୨ କରନ୍ତିୟ 13:5 - New Testament in Pengo Parja Language

⁵ ଏପେଙ୍ଗ୍ ହାତ୍‌ପା ଈଶ୍ୱରତିଙ୍ଗ୍ ପାର୍ତି କିନାଦେରା କି ଆକାୟ୍ ଇଞ୍ଜି ଏପେଙ୍ଗ୍ ଜାର୍‌ତିଙ୍ଗ୍ ପରିକ୍ଷା କିୟାଟ୍। ଏପେଙ୍ଗ୍ ହାର୍ କିଜି ପୁଚାଦେର୍‌ନା ଯେ ଯୀଶୁ ଖ୍ରୀଷ୍ଟ ମି ବିତ୍ରେ ମାନାନ୍, ଆତିସ୍‌ପା କେତେକ୍ ମାନାୟାର୍ ମାନାର୍ ହେୱାର୍ ଈଶ୍ୱରତିଙ୍ଗ୍ ପାର୍ତି କିୱିଲେକେ ବ୍ୟବହାର୍ କିନାରା।

ସତ୍‌ ବଚନ୍‌ ପୁନି ନିୟମ୍‌

⁵ ମି ପାର୍ତିତ ମାନାଦେର୍‌ କି ଆକାୟ୍‌, ହେ ବିସ୍ରେ ଜାର୍‌ ଜାର୍‌ତିଂ ପରିକ୍ୟା କିୟାଟ୍‌, ଜାର୍‌ ଜାର୍‌ତି ବିଚାର୍‌ କିୟାଟ୍‌ ନଲେ ଜିସୁ କ୍ରିସ୍ଟ ଜେ ମି ତାକେ ମାନାନ୍‌, ଇଦାଂ କି ଏପେଙ୍ଗ୍‌ ଜାର୍‌ ଜାର୍‌ ବିସ୍ରେ ପୁନୁଦେର୍‌ ? ଜଦି ଇଦାଂ ଆଉତ୍‌, ତା ଆତିସ୍‌ ଏପେଙ୍ଗ୍‌ ପୁରା ବାବ୍ରେ ଆରା ଆତାଦେର୍ଣ୍ଣା ।

୨ କରନ୍ତିୟ 13:5 Iomraidhean Croise

ଜହନ୍‌ 14:23

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଇନେର୍ ଯଦି ନାଙ୍ଗେଙ୍ଗ୍ ଲାଡ୍ କିଦ୍‌ନାନ୍, ଲାଗିଙ୍ଗ୍ ହେୱାନ୍ ନା ଆଦେସ୍‌ତିଙ୍ଗ୍ ମାନି କିନାନ୍। ଆରେ ନା ଆବା ଈଶ୍ୱର ହେୱାନିଙ୍ଗ୍ ଲାଡ୍ କିନାନ୍। ନା ଆବା ଈଶ୍ୱର ଆରେ ଆନେଙ୍ଗ୍ ହେ ମାନାୟ୍‌ତାକେ ୱାନାପ୍ ଆରେ ତା ହୁଦାଙ୍ଗ୍ ମାନ୍‌ଗାନାପ୍।

ଜହନ୍‌ 15:4

ନାବେ ମାନାଟ୍, ଲାଗିଙ୍ଗ୍ ଆନେଙ୍ଗ୍ ମିବେ ମାନ୍‌ଗାନାଙ୍ଗ୍। ର କେନ୍ଦା ମାର୍‌ତାକେ ମେହାଆୱାଦାଙ୍ଗ୍ ମାଚିସ୍। ହେଲେକେ ଏପେଙ୍ଗ୍ ପା ନାବେ ମାନ୍‌ୱିତିସ୍ ପାଡ଼୍‌ ଆସ୍ତେଙ୍ଗ୍ ଆଡୁଦେର୍।

