୧ ତିମତି 6:17 - New Testament in Pengo Parja Language

¹⁷ ଇମ୍‌ଣାକାର୍ ଇ ଯୁଗ୍‌ତ ହାଉକାର୍, ହେୱାର୍ ଇନେସ୍ ଲେକେ ଆକାର୍ ଆଉର୍ ଆରେ ଟେବାଆୱି ଦନ୍‌ତିଙ୍ଗ୍ ଆହା କିଉର୍, ବାଉରା ଆଦେଙ୍ଗ୍ ୱିଜୁ ବିଷୟ ବେସି ମାଙ୍ଗେଙ୍ଗ୍ ଦାନ୍ କିଦ୍‌ନି ଈଶ୍ୱର ଜପି ଆହା ଇଟ୍‌ନାର୍।

ସତ୍‌ ବଚନ୍‌ ପୁନି ନିୟମ୍‌

¹⁷ ଇମ୍‌ଣାକାର୍‌ ଇ କାଡ଼୍‌ଦ ମାଜାନ୍‌, ହେୱାର୍‌ ଇନେସ୍‌କି ଆକ୍ରିୟା ଆମେର୍‌ ଆରି ୱିଜ଼୍‌ନି ଦାନ୍‌ ଜପି ବାର୍ସି କିମେର୍‌, ଇଚିସ୍‌ ଦୁକ୍‌ବଗ୍‌ କାଜିଂ ସବୁ ବିସ୍ରେ ବେସିତାଂ ମାଙ୍ଗ୍‌ ଦାନ୍‌ କିଦ୍‍ନାନ୍‌ ଇମ୍‌ଣି ଇସ୍ୱର୍‌, ହେୱାନ୍ତି ଜପି ବାର୍ସି କିନାର୍‍; ତା ପାଚେ ବଗିକିଦେଂ ମା ସବୁ ବିସ୍ରେ ହେୱାନ୍‌ ମାଙ୍ଗେଙ୍ଗ୍‌ ହିଦ୍‌ନାନ୍‌ ।

୧ ତିମତି 6:17 Iomraidhean Croise

ମାତିଉ 12:32

ଆରେ ଇନେର୍‌କି ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ବିରଦ୍‌ତାକେ ନିନ୍ଦା କିନାର୍, ହେୱାନିଙ୍ଗ୍ କେମା ହିଇଆନାତ୍, ମାତର୍ ଇନେର୍ ପବିତ୍ର ଆତ୍ମାତିଙ୍ଗ୍ ବିରଦ୍‌କିଜି ନିନ୍ଦା କିନାର୍ ହେୱାନିଙ୍ଗ୍ ଇ ଯୁଗ୍‌ଦ କି ପାଚେନି ଯୁଗ୍‌ଦ ପା କେମା ହିଇୟାଉତ୍।”

ମାତିଉ 19:23

ହେବେତାଙ୍ଗ୍ ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ସାଉକାର୍ ମାନାୟ୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ବେସି କଷ୍ଟ।”

ମାତିଉ 25:16

ଇମ୍‌ଣି ହଲିଆହି ପାଞ୍ଚ୍ ହାଜାର୍ ରୁପାଡାବୁ ଅଜି ମାଚାନ୍, ହେୱାନ୍ ବେଗି ହେ ଡାବୁଙ୍ଗ୍ ବେପାର୍‌ବାଟ୍‌ କିନି କାମାୟ୍‌ତାକେ ଲାଗାୟ୍ କିତାନ୍। ହେୱାନ୍ ଆରେ ପାଞ୍ଚ୍ ହାଜାର୍ ରୁପାଡାବୁ ଆର୍ଜା ଆତାନ୍।

ମାତିଉ 27:57

ମିକାହାରେସ୍ ଆନିହିଙ୍ଗ୍ ଯୋଷେପ ତର୍‍ଦାକାନ୍ ହାରାମାତିଆ ସହର୍ ନିକାନ୍ ରକାନ୍ ସାଉକାର୍ ମାନାୟ୍ ଯିରୁଶାଲାମ ସହର୍‌ତାକେ ୱାଜି ଏକାତାନ୍। ହେୱାନ୍ ପା ରକାନ୍ ଯୀଶୁ ଚେଲାହି ମାଚାନ୍।

