୨ କରନ୍ତିୟ 10:5 - New Testament in Pengo Parja Language

⁵ ଆସେଙ୍ଗ୍ ହେ ଅସ୍ତର୍ ଶସ୍ତର୍‌ତିଙ୍ଗ୍ ବ୍ୟବହାର୍ କିଜି ଈଶ୍ୱରତିଙ୍ଗ୍ ପୁନ୍‌ୱି ବାଟ୍‌ପାଣିୟାର୍‌ ଜିକାଟାଣା ଆନି ବିଷୟତିଙ୍ଗ୍ ଆପେଙ୍ଗ୍ ନଷ୍ଟ କିନାପା। ଆପେଙ୍ଗ୍ ହେ ଅସ୍ତର୍ ଶସ୍ତର୍‌ତିଙ୍ଗ୍ ବ୍ୟବହାର୍ କିଜି ହେୱାର୍ ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାପା, ଆରେ ଆପେଙ୍ଗ୍ ଖ୍ରୀଷ୍ଟଙ୍ଗ୍ ମାନି କିଦେଙ୍ଗ୍ ହିକ୍ଷା ହିନାପା।

ସତ୍‌ ବଚନ୍‌ ପୁନି ନିୟମ୍‌

⁵ ଆପ୍‌ ଗାଣ୍‌ଜୁ ସବୁ ଆରି ଇସ୍ୱର୍ତି ଗିଆନ୍‌ ବିରୁଦ୍‌ତ ହତ୍‌ତି ୱିଜ଼ୁ ଲାମା ବିସ୍ରେ ଦୁଡ଼ିମାଜ଼ି କିନାସ୍‌, ଆରେ ଜାଣ୍‌କେ ହାନ୍‌ନ୍ଦାୟ୍‌ କିଜ଼ି କ୍ରିସ୍ଟତି ବଲ୍‌ ମାନିକିନାକାସ୍‌ ଆନାସ୍‌,

୨ କରନ୍ତିୟ 10:5 Iomraidhean Croise

ମାତିଉ 15:19

ମାତର୍ ମାନାୟ୍ ଗରବ୍‌ତାଙ୍ଗ୍ ନେ କରାପ୍ ଚିନ୍ତା ହତ୍‌ନାତ୍, ଦାରି, ଚର୍, ମାନାୟ୍ ଅହ୍ନାକା, ମିଚ୍‌ୱା, ନିନ୍ଦା ଇୱିଜୁ କରାପ୍ ବେଣ୍ ହତ୍‌ନାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:51

ହେୱାନ୍ ତା ଜାର୍ କେଇଦି ସାକ୍ତି ଚଚ୍‌ଚାତାନ୍‌ନା। ହେୱାନ୍ ଆକାର୍ ମାନାୟାରିଙ୍ଗ୍ ଚିନ୍‌ବିନ୍ କିତାନ୍।

ରୋମିୟ 1:21

ହେୱାର୍ ଈଶ୍ୱରତିଙ୍ଗ୍ ପୁଚାର୍‌ନା, ମାତର୍ ହେୱାନ୍ ଈଶ୍ୱର ଇଞ୍ଜି ଗୌରବ କିୱାତାର୍ କି ଦନ୍ଯବାଦ୍ ହିୱାତାର୍। ମାତର୍ ହେୱାର୍ ପାଙ୍ଗ୍‌ୱା ଚିନ୍ତାୱିଜୁ କିନାରା ଆରେ ହେୱାର୍ କରାପ୍ ଚିନ୍ତା ପା କିନାରା, ଇନେସ୍‌କି ହେୱାରିଙ୍ଗ୍ କରାପ୍ ମାନ୍ ମାଚିଲେ ହାର୍ ବିଷୟତିଙ୍ଗ୍ ବୁଜା ଆଦେଙ୍ଗ୍ ଆଡୁରା।