ଜହନ୍‌ 17:23

ଆନେଙ୍ଗ୍ ହେୱାର୍‌ତାକେ ମାନ୍‌ଗାନାଙ୍ଗ୍, ଆରେ ଏନେଙ୍ଗ୍ ନାବେ ମାନ୍‌ଗାନାଇ। ଲାଗିଙ୍ଗ୍ ହେୱାର୍ ପୁରା ଏକ୍ ଆଦେଙ୍ଗ୍ ଆଡ୍‌ନାର୍। ହେଦାଙ୍ଗ୍ ଆତିସ୍ ଇ ପୁର୍ତିନି ମାନାୟାର୍ ପୁଞ୍ଜେଙ୍ଗ୍ ଆଡ୍‌ନାର୍, ଏନେଙ୍ଗ୍ ନାଙ୍ଗେଙ୍ଗ୍ ପକ୍ତାତାଇନା। ଇ ପୁର୍ତିନି ମାନାୟାର୍ ପୁନାର୍, ଏନେଙ୍ଗ୍ ନାଙ୍ଗେଙ୍ଗ୍ ଇନେସ୍ ଲାଡ୍‌କିଜି ମାନ୍‌ଞ୍ଚାଇ, ହେଲେକେ ଇ ମାନାୟାରିଙ୍ଗ୍ ପା ଲାଡ୍ କିୟା।

ଜହନ୍‌ 17:26

ଏନେଙ୍ଗ୍ ଇନେସ୍ ହେଦାଙ୍ଗ୍ ଆନେଙ୍ଗ୍ ହେୱାର୍‌ତାକେ ୱେଚ୍‌ଚାଙ୍ଗ୍‌ନା, ଆରେରଗ ହେୱାର୍‌ତାକେ ଚଚ୍‌ନାଙ୍ଗ୍। ତାପାଚେ ନା କାଜିଙ୍ଗ୍ ନିଦାଙ୍ଗ୍‌ ଇନେସ୍ ଲାଡ୍ ମାନାତ୍, ହେଲେକେ ଲାଡ୍ ହେୱାର୍‌ତାକେ ମାନ୍‌ଗାନାତ୍ ଆରେ ଆନେଙ୍ଗ୍ ହେୱାର୍‌ତାକେ ବାହା କିନାଙ୍ଗ୍।”

ଜହନ୍‌ 6:56

ଇମ୍‌ଣାକାନ୍ ଯଦି ନା ଗାଗାଡ଼୍‌ନି ଜେଇ ତିନାନ୍ ଆରେ ନା ନେତେର୍ ଉଣାନ୍, ଲାଗିଙ୍ଗ୍ ହେୱାନ୍ ନା ବିତ୍ରେ ମାନ୍‌ଗାନାନ୍ ଆରେ ଆନେଙ୍ଗ୍ ତା ବିତ୍ରେ ମାନ୍‌ଗାନାଙ୍ଗ୍।

ଜହନ୍‌ 6:6

ହେୱାନ୍ ପିଲିପତିଙ୍ଗ୍ ପରିକ୍ଷା କିଦେଙ୍ଗ୍ ୱେନ୍‌ବାତାନ୍, ଇନେସ୍‌କି ହେୱାନ୍ ନିଜେ ଇନାକା କିନାନ୍ ହେଦାଙ୍ଗ୍ ପୁନ୍‌ଞ୍ଜି ମାଚାନ୍।

ରୋମିୟ 1:28

ଈଶ୍ୱରତି ସତ୍ ଜ୍ଞାନ୍‌ତିଙ୍ଗ୍ ମାନାୟାର୍ ମୁକ୍ଯ ଇଞ୍ଜି ବାବିକିୱାତାର୍, ଲାଗିଙ୍ଗ୍ ଈଶ୍ୱର ହେୱାରିଙ୍ଗ୍ ହେଲେକେ ବେସି ପାପ୍ କାମାୟ୍ କିନି କାଜିଙ୍ଗ୍ ହେୱାର୍ କରାପ୍ ଇଚା ଅନୁସାରେ ମାନ୍ ହିତାନ୍। ଆରେ ହେୱାର୍ ୱିଜୁ କିୱି କାମାୟ୍ କିତାର୍।

