୨ କରନ୍ତିୟ 12:12 - New Testament in Pengo Parja Language

¹² ଆନେଙ୍ଗ୍ ଏଚେପାଦ୍ନା ମିତାକେ ମାଚାଙ୍ଗ୍, ଈଶ୍ୱର ନାଙ୍ଗେଙ୍ଗ୍ ମିତାକେ ପକ୍ତାତାନ୍‌ନା ଆରେ ଆନେଙ୍ଗ୍ ହାତ୍‌ପା ରକାଙ୍ଗ୍ ଈଶ୍ୱର ବାଚିକିତି ଚେଲାଇଞ୍ଜି ୱେଚ୍‌ଚି ମାଚାଙ୍ଗ୍। ଇନେସ୍‌କି ଆନେଙ୍ଗ୍ ସାସ୍ ଆଜି ବେସି ଚାନିଆଆନି ଚିନ୍, ଚାନିଆଆନି କାମାୟ୍ ଆରେ ଶାକ୍ତିନି କାମାୟ୍ ୱିଜୁ ମିତାକେ କିଜି ମାଚାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

¹² ହେ ୱିଜ଼ୁ ଚିନ୍‌ ଆରି କାବାନି କାମାୟ୍‌ ଆରେ ସାକ୍ତିନି କାମାୟ୍‌ ପକ୍ୟାତାକାର୍‌ତି ଇଟ୍‌କାଡ଼୍‌ ଇସାବ୍‌, ହେ ସବୁ ହାତ୍‌ପାତ ମି ବିତ୍ରେତାଂ ପୁରା ବେସି ସାସ୍‌ ଲାହାଙ୍ଗ୍‌ ଆତାତ୍‌ନ୍ନା ।

୨ କରନ୍ତିୟ 12:12 Iomraidhean Croise

ଜହନ୍‌ 4:48

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଚାନିଆଆନି କାମାୟ୍ ହୁଡ଼୍‌ୱିତିସ୍, ଏପେଙ୍ଗ୍ ଇନାୱେଡ଼ାଙ୍ଗ୍ ନାଙ୍ଗେଙ୍ଗ୍ ପାର୍ତି କିଦୁଦେର୍।”

୧ କରନ୍ତିୟ 14:18

ଆନେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଙ୍ଗା ଯେ, ଆନେଙ୍ଗ୍ ମିବେତାଙ୍ଗ୍ ଆଦିକ୍ ବୁଜାଆୱି ବାଷା ଇଞ୍ଜେଙ୍ଗ୍ ଆଡ୍‌ନାଙ୍ଗା।

୨ କରନ୍ତିୟ 11:4

ଆପେଙ୍ଗ୍ ଯୀଶୁ ବିଷୟରେ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାପ୍, ଏପେଙ୍ଗ୍ ପବିତ୍ର ଆତ୍ମାତିଙ୍ଗ୍ ପାୟାଆଜି ମାଚାଦେର୍ ଆରେ ଆପେଙ୍ଗ୍ ୱେଚ୍‌ଚିତି ହାର୍ଦିକାବୁର୍‌ତିଙ୍ଗ୍ ଆସ୍ତି ମାଚାଦେର୍। ମାତର୍ ଏପେଙ୍ଗ୍ ନଙ୍ଗୟ୍ ଜେକନି ଯୀଶୁ ବିଷୟରେ ୱେଚ୍‌ନି ମାନାୟାରିଙ୍ଗ୍ ଆହ୍‌ନାଦେରା, ଏପେଙ୍ଗ୍ ଜେକନି ଆତ୍ମାତିଙ୍ଗ୍ ଆରେ ଜେକନି ହାର୍ଦିକାବୁର୍‌ତିଙ୍ଗ୍ ଆସ୍ତେଙ୍ଗ୍ ରେଡି ଆତାଦେର୍‌ନା। ଏପେଙ୍ଗ୍ ହେ ହିକ୍ଷାତିଙ୍ଗ୍ ଆସ୍ତି ବେସିବୁଲ୍ କିନାଦେରା।

୨ କରନ୍ତିୟ 11:6

ଆନେଙ୍ଗ୍ ହେୱାର୍ ଲେକେ ଚାଲାକି ହୁଦାଙ୍ଗ୍ ମିଚ୍ ହିକ୍ଷା ମିଙ୍ଗେଙ୍ଗ୍ ହିଦୁଙ୍ଗା, ମାତର୍ ନାଙ୍ଗେଙ୍ଗ୍ ବୁଦି ମାନାତ୍। ଆନେଙ୍ଗ୍ ମିଙ୍ଗେଙ୍ଗ୍ କେତେହଟ୍ ଇ ବିଷୟରେ କିଲେର୍ କିଜି ପୁନି କିଜି ମାନ୍‌ଞ୍ଚାଙ୍ଗ୍।

୨ କରନ୍ତିୟ 4:2

ଆପେଙ୍ଗ୍ ୱିଜୁ ଲାଜାଆନି କାମାୟ୍ ଆରେ ମାନାୟାର୍‌ତାଙ୍ଗ୍ ଡ଼ୁକ୍‌ଚି କିନି କାମାୟ୍ କିଉସା। ଆପେଙ୍ଗ୍ ମିଙ୍ଗେଙ୍ଗ୍ ଟକାୟ୍ କିଦ୍‌ଦେଙ୍ଗ୍ ଉପାୟ୍ କିଉପା, ଆରେ ଆପେଙ୍ଗ୍ ଈଶ୍ୱର କାତାତିଙ୍ଗ୍ ଚାଲାକି କିଜି ୱେଚ୍‌ଚୁପା। ଆପେଙ୍ଗ୍ ଈଶ୍ୱର ମୁମ୍‌ଦ ସତ୍ ୱେଚ୍‌ନାପା ଆରେ ୱିଜୁ ଦରମ୍ ମାନାୟାର୍ ପୁଚାର୍‌ନା ଯେ ଆପେଙ୍ଗ୍ ସତ୍ ୱେଚ୍‌ନାପା।