୧ ତିମତି 6:10 - New Testament in Pengo Parja Language

¹⁰ ଦନ୍ ଲବ୍ ଆନାକା ଆନାତା ୱିଜୁ ପାପ୍ କାମାୟ୍‌ନି ମୁଡ଼୍। କେତେକ୍ ମାନାୟ୍ ଦନ୍ ଲବ୍ ଆନାକା ଇଚାକିଜି ଯୀଶୁ ଖ୍ରୀଷ୍ଟ ବିଷୟନି ହିକ୍ଷାତିଙ୍ଗ୍ ପାର୍ତି କିୱାଦାଙ୍ଗ୍ ହାଜି ବାଣା ଆତାର୍‌ନା। ହେୱାର୍ ନିଜେ ବେସି ଦୁକ୍‌ତିଙ୍ଗ୍ ତାସିୱାତାର୍‌ନା।

ସତ୍‌ ବଚନ୍‌ ପୁନି ନିୟମ୍‌

¹⁰ ଇନେକିଦେଂକି ଦାନ୍‌ ଲବ୍‌ ୱିଜ଼ୁ ନସ୍ଟନି ଦଲ୍‌; ଇନେ ଇନେର୍‌ ହେବେ ଆହା ଆଜ଼ି ପାର୍ତି ପିସ୍ତି ହାଜ଼ି ବାଣାତାର୍ଣ୍ଣା, ଆରେ ବେସି ଦୁକ୍‌ତାଂ ଜାର୍‌ ଜାର୍‌ ମାନ୍‌ତିଂ ଦୁକ୍‌ କିତାର୍ଣ୍ଣା ।

୧ ତିମତି 6:10 Iomraidhean Croise

ମାତିଉ 13:22

ଆରେ କେତେକ୍ ମାନାୟ୍ ଈଶ୍ୱର କାତାତିଙ୍ଗ୍ ୱେନାର୍। ମାତର୍ ଦୁନିଆନି ଚିନ୍ତା, ହାଉକାର୍ ଆନି ଚିନ୍ତା, ଆରେ ବାରବିନି ଚିନ୍ତା ଇୱିଜୁ ଚିନ୍ତା ମାନ୍ତ ଆଜି ଈଶ୍ୱର କାତାତିଙ୍ଗ୍ ଡାବାଇ କିନାତ୍। ହେଦାଙ୍ଗ୍ କାଜିଙ୍ଗ୍ ଈଶ୍ୱର କାତାତିଙ୍ଗ୍ ମାନିକିଉର୍। ହେଲେଗ୍‌ଦି ମାନାୟ୍ ୱାଡ଼ି ମାର୍‌କୁକାଙ୍ଗ୍ ଆର୍ଜିମାଚି ବିୟାନ୍ ଲେକେ।

ମାତିଉ 23:13

ଏ ପଣ୍ଡିତ୍‌ ଆରେ ପାରୁସିଦଳ୍‍ନି ମାନାୟ୍ କାଦେର୍, ଇନେସ୍‌କି ଏପେଙ୍ଗ୍ ସେସ୍‌ଦିନ୍ କେତେକ୍ ବୟଙ୍କାର୍! ଆରେ ହାନି ପାଟ୍‌କାର୍ ମାନାୟ୍, ଈଶ୍ୱର ସାସନ୍ କିନି ରାଜିତାକେ ହାନି ହାଜି ବନ୍ଦ୍ କିତାଦେର୍‌ନା। ଜାର୍ ହେବେ ହାଲୁଦେରା ଆରେ ଇମ୍‌ଣାକାର୍ ହାଞ୍ଜେଙ୍ଗ୍ ଉପାୟ୍ କିନାରା, ହେୱାରିଙ୍ଗ୍ ହାଞ୍ଜେଙ୍ଗ୍ ହିଉଦେରା।

ମାତିଉ 6:19

ହେଲେକେ ପୁର୍ତିତାକେ ଜାର୍-ଜାର୍ କାଜିଙ୍ଗ୍ ଦନ୍ ରୁଣ୍ଡାଇ କିମାଟ୍। ଇମେତାକେ ପିଡ଼ି ଆରେ ପ୍ରାଲ୍ ତିନ୍‌ଞ୍ଜି ବାନ୍ୟା କିନାତ୍, ଆରେ ଚର୍‌କୁ ଟୁଣ୍ଡି ହଣ୍‌ଜି ଚର୍‌କିଜି ଅନାର୍।

