୧ ତିମତି 3:16 - New Testament in Pengo Parja Language

¹⁶ ଈଶ୍ୱର ମାଙ୍ଗେଙ୍ଗ୍ ଇନାକା ୱେଚ୍‌ଚାତାନ୍‌ନା ହେଦାଙ୍ଗ୍ ପୁରାପୁରି ସତ୍, ଇଦାଙ୍ଗ୍ ଇନେର୍ ପା ବୁଲ୍ ଇଞ୍ଜି ୱେଚ୍‌ଚେଙ୍ଗ୍ ଆଡୁର୍। ଖ୍ରୀଷ୍ଟ ମାନାୟ୍ ରୁପ୍ ଆଜି ୱାତାନ୍, ହେୱାନ୍ ଈଶ୍ୱର ମେହି ଇଞ୍ଜି ଈଶ୍ୱର ଆତ୍ମା ପୁନି କିତାତ୍। ଦୁତ୍‌କୁ ହେୱାନିଙ୍ଗ୍ ହୁଡ଼୍‌ତିକ୍, ଈଶ୍ୱର ହେୱାନିଙ୍ଗ୍ ସରଗ୍‌ଜପି ଅତାନ୍, ଚେଲାହିର୍ ତା ବିଷୟରେ ୱିଜୁଜାତି ନିପଣ୍ ଶୁଣାୟ୍ କିତାର୍। ଆରେ ପୁର୍ତିନି ମାନାୟାର୍ ପାର୍ତି କିତାର୍।

ସତ୍‌ ବଚନ୍‌ ପୁନି ନିୟମ୍‌

¹⁶ ଇସ୍ୱର୍‌ ହେବାକାରି ବିତ୍ରେନି ଅରତ୍‌ ଜେ ଗାଜା କାତା ଇଦାଂ ୱିଜ଼ାର୍‌ ମାନି କିତାର୍‌ । ହେଦାଂ ଇ, କ୍ରିସ୍ଟ ମାନାୟ୍‌ ଗାଗାଡ଼୍‌ ଆଜ଼ି ଚଞ୍ଜିୟା ଆତାନ୍‌, ଜିବୁନ୍‌ତ ଦାର୍ମି ଇଞ୍ଜି ଡାକ୍‌ପୁଟାତାନ୍‌, ଦୁତ୍‌ତକ୍‌ କାଜିଂ ଚଞ୍ଜିୟାତାନ୍‌, ଜାତିର୍‌ ବିତ୍ରେ ସୁଣାୟ୍‌ କିୟାତାନ୍‌, ପାଣ୍‌ତ ଇନ୍ୟାତାନ୍‌ । ପୁର୍ତିତ ପାର୍ତି କିୟାଆଜ଼ି ଜାଜ୍‌ମାଲ୍‌ତ ରଚ୍‌ୟାତାନ୍‌ ।

୧ ତିମତି 3:16 Iomraidhean Croise

ମାତିଉ 1:23

“ହୁଡ଼ାଟ୍, ରଞ୍ଜେଲ୍ ୱାଟା ଜିପଲି ଗରବ୍‌ତ ଆସ୍ତି ବପାଙ୍ଗ୍ ଜନମ୍ କିନାତ୍, ଆରେ ହେୱାର୍ ହେୱାନିଙ୍ଗ୍ ଇମାନୁୟେଲ୍ ଇଞ୍ଜି ଇନାର୍,” ଇ ତରନି “ଅର୍ତ ମା ଲାହାଙ୍ଗ୍ ଈଶ୍ୱର ମାନାନ୍।”

ମାତିଉ 13:11

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଈଶ୍ୱର ତା ରାଜିନି ପୁନ୍‌ୱିତି କାତାତିଙ୍ଗ୍ ପୁଞ୍ଜେଙ୍ଗ୍ ଏପେଙ୍ଗ୍ ସୁଯଗ୍ ଗାଟାଆତାଦେର୍‌ନା। ମାତର୍ ଇମ୍‌ଣାକାର୍ ଈଶ୍ୱରତିଙ୍ଗ୍ ପୁନୁୱାତାର୍‌ନା ହେୱାରିଙ୍ଗ୍ ସୁଯଗ୍ ଗଟାଆୱାତାତ୍‌ନା। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାରିଙ୍ଗ୍ କାତା ୱେଚ୍‌ନିଲେକେ କିଜି ୱେଚ୍‌ଚାନାଙ୍ଗା।

ମାତିଉ 28:2

ହେପାଦ୍ନା ର ଗାଜା ବୁମିକମ୍ପ୍ ଆତାତ୍। ମାପୃତି ର ଦୁତ୍ ସରଗ୍‌ତାଙ୍ଗ୍ ଜୁଜି ୱାତାନ୍। ହେ ଦୁତ୍ ଦୁଗେର୍ ଲାଗାୟ୍ ହାଚାନ୍ ଆରେ ଦୁଗେର୍ ମୁମ୍‌ଦି ଗାଜାକାଲ୍ ଗୁଚାଇ କିଜି ହେ କାଲ୍‌ଜପି କୁଚ୍‌ଚାନ୍।

ମାତିଉ 3:16

ଯୀଶୁ ଡୁବନ୍ ଅତି ଦାପ୍ରେ ଏଜୁଙ୍ଗ୍‌ତାଙ୍ଗ୍ ନିଙ୍ଗ୍‌ଞ୍ଜି ୱାତିହିଙ୍ଗ୍ ବାଦାଡ଼୍ ଜେୟା ଆତାତ୍। ଆରେ ହେୱାନ୍ ଈଶ୍ୱରତି ପବିତ୍ର ଆତ୍ମାତିଙ୍ଗ୍ ପାର୍‌ୱା ଲେକେ ତା ଜପି ୱାନାକା ହୁଡ଼୍‌ତାନ୍।

ମାତିଉ 4:11

ଲାଗିଙ୍ଗ୍ ଶୟତାନ ଯୀଶୁଙ୍ଗ୍ ପିସ୍ତି ହାଚାତ୍, ତାପାଚେ ସରଗ୍‌ନି ଦୁତ୍‌କୁ ୱାଜି ଯୀଶୁଙ୍ଗ୍ ହେବାକିତିକ୍।