ରୋମିୟ 1:5

ଆନେଙ୍ଗ୍ ଖ୍ରୀଷ୍ଟ ଯୀଶୁଙ୍ଗ୍ ପାୟାଆତିଲେ ଈଶ୍ୱର ନାଙ୍ଗେଙ୍ଗ୍ ଦୟାକିତ୍‌ତାନ୍, ଆରେ ଈଶ୍ୱର ଇମ୍‌ଣାକା ୱିଜୁ ବିନ୍‌ଜାତିନି ମାନାୟାର୍ କାଜିଙ୍ଗ୍ କିତାନ୍‌ନା। ହେଦାଙ୍ଗ୍ ୱେଚ୍‌ନି କାଜିଙ୍ଗ୍ ଈଶ୍ୱର ନାଙ୍ଗେଙ୍ଗ୍ ଦୟାକିଜି ବାଚିକିତି ଚେଲାନି ଅଦିକାର୍ ହିତ୍‌ତାନ୍, ଲାଗିଙ୍ଗ୍ ହେୱାର୍ ପାର୍ତିକିନାର୍ ଆରେ ତା କାତା ୱିଜୁ ମାନିକିନାର୍, ଆରେ ପା ହେୱାନିଙ୍ଗ୍ ଗୌରବ କିନାର୍।

ରୋମିୟ 16:26

ମାତର୍ ନଙ୍ଗୟ୍ ୱିଜୁ ବିନ୍‌ଜାତିନି ମାନାୟାର୍ ପୁନାର୍, ଆରେ ଈଶ୍ୱରତିଙ୍ଗ୍ ପାର୍ତି କିଜି ମାନିକିନାର୍। ହେଦାଙ୍ଗ୍ କାଜିଙ୍ଗ୍ ଭବିଷ୍ଯତବକ୍ତାର୍, ୱିଜୁଦିନ୍ ଜିବୁନ୍ ମାନି ଈଶ୍ୱର ସାସ୍ତର୍‌ତାକେ ଲେକାଆଜି ମାଚି ୱିଜୁ ବିଷୟ ପୁନି କିତାତ୍।

ରୋମିୟ 7:23

ମାତର୍ ଆନେଙ୍ଗ୍ ନା ଗାଗାଡ଼୍‌ନି ଜିନିଷ୍‌ତାକେ ର ଅଲଗା ନିୟମ୍‌ତିଙ୍ଗ୍ ହୁଡ଼୍‌ନାଙ୍ଗା। ହେଦାଙ୍ଗ୍ ନା ମାନ୍ତି ନିୟମ୍ ବିରଦ୍‌ତାକେ ଯୁଜ୍ କିନାତା ଆରେ ନା ଗାଗାଡ଼୍‌ନି ଜିନିଷ୍ ପାପ୍‌ନି ତାରେନ୍ ମାନାତ୍ ଆରେ ନାଙ୍ଗେଙ୍ଗ୍ ପାପ୍‌ନି ଚାକର୍ କିଜି ହେବେ ବନ୍ଦି କିତ୍‌ତାତ୍‌ନା।

୧ କରନ୍ତିୟ 1:19

ଇନେସ୍‌କି ଦରମ୍ ସାସ୍ତର୍‌ତାକେ ଲେକା ମାନାତ୍, ଈଶ୍ୱର ୱେଚ୍‌ନାନା ଯେ, “ଜ୍ଞାନ୍‌କାଟି ମାନାୟାର୍ ଜ୍ଞାନ୍‌ତିଙ୍ଗ୍ ବେକାର୍ ଇଞ୍ଜି ଚଚ୍‌ନାଙ୍ଗ୍, ଆରେ ହେୱାରିଙ୍ଗ୍ ଅଲପ୍‌ପା ବୁଦିହିଲୁତ୍ ଇଞ୍ଜି ୱେଚ୍‌ନାଙ୍ଗ୍।”

୧ କରନ୍ତିୟ 3:19

ଇନେସ୍‌କି ଇ ପୁର୍ତିନି ବୁଦି ୱିଜୁ ଈଶ୍ୱର ମୁମ୍‌ଦ ବକ୍‌ୱା ଲେକେ। ଇନେସ୍‌ଲେକେ ଦରମ୍ ସାସ୍ତର୍‌ତାକେ ଲେକା ମାନାତ୍, “କେତେକ୍ ମାନାୟ୍ ନିଜେ ବାବିକିନାର୍ ଯେ, ହେୱାରିଙ୍ଗ୍ ବୁଦି ମାନାତ୍, ମାତର୍ ଈଶ୍ୱର ହେୱାର୍ ଜାର୍ ଚାଲାକି ଉପାୟ୍‌ତିଙ୍ଗ୍ ବେକାର୍ କିନାତ୍ ଆରେ ଆରାୟ୍ କିନାତ୍।”