ମାର୍କ 4:19

ମାତର୍ ଦୁନିଆନି ଚିନ୍ତା, ହାଉକାର୍ ଆନି ଚିନ୍ତା, ଆରେ ବାରବିନି ଚିନ୍ତା ଇୱିଜୁ ଚିନ୍ତା ମାନ୍ତ ୱାତିସ୍ ଈଶ୍ୱର କାତାତିଙ୍ଗ୍ ଡାବାଇ କିନାତ୍। ହେଦାଙ୍ଗ୍ କାଜିଙ୍ଗ୍ ଈଶ୍ୱର କାତାତିଙ୍ଗ୍ ମାନିକିୱିତିସ୍ ହେୱାର୍ ପାଡ଼୍‌ ପା ଆହୁର୍।

କଲସିୟ 3:5

ଲାଗିଙ୍ଗ୍ ପୁର୍ତିନି ପାପ୍‌ନି ୱିଜୁ ଗୁଣ୍‌ତିଙ୍ଗ୍ ପିହାଟ୍, ଇଦାଙ୍ଗ୍‌ନି ଅର୍ତ ଇୱିଜୁ ଗୁଣ୍, ଦାରି କାମାୟ୍, କରାପ୍ କାମାୟ୍, ଅପ୍‌ମାନ୍‌ନି କାମାୟ୍, ମାନ୍ ବିତ୍ରେ ଦାରି ଚିନ୍ତା କିନାକା, କରାପ୍ ଚିନ୍ତା, ଲବ୍ରା ଆନାକା। ରଞ୍ଜାଙ୍ଗ୍ ମୁର୍ତିତିଙ୍ଗ୍ ପୁଜା କିତିଲେକେ।

୧ ତିମତି 3:3

ହେୱାନ୍ କାଲିଙ୍ଗ୍ କି କୁର୍‌ଲି କିୱାକାନ୍ ଆନାକା ମାନାତ୍, ହେୱାନ୍ ସାନ୍ତସିଷ୍ଟ ମାନାୟ୍ ଆନାକା ମାନାତ୍, ଇନେରିଙ୍ଗ୍ ଜୁକ୍ତି କିୱାକାନ୍ ଆରେ ଦନ୍ ଲବ୍ରା ଆୱାକା ମାନାତ୍।

୧ ତିମତି 6:21

ଇନେର୍-ଇନେର୍ ହେଦାଙ୍ଗ୍ ମାନିକିୱାଦାଙ୍ଗ୍ ପାର୍ତିକିନି ବିଷୟତାଙ୍ଗ୍ ଦେହା ଆତାର୍‌ନା। ଈଶ୍ୱର ମିଙ୍ଗେଙ୍ଗ୍ ଦୟା କିଦେନ୍।

୧ ତିମତି 6:9

ମାତର୍ ଇମ୍‌ଣାକାର୍ ହାଉକାର୍ ଆଦେଙ୍ଗ୍ ଇଚାକିନାର୍, ହେୱାର୍ ୱିଜୁ ପର୍‌କାର୍ ପାପ୍ କାମାୟ୍ କିନାର୍ ଆରେ ଜାଲ୍‌ଦ ଆର୍‌ନାର୍, ହେୱାର୍ ବିପତ୍ ଆରେ ବୁଦିହିଲ୍‌ୱି କାମାୟ୍ କିନାର୍। ଇ ଲେକେ ଇଚା ହେୱାରିଙ୍ଗ୍ ନଷ୍ଟ ଆରେ ବୁଡାଇ କିନାତ୍।

୨ ତିମଥି 3:2

ମାନାୟାର୍ ଜାର୍ ବିଷୟରେ ନେ ଜାର୍‌ତିଙ୍ଗ୍ ବଲ୍‌ପାୟା ଆନାର୍, ହେୱାର୍ ଦନ୍‌ତିଙ୍ଗ୍ ଲବ୍ରା ଆନାର୍। ହେୱାର୍ ଜାର୍ ବିଷୟରେ ଗାଜା-ଗାଜା ବାଟ୍‌ପାଣିଆ ବେଣ୍ କିନାର୍, ଜାର୍‌ତିଙ୍ଗ୍ ଜେକନି ମାନାୟ୍‌ତାଙ୍ଗ୍ ହାର୍ ଇଞ୍ଜି ଚଚ୍‌ନାର୍। ହେୱାର୍ ଜେକନିକାରିଙ୍ଗ୍ ନିନ୍ଦା କାତାକିଜି ବେଣ୍ କିନାର୍, ଆବାର୍‌ କାତା ମାନିକିଉର୍, ସାଇଜ କିଦ୍‌ନି ମାନାୟାରିଙ୍ଗ୍ ଦନ୍ଯବାଦ୍ ହିଉର୍, ଈଶ୍ୱର ନିୟମ୍‌ତିଙ୍ଗ୍ ମାନିକିଉର୍।

