୨ କରନ୍ତିୟ 11:4 - New Testament in Pengo Parja Language

⁴ ଆପେଙ୍ଗ୍ ଯୀଶୁ ବିଷୟରେ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାପ୍, ଏପେଙ୍ଗ୍ ପବିତ୍ର ଆତ୍ମାତିଙ୍ଗ୍ ପାୟାଆଜି ମାଚାଦେର୍ ଆରେ ଆପେଙ୍ଗ୍ ୱେଚ୍‌ଚିତି ହାର୍ଦିକାବୁର୍‌ତିଙ୍ଗ୍ ଆସ୍ତି ମାଚାଦେର୍। ମାତର୍ ଏପେଙ୍ଗ୍ ନଙ୍ଗୟ୍ ଜେକନି ଯୀଶୁ ବିଷୟରେ ୱେଚ୍‌ନି ମାନାୟାରିଙ୍ଗ୍ ଆହ୍‌ନାଦେରା, ଏପେଙ୍ଗ୍ ଜେକନି ଆତ୍ମାତିଙ୍ଗ୍ ଆରେ ଜେକନି ହାର୍ଦିକାବୁର୍‌ତିଙ୍ଗ୍ ଆସ୍ତେଙ୍ଗ୍ ରେଡି ଆତାଦେର୍‌ନା। ଏପେଙ୍ଗ୍ ହେ ହିକ୍ଷାତିଙ୍ଗ୍ ଆସ୍ତି ବେସିବୁଲ୍ କିନାଦେରା।

ସତ୍‌ ବଚନ୍‌ ପୁନି ନିୟମ୍‌

⁴ ଇନାକିଦେଂକି ଇମ୍‌ଣି ଜିସୁଙ୍ଗ୍‌ ଆସେଙ୍ଗ୍‌ ପର୍‌ଚାର୍‌ କିୱାତାସ୍, ଏପେଙ୍ଗ୍‌ ବିନ୍‌ ଜିସୁଙ୍ଗ୍‌ ଜଦି ଇନେର୍‌ ୱାଜ଼ି ପର୍‌ଚାର୍‌ କିତାର୍‌, କି ଇମ୍‌ଣି ପୁଇପୁୟା ଜିବୁନ୍‌ତ ଏପେଙ୍ଗ୍‌ ଗାଟାୱାତାଦେର୍, ଏପେଙ୍ଗ୍‌ ର ବିନ୍‌ ଜିବୁନ୍‌ ଗାଟା ଆଡୁ, କି ଇମ୍‌ଣି ନେକ୍ରିକାବୁର୍‌ ଏପେଙ୍ଗ୍‌ ଅୱାତାଦେର୍, ଏପେଙ୍ଗ୍‌ ର ବିନ୍‌ ନେକ୍ରିକାବୁର୍‌ ଗାଟା ଆଡୁ, ତା ଅତିସ୍‌ ଏପେଙ୍ଗ୍‌ ତ ବେସି ହୁଦାର୍ ।

୨ କରନ୍ତିୟ 11:4 Iomraidhean Croise

ମାର୍କ 7:9

ଯୀଶୁ ଆରେରଗ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଈଶ୍ୱର ବିଦିପିସ୍ତି ଜାର୍-ଜାର୍ ବିଦିତିଙ୍ଗ୍ ମାନି କିନାଦେରା।

ପକ୍ୟାତାକା 4:12

ଯୀଶୁଙ୍ଗ୍ ପିସ୍ତି ଆରେ ଇନେର୍‌ତାକେ ପା ଉଦାର୍ ଗାଟାଆଦୁତ୍। ଇନେସ୍‌କି ବାଦାଡ଼୍ ତାରେନ୍ ମାନାୟାର୍ ବିତ୍ରେତାଙ୍ଗ୍ ହେଲେକେ ଇନେର୍ ତର୍‌ ହିଲୁତ୍, ତା ତର୍‍ଦାଙ୍ଗ୍ ରକ୍ଷା ପାୟାଆନାସ୍।”

ରୋମିୟ 8:15

ଲାଗିଙ୍ଗ୍ ଏପେଙ୍ଗ୍ ଚାକର୍ ଆଜି ଈଶ୍ୱରତିଙ୍ଗ୍ ପାଣ୍ଡ୍ରାଆନି ଆତ୍ମା ପାୟା ଆୱାତାଦେର୍‌ନା, ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ଈଶ୍ୱର ମେହିର୍ କିଜି ତା କୁଟୁମ୍‌ତାକେ ମାହାୟ୍ କିତ୍‌ତାତ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ଈଶ୍ୱରତିଙ୍ଗ୍, “ଆବା-ଆବା ଇଞ୍ଜି ହିର୍‌ବାନାସା।”