ମାର୍କ 1:13

ଯୀଶୁ ହେ ଟାଙ୍ଗ୍ରାବାହାତ ଚାଲିଶ୍ ଦିନ୍ ମାଚାନ୍। ଶୟତାନ ତାଙ୍ଗେଙ୍ଗ୍ ପରିକ୍ଷା କିଜି ମାଚାତ୍, ହେ ବାହାତାକେ ରାନ୍‍ତି ପଶୁଙ୍ଗ୍ ପା ମାଚିକ୍। ଆରେ ସରଗ୍‌ନି ଦୁତ୍‌କୁ ୱାଜି ଯୀଶୁଙ୍ଗ୍ ହେବାକିଜି ମାଚିକ୍।

ମାର୍କ 16:19

ମାପୃ ଯୀଶୁ ଇ ୱିଜୁବେଣ୍ ତା ଚେଲାହିରିଙ୍ଗ୍ ୱେଚ୍‌ଚି ପାଚେ ଈଶ୍ୱର ଯୀଶୁଙ୍ଗ୍ ସରଗ୍‌ତାକେ ଅସିହାଚାନ୍, ଆରେ ହେୱାନ୍ ଈଶ୍ୱର ହୁଦାଙ୍ଗ୍ ସାସନ୍ କିଦେଙ୍ଗ୍ ତା ତିନାବାଗାୟ୍ କୁଚ୍‌ଚାନ୍।

ମାର୍କ 16:5

ହେୱେକ୍ ପାରାତାକେ ଏକିସ୍ ବିତ୍ରେ ହଟିକ୍, ଆରେ ହେୱେକ୍ ର ବେଣ୍ଡିଆ କାଡ଼୍‍ଦେ ଡ଼ିଞ୍ଜ୍‌ନି ହେନ୍ଦ୍ରା ଉସ୍‌ପିସ୍ ତା ତିନି ବାଗାୟ୍ କୁଚି ମାଚାକା ହୁଡ଼୍‌ଜି କାବା ଆତିକ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:32

ହେୱାନ୍ ବିନ୍‌ଜାତିନି ମାନାୟାରିଙ୍ଗ୍ ହେୱାନ୍ ର ଅଜଡ଼୍‌ଲେକେ ଈଶ୍ୱରତିଙ୍ଗ୍ ପୁନିକିନାନ୍। ଆରେ ତା ଜାର୍ ଇସ୍ରାଏଲ ଜାତିନି ମାନାୟାରିଙ୍ଗ୍ ସନ୍‌ମାନ୍ କିୟିକିତାନ୍‌।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 20:44

ଦାଉଦ ରାଜା ପା ଖ୍ରୀଷ୍ଟଙ୍ଗ୍ ନା ମାପୃ ଇଞ୍ଜି ଇନାନା। ଲାଗିଙ୍ଗ୍ ଇନେସ୍ କିଜି ଖ୍ରୀଷ୍ଟ ଦାଉଦ ମେହି ଆନାନ୍?”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:43

ତାପାଚେ ସରଗ୍‌ତାଙ୍ଗ୍ ର ଦୁତ୍ ୱାଜି ଚଞ୍ଜିଆତାନ୍। ହେ ଦୁତ୍‌ତିଙ୍ଗ୍ ଯୀଶୁଙ୍ଗ୍ ସାଇଜ କିଦେଙ୍ଗ୍ ପକ୍‌ଚି ମାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:4

ହେପାଦ୍ନା କଗ୍‍ଲେକ୍ ଇ ଗଟ୍‌ନାନି କାତା ଅଲପ୍‌ପା ବୁଜା ଆୱିତିକ୍। ଇ ଗଟ୍‌ନା ହୁଡ଼୍‌ଜି ହେୱେକ୍ ଚାନିଆ ଆତିହିଙ୍ଗ୍ ଣିଞ୍ଜ୍‌ନି କାଦିଆ ଉସ୍‍ପି ରିକାର୍ ସରଗ୍‌ଦୁତ୍ ହେୱେକ୍ ଲାଗାୟ୍ ନିଲ୍‌ତିକ୍‌।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:51

ଯୀଶୁ ତା ଚେଲାରିଙ୍ଗ୍ ଆଶ୍ରିବାଦ୍ କିନିହିଙ୍ଗ୍ ଈଶ୍ୱର ହେୱାନିଙ୍ଗ୍ ସରଗ୍‌ତାକେ ଅତାନ୍।

ଜହନ୍‌ 1:14

ହେ ବେଣ୍ ମାନାୟ୍ ରୁପ୍ ଆତାତ୍, ଆରେ ମା ହୁଦାଙ୍ଗ୍ ବାହାକିତାତ୍‌। ହେୱାନ୍ ଦୟା ଆରେ ସତ୍ ବିଷୟ ବାର୍ତି ମାଚାତ୍। ଆବା ଈଶ୍ୱର ର ମେହିତାକେ ଇନେସ୍ ଲେକେ ଗୌରବ ମାନାତ୍, ହେଲେକେ ଗୌରବ ଆପେଙ୍ଗ୍ ହୁଡ଼୍‌ତାପ୍।

ଜହନ୍‌ 13:3

ଆବା ଈଶ୍ୱର ଯୀଶୁଙ୍ଗ୍ ୱିଜୁ ବଷୟରେ ଆଦିକାର୍ ହିଜିମାଚାନ୍। ହେୱାନ୍ ଈଶ୍ୱରତାଙ୍ଗ୍ ୱାତାନ୍‌ନା ଆରେ ଈଶ୍ୱରତାକେ ହାନାଙ୍ଗ୍ ଇଞ୍ଜି ଯୀଶୁ ଇଦାଙ୍ଗ୍ ପୁନ୍‌ଞ୍ଜି ମାଚାନ୍।

ଜହନ୍‌ 15:26

ଆନେଙ୍ଗ୍ ନା ଆବା ଈଶ୍ୱରତାକେଣ୍ଡାଙ୍ଗ୍ ମି ଲାଗାୟ୍ ହେ ସାଇଜ କିଦ୍‌ନାକାନିଙ୍ଗ୍ ପକ୍ତାନାଙ୍ଗ୍। ହେ ସାଇଜ କିଦ୍‌ନାକାନ୍ ଈଶ୍ୱରଆତ୍ମା ମାନ୍‌ଗାନାନ୍। ହେୱାନ୍ ଆବା ଈଶ୍ୱରତାଙ୍ଗ୍ ୱାନାନ୍। ହେପାଦ୍ନା ହେୱାନ୍ ନା ବିଷୟରେ ୱିଜୁ ସତ୍ କାତା ୱେଚ୍‌ଚାନାନ୍।

