୧ ତିମତି 6:2 - New Testament in Pengo Parja Language

² ଇମ୍‌ଣି ମାଲିକାର୍ ପାର୍ତି କିନାକାର୍ ଆନାର୍, ହେୱାର୍ ଦାସ୍‌ରିଙ୍ଗ୍ ଖ୍ରୀଷ୍ଟତାକେ ପାର୍ତିକିନି ଟଣ୍ଡାର୍ ଇଞ୍ଜି ପୁନ୍‌ଞ୍ଜି ହେୱାରିଙ୍ଗ୍ ଇନସ୍ତା କିମେର୍। ଆରେ ହେୱାର୍ ହେୱାରିଙ୍ଗ୍ ପା ହାର୍‌ଦାଙ୍ଗ୍ ଦିୟାନ୍ ହିଜି ହେବା କିୟେର୍। ଇନେସ୍‌କି ମାଲିକ୍‌ତିଙ୍ଗ୍ ହେବାକିନି ଦାସାର୍ ପା ପାର୍ତି କିନାକାର୍। ଲାଗିଙ୍ଗ୍ ଦାସାର୍ ପା ଜେକନିକାରିଙ୍ଗ୍ ଲାଡ୍ କିତିଲେକେ ହେୱାରିଙ୍ଗ୍ ଲାଡ୍ କିନାର୍। ଇ ୱିଜୁ ବିଷୟ ହିକ୍ଷା ହିୟା ଆରେ ମାନି କିଦେଙ୍ଗ୍ ସାହାସ୍ ହିୟା।

ସତ୍‌ ବଚନ୍‌ ପୁନି ନିୟମ୍‌

² ଆରେ ଇମ୍‌ଣାକାର୍‌ ହାଉକାର୍‍ ପାର୍ତିନିକାନ୍‌, ହେୱାର୍‌ ହେୱାରିଂ ଟଣ୍ଡେନ୍‌ ଇଞ୍ଜି ବାବି କିଜ଼ି ଲାଜ୍‌ କିମେର୍‍ ୱାଟିଂ ଆଦିକ୍‌ ଜତନ୍‍ତାଂ ଉପ୍‌କାର୍‌ତାଂ ହେବା କିଏର୍‍, ଇନେକିଦେଂକି ଇନେର୍‌ ହେବା ହୁଦାଂ ଉପ୍‌କାର୍‌ ଅୟାନାର୍‌, ହେୱାର୍‌ ପାର୍ତି କିନାର୍ ଆରି ୱାରିନିକାର୍‌ । ଇ ୱିଜ଼ୁ ବିସ୍ରେ ହିକ୍ୟା ଆରି ଉପ୍‌ଦେସ୍‌ ହିୟାଟ୍‌ ।

୧ ତିମତି 6:2 Iomraidhean Croise

ମାତିଉ 23:8

ମାତର୍ ଏପେଙ୍ଗ୍ ଗୁରୁ ଇଞ୍ଜି ହିର୍‌ବାନାକା ଉଚିତ୍ ଆକାଇ, ଇନେସ୍‌କି ଏପେଙ୍ଗ୍ ୱିଜାଦେର୍ ଟଣ୍ଡାର୍ ଆରେ ମି ଗୁରୁ ଆପ୍‌କା ରକାନ୍।

ମାତିଉ 25:40

ଏଚେପାଦ୍ନା ଆନେଙ୍ଗ୍ ରାଜା ୱେଚ୍‌ଚାନାଙ୍ଗ୍, ‘ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ଏପେଙ୍ଗ୍ ନାବେ ପାର୍ତିକିନି ଟଣ୍ଡାର୍ ବିତ୍ରେତାଙ୍ଗ୍ ରକାନିଙ୍ଗ୍ ଇନାକା କିତାଦେର୍‌ନା। ହେଦାଙ୍ଗ୍ ଏପେଙ୍ଗ୍ ନା କାଜିଙ୍ଗ୍ କିତାଦେର୍‌ନା।’

