୧ ତିମତି 4:1 - New Testament in Pengo Parja Language1 ନଙ୍ଗୟ୍ ପବିତ୍ର ଆତ୍ମା ହାର୍ଦାଙ୍ଗ୍ ୱେଚ୍ଚାନାତା, ଇ ସେସ୍ କାଡ଼୍ଦ କେତେକ୍ ହେନି ଖ୍ରୀଷ୍ଟାନ୍ ହିକ୍ଷାତିଙ୍ଗ୍ ପାର୍ତି କିଉର୍। ଆରେ ଜେକ ହାଜ୍ଦିଙ୍ଗ୍ ଅସାହାନି କରାପ୍ ଆତ୍ମା ହିକ୍ଷାତିଙ୍ଗ୍ ଆହ୍ନାର୍, ଆରେ ବୁତ୍ଆତ୍ମାକାଙ୍ଗ୍ ୱାନି ବୁଲ୍ ହିକ୍ଷାତିଙ୍ଗ୍ ପାର୍ତିକିନାର୍। Faic an caibideilସତ୍ ବଚନ୍ ପୁନି ନିୟମ୍1 ପୁଇପୁୟା ଜିବୁନ୍ ପୁଟ୍ତେ ଇଞ୍ଜିନାତା, ପାଚେନି କାଡ଼୍ଦ ଇନେ ଇନେର୍ ବାନ୍ୟାମାନ୍ ମିଚ୍ୱା ଲଗାଙ୍ଗ୍ କୁଟ୍କିନିତାକେ, ଚାକ୍ରାୟ୍ ଜିବୁନିଂ କାଜିଂ ଆରି ପୁଦାଙ୍ଗ୍ ହିକ୍ୟା କାଜିଂ ମାନ୍ କିଜ଼ି ପାର୍ତି ପିହ୍ନାର୍; Faic an caibideil |
୧ ତିମତି 4:1
64 Iomraidhean Croise
ପାଉଲ କେତେକ୍ ଏପିକୁରିୟ ଆରେ ସ୍ତଇକ ଦଳ୍ନି ଜ୍ଞାନି ମାଷ୍ଟେରାର୍ ହୁଦାଙ୍ଗ୍ ଆଲ୍ଚାନା କିଦେଙ୍ଗ୍ ଲାଗାତାନ୍, ହେୱାର୍ ବିତ୍ରେତାଙ୍ଗ୍ କେତ୍ଜାଣ୍ ୱେଚ୍ଚାର୍, “ଇୱାନ୍ ବୁଦି ହିଲ୍ୱାକାନ୍ ଇନାକା ୱେଚ୍ଚେଙ୍ଗ୍ ଇଚା କିନାନା?” ଆରେ କେତ୍ଜାଣ୍ ୱେଚ୍ଚାର୍, “ହେୱାନ୍ ରକାନ୍ ପୁନି ପେନ୍ ବିଷୟରେ ଶୁଣାୟ୍ କିନି ମାନାୟ୍ ଲେକେ ଲାଗ୍ଦାନାନା।” ଇନେସ୍କି ପାଉଲ ଯୀଶୁ ଆରେ ଆରେରଗ ଜିବୁନ୍ଆନି ବିଷୟରେ ହାର୍ଦିକାବୁର୍ ଶୁଣାୟ୍ କିଜି ମାଚାନ୍।
ଖ୍ରୀଷ୍ଟ ତା ଗାଗାଡ଼୍ ଲେକ ମଣ୍ଡ୍ଲିନି ମୁକ୍ୟା। ହେୱାନ୍ ତା ଗାଗାଡ଼୍ନି ୱିଜୁ ଜିନିଷ୍ତିଙ୍ଗ୍ ଜାତୁନ୍ କିନାନ୍ ଆରେ ୱିଜୁତିଙ୍ଗ୍ ମାହାଇ କିଜି ଇଡ଼୍ତାନ୍ନା। ଲାଗିଙ୍ଗ୍ ଈଶ୍ୱର ଇଚାତାଙ୍ଗ୍ ଇଦାଙ୍ଗ୍ ବାଡା ଆନାତ୍। ବାଟ୍ପାଣ୍ ଆଜି ଜାର୍ତିଙ୍ଗ୍ ହିରୁ କିନାକା ଆରେ ଦୁତ୍କୁକାଙ୍ଗ୍ ପୁଜା କିୟାଟ୍ ଇଞ୍ଜି ୱେଚ୍ଚି ଇନେର୍ ମିଙ୍ଗେଙ୍ଗ୍ ଟକାୟ୍ କିଦୁର୍। ଇ ବିଷୟରେ ହେୱାର୍ କେଚ୍କଣ୍ତ ହୁଡ଼୍ତାପ୍ନା ଇଞ୍ଜି ୱେଚ୍ନାର୍। ମାତର୍ ହେୱାର୍ ତା ମୁର୍କ କାଜିଙ୍ଗ୍ ବାଟ୍ପାଣିଆ ଆତାର୍ନା।
