୧ ତିମତି 3:15 - New Testament in Pengo Parja Language

¹⁵ ମାତର୍ ଇନାୱେଡ଼ାଙ୍ଗ୍ ଆନେଙ୍ଗ୍ ୱାନାକା ଲେଟ୍ ଆନାତ୍, ଲାଗିଙ୍ଗ୍ ଆସେଙ୍ଗ୍ ଈଶ୍ୱର ପରିବାର୍‌ନି ମାନାୟ୍ ଆନି କାଜିଙ୍ଗ୍ ଇନେସ୍‌ଆଜି ମାନାକା ମାନାତ୍ ହେ ବିଷୟରେ ପୁନି ଦର୍‌କାର୍, ହେଦାଙ୍ଗ୍ କାଜିଙ୍ଗ୍ ଇ ଚିଟି ଲେକିକିତାଙ୍ଗ୍‌ନା। ଜିବୁନ୍ ମାନି ଈଶ୍ୱରନି ମଣ୍ଡ୍‌ଲି ଆନାତା ଈଶ୍ୱରନି ପରିବାର୍। ର ଇଲ୍‌ତିଙ୍ଗ୍ ପାଉଣ୍ଡେସେନ୍ ଆରେ ପିଲେର୍ ଇନେସ୍ ସପଟ୍ ଆରେ ବାଡ଼୍‌କାସ୍ କିନାତ୍, ହେଲେକେ ଈଶ୍ୱରତିଙ୍ଗ୍ ପାର୍ତିକିନି ମାନାୟାର୍ ପା ସତ୍ ହିକ୍ଷାତିଙ୍ଗ୍ ସପଟ୍ ଆରେ ପାର୍ତି କିଜି ମାନି ଦର୍‌କାର୍।

ସତ୍‌ ବଚନ୍‌ ପୁନି ନିୟମ୍‌

¹⁵ ମତର୍‌ ଏଚେକାଡ଼୍‌ଦ ନାଦାଂ ମାଲାଆନାତ୍‍, ତେବେ ଇସ୍ୱର୍ତି ଇଞ୍ଜ, ଇଚିସ୍‌ ହାତ୍‌ପାନି ମୁଣ୍ଡା ଆରି ମୁଡ଼୍‌କୁନାଦି ଲାକେ ଜିତି ଇସ୍ୱର୍ତି ମଣ୍ଡ୍‌ଲିତ, ଇନେସ୍‌ ବେବାର୍‌ କିୟାଆନାତ୍‌, ହେଦାଂ ଇନେସ୍‌ ଏପେଙ୍ଗ୍‌ ପୁନାଟ୍‌, ଇଦାଂ କାଜିଂ ଇ ୱିଜ଼ୁ ମି ଲାଗାଂ ଲେକିକିଦ୍‌ନାଙ୍ଗା ।

୧ ତିମତି 3:15 Iomraidhean Croise

ମାତିଉ 16:16

ଶିମୋନ ପିତର ୱେଚ୍‌ଚାନ୍, “ଏନେଙ୍ଗ୍ ଆନାୟା ଖ୍ରୀଷ୍ଟ। ଯିବୁନ୍ ମାନି ଈଶ୍ୱର ମେହିତି।”

ମାତିଉ 18:18

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଏପେଙ୍ଗ୍ ପୁର୍ତିତାକେ ଇନାକାପା ବନ୍ଦ୍ କିନାଦେର୍, ସରଗ୍‌ତାକେ ପା ହେ ୱିଜୁ ବନ୍ଦ୍ ମାନ୍‌ଙ୍ଗାନାତ୍, ଆରେ ପୁର୍ତିତାକେ ଇନାକାପା ମୁକ୍ତି କିନାଦେର୍, ସରଗ୍‌ତାକେ ପା ହେଦାଙ୍ଗ୍‌ୱିଜୁ ମୁକ୍ତି ମାନ୍‌ଗାନାତ୍।

ଜହନ୍‌ 1:17

ଈଶ୍ୱର ମାଙ୍ଗେଙ୍ଗ୍ ମୋଶା ଲେକିକିତି ନିୟମ୍‌ନି ସାସ୍ତର୍‌ତାଙ୍ଗ୍ ହିତ୍‌ତାନ୍‌ନା। ମାତର୍ ଯୀଶୁ ଖ୍ରୀଷ୍ଟତାଙ୍ଗ୍ ଦୟା ଆରେ ସତ୍ ବିଷୟ ହିତ୍‌ତାନ୍‌ନା।