ଜହନ୍‌ 16:28

ଆନେଙ୍ଗ୍ ଇ ପୁର୍ତିତିଙ୍ଗ୍ ଆବା ଈଶ୍ୱରତାଙ୍ଗ୍ ୱାତାଙ୍ଗ୍‌ନା। ନଙ୍ଗୟ୍ ଆନେଙ୍ଗ୍ ଇ ପୁର୍ତି ପିସ୍ତି ଆବା ଈଶ୍ୱରତାକେ ହାନାଙ୍ଗ୍।”

ଜହନ୍‌ 17:5

ଆବା ଈଶ୍ୱର, ପୁର୍ତି ରହ୍‌ୱିତି ଆଗେ ନି ହୁଦାଙ୍ଗ୍, ନା ଇମ୍‌ଣି ଜୟ୍-ଜୟ୍ ମାଚାତ୍, ହେଦାଙ୍ଗ୍ କାଜିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ପା ନି ହୁଦାଙ୍ଗ୍ ଜୟ୍-ଜୟ୍ କିଦା।

ଜହନ୍‌ 20:12

ଣିଞ୍ଜ୍‌ନି ହେନ୍ଦ୍ରା ଉସ୍‌ପିସ୍ ରିକାର୍ ସରଗ୍‌ଦୁତ୍‌କୁ ଯୀଶୁ ହାଃତି ଗାଗାଡ଼୍ ଇମେତାକେ ମାଚାତ୍, ତା ଲାଗାୟ୍ ରକାନ୍ ଦୁତ୍ କାପ୍‌ଡ଼ା ମାଚି ବାହାତାକେ ଆରେ ରକାନ୍ ତା କାଲ୍‌କୁ ମାଚି ବାହାତାକେ କୁଚ୍‌ଚି ମାଚିକ୍।

ଜହନ୍‌ 6:62

ଲାଗିଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଇମେତାଙ୍ଗ୍ ୱାଜିମାଚାନ୍। ଆରେରଗ ହେ ବାହାତାକେ ହେୱାନ୍ ହାନାନ୍, ଇ ବିଷୟରେ ଏପେଙ୍ଗ୍ ଇନାକା ବାବିକିନାଦେରା?

ପକ୍ୟାତାକା 1:19

ଯିରୁଶାଲାମ ସହର୍‌ନି ମାନାୟାର୍ ଇ ୱିଜୁବେଣ୍ ପୁଚାର୍। ଲାଗିଙ୍ଗ୍ ହେୱାର୍ ତା ବାଷାତାଙ୍ଗ୍ ହେ ଜମି ତର୍‌ ‘ଆକେଲ ଦାମା’ ଇ ତର୍‌ନି ଅର୍ତ ନେତେର୍ ଜମି ଇଞ୍ଜି ତର୍‌ ହିତାର୍।

ପକ୍ୟାତାକା 10:34

ପିତର ହେୱାନିଙ୍ଗ୍ ୱେଚ୍‌ଚାନ୍, “ନଙ୍ଗୟ୍ ଆନେଙ୍ଗ୍ ବୁଜାଆତାଙ୍ଗ୍ ଈଶ୍ୱର ୱିଜାକାରିଙ୍ଗ୍ ହାମାନ୍ ହୁଡ଼୍‌ଦାନାନ୍।

ପକ୍ୟାତାକା 14:27

ହେୱାର୍ ହେ ସହର୍‌ତାକେ ଇକାତାର୍, ଆରେ ମଣ୍ଡ୍‌ଲିନି ମାନାୟାରିଙ୍ଗ୍ ରବେ କୁକ୍‌ତାର୍‌। ହେୱାର୍ ଈଶ୍ୱର ସାଇଜତାଙ୍ଗ୍ ଇନା-ଇନା କାମାୟ୍ କିତାର୍, ଆରେ ଈଶ୍ୱର ବିନ୍‌ଜାତିନି ମାନାୟାରିଙ୍ଗ୍ ଯୀଶୁତାକେ ପାର୍ତି କିଦେଙ୍ଗ୍ ସୁଯଗ୍ ହିତି ୱିଜୁ ବିଷୟ ହେୱାରିଙ୍ଗ୍ ୱେଚ୍‌ଚାର୍।

ପକ୍ୟାତାକା 20:28

ଏପେଙ୍ଗ୍ ଆରେ ପାର୍ତି କିନାକାଦେର୍ ଜାଗ୍ରତ୍ ଆଜି ମାନାଟ୍। ଇନେସ୍‌କି ପବିତ୍ର ଆତ୍ମା ଇ ମାନାୟାର୍ ବିତ୍ରେ ବିଶପ୍‌ କିଜି ଦାଇତ୍‌ପ ହିତ୍‌ତାନ୍‌ନା। ଆରେ ଈଶ୍ୱର ତା ମେହି ଯୀଶୁ ନେତେର୍‌ତାଙ୍ଗ୍ ଇମ୍‌ଣି ମଣ୍ଡ୍‌ଲିତିଙ୍ଗ୍ କଡ଼୍‌ତାନ୍‌ନା, ହେ ମଣ୍ଡ୍‌ଲିନି ଗଡ଼ିୟା ଆଜି ମାନାଟ୍।

ରୋମିୟ 10:12

ଯିହୁଦି ଜାତିନି ମାନାୟାର୍ ଆୟେର୍ କି ବିନ୍‌ଜାତିନି ମାନାୟାର୍ ଆଏର୍ ହାମାନ୍ ସନ୍‌ମାନ୍ ପାୟାଆନାର୍‌। ହେୱାର୍ ୱିଜାର୍ ର ଈଶ୍ୱରତିଙ୍ଗ୍ ନେ ପାର୍ତିକିନାରା, ଏଚେପାଦ୍ନା ହେୱାର୍ ଈଶ୍ୱରତିଙ୍ଗ୍ ପାର୍ତାନା କିଜି ଇନାକା ଏନ୍‌ନାର୍। ଲାଗିଙ୍ଗ୍ ହେୱାନ୍ ହେୱାରିଙ୍ଗ୍ ଦୟା କିନାନ୍‌।

