୧ ତିମତି 5:14 - New Testament in Pengo Parja Language

¹⁴ ଲାଗିଙ୍ଗ୍ ଆନେଙ୍ଗ୍ ୱେଚ୍‌ଚାନାଙ୍ଗା ଯେ ବୟସ୍ ଆୱାଦାଙ୍ଗ୍ ରାଣ୍ଡି ଆତି କଗ୍‍ଲେକ୍ ବିବା ଆୟେକ୍, ଆରେ ହିମ୍‌ଣା ଗାଟାଆୟେକ୍, ଇଞ୍ଜି କାମାୟ୍ ହୁଡ଼େକ୍, ଆରେ ନିନ୍ଦା କିଦେଙ୍ଗ୍ ଇମ୍‌ଣି ଶାତ୍ରୁତିଙ୍ଗ୍ ପା ସୁଯଗ୍ ହିମାଟ୍।

ସତ୍‌ ବଚନ୍‌ ପୁନି ନିୟମ୍‌

¹⁴ ଲାଗିଂ, ନା ଇଚା, ଜିପଲି ରାଣ୍ଡିକ୍‌ ବିବା ଆୟେକ୍‌, ହିମ୍‌ଣା ଗାଟାଆୟେକ୍‌, ଇଲ୍‌କାମାୟ୍‌ ଚଲାୟ୍‌କିୟେକ୍‌, ନିନ୍ଦା କିନି କାଜିଂ ସାତ୍ରୁଙ୍ଗ୍‌ ଇନାକାପା ଉପାୟ୍‌ ହିମେକ୍‌;

୧ ତିମତି 5:14 Iomraidhean Croise

ରୋମିୟ 14:13

ଲାଗିଙ୍ଗ୍ ଜାର୍-ଜାର୍‌ବିତ୍ରେ ଦସ୍ ହିବା ଆମାଟ୍। ତା ବାଦୁଲ୍‌ରେ ଏପେଙ୍ଗ୍ ଜାର୍-ଜାର୍ କାତାତିଙ୍ଗ୍ ରାଜି ଆଜି, ଜେକନି ଖ୍ରୀଷ୍ଟାନାରିଙ୍ଗ୍ କଷ୍ଟ ହିୱାଦାଙ୍ଗ୍ ଜିବୁନ୍ କାଟିକିନି ଦର୍‌କାର୍।

୨ କରନ୍ତିୟ 11:12

ଲାଗିଙ୍ଗ୍ ଆନେଙ୍ଗ୍ ହେ ମିଚ୍ ଚେଲାରିଙ୍ଗ୍ ବନ୍ଦ୍ କିଦେଙ୍ଗ୍ ଆଡ୍‌ନାଙ୍ଗ୍, ଇମ୍‌ଣାକାର୍ ମା ହୁଦାଙ୍ଗ୍ ହାମାନ୍ ଇଞ୍ଜି ଜାର୍‌ତିଙ୍ଗ୍ ବାବିକିନାର୍। ହେୱାର୍ ହାତ୍‌ପା ବାଟ୍‌ପାଣ୍ ଆନି କାଜିଙ୍ଗ୍ ଉପାୟ୍ ଦାହ୍‌ନାରା, ଲାଗିଙ୍ଗ୍ ହେୱାର୍ ମା ହୁଦାଙ୍ଗ୍ ହାମାନ୍ ଇଞ୍ଜି ଚଚ୍‌ଚେଙ୍ଗ୍ ଆଡ୍‌ନାର୍।

୧ ତିମତି 2:8

ଆନେଙ୍ଗ୍ ଇଚା କିନାଙ୍ଗା ଯେ, ରିସା, ଜୁକ୍ତି କିୱାଦାଙ୍ଗ୍ ହାର୍ଦି ଜିବୁନ୍ କାଟିକିନି ଆଣ୍ଡ୍ରା ହିମ୍‌ଣାଙ୍ଗ୍ ଈଶ୍ୱରତିଙ୍ଗ୍ ହେବା କିଦେଙ୍ଗ୍ ଇମେତାକେ ରବେ ଆତିହିଙ୍ଗ୍ ହେୱାର୍ କେଇ ଜପିକିଜି ପାର୍ତାନା କିୟେର୍।

୧ ତିମତି 4:3

ହେୱାର୍ ବିବା ଆୱେଦେଙ୍ଗ୍ ମୁନା କିନାର୍, ଆରେ କେତେକ୍ କାଦିତିଙ୍ଗ୍ ତିନ୍‌ୱେଦେଙ୍ଗ୍ ହିକ୍ଷା ହିନାର୍। ମାତର୍ ସତ୍ ବିଷୟରେ ପୁନ୍‌ଞ୍ଜିମାଚି ପାର୍ତି କିନାକାର୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିଜି ତିନି ଦର୍‌କାର୍, ଇନେସ୍‌କି ଈଶ୍ୱର ନେ ଇ ୱିଜୁ ରସ୍ତାନ୍‌ନା।