ମାତିଉ 6:24

ରକାନ୍ ହଲିଆ ରଞ୍ଜେମାଡ୍ ରିକାର୍ ମାଲିକ୍‌ତିଙ୍ଗ୍ ହେବା କିଦେଙ୍ଗ୍ ଆଡୁନ୍। ଲାଗିଙ୍ଗ୍ ହେୱାନ୍ ରକାନିଙ୍ଗ୍ ଆକାର୍ ଆନାନ୍ ଆରେ ଜେକନିକାରିଙ୍ଗ୍ ଲାଡ୍ କିନାନ୍, ରକାନିଙ୍ଗ୍ ଇଚା ଆନାତ୍ ଆରେ ଜେକନିକାରିଙ୍ଗ୍ ଗିଣ୍ କିନାନ୍। ଏପେଙ୍ଗ୍ ଈଶ୍ୱର ଆରେ ଦନ୍ ଇ ରିଣ୍ଡେକାଙ୍ଗ୍ ହେବା କିଦେଙ୍ଗ୍ ଆଡୁଦେର୍।”

ପକ୍ୟାତାକା 1:15

ହେବେ ପାକାପାକି ଶହେ କଡ଼େ ଜାଣ୍ ମାଚାର୍। ହେପାଦ୍ନା ପିତର ହେୱାର୍ ବିତ୍ରେ ନିଲ୍‌ଚି ୱେଚ୍‌ଚାନ୍,

ରୋମିୟ 11:17

ଇସ୍ରାଏଲ ଜାତିନି ମାନାୟାର୍ ରଞ୍ଜାଙ୍ଗ୍ ହାର୍ଦି ଜିତ୍‌ମାର୍‌ତି କେନ୍ଦାଲେକେ ଆରେ ମା ଆକଦାଦି ଅବ୍ରାହାମ, ଇସାକ ଆରେ ଯାକୁବ ହେ ମାର୍‌ତି ଚିରାଙ୍ଗ୍ ଲେକେ, ଆରେ ଏପେଙ୍ଗ୍ ବିନ୍‌ଜାତିନି ମାନାୟାର୍ ର ରାନ୍‍ତି ଜିତ୍‌ମାର୍‌ତି କେନ୍ଦାଙ୍ଗ୍ ଲେକେ ମାଚାଦେର୍। ଏଚେପାଦ୍ନା ଈଶ୍ୱର ଅଲିବ୍ ମାର୍‌ତି କେନ୍ଦାକାଙ୍ଗ୍ କାତ୍‌ତାନ୍ ହେପାଦ୍ନା ମିଙ୍ଗେଙ୍ଗ୍ ଅଲିବ୍ ମାର୍‌ତ ଅଜି ଜଡ଼ାୟ୍ କିତ୍‌ତାନ୍, ଆରେ ଏପେଙ୍ଗ୍ ଅବ୍ରାହାମତିଙ୍ଗ୍ ଈଶ୍ୱରକିତି ପାର୍ମାଣ୍‌ନି ଆଶ୍ରିବାଦ୍ ପାୟାଆତାଦେର୍ ଆରେ ତା ହିମ୍‌ଣାୱାକ୍‌ଡ଼ା ଆତାଦେର୍।

ରୋମିୟ 8:29

ଇନେସ୍‌କି ଈଶ୍ୱର ତା ମାନାୟାରିଙ୍ଗ୍ ଆଗେନେ ପୁଚାନ୍‌ନା, ଆରେ ହେୱାନ୍ ତା ମେହି ଲେକେ ଆନି କାଜିଙ୍ଗ୍ ହେୱାରିଙ୍ଗ୍ ବାଚି କିତାନ୍‌ନା, ଲାଗିଙ୍ଗ୍ ତା ମେହି ୱିଜାର୍ ଟଣ୍ଡାହିର୍ ଆରେ ତଣ୍‌ଦିହିକ୍ ବିତ୍ରେତାଙ୍ଗ୍ ପାର୍ତୁମ୍ ଆନାନ୍।

ଗାଲାତିୟ 5:6

ସୁନତ ବିଦି ମାନିକିତିସ୍ କି କିୱିତିସ୍ ଇନା ମୁଲ୍ୟ ଆକାୟ୍, ଏଚେପାଦ୍ନା ଆପେଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତି କିନାପା। ଲାଗିଙ୍ଗ୍ ମୁଡ଼୍ ବିଷୟ ଆନାତା ଖ୍ରୀଷ୍ଟଙ୍ଗ୍ ପାର୍ତି କିନାସ୍, ହେଦାଙ୍ଗ୍ ଜେକନିକାରିଙ୍ଗ୍ ଲାଡ୍‌କିନି କାଜିଙ୍ଗ୍ ମାଙ୍ଗେଙ୍ଗ୍ ସାଇଜ କିଦ୍‌ନାତା।

