୧ ତିମତି 6:14 - New Testament in Pengo Parja Language

¹⁴ ଈଶ୍ୱର ଇମ୍‌ଣି ଆଦେସ୍ କିଦେଙ୍ଗ୍ ନିଙ୍ଗେଙ୍ଗ୍ ୱେଚ୍‌ଚାତାନ୍‌ନା। ହେ ଆଦେସ୍‌ତିଙ୍ଗ୍ ମାନିକିଜି କିୟା, ଲାଗିଙ୍ଗ୍ ଇନେର୍ ପା ନିଙ୍ଗେଙ୍ଗ୍ ଦସ୍ କିତାନ୍‌ନା ଇଞ୍ଜି ୱେଚ୍‌ଚୁର୍ ଏଚେପାଦ୍ନା ମାପୃ ଯୀଶୁ ଖ୍ରୀଷ୍ଟ ପୁର୍ତିତାକେ ୱାନାନ୍।

ସତ୍‌ ବଚନ୍‌ ପୁନି ନିୟମ୍‌

¹⁴ ମାପ୍ରୁ ଜିସୁ କ୍ରିସ୍ଟତି ଆରେୱାନି ପାତେକ୍‌ ମିଙ୍ଗେଙ୍ଗ୍‌ ହିୟାଜ଼ି ମାନ୍‌ଚି ବଲ୍‌କୁ ପାର୍ତି କିଜ଼ି ପାଲି କିୟାଟ୍‌ ।

୧ ତିମତି 6:14 Iomraidhean Croise

୧ କରନ୍ତିୟ 1:8

ଈଶ୍ୱର ମିଙ୍ଗେଙ୍ଗ୍ ମା ମାପୃ ଯୀଶୁ ଖ୍ରୀଷ୍ଟ ପୁର୍ତିତାକେ ଆରେରଗ ୱାନିଦିନ୍ ପାତେକ୍ ପାର୍ତି କିଜି ମାନି କାଜିଙ୍ଗ୍ ସାଇଜ କିଦ୍‌ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ଦସି ଆଦେଙ୍ଗ୍ ହିଦୁନ୍।

ଏପିସିୟ 5:27

ଆରେ ହେୱାନ୍ ଇନେସ୍ ମଣ୍ଡ୍‌ଲିତିଙ୍ଗ୍ ପବିତ୍ର ଆରେ ବିନା ଦସ୍‌ନି ର ଗୌରବନି ମଣ୍ଡ୍‌ଲି ଲେକେ ଜାର୍‌ତାକେ ଚଚ୍‌ଚେଙ୍ଗ୍ ଆଡ୍‌ନାନ୍। ଇଦାଙ୍ଗ୍ କାଜିଙ୍ଗ୍ ହେୱାନ୍ ମଣ୍ଡ୍‌ଲିତିଙ୍ଗ୍ ଚିନ୍ କିୱାଦାଙ୍ଗ୍ ଆରେ ଇନେସ୍ ଲେଗ୍‌ଦି ଦସ୍‌ତାକେ ମାନ୍‌ୱି କାଜିଙ୍ଗ୍ ଖ୍ରୀଷ୍ଟ ଇଦାଙ୍ଗ୍ କିତାନ୍‌ନା।

ପିଲିପିୟ 1:10

ଲାଗିଙ୍ଗ୍ ଏପେଙ୍ଗ୍ ୱିଜୁତାଙ୍ଗ୍ ହାର୍ଦି ବିଷୟତିଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍, ଆରେ ଖ୍ରୀଷ୍ଟ ଦିନ୍‌ତ ଏପେଙ୍ଗ୍ ଟିକ୍ ଆରେ ଇନା ଦସ୍ ପା ମିଙ୍ଗେଙ୍ଗ୍ ହିଲ୍‌ଗୁତ୍।

