୧ ତିମତି 5:21 - New Testament in Pengo Parja Language

²¹ ଈଶ୍ୱର ଯୀଶୁ ଖ୍ରୀଷ୍ଟତି ଆରେ ବାଚିକିତି ଦୁତ୍‌କୁ ଆଗେ ଆନେଙ୍ଗ୍ ନିଙ୍ଗେଙ୍ଗ୍ ଆଦେସ୍ ହିଦ୍‌ନାଙ୍ଗା, ଏନେଙ୍ଗ୍ ଇନେରିଙ୍ଗ୍ ପା ତାନ୍ଦ୍ରା ଆଜି ବିଚାର୍ କିମା ଆରେ ମାନାୟ୍ ହୁଡ଼୍‌ଜି ବ୍ଯବହାର୍ କିମା।

ସତ୍‌ ବଚନ୍‌ ପୁନି ନିୟମ୍‌

²¹ ଇସ୍ୱର୍‌ତି ସାକି ଇଡ଼୍‌ଜି, କ୍ରିସ୍ଟ ଜିସୁତି ଆରି ବାଚିକିତି ଦୁତକ୍‌ ମୁମ୍‌ଦ ଆନ୍‌ ଆଟ୍‌ୱା ଲାକେ ବଲ୍‌ ହିଦ୍‌ନାଙ୍ଗା, ଏପେଙ୍ଗ୍‌ ଆଗେନି ଦାରା ମେରା ହୁକେ ଚାଲାୱାଦାଂ ଇ ୱିଜ଼ୁ ପାଲି କିୟାଟ୍‌, ଆରେ, ଡାରା ବାବ୍ରେ ଇମ୍‌ଣି କାମାୟ୍‌ ପା କିମାଟ୍‌ ।

୧ ତିମତି 5:21 Iomraidhean Croise

ମାତିଉ 16:27

ଆରେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଜାର୍ ଆବା ଗୌରବ ହୁଦାଙ୍ଗ୍ ଜାର୍ ଦୁତ୍‌କୁ ହୁଦାଙ୍ଗ୍ ୱାନାନ୍। ଆରେ ହେପାଦ୍ନା ଯୀଶୁ ୱିଜୁ ମାନାୟାରିଙ୍ଗ୍ ତା କିତି କାମାୟ୍‌ତାଙ୍ଗ୍ ପାଡ଼୍‌ ହିଦ୍‌ନାନ୍।

ମାତିଉ 25:41

ତାପାଚେ ରାଜା ତା ଡେବା ବାଗାୟ୍ ମାନି ମାନାୟାରିଙ୍ଗ୍ ୱେଚ୍‌ନାନ୍, ‘ନାବେତାଙ୍ଗ୍ ହାଲାଟ୍। ଈଶ୍ୱର ମି କାଜିଙ୍ଗ୍ ଦଣ୍ଡ୍ ବାଚି କିତାନ୍‌ନା। ଏପେଙ୍ଗ୍ ୱିଜୁଦିନ୍ କାଚାଆନି ନାଣିତାକେ ହାନାଦେର୍। ଇନେସ୍‌କି ଶୟତାନ ଆରେ ତା ଦୁତ୍‌କୁକାଜିଙ୍ଗ୍ ରହିଆତାତ୍‌ନା।’

ମାତିଉ 28:20

ଆନେଙ୍ଗ୍ ମିଙ୍ଗେଙ୍ଗ୍ ଇମ୍‌ଣି-ଇମ୍‌ଣି ବିଷୟ ୱିଜୁ ୱେଚ୍‌ଚାତାଙ୍ଗ୍‌ନା, ହେ ୱିଜୁବେଣ୍ ମାନି କିଦେଙ୍ଗ୍ ମାନାୟାରିଙ୍ଗ୍ ହିକ୍ଷା ହିୟାଟ୍। ଆନେଙ୍ଗ୍ ମିହୁଦାଙ୍ଗ୍ ୱିଜୁଦିନ୍ ମାନାଙ୍ଗ୍ ଇଞ୍ଜି ପୁରା ପାର୍ତିକିୟାଟ୍। ଜୁଗ୍ ସେସ୍‌ଆନି ପାତେକ୍ ପା ଆନେଙ୍ଗ୍ ମି ହାଙ୍ଗ୍-ହାଙ୍ଗ୍ ମାନ୍‌ଗାନାଙ୍ଗ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 20:21

