୨ କରନ୍ତିୟ 1:12 - New Testament in Pengo Parja Language

¹² ଆସେଙ୍ଗ୍ ବାଟ୍‌ପାଣ୍ ଆଜି ୱେଚ୍‌ଚେଙ୍ଗ୍ ଆଡ୍‌ନାସ୍, ଇନେସ୍‌କି ଆପେଙ୍ଗ୍ ଦରମ୍ ଆରେ ସତ୍ ସମ୍ପର୍କ ମିହୁଦାଙ୍ଗ୍ ଇଡ଼୍‌ତାପ୍‌ନା, ହେଦାଙ୍ଗ୍ ମା ମାନ୍ତି ବାବ୍‌ନା ସାକି ହିନାତା। ଆସେଙ୍ଗ୍ ମା ପୁର୍ତିନି ଜ୍ଞାନ୍‌ତିଙ୍ଗ୍ ଆହା କିୱାଦାଙ୍ଗ୍, ଈଶ୍ୱର ଦୟାତିଙ୍ଗ୍ ଆହା କିନାପା। ହେଲେକେ ମିହୁଦାଙ୍ଗ୍ ଆରେ ୱିଜାକାର୍ ହୁଦାଙ୍ଗ୍ ଜିବୁନ୍ କାଟିକିଜି ମାଚାପ୍।

ସତ୍‌ ବଚନ୍‌ ପୁନି ନିୟମ୍‌

¹² ପୁର୍ତିତ, ବେସି ମି କାଜିଂ, ଆପେଂ ସଁସାର୍‌ନି ଗିଆନ୍‌ତ ଚିନ୍ତା କିୱାଦାଂ ଇଚିସ୍‌ ଇସ୍ୱର୍ତି ଉପ୍‌କାର୍‌ତ, ତା ପୁଇପୁୟା ଆରି ସଲ୍‌କେ ବାବ୍ରେ ଲାକେ ଚିନ୍ତା କିଜ଼ି ମାଚାପ୍‌ ଇଞ୍ଜି ମା ବୁଦି ଜେ ସାକି ହିନାତା, ଇଦାଂ ମା ଗର୍‌ବେ ବିସ୍ରେ ।

୨ କରନ୍ତିୟ 1:12 Iomraidhean Croise

ପକ୍ୟାତାକା 23:1

ପାଉଲ ବିଚାର୍‌କିନି ବାହାତାକେ ମାନି ମେମ୍ୱରାରିଙ୍ଗ୍ ଦିୟାନ୍ କିଜି ହୁଡ଼୍‌ତାନ୍, ଆରେ ହେୱାନ୍ ୱେଚ୍‌ଚାନ୍, “ଏ ଟଣ୍ଡାର୍‌କାଦେର୍, ଆନେଙ୍ଗ୍ ନେଞ୍ଜେଙ୍ଗ୍ ପାତେକ୍ ଈଶ୍ୱରତାକେ ହାର୍ଦି ଜିବୁନ୍ କାଟି କିତାଙ୍ଗ୍‌ନା।”

ପକ୍ୟାତାକା 24:16

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପା ୱିଜୁଦିନ୍ ଈଶ୍ୱରତାକେ ଆରେ ମାନାୟାର୍‌ତାକେ ଦସି ଆଉଙ୍ଗ୍ ଇଞ୍ଜି ନା ମାନ୍‌ତିଙ୍ଗ୍ ଜାତୁନ୍ କିନାଙ୍ଗା।

