୧ ତିମତି 6:19 - New Testament in Pengo Parja Language

¹⁹ ଇଲେକେ କିତିସ୍ ହେୱାର୍ ବାକି ଜିବୁନ୍ କାଜିଙ୍ଗ୍ ହାତ୍‌ପା ମୁଡ଼୍‌ଦନ୍ ଜାର୍-ଜାର୍ କାଜିଙ୍ଗ୍ ରୁଣ୍ଡାଇ କିନାର୍, ହେଲେକେ ସତ୍ ଜିବୁନ୍ ପାୟାଆନାର୍‌।

ସତ୍‌ ବଚନ୍‌ ପୁନି ନିୟମ୍‌

¹⁹ ତା ଆତିସ୍‌, ଇ ଅବିନସର୍‌ ଟୁଣ୍ଡି ଉବ୍‌ଜାୟ୍‌ କିଜ଼ି ଜାର୍‌ତି ପାଚେନି କାଜିଂ ହେୱାର୍‌ ଆଟ୍‌ୱା କୁନାଦି ରଚ୍‌ନାର୍‌ ଆରି ହାରିହାରା ହେୱାର୍‌ ହାତ୍‌ପାନି ଜିବୁନ୍‌ ଲାବ୍‌ କିତାର୍‌ ।

୧ ତିମତି 6:19 Iomraidhean Croise

ମାତିଉ 19:21

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଯଦି ଏନେଙ୍ଗ୍ ପୁରା ଟିକ୍ ଆଦେଙ୍ଗ୍ ଇଚା କିନାୟା, ଏନେଙ୍ଗ୍ ହାଲ୍‌ଜି ନିତାଙ୍ଗ୍ ୱିଜେ ଦନ୍ ସମ୍ପତି ପସି ନାସ୍‌କି ନିକାରିଙ୍ଗ୍ ଡାବୁଙ୍ଗ୍ ହିୟା। ଆରେ ନା ପାଚେ ୱା, ଆରେ ଏନେଙ୍ଗ୍ କିତିସ୍ ସରଗ୍‌ତାକେ ଦନ୍ ପାୟାଆନାୟ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:33

ଲାଗିଙ୍ଗ୍ ଏପେଙ୍ଗ୍ ଜାର୍ ଦନ୍‌ସମ୍ଫତି ୱିଜୁ ପସି ହେ ଡାବୁଙ୍ଗ୍ ଗରିବ୍ ଲାଗାରିଙ୍ଗ୍ ବାଟାକିଜି ହିୟାଟ୍‌। ଇ ଜଗତ୍‌ନି ଦନ୍‌ସମ୍ଫତି ୱିଜୁଦିନ୍ ମାନ୍‌ଗୁତ୍। ଲାଗିଙ୍ଗ୍ ୱିଜୁଦିନ୍ ମାନି ଦନ୍‌ସମ୍ଫତି ଏପେଙ୍ଗ୍ ଆହାଟ୍। ଜାର୍ କାଜିଙ୍ଗ୍ ଈଶ୍ୱର ସାସନ୍ କିନି ରାଜିତାକେ ଦନ୍‌ସମ୍ଫତି ରୁଣ୍ଡାଇ କିୟାଟ୍। ଇଦାଙ୍ଗ୍ ୱିଜୁଦିନ୍ ମାନ୍‌ଗାନାତ୍ ସରଗ୍‌ତାକେ ମି ଦନ୍‌ସମ୍ଫତି ଇନେର୍ ପା ଚର୍‌କିଦେଙ୍ଗ୍ ଆଡୁର୍। ଆରେ ପ୍ରାଲ୍ ପା ଚିଞ୍ଜେଙ୍ଗ୍ ଆଡୁତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:25

ମାତର୍ ଅବ୍ରାହାମ୍‌ ୱେଚ୍‌ଚାନ୍, ‘ଏ ହିମ୍‌ଣା, ଏନେଙ୍ଗ୍ ଏଚେପାଦ୍ନା ଜିଜି ମାଚାଇ ହେପାଦ୍ନାନି କାତା ଅଲପ୍ ମାନ୍ତ ଏତ୍‌କିୟା। ନି ଜିବୁନ୍‌ତ ୱିଜୁ ବିଷୟ ପାୟାଆତାଇନା। ମାତର୍ ଲାଜର୍‌ କାଜିଙ୍ଗ୍ ୱିଜୁ କରାପ୍ ଜିନିଷ୍ ଗଟାଆତାତ୍‌ନା। ନଙ୍ଗୟ୍ ହେୱାନ୍ ଆରାମ୍‌ସେ ମାନାନା ଆରେ ଏନେଙ୍ଗ୍ କଷ୍ଟ ପାୟାଆନାୟା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:9

