୨ କରନ୍ତିୟ 10:7 - New Testament in Pengo Parja Language

⁷ ଏପେଙ୍ଗ୍ ଲକାର୍ ମୁମ୍ ହୁଡ଼୍‌ଜି ବିଚାର୍ କିନାଦେରା। ଯଦି ଇମ୍‌ଣି ମାନାୟ୍ ଖ୍ରୀଷ୍ଟ ଲକ୍ ଆତାଙ୍ଗ୍‌ନା ଇଞ୍ଜି ପୁରାପୁରି ପାର୍ତି କିନାନା, ଲାଗିଙ୍ଗ୍ ଆପେଙ୍ଗ୍ ଖ୍ରୀଷ୍ଟର୍ ଲକ୍ ଇଞ୍ଜି ହେୱାର୍ ପା ମାନିକିନି ଦର୍‌କାର୍, ଇନେସ୍ ହେୱାର୍ ଖ୍ରୀଷ୍ଟର୍ ଲକ୍ ଆତାପ୍‌ନା ଇଞ୍ଜି ବାଟ୍‌ପାଣ୍ ଆନାରା।

ସତ୍‌ ବଚନ୍‌ ପୁନି ନିୟମ୍‌

⁷ ଏପେଙ୍ଗ୍‌ ଚାରିବେଣ୍‌ତାଂ ଇନାକା ଗିଟା ଆଦ୍‌ନାତା ହୁଡ଼ାଟ୍‌ । ଜଦି ଇନେର୍‌ ଜାର୍‌ତିଂ କ୍ରିସ୍ଟତି ଇଞ୍ଜି ପାର୍ତି କିନାନ୍‌, ନଲେ ହେୱାନ୍‌ ଇନେସ୍‌ କ୍ରିସ୍ଟତି, ଆପ୍‌ ପା ଇନେର୍‌ ହେ ଲାକେ କ୍ରିସ୍ଟତି, ଇଦାଂ ହେୱାନ୍‌ ଆରେ ନିଜେ ଏତୁ କିଏନ୍‌ ।

୨ କରନ୍ତିୟ 10:7 Iomraidhean Croise

ମାତିଉ 23:5

“ମାତର୍ ହେୱାର୍ ମାନାୟ୍‌ତିଙ୍ଗ୍ ଚଚ୍‌ଚେଙ୍ଗ୍ ୱିଜୁ ହାର୍ କାମାୟ୍ କିନାର୍। ହୁଡ଼ାଟ୍, ଜାର୍‌ତିଙ୍ଗ୍ ଦରମ୍ ଚଚିୟାଆନି କାଜିଙ୍ଗ୍ ଗାଜାଗାଜା ଡଙ୍ଗ୍‌ରୁ ମାରାତ ଗାଚିଆ ଆନାର୍, ଆରେ ଜାର୍ ପାର୍ତାନା କିନିହିଙ୍ଗ୍ ଉସ୍‌ପିତି ହେନ୍ଦ୍ରା ବେସି ଲାମାୟ୍ କିନାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:15

ଯୀଶୁ ପାରୁସିଦଳ୍‍‌ତିଙ୍ଗ୍ ୱେଚ୍‌ଚାନ୍, “ମାନାୟାର୍ ମୁମ୍‌ଦ ଏପେଙ୍ଗ୍ ଜାର୍‌ତିଙ୍ଗ୍ ବଲ୍‍ବଲାୟ୍ ଆନାଦେରା। ମାତର୍ ମି ଗରବ୍‌ତାକେ ଇନାକା ୱିଜୁ ମାନାତ୍ ଈଶ୍ୱରନେ ପୁନାନ୍। ଇମ୍‌ଣିୱିଜୁ ବିଷୟତିଙ୍ଗ୍ ମାନାୟାର୍ ବେସି ସନ୍‌ମାନ୍ କିନାର୍, ହେଦାଙ୍ଗ୍ ଈଶ୍ୱର କାଣ୍‍କୁକାଙ୍ଗ୍ ଗିଣ୍‌ନି ବିଷୟ।