ଜହନ୍‌ 14:6

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ହାଜି। ଆନେଙ୍ଗ୍ ସତ୍। ଆରେ ଆନେଙ୍ଗ୍ ଜିବୁନ୍। ଆବା ଈଶ୍ୱରତାକେ ହାଞ୍ଜେଙ୍ଗ୍ ଆନେଙ୍ଗ୍ ନେ ରୱାଙ୍ଗ୍ ହାଜି।

ଜହନ୍‌ 18:37

ପିଲାତ ୱେଚ୍‌ଚାନ୍, “ଲାଗିଙ୍ଗ୍ ଏନେଙ୍ଗ୍ ରକାଇ ରାଜା।” ଯୀଶୁ ୱେଚ୍‌ଚାନ୍, “ଏନେଙ୍ଗ୍ ନାଙ୍ଗେଙ୍ଗ୍ ରାଜା ଇଞ୍ଜି ୱେଚ୍‌ଚାନାୟା। ଇଦାଙ୍ଗ୍ ସତ୍। ଆନେଙ୍ଗ୍ ଇଦାଙ୍ଗ୍ କାଜିଙ୍ଗ୍ ଜନମ୍ ଆତାଙ୍ଗ୍‌ନା। ମାନାୟାରିଙ୍ଗ୍ ସତ୍ ବିଷୟରେ ପୁନିକିଦେଙ୍ଗ୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଜଗତ୍‌ତାକେ ୱାତାଙ୍ଗ୍‌ନା। ସତ୍‌ତିଙ୍ଗ୍ ଲାଡ୍ କିନାକାର୍ ୱିଜୁ ମାନାୟ୍ ନା କାତା ୱେନାର୍।”

ଜହନ୍‌ 6:69

ଆପେଙ୍ଗ୍ ନିବେ ପାର୍ତି କିଜି ପୁନାପା, ଏନେଙ୍ଗ୍‍ନେ ଈଶ୍ୱରତାଙ୍ଗ୍ ୱାଜିମାଚି ପବିତ୍ର ମାନାୟ୍।”

ପକ୍ୟାତାକା 14:15

“ଏ ଆଜ୍ଞା କାଦେର୍, ଇନା କିଦେଙ୍ଗ୍ ଇୱିଜୁ କିନାଦେରା? ଆପେଙ୍ଗ୍ ପା ମି ଲେକେ ଦୁକ୍‌ସୁକ୍‌ ପାୟାଆନି ମାନାୟ୍। ଇନେସ୍‌କି ଏପେଙ୍ଗ୍ ଇ ମୁର୍ତି ପୁଜା କିନାକା ପିସ୍ତି ଜିବୁନ୍ ମାନି ଈଶ୍ୱରତାକେ ୱାନାଦେର୍, ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ମି ଲାଗାୟ୍ ଇ ହାର୍ଦିକାବୁର୍ ଶୁଣାୟ୍ କିଦ୍‌ନାପା। ହେ ଈଶ୍ୱର ବାଦାଡ଼୍, ପୁର୍ତି, ହାମ୍‌ଦୁର୍ ଆରେ ହେବେ ମାନି ୱିଜୁ ଜିନିଷ୍‌ତିଙ୍ଗ୍ ରସ୍ତାନ୍‌ନା।

ରୋମିୟ 3:2

ଆଁ, ଯିହୁଦି ମାନାୟ୍ ଆନାକା ବେସି ଲାବ୍ ମାନାତ୍। ଇନେସ୍‌କି ଈଶ୍ୱର ହିତ୍‌ତି ଦରମ୍ ସାସ୍ତର୍ ହେୱାର୍‌ତାକେ ମାନାତ୍, ହେଦାଙ୍ଗ୍‌ନେ ହେୱାର୍ କାଜିଙ୍ଗ୍ ବେସି ଗାଜା ଲାବ୍।

