୧ ତିମତି 6:20 - New Testament in Pengo Parja Language

²⁰ ଏ ଟଣ୍ଡେନ୍ ତିମତି ନିଙ୍ଗେଙ୍ଗ୍ ଇନାକା ହିତ୍‌ତାର୍‌ନା, ହେଦାଙ୍ଗ୍‌ତିଙ୍ଗ୍ ରକ୍ଷା କିୟା। ଈଶ୍ୱରତିଙ୍ଗ୍ ପୁନ୍‌ୱି ଲକାର୍‌ତାଙ୍ଗ୍ ଆରେ ବେକାର୍ କାତା ୱେଚ୍‌ନାକାର୍‌ତାଙ୍ଗ୍ ଦେହା ଆଜି ମାନା।

ସତ୍‌ ବଚନ୍‌ ପୁନି ନିୟମ୍‌

²⁰ ଏ ତିମତି, ନି ତାକେ ଇନାକା ହିୟା ଆତ୍‌ତାତ୍‌ନା, ହେଦାଂ ରାକ୍ୟା କିୟା; ଆହାର୍‌ ଜାକ୍‌ଡ଼ା ଆରି ବେଣ୍‍ ବେଣ୍‌ତ “ଗିୟାନ୍‌ନି” ଜିକାଟାଣାତାଂ ବିନେ ଆଡୁ ।

୧ ତିମତି 6:20 Iomraidhean Croise

ପକ୍ୟାତାକା 16:1

ତାପାଚେ ପାଉଲ ଆରେ ଶିଲା ଦର୍ବି ସହର୍‌ତାକେ ହାଚାର୍। ପାଚେ ହେୱାର୍ ଲୁସ୍ତ୍ରା ସହର୍‌ତାକେ ହାଚାର୍। ହେବେ ତିମତି ତର୍‍ଦାକାନ୍ ରକାନ୍ ପାର୍ତିକିନି ଚେଲାହି ମାଚାନ୍। ତା ତେହି ରଞ୍ଜେଲ୍ ପାର୍ତି କିନାକାଦେଲ୍ ମାଚାତ୍, ହେଦେଲ୍ ଯିହୁଦି ଜାତି ନିକାଦେଲ୍ ମାଚାତ୍। ଲାତ୍ରାହି ରକାନ୍ ବିନ୍‌ଜାତିନି ମାନାୟ୍ ମାଚାନ୍।

ପକ୍ୟାତାକା 17:18

ପାଉଲ କେତେକ୍ ଏପିକୁରିୟ ଆରେ ସ୍ତଇକ ଦଳ୍‌ନି ଜ୍ଞାନି ମାଷ୍ଟେରାର୍ ହୁଦାଙ୍ଗ୍ ଆଲ୍‌ଚାନା କିଦେଙ୍ଗ୍ ଲାଗାତାନ୍, ହେୱାର୍ ବିତ୍ରେତାଙ୍ଗ୍ କେତ୍‌ଜାଣ୍ ୱେଚ୍‌ଚାର୍, “ଇୱାନ୍ ବୁଦି ହିଲ୍‌ୱାକାନ୍ ଇନାକା ୱେଚ୍‌ଚେଙ୍ଗ୍ ଇଚା କିନାନା?” ଆରେ କେତ୍‌ଜାଣ୍ ୱେଚ୍‌ଚାର୍, “ହେୱାନ୍ ରକାନ୍ ପୁନି ପେନ୍ ବିଷୟରେ ଶୁଣାୟ୍ କିନି ମାନାୟ୍ ଲେକେ ଲାଗ୍‌ଦାନାନା।” ଇନେସ୍‌କି ପାଉଲ ଯୀଶୁ ଆରେ ଆରେରଗ ଜିବୁନ୍‌ଆନି ବିଷୟରେ ହାର୍ଦିକାବୁର୍ ଶୁଣାୟ୍ କିଜି ମାଚାନ୍।