ରୋମିୟ 8:10

ଯଦି ମା ବିତ୍ରେ ଖ୍ରୀଷ୍ଟ ମାନାନା, ଲାଗିଙ୍ଗ୍ ଆସେଙ୍ଗ୍ ପାପ୍ କିତି କାଜିଙ୍ଗ୍ ମା ଗାଗାଡ଼୍ ହାଃତିସ୍ ପା ମା ଆତ୍ମା ଜିବୁନ୍ ମାନ୍‌ଗାନାତ୍, ଇନେସ୍‌କି ଆସେଙ୍ଗ୍ ଈଶ୍ୱର ଆଗେ ଦରମ୍ ମାନାୟ୍ ଆତାସ୍‌ନା।

୧ କରନ୍ତିୟ 11:28

ହେଦାଙ୍ଗ୍ କାଜିଙ୍ଗ୍ ହେ ରୁଟିତିଙ୍ଗ୍ ଆରେ ଅଙ୍ଗୁର୍ ରାସ୍ ଉଣି ଆଗେ ଆନେଙ୍ଗ୍ ଟିକ୍ କି ଆକାୟ୍ ଇଞ୍ଜି ଜାର୍ ମାନ୍‌ତିଙ୍ଗ୍ ପରିକ୍ଷା କିନି ଦର୍‌କାର୍।

୧ କରନ୍ତିୟ 11:31

ଯଦି ଆସେଙ୍ଗ୍ ପାର୍ତୁମ୍ ଜାର୍ ବ୍ଯବହାର୍‌ତିଙ୍ଗ୍ ପରିକ୍ଷା କିନାସ୍, ଲାଗିଙ୍ଗ୍ ମାଙ୍ଗେଙ୍ଗ୍ ଈଶ୍ୱର ଦଣ୍ଡ୍ ହିଦୁନ୍।

୧ କରନ୍ତିୟ 3:16

ଏପେଙ୍ଗ୍ ପୁଚାଦେର୍‌ନା ଯେ, ଏପେଙ୍ଗ୍ ଈଶ୍ୱର ମାନି ମନ୍ଦିର୍‌, ଆରେ ପବିତ୍ର ଆତ୍ମା ମି ବିତ୍ରେ ମାନାତା।

୧ କରନ୍ତିୟ 6:15

ଏପେଙ୍ଗ୍ ହାର୍ କିଜି ପୁଚାଦେର୍‌ନା ଯେ, ମି ଗାଗାଡ଼୍ ଖ୍ରୀଷ୍ଟ ଗାଗାଡ଼୍‌ତାକେ ମାହାଆତାତ୍‌ନା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଦାରି କାମାୟ୍ କିନି କାଜିଙ୍ଗ୍ ମି ଗାଗାଡ଼୍‌ତିଙ୍ଗ୍ ବ୍ୟବହାର୍ କିନାକା ଟିକ୍ ଆକାୟ୍, ଇମ୍‌ଣାକା କି ଖ୍ରୀଷ୍ଟତି ଗାଗାଡ଼୍।

୧ କରନ୍ତିୟ 6:19

ଏପେଙ୍ଗ୍ ହାର୍ କିଜି ପୁଚାଦେର୍‌ନା ଯେ, ମି ଗାଗାଡ଼୍ ପବିତ୍ର ଆତ୍ମାନି ମନ୍ଦିର୍‌ ଆରେ ହେୱାନ୍ ମି ବିତ୍ରେ ମାନାନା। ଇନେରିଙ୍ଗ୍ ଈଶ୍ୱର ମି ବିତ୍ରେ ମାଞ୍ଜେଙ୍ଗ୍ ହିତ୍‌ତାନ୍‌ନା। ଇନେସ୍‌କି ଏପେଙ୍ଗ୍ ଈଶ୍ୱରନି ଲକ୍ ଆତାଦେର୍‌ନା,

୧ କରନ୍ତିୟ 6:2

ଏପେଙ୍ଗ୍ ଟିକ୍ ବାବ୍‌ରେ ପୁଚାଦେର୍‌ନା ଯେ, ରଦିନ୍ ୱାନାତ୍ ଈଶ୍ୱରତାକେନି ଦରମ୍ ମାନାୟାର୍ ଇ ପୁର୍ତିନି ମାନାୟାରିଙ୍ଗ୍ ବିଚାର୍ କିନାର୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍ ଇମ୍‌ଣି ମାନାୟ୍ ଟିକ୍ ଆରେ ଏପେଙ୍ଗ୍ ହେୱାର୍ ବିତ୍ରେ ରାଜି ରାମା କିଦେଙ୍ଗ୍ ଆଡ୍‌ନାଦେର୍।