ରୋମିୟ 10:18

ମାତର୍ ଯିହୁଦି ଜାତିନି ମାନାୟାର୍ ବିଷୟରେ, ଆସେଙ୍ଗ୍ ଇନାକା ଇଞ୍ଜି ୱେଚ୍‌ନାସ୍? ହେୱାର୍ ହାତ୍‌ପା ହାର୍ଦିକାବୁର୍‌ତିଙ୍ଗ୍ ୱେଚାର୍‌ନା କି? ଆଁ, ହେୱାର୍ ୱେଚାର୍‌ନା। ଇନେସ୍‌କି ସାସ୍ତର୍‌ତାକେ ଲେକାଆତାତ୍‌ନା, ଈଶ୍ୱର ପୁର୍ତି ଉବ୍‌ଜାଇ କିତି ବିଷୟ ୱିଜାର୍ ମାନାୟାର୍ ପୁଚାର୍‌ନା, ଆରେ ତା କାତା ପୁର୍ତିନି ୱିଜୁ ବାହାତାକେ ଇକାତାତ୍‌ନା।”

ରୋମିୟ 16:25

ଆନେଙ୍ଗ୍ ମିଙ୍ଗେଙ୍ଗ୍ ଯୀଶୁ ଖ୍ରୀଷ୍ଟତି ହାର୍ଦିକାବୁର୍ ବିଷୟରେ ଶୁଣାୟ୍ କିଜି ମାନ୍‌ଞ୍ଚାଙ୍ଗ୍, ଆରେ ଈଶ୍ୱର ବିନ୍‌ଜାତିନି ମାନାୟାର୍ କାଜିଙ୍ଗ୍ ଇମ୍‌ଣି ଉପାୟ୍ ବେସି ଆଗେତାଙ୍ଗ୍ ଡ଼ୁକ୍‌ଚି ମାଚାନ୍ ହେ ବିଷୟରେ ୱେଚ୍‌ଚି ମାନ୍‌ଞ୍ଚାଙ୍ଗ୍। ଈଶ୍ୱର ମିଙ୍ଗେଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ସାଇଜ କିଦେନ୍‌।

ରୋମିୟ 16:26

ମାତର୍ ନଙ୍ଗୟ୍ ୱିଜୁ ବିନ୍‌ଜାତିନି ମାନାୟାର୍ ପୁନାର୍, ଆରେ ଈଶ୍ୱରତିଙ୍ଗ୍ ପାର୍ତି କିଜି ମାନିକିନାର୍। ହେଦାଙ୍ଗ୍ କାଜିଙ୍ଗ୍ ଭବିଷ୍ଯତବକ୍ତାର୍, ୱିଜୁଦିନ୍ ଜିବୁନ୍ ମାନି ଈଶ୍ୱର ସାସ୍ତର୍‌ତାକେ ଲେକାଆଜି ମାଚି ୱିଜୁ ବିଷୟ ପୁନି କିତାତ୍।

ରୋମିୟ 3:4

ପୁର୍ତିନି ୱିଜୁ ମାନାୟାର୍ ମିଚ୍ ୱେଚ୍‌ନାର୍, ମାତର୍ ଈଶ୍ୱର ୱିଜୁଦିନ୍ ସତ୍ ୱେଚ୍‌ନାନ୍, ଇନେସ୍‌କି ଇଲେକେ ଦରମ୍ ସାସ୍ତର୍‌ତାକେ ଈଶ୍ୱର ବିଷୟରେ ଲେକା ମାନାତ୍, ଏପେଙ୍ଗ୍ ୱେଚ୍‌ନି ୱିଜୁ କାତା ଟିକ୍ ଆନାତ୍, ଆରେ ବିଚାର୍ କିଦ୍‌ନି ବାହାତାକେ ଏପେଙ୍ଗ୍ ଜିତା ଆନାଦେର୍।

ରୋମିୟ 8:3

ମଶା ଲେକିକିତି ଦରମ୍ ସାସ୍ତର୍‌ନି ନିୟମ୍ ଉଦାର୍ କିଦେଙ୍ଗ୍ ଆଡ୍‌ୱାତାତ୍, ଇନେସ୍‌କି ମା ବିତ୍ରେ ପାପ୍‍କିନି ଇଚା ମାଚାତ୍। ମାତର୍ ଈଶ୍ୱର ତା ଜାର୍ ମାଜିଙ୍ଗ୍ ମାନାୟ୍ ରୁପ୍ ଆଜି ପକ୍ତାତାନ୍, ଆରେ ହେୱାନ୍ ପାପ୍‌ତିଙ୍ଗ୍ ତା ମେହି ଜପି ଲେଦି କିତାନ୍ ଆରେ ହେୱାନ୍ ମା ପାପ୍ କାଜିଙ୍ଗ୍ ହାଃତାନ୍, ଆରେ ଇଲେକେ କିଜି ଈଶ୍ୱର ମାଙ୍ଗେଙ୍ଗ୍ ଉଦାର୍ କିତ୍‌ତାନ୍।

ରୋମିୟ 9:5

ହେୱାର୍ ଆକଦାଦିର୍ ଈଶ୍ୱରତିଙ୍ଗ୍ ଗାଜାକାର୍ ମାଚାର୍, ଆରେ ଖ୍ରୀଷ୍ଟ ନିଜେ ର ଯିହୁଦି ମାଚାନ୍, ଏଚେଦିନ୍ ପାତେକ୍ ହେୱାନ୍ ମାନାୟ୍ ରୁପ୍ ଆଜି ପୁର୍ତିତାକେ ମାଚାନ୍। ଆରେ ହେୱାନ୍ ଈଶ୍ୱର ମାଚାନ୍, ଇନେର୍ ୱିଜୁ ଜିନିଷ୍ ଜପି ସାସନ୍ କିନାନା, ଆରେ ହେୱାନ୍ ୱିଜୁଦିନ୍ ଜୟ୍-ଜୟ୍ ପାୟାଆନି ଦର୍‌କାର୍। ଆମେନ୍।

୧ କରନ୍ତିୟ 15:47

ଈଶ୍ୱର ପାର୍ତୁମ୍ ମାନାୟ୍ ଆଦମତିଙ୍ଗ୍ ଇ ପୁର୍ତିନି ଚିକ୍‌ଲାତାଙ୍ଗ୍ ରସ୍ତାନ୍, ମାତର୍ ଦୁଇ ନମ୍ବର୍ ଆଦମ ଯୀଶୁ ଖ୍ରୀଷ୍ଟ ସରଗ୍‌ତାଙ୍ଗ୍ ୱାଜିମାଚାନ୍।