ମାତିଉ 6:32

ଇମ୍‌ଣାକାର୍ ଈଶ୍ୱରତିଙ୍ଗ୍ ପୁନ୍‌ୱାତାର୍‌ନା ଇୱିଜୁ ବିଷୟ ପାୟା ଆଦେଙ୍ଗ୍ ଡେକ୍‌ଚି ବୁଲାଆନାର୍, ହେଦାଙ୍ଗ୍ ମି ସରଗ୍‌ନି ଆବା ଈଶ୍ୱର ପୁନାନ୍, ଯେ, ଇୱିଜୁ ବିଷୟ ମିଙ୍ଗେଙ୍ଗ୍ ଦର୍‌କାର୍।

ମାର୍କ 10:24

ଯୀଶୁ ବେଣ୍ ୱେନ୍‌ଞ୍ଜି ଚେଲାହିର୍ କାବା ଆତାର୍। ମାତର୍ ଯୀଶୁ ଆରେରଗ ୱେଚ୍‌ଚାନ୍, “ଏ ଟଣ୍ଡାର୍‌କାଦେର୍ ଦନ୍‌ତିଙ୍ଗ୍ ଆହାକିନି ମାନାୟାର୍ ବେସି କଷ୍ଟତାଙ୍ଗ୍ ଈଶ୍ୱର ସାସନ୍ କିନି ରାଜିତାକେ ହାଲିଆନାତ୍!

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:2

ଯିରିହୋ ସହର୍‌ତାକେ ଜକିୟ ତର୍‍ଦାକାନ୍ ରକାନ୍ ମାନାୟ୍ ମାଚାନ୍। ହେୱାନ୍ ରକାନ୍ ସିସ୍ତୁଏନ୍‌ନି ମୁଡ଼୍‌ଦାକାନ୍ ମାଚାନ୍। ଆରେ ହେୱାନ୍ ବେସି ସାଉକାର୍ ମାଚାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:11

ଡୁବନ୍‌ହିନି ଯୋହନ ହେୱାରିଙ୍ଗ୍ ୱେଚ୍‌ଚାନ୍, “ଯଦି ମି ଲାଗାୟ୍ ରିଣ୍ଡି ହେନ୍ଦ୍ରା ମାନାତ୍, ଲାଗିଙ୍ଗ୍ ହେବେତାଙ୍ଗ୍ ର ହେନ୍ଦ୍ରା ଇନେରିଙ୍ଗ୍ ହିଲେତ୍ ହେୱାନିଙ୍ଗ୍ ହିୟାଟ୍। ଆରେ ଯଦି ମିଙ୍ଗେଙ୍ଗ୍ କାଦି ମାନାତ୍ ଇନେରିଙ୍ଗ୍ କାଦି ହିଲେତ୍ ହେୱାନିଙ୍ଗ୍ ବାଟାକିଜି ହିୟାଟ୍।”

ପକ୍ୟାତାକା 14:17

ମାତର୍ ହେୱାନ୍ ସବୁୱେଡ଼ାଙ୍ଗ୍ ହାର୍ଦି କାମାୟ୍ କିଜି ହେୱାନ୍ ଜାର୍ ବିଷୟରେ ୱେଚ୍‌ଚାନ୍‌ନା। ହେଦାଙ୍ଗ୍ କାଜିଙ୍ଗ୍ ସରଗ୍‌ତାଙ୍ଗ୍ ବାର୍ହା ଆରେ ମାସ୍ ଅନୁସାରେ ପାଡ଼୍‌ ହିତ୍‌ତାନ୍। ଆରେ ହେୱାନ୍ ମିଙ୍ଗେଙ୍ଗ୍ ଚିଞ୍ଜେଙ୍ଗ୍ କାଦି ଆରେ ମି ମାନ୍ତ ୱାରି କିୟିକିତ୍‌ତାନ୍‌ନା।”

ପକ୍ୟାତାକା 14:27

ହେୱାର୍ ହେ ସହର୍‌ତାକେ ଇକାତାର୍, ଆରେ ମଣ୍ଡ୍‌ଲିନି ମାନାୟାରିଙ୍ଗ୍ ରବେ କୁକ୍‌ତାର୍‌। ହେୱାର୍ ଈଶ୍ୱର ସାଇଜତାଙ୍ଗ୍ ଇନା-ଇନା କାମାୟ୍ କିତାର୍, ଆରେ ଈଶ୍ୱର ବିନ୍‌ଜାତିନି ମାନାୟାରିଙ୍ଗ୍ ଯୀଶୁତାକେ ପାର୍ତି କିଦେଙ୍ଗ୍ ସୁଯଗ୍ ହିତି ୱିଜୁ ବିଷୟ ହେୱାରିଙ୍ଗ୍ ୱେଚ୍‌ଚାର୍।