ଇସ୍ରାଏଲ ଦେସ୍ତାକେ ଇନେସ୍ ଆଗେ ବୁଲ୍ ଭବିଷ୍ଯତବକ୍ତାର୍ ଚଞ୍ଜିଆଆଜି ମାଚାର୍, ହେଲେକେ ବୁଲ୍ ହିକ୍ଷାହିନି ମାଷ୍ଟେରାର୍ ମି ବିତ୍ରେ ଚଞ୍ଜିୟା ଆନାର୍। ହେୱାର୍ ମିଚ୍ ହିକ୍ଷା ହିନାର୍, ଲାଗିଙ୍ଗ୍ ମାନାୟାର୍ ଖ୍ରୀଷ୍ଟତାକେ ପାର୍ତି କିନାକା ବନ୍ଦ୍ କିନାର୍। ଇ ବୁଲ୍ ହିକ୍ଷାହିନି ମାଷ୍ଟେରାର୍ ଖ୍ରୀଷ୍ଟଙ୍ଗ୍ ହେୱାର୍ ମାଷ୍ଟେର୍ ଇଞ୍ଜି ମାନିକିଉର୍, ଆରେ ଖ୍ରୀଷ୍ଟ ହେୱାରିଙ୍ଗ୍ ପାପ୍ନି ଶାକ୍ତିତାଙ୍ଗ୍ ମୁକ୍ତି କିତ୍ତାନ୍ନା ଇଞ୍ଜି ପା ଆହୁର୍। ହେୱାର୍ ଇଲେକେ ନିଜେତିଙ୍ଗ୍ ନିଜେ ହେଦାପ୍ରେ ନଷ୍ଟ ଗଟାଇକିୟା ଆନାର୍।
ଈଶ୍ୱରତିଙ୍ଗ୍ ମାନିକିୱି ବୁଲ୍ ହିକ୍ଷାହିନି ମାଷ୍ଟେରାର୍ ଆସେଙ୍ଗ୍ ପୁନ୍ୱାଦାଙ୍ଗ୍ କେତେକ୍ ମା ବିତ୍ରେ ହଟାର୍ନା। ଇ ମାନାୟାର୍ ବିଷୟରେ ଈଶ୍ୱର ବେସି ବାହ୍ରୁ ଆଗେ ସାସ୍ତର୍ତାକେ ୱେଚ୍ଚାନ୍ନା ଯେ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍। ହେୱାର୍ କରାପ୍ କାମାୟ୍ କିଜି ଜାର୍ତିଙ୍ଗ୍ ରକ୍ଷା କିନି କାଜିଙ୍ଗ୍, ହେୱାର୍ ମା ଈଶ୍ୱର ଦୟାନି କାତାତିଙ୍ଗ୍ ବିଗ୍ଡ଼ାୟ୍ କିତାର୍ନା। ମା ରକାନ୍ ଇଞ୍ଜି ମାଷ୍ଟେର୍ ଆରେ ମାପୃ ଯୀଶୁ ଖ୍ରୀଷ୍ଟଙ୍ଗ୍ ଆହୁର୍।
ହେ ପାର୍ତୁମ୍ ପଶୁନି ବାଦୁଲ୍ତାଙ୍ଗ୍ ଦୁଇ ନମ୍ବର୍ ପଶୁତିଙ୍ଗ୍ ଚାନିଆ କାମାୟ୍ କିନି ଅଦିକାର୍ ଈଶ୍ୱର ହିଜିମାଚାନ୍। ହେ ପଶୁ ଚାନିଆଆନି କାମାୟ୍ କିଜି ପୁର୍ତିନି ୱିଜାର୍ ମାନାୟାରିଙ୍ଗ୍ ଟକାୟ୍ କିଜି ମାଚାତ୍। ହେ ପଶୁ ମାନାୟାରିଙ୍ଗ୍ ପାର୍ତୁମ୍ ପଶୁନି ମୁର୍ତି ରସ୍ତେଙ୍ଗ୍ ଆଦେସ୍ ହିତାନ୍, ଇମ୍ଣି ପାର୍ତୁମ୍ ପଶୁ କାଣ୍ଡାତାଙ୍ଗ୍ ହାଃଜି ମାଚାତ୍ ମାତର୍ ଆରେରଗ ଜିବୁନ୍ ଆତାତ୍ନା।