ପକ୍ୟାତାକା 17:21

ଆଥିନୀୟ୍‌ ସହର୍‌ନି ମାନାୟାର୍ ଆରେ ଜେକନି ଦେସ୍ତି ଏଥେନ୍‌ସ୍ ସହର୍‌ତାକେ ହାଲ୍‌ଜି ମାନାକାର୍, ପୁନି-ପୁନି କାତା ୱେଚ୍‌ଚେଙ୍ଗ୍ ଆରେ ୱେଞ୍ଜେଙ୍ଗ୍ ନେ ହେୱାର୍ ଇଚା ଜିଜି ମାଚାର୍।

ରୋମିୟ 1:22

ହେୱାର୍ ଜାର୍-ଜାର୍‌ନେ ବୁଦି କାଟାକାପ୍ ଇଞ୍ଜି ବାବିକିତାର୍ ଆରେ ମୁର୍କ ଆତାର୍।

ରୋମିୟ 3:2

ଆଁ, ଯିହୁଦି ମାନାୟ୍ ଆନାକା ବେସି ଲାବ୍ ମାନାତ୍। ଇନେସ୍‌କି ଈଶ୍ୱର ହିତ୍‌ତି ଦରମ୍ ସାସ୍ତର୍ ହେୱାର୍‌ତାକେ ମାନାତ୍, ହେଦାଙ୍ଗ୍‌ନେ ହେୱାର୍ କାଜିଙ୍ଗ୍ ବେସି ଗାଜା ଲାବ୍।

୧ କରନ୍ତିୟ 2:6

ଆନେଙ୍ଗ୍ ଏଚେପାଦ୍ନା ଆଦିକ୍ ପାର୍ତିକିନି ଟଣ୍ଡାର୍‌ତାକେ ମାନାଙ୍ଗା, ହେପାଦ୍ନା ଆନେଙ୍ଗ୍ ହେୱାରିଙ୍ଗ୍ ବୁଦିନି କାତା ୱିଜୁ ୱେଚ୍‌ନାଙ୍ଗା। ହେୱାରିଙ୍ଗ୍ ଆନେଙ୍ଗ୍ ଇ ପୁର୍ତିନି ମାନାୟାର୍ ବୁଦିନି କାତାଲେକେ ୱେଚୁଙ୍ଗା, ଆରେ ଇ ପୁର୍ତିନି ସାସନ୍ କିନି ମାନାୟାର୍‌ଲେକେ ହିକ୍ଷା ହିଉଙ୍ଗା, ଇନେସ୍‌କି ହେୱାର୍ ହିକ୍ଷା ଆରେ ବୁଦି ଦିନେକ୍ ବେକାର୍ ଆନାତ୍।

୧ କରନ୍ତିୟ 3:19

ଇନେସ୍‌କି ଇ ପୁର୍ତିନି ବୁଦି ୱିଜୁ ଈଶ୍ୱର ମୁମ୍‌ଦ ବକ୍‌ୱା ଲେକେ। ଇନେସ୍‌ଲେକେ ଦରମ୍ ସାସ୍ତର୍‌ତାକେ ଲେକା ମାନାତ୍, “କେତେକ୍ ମାନାୟ୍ ନିଜେ ବାବିକିନାର୍ ଯେ, ହେୱାରିଙ୍ଗ୍ ବୁଦି ମାନାତ୍, ମାତର୍ ଈଶ୍ୱର ହେୱାର୍ ଜାର୍ ଚାଲାକି ଉପାୟ୍‌ତିଙ୍ଗ୍ ବେକାର୍ କିନାତ୍ ଆରେ ଆରାୟ୍ କିନାତ୍।”