ଜହନ୍‌ 7:24

ଇମ୍‌ଣି ବିଷୟତିଙ୍ଗ୍ ପା ବାର୍ତ ହୁଡ଼୍‌ଜି ବିଚାର୍ କିମାଟ୍, ଇନାକା ଟିକ୍ ତା ଅନୁସାରେ ଏପେଙ୍ଗ୍ ବିଚାର୍ କିୟାଟ୍।”

୧ କରନ୍ତିୟ 1:12

ଏପେଙ୍ଗ୍ କେତ୍‌ଜାଣ୍ ଇଲେକେ ୱେଚ୍‌ଚି ବାଗ୍-ବାଗ୍ ଆନାଦେରା ଯେ, “ଆନେଙ୍ଗ୍ ପାଉଲତି ଚେଲା,” ଆରେ କେତେକ୍ ମାନାୟ୍ ଇଞ୍ଜ୍‌ନାରା ଯେ, “ଆନେଙ୍ଗ୍ ଆପୋଲନି ଚେଲା ଇନେର୍-ଇନେର୍ ଇନାରା ଆନେଙ୍ଗ୍ କେପା ଚେଲା,” ଆରେ କେତେକ୍ ମାନାୟ୍ ଇଞ୍ଜ୍‌ନାରା ଯେ, “ଆନେଙ୍ଗ୍ ଖ୍ରୀଷ୍ଟନି ଚେଲା।”

୧ କରନ୍ତିୟ 14:37

ଏପେଙ୍ଗ୍ ଯଦି ଜାର୍‌ତିଙ୍ଗ୍ ଭବିଷ୍ଯତବକ୍ତା ଇଞ୍ଜି ୱେଚ୍‌ନାଦେର୍, ଆରେ ପବିତ୍ର ଆତ୍ମା ଦାନ୍ ହିତ୍‌ତାନ୍‌ନା ବାବିକିନାଦେରା, ଲାଗିଙ୍ଗ୍ ଏପେଙ୍ଗ୍ ପୁନି ଦର୍‌କାର୍ ଯେ ଆନେଙ୍ଗ୍ ଇମ୍‌ଣି ୱିଜୁ ଆଦେସ୍ ୱେଚ୍‌ନାଙ୍ଗା ହେଦାଙ୍ଗ୍ ମାପୃତାଙ୍ଗ୍ ୱାତାତ୍‌ନା।

୧ କରନ୍ତିୟ 15:23

ମାତର୍ ୱିଜୁ ମାନାୟାର୍ ଟିକ୍ ସମୟରେ ଆରେରଗ ଜିବୁନ୍ ଆନାର୍। ଈଶ୍ୱର ମାଙ୍ଗେଙ୍ଗ୍ ପୁନି କିଦ୍‌ନି କାଜିଙ୍ଗ୍ ଖ୍ରୀଷ୍ଟଙ୍ଗ୍ ଆରେରଗ ପାର୍ତୁମ୍ ଜିବୁନ୍ କିତାନ୍। ଲାଗିଙ୍ଗ୍ ଏଚେପାଦ୍ନା ଖ୍ରୀଷ୍ଟ ଆରେରଗ ୱାନାନ୍ ତା ମାନାୟାରିଙ୍ଗ୍ ଆରେରଗ ଜିବୁନ୍ କିନାନ୍।

