୨ କରନ୍ତିୟ 10:4 - New Testament in Pengo Parja Language

⁴ ଇନେସ୍‌କି ଇ ପୁର୍ତିନି ମାନାୟାର୍ ଯୁଜ୍ କିନିହିଙ୍ଗ୍ ଇମ୍‌ଣି ଅସ୍ତର୍ ଶସ୍ତର୍ ବ୍ୟବହାର୍ କିନାର୍ ତାବେତାଙ୍ଗ୍ ମା ଅସ୍ତର୍ ଶସ୍ତର୍ ଅଲ୍‌ଗା। ଆସେଙ୍ଗ୍ ଈଶ୍ୱରତି ଶାକ୍ତିମାନି ଅସ୍ତର୍ ଶସ୍ତର୍‌ତିଙ୍ଗ୍ ବ୍ୟବହାର୍ କିଜି ଶୟତାନନି ୱିଜୁ ଶାକ୍ତିତିଙ୍ଗ୍ ନଷ୍ଟ କିନାସ୍।

ସତ୍‌ ବଚନ୍‌ ପୁନି ନିୟମ୍‌

⁴ ଲାଗିଂ ମା ଜୁଜ୍‌ନି ଆତ୍‌ ଆତିୟାର୍‌ ସଁସାର୍‌ତ ଆକାୟ୍‌, ମତର୍‌ ସାତ୍ରୁର୍‌ ଆଟ୍‌ୱା ଗାଡ଼୍‌ ଦୁଡ଼ିମାଜ଼ି କିନି କାଜିଂ ଇସ୍ୱର୍ତି ମୁମ୍‌ଦ ହେ ୱିଜ଼ୁ ସାକ୍ତି ଆତାଦେର୍ଣ୍ଣା;

୨ କରନ୍ତିୟ 10:4 Iomraidhean Croise

ପକ୍ୟାତାକା 7:22

ଆରେ ମୋଶା ଭବିଷ୍ଯତବକ୍ତା ମିସର ଦେସ୍ତି ୱିଜୁ ପର୍‌କାର୍‌ନି ବୁଦି ହିକାଆତାନ୍, ଆରେ କାତା ୱେଚ୍‌ଚେଙ୍ଗ୍ ଆରେ କାମାୟ୍ କିଦେଙ୍ଗ୍ ଶାକ୍ତି ମାଚାନ୍।

ରୋମିୟ 13:12

ଆସେଙ୍ଗ୍ କରାପ୍ ପୁର୍ତିତାକେ ଜିନି ଦିନ୍ ର ରାତି ସେସ୍ ଆନିଲେକେ ସେସ୍ ଆନାତ୍‌ଦେ, ଆରେ ଖ୍ରୀଷ୍ଟ ଆରେରଗ ପୁର୍ତିତାକେ ୱାନିଦିନ୍ ଇକାୱାତାତେ। ଲାଗିଙ୍ଗ୍ ଆସେଙ୍ଗ୍ ମାଜାଗାତାକେ କିନି ୱିଜୁ କରାପ୍ କାମାୟ୍ ବନ୍ଦ୍ କିନି ଦର୍‌କାର୍, ଆରେ ର ସେନା ୱେଡ଼ାଲିଙ୍ଗ୍ ତା ଯୁଜ୍ କିନିହିଙ୍ଗ୍ ତା ଗାଗାଡ଼୍‌ତାକେ ଉସ୍‌ପାନାନ୍ ହେଲେକେ ଆସେଙ୍ଗ୍ କରାପ୍ କାମାୟ୍‌ତିଙ୍ଗ୍ ବନ୍ଦ୍ କିନି କାଜିଙ୍ଗ୍ ହାର୍ କାମାୟ୍ କିନି ଦର୍‌କାର୍।

ରୋମିୟ 6:13

ଆରେ ମି ଗାଗାଡ଼୍‌ନି ଜିନିସ୍‌ତିଙ୍ଗ୍ ପାପ୍ କାମାୟ୍ କିନି କାଜିଙ୍ଗ୍ ହିମାଟ୍। ମାତର୍ ହାଃତି ମାନାୟାର୍‌ତାଙ୍ଗ୍ ଜିବୁନ୍ଆତି ମାନାୟ୍ ଲେକେ ଜାର୍-ଜାର୍ ଜିବୁନ୍‌ତିଙ୍ଗ୍ ଈଶ୍ୱରତିଙ୍ଗ୍ ହିୟାଟ୍। ଆରେ ମା ଜାର୍-ଜାର୍ ଗାଗାଡ଼୍ ଜିନିସ୍‌ତିଙ୍ଗ୍ ହାର୍ କାମାୟ୍ କିଜି ଈଶ୍ୱରତି ଗୌରବ କିଦେଙ୍ଗ୍ ବ୍ଯବହାର୍ କିୟାଟ୍।