ରୋମିୟ 9:26

“ଆରେ ପା ହେ ସାସ୍ତର୍‌ତାକେ ଇଲେକେ ଲେକାଆତାତ୍‌ନା, ଦିନେକ୍ ଆନେଙ୍ଗ୍ ହେୱାରିଙ୍ଗ୍ ୱେଚ୍‌ଚି ମାଚାଙ୍ଗ୍, ‘ଏପେଙ୍ଗ୍ ନାଲକ୍ ଆକାୟ୍।’ ମାତର୍ ନଙ୍ଗୟ୍ ହେୱାରିଙ୍ଗ୍ ୱେଚ୍‌ନାନ୍, ‘ଏପେଙ୍ଗ୍ ନଙ୍ଗୟ୍ ଜିବୁନ୍ ମାନି ଈଶ୍ୱରନି ହିମ୍‌ଣା କାଦେର୍।’ ”

୧ କରନ୍ତିୟ 10:32

ଆନେଙ୍ଗ୍ ଇମ୍‌ଣାକା ୱିଜୁକିନାଙ୍ଗା ୱିଜାକାର୍ ସାର୍‌ଦା ଆନିଲେକେ କିନାଙ୍ଗା। ଆନେଙ୍ଗ୍ ନା ଜାର୍ ହାର୍ କାଜିଙ୍ଗ୍ ଚିନ୍ତା କିଉଙ୍ଗା ମାତର୍ ୱିଜାର୍ କାଜିଙ୍ଗ୍, ଲାଗିଙ୍ଗ୍ ହେୱାର୍ ଉଦାର୍ ପାୟାଆନାର୍‌। ହେଲେକେ ଏପେଙ୍ଗ୍ ପା ଯିହୁଦି ଜାତିନିକାଙ୍ଗ୍ କି ବିନ୍‌ଜାତିନିକାରିଙ୍ଗ୍ କି ଈଶ୍ୱରନି ମଣ୍ଡ୍‌ଲିନି ମାନାୟାର୍ ଆୟେର୍ ପାପ୍ କାମାୟ୍ କିଦେଙ୍ଗ୍ ସାସ୍ ହିମାଟ୍।

୧ କରନ୍ତିୟ 3:16

ଏପେଙ୍ଗ୍ ପୁଚାଦେର୍‌ନା ଯେ, ଏପେଙ୍ଗ୍ ଈଶ୍ୱର ମାନି ମନ୍ଦିର୍‌, ଆରେ ପବିତ୍ର ଆତ୍ମା ମି ବିତ୍ରେ ମାନାତା।

୨ କରନ୍ତିୟ 3:3

ଆରେ କିଲେର୍ ବାବ୍‌ରେ ପୁନ୍ୟା ଆନାତା ଯେ, ମା କାମାୟ୍ କାଜିଙ୍ଗ୍ ଏପେଙ୍ଗ୍ ଖ୍ରୀଷ୍ଟ ଲେକିକିତି ଚିଟି ଲେକେ ଆତାଦେର୍‌ନା। ହେଦାଙ୍ଗ୍ ସିରା କି କାଲ୍‌ଜପି ଲେକାଆୱାତାତ୍‌ନା, ମାତର୍ ଜିବୁନ୍ ମାନି ଈଶ୍ୱରତି ପବିତ୍ର ଆତ୍ମା ହୁଦାଙ୍ଗ୍ ମାନାୟାର୍ ଗରବ୍‌ତାକେ ଲେକାଆତାତ୍‌ନା।

୨ କରନ୍ତିୟ 6:16

ହେଲେକେ ଈଶ୍ୱର ମନ୍ଦିର୍‌ତାକେ ମୁର୍ତିତିଙ୍ଗ୍ ଇଟ୍‌ୟା ଆଉତ୍, ଇନେସ୍‌କି ହେଦାଙ୍ଗ୍ ଟିକ୍ ଆକାୟ୍। ଈଶ୍ୱର ୱେଚ୍‌ଚାନ୍ ଆସେଙ୍ଗ୍ ଜିବୁନ୍ ମାନି ଈଶ୍ୱର ମନ୍ଦିର୍‌, “ଆନେଙ୍ଗ୍ ଇ ମାନାୟାର୍ ହୁଦାଙ୍ଗ୍ ମାହାଆଜି ମାନାଙ୍ଗ୍। ଆନେଙ୍ଗ୍ ହେୱାର୍ ଈଶ୍ୱର ଆନାଙ୍ଗ୍ ଆରେ ହେୱାର୍ ନାଲକ୍ ଆଦ୍‌ନାର୍।