୧ କରନ୍ତିୟ 3:23

ଆରେ ଏପେଙ୍ଗ୍ ଖ୍ରୀଷ୍ଟର୍ ଲକ୍ ଆରେ ଖ୍ରୀଷ୍ଟ ଈଶ୍ୱର ଲକ୍।

୧ କରନ୍ତିୟ 9:1

ଏପେଙ୍ଗ୍ ପୁଚାଦେର୍‌ନା ଆନେଙ୍ଗ୍ ମା ମାପୃ ଯୀଶୁଙ୍ଗ୍ ନା ଜାର୍ କାଣ୍‍କୁକାଙ୍ଗ୍ ହୁଡ଼୍‌ତାଙ୍ଗ୍‌ନା, ଆରେ ଆନେଙ୍ଗ୍ ତା ବାଚିକିତି ଚେଲା ଆତାଙ୍ଗ୍‌ନା, ହେୱାନ୍ ନାଙ୍ଗେଙ୍ଗ୍ ନା ଇଚା ଅନୁସାରେ ଇନାକା ପା କିଦେଙ୍ଗ୍ ହିତ୍‌ତାନ୍‌ନା। ଆରେ ଏପେଙ୍ଗ୍ ମାପୃ ଯୀଶୁଙ୍ଗ୍ ପାର୍ତି କିତାକାନେ ଆନେଙ୍ଗ୍ କାମାୟ୍ କିତି ପାଡ଼୍‌ଲେକେ ମିଙ୍ଗେଙ୍ଗ୍ ହିତ୍‌ତାନ୍।

୨ କରନ୍ତିୟ 10:1

ଆନେଙ୍ଗ୍ ପାଉଲ, ଖ୍ରୀଷ୍ଟ ଲେକେ ଆନେଙ୍ଗ୍ ଦୟା ଆରେ ଦରମ୍‌ଆଜି ୱେଚ୍‌ଚାନାଙ୍ଗା। କେତ୍‌ଜାଣ୍ ନାଙ୍ଗେଙ୍ଗ୍ ଇଞ୍ଜ୍‌ନାରା ଯେ, ଆନେଙ୍ଗ୍ ମିହୁଦାଙ୍ଗ୍ ମାନିହିଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚେଦେଙ୍ଗ୍ ଆନେଙ୍ଗ୍ ଲାଜା ଆନାଙ୍ଗା, ମାତର୍ ମିବେତାଙ୍ଗ୍ ଦେହା ମାନିହିଙ୍ଗ୍ ସାସ୍ ଆଜି ଚିଟିତାକେ ଲେକି କିନାନା।

୨ କରନ୍ତିୟ 11:18

ଲାଗିଙ୍ଗ୍ ଜେକନିକାର୍ ଜାର୍ କାମାୟ୍ କିଜି ପାୟାଆତି କାଜିଙ୍ଗ୍ ବାଟ୍‌ପାଣ୍ ଆନାରା, ଯଦି ହେଦାଙ୍ଗ୍ ଟିକ୍ ଲାଗିଙ୍ଗ୍ ଆନେଙ୍ଗ୍ ପା ହେୱାର୍ ଲେକେ ବାଟ୍‌ପାଣ୍ ଆଦେଙ୍ଗ୍ ଆଡ୍‌ନାଙ୍ଗ୍।

୨ କରନ୍ତିୟ 11:23

ଯଦି ହେୱାର୍ ଖ୍ରୀଷ୍ଟଙ୍ଗ୍ ହେବା କିନାପା ଇଞ୍ଜି ବାଟ୍‌ପାଣ୍ ଆତିସ୍, ଆନେଙ୍ଗ୍ ରକାଙ୍ଗ୍ ପାଗଲ୍ ମାନାୟ୍ ୱେଚ୍‌ଚିଲେକେ ଆନେଙ୍ଗ୍ ହେୱାର୍‌ତାଙ୍ଗ୍ ବେସି ବାଟ୍‌ପାଣ୍ ଆଜି ୱେଚ୍‌ଚାଙ୍ଗ୍‌ମା। ଇନେସ୍‌କି ଆନେଙ୍ଗ୍ ଖ୍ରୀଷ୍ଟଙ୍ଗ୍ ହେବାକିନି କାଜିଙ୍ଗ୍ ବେସି କଷ୍ଟ କାମାୟ୍ କିତାଙ୍ଗ୍‌ନା। ହେ କାମାୟ୍ କାଜିଙ୍ଗ୍ କେତେହଟ୍ ଜଇଲ୍ ଇଞ୍ଜ ହାଲ୍‌ଜି ମାଚାଙ୍ଗ୍। ମାନାୟାର୍ ନାଙ୍ଗେଙ୍ଗ୍ କେତ୍‌ହଟ୍ ଟ୍ରାକ୍ତାତାର୍‌ନା ଆରେ ମାନାୟାର୍ ନାଙ୍ଗେଙ୍ଗ୍ ମାର୍ନେ ଅସ୍ତେଦେଙ୍ଗ୍ ଉପାୟ୍ କିଜି ମାଚାର୍।

