୨ କରନ୍ତିୟ 1:17 - New Testament in Pengo Parja Language

¹⁷ ଏପେଙ୍ଗ୍ ଇଲେକେ ବାବିକିମାଟ୍ ଯେ, ଆନେଙ୍ଗ୍ ରି ମାନ୍ୟା ଆଜି ଇ ଉପାୟ୍ କିୱାଦାଙ୍ଗ୍ ମାଚାଙ୍ଗ୍, ଆରେ ପା ଆନେଙ୍ଗ୍ ଇ ପୁର୍ତିନି ମାନାୟାର୍ ଉପାୟ୍ କିତିଲେକେ କିୱାଦାଙ୍ଗ୍ ମାଚାଙ୍ଗ୍। ହେୱାର୍ ନଙ୍ଗୟ୍ ଆଁ ଇନାର୍ ମାତର୍ ପାଚେ ଆକାୟ୍ ଇନାର୍।

ସତ୍‌ ବଚନ୍‌ ପୁନି ନିୟମ୍‌

¹⁷ ୱାଟିଙ୍ଗ୍‌ ଏଲେଙ୍ଗ୍‌ ବାନି ମାନ୍‌ କିଦେଂ ଆନ୍‌ ଇନାକା ଅଲପ୍‍ ବାବ୍ରେ ମାନ୍‌ କିଜ଼ି ମାଚାଙ୍ଗ୍‌ ? ନଲେ ଆନ୍‌ ଇନାକା ଉପାୟ୍‌ କିତାଙ୍ଗ୍‌, ହେଦାଂ ଇନାକା ଡାଣ୍ଡ୍‌ନି ବାବ୍ରେ କିଜ଼ି ମାଚିସ୍‌ ଜେ ନା କାତା “ଆଁ,” ଆରି ଆକାୟ୍‌ ହାରି ଆନାତ୍‌ ।

୨ କରନ୍ତିୟ 1:17 Iomraidhean Croise

ମାତିଉ 5:37

ମାତର୍ ମି ଆଁ ବେଣ୍ ଆଁ ଆଏତ୍, ଆକାୟ୍ ବେଣ୍ ଆକାୟ୍ ଆଏତ୍। ଇବେତାଙ୍ଗ୍ ଇମ୍‌ଣାକା ବେସି ହେଦାଙ୍ଗ୍ ଶୟତାନତାଙ୍ଗ୍ ଉବ୍‌ଜା ଆନାତ୍।

ଜାକ୍‌ବ 5:12

ଏ ନା ପାର୍ତିକିନି ଟଣ୍ଡାର୍‌କାଦେର୍ ସେସ୍ କାତା ୱେନାଟ୍, ପାର୍ମାଣ୍ କିମାଟ୍, ସରଗ୍‌ନି ପାର୍ମାଣ୍ ଆୟେତ୍ କି ପୁର୍ତିନି ପାର୍ମାଣ୍ ଆୟେତ୍, କି ଜେକନି ଇମ୍‌ଣି ପାର୍ମାଣ୍ ଆୟେତ୍। ମାତର୍ ମିଦାଙ୍ଗ୍ ଆଁ ବେଣ୍ ଆଁ ଆୟେତ୍, ଆକାୟ୍ ବେଣ୍ ଆକାୟ୍ ଆୟେତ୍। ଲାଗିଙ୍ଗ୍ ଏପେଙ୍ଗ୍ ବିଚାର୍ ଦିନ୍‌ତ ଦଣ୍ଡ୍ ପାୟା ଆଉଦେର୍।

ଜହନ୍‌ 8:15

ପୁର୍ତିନି ମାନାୟାରିଙ୍ଗ୍ ବିଚାର୍ କିତିଲେକେ ଏପେଙ୍ଗ୍ ନାଙ୍ଗେଙ୍ଗ୍ ବିଚାର୍ କିଦ୍‍ନାଦେରା। ମାତର୍ ଆନେଙ୍ଗ୍ ଇନେରିଙ୍ଗ୍ ପା ବିଚାର୍ କିଦୁଙ୍ଗା।

୨ କରନ୍ତିୟ 1:12

ଆସେଙ୍ଗ୍ ବାଟ୍‌ପାଣ୍ ଆଜି ୱେଚ୍‌ଚେଙ୍ଗ୍ ଆଡ୍‌ନାସ୍, ଇନେସ୍‌କି ଆପେଙ୍ଗ୍ ଦରମ୍ ଆରେ ସତ୍ ସମ୍ପର୍କ ମିହୁଦାଙ୍ଗ୍ ଇଡ଼୍‌ତାପ୍‌ନା, ହେଦାଙ୍ଗ୍ ମା ମାନ୍ତି ବାବ୍‌ନା ସାକି ହିନାତା। ଆସେଙ୍ଗ୍ ମା ପୁର୍ତିନି ଜ୍ଞାନ୍‌ତିଙ୍ଗ୍ ଆହା କିୱାଦାଙ୍ଗ୍, ଈଶ୍ୱର ଦୟାତିଙ୍ଗ୍ ଆହା କିନାପା। ହେଲେକେ ମିହୁଦାଙ୍ଗ୍ ଆରେ ୱିଜାକାର୍ ହୁଦାଙ୍ଗ୍ ଜିବୁନ୍ କାଟିକିଜି ମାଚାପ୍।