୨ କରନ୍ତିୟ 6:7

ଆପେଙ୍ଗ୍ ଈଶ୍ୱର ଶାକ୍ତିତାଙ୍ଗ୍ ସତ୍ ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିତାପ୍। ଆରେ ର ସେନା ଯୁଜ୍‌ତାକେ ଅସ୍ତର୍ ସସ୍ତର୍ ବ୍ୟବହାର୍ କିନାନ୍, ହେଲେକେ ଆପେଙ୍ଗ୍ ଦରମ୍‌ଆଜି ଜିବୁନ୍ କାଟିକିଜି ମା ବିରଦ୍‌ନି ମାନାୟାରିଙ୍ଗ୍ ଆରାୟ୍ କିତାପ୍।

ଗାଲାତିୟ 2:9

ଈଶ୍ୱର ନାଙ୍ଗେଙ୍ଗ୍ ହିଜି ମାନ୍‌ଞ୍ଚି ବର୍‌ଦାନ୍ ବିଷୟରେ ଏଚେପାଦ୍ନା ହେୱାର୍ ବୁଜାଆତାର୍। ଲାଗିଙ୍ଗ୍ ମଣ୍ଡ୍‌ଲିତାକେ ର କମ୍‌ମୁଣ୍ଡା ଲେକେ ମାନି ଯାକୁବ, ପିତର ଇନେରିଙ୍ଗ୍ କେପା ଇଞ୍ଜି ଇନାର୍ ଆରେ ଯୋହନ, ନାଙ୍ଗେଙ୍ଗ୍ ଆରେ ବର୍ଣ୍ଣବାଙ୍ଗ୍ କେଇ ମାହାଇ କିଜି ରାଜି ଆତାର୍। ଆରେ ହେୱାର୍ ମାଙ୍ଗେଙ୍ଗ୍ ବିନ୍‌ଜାତିନି ମାନାୟାର୍‌ତାକେ ଶୁଣାୟ୍ କିଦେଙ୍ଗ୍ ସାହାସ୍ କିତ୍‌ତାର୍, ଆରେ ହେୱାର୍ ଯିହୁଦି ଜାତିନି ମାନାୟାର୍ ଲାଗାୟ୍ ଶୁଣାୟ୍ କିଦେଙ୍ଗ୍ ଲାଗାତାର୍।

ଗାଲାତିୟ 3:1

ଗାଲାତିୟ ସହର୍‌ତାକେ ମାନି ପାର୍ତିକିନି ମାନାୟ୍ କାଦେର୍ ଏପେଙ୍ଗ୍ ବକୁୱା କାଦେର୍ କି? ଯୀଶୁ ଖ୍ରୀଷ୍ଟ ଇନାକିଦେଙ୍ଗ୍ କୃଶକାଟ୍‌ତାକେ ହାଃଜି ମାଚାନ୍ ହେଦାଙ୍ଗ୍ ମିଙ୍ଗେଙ୍ଗ୍ କିଲେର୍ କିଜି ବୁଜାଇକିଜି ମାନ୍‌ଞ୍ଚାଙ୍ଗ୍। ଲାଗିଙ୍ଗ୍ ଇନେର୍ କାତା ଆସ୍ତି ଏପେଙ୍ଗ୍ ବୁଲ୍‌କା ଆତାଦେର୍‌ନା?

ଏପିସିୟ 4:21

ଲାଗିଙ୍ଗ୍ ଆନେଙ୍ଗ୍ ପାର୍ତି କିନାଙ୍ଗା ଯେ ଏପେଙ୍ଗ୍ ଯୀଶୁ ଖ୍ରୀଷ୍ଟ ବିଷୟରେ ହିକାଆନିହିଙ୍ଗ୍, ଏପେଙ୍ଗ୍ ହେୱାନ୍‌ତାଙ୍ଗ୍ ସତ୍ ହିକ୍ଷା ହିକା ଆତାଦେର୍‌ନା।

କଲସିୟ 1:5

ମି କାଜିଙ୍ଗ୍ ଈଶ୍ୱର ସରଗ୍‌ତାକେ ଇଡ଼୍‌ଜି ମାଚି ପୁରଷ୍କାର୍‌ତାକେ ଆହା ଇଡ଼୍‌ଜି ମାଚି କାଜିଙ୍ଗ୍ ଏପେଙ୍ଗ୍ ଇ ଲେକେ ପାର୍ତି ଆରେ ଲାଡ୍ କିନାଦେରା। ଏଚେପାଦ୍ନା ମାନାୟାର୍ ମିଙ୍ଗେଙ୍ଗ୍ ପାର୍ତୁମ୍ ଈଶ୍ୱରତି ସତ୍ କାତା ଯୀଶୁ ଖ୍ରୀଷ୍ଟ ବିଷୟନି ହାର୍ଦିକାବୁର୍ ୱେଚ୍‌ଚି ମାଚାର୍, ହେପାଦ୍ନା ଏପେଙ୍ଗ୍ ଇ ବିଷୟରେ ୱେଚାଦେର୍‌ନା।

