୧ ତିମତି 3:3 - New Testament in Pengo Parja Language

³ ହେୱାନ୍ କାଲିଙ୍ଗ୍ କି କୁର୍‌ଲି କିୱାକାନ୍ ଆନାକା ମାନାତ୍, ହେୱାନ୍ ସାନ୍ତସିଷ୍ଟ ମାନାୟ୍ ଆନାକା ମାନାତ୍, ଇନେରିଙ୍ଗ୍ ଜୁକ୍ତି କିୱାକାନ୍ ଆରେ ଦନ୍ ଲବ୍ରା ଆୱାକା ମାନାତ୍।

ସତ୍‌ ବଚନ୍‌ ପୁନି ନିୟମ୍‌

³ ମଦ୍‌ୱା କି କୁରୁଲିୟା ଆୱାଦାଙ୍ଗ୍‌ ଇଚିସ୍‌ ଦାର୍ମି ମତର୍‌ ସୁସ୍ତା, ହୁଦାର୍‌, ବେରୁଆୱାଦାଂ, ଆରି ଦନ୍‌ ଲବ୍ରା ଆଉନ୍‌ ।

୧ ତିମତି 3:3 Iomraidhean Croise

ମାତିଉ 21:13

ଆରେ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଇଦାଙ୍ଗ୍ ସାସ୍ତର୍‌ତାକେ ଲେକା ମାନାତ୍, ‘ଈଶ୍ୱର ମାନି ମନ୍ଦିର୍‌ତିଙ୍ଗ୍ ୱିଜୁଜାତିର୍ ମାନାୟ୍ କାଜିଙ୍ଗ୍ ର ପାର୍ତାନା ଇଲ୍ ଇନାର୍। ମାତର୍ ଏପେଙ୍ଗ୍ ହେଦାଙ୍ଗ୍ ଡାକୁର୍ ମାନି ବାହାଲେକେ କିତାଦେର୍‌ନା।’

ପକ୍ୟାତାକା 20:33

ଆନେଙ୍ଗ୍ ଇନେର୍ ରୁପା, ହନା କି ହେନ୍ଦ୍ରା ଲବ୍ରା ଆୱାଦାଙ୍ଗ୍ ମାଚାଙ୍ଗ୍।

ରୋମିୟ 16:18

ହେ ଲେଗ୍‌ଦି ମାନାୟାର୍ ମା ମାପୃ ଯୀଶୁ ଖ୍ରୀଷ୍ଟଙ୍ଗ୍‌ ହେବା କିଉରା, ହେୱାର୍ ଜାର୍‌ତିଙ୍ଗ୍‌ ହେବାକିନାରା। ହେୱାର୍ ଦରମ୍ ମାନାୟାରିଙ୍ଗ୍ ଟକାୟ୍ କିଦେଙ୍ଗ୍ ଚିକ୍‌ଣାୟ୍ କିଜି କାତା ଇନାର୍।

ଏପିସିୟ 5:18

ଆରେ ଅଙ୍ଗୁର୍ ରାସ୍ ଉଣ୍‌ଜି ହଜ୍‌ଜି ମାନ୍‌ମାଟ୍। ଇନେସ୍‌କି ହେବେତାଙ୍ଗ୍ ନେ ମାନାୟାର୍ ପଶୁ ଲେକେ ବ୍ଯବହାର୍ କିନାର୍। ମାତର୍ ଏପେଙ୍ଗ୍ ପବିତ୍ର ଆତ୍ମାତାଙ୍ଗ୍ ପୁରା ଆଡ।

୧ ଥେସଲନୀକିୟ 5:14

ଏ ପାର୍ତିକିନି ଟଣ୍ଡାର୍‌କାଦେର୍, ଆପେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାପା, ଆଡ଼୍‌ସାୟ୍ ଲଗାଙ୍ଗ୍ ସାବ୍‌ଦାନ୍ ଆଦେଙ୍ଗ୍ ହିକ୍ଷା ହିୟାଟ୍। ସାସ୍ ହିଲାକାରିଙ୍ଗ୍ ସାସ୍ ହିୟାଟ୍ ଆରେ ଶାକ୍ତି ହିଲାକାରିଙ୍ଗ୍ ଶାକ୍ତି ହିୟାଟ୍, ଆରେ ୱିଜାର୍ ମାନାୟାର୍‌ତାଙ୍ଗ୍ ସମାନ୍ ମାନାଟ୍।