ରୋମିୟ 9:1

ନଙ୍ଗୟ୍ ଯଦି ମାଙ୍ଗେଙ୍ଗ୍ ଈଶ୍ୱର ଲାଡ୍‌ତାଙ୍ଗ୍ ଇନାକା ବିନେ କିଦ୍‌ଦେଙ୍ଗ୍ ଆଡ଼୍‌ଦୁତା, ଲାଗିଙ୍ଗ୍ ନା ଯିହୁଦି ମାନାୟାର୍ ଈଶ୍ୱରତାଙ୍ଗ୍ ଇନାକିଦେଙ୍ଗ୍ ଅଲ୍‌ଗା ଆତାର୍। ଆନେଙ୍ଗ୍ ହେୱାର୍ କାଜିଙ୍ଗ୍ ବେସି ଦୁଃକ୍ ଆନାଙ୍ଗା, ଆରେ ପା ନା ଗରବ୍‌ତାକେ ହେୱାର୍ କାଜିଙ୍ଗ୍ ୱିଜୁଦିନ୍ ବେସି କଷ୍ଟ ଆନାତା। ଯଦି ନା ନିଜର୍ ଲଗାଙ୍ଗ୍ ଉଦାର୍ କିନି କାଜିଙ୍ଗ୍ ଖ୍ରୀଷ୍ଟତାଙ୍ଗ୍ ଅଲ୍‌ଗା ଆୟା ଆନାତ୍‌, ଲାଗିଙ୍ଗ୍ ଆନେଙ୍ଗ୍ ହେଦିଲିଙ୍ଗ୍ ପା ରାଜି। ଆନେଙ୍ଗ୍ ସାକି ଲେକେ ଖ୍ରୀଷ୍ଟ ହୁଦାଙ୍ଗ୍ ସତ୍ ୱେଚ୍‌ନାଙ୍ଗା। ପବିତ୍ର ଆତ୍ମା ଆରେ ନାମାନ୍ ପା ସାକି ହିନାତା ଯେ, ଇଦାଙ୍ଗ୍ ମିଚ୍ ଆକାୟ୍।

୧ କରନ୍ତିୟ 1:17

ଇନେସ୍‌କି ଖ୍ରୀଷ୍ଟ ନାଙ୍ଗେଙ୍ଗ୍ ଡୁବନ୍ ହିଦେଙ୍ଗ୍ ପକ୍ତାୱାତାନ୍‌ନା, ମାତର୍ ହାର୍ଦିକାବୁର୍ ୱେଚ୍‌ଚେଙ୍ଗ୍ ପକ୍ତାତାନ୍‌ନା। ଆନେଙ୍ଗ୍ ନା ଜ୍ଞାନ୍ ଅନୁସାରେ ହାର୍ଦିକାବୁର୍ ଶୁଣାୟ୍ କିଉଙ୍ଗା, ଯଦି ହେଲେକେ କିତାଙ୍ଗ୍‌ମା ମାନାୟାର୍ ନା ଜ୍ଞାନ୍‌ତିଙ୍ଗ୍ ପାର୍ତି କିତାର୍‌ମା, ଆରେ ହେୱାର୍ ଖ୍ରୀଷ୍ଟ କୃଶକାଟ୍‌ତାକେ ହାଃତି ଶାକ୍ତିତିଙ୍ଗ୍ ପୁନ୍‌ୱାତାର୍‌ମା।

୧ କରନ୍ତିୟ 12:8

ଈଶ୍ୱର ରକାନିଙ୍ଗ୍ ତା ପବିତ୍ର ଆତ୍ମା ବୁଦିନି କାତା ୱେଚ୍‌ଚେଙ୍ଗ୍ ହିତାନ୍‌ନା, ଆରେ ହେ ଈଶ୍ୱର ରକାନିଙ୍ଗ୍ ତା ପବିତ୍ର ଆତ୍ମା ଜେକନିକାନିଙ୍ଗ୍ ଜ୍ଞାନ୍‌ନି କାତା ୱେଚ୍‌ନି କାଜିଙ୍ଗ୍ ଶାକ୍ତି ହିନାନ୍।

୧ କରନ୍ତିୟ 15:10

ମାତର୍ ତା ଦୟା କାଜିଙ୍ଗ୍ ଆନେଙ୍ଗ୍ ନଙ୍ଗୟ୍ ବାଚିକିତି ଚେଲା ଆତାଙ୍ଗ୍‌ନା, ହେୱାନ୍ ନାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ୱିଜାର୍ ଚେଲାର୍ ଈଶ୍ୱରତି କାମାୟ୍ କିତିତାଙ୍ଗ୍ ଆନେଙ୍ଗ୍ ବେସି ଈଶ୍ୱର କାମାୟ୍ କିନାଙ୍ଗା। ଆଁ ହେଦାଙ୍ଗ୍ ଆନେଙ୍ଗ୍ ଆକାୟ୍, ମାତର୍ ନାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ତା କାମାୟ୍ କିନି କାଜିଙ୍ଗ୍ ବ୍ୟବହାର୍ କିଦ୍‌ନାନା।