୧ କରନ୍ତିୟ 9:24

କେତେକ୍ ମାନାୟାର୍ ହନ୍‌ନି କେଲ୍‌ତାକେ ହନ୍‌ନାର୍, ମାତର୍ ରକାନ୍ ନେ ପୁରଷ୍କାର୍ ପାୟା ଆନାନ୍। ଏପେଙ୍ଗ୍ ପା ହେ ଲେକେ ଈଶ୍ୱରତାକେ ପୁରଷ୍କାର୍ ଜିତାଆନି କାଜିଙ୍ଗ୍ ହନାଟ୍।

୧ କରନ୍ତିୟ 9:27

ଆନେଙ୍ଗ୍ କରାପ୍ ଇଚାତାଙ୍ଗ୍ ମାନି କିୱେଦେଙ୍ଗ୍ ଜାର୍ ଗାଗାଡ଼୍‌ତିଙ୍ଗ୍ କଣ୍ଟ୍ରୁଲ୍ କିନାଙ୍ଗା, ଆୱିତିସ୍ ମାନାୟାରିଙ୍ଗ୍ ହାର୍ଦିକାବୁର୍ ଶୁଣାୟ୍ କିନାକା ବେକାର୍ ଆନାତ୍ ଆରେ ନାଙ୍ଗେଙ୍ଗ୍ ପୁରଷ୍କାର୍ ଗାଟାଆଦୁତ୍।

୨ କରନ୍ତିୟ 6:16

ହେଲେକେ ଈଶ୍ୱର ମନ୍ଦିର୍‌ତାକେ ମୁର୍ତିତିଙ୍ଗ୍ ଇଟ୍‌ୟା ଆଉତ୍, ଇନେସ୍‌କି ହେଦାଙ୍ଗ୍ ଟିକ୍ ଆକାୟ୍। ଈଶ୍ୱର ୱେଚ୍‌ଚାନ୍ ଆସେଙ୍ଗ୍ ଜିବୁନ୍ ମାନି ଈଶ୍ୱର ମନ୍ଦିର୍‌, “ଆନେଙ୍ଗ୍ ଇ ମାନାୟାର୍ ହୁଦାଙ୍ଗ୍ ମାହାଆଜି ମାନାଙ୍ଗ୍। ଆନେଙ୍ଗ୍ ହେୱାର୍ ଈଶ୍ୱର ଆନାଙ୍ଗ୍ ଆରେ ହେୱାର୍ ନାଲକ୍ ଆଦ୍‌ନାର୍।

ଗାଲାତିୟ 2:20

ନା ପାନି ଚାଲିଚଲନ୍ ଖ୍ରୀଷ୍ଟ ହୁଦାଙ୍ଗ୍ କୃଶକାଟ୍‌ତାକେ ହାଃତାତ୍‌ନା। ଲାଗିଙ୍ଗ୍ ଆନେଙ୍ଗ୍ ଆରେ ଜିବୁନ୍ ଆକାୟ୍, ମାତର୍ ଖ୍ରୀଷ୍ଟ ନାବେ ଜିବୁନ୍ ମାନାନ୍। ଯୀଶୁ ଈଶ୍ୱର ମେହି, ହେୱାନ୍ ନାଙ୍ଗେଙ୍ଗ୍ ଲାଡ୍ କିତ୍‌ତାନ୍ ଆରେ ନା କାଜିଙ୍ଗ୍ ଜାର୍ ଜିବୁନ୍‌ତିଙ୍ଗ୍ ହିତାନ୍, ଲାଗିଙ୍ଗ୍ ଆନେଙ୍ଗ୍ ଇ ଗାଗାଡ଼୍‌ତ ହେୱାନ୍‌ତାକେ ପାର୍ତି କିଜି ଜିନାଙ୍ଗ୍।