ଏପିସିୟ 1:1

ଆନେଙ୍ଗ୍ ପାଉଲ ଈଶ୍ୱର ଇଚାତାଙ୍ଗ୍ ଯୀଶୁ ଖ୍ରୀଷ୍ଟନି ରକାଙ୍ଗ୍ ବାଚିକିତି ଚେଲା। ଏପିସ ସହର୍‌ତାକେ ମାନି ସାଦୁ ଆରେ ଖ୍ରୀଷ୍ଟତାକେ ପାର୍ତିକିନି ମାନାୟାର୍ ଲାଗାୟ୍ ଆନେଙ୍ଗ୍ ଇ ଚିଟି ଲେକିକିନାଙ୍ଗା।

ଏପିସିୟ 1:15

ଇ ୱିଜୁ କାଜିଙ୍ଗ୍ ଆରେ ଏପେଙ୍ଗ୍ ମାପୃ ଯୀଶୁ ଖ୍ରୀଷ୍ଟତାକେ ପାର୍ତିକିନି ବିଷୟ ଆରେ ଏପେଙ୍ଗ୍ ୱିଜୁ ସାଦୁ ମାନାୟାରିଙ୍ଗ୍ ଲାଡ୍‌କିନି ବିଷୟ ୱେଚି ଦିନ୍‌ତାଙ୍ଗ୍,

ଏପିସିୟ 3:6

ଈଶ୍ୱର ଡ଼ୁକ୍‌ତି ଜଜ୍‌ନା ଇଦାଙ୍ଗ୍ ଯେ, ହାର୍ଦିକାବୁର୍ କାଜିଙ୍ଗ୍ ଯୀଶୁ ଖ୍ରୀଷ୍ଟତାକେ ଆପେଙ୍ଗ୍ ରବେ ଆତି କାଜିଙ୍ଗ୍ ବିନ୍‌ଜାତିର୍ ପା ଯିହୁଦିର୍ ଲେକେ ହାମାନ୍ ଆଦିକାର୍ ପାୟାଆତାର୍‌ନା। ହେୱାର୍ ର ଗାଗାଡ଼୍, ଆରେ ଈଶ୍ୱର ପାର୍ମାଣ୍‌ତାକେ ମାହା ଆତାର୍‌ନା।

କଲସିୟ 1:2

ଆନେଙ୍ଗ୍ ଆରେ ନା ହୁଦାଙ୍ଗ୍ ମାନି ପାର୍ତିକିନି ଟଣ୍ଡେନ୍ ତିମତି, କଲସୀୟ ସହର୍‌ତାକେ ମାନି ସାଦୁ ମାନାୟ୍ ଆରେ ଖ୍ରୀଷ୍ଟତାକେ ପାର୍ତିକିନି ଟଣ୍ଡାର୍‌ରିଙ୍ଗ୍ ଜୱାର୍ କିଦ୍‌ନାପା। ମା ଆବା ଈଶ୍ୱର ମିଙ୍ଗେଙ୍ଗ୍ ଆଶ୍ରିବାଦ୍ କିଦେନ୍ ଆରେ ଶାନ୍ତି ହିଦେନ୍।

କଲସିୟ 1:4

ଆପେଙ୍ଗ୍ ୱେଚାପ୍ ଯେ, ଏପେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ଆହା କିନାଦେରା ଆରେ ଈଶ୍ୱର ମାନାୟାରିଙ୍ଗ୍ ଲାଡ୍ କିନାଦେରା।

କଲସିୟ 4:1

ଏ ମାଲିକ୍ କାଦେର୍, ସରଗ୍‌ତାକେ ମି କାଜିଙ୍ଗ୍ ର ମାଲିକ୍ ମାନାନ୍ ଇଞ୍ଜି ପୁନ୍‌ଞ୍ଜି, ମି ହଲିଆରିଙ୍ଗ୍ ନ୍ୟାୟ୍ ଆରେ ହାର୍ଦି ବ୍ଯବହାର୍ ହିୟାଟ୍।

୨ ଥେସଲନୀକିୟ 1:3

ଏ ପାର୍ତିକିନି ଟଣ୍ଡାର୍‌କାଦେର୍, ମି କାଜିଙ୍ଗ୍ ଆପେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାପା। ହେଲେକେ କିନି ଦର୍‌କାର୍ ଯେ, ଏପେଙ୍ଗ୍ ଯୀଶୁଙ୍ଗ୍ ବେସିହେନି ପାର୍ତି କିନାଦେରା, ଆରେ ଏପେଙ୍ଗ୍ ଜାର୍-ଜାର୍‌ବିତ୍ରେ ବେସି ଲାଡ୍ କିନାଦେରା।