୧ କରନ୍ତିୟ 2:13

ଆରେ ଆପେଙ୍ଗ୍ ଇ ୱିଜୁ ବିଷୟ ଜେକନିକାରିଙ୍ଗ୍ ୱେଚ୍‌ନାପା, ଆପେଙ୍ଗ୍ ଇ ୱିଜୁ ବିଷୟ ୱେଚ୍‌ନି କାଜିଙ୍ଗ୍ ପୁର୍ତିନି ମାନାୟାର୍ ବୁଦିତାଙ୍ଗ୍ ୱେଚ୍‌ଚି କାତାଲେକେ ୱେଚ୍‌ଚୁପା। ମାତର୍ ମାଙ୍ଗେଙ୍ଗ୍ ପବିତ୍ର ଆତ୍ମା ଇମ୍‌ଣି କାତା ୱେଚ୍‌ଚେଙ୍ଗ୍ ହିତ୍‌ତାନ୍‌ନା, ଆରେ ଆପେଙ୍ଗ୍ ହେ ଆତ୍ମା ସାଇଜତାଙ୍ଗ୍ ସତ୍ ବିଷୟତିଙ୍ଗ୍ ବୁଜାୟ୍ କିନାପା।

୧ କରନ୍ତିୟ 4:4

ଆନେଙ୍ଗ୍ ପୁଚାଙ୍ଗ୍‌ନା ଯେ, ଇନା ବୁଲ୍ କିୱାତାଙ୍ଗ୍‌ନା, ମାତର୍ ଆନେଙ୍ଗ୍ ହେଦାଙ୍ଗ୍ ୱେଚ୍‌ଚିସ୍ ଟିକ୍ ଆଉତ୍। ହେଦାଙ୍ଗ୍ ମାପୃ ନାଙ୍ଗେଙ୍ଗ୍ ପରିକ୍ଷା କିଜି ବିଚାର୍ କିଦ୍‌ନାନ୍‌।

୧ କରନ୍ତିୟ 5:8

ଲାଗିଙ୍ଗ୍ ଏପେଙ୍ଗ୍ ଈଶ୍ୱର ତା ମାନାୟାର୍‌ଲେକେ ଆଜି ପବିତ୍ର ଆରେ ସତ୍ ଜିବୁନ୍ କାଟିକିନି ଦର୍‌କାର୍। ଇନେସ୍‌ଲେକେ ଯିହୁଦା ଜାତିନି ମାନାୟାର୍ ନିସ୍ତାର୍ ପାର୍ବୁ ମାନି କିନିହିଙ୍ଗ୍ ଇଞ୍ଜାକା ୱିଜୁ ସଡ଼ାକାର୍ ବାର୍ତ ତୁହିହିନାର୍, ଆରେ ସଡ଼ାକାର୍ ମାହାଆୱିତି ରୁଟି ହେୱାର୍ ତିନ୍‌ଞ୍ଜି ମାଚାର୍। ହେଲେକେ ଏପେଙ୍ଗ୍ ପାର୍ତିକିୱି ଆଗେ ଇମ୍‌ଣି ୱିଜୁ କରାପ୍ କାମାୟ୍ କିଜି ମାଚାଦେର୍ ହେଦାଙ୍ଗ୍ ବନ୍ଦ୍ କିନି ଦର୍‌କାର୍।

୨ କରନ୍ତିୟ 1:17

ଏପେଙ୍ଗ୍ ଇଲେକେ ବାବିକିମାଟ୍ ଯେ, ଆନେଙ୍ଗ୍ ରି ମାନ୍ୟା ଆଜି ଇ ଉପାୟ୍ କିୱାଦାଙ୍ଗ୍ ମାଚାଙ୍ଗ୍, ଆରେ ପା ଆନେଙ୍ଗ୍ ଇ ପୁର୍ତିନି ମାନାୟାର୍ ଉପାୟ୍ କିତିଲେକେ କିୱାଦାଙ୍ଗ୍ ମାଚାଙ୍ଗ୍। ହେୱାର୍ ନଙ୍ଗୟ୍ ଆଁ ଇନାର୍ ମାତର୍ ପାଚେ ଆକାୟ୍ ଇନାର୍।