୧ ଥେସଲନୀକିୟ 1:9

ମାନାୟାର୍ ନିଜେ ମା ବିଷୟରେ ଇଞ୍ଜ୍‌ନାରା ଯେ, ଏଚେପାଦ୍ନା ଆପେଙ୍ଗ୍ ମିତାକେ ୱାତାପ୍ ହେପାଦ୍ନା ଇନାକା ଗଟାଆଜି ମାଚାତ୍। ଆରେ ଏପେଙ୍ଗ୍ ମୁର୍ତି ପୁଜା କିନାକା ପିସ୍ତି, ସତ୍ ଆରେ ଯିବୁନ୍ ମାନି ଈଶ୍ୱରତିଙ୍ଗ୍ ପୁଜା କିତାଦେର୍,

୧ ତିମତି 3:14

ଆନେଙ୍ଗ୍ ନି ଲାଗାୟ୍ ବେଗି ୱାନାଙ୍ଗ୍ ଇଞ୍ଜି ଆହା କିନାଙ୍ଗା।

୧ ତିମତି 3:16

ଈଶ୍ୱର ମାଙ୍ଗେଙ୍ଗ୍ ଇନାକା ୱେଚ୍‌ଚାତାନ୍‌ନା ହେଦାଙ୍ଗ୍ ପୁରାପୁରି ସତ୍, ଇଦାଙ୍ଗ୍ ଇନେର୍ ପା ବୁଲ୍ ଇଞ୍ଜି ୱେଚ୍‌ଚେଙ୍ଗ୍ ଆଡୁର୍। ଖ୍ରୀଷ୍ଟ ମାନାୟ୍ ରୁପ୍ ଆଜି ୱାତାନ୍, ହେୱାନ୍ ଈଶ୍ୱର ମେହି ଇଞ୍ଜି ଈଶ୍ୱର ଆତ୍ମା ପୁନି କିତାତ୍। ଦୁତ୍‌କୁ ହେୱାନିଙ୍ଗ୍ ହୁଡ଼୍‌ତିକ୍, ଈଶ୍ୱର ହେୱାନିଙ୍ଗ୍ ସରଗ୍‌ଜପି ଅତାନ୍, ଚେଲାହିର୍ ତା ବିଷୟରେ ୱିଜୁଜାତି ନିପଣ୍ ଶୁଣାୟ୍ କିତାର୍। ଆରେ ପୁର୍ତିନି ମାନାୟାର୍ ପାର୍ତି କିତାର୍।

୧ ତିମତି 3:2

ହେଦାଙ୍ଗ୍ କାଜିଙ୍ଗ୍ ବିଶପ୍‌ ଲାଗାୟ୍ ଇ ଗୁଣ୍ ୱିଜୁ ମାନି ଦର୍‌କାର୍, ମାନାୟ୍ ହେୱାନିଙ୍ଗ୍ ନିନ୍ଦା କିତିଲେକେ ଜିବୁନ୍ କାଟି କିନାକା ମାନ୍‌ଗାନାକା ମାନାତ୍। ହେୱାନ୍ ରଞ୍ଜାଙ୍ଗ୍ ନେ ଡକ୍ରି କିଜି ମାନି ଦର୍‌କାର୍, ୱିଜୁ ପରିସ୍ତିତିତାକେ ପା ହେୱାନ୍ ଶାନ୍ତିଆଜି କାମାୟ୍ କିଦେଙ୍ଗ୍ ଆଡ୍‌ନାକା ମାନାତ୍, କଣ୍ଟ୍ରୁଲ୍ କିଦେଙ୍ଗ୍ ଆଡ୍‌ନାକା ମାନାତ୍। ମାନାୟାର୍‌ତାଙ୍ଗ୍ ସନ୍‌ମାନ୍ ପାୟା ଆଦେଙ୍ଗ୍ ଜଗ୍ଯ ମାନାକା ମାନାତ୍। ହେୱାନ୍ ଗତାଙ୍ଗ୍ ମାନି କିନିଲେକେ ଆନାକା ମାନାତ୍ ଆରେ ଈଶ୍ୱରନି ହିକ୍ଷାତିଙ୍ଗ୍ ହିକାଇ କିଦେଙ୍ଗ୍ ଆଡ୍‌ନାକା ମାନାତ୍।