୧ କରନ୍ତିୟ 2:7

ମାତର୍ ଆପେଙ୍ଗ୍ ଇମ୍‌ଣି ବୁଦିନି ବିଷୟରେ ୱେଚ୍‌ଚାନାପା ହେ ଈଶ୍ୱର ବୁଦିତିଙ୍ଗ୍ ଡ଼ୁକ୍‌ଚି ମାଚାନ୍। ଆରେ ଇନେର୍ ପା ପୁନ୍‌ୱାଦାଙ୍ଗ୍ ମାଚାର୍। ପୁର୍ତିତିଙ୍ଗ୍ ଉବ୍‌ଜାଇ କିୱି ଆଗେ ଈଶ୍ୱର ତା ବୁଦି ହୁଦାଙ୍ଗ୍ ମାଙ୍ଗେଙ୍ଗ୍ ଗୌରବ ହିଦ୍‌ନି କାଜିଙ୍ଗ୍ ଇଚା କିଜି ମାଚାନ୍।

୨ କରନ୍ତିୟ 1:19

ଇନେସ୍‌କି ଆନେଙ୍ଗ୍ ଆରେ ଶିଲା ଆରେ ତିମତି ମିଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ, ଈଶ୍ୱର ମେହି ବିଷୟରେ ଶୁଣାୟ୍ କିନିହିଙ୍ଗ୍ ଆଁ ଆରେ ଆକାୟ୍ ଇଞ୍ଜି ୱେଚ୍‌ୱାତାର୍‌ନା, ମାତର୍ ଆପେଙ୍ଗ୍ ଆଁ ଇଞ୍ଜିମାଚାର୍।

ଗାଲାତିୟ 2:8

ଇମ୍‌ଣି ଈଶ୍ୱର ପିତରତିଙ୍ଗ୍ ଯିହୁଦିର୍ ଲାଗାୟ୍ ବାଚିକିତି ଚେଲା ପାଦ୍‌ନି କାମାୟ୍ କିନି କାଜିଙ୍ଗ୍ ବାଚି କିତାନ୍‌ନା, ହେ ଈଶ୍ୱର ନାଙ୍ଗେଙ୍ଗ୍ ପା ବିନ୍‌ଜାତିନି ମାନାୟାର୍ ଲାଗାୟ୍ ବାଚିକିତି ଚେଲା ପାଦ୍‌ନି କାମାୟ୍ କିନି କାଜିଙ୍ଗ୍ ବାଚି କିତାନ୍‌ନା।

ଗାଲାତିୟ 4:4

ମାତର୍ ଈଶ୍ୱର ଟିକ୍ କିଜିମାଚି ଦିନ୍ ୱାତିଲେ, ଈଶ୍ୱର ତା ଜାର୍ ହିମ୍‌ଣାତିଙ୍ଗ୍ ଇ ଜଗତ୍‌ତାକେ ପକ୍ତାନ୍, ଆରେ ହେୱାନ୍ ମାନାୟ୍ ଜନମ୍ ଆତି ଲେକେ କଗ୍‌ଲେତାଙ୍ଗ୍ ଜନମ୍ ଆତାନ୍। ଆରେ ହେୱାନ୍ ମୋଶା ଲେକିକିତି ନିୟମ୍ ସାସ୍ତର୍‌ତିଙ୍ଗ୍ ମାନି କିତାନ୍।

ଏପିସିୟ 1:9

ଈଶ୍ୱର ତା ଇଚାତାଙ୍ଗ୍ ଆଗେତାଙ୍ଗ୍ କିଜିମାଚି ଡ଼ୁକ୍‌ତି ଜଜ୍‌ନା ମାବେ ଚଚ୍‌ଚାତାନ୍‌ନା। ଆରେ ହେ ଜଜ୍‌ନା ଖ୍ରୀଷ୍ଟତାଙ୍ଗ୍ କିନି କାଜିଙ୍ଗ୍ ହେୱାନ୍ ଇଚା କିଜି ମାଚାନ୍।

ଏପିସିୟ 6:19

ଆନେଙ୍ଗ୍ ଇନେସ୍ ସାହାସ୍ ହୁଦାଙ୍ଗ୍ ହାର୍ଦିକାବୁର୍‌ନି ଡ଼ୁକ୍‌ତି ଜଜ୍‌ନାତିଙ୍ଗ୍ ୱେଚ୍‌ଚେଙ୍ଗ୍ ଆଡ୍‌ନାଙ୍ଗ୍, ଆରେ ଈଶ୍ୱର ଇନେସ୍ ନାଙ୍ଗେଙ୍ଗ୍ ଟିକ୍ କାତା ହିଦ୍‌ନାନ୍, ହେଦାଙ୍ଗ୍ ନା କାଜିଙ୍ଗ୍ ପା ପାର୍ତାନା କିୟାଟ୍।

କଲସିୟ 1:23

ହେୱାନ୍ ମିଙ୍ଗେଙ୍ଗ୍ ପବିତ୍ର କିତ୍‌ତାନ୍‌ନା, ମାତର୍ ଏପେଙ୍ଗ୍ ୱିଜୁଦିନ୍ ଖ୍ରୀଷ୍ଟତାକେ ପାର୍ତି କିଜି ମାନାଟ୍। ଇନେସ୍‌କି ର ବାଡ଼୍‌କାସ୍ ପାଉଣ୍ଡେସେନ୍ ତାକେ ଇଲ୍ ମାନ୍‌ଗାନାତ୍ ହେଲେକେ ପାର୍ତି ଖ୍ରୀଷ୍ଟତାକେ ବାଡ଼୍‌କାସ୍ ଆଜି ମାନେତ୍। ହାର୍ଦିକାବୁର୍ ୱେନ୍‌ଞ୍ଜି ଇମ୍‌ଣି ଆହା ପାୟା ଆତାଦେର୍‌ନା ହେ ଆହାତିଙ୍ଗ୍ ଏପେଙ୍ଗ୍ ପିହ୍‌ମାଟ୍। ଇ ହାର୍ଦିକାବୁର୍ ପୁର୍ତିନି ଚାରିବେଣ୍‌ତାଙ୍ଗ୍ ଶୁଣାୟ୍ କିନାରା। ଆରେ ଆନେଙ୍ଗ୍ ପାଉଲ ଈଶ୍ୱର ଦାସ୍ ଆଜି ଇ ହାର୍ଦିକାବୁର୍ ଶୁଣାୟ୍ କିନାଙ୍ଗା।