ଗାଲାତିୟ 4:19

ଏ ନା ଲାଡ୍‌ନି କାଡ଼୍‌ଦେର୍, ର କଗ୍‌ଲେ ହିମ୍‌ଣା ଜନମ୍ କିନିହିଙ୍ଗ୍ ଇନେସ୍ କଷ୍ଟ ପାୟାଆନାତ୍, ହେଲେକେ ଆନେଙ୍ଗ୍ ମି କାଜିଙ୍ଗ୍ ଆରେରଗ କଷ୍ଟ ପାୟାଆନାଙ୍ଗା। ଏପେଙ୍ଗ୍ ପୁରାପୁରି ଖ୍ରୀଷ୍ଟ ଲେକେ ଆୱି ପାତେକ୍, ଆନେଙ୍ଗ୍ ହେ କଷ୍ଟ ପାୟାଆଜି ମାନ୍‌ଙ୍ଗାନାଙ୍ଗ୍।

ଗାଲାତିୟ 6:4

ମାତର୍ ୱିଜାକାର୍ ଜାର୍-ଜାର୍ କାମାୟ୍‌ତିଙ୍ଗ୍ ପରିକ୍ଷା କିୟେର୍। ଯଦି ହେୱାନ୍ ହାର୍ଦି କାମାୟ୍ କିଜି ମାନ୍‌ଙ୍ଗାନାନ୍, ଲାଗିଙ୍ଗ୍ ହେୱାନ୍ ଜାର୍ କାମାୟ୍‌ତିଙ୍ଗ୍ ୱାରି ଆନାନ୍, ମି କାମାୟ୍ ଜେକ ଇନେର୍ ହୁଦାଙ୍ଗ୍ ପା ହାମାନ୍ କିମାଟ୍।

ଏପିସିୟ 3:17

ଆରେ ଏପେଙ୍ଗ୍ ହେୱାନ୍‌ତାକେ ପାର୍ତିକିନି କାଜିଙ୍ଗ୍ ଖ୍ରୀଷ୍ଟ ମି ଗରବ୍ ବିତ୍ରେ ବାହା କିଦେନ୍।

କଲସିୟ 1:23

ହେୱାନ୍ ମିଙ୍ଗେଙ୍ଗ୍ ପବିତ୍ର କିତ୍‌ତାନ୍‌ନା, ମାତର୍ ଏପେଙ୍ଗ୍ ୱିଜୁଦିନ୍ ଖ୍ରୀଷ୍ଟତାକେ ପାର୍ତି କିଜି ମାନାଟ୍। ଇନେସ୍‌କି ର ବାଡ଼୍‌କାସ୍ ପାଉଣ୍ଡେସେନ୍ ତାକେ ଇଲ୍ ମାନ୍‌ଗାନାତ୍ ହେଲେକେ ପାର୍ତି ଖ୍ରୀଷ୍ଟତାକେ ବାଡ଼୍‌କାସ୍ ଆଜି ମାନେତ୍। ହାର୍ଦିକାବୁର୍ ୱେନ୍‌ଞ୍ଜି ଇମ୍‌ଣି ଆହା ପାୟା ଆତାଦେର୍‌ନା ହେ ଆହାତିଙ୍ଗ୍ ଏପେଙ୍ଗ୍ ପିହ୍‌ମାଟ୍। ଇ ହାର୍ଦିକାବୁର୍ ପୁର୍ତିନି ଚାରିବେଣ୍‌ତାଙ୍ଗ୍ ଶୁଣାୟ୍ କିନାରା। ଆରେ ଆନେଙ୍ଗ୍ ପାଉଲ ଈଶ୍ୱର ଦାସ୍ ଆଜି ଇ ହାର୍ଦିକାବୁର୍ ଶୁଣାୟ୍ କିନାଙ୍ଗା।