୧ ଥେସଲନୀକିୟ 2:18

ହେଦାଙ୍ଗ୍ ଆପେଙ୍ଗ୍ ମି ଲାଗାୟ୍ ୱାଦେଙ୍ଗ୍ ମାନ୍ କିଜି ମାଚାପ୍, ବିଶେସ୍ କିଜି ଆନେଙ୍ଗ୍ ପାଉଲ ବାରମ୍-ବାରମ୍ ୱାଦେଙ୍ଗ୍ ଉପାୟ୍ କିଜି ମାଚାଙ୍ଗ୍, ମାତର୍ ଶୟତାନ୍ ମାଙ୍ଗେଙ୍ଗ୍ ଦୁଃକ୍ ହିତ୍‌ତାତ୍‌।

ଗାଲାତିୟ 2:2

ଈଶ୍ୱର ନାଙ୍ଗେଙ୍ଗ୍ ହାନି କାଜିଙ୍ଗ୍ ୱେଚ୍‌ଚିତିଲେ ଆନେଙ୍ଗ୍ ହେବେ ହାଚାଙ୍ଗ୍। ଆରେ ହେବେ ମାନି ମଣ୍ଡ୍‌ଲିନି ଦେକାଶୁଣା କିନି ନେତାରିଙ୍ଗ୍ ଆନେଙ୍ଗ୍ ଇନେର୍ ପୁଞ୍ଜ୍‌ୱି ଲେକେକିଜି ମାହା ଆତାଙ୍ଗ୍, ଆରେ ବିନ୍‌ଜାତିନି ମାନାୟାର୍ ଲାଗାୟ୍ ଆନେଙ୍ଗ୍ ଶୁଣାୟ୍ କିଜିମାଚି ହାର୍ଦିକାବୁର୍‌ତିଙ୍ଗ୍ ହେୱାରିଙ୍ଗ୍ ବୁଜାଇ କିତାଙ୍ଗ୍। ନା ୱିଜୁ କଷ୍ଟ କିତାକା ଇନେସ୍ ପଲିଆ ଆଉତ୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାର୍ ହୁଦାଙ୍ଗ୍ ମାହାଆଜି ରାଜି ଆତାଙ୍ଗ୍।

ଗାଲାତିୟ 1:16

ଇନେସ୍ ଆନେଙ୍ଗ୍ ବିନ୍‌ଜାତିନି ମାନାୟାର୍ ବିତ୍ରେ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ଆଡ୍‌ନାଙ୍ଗ୍, ଇଦାଙ୍ଗ୍ କାଜିଙ୍ଗ୍ ଈଶ୍ୱର ଜାର୍ ମେହି ଯୀଶୁଙ୍ଗ୍ ନାବେ ଚଚ୍‌ଚିନି କାଜିଙ୍ଗ୍ ୱାରି ଆତାନ୍। ହେପାଦ୍ନା ଆନେଙ୍ଗ୍ ଇନେରିଙ୍ଗ୍ ସାଇଜ ଏନ୍ତେଙ୍ଗ୍ ହାଲ୍‌ୱାତାଙ୍ଗ୍‌ନା।

ମାତିଉ 1:19

ମାତର୍ ମରିୟମତିଙ୍ଗ୍ ମାଲାକିତି ଯୋଷେପ ହେଦାଙ୍ଗ୍ ପୁଚାନ୍। ଲାଗିଙ୍ଗ୍ ମରିୟମତିଙ୍ଗ୍ ହେଲୱାଇ ହିଦେଙ୍ଗ୍ ମାନ୍ତ-ମାନ୍ତ ଉପାୟ୍ କିତାନ୍। ହେୱାନ୍ ବେସି ଦରମ୍ ମାନାୟ୍ ମାଚିଲେ ହେୱାନ୍ ମାନାୟାର୍‌ତାକେ ମରିୟମ ଅପ୍‌ମାନ୍ ପାୟାଆମେତ୍ ଇଞ୍ଜି ଯୋଷେପ ଇଚାକିଜି ମାଚାନ୍।

୨ କରନ୍ତିୟ 11:18

ଲାଗିଙ୍ଗ୍ ଜେକନିକାର୍ ଜାର୍ କାମାୟ୍ କିଜି ପାୟାଆତି କାଜିଙ୍ଗ୍ ବାଟ୍‌ପାଣ୍ ଆନାରା, ଯଦି ହେଦାଙ୍ଗ୍ ଟିକ୍ ଲାଗିଙ୍ଗ୍ ଆନେଙ୍ଗ୍ ପା ହେୱାର୍ ଲେକେ ବାଟ୍‌ପାଣ୍ ଆଦେଙ୍ଗ୍ ଆଡ୍‌ନାଙ୍ଗ୍।