୧ କରନ୍ତିୟ 2:5

ଆନେଙ୍ଗ୍ ହେଲେକେ ଶୁଣାୟ୍ କିଜି ମାଚାଙ୍ଗ୍ ଆରେ ହିକ୍ଷାହିଜି ମାଚାଙ୍ଗ୍, ଇନେସ୍‌କି ଏପେଙ୍ଗ୍ ଇନେସ୍ ମାନାୟାର୍ ବୁଦିତିଙ୍ଗ୍ ପାର୍ତି କିଉଦେର୍, ମାତର୍ ଈଶ୍ୱର ଶାକ୍ତିତିଙ୍ଗ୍ ପାର୍ତି କିନାଦେର୍।

୧ କରନ୍ତିୟ 9:7

ର ସେନା ତା କାଜିଙ୍ଗ୍ ହେୱାନ୍ କର୍ଚ କିଉନ୍, ଇମ୍‌ଣି ମାନାୟ୍ ଅଙ୍ଗୁର୍ ବାଡ଼୍ କିଜି ମାନାନ୍ ହେୱାନ୍ ହେ ବାଡ଼୍‍ଦି ପାଡ଼୍‌ ପାୟା ଆଦେଙ୍ଗ୍ ଆହା କିଜି ମାନାନ୍। ଆରେ ହେଲେକେ କଡିଙ୍ଗ୍ ପହା କିନାକାନ୍ ତା ପାଲ୍ ଉଣାଙ୍ଗ୍ ଇଞ୍ଜି ଆହା କିଜି ମାନାନ୍।

୨ କରନ୍ତିୟ 10:8

ମାପୃ ନାଙ୍ଗେଙ୍ଗ୍ ହିତ୍‌ତି ଅଦିକାର୍ କାଜିଙ୍ଗ୍ ବାଟ୍‌ପାଣ୍ ଆନାନା ଇଞ୍ଜି ଇଞ୍ଜେଙ୍ଗ୍ ଆଡ୍‌ନାଦେର୍। ଏପେଙ୍ଗ୍ ଖ୍ରୀଷ୍ଟଙ୍ଗ୍ ପାର୍ତି କିନାକା ବନ୍ଦ୍ କିନି କାଜିଙ୍ଗ୍ ଆକାୟ୍, ମାତର୍ ଏପେଙ୍ଗ୍ ତାଙ୍ଗେଙ୍ଗ୍ ଆଦିକ୍ ପାର୍ତିକିନି କାଜିଙ୍ଗ୍ ନାଙ୍ଗେଙ୍ଗ୍ ଇ ଆଦିକାର୍ ହିତ୍‌ତାନ୍‌ନା। ଆରେ ଆନେଙ୍ଗ୍ ମି ପାର୍ତିତିଙ୍ଗ୍ ନଷ୍ଟ କିଜି ଲାଜ୍ ପାୟା ଆଦେଙ୍ଗ୍ ଇଚା କିଉଙ୍ଗା।

୨ କରନ୍ତିୟ 13:10

ଆନେଙ୍ଗ୍ ଇ ଚିଟି ମିତାକେ ୱାୱି ଆଗେ ମି କାଜିଙ୍ଗ୍ ଲେକିକିନାଙ୍ଗା, ଆନେଙ୍ଗ୍ ଆହା କିନାଙ୍ଗା ଯେ ଏଚେପାଦ୍ନା ଆନେଙ୍ଗ୍ ମିତାକେ ୱାନାଙ୍ଗ୍ ମାପୃ ନାଙ୍ଗେଙ୍ଗ୍ ହିତ୍‌ତି ଅଦିକାର୍‌ତିଙ୍ଗ୍ ବ୍ୟବହାର୍ କିଜି ଦଣ୍ଡ୍ ହିଦ୍‌ଦେଙ୍ଗ୍ ଦର୍‌କାର୍ ଆକାୟ୍। ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ବିନାସ୍ କିଦ୍‌ଦେଙ୍ଗ୍ ଇଚା କିଉଙ୍ଗା, ମାତର୍ ହେ ଅଦିକାର୍‌ତିଙ୍ଗ୍ ବ୍ୟବହାର୍ କିଜି ଈଶ୍ୱରତିଙ୍ଗ୍ ଆଦିକ୍ ପାର୍ତିକିୟାଟ୍ ଇଞ୍ଜି ଆନେଙ୍ଗ୍ ସାଇଜ କିଦ୍‌ଦେଙ୍ଗ୍ ଇଚା କିନାଙ୍ଗା।

୨ କରନ୍ତିୟ 3:5

ଆପେଙ୍ଗ୍ ୱେଚ୍‌ଚୁପା ଯେ, ଆପେଙ୍ଗ୍ ନିଜେ ଇ ୱିଜୁ ବିଷୟ କିଦେଙ୍ଗ୍ ଶାକ୍ତି ମାନାତ୍, ମାତର୍ ଇ ୱିଜୁ କିଦେଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଶାକ୍ତି ହିଦ୍‌ନାନା।

