୨ କରନ୍ତିୟ 1:11 - New Testament in Pengo Parja Language

¹¹ ଏପେଙ୍ଗ୍ ମା କାଜିଙ୍ଗ୍ ପାର୍ତାନା କିଜି ସାଇଜ କିଦ୍‍ନାଦେରା ହେଦାଙ୍ଗ୍ କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ଉଦାର୍ କିଦ୍‌ନାତ୍। ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ଦୟାକିଜି ଉଦାର୍ କିଦେନ୍ ଇଞ୍ଜି ପାର୍ତାନା କିନାରା।

ସତ୍‌ ବଚନ୍‌ ପୁନି ନିୟମ୍‌

¹¹ ଏପେଙ୍ଗ୍‌ ତ ମାଦି ବାହା ଆସ୍ତି ପାର୍ତାନାତ ମା ଉପ୍‌କାର୍‌ କିଦ୍‌ନାଦେରା, ଇନେସ୍‌ ମାଙ୍ଗେଙ୍ଗ୍‌ ଇମ୍‌ଣି ଉପ୍‌କାର୍‌ ଦାନ୍‌ କିତ୍‌ତାର୍‌ନା, ହେଦାଂ କାଜିଂ ବେସି ଲକାର୍‌ ୱାଇଦାଂ ମା କାଜିଂ ବେସି ଲକ୍‌ ଇସ୍ୱର୍‌ତିଂ ଜୁୱାର୍‌ ହିନାର୍‌ ।

୨ କରନ୍ତିୟ 1:11 Iomraidhean Croise

ପକ୍ୟାତାକା 12:5

ଲାଗିଙ୍ଗ୍ ପିତର ଜଇଲ୍ ଇଞ୍ଜ କେତେକ୍ ଦିନ୍ ମାଚାନ୍। ମାତର୍ ଯିରୁଶାଲାମ୍ ସହର୍ ମଣ୍ଡ୍‌ଲିନି ପାର୍ତିକିନି ମାନାୟାର୍ ପିତର କାଜିଙ୍ଗ୍ ର ମାନ୍‌ଆଜି ଈଶ୍ୱରତାକେ ପାର୍ତାନା କିଜି ମାଚାର୍।

୨ କରନ୍ତିୟ 4:15

ଆପେଙ୍ଗ୍ ଇ ୱିଜୁ ଦୁଃକ୍ କଷ୍ଟ ମି ଲାବ୍ କାଜିଙ୍ଗ୍ ପାୟାଆନାପା। ଲାଗିଙ୍ଗ୍ ଈଶ୍ୱର ବେସି ଦୟା କିଦ୍‌ନାନ୍ ଇଞ୍ଜି ଆଦିକ୍‌ତାଙ୍ଗ୍ ଆଦିକ୍ ମାନାୟାର୍ ପୁନାର୍ ଆରେ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାର୍, ଆରେ ପା ହେୱାର୍ ଈଶ୍ୱରତିଙ୍ଗ୍ ଆଦିକ୍ ଜୟ୍-ଜୟ୍ କିନାର୍ ଆରେ ହେୱାନ୍ ହେୱାର୍‌ତାଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ଗୌରବ ପାୟା ଆନାନ୍।

୨ କରନ୍ତିୟ 9:14

ଆରେ, ଈଶ୍ୱରତି ଚାନିଆଆନି ଦୟା ମି କାଜିଙ୍ଗ୍ ହେୱାରିଙ୍ଗ୍ କିଜିମାଚି କାଜିଙ୍ଗ୍, ହେୱାର୍ ମି କାଜିଙ୍ଗ୍ ବେସି ଲାଡ୍‌ତାଙ୍ଗ୍ ପାର୍ତାନା କିନାର୍।