୧ ତିମତି 4:11

ପାର୍ତି କିନାକାରିଙ୍ଗ୍ ଇୱିଜୁ ହିକ୍ଷାହିଜି ମାନି କିଦେଙ୍ଗ୍ ଆଦେସ୍ ହିଜି ୱେଚା।

୧ ତିମତି 5:1

ନିତାଙ୍ଗ୍ ଗାଜା ମାନାୟାରିଙ୍ଗ୍ ଅପ୍‌ମାନ୍ ହିତିଲେକେ ରିସା ଆମା, ମାତର୍ ହେୱାନିଙ୍ଗ୍ ମିଞ୍ଜ୍‌ବା ଲେକେ ବାବିକିଜି ସନ୍‌ମାନ୍ କିଜି ଆଦେସ୍ ହିୟା। ଆରେ ନିତାଙ୍ଗ୍ ହିରୁକାରିଙ୍ଗ୍ ଟଣ୍ଡେନ୍ ଲେକେ ବାବିକିଜି ଆଦେସ୍ ହିୟା।

ତୀତସ 2:1

ମାତର୍ ଏନେଙ୍ଗ୍ ତିତସ, ସତ୍ ହିକ୍ଷା ହୁଦାଙ୍ଗ୍ ଇନାକା ହାର୍ ହେଦାଙ୍ଗ୍ ଏପେଙ୍ଗ୍ ପାର୍ତି କିନାକାରିଙ୍ଗ୍ ହିକ୍ଷା ହିୟାଟ୍।

ତୀତସ 2:15

ଇ ୱିଜୁ ବିଷୟ କ୍ରୀତି ଦୀପ୍‌ତାକେ ମାନି ପାର୍ତି କିନାକାରିଙ୍ଗ୍ ହିକ୍ଷା ହିୟାଟ୍। ଏପେଙ୍ଗ୍ ହେୱାରିଙ୍ଗ୍ ପୁରା ଆଦିକାର୍ ହୁଦାଙ୍ଗ୍ ସାହାସ୍ ହିୟାଟ୍ ଆରେ ହେୱାରିଙ୍ଗ୍ ଟିକ୍ କିୟାଟ୍, ଏପେଙ୍ଗ୍ ଇମ୍‌ଣି ହିକ୍ଷା ହିନାଦେର୍ ହେ ହିକ୍ଷାତିଙ୍ଗ୍ ଇନେର୍ ପା ଗିଣ୍ କିଦ୍‌ମେର୍।

ତୀତସ 3:8

ଆନେଙ୍ଗ୍ ୱେଚ୍‌ଚି ମାନ୍‌ଞ୍ଚି ଇ ବେଣ୍‌ତିଙ୍ଗ୍ ପାର୍ତିକିନି ଦର୍‌କାର୍। ଲାଗିଙ୍ଗ୍ ଆନେଙ୍ଗ୍ ଇଚା କିନାଙ୍ଗା ଯେ ଈଶ୍ୱରତାକେ ପାର୍ତିକିନି ମାନାୟାର୍ ଇନେସ୍ ହାର୍ଦି କାମାୟ୍ କିନି କାଜିଙ୍ଗ୍ ମାନ୍‌ଦିୟାନ୍ ହିଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ହେୱାରିଙ୍ଗ୍ ଇ ୱିଜୁ ବିଷୟ ବେସି ବାଡ଼୍‌କାସ୍ କିଜି ହିକ୍ଷା ହିୟାଟ୍। ଇ ୱିଜୁ ବିଷୟ ହାର୍ ଆରେ ୱିଜୁ ମାନାୟ୍ କାଜିଙ୍ଗ୍ ସାଇଜ କିନାନ୍।

ଏବ୍ରି 3:1

ଇଦାଙ୍ଗ୍ କାଜିଙ୍ଗ୍ ଏ ଈଶ୍ୱର ମାନାୟାର୍ ଆରେ ତା ହୁଦାଙ୍ଗ୍ ସରଗ୍‌ତାକେ ମାହାଆଜି ମାଞ୍ଜେଙ୍ଗ୍ ବାଚିକିତି ମାନାୟାର୍, ଆସେଙ୍ଗ୍ ଯୀଶୁଙ୍ଗ୍ ଈଶ୍ୱର ଦୁତ୍ ଆରେ ପ୍ରଦାନ୍ ମୁଡ଼୍‌ଦି ପୁଜାରି ଇଞ୍ଜି ଶୁଣାୟ୍ କିନାସା ହେ ଯୀଶୁ ବିଷୟରେ ବାବିକିଜି ହୁଡ଼ାଟ୍।