ପକ୍ୟାତାକା 17:25

ଆରେ ତାଙ୍ଗେଙ୍ଗ୍ ଇନାକା ଅବାବ୍ ହିଲେତ୍ ଯେ, ହେୱାନ୍ ମାନାୟାର୍‌ତାଙ୍ଗ୍ ସାଇଜ ପାୟା ଆଦେଙ୍ଗ୍ ଇଚା କିଉନ୍। ଇନେସ୍‌କି ହେୱାନ୍ ନିଜେ ୱିଜାକାରିଙ୍ଗ୍ ଜିବୁନ୍, ପାରାଣ୍ ଆରେ ୱିଜୁ ବିଷୟ ହିତ୍‌ତାନ୍‌ନା।

ରୋମିୟ 11:20

ହେୱାର୍ ଈଶ୍ୱରତିଙ୍ଗ୍ ପାର୍ତି କିୱିତି କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ତାବେତାଙ୍ଗ୍ କାଦ୍‌ଦି ତୁହିହିତାନ୍। ଆରେ ଏପେଙ୍ଗ୍ ତାଙ୍ଗେଙ୍ଗ୍ ପାର୍ତିକିତି କାଜିଙ୍ଗ୍ ଏପେଙ୍ଗ୍ ହେୱାର୍ ବାହା ପାୟାଆତାଦେର୍, ଲାଗିଙ୍ଗ୍ ଏପେଙ୍ଗ୍ ଜାର୍‌ତିଙ୍ଗ୍ ଗାଜାକାଙ୍ଗ୍ ଇଞ୍ଜି ବାବିକିମାଟ୍, ମାତର୍ ଈଶ୍ୱରତିଙ୍ଗ୍ ପାଣ୍ଡ୍ରାଆଡ।

ଏପିସିୟ 5:5

ଇନେସ୍‌କି ଏପେଙ୍ଗ୍ ହାର୍‌ଦାଙ୍ଗ୍ ପୁଚାଦେର୍‌ନା ଯେ, ଦାରି କାମାୟ୍ କିନି ମାନାୟ୍, କି କରାପ୍ ବ୍ଯବହାର୍ କିନି ମାନାୟ୍, କି ଦନ୍ ଲବ୍ରାର୍ କାଜିଙ୍ଗ୍, ଖ୍ରୀଷ୍ଟ ଆରେ ଈଶ୍ୱର ରାଜିତାକେ ଆଦିକାର୍ ଆକାୟ୍। ଦନ୍ ଲବ୍ରାର୍ ମୁର୍ତିତିଙ୍ଗ୍ ପୁଜା କିନାକାର୍ ଲେକେ।

କଲସିୟ 3:16

ଖ୍ରୀଷ୍ଟ ବିଷୟନି ହିକ୍ଷାତିଙ୍ଗ୍ ୱିଜୁଦିନ୍ ଚିନ୍ତା କିୟାଟ୍, ତା ପୁରା ଜ୍ଞାନ୍‌ତାଙ୍ଗ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ହିକାଇ କିବା ଆଡ ଆରେ ଜାଗ୍ରତ୍ କିବା ଆଡ। ଗିତସଙ୍ଗିତାନି କେର୍‌କଣ୍, ଈଶ୍ୱର ଭଜନ୍ କେର୍‌କଣ୍ କେର୍‌ଜି, ଖ୍ରୀଷ୍ଟାନ୍ କେର୍‌କଣ୍ କେର୍‌ଜି ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍।

୧ ଥେସଲନୀକିୟ 1:9

ମାନାୟାର୍ ନିଜେ ମା ବିଷୟରେ ଇଞ୍ଜ୍‌ନାରା ଯେ, ଏଚେପାଦ୍ନା ଆପେଙ୍ଗ୍ ମିତାକେ ୱାତାପ୍ ହେପାଦ୍ନା ଇନାକା ଗଟାଆଜି ମାଚାତ୍। ଆରେ ଏପେଙ୍ଗ୍ ମୁର୍ତି ପୁଜା କିନାକା ପିସ୍ତି, ସତ୍ ଆରେ ଯିବୁନ୍ ମାନି ଈଶ୍ୱରତିଙ୍ଗ୍ ପୁଜା କିତାଦେର୍,