କଲସିୟ 1:27

ଖ୍ରୀଷ୍ଟତି ଗୌରବନି ଦନ୍ ବିନ୍‌ଜାତିନି ମାନାୟାରିଙ୍ଗ୍ ପା ମାନାତ୍ ଇଞ୍ଜି ଈଶ୍ୱର ତା ମାନାୟାରିଙ୍ଗ୍ ପୁନିକିଦେଙ୍ଗ୍ ଇଚା କିତାନ୍। ଖ୍ରୀଷ୍ଟ ମି ବିତ୍ରେ ବାହା କିନାନ୍ ହେଦାଙ୍ଗ୍ ଆନାତା ଡ଼ୁଗ୍‌ତି ବିଷୟ। ତା ଗୌରବ ପାୟାଆନି କାଜିଙ୍ଗ୍ ଇଦାଙ୍ଗ୍ ମାଙ୍ଗେଙ୍ଗ୍ ଆହା ହିଦ୍‌ନାତ୍।

କଲସିୟ 1:6

ଇ ହାର୍ଦିକାବୁର୍ ପୁର୍ତିନି ଚାରିବେଣ୍‌ତି ମାନାୟାର୍ ୱେଚାର୍ ଆରେ ବେସିହେନି ପାର୍ତିକିନାରା। ଏପେଙ୍ଗ୍ ଇନେସ୍ ପାର୍ତୁମ୍ ହାର୍ଦିକାବୁର୍ ୱେନ୍‌ଞ୍ଜି ଆରେ ଈଶ୍ୱରତି ମହାନ୍ ଦୟା ବିଷୟନି ସତ୍ ବିଷୟତିଙ୍ଗ୍ ପୁନ୍‌ଞ୍ଜି ଇନେସ୍ ମି ଜିବୁନ୍ ବାଦ୍‌ଲା ଆତାତ୍‌ନା, ହେଲେକେ ୱିଜୁ ବାହାନି ମାନାୟାରିଙ୍ଗ୍ ଜିବୁନ୍ ବାଦ୍‌ଲାୟ୍ କିନାତା।

କଲସିୟ 2:2

ହେୱାର୍ ପାର୍ତିତାଙ୍ଗ୍ ସାସ୍ କିଦେଙ୍ଗ୍ ଆରେ ଲାଡ୍‌ତାଙ୍ଗ୍ ଜାର୍-ଜାର୍‌ବିତ୍ରେ ମିତ୍ରଆଜି ମାଞ୍ଜେଙ୍ଗ୍ ଆନେଙ୍ଗ୍ ଇଚା କିନାଙ୍ଗା। ଈଶ୍ୱରତି ଡ଼ୁକ୍‌ତି ବିଷୟ ଯୀଶୁ ଖ୍ରୀଷ୍ଟଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାର୍ ଆରେ ପୁରାପୁରି ଆହା ଇଡ଼୍‌ଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଇଦାଙ୍ଗ୍ ୱେଚ୍‌ନାଙ୍ଗା।

୨ ଥେସଲନୀକିୟ 1:10

ଏଚେପାଦ୍ନା ମାପୃ ଯୀଶୁ ତା ପବିତ୍ର ମାନାୟାର୍‌ତାଙ୍ଗ୍ ଗୌରବ ଆରେ ସନ୍‌ମାନ୍ ପାୟା ଆଦେଙ୍ଗ୍ ଆରେରଗ ପୁର୍ତିତାକେ ୱାନାନ୍। ଆରେ ହେୱାନ୍ ସନ୍‌ମାନ୍ ପାୟାଆନି ନାଞ୍ଜିଙ୍ଗ୍, ହେବେ ଏପେଙ୍ଗ୍ ପା ମାନାଦେର୍, ଇନେସ୍‌କି ଆପେଙ୍ଗ୍ ତା ବିଷୟରେ ୱେଚ୍‌ଚିତିଲେ ପାର୍ତି କିତାଦେର୍।

୨ ଥେସଲନୀକିୟ 2:7

ହେ ଅଦରମ୍‌ ମାନାୟ୍ ଶାକ୍ତି, ନଙ୍ଗୟ୍ ପାତେକ୍ ଡ଼ୁଗ୍‌ଜି ପୁର୍ତିତାକେ କାମାୟ୍ କିନାତା, ମାତର୍ ର ମାନାୟ୍ ମାନାନ୍ ହେୱାନ୍ ହେ ଶାକ୍ତିତିଙ୍ଗ୍ ବନ୍ଦ୍ କିନାନା। ହେ ଶାକ୍ତିତିଙ୍ଗ୍ ଅୱି ପାତେକ୍ ଇ ଅଦରମ୍‌ ମାନାୟ୍ ଇଲେକେ କାମାୟ୍ କିଜି ମାନାନ୍।

୧ ତିମତି 3:9

ଈଶ୍ୱର ପୁନିକିତି ସତ୍ କାତାତିଙ୍ଗ୍ ପାର୍ତି କିଜି ହାର୍ଦି ମାନ୍ତ ମାନି ଦର୍‌କାର୍,

ଏବ୍ରି 1:3

ହେ ହିମ୍‌ଣା ଈଶ୍ୱର ଗୌରବତାଙ୍ଗ୍ ଚଚ୍‌ଚାନାନ୍ ଆରେ ହେୱାନ୍ ୱିଜୁ ବିଷୟରେ ଈଶ୍ୱରଲେକେ ଚଞ୍ଜ୍‌ନାନ୍‌। ହେୱାନ୍ ଜାର୍ ଶାକ୍ତିମାନି କାତାତାଙ୍ଗ୍ ପୁର୍ତିନି ୱିଜୁ ବିଷୟ ଆସ୍ତାନ୍‌ନା। ଆରେ ହେୱାନ୍ ମାନାୟାର୍ ପାପ୍‌ତିଙ୍ଗ୍ ନୁସ୍‌ତି ପାଚେ ସରଗ୍‌ତାକେ ଈଶ୍ୱରତି ଗୌରବ ପାୟାଆନି ତିନାବାଗାୟ୍‌ନି ବାହାତାକେ କୁଚ୍‌ଚାନ୍‌ନା।