୨ କରନ୍ତିୟ 11:20

ମାନାୟାର୍ ଏଚେପାଦ୍ନା ମିଙ୍ଗେଙ୍ଗ୍ ଚାକର୍ କିଦ୍‌ଦେଙ୍ଗ୍ ଉପାୟ୍ କିନାର୍ ଏପେଙ୍ଗ୍ ରାଜି ଆନାଦେରା। ହେୱାର୍ ମିବେ ମାନି ୱିଜୁ ଜିନିଷ୍‌ତିଙ୍ଗ୍ ଅନିହିଙ୍ଗ୍, ହେୱାର୍ ମିଙ୍ଗେଙ୍ଗ୍ ତା କାମାୟ୍ କାଜିଙ୍ଗ୍ ବ୍ୟବହାର୍ କିଦ୍‌ନିହିଙ୍ଗ୍, ହେୱାର୍ ୱିଜୁ ଜିନିଷ୍‌ତିଙ୍ଗ୍ କଣ୍ଟ୍ରୁଲ୍ କିନିହିଙ୍ଗ୍ ଆରେ ହେୱାର୍ ମି ମୁମ୍‌ଦ ଚାପ୍ଡ଼ା ଇଡ଼୍‌ଦିନିହିଙ୍ଗ୍ ମାନିକିଜି ମାନାଟ୍।

୨ କରନ୍ତିୟ 9:13

ଆରେ ଏପେଙ୍ଗ୍ ପା ମାନାୟାରିଙ୍ଗ୍ ସାଇଜ କିନି କାଜିଙ୍ଗ୍ ଡାବୁଙ୍ଗ୍ ହିଜି ଈଶ୍ୱରତିଙ୍ଗ୍ ଗୌରବ କିନାଦେର୍, ଇନେସ୍‌କି ଏପେଙ୍ଗ୍ ଖ୍ରୀଷ୍ଟତି ହାର୍ଦିକାବୁର୍‌ତିଙ୍ଗ୍ ସତ୍ ଇଞ୍ଜି ଇନାଦେରା ଆରେ ଏପେଙ୍ଗ୍ ନିଜେ ୱେଚ୍‌ଚି କାତାତିଙ୍ଗ୍ ମାନି କିନାଦେରା।

ପିଲିପିୟ 4:7

ଲାଗିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଶାନ୍ତି ହିଦ୍‌ନାନ୍। ମାନାୟ୍ ବୁଜାଆନି ଶାନ୍ତିତାଙ୍ଗ୍ ଇ ଶାନ୍ତି ଗାଜା। ଇ ଶାନ୍ତି ମି ଗରବ୍‌ତିଙ୍ଗ୍ ଆରେ ମି ବାବ୍‌ନାତିଙ୍ଗ୍ ଯୀଶୁ ଖ୍ରୀଷ୍ଟତାକେ ଜିଜି ମାଞ୍ଜେଙ୍ଗ୍ ସାଇଜ କିଦ୍‌ନାନ୍।

୨ ଥେସଲନୀକିୟ 2:4

ମାନାୟାର୍ ହେ ଅଦରମ୍‌ ମାନାୟ୍ ଈଶ୍ୱର ଇଞ୍ଜି ପୁଜା କିନାର୍, ଆରେ ହେୱାନ୍ ନିଜେତିଙ୍ଗ୍ ଗାଜାକାଙ୍ଗ୍ ଇଞ୍ଜି ଚଞ୍ଜିଆ ଆନାନ୍। ଆରେ ହେୱାନ୍ ଈଶ୍ୱର ମାନି ମନ୍ଦିର୍‌ତାକେ ହାଲ୍‌ଜି ଆନେଙ୍ଗ୍ ଈଶ୍ୱର ଇଞ୍ଜି ଚଞ୍ଜିଆ ଆନାନ୍।