ହେ ବାଟ୍‌ପାଣିଆର୍ ବୁଲ୍ ଆସ୍ତେଙ୍ଗ୍ ୱାଜି ଯୀଶୁଙ୍ଗ୍ ୱେନ୍‌ବାତାର୍, “ଏ ଗୁରୁ, ଆପେଙ୍ଗ୍ ପୁନାପ୍ ଯେ, ଏନେଙ୍ଗ୍ ଇମ୍‌ଣାକା ହିକ୍ଷା ହିନାୟ୍‌ ଆରେ ଇମ୍‌ଣାକା ୱେଚ୍‍ନାଇ ହେଦାଙ୍ଗ୍‌ୱିଜୁ ଟିକ୍। ଆରେ ଏନେଙ୍ଗ୍ ଇନେରିଙ୍ଗ୍ ମୁମ୍ ହୁଡ଼୍‌ଜି କାତା ୱେଚୁଇ। ମାତର୍ ଈଶ୍ୱର ମାଙ୍ଗେଙ୍ଗ୍ ଇନାକା ଇଚା କିଦ୍‌ନାନା ହେ ବିଷୟରେ ଟିକ୍‌କିଜି ହିକ୍ଷା ହିନାଇ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:26

ଯଦି ଇନେର୍ ପା ନାଙ୍ଗେଙ୍ଗ୍ ମାପୃ ଇଞ୍ଜେଙ୍ଗ୍ ଲାଜ୍ ଆନାର୍, ଆରେ ନା ହିକ୍ଷାତିଙ୍ଗ୍ ମାନିକିଉର୍, ଆନେଙ୍ଗ୍ ପା ନା ଚେଲା ଆକାୟ୍ ଇଞ୍ଜି ୱେଚ୍‌ନାଙ୍ଗ୍। ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଏଚେକାଡ଼୍‌ଦ ସରଗ୍‌ତାଙ୍ଗ୍ ପବିତ୍ର ଦୁତ୍‌କୁ ହୁଦାଙ୍ଗ୍ ପୁର୍ତିତାକେ ଆରେରଗ ୱାନାଙ୍ଗ୍, ମାଞ୍ଜିଆବାଙ୍ଗ୍ ଇନେସ୍ ଗୌରବ ମାନାତ୍ ହେଲେକେ ଆନେଙ୍ଗ୍ ଗୌରବତାଙ୍ଗ୍ ୱାନିହିଙ୍ଗ୍ ୱିଜାକାର୍ ହୁଡ଼୍‌ନାର୍।”

୨ କରନ୍ତିୟ 5:16

ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ଇ ପୁର୍ତିନି ମାନାୟାର୍ ବୁଦି ଅନୁସାରେ ଜେକନିକାରିଙ୍ଗ୍ ବିଚାର୍ କିନାକା ବନ୍ଦ୍ କିତାପ୍। ରଗ ଆନେଙ୍ଗ୍ ଖ୍ରୀଷ୍ଟ ବିଷୟରେ ବୁଲ୍ ବାବିକିଜି ମାଚାଙ୍ଗ୍, ହେୱାନ୍ ରକାନ୍ ନାର୍‌ ମାନାୟ୍, ମାତର୍ ଆନେଙ୍ଗ୍ ନଙ୍ଗୟ୍ ତା ବିଷୟରେ ଅଲ୍‌ଗା ବାବିକିନାଙ୍ଗା।