୧ ତିମତି 1:3

ଆନେଙ୍ଗ୍ ମାକଦନିଆ ଜିଲ୍ଲାତାକେ ହାନିହିଙ୍ଗ୍ ଇନେସ୍ ନିଙ୍ଗେଙ୍ଗ୍ ଏପିସ ସହର୍‌ତାକେ ମାଞ୍ଜେଙ୍ଗ୍ ୱେଚ୍‌ଚି ମାନ୍‌ଞ୍ଚାଙ୍ଗ୍, ଆରେରଗ ୱେଚ୍‌ଚାନାଙ୍ଗ୍ ଏନେଙ୍ଗ୍ ନଙ୍ଗୟ୍ ହେବେ ମାନା। ଆରେ ହେବେ ବୁଲ୍ ହିକ୍ଷାହିନି ମାଷ୍ଟେରାରିଙ୍ଗ୍ ବୁଲ୍ ହିକ୍ଷା ହିୱେଦେଙ୍ଗ୍ ଆଦେସ୍ ହିୟା।

୧ ତିମତି 3:15

ମାତର୍ ଇନାୱେଡ଼ାଙ୍ଗ୍ ଆନେଙ୍ଗ୍ ୱାନାକା ଲେଟ୍ ଆନାତ୍, ଲାଗିଙ୍ଗ୍ ଆସେଙ୍ଗ୍ ଈଶ୍ୱର ପରିବାର୍‌ନି ମାନାୟ୍ ଆନି କାଜିଙ୍ଗ୍ ଇନେସ୍‌ଆଜି ମାନାକା ମାନାତ୍ ହେ ବିଷୟରେ ପୁନି ଦର୍‌କାର୍, ହେଦାଙ୍ଗ୍ କାଜିଙ୍ଗ୍ ଇ ଚିଟି ଲେକିକିତାଙ୍ଗ୍‌ନା। ଜିବୁନ୍ ମାନି ଈଶ୍ୱରନି ମଣ୍ଡ୍‌ଲି ଆନାତା ଈଶ୍ୱରନି ପରିବାର୍। ର ଇଲ୍‌ତିଙ୍ଗ୍ ପାଉଣ୍ଡେସେନ୍ ଆରେ ପିଲେର୍ ଇନେସ୍ ସପଟ୍ ଆରେ ବାଡ଼୍‌କାସ୍ କିନାତ୍, ହେଲେକେ ଈଶ୍ୱରତିଙ୍ଗ୍ ପାର୍ତିକିନି ମାନାୟାର୍ ପା ସତ୍ ହିକ୍ଷାତିଙ୍ଗ୍ ସପଟ୍ ଆରେ ପାର୍ତି କିଜି ମାନି ଦର୍‌କାର୍।

୧ ତିମତି 4:10

ଇ ଜିବୁନ୍ ପାୟା ଆଦେଙ୍ଗ୍ ଆପେଙ୍ଗ୍ ହାଃଜିରିଜି କାମାୟ୍ କିନାପା, ଇନେସ୍‌କି ଆପେଙ୍ଗ୍ ଜିବୁନ୍ ମାନି ଈଶ୍ୱରତାକେ ଆହା କିନାପା। ଇମ୍‌ଣାକାନ୍ ହେୱାନ୍‌ତାକେ ପାର୍ତିକିନାନ୍ ହେୱାନ୍ ୱିଜାକାର୍ କାଜିଙ୍ଗ୍ ଉଦାର୍ କିଦ୍‌ନାକାନ୍।

୧ ତିମତି 5:21

ଈଶ୍ୱର ଯୀଶୁ ଖ୍ରୀଷ୍ଟତି ଆରେ ବାଚିକିତି ଦୁତ୍‌କୁ ଆଗେ ଆନେଙ୍ଗ୍ ନିଙ୍ଗେଙ୍ଗ୍ ଆଦେସ୍ ହିଦ୍‌ନାଙ୍ଗା, ଏନେଙ୍ଗ୍ ଇନେରିଙ୍ଗ୍ ପା ତାନ୍ଦ୍ରା ଆଜି ବିଚାର୍ କିମା ଆରେ ମାନାୟ୍ ହୁଡ଼୍‌ଜି ବ୍ଯବହାର୍ କିମା।