କଲସିୟ 2:18

ଖ୍ରୀଷ୍ଟ ତା ଗାଗାଡ଼୍ ଲେକ ମଣ୍ଡ୍‌ଲିନି ମୁକ୍ୟା। ହେୱାନ୍ ତା ଗାଗାଡ଼୍‌ନି ୱିଜୁ ଜିନିଷ୍‌ତିଙ୍ଗ୍ ଜାତୁନ୍ କିନାନ୍ ଆରେ ୱିଜୁତିଙ୍ଗ୍ ମାହାଇ କିଜି ଇଡ଼୍‌ତାନ୍‌ନା। ଲାଗିଙ୍ଗ୍ ଈଶ୍ୱର ଇଚାତାଙ୍ଗ୍ ଇଦାଙ୍ଗ୍ ବାଡା ଆନାତ୍। ବାଟ୍‌ପାଣ୍ ଆଜି ଜାର୍‌ତିଙ୍ଗ୍ ହିରୁ କିନାକା ଆରେ ଦୁତ୍‌କୁକାଙ୍ଗ୍ ପୁଜା କିୟାଟ୍ ଇଞ୍ଜି ୱେଚ୍‌ଚି ଇନେର୍ ମିଙ୍ଗେଙ୍ଗ୍ ଟକାୟ୍ କିଦୁର୍। ଇ ବିଷୟରେ ହେୱାର୍ କେଚ୍‍କଣ୍‌ତ ହୁଡ଼୍‌ତାପ୍‌ନା ଇଞ୍ଜି ୱେଚ୍‌ନାର୍। ମାତର୍ ହେୱାର୍ ତା ମୁର୍କ କାଜିଙ୍ଗ୍ ବାଟ୍‌ପାଣିଆ ଆତାର୍‌ନା।

କଲସିୟ 2:8

ଏପେଙ୍ଗ୍ ଜାଗ୍ରତ୍ ଆଜି ମାନାଟ୍, ଇନେର୍ ପା ମିଙ୍ଗେଙ୍ଗ୍ ମୁଲ୍ୟ ହିଲ୍‌ୱି ଦର୍‍ମନି ହିକ୍ଷା ଆରେ ବେକାର୍ ଉପାୟ୍‌ନି ହିକ୍ଷାହିଜି ମିଙ୍ଗେଙ୍ଗ୍ ଜାଲ୍‌ଦ ରାତ୍‌ତେମେର୍। ଇନେସ୍‌କି ଇ ଲେକେ ହିକ୍ଷା ଖ୍ରୀଷ୍ଟତି ହିକ୍ଷା ଆକାୟ୍, ମାତର୍ ମାନାୟ୍‌ନି ଜ୍ଞାନ୍‌ନି ହିକ୍ଷା ଆରେ ପୁର୍ତିନି ମାନାୟାର୍ ହିକ୍ଷା।

୨ ଥେସଲନୀକିୟ 1:4

ଏପେଙ୍ଗ୍ ଦୁଃକ୍ କଷ୍ଟ ପାୟାଆଜି ମାଚିସ୍ ପା, ସାସ୍ ଆଜି ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିନାଦେରା। ହେଦାଙ୍ଗ୍ କାଜିଙ୍ଗ୍ ଈଶ୍ୱରତିଙ୍ଗ୍ ପାର୍ତିକିନି ମଣ୍ଡ୍‌ଲିନି ମାନାୟାର୍ ଆଗେ ମି ବିଷୟରେ ଆପେଙ୍ଗ୍ ସାର୍‌ଦା ଆଜି ୱେଚ୍‌ନାପା।

୨ ଥେସଲନୀକିୟ 2:15

ଏ ପାର୍ତିକିନି ଟଣ୍ଡାର୍‌କାଦେର୍, ଆପେଙ୍ଗ୍ ମିତାକେ ୱାଜି ହିକାୟ୍ କିତ୍‌ତି ବିଷୟ, ଆରେ ମା ଚିଟିତାକେ ଲେକିକିତି ବିଷୟତିଙ୍ଗ୍ ୱିଜୁଦିନ୍ ପାର୍ତି କିଜି ମାନାଟ୍।