ପିଲିପିୟ 1:19

ଇନେସ୍‌କି ଆନେଙ୍ଗ୍ ପୁଚାଙ୍ଗ୍‌ନା ଯେ, ମି ପାର୍ତାନା ଆରେ ଯୀଶୁ ଖ୍ରୀଷ୍ଟ ପବିତ୍ର ଆତ୍ମା ସାଇଜତାଙ୍ଗ୍ ଇ ୱିଜୁ ନାଙ୍ଗେଙ୍ଗ୍ ଉଦାର୍ ପାୟା ଆଦେଙ୍ଗ୍ ସାଇଜ କିଦ୍‌ନାତ୍।

କଲସିୟ 4:3

ମା କାଜିଙ୍ଗ୍ ପା ପାର୍ତାନା କିୟାଟ୍, ଈଶ୍ୱର ଇନେସ୍ ମାଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ସୁଯଗ୍ ହିଦ୍‌ନାନ୍, ଆରେ ଆପେଙ୍ଗ୍ ଖ୍ରୀଷ୍ଟନି ଡ଼ୁକ୍‌ତି ବିଷୟତିଙ୍ଗ୍ ଶୁଣାୟ୍ କିଦେଙ୍ଗ୍ ଆଡ୍‌ନାପ୍। ଆନେଙ୍ଗ୍ ଇ ହାର୍ଦିକାବୁର୍ ଶୁଣାୟ୍ କିନି କାଜିଙ୍ଗ୍ ବନ୍ଦି ଆତାଙ୍ଗ୍‌ନା।

୧ ଥେସଲନୀକିୟ 5:25

ଏ ପାର୍ତିକିନି ଟଣ୍ଡାର୍‌କାଦେର୍, ମା କାଜିଙ୍ଗ୍ ପାର୍ତାନା କିୟାଟ୍।

୨ ଥେସଲନୀକିୟ 3:1

ଏ ପାର୍ତିକିନି ଟଣ୍ଡାର୍‌କାଦେର୍, ମା କାଜିଙ୍ଗ୍ ପାର୍ତାନା କିୟାଟ୍ ଯେ, ଆପେଙ୍ଗ୍ ମାପୃ ଯୀଶୁ ଖ୍ରୀଷ୍ଟ ବିଷୟରେ ବେଗି-ବେଗି ୱିଜୁ ବାହାତାକେ ଶୁଣାୟ୍ କିନାପ୍, ଆରେ ହେଦାଙ୍ଗ୍ ୱେନି ମାନାୟାର୍ ପାର୍ତି କିୟେର୍। ଏପେଙ୍ଗ୍ ଇନେସ୍‌ଲେକେ ପାର୍ତି କିତାଦେର୍।

ଫିଲୀମୋନ 1:22

ଆନେଙ୍ଗ୍ ନିଙ୍ଗେଙ୍ଗ୍ ଆରେ ର ବିଷୟ ୱେଚ୍‌ଚାନାଙ୍ଗା, ଆନେଙ୍ଗ୍ ମିଞ୍ଜ ମାଞ୍ଜେଙ୍ଗ୍ ଏନେଙ୍ଗ୍ ର ବାକ୍ରା ରେଡି କିଜି ମାନା। ଇନେସ୍‌କି ଆନେଙ୍ଗ୍ ଆହା କିନାଙ୍ଗା ଯେ ଈଶ୍ୱର ମି ପାର୍ତାନା ୱେନ୍‌ଞ୍ଜି ନାଙ୍ଗେଙ୍ଗ୍ ମି ଲାଗାୟ୍ ୱାଜି ଗିଟାଆଦେଙ୍ଗ୍ ସୁଯଗ୍ ହିଦ୍‌ନାନ୍।

ଏବ୍ରି 13:18

ମା କାଜିଙ୍ଗ୍ ପାର୍ତାନା କିୟାଟ୍। ଇନେସ୍‌କି ମା ଆହା ମାନାତ୍ ଯେ, ମାଙ୍ଗେଙ୍ଗ୍ ହାର୍ଦି ବୁଦି ମାନାତ୍, ଆରେ ଆସେଙ୍ଗ୍ ସନ୍‌ମାନ୍ ହୁଦାଙ୍ଗ୍ ୱିଜୁକିଜି ଜିନି କାଜିଙ୍ଗ୍ ଇଚା କିନାସା।