୧ ଥେସଲନୀକିୟ 5:27

ଆନେଙ୍ଗ୍ ମିଙ୍ଗେଙ୍ଗ୍ ମାପୃ ଯୀଶୁ ତର୍‍ଦାଙ୍ଗ୍ ଆଦେସ୍ ହିଦ୍‌ନାଙ୍ଗା, ଏପେଙ୍ଗ୍ ୱିଜାର୍ ପାର୍ତିକିନି ଟଣ୍ଡାର୍‌ତାକେ ଇ ଚିଟି ପଡ଼ି କିୟାଟ୍।

୧ ତିମତି 6:13

ୱିଜାକାରିଙ୍ଗ୍ ଜିବୁନ୍ ହିଦ୍‌ନି ଈଶ୍ୱର ମୁମ୍‌ଦ ଆରେ ଯୀଶୁ ଖ୍ରୀଷ୍ଟ ଇନେର୍ ପନ୍ତିୟ ପିଲାତ ରାଜା ମୁମ୍‌ଦ ହାର୍ଦି ସାକି ହିଜିମାଚାନ୍। ହେୱାର୍ ଆଗେ ଆନେଙ୍ଗ୍ ନିଙ୍ଗେଙ୍ଗ୍ ଆଦେସ୍ ହିଦ୍‌ନାଙ୍ଗା,

୨ ତିମଥି 2:14

ଆନେଙ୍ଗ୍ ୱେଚ୍‌ଚି ମାନ୍‌ଞ୍ଚି ଇୱିଜୁ କାତା ପାର୍ତି କିନାକାରିଙ୍ଗ୍ ବାଣା ଆମାଟ୍ ଇଞ୍ଜି ୱେଚା। ର କାତାତିଙ୍ଗ୍ ଅଜି ଯୁକ୍ତି କିୱେଦେଙ୍ଗ୍, ମାପୃତିଙ୍ଗ୍ ସାକି ଇଡ଼୍‌ଜି ହେୱାରିଙ୍ଗ୍ ଜାଗ୍ରତ୍ କିୟିକିୟା। ଇନେସ୍‌କି ଇଲେକେ ଯୁକ୍ତି କିବା ଆନାକା ଇନା ମୁଲ୍ଯ ଆକାୟ୍, ମାତର୍ ଇଦାଙ୍ଗ୍ ୱେଚି ମାନାୟାରିଙ୍ଗ୍ ଗାଜା କଷ୍ଟ ହିନାତ୍।

୨ ତିମଥି 4:1

ଯୀଶୁ ଖ୍ରୀଷ୍ଟ ରାଜା ଲେକେ ବିଚାର୍ କିଦେଙ୍ଗ୍ ୱାନାନ୍, ଜିଜି ମାଚି ମାନାୟାର୍ ଆରେ ହାଃଜି ମାଚି ମାନାୟାରିଙ୍ଗ୍ ହେୱାନ୍ ବିଚାର୍ କିନାନ୍। ଲାଗିଙ୍ଗ୍ ଆନେଙ୍ଗ୍ ଈଶ୍ୱର ରାଜିତିଙ୍ଗ୍ ଆରେ ଖ୍ରୀଷ୍ଟଙ୍ଗ୍ ସାକି ଇଡ଼୍‌ଜି, ଆନେଙ୍ଗ୍ ମିଙ୍ଗେଙ୍ଗ୍ ଆଦେସ୍ ହିଦ୍‌ନାଙ୍ଗା,

ଜାକ୍‌ବ 3:17

ମାତର୍ ଈଶ୍ୱରତାଙ୍ଗ୍ ପାୟାଆତି ଜ୍ଞାନ୍ ପାର୍ତୁମ୍‌ ହେୱାନ୍ ପବିତ୍ର ଆଜି ମାନାନ୍। ରି ନମ୍ବର୍ ତାକେ ହେୱାନ୍ ଶାନ୍ତିଆଜି ମାଞ୍ଜେଙ୍ଗ୍ ଇଚାକିନାନ୍, ସାଦୁ ଆଜି ମାନାନ୍, କାତା ମାନିକିଜି ମାନାନ୍, ୱିଜୁଦିନ୍ ହାର୍ଦି କାମାୟ୍ କିଜି ଦୟା କିନାନ୍, ବାଟ୍‌ପାଣିଆ ଆୱାଦାଙ୍ଗ୍ ଆରେ ମାନାୟ୍ ହୁଡ଼୍‌ଜି ପା ବ୍ଯବହାର୍ କିଉନ୍।