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, “ପୁର୍ତିନି ଦନ୍ ହିଜି ସାଙ୍ଗ ରହାଟ୍। ଏଚେକାଡ଼୍‌ଦ ଏପେଙ୍ଗ୍ ହାଃନାଦେର୍, ଈଶ୍ୱର ମିଙ୍ଗେଙ୍ଗ୍ ସରଗ୍‌ତାକେ ମାନି ଇଞ୍ଜ ଆସ୍ତାନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:2

“ଦିନେକ୍ ର ସହର୍‌ତାକେ ରକାନ୍ ବିଚାର୍ କିନାକାନ୍ ମାଚାନ୍। ହେୱାନ୍ ଈଶ୍ୱରତିଙ୍ଗ୍ ପାଣ୍ଡ୍ରା ଆୱାଦାଙ୍ଗ୍ ମାଚାନ୍ କି ମାନାୟାରିଙ୍ଗ୍ ମାନିକିୱାଦାଙ୍ଗ୍ ମାଚାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:22

ଯୀଶୁ ଇଦାଙ୍ଗ୍ ୱେନ୍‌ଞ୍ଜି ହେୱାନିଙ୍ଗ୍ ୱେଚ୍‌ଚାନ୍, “ନିଦି ର ବିଷୟ ଉଣା ମାନାତ୍, ଏନେଙ୍ଗ୍ ହାଲ୍‌ଜି ନି ଦନ୍ ସମ୍ପତି ୱିଜେ ପସି ଗରିବ୍‌ନିକାରିଙ୍ଗ୍ ଡାବୁଙ୍ଗ୍ ହିୟା, ଆରେ ନା ପାଚେ ୱା, ଆରେ ଏନେଙ୍ଗ୍ ଏଲେଙ୍ଗ୍ କିତିସ୍ ସରଗ୍‌ତାକେ ଦନ୍ ପାୟାଆନାୟ୍।”

ଗାଲାତିୟ 5:6

ସୁନତ ବିଦି ମାନିକିତିସ୍ କି କିୱିତିସ୍ ଇନା ମୁଲ୍ୟ ଆକାୟ୍, ଏଚେପାଦ୍ନା ଆପେଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତି କିନାପା। ଲାଗିଙ୍ଗ୍ ମୁଡ଼୍ ବିଷୟ ଆନାତା ଖ୍ରୀଷ୍ଟଙ୍ଗ୍ ପାର୍ତି କିନାସ୍, ହେଦାଙ୍ଗ୍ ଜେକନିକାରିଙ୍ଗ୍ ଲାଡ୍‌କିନି କାଜିଙ୍ଗ୍ ମାଙ୍ଗେଙ୍ଗ୍ ସାଇଜ କିଦ୍‌ନାତା।

ଏପିସିୟ 3:17

ଆରେ ଏପେଙ୍ଗ୍ ହେୱାନ୍‌ତାକେ ପାର୍ତିକିନି କାଜିଙ୍ଗ୍ ଖ୍ରୀଷ୍ଟ ମି ଗରବ୍ ବିତ୍ରେ ବାହା କିଦେନ୍।

ପିଲିପିୟ 3:12

ଆନେଙ୍ଗ୍ ଇ ଲେକେ ୱେଚୁଙ୍ଗା ଯେ ଇ ୱିଜୁ ପାୟାଆତାଙ୍ଗ୍‌ନା କି ଈଶ୍ୱର ଇଚା କିତିଲେକେ ଆନେଙ୍ଗ୍ ଟିକ୍ ଆୱାତାଙ୍ଗ୍‌ନା। ମାତର୍ ନାଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ ଇନାକାଦିଙ୍ଗ୍ ବାଚି କିତ୍‌ତାନ୍‌ନା ହେଦାଙ୍ଗ୍ ଜିତା ଆଦେଙ୍ଗ୍ ଆନେଙ୍ଗ୍ ହନ୍‌ନାଙ୍ଗା।

ପିଲିପିୟ 3:14

ଆଗେ ଇନକା ଗଟାଆଜି ମାଚାତ୍ ହେଦାଙ୍ଗ୍‌ତିଙ୍ଗ୍ ଆନେଙ୍ଗ୍ ବାଣା ଆଜି, ଆଗେ ଇନାକା ଗଟାଆନାତ୍ ହେ ବିଷୟତିଙ୍ଗ୍ ମାନ୍‌ଦିୟାନ୍ ହିନାଙ୍ଗା। ଆରେ ସରଗ୍‌ନି ପୁରଷ୍କାର୍ ଜିତାଆନି କାଜିଙ୍ଗ୍ ଆନେଙ୍ଗ୍ ହନ୍‌ନାଙ୍ଗା। ଯୀଶୁ ଖ୍ରୀଷ୍ଟ ନା କାଜିଙ୍ଗ୍ ହାଃତିଲେ ଈଶ୍ୱର ସରଗ୍‌ତାକେ ନାଙ୍ଗେଙ୍ଗ୍ ହିର୍‌ବାଆତ୍‌ତାନ୍‌ନା ଇଦାଙ୍ଗ୍ ଆନାତା ଗାଜା ପୁରଷ୍କାର୍।