ପିଲିପିୟ 1:6

ଇନେସ୍‌କି ଆନେଙ୍ଗ୍ ଆହା କିନାଙ୍ଗା, ଈଶ୍ୱର ମି ବିତ୍ରେ ହାର୍ଦି ବିଷୟ ଆରମ୍ କିତ୍‌ତାନ୍‌ନା, ଆରେ ହେଦାଙ୍ଗ୍‌ତିଙ୍ଗ୍ ହେୱାନ୍ ଯୀଶୁ ଖ୍ରୀଷ୍ଟ ୱାନିଦିନ୍ ପାତେକ୍ ଟିକ୍‌କିଜି ପୁରା କିନାନ୍।

ପିଲିପିୟ 2:15

ଲାଗିଙ୍ଗ୍ ଇନେର୍ ପା ମିଙ୍ଗେଙ୍ଗ୍ ଦସି ଇଞ୍ଜି ୱେଚ୍‌ଚେଙ୍ଗ୍ ଆଡ଼୍‌ଦୁର୍, ଆରେ ଏପେଙ୍ଗ୍ ଦରମ୍ ମାନାୟ୍ ଆନାଦେର୍। କରାପ୍ ମାନାୟାର୍ ବିତ୍ରେ ମାନ୍‌ଞ୍ଜି ପା ଏପେଙ୍ଗ୍ ଇନାକା କରାପ୍ କାମାୟ୍ କିୱାଦାଙ୍ଗ୍ ଏପେଙ୍ଗ୍ ଈଶ୍ୱର ହିମ୍‌ଣାଙ୍ଗ୍ ଲେକେ ଆଜି ମାନାଟ୍। ଏପେଙ୍ଗ୍ ଜିବୁନ୍ ହିଦ୍‌ନି କାତାତିଙ୍ଗ୍ ଆସ୍ତି ବାଦାଡ଼୍‌ନି ହୁକା ଲେକେ ଆଜି ହେୱାର୍ ବିତ୍ରେ ଅଜଡ଼୍ ଆଡ।

କଲସିୟ 1:22

ମାତର୍ ଖ୍ରୀଷ୍ଟ ମାନାୟ୍ ରୁପ୍ ଆଜି କୃଶକାଟ୍‌ତାକେ ହାଃତି କାଜିଙ୍ଗ୍ ଈଶ୍ୱର ମା ହୁଦାଙ୍ଗ୍ ମାହାଆତ୍‌ତାନ୍‌ନା। ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଏଚେକାଡ଼୍‌ଦ ଈଶ୍ୱର ମୁମ୍‌ଦ ନିଲ୍‌ନାଦେର୍, ହେୱାନ୍ ମିଙ୍ଗେଙ୍ଗ୍ ପବିତ୍ର ଆରେ ମି ବିରଦ୍‌ତାକେ ଇନେର୍‌ପା ନିନ୍ଦା ବେଣ୍ ୱେଚ୍‌ଚି ଦସି କିଦ୍‌ଦେଙ୍ଗ୍ ଆଡ଼୍‌ଦୁର୍।

କଲସିୟ 4:17

ଆର୍କିପଙ୍ଗ୍ ୱେଚାଟ୍, “ମାପୃ ହିଜି ମାନ୍‌ଞ୍ଚି ହେବା କାମାୟ୍‌ତିଙ୍ଗ୍ ଜାଗ୍ରତ୍ ଆଜି ପୁରା କିୟା।”

୧ ଥେସଲନୀକିୟ 3:13

ଆପେଙ୍ଗ୍ ପାର୍ତାନା କିନାପା ଯେ, ମା ମାପୃ ଯୀଶୁ ଖ୍ରୀଷ୍ଟ ଆରେରଗ ତା ସାଦୁ ମାନାୟାର୍ ହୁଦାଙ୍ଗ୍ ୱାନାନ୍, ଆରେ ଆସେଙ୍ଗ୍ ଈଶ୍ୱର ମୁମ୍‌ଦ ନିଲ୍‌ତିହିଙ୍ଗ୍‌, ଖ୍ରୀଷ୍ଟ ମାଙ୍ଗେଙ୍ଗ୍ ସାସ୍, ପବିତ୍ର ଆରେ ଦସ୍ ହିଲି ମାନାୟ୍ କିଦ୍‌ନାନ୍।