୨ କରନ୍ତିୟ 11:3

ମାତର୍ ପାର୍ତୁମ୍ କଗ୍‌ଲେଙ୍ଗ୍ ହବାଙ୍ଗ୍ ଶୟ୍‌ତାନ୍ ରାଚ୍ ହେଲେକେ ଆଜି ଟକାୟ୍ କିତାତ୍। ହେଲେକେ ଶୟ୍‌ତାନ୍ ମିଚ୍ ହିକ୍ଷାହିନି ମାନାୟାର୍‌ଲେକେ ଆଜି ମିଙ୍ଗେଙ୍ଗ୍ ପା ଚାଲାକି କିଜି ଟକାୟ୍ କିଦ୍‌ନାତ୍ ଆରେ ଏପେଙ୍ଗ୍ ଖ୍ରୀଷ୍ଟଙ୍ଗ୍ ହେବା କିନାକା ବନ୍ଦ୍ କିନାଦେର୍ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପାଣ୍ଡ୍ରାଆନାଙ୍ଗା।

୨ କରନ୍ତିୟ 2:17

ଆରେ ଏପେଙ୍ଗ୍ ପୁଚାଦେର୍‌ନା ଯେ, ଆପେଙ୍ଗ୍ ହେୱାନ୍ ପନି ମାନାୟାର୍‌ଲେକେ ଆକାୟ୍। ଇମ୍‌ଣି ମାନାୟାର୍ ଡାବୁଙ୍ଗ୍ କାଜିଙ୍ଗ୍ ହାର୍ଦିକାବୁର୍ ଶୁଣାୟ୍ କିନାରା, ମାତର୍ ମାଙ୍ଗେଙ୍ଗ୍ ପକ୍ତିତି ଈଶ୍ୱର ଚଚ୍‌ଚାନାନା ଇଞ୍ଜି ପୁନ୍‌ଞ୍ଜି ଆପେଙ୍ଗ୍ ଦରମ୍‌ଆଜି ଖ୍ରୀଷ୍ଟ ଅଦିକାର୍ ହୁଦାଙ୍ଗ୍ ଈଶ୍ୱରତି ହାର୍ଦିକାବୁର୍ ଶୁଣାୟ୍ କିନାପା।

୨ କରନ୍ତିୟ 4:2

ଆପେଙ୍ଗ୍ ୱିଜୁ ଲାଜାଆନି କାମାୟ୍ ଆରେ ମାନାୟାର୍‌ତାଙ୍ଗ୍ ଡ଼ୁକ୍‌ଚି କିନି କାମାୟ୍ କିଉସା। ଆପେଙ୍ଗ୍ ମିଙ୍ଗେଙ୍ଗ୍ ଟକାୟ୍ କିଦ୍‌ଦେଙ୍ଗ୍ ଉପାୟ୍ କିଉପା, ଆରେ ଆପେଙ୍ଗ୍ ଈଶ୍ୱର କାତାତିଙ୍ଗ୍ ଚାଲାକି କିଜି ୱେଚ୍‌ଚୁପା। ଆପେଙ୍ଗ୍ ଈଶ୍ୱର ମୁମ୍‌ଦ ସତ୍ ୱେଚ୍‌ନାପା ଆରେ ୱିଜୁ ଦରମ୍ ମାନାୟାର୍ ପୁଚାର୍‌ନା ଯେ ଆପେଙ୍ଗ୍ ସତ୍ ୱେଚ୍‌ନାପା।

୨ କରନ୍ତିୟ 8:8

ଆନେଙ୍ଗ୍ ମିଙ୍ଗେଙ୍ଗ୍ ଇଲେକେ ନେ କିୟାଟ୍ ଇଞ୍ଜି ଆଦେସ୍ ହିଦୁଙ୍ଗା। ମାତର୍ ଜେକନି ମଣ୍ଡ୍‌ଲିନି ପାର୍ତି କିନାକାର୍ ସାଇଜ କିଦେଙ୍ଗ୍ ବେସି ଇଚା କିଜି ଲାଡ୍ କିନିଲେକେ, ଏପେଙ୍ଗ୍ ଜେକନି ପାର୍ତିକିନି ଗରିବ୍ ମାନାୟାରିଙ୍ଗ୍ ଲାଡ୍ କିନାଦେରା କି ଆକାୟ୍ ପୁଞ୍ଜେଙ୍ଗ୍ ଇଲେକେ ଇଞ୍ଜ୍‌ନାଙ୍ଗା।