କଲସିୟ 1:27

ଖ୍ରୀଷ୍ଟତି ଗୌରବନି ଦନ୍ ବିନ୍‌ଜାତିନି ମାନାୟାରିଙ୍ଗ୍ ପା ମାନାତ୍ ଇଞ୍ଜି ଈଶ୍ୱର ତା ମାନାୟାରିଙ୍ଗ୍ ପୁନିକିଦେଙ୍ଗ୍ ଇଚା କିତାନ୍। ଖ୍ରୀଷ୍ଟ ମି ବିତ୍ରେ ବାହା କିନାନ୍ ହେଦାଙ୍ଗ୍ ଆନାତା ଡ଼ୁଗ୍‌ତି ବିଷୟ। ତା ଗୌରବ ପାୟାଆନି କାଜିଙ୍ଗ୍ ଇଦାଙ୍ଗ୍ ମାଙ୍ଗେଙ୍ଗ୍ ଆହା ହିଦ୍‌ନାତ୍।

କଲସିୟ 2:7

ଆରେ ମାର୍‌ତି ଚିରା ଇନେସ୍ ମେଦ୍‌ନିତାକେ ହାଲ୍‌ଜି ଆଟ୍‌ୱା ଆଜି ମାନାତ୍, ହେଲେକେ ଏପେଙ୍ଗ୍ ହେୱାନ୍‌ତାକେ ବେସି ଆଟ୍‌ୱା ଆଜି ମାନାଟ୍। ମି ଜିବୁନ୍ ହେୱାନ୍‌ତାକେ ବାଡା ଆୟେତ୍, ଲାଗିଙ୍ଗ୍ ଏପେଙ୍ଗ୍ ଇମ୍‌ଣି ହିକ୍ଷା ପାୟା ଆତାଦେର୍‌ନା ହେ ଅନୁସାରେ ମି ପାର୍ତି ସତ୍‌ତାକେ ଆଦିକ୍‌ତାଙ୍ଗ୍ ଆଦିକ୍ ଆଟ୍‌ୱା ଆନାତ୍‌। ଆରେ ଆଦିକ୍‌ତାଙ୍ଗ୍ ଆଦିକ୍ ଏପେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଦେର୍।

୧ ତିମତି 2:15

ମାତର୍ କଗ୍‍ଲେକ୍ ଯଦି ହାର୍ଦି ବୁଦିତାଙ୍ଗ୍ ପାର୍ତି, ଲାଡ୍ ଆରେ ଦରମ୍ କଗ୍‌ଲେ ଆଜି ମାଚିସ୍ ଈଶ୍ୱର ହେୱେକାଙ୍ଗ୍ ରକ୍ଷା କିନାନ୍, ଏଚେପାଦ୍ନା ହେୱେକ୍ ହିମ୍‌ଣାତିଙ୍ଗ୍ ଜନମ୍ କିନିକ୍।

୨ ତିମଥି 3:8

ଆରେ ଇନେସ୍ ଯନ୍ନିସ୍ ଆରେ ଯମ୍ୱ୍ରସ୍ ମୋଶାଙ୍ଗ୍ ବିରଦ୍ କିଜି ମାଚାର୍, ହେଲେକେ ମିଚ୍‌ୱା ମାଷ୍ଟେରାର୍ ପା ସତ୍‌ତିଙ୍ଗ୍ ବିରଦ୍ କିନାର୍। ହେୱାର୍ ମାନ୍ ବିତ୍ରେ କରାପ୍ ଚିନ୍ତା ମାନାତ୍ ଆରେ ପାର୍ତିକିନି ବିଷୟରେ ପିସ୍ତାର୍‌ନା।

ତୀତସ 1:13

କ୍ରୀତି ଦୀପ୍‌ତାକେ ମାନି ମାନାୟାର୍ ବିଷୟରେ ୱେଚ୍‌ଚିମାଚି ଇ କାତା ସତ୍। ଲାଗିଙ୍ଗ୍ ହେୱାର୍ ଇନେସ୍ ଯୀଶୁ ଖ୍ରୀଷ୍ଟନି ସତ୍ ହିକ୍ଷାତିଙ୍ଗ୍ ପାର୍ତିକିନାର୍।