୧ ତିମତି 1:11

ଇ ହିକ୍ଷା ଆଶ୍ରିବାଦ୍ ହିଦ୍‌ନି ଈଶ୍ୱରତାଙ୍ଗ୍ ଆରେ ଗୌରବନି ହାର୍ଦିକାବୁର୍‌ତାଙ୍ଗ୍‌ ଆନାତ୍। ହେ ହାର୍ଦିକାବୁର୍ ଜେକନିକାରିଙ୍ଗ୍ ୱେଚ୍‌ଚେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ହିତ୍‌ତାନ୍‌ନା।

୧ ତିମତି 1:2

ଆନେଙ୍ଗ୍ ଇ ଚିଟି ତିମତି ଲାଗାୟ୍ ଲେକିକିନାଙ୍ଗା। ଏନେଙ୍ଗ୍ ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍ ଏନେଙ୍ଗ୍ ନା କାଜିଙ୍ଗ୍ ରକାଇ ହିମ୍‌ଣା ଲେକେ। ଆବା ଈଶ୍ୱର ଆରେ ମା ମାପୃ ଯୀଶୁ ଖ୍ରୀଷ୍ଟ ନିଙ୍ଗେଙ୍ଗ୍ ଆଶ୍ରିବାଦ୍, ଦୟା ଆରେ ଶାନ୍ତି ହିଦେନ୍।

୧ ତିମତି 1:4

କାତା ଆରେ ଇନାୱେଡ଼ାଙ୍ଗ୍ ୱିଜ୍‌ୱି ଆକଦାଦିନି ଗଷ୍ଟିନି କାତାତାକେ ଦିୟାନ୍ ହିୱେଦେଙ୍ଗ୍ ହେୱାରିଙ୍ଗ୍ ଆଦେସ୍ ହିୟା। ଇନେସ୍‌କି ଇ ଲେକେ କାତାତିଙ୍ଗ୍ ମାନାୟାର୍ ଜୁକ୍ତି କିବା ଆନାର୍, ଆରେ ଈଶ୍ୱର ଇଚାକିତି କାମାୟ୍‌ତିଙ୍ଗ୍ ହେୱାର୍ କିଦେଙ୍ଗ୍ ଆଡୁର୍। ମାତର୍ ପାର୍ତିକିନି ମାନାୟାର୍ ଇ କାମାୟ୍ କିଦେଙ୍ଗ୍ ଆଡ୍‌ନାର୍।

୧ ତିମତି 1:6

ବୁଲ୍ ହିକ୍ଷାହିନି ମାଷ୍ଟେରାର୍ ଇ ୱିଜୁ ବିଷୟତିଙ୍ଗ୍ ପିସ୍ତି, ହେୱାର୍ ମୁଲ୍ୟ ହିଲ୍‌ୱି କାତାବାର୍ତା ଆଜି ମାନ୍‌ଗାନାର୍।

୧ ତିମତି 1:9

ଦାରି କାମାୟ୍ କିନି ମାନାୟାର୍ କାଜିଙ୍ଗ୍, ଗାଗାଡ଼୍‌ତିଙ୍ଗ୍ ହାର୍‌ଦାଙ୍ଗ୍ ବାଉରା ଆୱି ମାନାୟାର୍ କାଜିଙ୍ଗ୍। ମାନାୟ୍ ଚର୍, ମିଚ୍ ୱେଚ୍‌ନାକାର୍ କାଜିଙ୍ଗ୍ ଆରେ ମିଚ୍‌ତାଙ୍ଗ୍ ପାର୍ମାଣ୍ କିନାକାର୍ କାଜିଙ୍ଗ୍, ହାର୍ଦି ହିକ୍ଷା ବିରଦ୍‌ତାକେ କାମାୟ୍ କିନାକାର୍ କାଜିଙ୍ଗ୍ ଇଦାଙ୍ଗ୍ ହିୟାଆତାତ୍‌ନା।