୨ କରନ୍ତିୟ 11:4

ଆପେଙ୍ଗ୍ ଯୀଶୁ ବିଷୟରେ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାପ୍, ଏପେଙ୍ଗ୍ ପବିତ୍ର ଆତ୍ମାତିଙ୍ଗ୍ ପାୟାଆଜି ମାଚାଦେର୍ ଆରେ ଆପେଙ୍ଗ୍ ୱେଚ୍‌ଚିତି ହାର୍ଦିକାବୁର୍‌ତିଙ୍ଗ୍ ଆସ୍ତି ମାଚାଦେର୍। ମାତର୍ ଏପେଙ୍ଗ୍ ନଙ୍ଗୟ୍ ଜେକନି ଯୀଶୁ ବିଷୟରେ ୱେଚ୍‌ନି ମାନାୟାରିଙ୍ଗ୍ ଆହ୍‌ନାଦେରା, ଏପେଙ୍ଗ୍ ଜେକନି ଆତ୍ମାତିଙ୍ଗ୍ ଆରେ ଜେକନି ହାର୍ଦିକାବୁର୍‌ତିଙ୍ଗ୍ ଆସ୍ତେଙ୍ଗ୍ ରେଡି ଆତାଦେର୍‌ନା। ଏପେଙ୍ଗ୍ ହେ ହିକ୍ଷାତିଙ୍ଗ୍ ଆସ୍ତି ବେସିବୁଲ୍ କିନାଦେରା।

୨ କରନ୍ତିୟ 12:11

ଆନେଙ୍ଗ୍ ବକ୍‌ୱା ଲେକେ ବ୍ୟବହାର୍ କିନାଙ୍ଗା, ଇନେସ୍‌କି ଏପେଙ୍ଗ୍ ନାଙ୍ଗେଙ୍ଗ୍ ହେଲେକେ କିଦେଙ୍ଗ୍ ବାଦ୍ୟ କିତ୍‌ତାଦେର୍। ଇନେସ୍‌କି ଏପେଙ୍ଗ୍ ନାଙ୍ଗେଙ୍ଗ୍ ହାର୍ ଇଞ୍ଜି ଇଞ୍ଜ୍‌ନାକା ମାଚାତ୍, ଲାଗିଙ୍ଗ୍ ଆନେଙ୍ଗ୍ ବେକାର୍ ଆଜି ମାଚିସ୍ ପା, ଆନେଙ୍ଗ୍ ଗାଜା ବାଚିକିତି ଚେଲାର୍‌ତାଙ୍ଗ୍ ହିରୁକାଙ୍ଗ୍ ଆକାୟ୍।