ତୀତସ 1:16

ଇ ବୁଲ୍ ହିକ୍ଷାହିନି ମାଷ୍ଟେରାର୍ ଈଶ୍ୱରତିଙ୍ଗ୍ ପୁନାପ୍ ଇଞ୍ଜି ୱେଚ୍‌ନାର୍, ମାତର୍ ହେୱାର୍ କାମାୟ୍ ଚଚ୍‌ନାତ୍‌ ଯେ ହେୱାର୍ ହେୱାନିଙ୍ଗ୍ ପୁନୁର୍। ହେୱାର୍ ବେସି କରାପ୍ ଆରେ ଈଶ୍ୱରତିଙ୍ଗ୍ ମାନିକିଉର୍। ହେୱାର୍ ଅଲପ୍‌ପା ହାର୍ଦି କାମାୟ୍ କିଦେଙ୍ଗ୍ ଆଡୁର୍।

ତୀତସ 2:2

ଏପେଙ୍ଗ୍ ଆଗେ ବୁଡ଼ା ମାନାୟାରିଙ୍ଗ୍ ହିକ୍ଷା ହିୟାଟ୍ ଯେ, ହେୱାର୍ ଜାର୍ ଜିବୁନ୍‌ତିଙ୍ଗ୍ କଣ୍ଟ୍ରୁଲ୍ କିନାର୍, ଜେକନିକାର୍ ସନ୍‌ମାନ୍ କିତିଲେକେ ବ୍ଯବହାର୍ କିନାର୍, ଆରେ ବୁଦି ହୁଦାଙ୍ଗ୍ ବ୍ଯବହାର୍ କିନାର୍। ହେୱାର୍ ଈଶ୍ୱରତିଙ୍ଗ୍ ବେସି ପାର୍ତିକିନାର୍, ଜେକନିକାରିଙ୍ଗ୍ ହାର୍ଦି ମାନ୍‌ତାଙ୍ଗ୍ ଲାଡ୍ କିନାର୍, ଆରେ ୱିଜୁ ଦୁକ୍‌କଷ୍ଟତିଙ୍ଗ୍ ପା ସମ୍ୱାଲି କିନାର୍।

ଏବ୍ରି 12:15

ଇନେସ୍ ଇନେର୍ ଈଶ୍ୱର ଦୟାତାଙ୍ଗ୍ ଜିୱାତାର୍‌ନା, ହେଦାଙ୍ଗ୍ କାଜିଙ୍ଗ୍ ଜାର୍-ଜାର୍ ସାଇଜ କିବା ଆଡ। ମି ବିତ୍ରେ ଇନେସ୍ ଇମ୍‌ଣି ଅବିସ୍‌ବାସ୍‌ନି କେନି ମାର୍‌ତି ଚିରାଙ୍ଗ୍ ଉବ୍‌ଜା ଆଉତ୍, ହେଦାଙ୍ଗ୍ କାଜିଙ୍ଗ୍ ଜାଗ୍ରତ୍ ଆଜି ମାନାଟ୍। ଇନେସ୍‌କି ଇଦାଙ୍ଗ୍ ଇନାୱେଡ଼ାଙ୍ଗ୍ ଉବ୍‌ଜା ଆନାତ୍, କେତେକ୍ ମାନାୟ୍ ଇ ବିଷୟତାଙ୍ଗ୍ କରାପ୍ ଆନାର୍।

ଏବ୍ରି 4:1

ଈଶ୍ୱର ନଙ୍ଗୟ୍ ପା ତା ଜମ୍‌ନି ବାହାତାକେ ହାଞ୍ଜେଙ୍ଗ୍ ପାର୍ମାଣ୍ କିତାନ୍‌ନା, ଆରେ ହେ ପାର୍ମାଣ୍‌କିତି ବାହାତାକେ ହାଞ୍ଜେଙ୍ଗ୍ ଇନେସ୍ ମି ବିତ୍ରେତାଙ୍ଗ୍ ଇନେର୍ ବାକିଆଜି ମାନୁଦେର୍, ଇଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ପାଣ୍ଡ୍ରାଆଜି ଜାଗ୍ରତ୍ ଆଜି ମାନାସ୍।

ଏବ୍ରି 6:8

ମାତର୍ ଜେକନି ମାନାୟାର୍ ୱାଡ଼ି ମାର୍ ଆରେ କାଚ୍ରା ମାର୍ ଲେକେ, ହେଦାଙ୍ଗ୍ ଇନା କାମାୟ୍‌ତାକେ ଯଗ୍ଯ ଆକାୟ୍। ହେଦାଙ୍ଗ୍ ଈଶ୍ୱରତାଙ୍ଗ୍ ଅବିଶାପ୍ ପାୟାଆନାତ୍ ଆରେ ନାଣିତାକେ ନଷ୍ଟ ଆନାତ୍।