୨ ଥେସଲନୀକିୟ 2:8

ହେପାଦ୍ନା ହେ ଅଦରମ୍‌ ମାନାୟ୍ ଚଞ୍ଜିଆ ଆନାନ୍, ଆରେ ଏଚେପାଦ୍ନା ମାପୃ ଯୀଶୁ ୱାନାନ୍, ହେ ଅଦରମ୍‌ ମାନାୟ୍‌ତିଙ୍ଗ୍ ତା ଆଦେସ୍‌ତାଙ୍ଗ୍ ମାର୍ନେ ଅହ୍‌ନାନ୍।

ଏବ୍ରି 4:12

ଇନେସ୍‌କି ଈଶ୍ୱର କାତାତାକେ ଜିବୁନ୍ ଆରେ ଶାକ୍ତି ମାନାତ୍। ରିପଣ୍ଡାଙ୍ଗ୍ ଦାରା ମାନି ହୁରିତାଙ୍ଗ୍ ପା ଇଦାଙ୍ଗ୍ ଆଦିକ୍ ଦାରା ମାନାତ୍, ଆରେ ମାନ୍ ଆରେ ପାରାଣ୍, ଗାଟିଙ୍ଗ୍ ଆରେ ପେଣ୍‌ନି ରାସ୍‌ତିଙ୍ଗ୍ ଜେକ-ଜେକ କିଜି ବାଗ୍ କିନାତ୍। ଇଦାଙ୍ଗ୍ ମା ମାନ୍ତି ଚିନ୍ତା ଆରେ ବାବ୍‌ନାତିଙ୍ଗ୍ ଚଚ୍‌ଚାନାତ୍।

ଏବ୍ରି 5:9

ଇଦାଙ୍ଗ୍ କାଜିଙ୍ଗ୍ ଈଶ୍ୱର ହେୱାନିଙ୍ଗ୍ ପୁରାପୁରି ଟିକ୍ ପ୍ରଦାନ୍ ମୁଡ଼୍‌ଦି ପୁଜାରି ଇଞ୍ଜି ଯଗ୍ୟ କିତାନ୍, ଆରେ ହେୱାନ୍‌ତାକେ ପାର୍ତିକିନି ମାନାୟାରିଙ୍ଗ୍ ହେୱାନ୍ ଯୁଗ୍-ଯୁଗ୍ କାଜିଙ୍ଗ୍ ଉଦାର୍ କିନାନ୍।

୧ ପିତର 1:2

ଆବା ଈଶ୍ୱର ମିଙ୍ଗେଙ୍ଗ୍ ପୁନ୍‌ଞ୍ଜି ମାନ୍‌ଞ୍ଚାନ୍ ଆରେ ବେସି ଆଗେତାଙ୍ଗ୍ ବାଚି କିତ୍‌ତାନ୍‌ନା, ଆରେ ତା ପବିତ୍ର ଆତ୍ମା ମିଙ୍ଗେଙ୍ଗ୍ ପବିତ୍ର କିତ୍‌ତାତ୍‌ନା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ତା ଆଦେସ୍‌ତିଙ୍ଗ୍ ମାନି କିତାଦେର୍, ଆରେ ହେୱାନ୍ ମିଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ ନେତେର୍‌ତାଙ୍ଗ୍ ନୁଜ୍‌ଦାନ୍‌ନା। ଈଶ୍ୱର ମିଙ୍ଗେଙ୍ଗ୍ ବେସି ଆରେ ବେସି ଦୟା ଆରେ ଶାନ୍ତି ହିଦେନ୍।

୧ ପିତର 1:22

ଇନେସ୍‌କି ଏପେଙ୍ଗ୍ ସତ୍‌ତିଙ୍ଗ୍ ମାନିକିତି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ପାପ୍‌ତିଙ୍ଗ୍ ନୁସ୍‌ଦାତାନ୍‌ନା, ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ମି ପାର୍ତିନି ଟଣ୍ଡାରିଙ୍ଗ୍ ଟକାୟ୍ କିୱାଦାଙ୍ଗ୍ ହାତ୍‌ପା ଲାଡ୍‌କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍‌ବିତ୍ରେ ଗରବ୍‌ତାଙ୍ଗ୍ ଲାଡ୍‌କିଜି ମାନାଟ୍।