୨ କରନ୍ତିୟ 13:3

ଆନେଙ୍ଗ୍ ମିଙ୍ଗେଙ୍ଗ୍ ପୁନି କିଦ୍‌ନାଙ୍ଗା ଯେ ଖ୍ରୀଷ୍ଟ ନା କାଜିଙ୍ଗ୍ ୱେଚ୍‌ଚାତାନ୍‌ନା। ଏଚେପାଦ୍ନା ଖ୍ରୀଷ୍ଟ ମିଙ୍ଗେଙ୍ଗ୍ ଟିକ୍ ମାନାୟ୍ ଆନି କାଜିଙ୍ଗ୍ ହିକ୍ଷା ହିଦ୍‌ନାନ୍, ହେୱାନ୍ ଦୁର୍‌ବଲ୍ ମାନାୟ୍ ଲେକେ ଆଉନ୍, ମାତର୍ ହେୱାନ୍ ତା ଶାକ୍ତି ହୁଦାଙ୍ଗ୍ ମିଙ୍ଗେଙ୍ଗ୍ ଟିକ୍ ମାନାୟ୍ ଆନି କାଜିଙ୍ଗ୍ ହିକ୍ଷା ହିଦ୍‌ନାନ୍।

୨ କରନ୍ତିୟ 5:12

ଆପେଙ୍ଗ୍ ଆରେରଗ ମି ଆଗେ ଗାଜାକାପ୍ ଇଞ୍ଜି ଚଞ୍ଜିଆ ଆନି କାଜିଙ୍ଗ୍ ଉପାୟ୍ କିଉପା, ମାତର୍ ମା ହୁଦାଙ୍ଗ୍ ମାହାଆଜି ବାଟ୍‌ପାଣ୍ ଆନି କାଜିଙ୍ଗ୍ ସୁଯଗ୍ ହିଦ୍‌ନାପା। ଲାଗିଙ୍ଗ୍ ଏପେଙ୍ଗ୍ ଗରବ୍ ବିଷୟ କାଜିଙ୍ଗ୍ ବାଟ୍‌ପାଣ୍ ଆୱାଦାଙ୍ଗ୍ ବାର୍ତ ବାଟ୍‌ପାଣ୍ ଆନାକାରିଙ୍ଗ୍ ଉତର୍ ହିଦେଙ୍ଗ୍ ଆଡ୍‌ନାଦେର୍।

ଗାଲାତିୟ 3:29

ଏପେଙ୍ଗ୍ ନଙ୍ଗୟ୍ ଖ୍ରୀଷ୍ଟନି ମାନାୟ୍ କାଦେର୍, ଆରେ ଏପେଙ୍ଗ୍ ହାତ୍‌ପା ଅବ୍ରାହାମନି ମେହି କାଦେର୍। ଈଶ୍ୱର ଅବ୍ରାହାମତିଙ୍ଗ୍ କିଜିମାଚି ପାର୍ମାଣ୍‌ନି ଆଶ୍ରିବାଦ୍‌ତାଙ୍ଗ୍ ଏପେଙ୍ଗ୍ ତା ଅଦିକାର୍ ଆତାଦେର୍।

୧ ଯୋହନ 4:6

ମାତର୍ ଆପେଙ୍ଗ୍ ଈଶ୍ୱରନି ଲକ୍। ହେଦାଙ୍ଗ୍ କାଜିଙ୍ଗ୍ ଇମ୍‌ଣି ମାନାୟ୍ ଈଶ୍ୱରତିଙ୍ଗ୍ ପୁଚାନ୍‌ନା ହେୱାନ୍ ମା ହିକ୍ଷାତିଙ୍ଗ୍ ୱେନାନ୍। ଆରେ ଇମ୍‌ଣି ମାନାୟ୍ ଈଶ୍ୱରତିଙ୍ଗ୍ ପୁନ୍‌ୱାତାନ୍‌ନା ହେୱାନ୍ ମା ସତ୍ ହିକ୍ଷାତିଙ୍ଗ୍ ୱେନୁନ୍। ହେଲେକେ ଇନେର୍‌ତାକେ ପବିତ୍ର ଆତ୍ମା ମାନାତ୍ ଆରେ ଇନେର୍‌ତାକେ ମିଚ୍ ଆତ୍ମା ମାନାତ୍ ହେଦାଙ୍ଗ୍ ଚିନ୍ କିୟାଆନାତ୍।