୨ ତିମଥି 4:10

ଇନେସ୍‌କି ଦୀମା ଇ ପୁର୍ତିତିଙ୍ଗ୍ ଲାଡ୍‌କିଜି ନାଙ୍ଗେଙ୍ଗ୍ ପିସ୍ତି ହାନ୍‌ଞ୍ଚାନ୍ ଆରେ ଥେସଲନିକି ସହର୍‌ତାକେ ହାଚାନ୍‌ନା। କ୍ରେସ୍‌କେନସ୍ ଗାଲାତିୟ ଜିଲ୍ଲାତ ହାଚାନ୍‌ନା, ଆରେ ତିତସ ଦଲ୍ମତିଆ ସହର୍‌ତିଙ୍ଗ୍ ହାଚାନ୍‌ନା।

ତୀତସ 1:11

ହେୱାରିଙ୍ଗ୍ ହିକ୍ଷାହିନି କାଜିଙ୍ଗ୍ ସୁଯଗ୍ ହିମାଟ୍। ଇନେସ୍‌କି ହେୱାର୍ ହିକ୍ଷା ହିୱି କାତା, ହେୱାର୍ ହେ ହିକ୍ଷା ହିନାର୍, ଆରେ ପୁରା ପରିବାର୍‌ନି ମାନାୟାରିଙ୍ଗ୍ ପାର୍ତିତିଙ୍ଗ୍ ବାଙ୍ଗାଇ କିନାର୍‌। ହେୱାର୍ ଡାବୁଙ୍ଗ୍ ପାୟାଆନି ଆହାତାଙ୍ଗ୍ ଇଦାଙ୍ଗ୍ କିନାର୍।

ଜାକ୍‌ବ 5:19

ଏ ନା ପାର୍ତିକିନି ଟଣ୍ଡାର୍‌କାଦେର୍, ମି ବିତ୍ରେତାଙ୍ଗ୍ ଇନେର୍ ଯଦି ସତ୍ ହାଜ୍‌ଦିଙ୍ଗ୍ ବାଣା ଆନାନ୍, ଆରେ ଇନେର୍ ପା ହେୱାନିଙ୍ଗ୍ ସତ୍ ହାଜ୍‌ଦିଙ୍ଗ୍ ତାସି ୱାଦେଙ୍ଗ୍ ସାଇଜ କିନାନ୍।

ଜିହୁଦା 1:11

ସତ୍‌ରେ ହେୱାର୍ ଆଦମ ହିମ୍‌ଣା କୟିନ ଲେକେ କରାପ୍ ବ୍ୟବହାର୍ କିନାର୍। ଡାବୁଙ୍ଗ୍ କମାୟ୍ କିଦେଙ୍ଗ୍ ଭବିଷ୍ୟତବକ୍ତା ବିଲିୟମ ଇନେସ୍ ମାନାୟାରିଙ୍ଗ୍ ପାପ୍ କାମାୟ୍ କିନି ହାଜ୍‌ଦିଙ୍ଗ୍ ଅସାହାଲ୍‌ଜି ମାଚାନ୍, ହେୱାର୍ ପା ହେଲେକେ ବୁଲ୍ ବେଗି କିନାର୍। ମୋଶାଙ୍ଗ୍ ବିରଦ୍ କିଜି ଇନେସ୍ କୋରହ ନଷ୍ଟ ଆଜି ମାଚାନ୍, ହେଲେକେ ଇ ମାନାୟାର୍ ପା ନଷ୍ଟ ଆନାର୍, ଇନେସ୍‌କି ହେୱାର୍ ମାପୃଙ୍ଗ୍ ବିରଦ୍ କିନାରା।

ହତ୍‌ତି 18:13

ଆରେ ଡାଲ୍‌ଚିନି, ମସ୍ଲା ସାମାନ୍, ଦୁପ୍, ବାସ୍ନା ଚିକାଣ୍, ବାସ୍ନା ସେଣ୍ଟ୍, ଅଙ୍ଗୁର୍ ରାସ୍‌ନି କାଲିଙ୍ଗ୍, ଚିକାଣ୍, ମଇଦା, ଗହମ୍‌, କଡିଙ୍ଗ୍, ମେଣ୍ଢା, ଗଡ଼ା, ରତ, ହଲିଆ ଆରେ ମାନାୟାର୍ ଜିବୁନ୍।