୧ ତିମତି 3:8

ବିଶପ୍‌ନି ଜଗ୍ଯ ଇଲେକେ ମଣ୍ଡ୍‌ଲିତାକେ ହେବାକିନାକାନ୍ ପା ମାନାୟାର୍‌ତାଙ୍ଗ୍ ସନ୍‌ମାନ୍ ପାୟାଆନାକାନ୍‌ ଆନାକା ମାନାତ୍। ଦରମ୍ ମାନାୟ୍ ଆନାକା ମାନାତ୍ ର କାତା ୱେଚ୍‌ଚି ଜେକନି କାମାୟ୍ କିୱାକାନ୍ ଆନାକା ମାନାତ୍, ମଦୁୱା ଆୱାକା ମାନାତ୍ ଆରେ ଦନ୍ ପାୟା ଆଦେଙ୍ଗ୍ ଇନା କାମାୟ୍ ପା କିୱାକାନ୍ ଆନାକା ମାନାତ୍।

୨ ତିମଥି 3:2

ମାନାୟାର୍ ଜାର୍ ବିଷୟରେ ନେ ଜାର୍‌ତିଙ୍ଗ୍ ବଲ୍‌ପାୟା ଆନାର୍, ହେୱାର୍ ଦନ୍‌ତିଙ୍ଗ୍ ଲବ୍ରା ଆନାର୍। ହେୱାର୍ ଜାର୍ ବିଷୟରେ ଗାଜା-ଗାଜା ବାଟ୍‌ପାଣିଆ ବେଣ୍ କିନାର୍, ଜାର୍‌ତିଙ୍ଗ୍ ଜେକନି ମାନାୟ୍‌ତାଙ୍ଗ୍ ହାର୍ ଇଞ୍ଜି ଚଚ୍‌ନାର୍। ହେୱାର୍ ଜେକନିକାରିଙ୍ଗ୍ ନିନ୍ଦା କାତାକିଜି ବେଣ୍ କିନାର୍, ଆବାର୍‌ କାତା ମାନିକିଉର୍, ସାଇଜ କିଦ୍‌ନି ମାନାୟାରିଙ୍ଗ୍ ଦନ୍ଯବାଦ୍ ହିଉର୍, ଈଶ୍ୱର ନିୟମ୍‌ତିଙ୍ଗ୍ ମାନିକିଉର୍।

ତୀତସ 1:11

ହେୱାରିଙ୍ଗ୍ ହିକ୍ଷାହିନି କାଜିଙ୍ଗ୍ ସୁଯଗ୍ ହିମାଟ୍। ଇନେସ୍‌କି ହେୱାର୍ ହିକ୍ଷା ହିୱି କାତା, ହେୱାର୍ ହେ ହିକ୍ଷା ହିନାର୍, ଆରେ ପୁରା ପରିବାର୍‌ନି ମାନାୟାରିଙ୍ଗ୍ ପାର୍ତିତିଙ୍ଗ୍ ବାଙ୍ଗାଇ କିନାର୍‌। ହେୱାର୍ ଡାବୁଙ୍ଗ୍ ପାୟାଆନି ଆହାତାଙ୍ଗ୍ ଇଦାଙ୍ଗ୍ କିନାର୍।

ତୀତସ 1:7

ଇନେସ୍‌କି ବିଶପ୍‌, ଈଶ୍ୱର କାମାୟ୍ ଦେକାଶୁଣା କିନି ମାନାୟ୍ ଆତି କାଜିଙ୍ଗ୍ ହେୱାନ୍ ଲାଗାୟ୍ ଇନା ଦସ୍ ପା ହିଲ୍‌ୱି ଦର୍‌କାର୍। ହେୱାନ୍ ଜାର୍ ଇଚା ଅନୁସାରେ କାମାୟ୍ କିୱାକାନ୍ ଆଜି ମାନି ଦରକାର୍, କି ଗାଡ଼ିତିଙ୍ଗ୍ ଗାଡ଼ି ରିସା ଆୱି ମାନାୟ୍ ଆନି ଦର୍‌କାର୍। ମଦୁୱା ଆୱାଦାଙ୍ଗ୍ ମାନ୍‌ଗାନାନ୍, କି ଗଣ୍ଡ୍‍ଗଲ୍ କିୱାକାନ୍ ଆୱାଦାଙ୍ଗ୍ ମାନ୍‌ଗାନାନ୍, କି ଦନ୍ ଆହାତାଙ୍ଗ୍ ଜେକନିକାନିଙ୍ଗ୍ ଟକାଇ କିୱାକାନ୍ ଆୱାଦାଙ୍ଗ୍ ମାନ୍‌ଗାନାନ୍, ମାତର୍ ହେୱାନ୍ ଗତାକାଙ୍ଗ୍ ହାର୍‌ଦାଙ୍ଗ୍ ମାନିକିନି ଦର୍‌କାର୍।