୧ ଥେସଲନୀକିୟ 5:23

ଶାନ୍ତି ହିଦ୍‌ନି ଈଶ୍ୱର ହେୱାନ୍ ନିଜେ ମିଙ୍ଗେଙ୍ଗ୍ ପୁରାପୁରି ବାବେ ପବିତ୍ର କିଦ୍‌ନାନ୍। ମି ଆତ୍ମା, ଜିବୁନ୍ ଆରେ ଗାଗାଡ଼୍ ଦସ୍ କିତାନ୍‌ନା ଇଞ୍ଜି ଇଞ୍ଜ୍‌ମେର୍, ମା ମାପୃ ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ଆରେରଗ ପୁର୍ତିତାକେ ୱାନି ପାତେକ୍।

୨ ଥେସଲନୀକିୟ 2:1

ଏ ପାର୍ତିକିନି ଟଣ୍ଡାର୍‌କାଦେର୍, ଆପେଙ୍ଗ୍ ମାପୃ ଯୀଶୁ ଖ୍ରୀଷ୍ଟ ଆରେରଗ ୱାନି ବିଷୟରେ ମି କାଜିଙ୍ଗ୍ ଲେକିକିନାପା, ହେପାଦ୍ନା ଆସେଙ୍ଗ୍ ୱିଜାସ୍ ମାହାଆଜି ହେୱାନିଙ୍ଗ୍ ବେଟା ଆନାସ୍।

୨ ଥେସଲନୀକିୟ 2:8

ହେପାଦ୍ନା ହେ ଅଦରମ୍‌ ମାନାୟ୍ ଚଞ୍ଜିଆ ଆନାନ୍, ଆରେ ଏଚେପାଦ୍ନା ମାପୃ ଯୀଶୁ ୱାନାନ୍, ହେ ଅଦରମ୍‌ ମାନାୟ୍‌ତିଙ୍ଗ୍ ତା ଆଦେସ୍‌ତାଙ୍ଗ୍ ମାର୍ନେ ଅହ୍‌ନାନ୍।

୧ ତିମତି 6:20

ଏ ଟଣ୍ଡେନ୍ ତିମତି ନିଙ୍ଗେଙ୍ଗ୍ ଇନାକା ହିତ୍‌ତାର୍‌ନା, ହେଦାଙ୍ଗ୍‌ତିଙ୍ଗ୍ ରକ୍ଷା କିୟା। ଈଶ୍ୱରତିଙ୍ଗ୍ ପୁନ୍‌ୱି ଲକାର୍‌ତାଙ୍ଗ୍ ଆରେ ବେକାର୍ କାତା ୱେଚ୍‌ନାକାର୍‌ତାଙ୍ଗ୍ ଦେହା ଆଜି ମାନା।

୨ ତିମଥି 4:1

ଯୀଶୁ ଖ୍ରୀଷ୍ଟ ରାଜା ଲେକେ ବିଚାର୍ କିଦେଙ୍ଗ୍ ୱାନାନ୍, ଜିଜି ମାଚି ମାନାୟାର୍ ଆରେ ହାଃଜି ମାଚି ମାନାୟାରିଙ୍ଗ୍ ହେୱାନ୍ ବିଚାର୍ କିନାନ୍। ଲାଗିଙ୍ଗ୍ ଆନେଙ୍ଗ୍ ଈଶ୍ୱର ରାଜିତିଙ୍ଗ୍ ଆରେ ଖ୍ରୀଷ୍ଟଙ୍ଗ୍ ସାକି ଇଡ଼୍‌ଜି, ଆନେଙ୍ଗ୍ ମିଙ୍ଗେଙ୍ଗ୍ ଆଦେସ୍ ହିଦ୍‌ନାଙ୍ଗା,