ହେ ଦୁତ୍ ଗାଜାକାଟ୍ କିଜି ୱେଚ୍ଚାତ୍, ବାବିଲନ୍ ସହର୍ ବିନାସ୍ ଆତାତ୍-ଗାଜା ବାବିଲନ୍ ସହର୍ ବିନାସ୍ ଆତାତ୍, ହେଦାଙ୍ଗ୍ ବୁତ୍ଆତ୍ମାଙ୍ଗ୍ ମାନି ବାହାଲେକେ ମାଚାତ୍। ଇନେସ୍କି ଇ ବାବିଲନ୍ ସହର୍ ୱିଜୁ ଜାତିନି ମାନାୟାରିଙ୍ଗ୍ ଅଙ୍ଗୁର୍ ରାସ୍ନି କାଲିଙ୍ଗ୍ ଉଣିଲେକେ ମୁର୍ତି ପୁଜା କିନାକା ହିକାୟ୍ କିତାତ୍। ପୁର୍ତିନି ୱିଜୁ ରାଜାର୍ ତା ହୁଦାଙ୍ଗ୍ ମାହାଆଜି ଗିଣ୍ କାମାୟ୍ କିତାର୍। ଇ କଗ୍ଲେ ଦାମିକା ଜିନିଷ୍ତିଙ୍ଗ୍ ଇଚାକିଜି ମାଚି କାଜିଙ୍ଗ୍ ପୁର୍ତିନି ୱିଜୁ ବେପ୍ରିଆର୍ ହାଉକାର୍ ଆତାର୍। ମାତର୍ ଇ ଲାଜ୍ ହିଲ୍ୱି ଦାରି କଗ୍ଲେଙ୍ଗ୍ ଈଶ୍ୱର ପାଗ୍ନାନ୍। ହେବେ ୱିଜୁ ପର୍କାର୍ ଶୟତାନ୍ ଆତ୍ମା ହାଲ୍ଜି ମାନ୍ଗିନିକ୍ ଆରେ ହେଦାଙ୍ଗ୍ କରାପ୍ ଆରେ ଅବସ୍ତା ପଟିଗୁଡା ଲେକେ ଆନାତ୍।”
ହେ ଯୁଜ୍ତାକେ ପାର୍ତୁମ୍ ପଶୁ ଆରେ ହେ ଦୁଇ ନମ୍ବର୍ ପଶୁ, ଇନେର୍କି ମିଚ୍ ଭବିଷ୍ଯତବକ୍ତା। ଇନେର୍ ପାର୍ତୁମ୍ ପଶୁ ବାଦୁଲ୍ରେ ଚାନିଆ କାମାୟ୍ କିଜି ହେ ପଶୁ ଚିନ୍ ଅତି ମାନାୟାରିଙ୍ଗ୍ ଟକାୟ୍ କିଜି ମାଚାନ୍, ଆରେ ଇନେର୍ ତା ମୁର୍ତିତିଙ୍ଗ୍ ପୁଜାକିଜି ମାଚି ମାନାୟାରିଙ୍ଗ୍ ବନ୍ଦିକିତାର୍। ଆରେ ଇମ୍ଣି ମାନାୟାର୍ ହେ ପଶୁ ଚିନ୍ ଅତାକାର୍ ଆରେ ତା ୱିଜୁ ମିଚ୍ ୱେଚ୍ନି ଭବିଷ୍ଯତବକ୍ତାରିଙ୍ଗ୍ ଜିବୁନ୍-ଜିବୁନ୍ ବାସ୍ନା ମାନି ନାଣି କୁଣ୍ଡ୍ତାକେ ପକାୟ୍ କିତାର୍।