ଏବ୍ରି 12:2

ଯୀଶୁତାକେ ମା ଟାର୍ଗେଟ୍‌ ଇଡ଼୍‌ଜି ଇଦାଙ୍ଗ୍ କିନି ଦର୍‌କାର୍, ଇନେସ୍‌କି ହେୱାନ୍ ମା ପାର୍ତିନି ପୁରାପୁରି ଟିକ୍ ନେତା। କୃଶକାଟ୍ ଜପି ଲାଜା ପାୟାଆଜି ହାଃଦେଙ୍ଗ୍ ଯୀଶୁ ଇଚା କିତାନ୍, ଇନେସ୍‌କି ହେୱାନ୍ ପୁନ୍‌ଞ୍ଜି ମାଚାନ୍ ଯେ ଇଦାଙ୍ଗ୍ ପାଚେ ୱାରି ମାନାତ୍। ଲାଗିଙ୍ଗ୍ ନଙ୍ଗୟ୍ ହେୱାନ୍ ଈଶ୍ୱର ତିନାକେଇନି ବେସି ଗୌରବ ପାୟାଆନି ବାହାତାକେ କୁଚ୍‌ଚାନ୍‌ନା।

ଏବ୍ରି 7:7

ଇଦାଙ୍ଗ୍ ଆସେଙ୍ଗ୍ ଟିକ୍ ବାବ୍‌ରେ ପୁନାସ୍ ଯେ ଇମ୍‌ଣି ମାନାୟ୍ ଆଶ୍ରିବାଦ୍ ପାୟା ଆନାନ୍ ହେୱାନ୍‌ତାଙ୍ଗ୍ ଆଶ୍ରିବାଦ୍ କିନି ମାନାୟ୍ ଗାଜା।

ଏବ୍ରି 8:1

ଆସେଙ୍ଗ୍ ଇନାକା ୱେଚ୍‌ନାସା, ହେବେନି ମୁଡ଼୍ ବିଷୟ ଇଦାଙ୍ଗ୍, ମା କାଜିଙ୍ଗ୍ ଇଲେକେ ରକାନ୍ ପ୍ରଦାନ୍ ମୁଡ଼୍‌ଦି ପୁଜାରି ମାନାନ୍, ଇନେର୍ ସରଗ୍‌ତାକେ ଈଶ୍ୱର ତିନାବାଗାୟ୍‌ନି ବେସି ସନ୍‌ମାନ୍‌ନି ସିଂହାସନ୍‌ତାକେ କୁଚ୍‌ଚାନ୍‌ନା।

୧ ପିତର 1:12

ମାତର୍ ଈଶ୍ୱର ଇ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାରିଙ୍ଗ୍ ୱେଚ୍‌ଚାନ୍, ଇ ହାର୍ଦିକାବୁର୍ ମି କାଜିଙ୍ଗ୍ ଆକାୟ୍ ମାତର୍ ମାନାୟାର୍ କାଜିଙ୍ଗ୍। ଆରେ ହେ ହାର୍ଦିକାବୁର୍ ଯୀଶୁ ଖ୍ରୀଷ୍ଟ ବିଷୟ ଇମ୍‌ଣାକା ଏପେଙ୍ଗ୍ ନଙ୍ଗୟ୍ ୱେଚାଦେର୍‌ନା। ଈଶ୍ୱର ତା ପବିତ୍ର ଆତ୍ମା ସରଗ୍‌ତାଙ୍ଗ୍ ମିଙ୍ଗେଙ୍ଗ୍ ହାର୍ଦିକାବୁର୍ ୱେଚ୍‌ନି ମାନାୟାରିଙ୍ଗ୍ ସାଇଜ କିଦେଙ୍ଗ୍ ପକ୍ତାତାନ୍‌ନା। ହେଦାଙ୍ଗ୍ ୱିଜୁ ଚାନିଆଆନି ବିଷୟ ଯେ, ଇୱିଜୁ ଗଟାଆନି ବିଷୟ ସରଗ୍‌ନି ଦୁତ୍‌କୁ ପା ହୁଡ଼୍‌ନିକା।

୧ ପିତର 1:20

ପୁର୍ତି ଉବ୍‌ଜା ଆୱି ଆଗେ ଈଶ୍ୱର ଯୀଶୁ ଖ୍ରୀଷ୍ଟଙ୍ଗ୍ ମାନାୟାରିଙ୍ଗ୍ ଉଦାର୍ କିନି କାଜିଙ୍ଗ୍ ବାଚିକିଜି ମାଚାନ୍। ମାତର୍ ଇ ପୁର୍ତି ସେସ୍‌ଆନି ନାଞ୍ଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ସାଇଜ କିଦ୍‌ଦେଙ୍ଗ୍ ୱାତାନ୍।

୧ ପିତର 1:21

ଖ୍ରୀଷ୍ଟ ମିଙ୍ଗେଙ୍ଗ୍ ଇନାକା କିତି କାଜିଙ୍ଗ୍ ଏପେଙ୍ଗ୍ ନଙ୍ଗୟ୍ ଈଶ୍ୱରତିଙ୍ଗ୍ ପାର୍ତିକିନାରା, ଆରେ ଈଶ୍ୱର ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ନିକ୍‌ତି କାଜିଙ୍ଗ୍ ଆପେଙ୍ଗ୍ ତାଙ୍ଗେଙ୍ଗ୍ ପାର୍ତି ଆରେ ଆହା କିଜି ତାଙ୍ଗେଙ୍ଗ୍ ଗୌରବ କିନାପା।

୧ ପିତର 3:18

ଆନେଙ୍ଗ୍ ଇଲେକେ ୱେଚ୍‌ଚାନାଙ୍ଗା, ଇନେସ୍‌କି ଖ୍ରୀଷ୍ଟ ପା ମା ୱିଜାକାର୍ ପାପ୍ କାଜିଙ୍ଗ୍ ଦୁଃକ୍ କଷ୍ଟ ପାୟାଆଜି ରଗ ହାଃଜି ମାଚାନ୍। ହେୱାନ୍ ରକାନ୍ ଦରମ୍ ମାନାୟ୍ ମାଚାନ୍, ମାଙ୍ଗେଙ୍ଗ୍ ଈଶ୍ୱର ଲକ୍ କିଦ୍‌ଦେଙ୍ଗ୍ ହେୱାନ୍ ମା ପାପ୍ କାଜିଙ୍ଗ୍ ହାଃଜି ମାଚାନ୍, ଲାଗିଙ୍ଗ୍ ଆସେଙ୍ଗ୍ ତା ହୁଦାଙ୍ଗ୍ ଜାର୍ ଲକ୍ ଆୟା ଆନାତ୍‌। ହେୱାର୍ ତାଙ୍ଗେଙ୍ଗ୍ ମାର୍ନେ ଅସ୍ତାର୍, ମାତର୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆରେରଗ ଜିବୁନ୍ ଆତାନ୍।