୨ ପିତର 2:4

ଇନେସ୍‌କି ଆସେଙ୍ଗ୍ ପୁନାସ୍ ଯେ ଇମ୍‌ଣି ଦୁତ୍‌କୁ ଈଶ୍ୱର ଆଗେ ପାପ୍ କାମାୟ୍ କିଜି ମାଚିକ୍, ଈଶ୍ୱର ହେୱେକିୟାକାଙ୍ଗ୍ ଦଣ୍ଡ୍ ହିତାନ୍। ହେୱାନ୍ ହେୱେକିୟାକାଙ୍ଗ୍ ନରକ୍‌ତାକେ ତୁସିହିତାନ୍‌ନା, ଆରେ ହେୱେକିୟାକାଙ୍ଗ୍ ବିଚାର୍ କିଜି ଦଣ୍ଡ୍ ହିନି ଦିନ୍ ପାତେକ୍, ହେୱାନ୍ ହେୱେକାଙ୍ଗ୍ ମାଜ୍‌ଗା ଜଇଲ୍ ଇଞ୍ଜ ଇଡ଼୍‌ତାନ୍‌ନା।

ଜିହୁଦା 1:6

ଆରେ ଈଶ୍ୱର ହିଜିମାଚି ପାଦ୍‌ତାଙ୍ଗ୍ ଇମ୍‌ଣି ଦୁତ୍‌କୁ ୱାରିଆଜି ମାନ୍‌ୱାଦାଙ୍ଗ୍, ହେୱାର୍ ମାନି ଇଲ୍ ସରଗ୍‌ତାକେ ପିସ୍ତାର୍‌ନା, ହେୱାର୍ ବିଷୟରେ ଏପେଙ୍ଗ୍ ବାବିକିଜି ହୁଡ଼ାଟ୍। ଈଶ୍ୱର ହେୱାରିଙ୍ଗ୍ ମାଜ୍‌ଗା ବାହାତାକେ ୱିଜୁଦିନ୍ କାଜିଙ୍ଗ୍ ହେୱାରିଙ୍ଗ୍ ଗାଜା ବିଚାର୍‌କିନି ଦିନ୍‌ତ ୱିଜ୍‌ୱି ଦଣ୍ଡ୍ ହିନି କାଜିଙ୍ଗ୍ ହେୱାରିଙ୍ଗ୍ ହିକ୍‌ଡ଼ିଙ୍ଗ୍‌ତାଙ୍ଗ୍ ଗାଚ୍‌ଚି ଇଡ଼୍‌ତାନ୍‌ନା।

ହତ୍‌ତି 14:10

ଈଶ୍ୱର ହେୱାରିଙ୍ଗ୍ ବେସି ରିସା ଆନାନ୍ ଆରେ ହେୱାରିଙ୍ଗ୍ ଦଣ୍ଡ୍ ହିନାନ୍, ଆରେ ପା ଇଲେକେ କାମାୟ୍ କିନାକାରିଙ୍ଗ୍ ଈଶ୍ୱର ମେଣ୍ଢା ଇନେର୍‌କି ଯୀଶୁ ଆରେ ସରଗ୍‌ତାକେ ମାନି ପବିତ୍ର ଦୁତ୍‌କୁ ମୁମ୍‌ଦ ନାଣି ଆରେ ଗନ୍ଦକତାକେ ନରକ୍‌ତାକେ କାଡିକିନାତ୍‌।