ଏବ୍ରି 3:14

ଇନେସ୍‌କି ଆଗେତାଙ୍ଗ୍ ମା ପାର୍ତି ଇନେସ୍ ଈଶ୍ୱର ଜପି ମାଚାତ୍, ହେଲେକେ ପାର୍ତି ଯଦି ଆସେଙ୍ଗ୍ ଜିଜି ମାନି ପାତେକ୍ ଷ୍ଟ୍ରଙ୍ଗ୍‌କିଜି ଆସ୍ତି ମାନାସ୍, ଲାଗିଙ୍ଗ୍ ଖ୍ରୀଷ୍ଟନି ୱିଜୁ ବିଷୟନି ବାଗ୍ ପାୟାଆନାସ୍।

୧ ପିତର 5:1

ଆନେଙ୍ଗ୍ ରୱାଙ୍ଗ୍ ମି ଲେକେ ମଣ୍ଡ୍‌ଲିନି ପ୍ରାଚିନ୍‌ ଆତାଙ୍ଗ୍‌ନା, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ହିକ୍ଷା ହିଦ୍‌ନାଙ୍ଗା। ବେସି ଆଗେ ଖ୍ରୀଷ୍ଟ ଦୁଃକ୍ କଷ୍ଟ ପାୟାଆନାକା ଆନେଙ୍ଗ୍ ନିଜେ ହୁଡ଼୍‌ତାଙ୍ଗ୍‌ନା, ଆରେ ହେୱାନ୍ ଏଚେପାଦ୍ନା ତା ଗୌରବ ୱିଜାକାରିଙ୍ଗ୍ ଚଚ୍‌ଚେଙ୍ଗ୍ ଆରେରଗ ୱାନାନ୍, ହେପାଦ୍ନା ଆନେଙ୍ଗ୍ ପା ତା ଗୌରବ ପାୟାଆନାଙ୍ଗ୍। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାଙ୍ଗା।

୨ ପିତର 2:10

ଇ ବୁଲ୍ ହିକ୍ଷାହିନି ମାଷ୍ଟେରାରିଙ୍ଗ୍ ହାତ୍‌ପା ଈଶ୍ୱର ଦଣ୍ଡ୍ ହିନାନ୍। ଇନେସ୍‌କି ଇ ବୁଲ୍ ହିକ୍ଷାହିନି ମାଷ୍ଟେରାର୍ ଦାରି ଲେକେ ବେସି କରାପ୍ କାମାୟ୍ କିଜି ଜାର୍ ଇଚାରେ କିନାର୍, ଆରେ ହେୱାର୍ ଇନେର୍ ତାରେନ୍ ମାଞ୍ଜେଙ୍ଗ୍ ଇଚା କିଉର୍। ହେୱାର୍ ମୁର୍କିୟା ଆରେ ବାଟ୍‌ପାଣିଆ ଇଞ୍ଜି ୱେଚ୍‌ନି ମାନାୟାର୍। ହେୱାର୍ ଗୌରବନି ଦୁତ୍‌କୁ ବିଷୟରେ ନିନ୍ଦା କିଦେଙ୍ଗ୍ ପାଣ୍ଡ୍ରାଆଉର୍।

ଜିହୁଦା 1:8

ଇ ୱିଜୁ ବିଷୟରେ ଇ ବୁଲ୍ ହିକ୍ଷାହିନି ମାଷ୍ଟେରାର୍ ପୁଚିସ୍ ପା, ହେୱାର୍ ଦାରି କାମାୟ୍ ଲେକ କରାପ୍ କାମାୟ୍ କିଜି ଜାର୍ ଗାଗାଡ଼୍‌ତିଙ୍ଗ୍ କରାପ୍ କିଦେଙ୍ଗ୍। ହେୱାର୍ ଜପି ଇନେର୍ ଆଦିକାର୍ ହିଲ୍‌ୱି କାଜିଙ୍ଗ୍, ଆରେ ଗୌରବନି ଦୁତ୍‌କୁ ବିଷୟରେ ନିନ୍ଦା କାତା ୱେଚ୍‌ନି କାଜିଙ୍ଗ୍ ଈଶ୍ୱର କେଚ୍‌କଣ୍‌ତାକେ ୱେଚ୍‌ଚାତାନ୍‌ନା ଇଞ୍ଜି ୱେଚ୍‌ନାର୍।