ଗାଲାତିୟ 6:4

ମାତର୍ ୱିଜାକାର୍ ଜାର୍-ଜାର୍ କାମାୟ୍‌ତିଙ୍ଗ୍ ପରିକ୍ଷା କିୟେର୍। ଯଦି ହେୱାନ୍ ହାର୍ଦି କାମାୟ୍ କିଜି ମାନ୍‌ଙ୍ଗାନାନ୍, ଲାଗିଙ୍ଗ୍ ହେୱାନ୍ ଜାର୍ କାମାୟ୍‌ତିଙ୍ଗ୍ ୱାରି ଆନାନ୍, ମି କାମାୟ୍ ଜେକ ଇନେର୍ ହୁଦାଙ୍ଗ୍ ପା ହାମାନ୍ କିମାଟ୍।

ଏପିସିୟ 6:14

ଲାଗିଙ୍ଗ୍ ସେନା ଇନେସ୍ ମେଙ୍ଗାକାଙ୍ଗ୍ ଗାଚିୟାଆଜି ଯୁଜ୍ କାଜିଙ୍ଗ୍ ରେଡି ଆଜି ମାନାନ୍, ହେଲେକେ ମି ମେଙ୍ଗାକାଙ୍ଗ୍ ଈଶ୍ୱର ସତ୍‌ତିଙ୍ଗ୍ ବେଲ୍‌ଟ୍ ଲେକେ ଗାଚାଟ୍। ସେନା ଇନେସ୍ ଜାର୍ ରକ୍ଷା କାଜିଙ୍ଗ୍ ପିତାଡ଼୍ ଆଙ୍ଗି ରସ୍ତି ଜପି ଉସ୍‌ପାନାନ୍, ହେଲେକେ ଏପେଙ୍ଗ୍ ପା ଶୟ୍‌ତାନ୍‌ତାଙ୍ଗ୍ ରକ୍ଷା ପାୟା ଆଦେଙ୍ଗ୍ ଈଶ୍ୱର ହିତ୍‌ତି ଦରମ୍‌ତିଙ୍ଗ୍ ଉସ୍‌ପାଟ୍‌।

ପିଲିପିୟ 1:10

ଲାଗିଙ୍ଗ୍ ଏପେଙ୍ଗ୍ ୱିଜୁତାଙ୍ଗ୍ ହାର୍ଦି ବିଷୟତିଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍, ଆରେ ଖ୍ରୀଷ୍ଟ ଦିନ୍‌ତ ଏପେଙ୍ଗ୍ ଟିକ୍ ଆରେ ଇନା ଦସ୍ ପା ମିଙ୍ଗେଙ୍ଗ୍ ହିଲ୍‌ଗୁତ୍।

୧ ଥେସଲନୀକିୟ 2:10

ହେଦାଙ୍ଗ୍ ଈଶ୍ୱର ଆରେ ଏପେଙ୍ଗ୍ ସାକି ମାନାଦେର୍, ଆପେଙ୍ଗ୍ ଈଶ୍ୱର ଇଚା ଆନୁସାରେ ପବିତ୍ର, ଦରମ୍ ଆରେ ୱିଜୁ ସତ୍ କାମାୟ୍ କିଜି ମାଚାପ୍।

୧ ତିମତି 1:5

ଆନେଙ୍ଗ୍ ୱେଚ୍‌ଚିନି ଅର୍ତ ଇଦାଙ୍ଗ୍ ଯେ, ଏପେଙ୍ଗ୍ ମି ବିତ୍ରେ ଲାଡ୍ କିବା ଆନାଦେର୍। ଆରେ ଇ ଲାଡ୍ ହାର୍ଦି ମାନ୍, ହାର୍ଦି ଚିନ୍ତା ଆରେ ସତ୍ ପାର୍ତିତାଙ୍ଗ୍ ଆନି ଦର୍‌କାର୍।

ତୀତସ 2:7

ଏପେଙ୍ଗ୍ ର ମାନାୟ୍ ମାନି କିତିଲେକେ ୱିଜୁ ବିଷୟରେ ହାର୍ଦି କାମାୟ୍ କିୟାଟ୍। ଏପେଙ୍ଗ୍ ଈଶ୍ୱର ବିଷୟରେ ହିକ୍ଷା ହିନିହିଙ୍ଗ୍ ହାର୍ଦି ମାନ୍‌ତାଙ୍ଗ୍ ଆରେ ମାନାୟାର୍ ସନ୍‌ମାନ୍ କିତିଲେକେ ହିକ୍ଷା ହିୟାଟ୍।