୧ ତିମତି 6:12

ଯୁଜ୍ କିଦେଙ୍ଗ୍ ହାଚି ସେନା ଇନେସ୍ ଯୁଜ୍‌ତିଙ୍ଗ୍ ପିହୁନ୍, ହେଲେକେ ଏନେଙ୍ଗ୍ ପା ଈଶ୍ୱରତିଙ୍ଗ୍ ପାର୍ତି କିନାକା ପିହ୍‌ମା ଆରେ ହେୱାନିଙ୍ଗ୍ ମାନିକିଜି ମାନା। ଆରେ ୱିଜ୍‌ୱି ଜିବୁନ୍‌ତିଙ୍ଗ୍ ଆରାଇ କିମା, ଇଦାଙ୍ଗ୍ କାଜିଙ୍ଗ୍ ଈଶ୍ୱର ନିଙ୍ଗେଙ୍ଗ୍ ବାଚି କିତ୍‌ତାନ୍‌ନା, ଆରେ ବେସିହେନି ମାନାୟାର୍ ମୁମ୍‌ଦ ଯୀଶୁତାକେ ପାର୍ତି କିନାଙ୍ଗା ଇଞ୍ଜି ସାହାସ୍‌ତାଙ୍ଗ୍ ୱେଚ୍‌ଚାଇନା।

୨ ତିମଥି 1:1

ଆନେଙ୍ଗ୍ ପାଉଲ ଇ ଚିଟି ପକ୍ତାନାଙ୍ଗା। ଯୀଶୁ ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍ ଈଶ୍ୱର ଇମ୍‌ଣି ୱିଜ୍‌ୱି ଜିବୁନ୍ ହିଦ୍‌ନି କାଜିଙ୍ଗ୍ ପାର୍ମାଣ୍ କିତ୍‌ତାନ୍‌ନା, ହେ କାତା ଶୁଣାୟ୍ କିନି କାଜିଙ୍ଗ୍, ଈଶ୍ୱର ନାଙ୍ଗେଙ୍ଗ୍ ଖ୍ରୀଷ୍ଟନି ରକାନ୍ ବାଚିକିତି ଚେଲା କିତ୍‌ତାନ୍‌ନା।

୨ ତିମଥି 2:19

ପାଉଣ୍ଡେସେନ୍ ଇନେସ୍ ପୁରା ଆଟ୍‌ୱା ଆଜି ମାନ୍‌ଗାନାତ୍ ହେଲେକେ ଈଶ୍ୱର ମାନାୟାର୍ ମାନ୍‌ଗାନାର୍। ଇ ପାଉଣ୍ଡେସେନ୍ ଜପି ଇଦାଙ୍ଗ୍ ଲେକାଆତାତ୍‌ନା, “ମାପୃ ତା ଜାର୍ ମାନାୟାରିଙ୍ଗ୍ ପୁଚାନ୍‌ନା।” ଆରେ, “ଇନେର୍ ମାପୃ ତର୍‍ଦାଙ୍ଗ୍ ହେବା କିନାନ୍, ହେୱାନ୍ କରାପ୍ କାମାୟ୍ କିନାକା ପିହେନ୍।”

୧ ପିତର 1:4

ଈଶ୍ୱର ମା କାଜିଙ୍ଗ୍ ଇଡ଼୍‌ଜି ମାଚି ହାର୍ଦି ଜିନିଷ୍‌ତିଙ୍ଗ୍ ପାୟାଆନି କାଜିଙ୍ଗ୍ ଆପେଙ୍ଗ୍ କାନାପା, ଆରେ ଇନେର୍ ପା ଇନାୱେଡ଼ାଙ୍ଗ୍ ପା ହେ ଜିନିଷ୍‌ତିଙ୍ଗ୍ ନଷ୍ଟ କିଦେଙ୍ଗ୍ ଆଡୁର୍। ହେୱିଜୁ ଜିନିଷ୍ ପାନାକା ଆଉତ୍ କି ପ୍ରାଲ୍ ତିନୁତ୍, ଆରେ ହେଦାଙ୍ଗ୍‌ତିଙ୍ଗ୍ ଇନାକା ପା କରାପ୍ କିଉତ୍। ଇମ୍‌ଣାକା ଈଶ୍ୱର ମାଙ୍ଗେଙ୍ଗ୍ ହିଦ୍‌ନି କାଜିଙ୍ଗ୍ ସରଗ୍‌ତାକେ ଇଡ଼୍‌ତାନ୍‌ନା।