ତୀତସ 2:13

ଆରେ ଇମ୍‌ଣି ଆହା ମାଙ୍ଗେଙ୍ଗ୍ ୱାରି କିଦ୍‌ନାତ୍, ଆରେ ମା ଗାଜା ଈଶ୍ୱର ଆରେ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟ ଗୌରବତାଙ୍ଗ୍ ୱାନାକାଦିଙ୍ଗ୍ କାସିମାଞ୍ଜେଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଦୟା ହିକାୟ୍ କିତ୍‌ତାନ୍‌ନା।

ଏବ୍ରି 9:14

ମାତର୍ ଏପେଙ୍ଗ୍ ଇଦାଙ୍ଗ୍ ବାବି କିୟାଟ୍ ଯେ ହାଃନି ହାଜ୍‌ଦିଙ୍ଗ୍ ଅଦ୍‌ନି କାମାୟ୍‌ତାଙ୍ଗ୍ ଖ୍ରୀଷ୍ଟ ନେତେର୍ ଆଦିକ୍ କିଜି ମା ଗରବ୍‌ତିଙ୍ଗ୍ ଶୁଚି କିଦ୍‌ନାତ୍, ଆରେ ଆସେଙ୍ଗ୍ ଜିବୁନ୍ ମାନି ଈଶ୍ୱରତିଙ୍ଗ୍ ହେବା କିଦେଙ୍ଗ୍ ଆଡ୍‌ନାସ୍। ଇନେସ୍‌କି ୱିଜ୍‌ୱି ଆତ୍ମାନି ଶାକ୍ତିତାଙ୍ଗ୍, ମା ପାପ୍ କାଜିଙ୍ଗ୍ ଖ୍ରୀଷ୍ଟ ତା ଜାର୍ ଜିବୁନ୍‌ତିଙ୍ଗ୍ ଈଶ୍ୱର ଲାଗାୟ୍ ର ପୁରାପୁରି ଟିକ୍ ବଲିପୁଜା କିତାନ୍‌ନା।

ଏବ୍ରି 9:28

ହେଲେକେ ଖ୍ରୀଷ୍ଟ ପା ମାନାୟାର୍ ପାପ୍‌ତିଙ୍ଗ୍ ଦେହାକିନି କାଜିଙ୍ଗ୍ ରଗ ଜାର୍‌ତିଙ୍ଗ୍ ବଲିପୁଜା କିତାନ୍‌ନା। ଲାଗିଙ୍ଗ୍ ଏଚେପାଦ୍ନା ହେୱାନ୍ ଆରେରଗ ୱାନାନ୍, ମାନାୟାର୍ ପାପ୍ କାଜିଙ୍ଗ୍ ଜାର୍‌ତିଙ୍ଗ୍ ବଲିପୁଜା କିନି କାଜିଙ୍ଗ୍ ୱାଉନ୍, ମାତର୍ ଇମ୍‌ଣି ମାନାୟାର୍ ହେୱାନିଙ୍ଗ୍ କାତାର୍‌ନା, ହେୱାରିଙ୍ଗ୍ ଉଦାର୍ କିନି କାଜିଙ୍ଗ୍ ୱାନାନ୍।

୧ ପିତର 1:19

ମାତର୍ ଯୀଶୁ ଖ୍ରୀଷ୍ଟତି ବେସି ଦାମ୍‌କିୟା ନେତେର୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା, ହେୱାନ୍ ଦସ୍ ହିଲି ମେଣ୍ଢାଲେକେ ବଲିପୁଜା ଆତାନ୍।

