୨ କରନ୍ତିୟ 1:4 - New Testament in Pengo Parja Language

⁴ ହେୱାନ୍ ମା ୱିଜୁ ଦୁକ୍‌କଷ୍ଟ ୱେଡ଼ାଙ୍ଗ୍ ସାହାସ୍ ହିଦ୍‌ନାନା, ଲାଗିଙ୍ଗ୍ ଆସେଙ୍ଗ୍ ଜେକନି ମାନାୟାର୍ ଦୁକ୍‌କଷ୍ଟ ପାୟାଆତିହିଙ୍ଗ୍ ହେ ଈଶ୍ୱର ହିତ୍‌ତି ସାହାସ୍‌ତିଙ୍ଗ୍ ହିଦେଙ୍ଗ୍ ଆଡ୍‌ନାସ୍।

ସତ୍‌ ବଚନ୍‌ ପୁନି ନିୟମ୍‌

⁴ ଇସ୍ୱର୍ତି ହୁକେ ଇମ୍‌ଣି ଦୁକ୍‌ସାରାୟ୍‌ତ ଆପ୍‌ ଦୁକ୍‌ସାରାୟ୍‌ ଆନାପା, ହେ ଦୁକ୍‌ସାରାୟ୍‌ ହୁକେ ଇନେସ୍‌ ସବୁବାନି କସ୍ଟ ବଗ୍‌କିନି ମାନାୟାରିଂ ଦୁକ୍‌ସାରାୟ୍‌ ହିଦେଂ ଆଡ୍‌ନାଦେର୍‌, ଇଦାଂ କାଜିଂ ହେୱାନ୍‌ ମା ୱିଜ଼ୁ କସ୍ଟତ ମାଙ୍ଗେଙ୍ଗ୍‌ ଦୁକ୍‌ସାରାୟ୍‌ ହିଇ କିଦ୍‌ନାର୍‌ ।

୨ କରନ୍ତିୟ 1:4 Iomraidhean Croise

ଜହନ୍‌ 14:16

ଆନେଙ୍ଗ୍ ଆବା ଈଶ୍ୱରତିଙ୍ଗ୍ ପାର୍ତାନା କିଜି ଏନ୍‍ନାଙ୍ଗ୍, ଆରେ ହେୱାନ୍ ମିଙ୍ଗେଙ୍ଗ୍ ଆରେ ରକାନ୍ କାମାୟ୍‌ତିଙ୍ଗ୍ ସାଇଜ କିଦ୍‌ଦେଙ୍ଗ୍ ପକ୍ତାନାନ୍। ଆରେ ହେୱାନ୍ କାମାୟ୍ କିନାକାନିଙ୍ଗ୍ ମି ଲାଗାୟ୍ ୱିଜୁଦିନ୍ ମାନ୍‌ଗେଦେଙ୍ଗ୍ ୱେଚ୍‌ନାନ୍।

ଜହନ୍‌ 14:18

ଆନେଙ୍ଗ୍ ମିଙ୍ଗେଙ୍ଗ୍ ଟୁରା ହିମ୍‌ଣା ଲେକେକିଜି ପିସ୍ତି ହାଞ୍ଜୁଙ୍ଗା। ଆନେଙ୍ଗ୍ ଆରେରଗ ମି ଲାଗାୟ୍ ଲେଉଟା ଆଜି ୱାନାଙ୍ଗ୍।

ଜହନ୍‌ 14:26

ମାତର୍ ମିଙ୍ଗେଙ୍ଗ୍ ସାଇଜ କିଦ୍‌ନାକାର୍, ପବିତ୍ର ଆତ୍ମାତିଙ୍ଗ୍ ଆବା ଈଶ୍ୱର ନା ତର୍‍ଦାଙ୍ଗ୍ ପକ୍ତାନାନ୍, ହେୱାନ୍ ମିଙ୍ଗେଙ୍ଗ୍ ୱିଜୁ ହିକ୍ଷା ହିଦ୍‌ନାନ୍। ଆରେ ଆନେଙ୍ଗ୍ ଇମ୍‌ଣି-ଇମ୍‌ଣି କାତା ୱେଚ୍‌ଚାତାଙ୍ଗ୍‌ନା, ହେୱାନ୍ ହେ ୱିଜୁ କାତା ମିଙ୍ଗେଙ୍ଗ୍ ମାନ୍ତ ଏତୁ କି କିଦ୍‌ନାନ୍।