ଏବ୍ରି 13:18

ମା କାଜିଙ୍ଗ୍ ପାର୍ତାନା କିୟାଟ୍। ଇନେସ୍‌କି ମା ଆହା ମାନାତ୍ ଯେ, ମାଙ୍ଗେଙ୍ଗ୍ ହାର୍ଦି ବୁଦି ମାନାତ୍, ଆରେ ଆସେଙ୍ଗ୍ ସନ୍‌ମାନ୍ ହୁଦାଙ୍ଗ୍ ୱିଜୁକିଜି ଜିନି କାଜିଙ୍ଗ୍ ଇଚା କିନାସା।

ଜାକ୍‌ବ 4:6

ଈଶ୍ୱର ମାଙ୍ଗେଙ୍ଗ୍ ବେସି ଦୟା କିତ୍‌ତାନ୍‌ନା, ହେଦାଙ୍ଗ୍ କାଜିଙ୍ଗ୍ ସାସ୍ତର୍‌ତାକେ ଲେକା ମାନାତ୍, “ଆକାର୍ ଆନାକାରିଙ୍ଗ୍ ଈଶ୍ୱର ବିରଦ୍ କିନାନ୍। ମାତର୍ ସାଦୁ ମାନାୟ୍‌ତିଙ୍ଗ୍ ହେୱାନ୍ ଦୟା କିନାନ୍।”

୧ ପିତର 3:16

ଏପେଙ୍ଗ୍ ଦରମ୍‌ଆଜି ସନ୍‌ମାନ୍ ହୁଦାଙ୍ଗ୍ ହେ ବିଷୟତିଙ୍ଗ୍ ବୁଜାୟ୍ କିନି ଦର୍‌କାର୍, ଏପେଙ୍ଗ୍ ଜାର୍ ମାନ୍‌ତିଙ୍ଗ୍ କିଲେର୍ କିଜି ଇଟାଟ୍। ଲାଗିଙ୍ଗ୍ ମାନାୟାର୍ ଯଦି ମି ବିରୁଦ୍‌ତାକେ ଇଞ୍ଜ୍‌ନାର୍, ଆରେ ଏପେଙ୍ଗ୍ ହାର୍ ଜିବୁନ୍ କାଟି କିନାକା ହେୱାର୍ ହୁଡ଼୍‍ଦାନାର୍ ଆରେ ହେୱାର୍ ଲାଜ୍ ପାୟାଆନାର୍‌, ଇନେସ୍‌କି ଏପେଙ୍ଗ୍ ଖ୍ରୀଷ୍ଟ ଲକ୍ ଆତାଦେର୍‌ନା।

୧ ପିତର 3:21

ହେୱାର୍ ଆଗେ ଉଦାର୍ ପାୟାଆତାକା, ହେଦାଙ୍ଗ୍ ନଙ୍ଗୟ୍ ଇଲେକେ ଅର୍ତ ହିନାତା ଏଚେପାଦ୍ନା ଆସେଙ୍ଗ୍ ଡୁବନ୍ ଅନାସ୍‌ ଆସେଙ୍ଗ୍ ଉଦାର୍ ପାୟାଆନାସ୍‌। ଆସେଙ୍ଗ୍ ଇମ୍‌ଣି ଏଜୁକାଙ୍ଗ୍ ଡୁବନ୍ ଆନାସ୍ ହେଦାଙ୍ଗ୍ ଗାଗାଡ଼୍‌ନି ପାପ୍‌ତିଙ୍ଗ୍ ନୁଜୁତ୍, ମାତର୍ ଆସେଙ୍ଗ୍ ଈଶ୍ୱରତିଙ୍ଗ୍ କେମା ଏନ୍‌ତାପ୍‌ନା ଇଞ୍ଜି ହେଦାଙ୍ଗ୍ ର ଚିନ୍। ଲାଗିଙ୍ଗ୍ ମା ମାନ୍ କିଲେର୍ ଆନାତ୍ ଯେ ଆସେଙ୍ଗ୍ ଈଶ୍ୱର ହୁଦାଙ୍ଗ୍ ମାହାଆତାସ୍‌ନା, ଈଶ୍ୱର ମାଙ୍ଗେଙ୍ଗ୍ କେମା କିଦ୍‌ନାନ୍ ଇନେସ୍‌କି ଯୀଶୁ ଖ୍ରୀଷ୍ଟ ହାଃତିତାଙ୍ଗ୍ ଆରେରଗ ଜିବୁନ୍ ଆତାନ୍‌ନା,