୧ ତିମତି 4:7

କାତା ଆରେ ଈଶ୍ୱରତିଙ୍ଗ୍ ସନ୍‌ମାନ୍ ହିୱି ଲେକେ କାତାତିଙ୍ଗ୍ ଏନେଙ୍ଗ୍ ଦିୟାନ୍ ହିମା, ମାତର୍ ଏନେଙ୍ଗ୍ ଈଶ୍ୱର ଇଚାତାଙ୍ଗ୍ ଜିବୁନ୍ କାଟି କିଦେଙ୍ଗ୍ ଜାର୍‌ତିଙ୍ଗ୍ ଅବ୍ୟାସ୍ କିୟା।

୧ ତିମତି 6:11

ଏ ଈଶ୍ୱରତିଙ୍ଗ୍ ହେବାକିନି ତିମତି, ଏନେଙ୍ଗ୍ ଇ ୱିଜୁ ବିଷୟତାଙ୍ଗ୍ ଜେକ ଆନି ଦର୍‌କାର୍। ଆରେ ଏନେଙ୍ଗ୍ ଇନାକା ଟିକ୍ ହେଦାଙ୍ଗ୍ କିଦେଙ୍ଗ୍ ଉପାୟ୍ କିୟା, ଈଶ୍ୱରତିଙ୍ଗ୍ ସନ୍‌ମାନ୍ ଆତିଲେକେ ଜିବୁନ୍ କାଟି କିୟା, ଖ୍ରୀଷ୍ଟଙ୍ଗ୍ ପାର୍ତି କିୟା, ଜେକନିକାରିଙ୍ଗ୍ ଲାଡ୍ କିୟା। ବିପତ୍ ୱେଡ଼ାଙ୍ଗ୍ ସାହାସ୍ ଆସ୍ତି ମାନା, ରିସା ଆୱାଦାଙ୍ଗ୍ ଜେକନିକାର୍‌ତାକେ ହାର୍ ଆଜି ମାନା।

୧ ତିମତି 6:14

ଈଶ୍ୱର ଇମ୍‌ଣି ଆଦେସ୍ କିଦେଙ୍ଗ୍ ନିଙ୍ଗେଙ୍ଗ୍ ୱେଚ୍‌ଚାତାନ୍‌ନା। ହେ ଆଦେସ୍‌ତିଙ୍ଗ୍ ମାନିକିଜି କିୟା, ଲାଗିଙ୍ଗ୍ ଇନେର୍ ପା ନିଙ୍ଗେଙ୍ଗ୍ ଦସ୍ କିତାନ୍‌ନା ଇଞ୍ଜି ୱେଚ୍‌ଚୁର୍ ଏଚେପାଦ୍ନା ମାପୃ ଯୀଶୁ ଖ୍ରୀଷ୍ଟ ପୁର୍ତିତାକେ ୱାନାନ୍।

୨ ତିମଥି 2:1

ଲାଗିଙ୍ଗ୍ ଏ ନା ମାଜି ତିମତି, ଯୀଶୁ ଖ୍ରୀଷ୍ଟନି ଇମ୍‌ଣି ଦୟା ନିଙ୍ଗେଙ୍ଗ୍ ହିତ୍‌ତାନ୍‌ନା ହେବେତାଙ୍ଗ୍ ଜାର୍‌ତିଙ୍ଗ୍ ସାହାସ୍ କିୟା।

୨ ତିମଥି 2:16

ମାତର୍ ଈଶ୍ୱରତିଙ୍ଗ୍ ସନ୍‌ମାନ୍ ଆୱିତି ଲେକେ ବେଣ୍‌ବାଟ୍‌ତାଙ୍ଗ୍ ଦେହା ମାନାଟ୍। ଇନେସ୍‌କି ଇମ୍‌ଣାକାର୍ ହେବେ ମାହାଆନାର୍, ହେୱାର୍ ଈଶ୍ୱରତିଙ୍ଗ୍ ବେସି ଅପ୍‌ମାନ୍ କିନାର୍।