୧ ତିମତି 3:5

ଇନେର୍ ଯଦି ଜାର୍ ପରିବାର୍‌ତିଙ୍ଗ୍ ଟିକ୍‌କିଜି ଦାଇତ୍‌ପ ଅଦେଙ୍ଗ୍ ଆଡୁନ୍, ଲାଗିଙ୍ଗ୍ ହେୱାନ୍ ଇନେସ୍ କିଜି ଈଶ୍ୱର ମଣ୍ଡ୍‌ଲିତିଙ୍ଗ୍ ଦାଇତ୍‌ପ ଅଦେଙ୍ଗ୍ ଆଡ୍‌ନାନ୍?

୧ ତିମତି 4:10

ଇ ଜିବୁନ୍ ପାୟା ଆଦେଙ୍ଗ୍ ଆପେଙ୍ଗ୍ ହାଃଜିରିଜି କାମାୟ୍ କିନାପା, ଇନେସ୍‌କି ଆପେଙ୍ଗ୍ ଜିବୁନ୍ ମାନି ଈଶ୍ୱରତାକେ ଆହା କିନାପା। ଇମ୍‌ଣାକାନ୍ ହେୱାନ୍‌ତାକେ ପାର୍ତିକିନାନ୍ ହେୱାନ୍ ୱିଜାକାର୍ କାଜିଙ୍ଗ୍ ଉଦାର୍ କିଦ୍‌ନାକାନ୍।

୧ ତିମତି 6:16

ହେୱାନ୍ ରକାନ୍ ଇନାୱେଡ଼ାଙ୍ଗ୍ ପା ହାଃଉନ୍, ଆରେ ହେୱାନ୍ ବେସି ଅଜଡ଼୍‌ତାକେ ମାନାନ୍ ଆରେ ତା ଲାଗାୟ୍ ଇନେର୍ ପା ହାଞ୍ଜେଙ୍ଗ୍ ଆଡୁର୍। ହେୱାନିଙ୍ଗ୍ ଇନେର୍ ପା ହୁଡ଼୍‌ୱାତାର୍‌ନା କି ହୁଡ଼୍‌ଦେଙ୍ଗ୍ ଆଡୁର୍, ମାନାୟାର୍ ହେୱାନିଙ୍ଗ୍ ସନ୍‌ମାନ୍ ହିନାର୍, ଆରେ ହେୱାନ୍ ୱିଜୁଦିନ୍ ଶାକ୍ତି ମାନ୍‌ଗାନାନ୍।

୨ ତିମଥି 2:19

ପାଉଣ୍ଡେସେନ୍ ଇନେସ୍ ପୁରା ଆଟ୍‌ୱା ଆଜି ମାନ୍‌ଗାନାତ୍ ହେଲେକେ ଈଶ୍ୱର ମାନାୟାର୍ ମାନ୍‌ଗାନାର୍। ଇ ପାଉଣ୍ଡେସେନ୍ ଜପି ଇଦାଙ୍ଗ୍ ଲେକାଆତାତ୍‌ନା, “ମାପୃ ତା ଜାର୍ ମାନାୟାରିଙ୍ଗ୍ ପୁଚାନ୍‌ନା।” ଆରେ, “ଇନେର୍ ମାପୃ ତର୍‍ଦାଙ୍ଗ୍ ହେବା କିନାନ୍, ହେୱାନ୍ କରାପ୍ କାମାୟ୍ କିନାକା ପିହେନ୍।”

୨ ତିମଥି 2:20

ର ଗାଜା ଇଞ୍ଜ ଆପ୍‌କା ହନା ଆରେ ରୁପା ଟାଙ୍ଗା ମାନ୍‌ଗାନାତ୍, ହେଦାଙ୍ଗ୍ ଆକାୟ୍, ମାତର୍ ମାର୍ ଆରେ ଚିକ୍‌ଲାନି ଟାଙ୍ଗା ପା ମାନ୍‌ଗାନାତ୍। କେତେକ୍ ବେସି ଦାମ୍‌ନି ଜିନିଷ୍ ହାର୍ଦି ନାଞ୍ଜିଙ୍ଗ୍ ବ୍ଯବହାର୍ କିୟାଆନାତ୍ ଆରେ କେତେକ୍ ସାସ୍ତା ଜିନିଷ୍ ୱିଜୁଦିନ୍ ପା ବ୍ଯବହାର୍ କିୟାଆନାତ୍।