୧ ପିତର 1:7

ଇ ୱିଜୁ ଦୁକ୍‌କଷ୍ଟ ପୁନି କିଦ୍‌ନାତ୍ ଯେ, ଏପେଙ୍ଗ୍ ଈଶ୍ୱରତିଙ୍ଗ୍ ହାତ୍‌ପା ପାର୍ତି କିନାଦେରା। ଏପେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିନାକା ହନାତାଙ୍ଗ୍ ପା ବେସି ଦାମ୍। ଇନେସ୍‌କି ହନାତିଙ୍ଗ୍ ନାଣିତାକେ କାଡିକିଜି ପରିକ୍ଷା କିନାର୍ ଆରେ ନୁଜ୍‌ନାର୍, ହେଲେକେ ଦୁକ୍‌କଷ୍ଟ ୱାତିସ୍ ପା ଏପେଙ୍ଗ୍ ଯଦି ଯୀଶୁଙ୍ଗ୍ ପାର୍ତି କିଜି ମାନ୍‌ଗାନାଦେର୍। ଲାଗିଙ୍ଗ୍ ଯୀଶୁ ଖ୍ରୀଷ୍ଟ ଆରେରଗ ୱାନି ଦିନ୍‌ତ ଏପେଙ୍ଗ୍ ଗୌରବ, ସନ୍‌ମାନ୍ ଆରେ ଜୟ୍-ଜୟ୍ ପାୟାଆନାଦେର୍।

୨ ପିତର 2:21

ଯଦି ହେୱାର୍ ଦରମ୍ ମାନାୟ୍ ଲେକେ ଜିବୁନ୍‌ନି ବିଷୟ କାଟି କିନାକା ପୁନ୍‌ୱାଦାଙ୍ଗ୍ ମାଚିସ୍, ଇଦାଙ୍ଗ୍ ହେୱାର୍ କାଜିଙ୍ଗ୍ ହାର୍ ଆତାତ୍‌ମା। ଇନେସ୍‌କି ଇନାକା ଟିକ୍ ହେଦାଙ୍ଗ୍ ହେୱାର୍ ନଙ୍ଗୟ୍ ପୁଚାର୍‌ନା, ମାତର୍ ଆସେଙ୍ଗ୍ ବାଚିକିତି ଚେଲାକାସ୍‌ ହିକ୍ଷା ହିତି ଈଶ୍ୱର ଆଦେସ୍‌ତିଙ୍ଗ୍ ହେୱାର୍ ଆହୁରା।

୨ ପିତର 3:14

ଲାଗିଙ୍ଗ୍ ଏ ନା ଲାଡ୍‌ନି ସାଙ୍ଗ କାଦେର୍, ଏପେଙ୍ଗ୍ ଇ ୱିଜୁ ବିଷୟତିଙ୍ଗ୍ କାସିମାନି କାଜିଙ୍ଗ୍, ଏପେଙ୍ଗ୍ ପବିତ୍ର ଆନି କାଜିଙ୍ଗ୍, ଦସ୍ ହିଲ୍‌ୱି ଲେକେ ଜିବୁନ୍ କାଟିକିନି କାଜିଙ୍ଗ୍ ଆରେ ଜାର୍-ଜାର୍ ଶାନ୍ତିରେ ମାନି କାଜିଙ୍ଗ୍ ଉପାୟ୍ କିୟାଟ୍।

୨ ପିତର 3:2

ପବିତ୍ର ଭବିଷ୍ଯତବକ୍ତା ୱେଚ୍‌ଚି କାତା, ଆରେ ମା ମାପୃ ଯୀଶୁ ଖ୍ରୀଷ୍ଟତି ହିକ୍ଷା ଇନାକା ବାଚିକିତି ଚେଲାର୍ ମି ଲାଗାୟ୍ ୱାଜି ୱେଚ୍‌ଚାତାର୍‌ନା। ହେଦାଙ୍ଗ୍ ମିଙ୍ଗେଙ୍ଗ୍ ଏତୁକିୟି କିଦ୍‌ନି କାଜିଙ୍ଗ୍, ଇଦାଙ୍ଗ୍ ଆନେଙ୍ଗ୍ ଲେକିକିନାଙ୍ଗା।