ତୀତସ 1:14

ଆରେ ହେୱାର୍ ଇନେସ୍ ଯିହୁଦିର୍ କାତାତିଙ୍ଗ୍ ୱେଞ୍ଜେଙ୍ଗ୍ ମାନ୍ କିନାର୍, ଆରେ ସତ୍ ହିକ୍ଷାତିଙ୍ଗ୍ ମାନିକିୱି ମାନାୟାର୍ ନିୟମ୍‌ତିଙ୍ଗ୍ ହେୱାର୍ ଇନେସ୍ ୱେନୁର୍, ଇଦାଙ୍ଗ୍ କାଜିଙ୍ଗ୍ ହେୱାରିଙ୍ଗ୍ ଷ୍ଟିଟ୍‌କିଜି ଜାଗ୍ରତ୍ କିୟିକିୟାଟ୍।

ତୀତସ 1:4

ମା ଆବା ଈଶ୍ୱର ଆରେ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଦୟା ଆରେ ଶାନ୍ତି ହିଦେନ୍।

ତୀତସ 1:9

ଇମ୍‌ଣି ହିକ୍ଷା ହେୱାନ୍ ପାୟାଆତାନ୍‌ନା ହେ ପାର୍ତିକିନି ହିକ୍ଷାତିଙ୍ଗ୍ ହେୱାନ୍ ବେସି ପାର୍ତିକିନି ଦର୍‌କାର୍। ଲାଗିଙ୍ଗ୍ ହେୱାନ୍ ସତ୍ ହିକ୍ଷାତାଙ୍ଗ୍ ଜେକନିକାନିଙ୍ଗ୍ ସାହାସ୍ କିଦେଙ୍ଗ୍ ଆଡ୍‌ନାନ୍ ଆରେ ତା ହିକ୍ଷାତିଙ୍ଗ୍ ବିରଦ୍ କିନି ମାନାୟାରିଙ୍ଗ୍ ଟିକ୍ କିଦେଙ୍ଗ୍ ଆଡ୍‌ନାନ୍।

ତୀତସ 3:9

ମାତର୍ ଏନେଙ୍ଗ୍ ମୁର୍କିୟା ଜୁକ୍ତି, ଆକଦାଦିନି କୁଟୁମ୍ ବିଷୟରେ, ଆରେ ମୋଶା ଲେକିକିତି ସାସ୍ତର୍ ବିଷୟରେ ଜୁକ୍ତିତାଙ୍ଗ୍ ଆରେ ଗଣ୍ଡ୍‌ଗଲ୍‌ତାଙ୍ଗ୍ ପାର୍ତି କିନାକାଦେର୍ ଦେହା ମାନେର୍। ଇନେସ୍‌କି ଇୱିଜୁ ଇନା ଲାବ୍‌ନି ବିଷୟ ଆକାୟ୍ ଆରେ ଇନେର୍ କାଜିଙ୍ଗ୍ ପା ଇନାକା ସାଇଜ ଆଦୁତ୍।

ହତ୍‌ତି 3:3

ଲାଗିଙ୍ଗ୍ ଏପେଙ୍ଗ୍ ଆଗେ ୱେଚାକା ଏତୁକିୟାଟ୍ ଆରେ ପାର୍ତୁମ୍ ପାର୍ତି କିତିଲେକେ ପାର୍ତିକିୟାଟ୍। ଏପେଙ୍ଗ୍ ନାଙ୍ଗେଙ୍ଗ୍ ଆଦିକ୍ ପାର୍ତି କିଜି ମାନ୍‌ବାଦ୍‌ଲାୟ୍ କିଜି ନାବେ ୱାଡ, ଯଦି ଏପେଙ୍ଗ୍ ହେଲେକେ କିଉଦେର୍, ଆନେଙ୍ଗ୍ ମିଙ୍ଗେଙ୍ଗ୍ ଦଣ୍ଡ୍ ହିଦ୍‌ଦେଙ୍ଗ୍ ତିପ୍‌କୁ ୱାନାଙ୍ଗ୍ ଇନେସ୍ ର ଚରେନ୍ ତିପ୍‌କୁ ଚର୍‌କିଦେଙ୍ଗ୍ ୱାନାନ୍।