ଏବ୍ରି 10:21

ଆରେ ମା କାଜିଙ୍ଗ୍ ରକାନ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ମାନାନ୍, ହେୱାନ୍ ଈଶ୍ୱର ମାନାୟାର୍ ଜପି ସାସନ୍ କିନାନ୍।

ଏବ୍ରି 12:22

ମାତର୍ ଏପେଙ୍ଗ୍ ସିୟୋନ ମାଡ଼ି ଆରେ ସରଗ୍‌ତାକେ ମାନି ଯିରୁଶାଲାମ ସହର୍‌ତାକେ ୱାତାଦେର୍‌ନା। ହେଦାଙ୍ଗ୍ ଜିବୁନ୍ ମାନି ଈଶ୍ୱର ସହର୍ ଆରେ ହେବେ ହାଜାର୍-ହାଜାର୍ ଦୁତ୍‌କୁ ୱାରିନି ପାର୍ବୁ ମାନିକିନିକ୍।

ଏବ୍ରି 3:12

ଲାଗିଙ୍ଗ୍ ଏ ପାର୍ତିକିନି ଟଣ୍ଡାର୍‌କାଦେର୍, ଜାଗ୍ରତ୍ ଆଜି ମାନାଟ୍, ମି ଗରବ୍ ଜିବୁନ୍ ମାନି ଈଶ୍ୱରତିଙ୍ଗ୍ ଆହ୍‌ୱାଦାଙ୍ଗ୍, କରାପ୍ ଆରେ ପାର୍ତିକିୱି ମାନାୟ୍ ଲେକେ ଆମେତ୍।

ଏବ୍ରି 9:14

ମାତର୍ ଏପେଙ୍ଗ୍ ଇଦାଙ୍ଗ୍ ବାବି କିୟାଟ୍ ଯେ ହାଃନି ହାଜ୍‌ଦିଙ୍ଗ୍ ଅଦ୍‌ନି କାମାୟ୍‌ତାଙ୍ଗ୍ ଖ୍ରୀଷ୍ଟ ନେତେର୍ ଆଦିକ୍ କିଜି ମା ଗରବ୍‌ତିଙ୍ଗ୍ ଶୁଚି କିଦ୍‌ନାତ୍, ଆରେ ଆସେଙ୍ଗ୍ ଜିବୁନ୍ ମାନି ଈଶ୍ୱରତିଙ୍ଗ୍ ହେବା କିଦେଙ୍ଗ୍ ଆଡ୍‌ନାସ୍। ଇନେସ୍‌କି ୱିଜ୍‌ୱି ଆତ୍ମାନି ଶାକ୍ତିତାଙ୍ଗ୍, ମା ପାପ୍ କାଜିଙ୍ଗ୍ ଖ୍ରୀଷ୍ଟ ତା ଜାର୍ ଜିବୁନ୍‌ତିଙ୍ଗ୍ ଈଶ୍ୱର ଲାଗାୟ୍ ର ପୁରାପୁରି ଟିକ୍ ବଲିପୁଜା କିତାନ୍‌ନା।

୧ ପିତର 4:17

ଇନେସ୍‌କି ଖ୍ରୀଷ୍ଟ ବିଚାର୍‌କିନି ଦିନ୍ ଲାଗେ ୱାତାତେ, ଆରେ ହେୱାନ୍ ଖ୍ରୀଷ୍ଟାନାରିଙ୍ଗ୍ ଆଗେ ବିଚାର୍ କିନାନ୍। ଲାଗିଙ୍ଗ୍ ଏପେଙ୍ଗ୍ ବାବି କିୟାଟ୍ ଈଶ୍ୱର ହାର୍ଦିକାବୁର୍‌ତିଙ୍ଗ୍ ପାର୍ତି କିୱାତାକାରିଙ୍ଗ୍ କେତେକ୍ ଦଣ୍ଡ୍ ହିଉନ୍।