୨ କରନ୍ତିୟ 4:7

ଆସେଙ୍ଗ୍ ବେଗି ନଷ୍ଟ ଆନି ର ଚିକ୍‍ଲା ଟାଣ୍ଡିଲେକେ ମାନାସ୍। ଆରେ ମା ବିତ୍ରେ ଦାମ୍‌ଦି ଦନ୍ ଅଜଡ଼୍‌ଲେକେ ଖ୍ରୀଷ୍ଟତି ହାର୍ଦିକାବୁର୍ ମାନାତା, ଲାଗିଙ୍ଗ୍ ହେଦାଙ୍ଗ୍ ମାଙ୍ଗେଙ୍ଗ୍ ପୁନି କିଦ୍‌ନାତା ଯେ, ମା ବିତ୍ରେ ମାନି ଶାକ୍ତି ମାଦାଙ୍ଗ୍ ଆକାୟ୍ ମାତର୍ ହେଦାଙ୍ଗ୍ ଈଶ୍ୱରତି ଗାଜା ଶାକ୍ତି।

୨ କରନ୍ତିୟ 6:7

ଆପେଙ୍ଗ୍ ଈଶ୍ୱର ଶାକ୍ତିତାଙ୍ଗ୍ ସତ୍ ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିତାପ୍। ଆରେ ର ସେନା ଯୁଜ୍‌ତାକେ ଅସ୍ତର୍ ସସ୍ତର୍ ବ୍ୟବହାର୍ କିନାନ୍, ହେଲେକେ ଆପେଙ୍ଗ୍ ଦରମ୍‌ଆଜି ଜିବୁନ୍ କାଟିକିଜି ମା ବିରଦ୍‌ନି ମାନାୟାରିଙ୍ଗ୍ ଆରାୟ୍ କିତାପ୍।

୧ ଥେସଲନୀକିୟ 5:8

ମାତର୍ ଆପେଙ୍ଗ୍ ଅଜଡ଼୍‌ନି ମାନାୟ୍ ଆଦେଙ୍ଗ୍ ଜାର୍‌ତିଙ୍ଗ୍ କଣ୍ଟ୍ରୁଲ୍ ଆଜି ମାନି ଦର୍‌କାର୍। ଇନେସ୍‌କି ର ସେନା ତା ଉଦାର୍ କାଜିଙ୍ଗ୍ ପିତାଡ଼୍ ଆଙ୍ଗି ରସ୍ତି ଜପି ଉସ୍‌ପାନାନ୍, ହେଲେକେ ଏପେଙ୍ଗ୍ ପାର୍ତି ଆରେ ଜାର୍-ଜାର୍‌ବିତ୍ରେ ଲାଡ୍‌କିନି ଦର୍‌କାର୍। ଆରେ ସେନା ଜାର୍ କାପ୍‌ଡ଼ାତିଙ୍ଗ୍ ରକ୍ଷା କିନି କାଜିଙ୍ଗ୍ ପିତାଡ଼୍‌ତାଙ୍ଗ୍ ରସ୍ତି ହେଲ୍‌ମେଟ୍ ଆହା ଇଡ଼୍‌ଜି ତୁଜ୍‌ନାନ୍, ହେଲେକେ ଈଶ୍ୱର ମାଙ୍ଗେଙ୍ଗ୍ ୱିଜୁ ଦିନ୍‌ତି ଦଣ୍ଡ୍‌ତାଙ୍ଗ୍ ରକ୍ଷା କିତ୍‌ତାନ୍‌ନା।

୧ ତିମତି 1:18

ଏ ତିମତି ଏନେଙ୍ଗ୍ ରକାଇ ନା ହିମ୍‌ଣା ଲେକେ, ଆନେଙ୍ଗ୍ ନିଙ୍ଗେଙ୍ଗ୍ ଇ ଆଦେସ୍ ହିଦ୍‌ନାଙ୍ଗା ଯେ, ଭବିଷ୍ଯତବକ୍ତାର୍ ଇମ୍‌ଣି କାତା ଆଗେ ନିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାର୍, ହେ କାତାତିଙ୍ଗ୍ ଏତୁ କିୟା। ଆରେ ବୁଲ୍ ହିକ୍ଷାହିନି ମାଷ୍ଟେରାର୍ ତାକେ ହାର୍ ଆଜି ଜୁଜ୍ କିଦେଙ୍ଗ୍ ହେ କାତାତିଙ୍ଗ୍ ର କାଣ୍ଡା ଲେକେ ବାଉରା ଆ।

୨ ତିମଥି 2:3

ଯୀଶୁ ଖ୍ରୀଷ୍ଟନି ରକାନ୍ ହାର୍ଦି ସେନା ଲେକେ ଆଜି ନା ହୁଦାଙ୍ଗ୍ ମାହାଆଜି ଦୁକ୍‌କଷ୍ଟ ପାୟା ଆ।

ଏବ୍ରି 11:30

ପାର୍ତି କାଜିଙ୍ଗ୍ ଇସ୍ରାଏଲନି ମାନାୟାର୍ ଯିରିହୋ ସହର୍‌ନି ବାଉଣ୍ଡେରିନି ଚାରିବେଣ୍‌ତାଙ୍ଗ୍ ସାତ୍‌ଦିନ୍ ପାତେକ୍ ବୁଲା ଆତାର୍, ଆରେ ଈଶ୍ୱର ୱେଚ୍‌ଚିଲେକେ ହେ ବାଉଣ୍ଡେରି ବାଡ଼୍‌ହା ଆତାତ୍।