୧ ପିତର 3:22

ଆରେ ହେୱାନ୍ ସରଗ୍‌ଜପି ହାଚାନ୍‌ନା। ହେୱାନ୍ ନଙ୍ଗୟ୍ ସନ୍‌ମାନ୍ ପାୟାଆନି ବାହାତାକେ ଈଶ୍ୱର ତିନାବାଗାୟ୍ କୁଚ୍‌ଚାନ୍‌ନା, ଆରେ ହେୱାନ୍ ୱିଜୁ ଦୁତ୍‌କୁକାଙ୍ଗ୍, ଅଦିକାର୍ କି ଶାକ୍ତିମାନି ଆତ୍ମାକାଙ୍ଗ୍ ସାସନ୍ କିନାନା।

୧ ଯୋହନ 1:2

ହେୱାନ୍ ଜିବୁନ୍ ହିଦ୍‌ନି ମାନାୟ୍ ପୁର୍ତିତାକେ ୱାତାନ୍। ଆପେଙ୍ଗ୍ ହେୱାନିଙ୍ଗ୍ ହୁଡ଼୍‌ତାପ୍‌ନା, ଆରେ ତା ବିଷୟରେ ଆପେଙ୍ଗ୍ ସାକି ହିଦ୍‌ନାପା। ଆପେଙ୍ଗ୍ ତା ବିଷୟରେ ୱେଚ୍‌ଚାନାପା ଯେ, ହେୱାନ୍‌ନେ ୱିଜ୍‌ୱି ଜିବୁନ୍। ହେୱାନ୍ ଆବା ଈଶ୍ୱର ହୁଦାଙ୍ଗ୍ ଆଗେତାଙ୍ଗ୍ ମାଚାନ୍, ଆରେ ହେୱାନ୍ ପୁର୍ତିତାକେ ୱାତାନ୍।

୧ ଯୋହନ 3:5

ଆରେ ଏପେଙ୍ଗ୍ ପୁନାଟ୍ ଯେ, ଯୀଶୁ ମା ପାପ୍ ୱିଜୁ ପିଣ୍‌ଜି ଅଦେଙ୍ଗ୍ ପୁର୍ତିତାକେ ୱାତାନ୍, ଆରେ ତାବେ ଇନା ପାପ୍ ହିଲେତ୍।

୧ ଯୋହନ 3:8

ଇନେର୍ ପାପ୍ କାମାୟ୍ କିଜି ମାନାନ୍, ହେୱାନ୍ ଶୟତାନ ମେହି, ଇନେସ୍‌କି ଶୟତାନ ଆରମ୍‌ତାଙ୍ଗ୍ ପାପ୍ କାମାୟ୍ କିତାତ୍‌ନା। ମାତର୍ ଶୟତାନ କିତି କାମାୟ୍‌ତିଙ୍ଗ୍ ସେସ୍ କିଦେଙ୍ଗ୍ ଈଶ୍ୱର ମେହି ଯୀଶୁ ଖ୍ରୀଷ୍ଟ ପୁର୍ତିତାକେ ୱାତାନ୍।

ହତ୍‌ତି 17:5

ଆରେ ତା ନିଦାଣ୍‌ତାକେ ଚାନିଆଆନି ତର୍‌ ଲେକାଆଜି ମାଚାତ୍, ହେ ତର୍‌ ଇଲେକେ ଲେକାଆଜି ମାଚାତ୍, “ଆନେଙ୍ଗ୍ ଗାଜା ବାବିଲନ୍‌ ସହର୍, ଦାରି କାମାୟ୍ କିନାକାରିଙ୍ଗ୍ ଆରେ ପୁର୍ତିନି ଗିଣ୍ କାମାୟ୍ କିନି ମାନାୟାର୍ ତେହିତଙ୍ଗ୍।”

ହତ୍‌ତି 17:7

ତାପାଚେ ହେ ଦୁତ୍ ନାଙ୍ଗେଙ୍ଗ୍ ୱେନ୍‌ବା ଆତ୍‌ତାତ୍‌, “ଇନାକିଦେଙ୍ଗ୍ ଏନେଙ୍ଗ୍ ଏଚେକ୍ ଚାନିଆ ଆତାୟ୍‌ନା। ଆନେଙ୍ଗ୍ ନିଙ୍ଗେଙ୍ଗ୍ ସାତ୍‌ଗଟା କାପ୍‌ଡ଼ା ଆରେ ଦଶ୍‌ଗଟା କମଙ୍ଗ୍ ମାନି ପଶୁ ଜପି କୁଚ୍‌ଚି କଗ୍‍ଲେତି ଆରେ ପଶୁ ବିଷୟରେ ଚାନିଆ ଆନାକା ନିଙ୍ଗେଙ୍ଗ୍ ଆନେଙ୍ଗ୍ ୱେଚ୍‌ଚାନାଙ୍ଗ୍।”

ହତ୍‌ତି 7:9

ତାପାଚେ ଗାଣାକିୟା ଆଉତ୍ ଏଲେଙ୍ଗ୍ ର ଗାଜା ଦଳ୍‌ନି ମାନାୟାର୍ ଈଶ୍ୱର ସିଙ୍ଗାସନ ଆଗେ ଆରେ ମେଣ୍ଢା ଇନେର୍‌କି ଯୀଶୁ ଆଗେ ନିଲ୍‌ତାକା ଆନେଙ୍ଗ୍ ହୁଡ଼୍‌ତାଙ୍ଗ୍। ହେୱାର୍ ୱିଜୁ ଜାତିନି, କୁଟୁମ୍, ଦେସ୍ ଆରେ ୱିଜୁ ବାଷାନି ମାନାୟାର୍ ୱାଜିମାଚାର୍, ହେୱାର୍ ଡ଼ିଞ୍ଜ୍‌ନି ହେନ୍ଦ୍ରା ଉସ୍‍ପି ମାଚାର୍ ଆରେ ହେୱାର୍ କେଇଦ କାଜ୍‌ରି କେନ୍ଦାଙ୍ଗ୍ ଆସ୍ତି ମାଚାର୍।