସଲନୀକିୟ 5:23

ଶାନ୍ତି ହିଦ୍‌ନି ଈଶ୍ୱର ହେୱାନ୍ ନିଜେ ମିଙ୍ଗେଙ୍ଗ୍ ପୁରାପୁରି ବାବେ ପବିତ୍ର କିଦ୍‌ନାନ୍। ମି ଆତ୍ମା, ଜିବୁନ୍ ଆରେ ଗାଗାଡ଼୍ ଦସ୍ କିତାନ୍‌ନା ଇଞ୍ଜି ଇଞ୍ଜ୍‌ମେର୍, ମା ମାପୃ ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ଆରେରଗ ପୁର୍ତିତାକେ ୱାନି ପାତେକ୍।

୧ ତିମତି 2:2

ହେଦାଙ୍ଗ୍ କାଜିଙ୍ଗ୍ ରାଜା ଆରେ ୱିଜୁ ଅପିସର୍ କାଜିଙ୍ଗ୍ ମାଦିଆଜି ଗୁୱାରି କିଜି ପାର୍ତାନା କିୟାଟ୍ ଆରେ ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍।

୨ ତିମଥି 2:15

ବେସି କଷ୍ଟ କାମାୟ୍ କିନି ମାନାୟ୍ ଇନେସ୍ ତା ଜାର୍ କାମାୟ୍ ବିଷୟରେ ଲାଜ୍‌ ପାୟା ଆତିଲେକେ କାମାୟ୍ କିଉନ୍, ଆରେ ଈଶ୍ୱର ସତ୍ କାତା ଇନେସ୍ ରକାନ୍ ମାନାୟ୍ ଟିକ୍ ବାବ୍‌ରେ ହିକ୍ଷା ହିନାନ୍। ହେଲେକେ ଏପେଙ୍ଗ୍ ପା ଈଶ୍ୱର ଆସ୍ତିତି ଲେକେ କାମାୟ୍ କିୟାଟ୍।

୨ ତିମଥି 4:18

ମାପୃ ନାଙ୍ଗେଙ୍ଗ୍ ୱିଜୁ କରାପ୍ କାମାୟ୍‌ତାଙ୍ଗ୍ ଉଦାର୍ କିଦ୍‌ନାନ୍ ଆରେ ନାଙ୍ଗେଙ୍ଗ୍ ରକ୍ଷା କିଜି ତା ସରଗ୍ ରାଜିତାକେ ଅସାହାଞ୍ଜ୍‌ନାନ୍। ଯୁଗ୍-ଯୁଗ୍‌ତ ହେୱାନିଙ୍ଗ୍ ଗୌରବ ଆୟେତ୍, ଆମେନ୍।

ଜାକ୍‌ବ 1:12

ଇମ୍‌ଣି ମାନାୟ୍ ପରିକ୍ଷା ଆତିହିଙ୍ଗ୍ ପା ଈଶ୍ୱରତାକେ ପାର୍ତି କିଜି ମାନାନ୍, ହେୱାନ୍ ଆଶ୍ରିବାଦ୍‌ନି ମାନାୟ୍। ଇନେସ୍‌କି ଈଶ୍ୱରତିଙ୍ଗ୍ ଲାଡ୍‌କିନି ମାନାୟ୍‌ରିଙ୍ଗ୍ ଇମ୍‌ଣି ୱିଜ୍‌ୱି ଜିବୁନ୍‌ନି ମୁକୁଟ୍ ହିଦେଙ୍ଗ୍ ଈଶ୍ୱର ପାର୍ମାଣ୍ କିତାନ୍‌ନା। ପରିକ୍ଷାତାଙ୍ଗ୍ ଜିତାଆତି ପାଚେ ହେ ମାନାୟାରିଙ୍ଗ୍ ହେ ମୁକୁଟ୍ ଈଶ୍ୱର ହିନାନ୍।

୧ ପିତର 2:12

ଈଶ୍ୱରତିଙ୍ଗ୍ ପୁନ୍‌ୱିତି ମାନାୟାର୍ ମି ଚାରିବେଣ୍‌ତାଙ୍ଗ୍ ମାନାର୍, ଆରେ ହେୱାର୍ ମିଙ୍ଗେଙ୍ଗ୍ ବୁଲ୍ କାମାୟ୍ କିନାରା ଇଞ୍ଜି ବିରଦ୍ କିଦେଙ୍ଗ୍ ଆଡ୍‌ନାର୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ହାର୍ ଜିବୁନ୍ କାଟିକିନି ଦର୍‌କାର୍, ଲାଗିଙ୍ଗ୍ ହେୱାର୍ ମି ହାର୍ କାମାୟ୍ ହୁଡ଼୍‌ଜି ଈଶ୍ୱରତିଙ୍ଗ୍ ଗୌରବ ହିନାର୍, ଏଚେପାଦ୍ନା ଯୀଶୁ ଖ୍ରୀଷ୍ଟ ପୁର୍ତିତାକେ ଆରେରଗ ବିଚାର୍ କିଦେଙ୍ଗ୍ ୱାନାନ୍।