୧ ତିମତି 5:11

ମାତର୍ ବୟସ୍ ଆୱାଦାଙ୍ଗ୍ ରାଣ୍ଡି ଆତିକିକାଙ୍ଗ୍ ହେ ଲିଷ୍ଟ୍‌ତାକେ ଲେକିକିମାଟ୍, ଆରେ ହେୱେକ୍ ରାଣ୍ଡି ଆଜି ଖ୍ରୀଷ୍ଟଙ୍ଗ୍ ହେବାକିନି ପାର୍ମାଣ୍‌ତାଙ୍ଗ୍ ହେୱେକ୍ ଗାଗାଡ଼୍‌ନି ଇଚାତାଙ୍ଗ୍ ବେସି ଇଚା କିନିକ୍, ଆରେରଗ ବିବା ଆଦେଙ୍ଗ୍ ଇଚା କିନିକ୍।

୧ ତିମତି 6:1

ଇମ୍‌ଣି ପାର୍ତିକିନି ଟଣ୍ଡାର୍ ଦାସ୍ ଆଜି ର ମାଲିକ୍ ତାରେନ୍ ମାନାରା, ହେୱାର୍ ତା ମାଲିକ୍‌ତିଙ୍ଗ୍ ୱିଜୁ କାମାୟ୍‌ତାକେ ସନ୍‌ମାନ୍ ହିନି ଦର୍‌କାର୍। ଲାଗିଙ୍ଗ୍ ଜେକନିକାର୍ ଈଶ୍ୱରତିଙ୍ଗ୍ ଆରେ ମା ହିକ୍ଷାତିଙ୍ଗ୍ ନିନ୍ଦା କିଦେଙ୍ଗ୍ ଆଡୁର୍।

ତୀତସ 2:5

ଇନେସ୍ ବୁଦିତାଙ୍ଗ୍ ବ୍ଯବହାର୍ କିନିକ୍, ଇନେସ୍ ଡକ୍ରାହିତାକେ ବିଶ୍ୱାସ୍‌ତାକେ ମାନ୍‌ଗିନିକ୍। ଇନେସ୍ ଇଲ୍‌ତିଙ୍ଗ୍ ହାର୍‌ଦାଙ୍ଗ୍ ଚାଲାଇ କିନିକ୍, ଇନେସ୍ ହାର୍ଦି କଗ୍‌ଲେ ଆନାକା, ଆରେ ଡକ୍ରାହି କାତା ମାନିକିଜି ମାନି ବିଷୟରେ ହିକାଇ କିନିକ୍। ଲାଗିଙ୍ଗ୍ ଇମ୍‌ଣି ମାନାୟ୍ ଈଶ୍ୱର କାତାତିଙ୍ଗ୍ ନିନ୍ଦା କିଦେଙ୍ଗ୍ ଆଡୁର୍।

ତୀତସ 2:8

ମାନାୟାର୍ ନିନ୍ଦା ହିଦ୍‌ୱି ଲେକେ ସତ୍ ହିକ୍ଷା ୱିଜୁଦିନ୍ ହିୟାଟ୍। ଲାଗିଙ୍ଗ୍ ମିଙ୍ଗେଙ୍ଗ୍ ବିରଦ୍ କିଦ୍‌ନି ମାନାୟାର୍ ପା, ମା ବିଷୟରେ ଇମ୍‌ଣି କରାପ୍ ବେଣ୍ ୱେଚ୍‌ଚେଙ୍ଗ୍ ଆଡ୍‌ୱାଦାଙ୍ଗ୍ ଲାଜ୍ ପାୟାଆନାର୍‌।

ଏବ୍ରି 13:4

ଏପେଙ୍ଗ୍ ବିବାଆନି ଜିବୁନ୍‌ତିଙ୍ଗ୍ ସନ୍‌ମାନ୍ କିୟାଟ୍, ଆରେ ଏପେଙ୍ଗ୍ ବିବାଆତି ଜିବୁନ୍‌ତାକେ ଜାର୍-ଜାର୍ ପବିତ୍ର ଆଜି ମାନାଟ୍। ଇମ୍‌ଣାକାର୍ ଦାରୁଲା ଆରେ ଜେକନି ମାନାୟାରିଙ୍ଗ୍ ଆଦିକ୍ ଇଚା ଆନାର୍, ହେୱାରିଙ୍ଗ୍ ଈଶ୍ୱର ବିଚାର୍ କିନାନ୍।