ତୀତସ 2:3

ହେଲେକେ ହାତାନିକାଙ୍ଗ୍ ପା ହିକ୍ଷା ହିୟାଟ୍ ଇନେସ୍ ଈଶ୍ୱରତିଙ୍ଗ୍ ସନ୍‌ମାନ୍ କିତିଲେକେ ହେୱେକ୍ ବ୍ଯବହାର୍ କିନିକ୍, ଜେକନିକାରିଙ୍ଗ୍ ନିନ୍ଦା କିଉକ୍। କାଲିଙ୍ଗ୍ ଉଣୁକ୍, ଆରେ ହେୱେକ୍ ଇନେସ୍ ସତ୍ ଆରେ ହାର୍ଦି ବିଷୟରେ ଜେକନିକାରିଙ୍ଗ୍ ହିକାଇ କିନିକ୍।

ତୀତସ 3:2

ଇନେରିଙ୍ଗ୍ ନିନ୍ଦା କିୱେଦେଙ୍ଗ୍, ଇନେର୍ ହୁଦାଙ୍ଗ୍ ଗଣ୍ଡ୍‍ଗଲ୍ ଆୱେଦେଙ୍ଗ୍। ଜେକନିକାର୍ ହୁଦାଙ୍ଗ୍ ସାଙ୍ଗ୍‌ସାତି ଲେକେ ମାଞ୍ଜେଙ୍ଗ୍, ଆରେ ୱିଜୁ ମାନାୟାର୍ ହୁଦାଙ୍ଗ୍ ସାଦୁ ମାନାୟ୍ ଲେକେ ବ୍ଯବହାର୍ କିଦେଙ୍ଗ୍ ଏପେଙ୍ଗ୍ ପାର୍ତି କିନାକାରିଙ୍ଗ୍ ୱିଜୁଦିନ୍ ମାନ୍ତ ଏତୁକିୟାଟ୍।

ଏବ୍ରି 13:5

ଦନ୍ ଲବ୍ରାତାଙ୍ଗ୍ ମି ଜିବୁନ୍‌ତିଙ୍ଗ୍ ଦେହା ଇଟାଟ୍। ମିଦାଙ୍ଗ୍ ଇନାକା ମାନାତ୍, ହେବେତାଙ୍ଗ୍ ୱାରିଆଜି ମାନାଟ୍। ଇନେସ୍‌କି ଈଶ୍ୱର ନିଜେ ୱେଚ୍‌ଚାତାନ୍‌ନା, “ଆପେଙ୍ଗ୍ ମିଙ୍ଗେଙ୍ଗ୍ ଇନାୱେଡ଼ାଙ୍ଗ୍ ପା ପିସ୍ତୁପ୍, ଆପେଙ୍ଗ୍ ମିଙ୍ଗେଙ୍ଗ୍ ଅଲପ୍‌ପା ପିସ୍ତୁଙ୍ଗ୍”।

ଜାକ୍‌ବ 4:1

ପାର୍ତି କିନାକାର୍ ବିତ୍ରେତାଙ୍ଗ୍ ମାଡ୍‌ଗଲ୍ ଆରେ ଜୁକ୍ତି ଇନାକିଦେଙ୍ଗ୍ ଆନାତା? ଇନେସ୍‌କି ମି ମାନ୍ ବିତ୍ରେ ଜାର୍ କାଜିଙ୍ଗ୍ ଚିନ୍ତା କିଜି କରାପ୍ କାମାୟ୍ କାଜିଙ୍ଗ୍ ନେ ଇଦାଙ୍ଗ୍ ଗଟାଆନାତ୍।

୧ ପିତର 5:2

ଇମ୍‌ଣାକାର୍ ଈଶ୍ୱର ଲକ୍ ଆତାର୍‌ନା ହେୱାରିଙ୍ଗ୍ ଜାତୁନ୍ କିୟାଟ୍, ଆରେ ଈଶ୍ୱର ଇନେରିଙ୍ଗ୍ ଜାତୁନ୍ କିଦେଙ୍ଗ୍ ମିଙ୍ଗେଙ୍ଗ୍ ହିତ୍‌ତାନ୍‌ନା। ଏପେଙ୍ଗ୍ ୱାରିୟା ଆଜି ହେୱାରିଙ୍ଗ୍ ଜାତୁନ୍ କିୟାଟ୍। ଆରେ ଈଶ୍ୱର ଇଲେକେ କିୟାଟ୍ ଇଞ୍ଜି ଇଚା କିନାନା। ଏପେଙ୍ଗ୍ ଡାବୁଙ୍ଗ୍ କାଜିଙ୍ଗ୍ ଆକାୟ୍, ମାତର୍ ହେୱାରିଙ୍ଗ୍ ସାଇଜ କିନି କାଜିଙ୍ଗ୍ ଜାତୁନ୍ କିୟାଟ୍।