ଜାକ୍‌ବ 4:4

ଏପେଙ୍ଗ୍ ଈଶ୍ୱରତାକେ ବିସ୍‌ବାସ୍ ହିଲ୍‌ୱିତି ମାନାୟ୍ କାଦେର୍, ଇନେସ୍‌କି ପୁର୍ତିନି ବିଷୟତିଙ୍ଗ୍ ସାଙ୍ଗ ଆତିସ୍ ଈଶ୍ୱରତିଙ୍ଗ୍ ଶତ୍ରୁ ଆନାଦେର୍, ଇଦାଙ୍ଗ୍ ମିଙ୍ଗେଙ୍ଗ୍ ଇନାକା ଜାଣା ଆକାୟ୍ କି? ଲାଗିଙ୍ଗ୍ ଇମ୍‌ଣାକାନ୍ ପୁର୍ତିନି ବିଷୟତିଙ୍ଗ୍ ସାଙ୍ଗ ଆଦେଙ୍ଗ୍ ଇଚାକିନାନ୍, ହେୱାନ୍ ନିଜେ ଈଶ୍ୱରତିଙ୍ଗ୍ ଶତ୍ରୁ ଆନାନ୍।

୧ ପିତର 5:9

ଏପେଙ୍ଗ୍ ଖ୍ରୀଷ୍ଟଙ୍ଗ୍ ଆଦିକ୍ ପାର୍ତି କିଜି ହେ ଶୟତାନତିଙ୍ଗ୍ ବିରଦ୍ କିୟାଟ୍। ଏପେଙ୍ଗ୍ ମାନ୍ତ ଇଟାଟ୍ ଯେ, ଏପେଙ୍ଗ୍ ଦୁଃକ୍ କଷ୍ଟ ପାୟା ଆତିଲେକେ ଇ ପୁର୍ତିନି ଖ୍ରୀଷ୍ଟଙ୍ଗ୍ ୱିଜାର୍ ମାନାୟାର୍ ହେଲେକେ ଦୁଃକ୍ କଷ୍ଟ ପାୟାଆନାରା।

ହତ୍‌ତି 2:5

ଏପେଙ୍ଗ୍ ଏତୁକିୟାଟ୍ ଆଗେ ନାଙ୍ଗେଙ୍ଗ୍ ଇନେସ୍ ଲାଡ୍‌କିଜି ମାନ୍‌ଞ୍ଚାଦେର୍, ମାତର୍ ନଙ୍ଗୟ୍ ଏପେଙ୍ଗ୍ ହେଲେକେ ଲାଡ୍ ନାଙ୍ଗେଙ୍ଗ୍ କିଦୁଦେରା। ଲାଗିଙ୍ଗ୍ ଏପେଙ୍ଗ୍ ମି ମାନ୍‌ତିଙ୍ଗ୍ ବାଦ୍‌ଲାୟ୍ କିୟାଟ୍ ଆରେ ଆଗେ ଇନେସ୍ ନାଙ୍ଗେଙ୍ଗ୍ ଲାଡ୍‌କିଜି ମାନ୍‌ଞ୍ଚାଦେର୍ ହେଲେକେ ନାଙ୍ଗେଙ୍ଗ୍ ଲାଡ୍ କିଦ୍‌ନାକା ଆରମ୍ କିୟାଟ୍। ଯଦି ଏପେଙ୍ଗ୍ ପାପ୍ କାମାୟ୍ କିନାକା ବନ୍ଦ୍ କିଉଦେର୍ ଲାଗିଙ୍ଗ୍ ଆନେଙ୍ଗ୍ ୱାତିସ୍ ମି ମଣ୍ଡ୍‌ଲିତାଙ୍ଗ୍ ବଇଟା ଇଟ୍‌ନାକା ଗୁଚାୟ୍ କିନାଙ୍ଗ୍।