ଇମ୍ଣି ମାନାୟାର୍ ନା କାତାତିଙ୍ଗ୍ ବୁଜା ଆଦେଙ୍ଗ୍ ଇଚା କିନାରା। ପବିତ୍ର ଆତ୍ମା ମଣ୍ଡ୍ଲିନି ମାନାୟାରିଙ୍ଗ୍ ୱେଚ୍ଚି ବିଷୟତିଙ୍ଗ୍ ହେୱାର୍ ଜାଗ୍ରତ୍ ଆଜି ୱେନି ଦର୍କାର୍। ଇମ୍ଣି ମାନାୟାର୍ କରାପ୍ କାମାୟ୍ କିଉର୍ ଆରେ ଖ୍ରୀଷ୍ଟ କାଜିଙ୍ଗ୍ ଦରମ୍ଆଜି ମାନାର୍। ଆନେଙ୍ଗ୍ ହେୱାରିଙ୍ଗ୍ ଚିଞ୍ଜେଙ୍ଗ୍ ସରଗ୍ନି କେତେକ୍ ମାନ୍ନା ତର୍ଦି କାଦି ହିନାଙ୍ଗ୍, ହେଦାଙ୍ଗ୍ ଡ଼ୁକ୍ଚି ଇଡ଼୍ତାନ୍ନା ଆରେ ପା ଆନେଙ୍ଗ୍ ହେୱାରିଙ୍ଗ୍ ଡ଼ିଞ୍ଜ୍ନି କାଲ୍ ହିନାଙ୍ଗ୍ ଇମେତାକେ ହେୱାର୍ ପୁନି ତର୍ ଲେକାଆତାତ୍ନା। ଇନେର୍ ପା ହେ ତର୍ତିଙ୍ଗ୍ ବୁଜା ଆଦେଙ୍ଗ୍ ଆଡୁର୍, ମାତର୍ ଇନେର୍ ହେ ତର୍ ପାୟାଆତାର୍ନା ହେୱାର୍ ନେ ବୁଜା ଆନାର୍।
ଇମ୍ଣି ମାନାୟାର୍ ନା କାତାତିଙ୍ଗ୍ ବୁଜା ଆଦେଙ୍ଗ୍ ଇଚା କିନାରା, ପବିତ୍ର ଆତ୍ମା ମଣ୍ଡ୍ଲିନି ମାନାୟାରିଙ୍ଗ୍ ୱେଚ୍ଚି ବିଷୟତିଙ୍ଗ୍ ହେୱାର୍ ଜାଗ୍ରତ୍ ଆଜି ୱେନି ଦର୍କାର୍। ଇମ୍ଣି ମାନାୟାର୍ କରାପ୍ କାମାୟ୍ କିଉର୍ ଆରେ ଈଶ୍ୱର କାଜିଙ୍ଗ୍ ଦରମ୍ଆଜି ମାନାର୍, ଆନେଙ୍ଗ୍ ହେୱାରିଙ୍ଗ୍ ଜିବୁନ୍ହିନି ମାର୍ତି ପାଡ଼୍ ଚିଞ୍ଜେଙ୍ଗ୍ ହିନାଙ୍ଗ୍, ହେଦାଙ୍ଗ୍ ଈଶ୍ୱର ବଗିଚା ସରଗ୍ତାକେ ଗାଜା ଆନାତା।”
ମାତର୍ ଇମ୍ଣି ମାନାୟାର୍ ନାଣି, ଦୁଆଁ ଆରେ ଗନ୍ଦକ କାଜିଙ୍ଗ୍ ହାଃୱାତାର୍ନା। ହେୱାର୍ ପା ପାପ୍ କାମାୟ୍ ପିସ୍ତି ମାନ୍ବାଦ୍ଲାୟ୍ କିଜି କରାପ୍ କାମାୟ୍ କିନାକା ବନ୍ଦ୍ କିୱାତାର୍ନା। ହେୱାର୍ ମାନାୟାରିଙ୍ଗ୍ ମାର୍ନେ ଆହ୍ନିତାଙ୍ଗ୍, ମାନାୟାରିଙ୍ଗ୍ ପାଙ୍ଗାଣ୍ କିନାକା, ଦାରି କାମାୟ୍ କିନିତାଙ୍ଗ୍, ଚରି କିନିତାଙ୍ଗ୍ ମାନ୍ବାଦ୍ଲାୟ୍ କିୱାତାର୍ନା। ଆରେ ହେୱାର୍ ଜାର୍ କେଇଦାଙ୍ଗ୍ ହନା, ରୁପା, ପିତାଡ଼୍, କାଲ୍ ଆରେ ମାର୍ତାଙ୍ଗ୍ ରସ୍ତି ମୁର୍ତିଙ୍ଗ୍ ଇନେର୍କି ଶୟତାନତିଙ୍ଗ୍ ପୁଜା କିନାକା ବନ୍ଦ୍ କିୱାତାର୍ନା ଇମ୍ଣି ମୁର୍ତିଙ୍ଗ୍ ହୁଡ଼୍ଦେଙ୍ଗ୍ ଆଡୁକ୍, ୱେଞ୍ଜେଙ୍ଗ୍ ଆଡୁକ୍, କି ତାଙ୍ଗ୍ଦେଙ୍ଗ୍ ଆଡୁକ୍।
Sanasan