୨ ପିତର 2:3

ଇ ମାଷ୍ଟେରାର୍ ବେସି ଲବ୍ରାର୍। ହେୱାର୍ ମିବେତାଙ୍ଗ୍ ଡାବୁଙ୍ଗ୍ ଲାବ୍ ପାୟାଆନି କାଜିଙ୍ଗ୍, ହେୱାର୍ ମାନ୍‌ତାଙ୍ଗ୍ ରସ୍ତି କାତା ୱେଚ୍‌ଚି ମିଙ୍ଗେଙ୍ଗ୍ ଟକାୟ୍ କିଦ୍‌ନାର୍। ଲାଗିଙ୍ଗ୍ ଈଶ୍ୱର ବେସି ବାହ୍‌ରୁ ଆଗେ ହେୱାରିଙ୍ଗ୍ ଦଣ୍ଡ୍ ହିନାନ୍ ଇଞ୍ଜି ଇଚା କିତାନ୍‌ନା, ଆରେ ହେୱାନ୍ ଇଦାଙ୍ଗ୍ କିନି କାଜିଙ୍ଗ୍ ରେଡି ଆତାନ୍‌ନା। ହେୱାନ୍ ହେୱାରିଙ୍ଗ୍ ହାତ୍‌ପା ନଷ୍ଟ କିନାନ୍।

ଜିହୁଦା 1:11

ସତ୍‌ରେ ହେୱାର୍ ଆଦମ ହିମ୍‌ଣା କୟିନ ଲେକେ କରାପ୍ ବ୍ୟବହାର୍ କିନାର୍। ଡାବୁଙ୍ଗ୍ କମାୟ୍ କିଦେଙ୍ଗ୍ ଭବିଷ୍ୟତବକ୍ତା ବିଲିୟମ ଇନେସ୍ ମାନାୟାରିଙ୍ଗ୍ ପାପ୍ କାମାୟ୍ କିନି ହାଜ୍‌ଦିଙ୍ଗ୍ ଅସାହାଲ୍‌ଜି ମାଚାନ୍, ହେୱାର୍ ପା ହେଲେକେ ବୁଲ୍ ବେଗି କିନାର୍। ମୋଶାଙ୍ଗ୍ ବିରଦ୍ କିଜି ଇନେସ୍ କୋରହ ନଷ୍ଟ ଆଜି ମାଚାନ୍, ହେଲେକେ ଇ ମାନାୟାର୍ ପା ନଷ୍ଟ ଆନାର୍, ଇନେସ୍‌କି ହେୱାର୍ ମାପୃଙ୍ଗ୍ ବିରଦ୍ କିନାରା।

ହତ୍‌ତି 1:9

ଆନେଙ୍ଗ୍ ଯୋହନ ମି ଟଣ୍ଡେନ୍‌ତଙ୍ଗ୍, ଆନେଙ୍ଗ୍ ଯୀଶୁ ହୁଦାଙ୍ଗ୍ ମାହାଆଜି ମାଚି କାଜିଙ୍ଗ୍ ଆନେଙ୍ଗ୍ ପା ମି ଲେକେ ତା ଦୁଃକ୍ କଷ୍ଟତାକେ, ଈଶ୍ୱର ସାସନ୍ କିନି ରାଜିତାକେ, ଆରେ ୱିଜୁ ସମ୍ବାଲି କିନି ଶାକ୍ତିତାକେ ମାହା ଆତାଙ୍ଗ୍‌ନା। ଆନେଙ୍ଗ୍ ଈଶ୍ୱର ହାର୍ଦିକାବୁର୍ ଆରେ ଖ୍ରୀଷ୍ଟ ୱେଚ୍‌ଚି ସତ୍ କାତାତିଙ୍ଗ୍ ଶୁଣାୟ୍ କିତିଲେ, ଖ୍ରୀଷ୍ଟଙ୍ଗ୍ ବିରଦ୍ କିନି ମାନାୟାର୍ ନାଙ୍ଗେଙ୍ଗ୍ ପାତ୍ମ ତର୍‌ଦି ଦ୍ୱିପ୍‌ତାକେ ବନ୍ଦିକିଜି ମାନ୍‌ଞ୍ଚାର୍।