୧ ଯୋହନ 3:2

ଏ ନା ଲାଡ୍‌ନି ସାଙ୍ଗ କାଦେର୍, ନଙ୍ଗୟ୍ ଆସେଙ୍ଗ୍ ଈଶ୍ୱର ମେହିକାସ୍ ଆତାସ୍‌ନା। ଏଚେପାଦ୍ନା ଯୀଶୁ ଖ୍ରୀଷ୍ଟ ଆରେରଗ ପୁର୍ତିତାକେ ୱାନାନ୍, ହେପାଦ୍ନା ଆସେଙ୍ଗ୍ ଇନେସ୍ ଚଞ୍ଜିଆ ଆନାତ୍ ହେଦାଙ୍ଗ୍ ପୁନ୍‌ୱାତାସ୍‌ନା। ମାତର୍ ଇଦାଙ୍ଗ୍ ଆସେଙ୍ଗ୍ ପୁଚାସ୍‌ନା, ହେୱାନ୍ ଏଚେପାଦ୍ନା ଆରେରଗ ୱାନାନ୍ ଆସେଙ୍ଗ୍ ତା ଲେକେ ଆନାସ୍, ଇନେସ୍‌କି ହେୱାନ୍ ଇନେସ୍‌ଲେକେ ସତ୍ ହେଲେକେ ତାଙ୍ଗେଙ୍ଗ୍ ହୁଡ଼୍‌ୟା ଆନାତ୍‌।

ଜିହୁଦା 1:24

ଈଶ୍ୱର ନେ ମିଙ୍ଗେଙ୍ଗ୍ ଉଜ୍‌ଦି ଗୁର୍‌ନିତାଙ୍ଗ୍‌ ଉଦାର୍ କିଦ୍‌ଦେଙ୍ଗ୍ ଆଡ୍‌ନାନ୍। ଆରେ ତା ଗୌରବନି ମୁମ୍‌ଦ ନିଲି କିଦ୍‌ଦେଙ୍ଗ୍ ଏଚେପାଦ୍ନା ହେୱାନ୍ ମିଙ୍ଗେଙ୍ଗ୍ ତାସିୱାଦ୍‌ନାନ୍, ହେପାଦ୍ନା ହେୱାନ୍ ମିଙ୍ଗେଙ୍ଗ୍ ପାପ୍‌ନି ଦସ୍ ହିଲ୍‌ୱି ମାନାୟ୍ ଲେକେ ଆରେ ୱାରି ହିଦ୍‌ଦେଙ୍ଗ୍ ଆଡ଼୍‌ଦାନାନ୍। ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା। ଉବ୍‌ଜାଣ୍ ଆତି ଆରମ୍‌ତାଙ୍ଗ୍ ଗୌରବ, ଜୟ୍-ଜୟ୍ କିନାକା, ଶାକ୍ତି ଆରେ ଆଦିକାର୍ ହେୱାନ୍‌ତି, ଆରେ ନଙ୍ଗୟ୍ ପା ହେୱାନ୍‌ତି, ଆରେ ୱିଜ୍‌ୱିଦିନ୍ କାଜିଙ୍ଗ୍ ହେୱାନ୍‌ତି ମାନ୍‌ଗାନାତ୍। ଆମେନ୍।

ହତ୍‌ତି 1:7

ହୁଡ଼ାଟ୍ ହେୱାନ୍ ସରଗ୍‌ତାଙ୍ଗ୍ ବାଦାଡ଼୍ ହୁଦାଙ୍ଗ୍ ମାହାଆଜି ୱାନାନ୍। ଆରେ ୱିଜାକାର୍ ହେୱାନିଙ୍ଗ୍ ହୁଡ଼୍‌ନାର୍, ଆରେ ପା ତାଙ୍ଗେଙ୍ଗ୍ ବାଲା ହୁଦାଙ୍ଗ୍ କୁନ୍ତାକାର୍ ହୁଡ଼୍‌ନାର୍। ଆରେ ଇ ପୁର୍ତିନି ୱିଜୁ ଦେସ୍‌ନି ମାନାୟାର୍ ତା କାଜିଙ୍ଗ୍ ଆଡ଼୍‌ବାନାର୍। ଆମେନ୍।