୨ କରନ୍ତିୟ 7:13

ଆପେଙ୍ଗ୍ ଇ ୱିଜୁ ବିଷୟ କାଜିଙ୍ଗ୍ ବେସି ସାସ୍ ଆତାପ୍। ମା ନିଜର୍ ସାସ୍ ହୁଦାଙ୍ଗ୍ ତିତସ୍‌ତିଙ୍ଗ୍ ଏପେଙ୍ଗ୍ ଆସ୍ତାଦେର୍ ଆରେ ତା ମାନ୍‌ତିଙ୍ଗ୍ ଏପେଙ୍ଗ୍ ୱାରି କିତାଦେର୍, ହେଦାଙ୍ଗ୍ ହୁଡ଼୍‌ଜି ଆପେଙ୍ଗ୍ ବେସି ୱାରିୟା ଆତାପ୍।

୨ କରନ୍ତିୟ 7:4

ଆନେଙ୍ଗ୍ ମି କାଜିଙ୍ଗ୍ ବେସି ପାର୍ତି କିନାଙ୍ଗା, ଆରେ ମି କାଜିଙ୍ଗ୍ ଆନେଙ୍ଗ୍ ବେସି ବାଟ୍‌ପାଣ୍ ଆନାଙ୍ଗା। ଏପେଙ୍ଗ୍ ନାଙ୍ଗେଙ୍ଗ୍ ବେସି ସାସ୍ ହିତ୍‌ତାଦେର୍, ଆରେ ଆସେଙ୍ଗ୍ ବେସି ଦୁଃକ୍ କଷ୍ଟ ପାୟାଆତି ବାଦୁଲ୍‌ରେ ନାଙ୍ଗେଙ୍ଗ୍ ବେସି ୱାରି କିତ୍‌ତାଦେର୍।

ପିଲିପିୟ 1:14

ଆରେ ଆନେଙ୍ଗ୍ ବନ୍ଦି ଆଜିମାଚି କାଜିଙ୍ଗ୍ ପାର୍ତିକିନି ଟଣ୍ଡାର୍ ଈଶ୍ୱରତାକେ ବେସି ପାର୍ତି କିତାର୍। ଆରେ ଈଶ୍ୱର କାତା ସାହାସ୍ ହୁଦାଙ୍ଗ୍ ଶୁଣାୟ୍ କିତାର୍।

୧ ଥେସଲନୀକିୟ 4:18

ଲାଗିଙ୍ଗ୍ ଇ ୱିଜୁ କାତା ୱେଚ୍‌ଚି ଜାର୍-ଜାର୍‌ବିତ୍ରେ ଏପେଙ୍ଗ୍ ସାସ୍ ଆଜି ମାନାଟ୍।

୧ ଥେସଲନୀକିୟ 5:11

ଲାଗିଙ୍ଗ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ସାସ୍ ହିଜି ମାନାଟ୍, ଆରେ ଈଶ୍ୱରତିଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ଜାର୍-ଜାର୍‌ବିତ୍ରେ ସାଇଜ କିୟାଟ୍। ଇନେସ୍ ଏପେଙ୍ଗ୍ କିନାଦେରା।

ଏବ୍ରି 12:12

ଲାଗିଙ୍ଗ୍ ଏପେଙ୍ଗ୍ ଦୁର୍‌ବଲ୍ କେଇଦିଙ୍ଗ୍ ବାଡ଼୍‌କାସ୍ କିୟାଟ୍ ଆରେ ତ୍ରିଗ୍‌ନି କାଲ୍‌ଦାଙ୍ଗ୍ ଗୁମ୍‌ଜି ନିଲାଟ୍।