୧ ତିମତି 6:13

ୱିଜାକାରିଙ୍ଗ୍ ଜିବୁନ୍ ହିଦ୍‌ନି ଈଶ୍ୱର ମୁମ୍‌ଦ ଆରେ ଯୀଶୁ ଖ୍ରୀଷ୍ଟ ଇନେର୍ ପନ୍ତିୟ ପିଲାତ ରାଜା ମୁମ୍‌ଦ ହାର୍ଦି ସାକି ହିଜିମାଚାନ୍। ହେୱାର୍ ଆଗେ ଆନେଙ୍ଗ୍ ନିଙ୍ଗେଙ୍ଗ୍ ଆଦେସ୍ ହିଦ୍‌ନାଙ୍ଗା,

୧ ତିମତି 6:9

ମାତର୍ ଇମ୍‌ଣାକାର୍ ହାଉକାର୍ ଆଦେଙ୍ଗ୍ ଇଚାକିନାର୍, ହେୱାର୍ ୱିଜୁ ପର୍‌କାର୍ ପାପ୍ କାମାୟ୍ କିନାର୍ ଆରେ ଜାଲ୍‌ଦ ଆର୍‌ନାର୍, ହେୱାର୍ ବିପତ୍ ଆରେ ବୁଦିହିଲ୍‌ୱି କାମାୟ୍ କିନାର୍। ଇ ଲେକେ ଇଚା ହେୱାରିଙ୍ଗ୍ ନଷ୍ଟ ଆରେ ବୁଡାଇ କିନାତ୍।

୨ ତିମଥି 4:10

ଇନେସ୍‌କି ଦୀମା ଇ ପୁର୍ତିତିଙ୍ଗ୍ ଲାଡ୍‌କିଜି ନାଙ୍ଗେଙ୍ଗ୍ ପିସ୍ତି ହାନ୍‌ଞ୍ଚାନ୍ ଆରେ ଥେସଲନିକି ସହର୍‌ତାକେ ହାଚାନ୍‌ନା। କ୍ରେସ୍‌କେନସ୍ ଗାଲାତିୟ ଜିଲ୍ଲାତ ହାଚାନ୍‌ନା, ଆରେ ତିତସ ଦଲ୍ମତିଆ ସହର୍‌ତିଙ୍ଗ୍ ହାଚାନ୍‌ନା।

ତୀତସ 2:12

ଆସେଙ୍ଗ୍ ଇନେସ୍ ଅଦରମ୍‌ ଆରେ ପୁର୍ତିନି ଇଚାତାଙ୍ଗ୍ ପିସ୍ତି ଇ ନଙ୍ଗୟ୍‌ନି ଯୁଗ୍‌ତ ଇ ପୁର୍ତିତାକେ ବୁଦି ହୁଦାଙ୍ଗ୍, ଦରମ୍ ମାନାୟ୍ ଆଜି ଜିବୁନ୍ କାଟିକିନି ଦର୍‌କାର୍।

ତୀତସ 3:6

ମାଙ୍ଗେଙ୍ଗ୍ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟ ଇନାକା କିତ୍‌ତାନ୍‌ନା, ହେଦାଙ୍ଗ୍ କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ପବିତ୍ର ଆତ୍ମା ବାହାକିନି କାଜିଙ୍ଗ୍ ଆରେ ଦୟାତାଙ୍ଗ୍ ଆଦିକ୍ କିଜି ହିତ୍‌ତାନ୍‌ନା।

୨ ପିତର 1:11

ଆରେ ମା ମାପୃ ଆରେ ଉଦାର୍ କିଦ୍‌ନାକାନ୍ ଯୀଶୁ ଖ୍ରୀଷ୍ଟ ଇମ୍‌ଣି ରାଜିତାକେ ୱିଜ୍‌ୱିଦିନ୍ ପାତେକ୍ ରାଜା ଲେକେ ସାସନ୍ କିନାନ୍, ହେ ରାଜିତିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ହାର୍‌ଦାଙ୍ଗ୍ ଆସ୍ତାନାନ୍।