୧ କରନ୍ତିୟ 3:11

ଇନେର୍ ପା ମିଙ୍ଗେଙ୍ଗ୍ ଉଦାର୍ ପାୟା ଆଦେଙ୍ଗ୍ ପୁନି ହିକ୍ଷା ହିକାୟ୍ କିଦ୍‌ମେର୍, ଇନେସ୍‌କି ଆନେଙ୍ଗ୍ ଇମ୍‌ଣି ହିକ୍ଷା ମିଙ୍ଗେଙ୍ଗ୍ ହିତ୍‌ତାଙ୍ଗ୍‌ନା, ହେଦାଙ୍ଗ୍‌ନେ ଉଦାର୍ ପାୟାଆନି ଉପାୟ୍। ଈଶ୍ୱର ମାଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଉଦାର୍ କିଦ୍‌ନାନ୍।

୨ କରନ୍ତିୟ 11:1

ଏପେଙ୍ଗ୍ ଜେକନିକାରିଙ୍ଗ୍ ଆହ୍‌ନାଦେରା, ଇନେର୍‌କି ଜାର୍‌ତିଙ୍ଗ୍ ହାର୍‌ଦାକାଙ୍ଗ୍ ଇଞ୍ଜି ୱେଚ୍‌ନାରା, ହେଦାଙ୍ଗ୍ କାଜିଙ୍ଗ୍ ଯଦି ଆନେଙ୍ଗ୍ ହେୱାର୍ ଲେକେ ବକ୍‌ୱା ବ୍ୟବହାର୍ କିନାଙ୍ଗା। ଲାଗିଙ୍ଗ୍ ଆନେଙ୍ଗ୍ ଆହା କିନାଙ୍ଗା ଯେ ଏପେଙ୍ଗ୍ ନାଙ୍ଗେଙ୍ଗ୍ ପା ଆସ୍ତାନାଦେର୍‌।

୨ କରନ୍ତିୟ 2:12

ଆରେ ଏଚେପାଦ୍ନା ଆନେଙ୍ଗ୍ ଖ୍ରୀଷ୍ଟ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ତ୍ରୋୟା ସହର୍‌ତାକେ ହାଚାଙ୍ଗ୍, ମାପୃ ନାଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ବେସି ଗାଜା ସୁଯଗ୍ ହିଜିମାନ୍‌ଞ୍ଚାନ୍।

ଗାଲାତିୟ 3:2

ଲାଗିଙ୍ଗ୍ ଆନେଙ୍ଗ୍ ରଞ୍ଜାଙ୍ଗ୍ ମିଙ୍ଗେଙ୍ଗ୍ ପଶ୍ନ ୱେନ୍‌ବାଆଦ୍‌ଦେଙ୍ଗ୍ ଇଚା କିନାଙ୍ଗା: ମୋଶା ଲେକିକିତି ନିୟମ୍‌ତିଙ୍ଗ୍ ମାନିକିଜି କି ଏପେଙ୍ଗ୍ ପବିତ୍ର ଆତ୍ମା ପାୟାଆଜି ମାଚାଦେର୍? ଇଦାଙ୍ଗ୍ ଆକାୟ୍! ମାତର୍ ଯୀଶୁ ଖ୍ରୀଷ୍ଟ ବିଷୟନି ହାର୍ଦିକାବୁର୍ ୱେନ୍‌ଞ୍ଜି ପାର୍ତିକିତି କାଜିଙ୍ଗ୍ ଏପେଙ୍ଗ୍ ପବିତ୍ର ଆତ୍ମା ପାୟାଆତାଦେର୍।

୧ ତିମତି 1:3

ଆନେଙ୍ଗ୍ ମାକଦନିଆ ଜିଲ୍ଲାତାକେ ହାନିହିଙ୍ଗ୍ ଇନେସ୍ ନିଙ୍ଗେଙ୍ଗ୍ ଏପିସ ସହର୍‌ତାକେ ମାଞ୍ଜେଙ୍ଗ୍ ୱେଚ୍‌ଚି ମାନ୍‌ଞ୍ଚାଙ୍ଗ୍, ଆରେରଗ ୱେଚ୍‌ଚାନାଙ୍ଗ୍ ଏନେଙ୍ଗ୍ ନଙ୍ଗୟ୍ ହେବେ ମାନା। ଆରେ ହେବେ ବୁଲ୍ ହିକ୍ଷାହିନି ମାଷ୍ଟେରାରିଙ୍ଗ୍ ବୁଲ୍ ହିକ୍ଷା ହିୱେଦେଙ୍ଗ୍ ଆଦେସ୍ ହିୟା।

୧ ତିମତି 2:5

ଇନେସ୍‌କି ଈଶ୍ୱର ରକାନ୍ ନେ ମାନାନ୍, ଈଶ୍ୱର ଆରେ ମାନାୟାର୍ ବିତ୍ରେ ରକାନ୍ ନେ ମାଦି ମାନ୍‌ଞ୍ଜି କାମାୟ୍ କିନାକାନ୍ ମାନାନ୍। ହେ ମାଦି ମାନି ମାନାୟ୍ ଆନାନା ଯୀଶୁ ଖ୍ରୀଷ୍ଟ।